|
نويت/ى على اى قسم فى علوم ؟؟
السلام عليكم
ياجماعه ياريت كل حد فى علوم يقولنا ناوى على اى قسم وليه ... عشان انا فى حيره شويه ... |
انا باذن الله فيزيا ..
انتى كلية ايه :) |
لا انا آخر الدنيا ..
علوم سوهاج .. بس اشمعنا فيزيا يا رحمه ؟؟ |
اصل انا متاحلى حاجة من 2
يا فيزياء يا جيولوجيا فيزياء ممكن هتكون مدخل لفروع الحاسب او البيو فيزيا وال قسمين دول عاجبينى :) لكن انا هعمل ايه بالجيولوجيا؟؟؟؟؟؟؟ |
انا ان شاء هدخل قسم جيوفيزياء
عشان ابقى مهندس بترول ان شاء الله :) لاول مرة هجرب التفاؤل :) |
بس لسه مستنى نتيجة الاقسام لما اشوف جالى ايه :)
ادعولى يا جماعة يجيلى جيوفيزياء |
هندعيلك حاضر
يا رب تجيلك جيوفيزيا ويا رب تاخدها ف اربع سنين بس :d |
اقتباس:
مش عارف ليه حاسس بسخرية فى كلامك :mad: يلا ربنا يسامحك :mad: |
ربنا يكرمك يااحمد ويارحمه ...
احنا عندنا الاقسام الموجوده كيميا وبيولوجى وجيولوجيا وعلوم طبيعيه اللى فيها رياضه وفيزيا وحاسب .. وبفكر فى الكيميا او علوم حاسب الى مش ممنوعه عن بتوع علمى علوم بس علوم طبيعيه عموما صعبه علينا عشان مش اخدنا رياضه 2 .. |
شوفى مواد كل قسم ونتايج السنة اللى فاتت مثلا وده هيساعدك كتير
هتحسي ان فى قسم بيناديكى :d |
اقتباس:
وبعدين اصلك عين شمس اعرق واعظم واجمل واحلى وارق كلية ف مصر اللى بيدخلها بيخرج ع 7 او 8 سنين كده :d بدعيلك تخلصهم ف 4 غلطت انا ولا ايه:huh: |
اقتباس:
ماهو بتوع علوم طبيعيه السنه اللى فاتت كان منهم كتير ساقط فى مواد الرياضيات ودول اساسا كانو علمى رياضه مبالك لو علمى علوم :confused::confused: والمشكله انى شبه نويت انى ادخل كيميا بس مش عايزه لان بابا فيها واكره ماعندى كلام الناس بالرغم انى حتى لو مش دخلت كيميا هيكون موجود بردو لان بابا وكيل كليه .. |
نفس مشكلتى
كنت اداب وحولت علشان بابايا بردو موقفك صعب :) نفسي اقولك كملى كيميا بس بجد حاسة بيكى مجتمع متخلف .. اى انجاز هتعمليه هيتنسب لكون والدك معاكى !! استخير يا جميل وملكيش دعوه بالساقطين دول .. انتى غير ان شاء الله ;) |
اقتباس:
|
اقتباس:
ما شاء الله من امتى التفاؤل ده :d |
ماشى يا رحمة
وورينا انتى بقى هتخلصيهم فى كام سنة :p شكلك هتقعدى فى الكلية مؤبد :d |
اقتباس:
يلا اى خدمة :) |
مؤبد مين انا هاخد نوبل :d
وليه سنتين خدهم ف سنة ايه مش قدها :D |
يونا احنا اسفين :)
بس معرفش احمد ماله النهارده مزاجه رايق :d ده بوظ كل مواضيع علوم النهارده :p |
أنا انشاء الله لما حول اسكندرية.
