|
لو بتحب بلدك ... ادخل
السلام عليكم و رحمة الله و بركاته
مبدأيا ليسمح لى زملائى فى مجموعة شباب المستقبل من أجل التغيير أن تكون تلك الكلمات نقطة بداية لتفعيل المجموعة ممكن تستحملونى دقايق من فضلكم مش عشان سواد عيونى لا عشان بلدنا حالنا طبعا مفيش واحد فينا مش عارفه و حقنا مفيش حد عنده خلاف على انه متاخد و كل ما نمشى فى الشارع تسمع الناس بتقول حرام كفاية دول واكلين حقوقنا ده خربوا بيوتنا بعيدا عن مين دول ...... احنا " هتسالنى انتم مين " " هقولك احنا شباب من أجل التغيير " بعيدا عن مين اللى واكل حقنا و هو واكله و لا احنا اللى مفرطين فيه و مين الغلطان بعيد تماما عن كل ده .... بصراحة كدة لو ميلت على ودن اى واحد من اللى بيقول حقنا ضايع و سألته " حقك ده يطلع ايه يا ابويا ؟ " هيقولك " حقوقنا التعليم و الاسعار ما هم خاربينها و قناة السويس و السياحة " تسأله تانى " التعليم مش عاجبك فى ايه ؟ " هنا بقى مش هيعرف يرد تساله تالت " الاسعار اللى غالية غليت ليه ؟ " برده مش هيرد او هيقولك " عشان اللى فوق ياكلوا " هما اللى فوق دول تجار جملة ؟؟!!! تساله رابع " قناة السويس شغالة ازاى ؟؟ بتجيب قد ايه فى اليوم ؟ " مش هيرد برده تساله خامس " السياحة بتعمل ايه للبلد و السنة دى هل نسبة السياح قلت و لا زادت ؟ " برده مش هيرد تساله سادس " تعرف الدستور بتاعنا ؟ " بقولك " اه مش بتاع ابراهيم عيسى " تقوله " ياعم لا الله يهديك دستور مصر " يقولك " لا يا بنى انا معرفوش " تقوله " طب قانون الطوارئ يا حاج بيقول ايه و لا بينص على ايه ؟ " يقولك " مش عارف " لا بقى يبقى لا مؤاخذة تستاهل يتعمل فيك كدة و اكتر من كدة دا انت مش عارف حقك ايه و فين .. انت بتطالب بحقك على انهى اساس إذا كان معاليك ما تعرفش حاجة عن حقك هتقول انه متاكل يا جماعة القصد و غايته علشان مصدعكوش قبل ما نطلب حقنا لازم نعرفه لازم نعرف احنا لينا ايه و علينا ايه و نبطل بقى نغمة المعارضة الجاهلة " هتقولولى انت جاسوس و خاين و عميل " هقولكم انا ليبرالى او يسارى يعنى بالعربى معارض لكن معارض لسياسة و معارض لمسميات و ليس لاسماء هتقولولى " ازاى يا فيلسوف " هقولكم انا مش فيلسوف انا مثلا معارض بعض من سياسة الحزب الحاكم " و ليس الوطنى " هتقولولى ايه الفرق هقولكم فرق كبييييييييييييييييييير جدا هنشرحه بعدين بس انا مش معارض للحزب الحاكم و معترض على بعض التصرفات و القرارات الصادرة من السيد رئيس الجمهورية بصفته و ليس شخصه و لست معارض للانسان " محمد حسنى مبارك " بمعنى أن القرارات الصحيحة من القيادة السياسية رئيسا و حكومة انا اوافق عليها و ادعمهم فيها و القرار الذى افتقد للصواب اعترض عليه و ليس على من أصدره هذه هى الليبرالية كما تعلمتها من الليبراليين العالمين و كما قرأتها فى كتب التاريخ أما ما يحدث فى الشارع من فوضى و كلمات تتناثر و نحن أصلا نجهل حقوقنا فإننا بذلك نحن الظالمين و ليس أحد آخر لتلك الكلمات بقية كى نعرض للشعب القضية فلا يكون الشعب حرا إلا بعدما أن يفهم الحرية |
انا مش عارفه حضرتك احنا ممكن نعرف ازاى
