ظهرت نتيجة الاعارات هذا العام
 

نتيجة الاعاره ظهرت لسلطنه عمان

لوسمحت ما هي التخصصات التي ظهرت وفي أي إدارة؟

ظهرت اداره الوايلى القاهره انا مش عارف ازاى احمل صوره من الاستديو عندى

خدوا اعداد صغيرة جدا من وسط اسكندرية واحد لعمان من تخصص رياضةفقط ههههه بعد كل الورق والنشرات والانتظار ولسه باقى الدول ومفيش افريقية لغاية دلوقتى

ياريت لو حد عنده معلومات عن باقى الدول يقولنا

ميعاد نزول اللحنة والمقابلة متى

الواضح ان حضءتك معاك كشوغ الاعارات

طيب قولنا التخصصات ايه والعدد كم ونوعد الاخنبار والمقابلة
:022yb4:

ممكن سؤال يا جماعه هيا الاعداد المتقدمه للاعاره كانت قليله
لان النتيجه ضعيفه والاعداد محدوده
يعني اداره 3 اسامي
واداره اسمين واداره 20
ليه الاعداد بسيطه قوي كده

ازاي اشوف الاسماء في كل الادارات لوسمحتم

دى بس مجرد بدايه وكل يوم بياخدو اسماء وعلى حسب التخصص اللى محتاجينه

تقصد لسه فى أسماء ثانى خصوصا ان عمان أخذت اعداد كثيرة العام الماضى


هل لغة عربية ثانوى واعدادى مطلوبة وجزاك الله خيرا

اكيد يا استاذ احمد طالبين ولسه البحرين كمان أسبوع تانى وتتطلب

استاذ عبدالرحمن طالبين فيزياء ولا لا ولكم جزيل الشكر

إزاي نعرف أسماءنا نزلت ولا لأ

الأسماء بيتصلو عليها من خلال الاداره التعليميه

جزاك الله خيرا

ممكن حد ينزل كشوف الاسماء للأعارة لانها صعبة على النت ولسه منزلتش الادارة

الي نزلت يا جماعه دي الحركات التكميليه الاولي
هوفيه لسه حركات تكميليه 2 ولا خلاص كده هيا دي النتيجه بس

استاذي الفاضل هل حضرتك علي علم انهم محتاجين مجال اول ام لا
لان نازل علي النت الاعلان دا في صفحه مسابقات عمان وقطر والبخرين


اللجنة ستبدأ أعمالها من الأسبوع القادم بمدينة مبارك الإعلامية
و ستبدأ بقبول الإعارات و قد تم إبلاغهم عن طريق الإدارات التعليمية و بعدها سيعلن عن قبول تعاقدات و التخصصات المطلوبة هي كالأتي :
- معلم فنون تشكيلية ( فنية )
- معلم مهارات موسيقية
- معلم تربية خاصة عقلي
- معلم تربية إسلامية
- معلم لغة إنجليزية
- تربية خاصة علوم
- تربية خاصة رياضيات
- تربية خاصة دراسات اجتماعية
- تربية خاصة إسلامية
- تربية خاصة فكري
علي النت

الزماء بيولوا مش عايزين مش عارف مصدرهم ايه

طب لو سمحت ممكن تقولنامصدر هذه المعلومة

انا اسف مش بحب أثبت صحة او مصدر كلامى ولكن يمكنكم قراءة مشاركاتى السابقه وانا على ثقه ب معلوماتى ...تحياتي لكم

جزاك الله عنا خيرا واحنا واثقين في كلام حضرتك ويا ريت متبخلش علينا بأي معلومة

لو سمحتم الاعارات تسجل أوراقها ازاى لان الرابط المكتوب فى الفاكس لا يعمل

الرابط مخصص للمعارين فقط خدو بالكم لو فتح الرابط للتعاقدات بعد الاعارات مش هاتقدرو تسجلو على نفس الرابط بنفس رقم الجواز

