|
تأجيل بدء العام الدراسي
الإخوة الأعزاء انا قمت بالمشاركة بهذا الموضوع عشان اشوف رايكم في موضوع إرجاء بدء العام الدراسي لبعد العيد يمكن لما يشوفوا ردودنا ومشاركاتنا يتحركوا شوية ويعملولنا اعتبار لان احنا اللي في النار وما حدش هايحس بيها غيرنا وهما بيأمروا وبس دون التفكير في من سوف يطبق عليهم هذه الأوامر ولا ايه رأيكم؟؟؟؟؟؟؟؟
|
والله انا شايف ان احنا كده كده بننزل المدارس مفيش اجازات خلاص
ايه المانع من الدراسه وبعدين كله فوووق دماغنا في المنهج والترم ده اصلا طاااااااااير اجازات واعياد ربنا يسهل نشوف ح يعملوا ايه انا شايف بيقولوا انه في دعوي لوقف قرار الوزير وتأجيل الدراسه |
شكرا علي ردك مستر ايمن وانا ايضا قرأت هذا الخبر الذي ينص علي أن هناك دعوي قضائية لوقف قرار الوزير ببداية العام الدراسي 20/9
|
انا طالبة
انا مش عارفة ايهالحكمة من يوم 20 بالتاكيد يتاجل احسن وشكرا لطلب راينا |
يا عم الاقتصاد القومى هيتعطل
|
لو كان هناك اعتبار لرأى أحد من المعلمين كانت امتحانات الكادر ألغيت
وعلى العموم أوافقك الرأى على تأجيل الدراسة لبعد عيد الفطر |
انا كليتي في القاهرة
ومشوار طويل وكده كده المدينة بعد العيد هيبهدلونا وخلاص وطبعا رأينا ملهوش لزوم ومن امتى راحتنا تهم وعلى العموم انا موافقة على التاجيل |
عادي لا مانع بس انا عن نفسي بصلي التهجد ثم السحور وصلاة الفجر يعني هروح نايم
|
انا ارى عدم التاجيل لان كل الموضوع 5 ايام قبل العيد ولابد ان يتم تسليم كتب وتنظيم الفصول حتى لاتضيع ايام بعد العيد
بالنسبة لنا على سبيل المثال مدرسة ثانوية عامه لابد من تغير المواد والتحويل وبعدها تنظيم الجدول بناء على المجموعات العلمية والادبية كل ده بياخد حوالى 3 ايام يكون انتهى رمضان وتبداء المناهج فعلا بعد اجازة العيد لكن لو بعد العيد يبقى هيضيع وقت كبير وكده ولا كده مفيش دراسه فعليه وبداء فى مناهج فى نهايه رمضان ولا ايه رايكم |
لا أوافق على التأجيل
|
[]أنا رأى إن سبب عدم تأجيل الدراسة إلى ما بعد رمضان : حتى لا ينشغل الناس بالاعتكاف فى المساجد و شايف إن دى سياسة دولة مش رأى وزارة و شكرا
|
اقتباس:
|
ياعم شريف أنا رأيي ان احنا مالناش رأي
يعنى نختصر الطريق ونسكت ، بلا يعملولنا اعتبار بلا نيلة . وما تاخدش رأينا لأنك هتتعب وتتعبنا معاك والآخر مافيش حاجة هتتنفذ غير اللى الحكومة عايزاه . |
يا جماعة ...انتم ناسيين يوم 20 - 9 ده هيكون بداية العشرة الاواخر من رمضان ...يعني صلاة التهجد ...وقيام الليل بهمة اكثر ....وكمان الاستعداد للعيد ...بما يسببه من زحام في معظم الشوارع ....كمان هنضيف عليهم زحمة المدارس الناس هتبقى ف ايه ولا ايه ....لازم المدارس تتأجل طبعا ...واللي بيقول المناهج ...مع كل احترامي ...فيه الف حل و حل للمشكلة دي بس اللي عايز يحل بقى
|
الطلاب والتلاميذ كده كده لا يذهبون المدرسة في أواخر رمضان لأن أولياء الطلاب مشغولون بالإعتكف والتهجد ومن يوقظ لأبناء للمدارس ممكن يذهبوا لاستلام الكتتب ومعرفة الفصول وحجز الأماكن فالمدرسون في المدارس دائما ولن يسمح لهم بأجازات في هذه الفترة مع جزيل الشكر