و انا شايفه كمان ان شخص الريس برده غلطان يعنى هو نفسه مينفعش يبقى حاكم بس هو مستمر و طبيعى بقى بعد كده كل حاجه كله كله راجع للراس الكبيره اما بقى الاسئله فمش كل الناس مش عارفاها لا فيه ناس كتير قوى عارفاها بس بعد كده عرفو ياخدو حاجه لا يعنى مش فارقه اللى عارفمن اللى جاهل فى البلد دى و هو ده قمه الديكتاتوره |
اقتباس:
اقتباس:
موضوع جميييل و فيه حاجات كتييييير جدا اهمها كفاية بأى مصر وحشة..كفاية بأى مش عارفين نعيش..كفاية بأى احنا مظلومين..كفاية بأى الناس ساكتة كفااااااية كفاية كلام..مش عاجبك حاجة غيرها او حاول تغيرها..كفاية نقد مش ليه لازمة تانى حاجة لما تبأى مش عارف ابسط حقوقك..متزعمش ان هى مسلوبة منك و متزعمش ان حد ظلمك لان كدا انت اللى ظلمت نفسك ...و للكلام بقية و البداية دى مشجعة جدا ... اقتباس:
|
اقتباس:
|
اقتباس:
جميل جدا كلامك و انا يعنى مش عارف اقول ايه جبت المفيد ان شاء الله تكون بداية قوية و تستمر بقوة |
كلامك جميل يا بندق و مية مية ..
و احنا فإدينا نغير حاجات كتير و المستقبل فادينا ان شاء الله .. |
اقتباس:
|
مش عارفه انا حاسه ان الشعب مظلوم بجد هم هيعملو ايه ولا ايه يعنى بجد الناس محدش عارف حاجه وده اللى عرف يعمله الحكام خلونا مسلوبى الاراده الحريه اى معلم من معالم الانسانيه .... العيب مش ع الشعب احنا مغيبين ..
ولعلمك فى ناس فاهمه حقوقها وواجبتها بس محدش عارف ياخد لا حق ولا باطل ليا عوده تانيه باذن الله بس عاوزه اقوم اخلص الكميا ورايا امتحان بكره :d |
اقتباس:
الحقيقة انا نقطتى واضحة و مش معترض ان الشعب مظلوم و لكن الاول يعرف حقوقه دى الخطوة الأولى بعد كدة نطالب بحقنا و الناس اللى فاهمة دول شوية صغيرين لازم يكتروا شوية و بعد كدة ساعتها اللى فاهمين هيكونوا كتير يقدرو يعملوا حاجة مع بعض |
مدام عم الحج مش عارف يجاوب ع الاسئله دي يبقي احنا المفروض اللي نعرف احنا امل البلد دي مش مجرد شعارات لازم نعمل حاجه وان شاء الله البدايه هتكون من هنا ربنا معانا |
قبل ما نطلب حقنا لازم نعرفه لازم نعرف احنا
لينا ايه و علينا ايه " صدقت هذا هو لب الموضوع وأساس القضية " وبه العلاج كله لو كل منا حكام ومحكومين عرف ماعليه وقام به ستجد كل منا أخذ ماله تحياتى لفكرك |
اقتباس:
عشان نعرف نطلبه و البداية هتكون مننا و بينا و من هنا |
اقتباس:
أشكر لك ردك و أتمنى لك و لنا التوفيق |
اقتباس:
يا رب نعمل حاجه بجد انا نفسي اعمل حاجه للبلد دي نفسي اوفي حقها عليه البلد دي مفيش ذيها بس محتجه اللي ينورها ولو بشمعه واحنا ان شاء الله هنكون نبراس النور ليها |
اقتباس:
ان شاء الله بإذن الله ربنا يقدرنا نعمل حاجة صح لبلدنا ميرسى اوى ليكى يا وفاء |
اولا احييك علي هذا الوضوع الرائع
و فعلا كل الحقوق رايحة في الضياع و بجد لازم نغير حتي و لو جزء بسيط شكرا علي موضوعك و انا معاكوا باذن الله |
ما المشكلة ان الفساد متفشي بطريقة رهيبة في البلد بس الحكومة بسياستها الخبيثة بتلهي الناس بكذا حاجة زي الاسعار و المواصلات و العيش ده الواحد لما يجيب العيش من الفرن بيحث انه مش عايز حاجة تانية :: بعد كل الليلة ديه و اكتر الواحد مبيفكرش في الكلام ده الدستور , ألخ ::: :::