يا استاذ انت واثق من الكلام اللي بتقوله .................
الرابط خاص بالتعاقدات لان الاعارات لم تستكفي بالطالبات فيتم فتح التعاقدات وعلي فكرة الاثنين واحد لان التعاقد والاعارة لابد من الامتحان ونفس الراتب وكل حاجة بس الاولي عن طريق الوزارة والاخري عن طريق الانترنت وكله بيبيع ويشتري في المعلم المصري .
تاكد من الكلام اللي حضرتك بتقوله

بارك الله فيك ربنا يكرمك لا تبخل علينا

استاذ عصام كلام الأستاذ عبد الرحمن صحيح لكن مع دولة زي عمان متهايئلي أي واحد هيقدم سواء اعارة أو تعاقد هيتصلوا بيه وخصوصا اللي هيقدم الأول .
عشان دي دوله عاوزه تتقدم ما عارفاش . تخيلواواحدزميلي السنة اللي فاتت جاته الإعارة ونجح وعمل كشف طبي ونجح وخلوه احتياطي رغم إن تقديره جيد جدا ومعاه دبلومتين امتياز سابوه واخدوا الأقل منه في التقدير

بارك الله فيك يعنى ممكن يكون فى حركات ثانى للغة العربية
لعمان
افيدوووووووونا ومتى

للمره التانيه لجنة عمان كل فتره هاتبعت مزيد من الأسماء والتخصصات عملت المقابله؟!اللى لها عجز سواء عن طريق الاعاره او التعاقدات وعندما تنتهى من الاعارات هاتفتح باب التعاقدات واللجنه موجوده إلى آخر شهر 8

لو سمحت أستاذ عبد الرحمن لو عرفت أي حاجه عن إعارات البحرين والتخصصات المطلوبة تبلغنا

للاسف مش بيطلبو أمناء مكاتب

قبل اي حاجة انا بكلم عن عمان فقط لوجود اكثر من تجربة معاهم . الموضوع مش محتاح اسئلة ان كان تعاقد او اعارة لان الموقع مفتوح فعلا للتقديم من خارج نظام الاعارات تبع الوزارة .
ثانيا . بدا من العام الماضي وضعوا نظام انهم ياخذوا من قبل الوزارة عدد معين للي بيقدم وام بيكون في عجز بيفتحوا التعاقدات وبما ان مفيش حد قدم او لا يوجد عدد في التخصصات فنزلوها تعاقدات.
ثالثا . الاثنين زي بعض لابد من امتحان وتحاليل وبهدله ونفس الفلوس ونفس العقد . لاتوجد ميزة للي تبع الوزارة بالعكس بتكون فضيحة له ان لم ينجح في الامتحان.
وربنا يوفق الجميع

لو سمحت يا استاذ عبد الرحمن اللورد لا تبخل علينا بمعلوماتك
هل سيأخذوا لغة عربية اعدادى او ثانوى ال نازل تربية اسلامية