|
لهواة الشعر و الرومانسية (يكفينى صوتك كل مساء)
فى الزمنِ القادم يا عمرى
الحبٌ الصادقٌ أوهامْ و بقايا رياءٍ و نفاقٍ منثورة ْفى كل ِمكانْ ...... و أنا رجلْ لا أقوى أنْ أحيا يوما ً كالأمواتْ ................. أتنقلُ بمشاعرى دوما ً كالطيرِ يغردٌ فى الأجواءْ <H3 dir=rtl style="MARGIN: 0in 0in 0pt">شعر / محمد جادو</H3> من حرفٍ إلى حرفٍ أبحثْ عن حبٍ صادقِ للوجدانْ *** *** *** أعشقٌ جداً ألحانىْ و أٌرَددُ معها الكلماتْ ....... من لحن ٍ إلى لحن ٍأغرقْ فى القاع ِ أٌصارعٌ أمواجْ أعشقٌ لُغتى و كلماتى ما لى أكتبها كالألحانْ أرجوكِ انتظرى و لا تمش ِ................ فالحب الصادق ُأوهامْ انتظرى يا عمرى و تأنى فقطار ٌالعمر ِ غدا ً ينهار ْ ................. *** *** *** أخافٌ منك و من كفى أنْ يكتبَ عنك ِ الأشعار ْ فدعينى أسكبُ أ حزانى تحتى و أمامى لكل الناس ................ و دعينى أردد ٌكلماتى تصحبها عيونك بالألحانْ فالزمنٌ القادمُ مولاتى لا تنفعُ معهُ الأحزانْ ............. *** *** *** يكفينى وجهك مولاتى أنْ أرمق عينك كلَ مساءْ أنْ أمشى معكِ و أنفاسك ْ تغمرنى و تسلبنى النسيانْ تلك كلماتى و عنوانى إنسان ٌ صادق فى الإحساس ............ *** *** *** اليوم ُ أُقرٌ يامولاتى أجزمٌ أنكِ كالبستانْ أعلن للناس و فى الكتب ِ أنك أجملُ خلقِ الله ْ .............. فميلادى يبدأ سيدتى حين لمستٌ بكفى يداكْ *** *** *** يكفينى الماضى و الحاضرْ يكفينى صوتك كل مساءْ عذراً إنْ كنتٌ قد اغتبتُ إحساسك يا أغلى الناسْ الآن دعينى أستلقى أطفىء من خلفى الأنوارْ ......... فالزمنٌ القادمٌ مولا تىْ ليس لعنترَ و ا لعشاقْ *** *** *** |
ياريت تتاجل رحمة باولياء الامور الناس تعبانه
|
شكرا ليكم احبابي للتفاعل وارجو من المسئولين الاخذ في الاعتبار هذه الآراء والعمل علي راحة المواطن اخوتي الم تفكروا في عناد أطفالنا كيف يخرج في العيد بملابس ذهب بها الي المدرسة فلابد من شراء الجديد مرة اخري اليس هذا عبء علي كاهل المواطن الغلبان اللي عنده اكتر من ابن في الدراسة دي نقطة والنقطة التانية ان الايام دي زي ما قلتوا انتو في العشر الاواخر من رمضان اللي كل الناس بتجتهد فيها للعبادة يعني مش هاتخرب الدنيا لو تاجلت الدراسة ما هو شهر 5 بيبقي في مناهج متوزعة لكن المناهج بتبقي خلصانة قبلها وما حدش بيروح المدارس فيه يعني مش مشكلة لو الاايام دي اترحلت شوية ولا ايه
|
اية ولا اية
بيقولك رافعين دعوى قضائية علشان تاجيل الدراسة امال التسريب وصعوبة الامتحانات نعمل فيها اية نولع فى البلد
|
من غير تاجيل هي اصلا مفيش دراسه ولا طلبه وسيبوها هتسلك لوحدها
|
انا عن نفسى مش رايح غير بعد العيد وكلة هيعمل كدة معظم الى انا اعرفهم هيعملوا كده
|
وهما الوزارة مش عارفين ان فى حاجة اسمها اعتكاف اخر عشر ايام فى رمضان يعنى فيها اية لو اجلوها لبعد رمضان ماهما عارفين ان فى الحالتين ان الطلبة مش بتروح فاياجلوها احسن علشان حتى يكون حافز لطلبة انها تروح
|
لست مع تأجيل الدراسة ، لأن هذا الترم مضغوط وفيه إجازات و 10 أيام قبل العيد يفرقوا كتير فى المنهج.