الحكومة سياستها جوع الشعب و عربد في البلد و محدش هيسألك عن حاجة :: علشان كيده لازم يبقي في وعي عند الشباب و دلوقتي في وعي بصراحة كبير زي حركة 6 ابريل :: انا عايز اقول حاجة احنا غلطانين :: الظواهري كفر الشعب المصري :: هو طبعا ملوش حق يكفر حد بس هو قال ان الشعب ده ساكت علي الظلم ده كله يبقي كافر :: يعني بجد لازم نعمل حاجة و يبقي فه تحرك و جزاك الله خيراا علي موضوعك |
طب ممكن سؤال ناويين تعملوا ايه او تقدرو تعملو ايه ؟؟ !! :d
لاحظوا ان احنا مش عارفين نحسن المنتدى هنعرف نحسن البلد لو فى اقتراحات واضحه قولوها |
جزاك الله خيرا
بالفعل علينا فى البدايه ان نعرف ما لنا بدايه موفقه ان شاء الله ومجهود رائع وفى انتظار بقيه الموضوع فى امان الله |
انا والله يا جماعه ناوى اخلع من هنا واشتغل واعيش بره
اللى هيقعد فى البلددى لازم يبقى معاه فلوس ابقوا حلو المشاكلدى بقى على ما اارجع |
مظبوط كل كلامك يابندق
احنا مش هنكون معارضين وخلاص زي كل الناس احنا طالبين التغيير ولازم نكون فاهمين احنا بنعمل ايه وايه الفرق بين ده وده ولازم نعرف اننا لينا حقوق وبرده علينا واجبات ومتابعينك يابندق بجد انت راجل بتعجبني لانك فاهم الي الامام دائما ــــــــــــــــــــــــــــــــــــــــــــــــــ ــــــــــ بواسطة (biob) انا والله يا جماعه ناوى اخلع من هنا واشتغل واعيش بره اللى هيقعد فى البلددى لازم يبقى معاه فلوس ابقوا حلو المشاكلدى بقى على ما اارجع تعرف اني برده ان شاء الله هسافر بره يعني احنا الاثنين بنفكر في السفر بس في فرق انت بتتهرب وعايز المشاكل بتاع البلد تتحل علي الجاهز ودي المشكله اننا كلنا بنعتمد علي بعضنا يعني مفيش حاجه في الحاله دي هتتحل بس انا لو سفرت عمري ماهنسا بلدي ولا مشاكل بلدي |||||||||||||||||||||||||||||||||||||||||||||||||| |||| دي بقي حاجه كده مش عارف بتاع مين بص في واحد صاحبي قالي انه كاتبها ،،،،،،،،،،،،،،،،،،،،،،،،،،،،،،،،،، عم الحج قاعد حزين وبيحلف ميت يمين لاغير السنين وأخلي ولادي في الهنا عايشين ويرد عليه سيدنا الافندي ياعم الحج بتقول لمين وبتحلف يامين هما اللي قدامك سامعين ويرد عليه عم الحج والدمعه ماليه العين ولادنا في البلاد ساعيين بيدورا علي لقمة العيش ومش لاقيين قوتنا واكلينه الظالمين هي ثوره واحده ويصحوا النايمين ونطالب بحقوقنا ونقول عايزين وبالوضع ده محناش راضيين لحد ايمته يامصريين هتفضلوا ساكتين لحد مايحصلكم زي العراق وفلسطين ليست بقلمي |
بصراحه الموضوع حلو اوى
واكيد كل واحد فينا مش مفرط فى حقه بس كله خايف الحكومه بتتلاعب بالدستور وحقوق الناس وعامله لكل واحد فى قلب بيته ارهاب |
فكره التغير فى حد ذاتها
فكره جميله جداااااااااااااا فى حاجه كمان من السهل اننا نعرف حقوقنا وواجبتنا اتجاه بلدنا بس من الصعب اننا نحصل على حقوقنا البلد ده اديتنا حاجات كتير بس اخدت مننا حاجات اكترررر |
الحل بسيط وسهل جدا..........