أنا عايز ادخل علوم طبيعية عشان بعد كده ادخل كيميا خاصة سبيشيال او كيميا فيزياء عشان مجال الشغل فيها واااااااسع. انا عموما لما قدمت في الكلية مكانش في الكلام ده عشان انا رياضة فكتبت جيوفيزياء عشان زي ما احمد قال انها شبه هندسة البترول و فيها شوية كيميا و في مقال في المصري اليوم بيشكر في القسم ده اوي. و كتبت في الرغبة التانية احصاء و علوم حاسب. و قسم الفيزياء كنت بفكر فيه لأن قالولي عليه انه شبه الهندسة و في نفس الوقت الغالبية بيطلعوا منه مدرسين.و ده مش وحش بس لو انا كنت عايز ابقى مدرس كنت دخلت تربية. و يا ريت لو حد يعرف هل ممكن التحويل من قسم لآخر ولا لأ .. و لغاية امتى؟ |
سمعت انه ف اول اسبوع ممكن تحول عادى
بس اقسام الكيميا دى بتبقي اعدادها كبيرة ولامة اوى خاصة كيميا سبيشيال وكيميا ابلايد |
بتبقى لامة ؟.. مش عارف ..بس دي مش مشكلة المهم الواحد يتفوق عليهم
|
ان شاء الله باذن الله علوم طبيعية
رغبة((مفعول لاجله))همووت على علوم حاسب سواء من فيزياء او من علوم رياضية بس حاسب وخلاص وربنا يوفق الجميع وكل سنة وانتوا طيبين |
وانا قسم كيمياء /ميكروبيولوجي
|
انا ان شاء الله علوم طبيعية
كان نفسى ادخل حاسبات اصلا وان شاء الله ادخل قسم حاسب من رياضة ومرسى يا رحمة على التفاؤل اللى اديتيهولى اصل انا عين شمس:( |
اقتباس:
وباذنه تعالى تعوضيها فى علوم وياستى الكلية لازقة فى الكلية نبقى نزور بعض حتى كليتكم اكبر ومبانى اكتر;) ========================= بالتوفيق ليكم جميعا ان شاء الله :) |
ان شاء الله جيران بأة:lol:
|
انا في علوم حلوان
وهدخل بيولوجي وبعد كده بيو كيميا او ميكروبيولوجي |
انا ات شاء الله داخل قسم حاسب
* مبرمج حاسب آلي : إعداد وكتابة البرامج بإحدى لغات الحاسب الآلي *إدارة نظم الحاسب في الشركات. *باحث إحصاء : تتعلق أعمال الوظيفة بجمع المعلومات وإعداد البيانات والأرقام الإحصائية وتحليلها وإخراج هذه النتائج وتعميمها . *مراكز الإحصاء *التدريس *الجامعات العربية والأجنبية الله يا جماعة القسم دة جميل جدا وكذلك له فرص عمل كتير وانتم شوفتها دا غير كدة مش بيهتم بالاعداد وبياخد من اقل تقدير اما قسم الجيو فيزياء دة دة قسم بياخد من تقدير عالى اوى وبياخد كمان اقل الطلاب وكذلك فرص العمل اه متاحة بس مش هنا وبتكون دايما بواسطة يعنى ببساطة كدة باقى الاقسام دة بتطلع منها مدرس الا اذا كان معاك واسطة وبالنسبة ليكى يا يونا يا بنتى ادخلى قسم كيمياء واية يعنى باباكى هناك يابنتى هو دة اللى ماشى صدقنى وادخلية وخلاص يا بنتى حد لاقى وملقيش دعوة بكلام الناس اللى يقوله يقوله يا بنتى البلد اساسا عادة ماشية كدة |
اقتباس:
ميرسى على متابعتك وردك :) اقتباس:
يــاااا بختكو عندكو نظام الساعات المعتمده :( كان نفسى يطبق علينا السنه دى .. بس الظاهر هيطبق لما اطلع من الكليه :( اقتباس:
ولايهمك :) سيبيه يفرفش شويه لحد ما يدخل الكليه :p اقتباس:
اه فعلا سمعت ان خريجى جيولوجيا وجيوفيزياء مطلوبين جدا بالنسبه حكاية التحويل من قسم لقسم والله مش عندى اى فكره عنها لاننا مع التقديم مش اخترنا القسم لسا مع اول يوم فى الدراسه عموما ربنا يكرمك ويوفقك باذن الله :) اقتباس:
ان شاء الله :) بس هو ايه الفرق صحيح بين علوم حاسب الى وكلية حاسبات ومعلومات ؟؟؟ ياريت اللى عنده فكره سليمه عن الموضوع دا يقولنا اقتباس:
ربنا يسهل ويكرمنا جميعا باذن الله :) |
انتو ركنتو الموضوع ولا ايــه :confused::confused::confused:
فين بقية طلبة الكليه ؟؟ استخبو فين ؟؟؟!! |
انا اهو :d
انا هتخصص فيزيا طبية او احصا وحاسب او فيزيا وحاااسب ان شاء الله :) |
انا في علوم اسكندرية
وحدخل بيولوجي ثم بيو كمسترى او ميكروبيولوجي (مش عرفة ايه الأحسن و لسا مش عرفة أقرر) |
اقتباس:
اقتباس:
المهم استقريتى الاول على بيولوجى الحمدلله والتخصص فى القسم دا بعدين وعلى حسب ما بسمع ان بيو كمسترى افضل وبيقولو من ناحية الشغل ان اى حاجه فيها كيميا ممكن تلاقيلها شغل كتير |
اقتباس:
و شكرا عالموضوع الرائع زى صحبته ده |
اقتباس:
ياااااااه اخيرا لقيت حد عايز يدخل بيو كمستري انا كمان يانوجة عايزة ادخل القسم دة مع اني اخدت تريقة أد كدة علشات القسم ده لكن هقول اية محدش عارف حاجة |
يعني أنا مش لقيت حد هيدخل بيولوجي جامعه الزقازيق ليه؟ إيه السر ورا كده؟؟
|
انا جامعه حلوان
علوم فيزيائيه ان شاء الله |
اقتباس:
انتى عرفة ان القسم ده ممكن تطلعى منه دكتورة تحاليل؟ او تفتحى معمل. و طبعا متاح ليكى مجال التدريس:rolleyes: يا بنتى انا اتريقوا عليا علشان كنت حطة فى دماغى من زمان كلية العلوم و لما جتلى بردو اتريقوا عليا "و مش كان احسنلك صيدلة يعنى حتطلعى فى الآخر ايه ؟ انتى متخلفة الخ الخ الخ" :d فقررت انى اسيب كلام الناس و اتبع قلبى;) و ادينى سمعت كلامه :d:p;) |
هما بيتريقوا علي دكتورة تحاليل دي ...... فاكرين اني بدور علي اللقب وبس ;)... لكن انا شايفة ان القسم ده ليه فايدة كبيرة لمجتمعنا
انا الاول كنت عايزة ادخل قسم فيزيا...... لكن لقيت ان القسم ده احسن ..... وان شاء الله هدخله .....لكن مش حكاية لقب ولا حاجة :d.......لأ انا ليا هدف خير ( انما الاعمال بالنيات) وانا الحمد لله نيتي خير باذن الله انا كمان كنت عايزة ادخل الكلية دي من زمان وبرضو اخدت تريقة :d لكن الحمد لله دخلتها .............. والحمد لله انا مبيهمنيش كلام الناس واللي في دماغي بنفذه لاني عارفة اني بعمل حاجة مش غلط والعلم مش عيب ولاحرام يبقي هسمع كلام الناس ليه :) |
اقتباس:
اقتباس:
وبعدين بقا نشوف هكمل فى مشوار الكيميا ولا الحاسب الآلى ... شكرا يا جماعه وربنا يوفقنا جميعا للخير :) |
اقتباس:
و الله برافو عليكى انتى جدعة فعلا ^_^ |
مرسي يانوجة ...يارب انتي كمان يكون لكي هدف خير
ربنا يوفقك |
اقتباس:
نفسى اساعد الفئة المطحونة دى و احلل بنفسى كل حاجة اعرف هى صالحة و اللا لأ بدل ما بيضحك علينا انا عرفة انى شكلى فى الآخر حيتقبض عليا بس كله بثوابه بقى هههههههههههههه |
| جميع الأوقات بتوقيت GMT +2. الساعة الآن 06:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.