[[COLOR="Navy"]size="5"]
يعنى ايه عوزة تتقدم ماعارفاش دى على فكره اللى العمانيين عملوه فى بلدهم خلال العشر سنين اللى فاتوا فعلا يستحق كل التقدير العمانيين نظامهم التعليمى بيقول بوضوح جدا انهم عارفين مشاكلهم فين بالظبط وفى طريقهم لحلها بس يلزمهم وقت و مدارسهم جميله جدا طرق التدريس والمناهج مناسبه وكل التعليمات اللى بتجيلنا هنا على ورق العمانيين بيطبقوها فعليا على أرض الواقع هدفهم الأول هو تطوير العقول مش الحفظ والتلقين هى مشكله العمانيين فى شىء واحد بس ان كل مجموعه واخدلها جبل او قريه فى الصحرا وعايشه وبالتالى الحكومة بتضطر تعمل وحدات صحيه ومدارس فى كل منطقه من المناطق دى والغريبه بقى ان الناس دى عاجبها جدا حياتهم كده وبيفضلوها عن الحياه المدنيه بكتير وهما دول المعوق قدام خطط الحكومة للتطوير لان فيه بعضهم مايفرقش معاه التعليم لكن هما بيحاولوا يغيروا اتجاهاتهم دى ونتيجه لكده الوافدين هناك بيتسوحوا بقى فى مناطق نائيه واحتمال مع حشرات وزواحف وبما اننا مش متعودين على كده فالحياه بتبقى صعبه هناك اوى عشان كده يفضل اما راجل اما اسره مع بعضها بس الصراحه فلوسهم كويسه للى عاوز فلوس وطبعا اللى بيسافر اولا واخيرا هدفه الفلوس والعمانيين شعب طيب وخدوم اغلبهم كده ومحترم جدا وبلدهم امان جدا بوالنسبه لصديق حضرتك اللى مخدهوش فدى أرزاق بقى كمان العمانيين هناك لو لقيوا قصور من الملعم فى شىء بيطلعوه ورشه عمل لتعديل مستواه ومشرفين المواد هناك اسبوعيا داخلين الصف وبيجيبوا احدث طرق التعلم وكل اسبوع بيتعلم المعلم شىء جديد يعنى المعلم بتاعنا اللى متعود على نظام احفظ وسمع لو سافر هناك كام سنه هيرجع افضل من اللى تقديره امتياز ومعاه ماجيستير كمان الصراحه ياريتنا نبقى زيهم حتى تعليميا بلاش اقول نحصل الامارات ولا قطر لان اصلا النظام التعليمى فى عمان عشان نوصله قدامنا سنين وسنين وممكن منوصلش كمان هناك المعلم اللى بيغشش بيعاقب الطالب ثانويه عامه قاعد فى الديسك من نفسه لا بيبص لايمين ولا شمال ووشه فى ورقته وموفرين ليهم سبل راحه يعنى ميه او اكل او عصير عادى وبسكوت والطالب بيمتحن ومش بيغششوا حد هناك لافيه معاكسات ولا حد يتعرضلك لانهم بيخافوا وبيحترموا جدا الشرطة عندهم وبدورها الشرطه خدومه فرق كبير بينا وبين العمانيين اللى مش عاجبين حضرتك دول

أختي الفاضلة عذرا سأبدأ من حيث أنتهيتي . رغم أن دول الخليج بصفة عامة يهتمون بالتعليم وتطويره إلا أن الطالب المصري من أذكي طلبة العالم بشهادة زميلة لي معارة لعمان حاليا وكما قلت سابقا متعجب كيف تركوا زميلي العام الماضي بعد ما نجح وأخذوا أقل منه في التقدير والخبرة .أناعارف أن دي مسألة أرزاق ولكن هناك خلل في لجنة الإختيار ودا دليل علي أنه رغم إهتمامهم وتطبيقهم لأحدث طرق التعليم إلا أن العقول لا تستوعب هذا التطوير ولوأتيح للطالب والمعلم المصري ربع هذا الإهتمام بالتعليم من الدولة لرأيتي افضل الكوادر في جميع المجالات ولكن ماذا نقول هذه هي مصر غنية بعقول طلابها ومعلميها رغم إهمال الدولة لهم وتلك هي دول الخليج عامة غنية بمواردها واهتمام الدولة بالتعليم وتطويره بالنسبة للطالب والمعلم محدود فكر أبنائها . معادلة صعبة بين العرب رغم حلها في الدول الغربية المهتمة بالتعليم طلبة ومعلمين مع وجود عقول ذكية ينتج عن ذلك أفضل كوادر في جميع المجالات .