المجتمع لايسير من اعلى لأسفل أبدا ولا يمكن تغييره بالنظر لأعلى المجتمع سينتظم إذا عرف كل فرد حقه إذا عرف من اين يبدأ إذا بدأ طريقه خطوة للأمام فلننظر لأنفسنا اليوم إننا مستهلكون اكثر منا انتاجيون أين التجارة ؟؟؟ هل تلك الخردوات والمستهلكات الادميه الخسيسة يعد استياردها وتصديرها بالتجارة؟ اين الصناعة؟؟؟ جواب واحد....رحمها الله اين الأفكار؟؟؟ جواب واحد.......في غيبوبة!!! اين الوعي القومي والوطني ؟؟؟ جواب واحد.........الله اعلم...... |
الموضوع جميل
دعوة للتغير وحب البلد مش كلام لكن المشكلة انك كل متحاول تتكلم مع حد يقولك هو انت يعنى الى هتغير البلد طب ليه نستسلم الواحد لازم يبدا بنفسه التغير من الداخل الاول طبعا كلنا نعرف القصة التى تخبرنا ان الله عز وجل عندما اراد ان يهلك قرية ارسل اليها الملائكة فقالوا يارب ان فيها عبدا صالحا يعبدك فقال الله عز وجل به فابدأوا وطبعا هذا لانه لم يحاول تغيير المنكر احنا بنطالب بس الثقافة والمعرفة لحقوقنا وحق بلدنا علينا انك تكون عارف كل شىء مش تنساق وراء اى تغير خارجى وخلاص وتقول اشمعنه انا هكون مختلف ربنا معانا |
اقتباس:
اللعبة فى ايدينا احنا اقتباس:
من الليبراليين للاخوان و كمان المتطرفين معنى كدة انهم كلهم على حق لازم نكون واعيين و مدركين ايه اللى بيحصل و هل ده دستورى و لا لا و اقتصاد البلد رايح فين و نعرف اللعبة بتتلعب ازاى عشان محدش يضحك علينا |
اقتباس:
و لكن الاهم / عدم اليأس اقتباس:
اقتباس:
مش اكتر و الله و ميرسى لمرورك و لو مش حابة تشاركينى بمقترحات تابعينا و هتعرفى هنعمل ايه اقتباس:
انضمامك لينا شئ يسعدنا و يشرفنا جدا |
والله لو الواحد استسلم للياس كان زمنا متنا من زمان عامه موضوع حلو يا بندق
وعامه انا هتابع عشان اعرف هتعملو ا ايه :d |
اقتباس:
بس هل لو رجعت و لاقيتها اتحلت هتكون مبسوط و مش هتكون زعلان انك ما شاركتش ؟؟ حتى بانك عرفت حقك فين يارب بس ما طبقوش قانون الغايب ملوش نايب |
اقتباس:
اما دى بقى فجميلة جدا جدا و معبرة جدا جدا |
اقتباس:
الحكومة بتتلاعب لأننا مش فاهمين ما هو لو واحد ميعرفش حاجة فى الكمبيوتر و جهازه عطل و راح لمهندس قاله ده خرب خلاص و بيعه ب3 جنية هيبيع .... و الجهاز أصلا شغال بس هو مش عارف عشان كدة المهندس ضربه على قفاه هى دى السياسة اقتباس:
و بعد كدة خليكوا بس معايا و هناخد حقوقنا |
اقتباس:
اقتباس:
الحمد لله ان فيه ناس زيكم لسه فيها الامل و الحب ناحية بلدها هيا فعلا بينا كلنا هتتغير |
الحملة اللى هنقوم بيها هى حملة على عدة مراحل
الحملة اسمها " مصر الواعية " الحملة دى أول مرحلة الأولى فيها " معنى الليبراية " و ثانى مرحلة " التوعية الدستورية " بشرح أهم مواد الدستور و ثالث مرحلة " التوعية القانونية " بشرح أهم مواد القانون التى تهمنا فى الحياة العادية و البقية تأتى ............. الافكار موجودة عندى بس هعرضها واحدة واحدة اللى يقدر يساعد فى التلات مراحل دول يقولى و اللى عنده توعية فى مجالات تانية يقولى برده على شات المجموعة او على الايميل الخاص بيا اللى موجود فى الملف الشخصى بتاعى |