|
يعني الواحد يعمل اية العالم دي فضية !! الواحد يروح الكلية ولاميروحش
|
هذه لامور مش في ايد الوزير
|
يا جماعة المفروض ان الشهر يبقي اجازة عشان الواحد يتفرخ للعبادة دول كمان جين في العشرة الاواخر اهم ايام في رمضان
|
الطلبة سيحضرون اول يومين ثم حيغيبوا ما جتشى من عشرة ايام عايزين انضباط من بدء العام الدراسى
|
لو كان هناك اعتبار لرأى أحد من المعلمين كانت امتحانات الكادر ألغيت
وعلى العموم أوافقك الرأى على تأجيل الدراسة لبعد عيد الفطر |
كدة حرام
أحترس التدخين يدمر الصحة ويسبب الوفاة حافظ على صحتك الذى أنعم الله عليك بها http://up5.m5zn.com/photos/00220/yvfiet38l2om.jpg |
* واحد مدرس خلف بنت سماها «كوادر».
* مدرس ضبط زوجته ماشية مع الكادر بتاعها قتلها وغسل عاره. * أم العروسة للعريس المدرس: إحنا عندنا الشقة وكل شيء، ومش مطلوب منك حاجة.. إحنا بنشتري «كادر». * المدرس لحبيبته: بصراحة يا حبيبتي أنا مش «كادر» أتقدم دلوقتي وظروفي صعبة خالص. * طلب وظائف: مؤسسة تعليمية كبري تطلب عدد ٤ مدرس «بكادر» وعدد ٣ مدرس «بنصف كادر». * فرصة: مؤسسة تجارية كبري تعلن عن توافر «كوادر» للمعلمين.. جميع المقاسات بجميع الأسعار. * إعلان: لدينا «كادر» استعمال خفيف بحالة الزيرو. * تلميذ بيسأل مدرسه: هو «الكادر» بتاعك يا أستاذ لونه إيه؟ * تنبيهات ناظر المدرسة: كل مدرس يعلق «الكادر» الخاص به علي صدره منعاً للإحراج. * عاجل عاجل: مدرسة تطلب «كادر» مستعملاً وارد الخارج بترخيص سنة. * الأب: تقدر تقول لي الدرجات ضعيفة ليه الشهر ده. الولد: أصل المدرس بتاعنا معاه «كادر» صيني! * واحد مدرس طلق زوجته لأنها بعد سنين عمر مش عارفة تجيب له «كادر»! |
والله انا رأيى مختلف عن الجميع بدء الدراسة - تأجيل الدراسة كلها أمور سطحية مش فارقة حاجه خالص كلها أيام وبتعدى كل ما أدعو به الله سبحانه وتعالى فى هذه الأيام المباركة هو إعلان الجميع فى بلدنا الغالية مصر بنهاية أجازة ضميرنا علشان تقوم بلدنا وتقف على رجلها من تانى .