كلامك صح أستاذه منار وياريت يا جماعه نبعد عن انتقاد الدول ووجهات النظر الناس بتسعى على رزقها واحنا عاملين الموضوع ده لتعم الفائده على من يسعون للرزق استاذ احمد انا قلت من قبل عمان اكتر حاجه بتطلبها لغه عربيه وتربيه اسلاميه سواء اعارات او تعاقدات

أنا مقولتش الطالب العمانى أذكى من الطالب المصرى بس الطالب العمانى ممكن سنفرته على فكره لأن فيه فيهم بيمتلك المؤهلات فيه اللى احنا ممكن نرتقى بمستواه العقلى ولكن مشكلتهم فى الاستعداد النفسى وانك تزرع هدف بداخل الطالب ودا اللى بيحاول العمانيين حله من خلال المناهج وطرق التدريس وتطوير المعلم نفسه كمان اسمحلى احنا 90 مليون العمانيين كلهم 3 مليون يعنى أكيد لازم يبقى فيه فرق كبير وفعلا احنا عندنا كفاءات ولو توافر لينا المتوافر ليهم كنا هنبقى من افضل دول العالم لكن للاسف بقى
وبالنسبه لقصه الخلل فى اللجنه فمعرفش بصراحه بس ممكن تكون ليهم وجهه نظر لان عندهم الاستقالات بتبقى كتير ممكن يكونوا شافو زميل حضرتك انه مش هيستحمل العيشه هناك مثلا او لاى سبب تانى وزى ماقولتلك هى أرزاق

وعلى فكره انا تقديرى جيد جدا ومعايا دبلومه خاصه سنتين جيد جدا واتقبلت بس انا فعلا لاحظت اللى حضرتك قولته بس فى الاعارات مش التعاقدات الصراحه الاعارات اللى كانت معايا كانت كارثة كان فيهم اللى مش بيعرف يفتح كمبيوتر أصلا ودى مشكله هناك ومش اى مشكله وكان مستوى البعض منهم سىء لكن برضه كان فيه خبرات لسنين طويله ودا أكبر دليل على أنها أرزاق يعنى كانوا كوكتيل كفاءات وفيه اللى جت معاهم حظ أرزاق بقى

أستاذعبدالرحمن أنا مش بأنتقد هذه الدول أنا عارف أن الشعب العماني طيب ومحترم ويقدر المعلم المصري ولكن أنا بأنتقد لجنة الإختيار نفسها لما اللي يمتحنك يكون قدامه لاب توب يختار منه أسئلة يسألهالك ولا يتحاور معك ويناقشك . لدرجة إنك تحس أنه مش تبع المادة أصلا وميعرفشي يقيم المعلم اللي قدامه ودا عن تجارب لمعلمين زملاء . تخيلوا أنه واحد زميلي من كام سنة دخل الإمتحان التحريري وبعد كده دخل المقابله الشخصية قالولو أنت جبت صفر في الإمتحان التحريري_ يعني المفروض ما يدخلشي المقابلة أصلا_ بس إحنا هناخدك معانا. منتهي التناقض في الإختيار بعيدا عن مسئلة الأرزاق اللي كلنا مؤمنين بيها

أستاذة منار المعضلة دي مش هيحلوها لو قعدوا ميت سنة ولو طبقوا كل مناهج التدريس لإن العقول مش مهيأه ومش هتتهيأ وعلي رأي المثل الطبع غالب . أنا مش بأعيب فيهم لا سمح الله لكن أنا بأتكلم عن عقول ولدت في بيئة غير مهيأه . فمعلش ما تتوقعيش إنك تغيري فيهم حاجة

طب إعتبيرني معاكي في الكلام دا يعني معني كده إن اللجنة تسيب المؤهلات والكوادر اللي جايبه إمتياز في مادتها وتأخذ فقط اللي هيستحمل العيشة اللي أنتي واصفاها ثم هما هيعرفوا أزاي اللي هيستحمل واللا لأ إذا كان فيه زملاء بيستحملوا سنة واحده بالعافية وبيستقيلوا وأنتي هناك وعارفه الكلام دا كويس