اقتباس:
ياااا...بجد مش عارفة اقول اى ع الكلام دا...نفسى اعرف مين اللى كتبه...بجد جاب المختصر المفيد و رغم ان الجملة اللى بالاحمر دى بقولها بالى سنتين بس و انا بقراها انهاردة اثرت فيا كتير ...هو دا حالنا |
اقتباس:
تماااااام..و انا ان شاء الله موجودة فى التلاتة...مع انى مش عارفة هنعمل اى بالظبت فى تالت واحدة دى |
اقتباس:
|
تحيا الحكومه !!!! وربنا يخليلنا جدو حسني حبيب قلبي
|
بسم الله الرحمن الرحيم السلام عليكم ورحمه الله وبركاته مبدئيا يا جماعه التغيير هيبتدي بثلاث مراحل 1- نغير من نفسنا 2- نغير في مجتمعنا الصغير اللي هو منتدانا الجميل ده 3- هنبتدي نحول التغيير ده للي حوالينا بدايه باسرنا اولا :- تغيير نفسنا ودي حاجه مش هطول في الكلام فيها علشان احنا شبعنا كلام كل واحد عارف اللي ليه واللي عليه لربنا وللي حواليه وكل واحد عارف هو ماثر في ايه والمفروض يعمل ايه وميعملش ايه متفقين يبقي كده اوكي لو تخطينا المرحله دي ثانيا :-المنتدي بصراحه في حاجه مضايقاني ان في هوجه من المواضيع التافهه وسوري في التعبير بس هي ما تستحقش اكتر من كده وده بقي دور المشرفين لان المواضيع ما بنستفيدش منها اي حاجه غير تضييع الوقت عايز تزود مشاركاتك يبقي بحاجه مفيده لان كلامك هتتسال عليه وتتحاسب علي كل حرف فطلب من الاخوه المشرفين كل واحد يبحث في القسم الخاص بيه ويحذف المواضيع دي واحنا لحد ما المشرفين يعملوا كده احنا ما نشاركش في المواضيع دي ثالثا:- تغيير المجتمع من حوالينا عايزين بقي نبطل نغمه هو احنا هنغير الكون لو حتي هتغير شخص واحد يبقي اسمك غيرت والحد ده هيغير حد تاني وهكذا نحاول نطبق ده مبدئيا مع اسرتنا ادخل اسلوب الحوار في بيتنا نمي روح المشاركه وخليك ايجابي متبقاش مجرد حاجه في البيت تاكل وتشرب وتنام وتاخد فلوس وتروح دروس وبعدين ما تفلحش في الثانويه العامه:d انا بتكلم بجد والله خليك او خليكي فعاله اللي انا اتعلمه هنا في المنتدي مثلا من موضوعنا ده انقله للي حواليه وانتوا عارفين الناس بتاثر في بعضهم ازاي بدل ما ماما مثلا تقعد تكلم طنت ام الخير :dع الكنافه والبسبوسه :dوانا عملت وسويت تكلمها عن حقوقنا في البلد وازاي تدافع عنها بابا يقولك بطلي كلام في السياسه يا بنت:d اقعدي معاه وفهميه ان انتي مش بتتكلمي وخلاص وان انتم عايزين تعملوا حاجه لبلدكوا انا لسه ما خلصتش كلامي بس نا تعبت دلوقتي :d بس نحاول يا جماعه علي قد ما نقدر نكون ايجابين شويه معلشي طولت عليكم وسامحوني لو بتاخر شويه يلا كل سنه وانتم طيبيين |
اقتباس:
انا معاك وياريت نعمل حاجه بجد |
اقتباس:
كلامك جميل جدا حبيبتى وبرفعلك القبعه ياحبيبتى بس ياترى الكلام ده هيتنفذ امتى ولو اتنفذ هيستمر اد اييييييييييييييييه؟ سامحينى لو كلام قاصى شويه كل سنه وانتم طيبين رمضان كريم |
كلامك جميل جدا حبيبتى اولا ميرسي لذوقك وبرفعلك القبعه ياحبيبتى الله يخليكي بس مش لدرجه دي بس ياترى الكلام ده هيتنفذ امتى نبتدي في اقرب وقت ولو اتنفذ هيستمر اد اييييييييييييييييه؟ دي مهمتنا بقي ان احنا نداوم مش نبتدي سخنين وبعدين ننام:d سامحينى لو كلام قاصى شويه ابدا يا حبيبتي رايك علي عيني وراسي بس يا رب يكون قصدي وصلك كل سنه وانتم طيبين وانتي طيبه رمضان كريم الله اكرم |
اقتباس:
اقتباس:
و بينتقد فعلا بحلول و مقترحات الحكومة و الريس مش فى مركب لوحديهم احنا مسؤوليين اكتر منهم اقتباس:
و لازم انتى تكبرى خطك شوية عشان انا اتعميت |
الموضوع عاوز تفاعل اكتر من كدة
احنا مش هننام احنا ناوين نغير بجد اللى عنده فكرة يا جماعة يقولها سواء عضو او مش عضو فى المجموعة دى بلدنا كلنا و كلنا لازم نتحرك عشان ننقذها بلدنا بجد بتغرق و الامل فينا احنا و ايد لوحدها ما تصقفش انا عاوز كلنا نقف ايد واحدة و انا عارف ان فيه ناس كتير لسه بتحب بلدها |
ان الله لايغير ما بقوم حتى يغيروا ما بانفسهم
|
اقتباس:
ميرسى يا حمادة و المرحلة التانية من حملة مصر الواعية تمت و ان شاء الله قريب اوى المرحلة التالتة و الرابعة و الخامسة و بعدها الحملة التانية و مش هنسكت |
شكرا على الموضوع ده
وفعلا البلد محتاجه تغيير |
سبحان الله يا بندق 2007 حضرتك قلت كل كلمة كنت بقولها للي بيعارض علي الفاضية والمليانة علشان بس يبقى زي بقيت الناس
يعني مثلا تلاقي واحد عمال يقولك (على اي موقف) الشعب المصري دة.............. العرب دول يا اخي................. مع ان والله احنا مافيش زينا(ودة مش شعارات وكلام فاضي) احنا يمكن اللي ناقصنا شوية دراية على حبة ثقافة وياريت قبل ما نقول احنا متاكل حقنا (زي ما قولت) نحاول ندي كل حاجة حقها واول حاجة دينا علشان ربنا يقف معانا للاسف احنا مش بنعرف نطالب بحقنا المهضوم لان احنا مش عرفينه اصلا بس وارثين ان احنا لينا حق انا راي نحاول نهتم بدينا شوية بعني تخيل انك تكون بتقرا قران وتصلي ولنا تيجي تتحاسب وتقف قدام ربنا عز وجل تلاقي نفسك مش عارف المبشرين بالجنة او مش حافظ اسماء الله او .. او .. اعتقد ان دة ممكن يخليك بعد كدة حابب تعرف كل حاجة حوليك الموضوع مش صعب بس محتاج مجهود شوية مننا وجزاكم الله خيرا |
PhotoSynthesis With Mary Ellen Matthews
was doing a lot of research on the old Andy Warhol 'Interview' magazine covers, so there's definitely that feel to it. It makes the image wow gold more dynamic, that's for sure. This seemed to have that movement The New York-based Matthews started off working in film production and music publicity before making the transition to buy wow gold entertainment photography. In her career, she has documented celebrities ranging from pop stars (Britney Spears, Justin Timberlake, Janet Jackson) to politicians (Al Gore, George Bush, John McCain) to sports legends (Tom Brady, Derek Jeter) to rock gods (Mick Jagger, U2, Neil Young). Her experience also includes film and television stills and publicity, advertising campaigns, celebrity weddings and rock tours.
|
السلام عليكم ورحمة الله وبركاته أولا أحب أحيي حضرتك ع الموضوع الرائع ده فعلا معروف عن المصريين إنهم ناس بتوع كلام وبس ودى حقيقة مش كدب . أنا اول مرة أدخل القسم ده وبجد حبيت اوى الموضوع . ومعاك بإذن الله . أما بالنسبة إننا نبدأ بتغيير المنتدى . أنا لسة متعينة جديد ف القسم . بس ولله الحمد فعلا طبقت التغيير بمعنى إن القسم كان 39 صفحة أصبح 24 صفحة . دورت ع كل المواضيع المتكررة والموقوفة وما إلى ذلك وحذفتها أو نقلتها . وبجد حاسة بالفرق . معاك بإذن الله مش عشان خاطر بندق أو غيره عشان خاطر إحنا بنحب مصر أوى أوى مش احنا بس على فكرة . لو سألت أى حد من الدول العربية هيقولك كده عارف لما بقول أنا بموت ف مصر لازم اتسأل : على ايه ؟ هى مصر عملت لنا إيه ؟ مش كفاية العيشة ؟؟؟؟؟ بجد لازم نعمل حاجة . بس ياريت الموضوع يكمل مش يتوقف بالله عليكم . وجزاكم الله خير الجزاء . افتكر قوله تعالى : ( ومن أحياها فكأنما أحيا الناس جميعا ) . وشكرا ....... |
السلام عليكم ورحمة الله وبركاته
أولا أحب أحيي حضرتك ع الموضوع الرائع ده فعلا معروف عن المصريين إنهم ناس بتوع كلام وبس ودى حقيقة مش كدب . أنا اول مرة أدخل القسم ده وبجد حبيت اوى الموضوع . ومعاك بإذن الله . أما بالنسبة إننا نبدأ بتغيير المنتدى . أنا لسة متعينة جديد ف القسم . بس ولله الحمد فعلا طبقت التغيير بمعنى إن القسم كان 39 صفحة أصبح 24 صفحة . دورت ع كل المواضيع المتكررة والموقوفة وما إلى ذلك وحذفتها أو نقلتها . وبجد حاسة بالفرق . معاك بإذن الله مش عشان خاطر بندق أو غيره عشان خاطر إحنا بنحب مصر أوى أوى مش احنا بس على فكرة . لو سألت أى حد من الدول العربية هيقولك كده عارف لما بقول أنا بموت ف مصر لازم اتسأل : على ايه ؟ هى مصر عملت لنا إيه ؟ مش كفاية العيشة ؟؟؟؟؟ بجد لازم نعمل حاجة . بس ياريت الموضوع يكمل مش يتوقف بالله عليكم . وجزاكم الله خير الجزاء . افتكر قوله تعالى : ( ومن أحياها فكأنما أحيا الناس جميعا ) . وشكرا ....... |
| جميع الأوقات بتوقيت GMT +2. الساعة الآن 10:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.