|
ياريت تتأجل رحمة باولياء الامور الناس تعبانه
|
والله مش فارقة
دراسة أو أجازة مفيش نظام مفييش تخطيط عشوائية وقرارات ع المزاج وبس |
اقتباس:
مش كادر اضحك |
يا رب لا تدعنى اصاب بالغرور اذا نجحت ،ولا باليأس اذا فشلت ،بل ذكرنى دائما ان الفشل هو التجارب التى تسبق النجاح |
حبايبي لو دا كان حالنا احنا يعني (بنكت) علي نفسنا امال ايه حال اعيال بعد ما تبدا الدراسة هايقولوا ايه يا رب الوزير يشوف النكت دي عشان يستريح ويشوف هو عمل في المدرسين ايه
|
انا من رايي اننا نسكت لان كده كده لا ياخذون براينا .ادينا اعترضنا على الكادر و قامت مظاهرات للصبح
ايه اللى حصل؟ اللى عايزينه بيعملوه |
الافضل تبدأ يوم عشرين كده كده ماحدش هيروح و تتحسب ايام واسابيع وخلاص بدل تاجيلها ووجع دماغها
المهم عدد الاسابيع والايام ع الورق |
انا من رايى يأجلو الدراسة سنة نستجم فيها
|
تأجيل الدراسة ليست في يد سيادة الوزير ولازم نعذر الوزير 0000لأن سيادة الوزير مشغول في كيفية الخروج من مأزق الكادر 000هل يعملو النسبة 50% أو يحصل درجة رأفة 000 الوزارة قدمت أسوأ إهانة لمعلمي مصر في تاريخهم فكيف للوزارة أن تحترم رأي المعلمين في التأجيل للدراسة 00000(معلم ثانوي منسى 0000 آسف قصدي فني) |
اقتباس:
|
اقتباس:
ربنا يسهل |
الكادر بالأمر والدراسة بالأمر
تأجيل الدراسة بعد العيد أفضل كثيراً خصوصأ إنها مش عشرة أيام ولا حاجة دى أقل من أسبوع وعلى الاقل الطلبة يأتوا بعد العيد وهم فى قمة النشاط لاستقبال العام الدراسى مش لاستقبال الاجازة ..
ولكن نظام التعلمي الهبوللى عاوز يمشى كل حاجة بالأمر مع إن صاحب الأمر مش فاهم ... للأسف:cool: |
التعليم فى مصر سوف ينهار
اكيد تأجيل الدراسه لمد اسبوع ( كده كده مش هيبقى فيه حضور للطلبه على الاقل ) سوف يؤدى الى انهيار وتدهور خطير للعمليه التعليمية فى مصر اللى هى اصلا مضبوطه على الآخر ... ههههههههههههههههه
|
كل سنة وانت طيب ........تعرف الوزارة بتحمل نفسها ما لا تطيق
بعدم التاجيل.........يا عينى زى الراجل الغلبان بس مقاوح...........وعدم تاجيل الدراسة اعتقد انه ليس له علاقة بالمدرس ولا بالمدرسة ولا بالطلبة ولاكن له علاقة سلبية على اولاياء للامور وزيادة عذابهم؟؟؟؟؟؟ |
شكرا كتييييييييير احبابي علي التواصل بس لسه برضه فاضل في امل قدامنا كدا كام يوم يمكن ياخدوا قرار بالتاجيل لان بداية الدراسة في الميعاد اللي هما قالوا عليه لن يجدي ابدا والعيال مش هاتروح والمدرسين اصلا نفسيتها تعبانة من التكدير اللي حصلهم يمكن بعد الشهر الكريم والعيد يبقي الحال غير الحال شوية
|
العمل عبادة يا جماعة واللة واحنا كدة كدة بنروح المدرسة لما نحلل فلوسنا يمكن ربنا يغفر لنا فى ايام مفترجة
|
الوعى
لو فيه وعى بأحوال البلد كانو عرفوا انه لازم يتأجل العام الدراسى لبعد العيد وكان لازم يسكنوا أهل الدويقه قابل ما يحصل اللى حصل
|
المنهج ممكن يتعوض باى وسيلة بس تفتكر وا ان ممكن نعوض العشر الاواخر اذا فاتوك؟؟؟؟؟؟؟؟؟؟؟؟؟؟؟؟؟؟
معتقدش ان ايام السنة كلها تعوض مثل هذه الايام. وحسبنا الله ونعم الوكيل فى اللى اخذ هذا القرار نعم اؤيد لابد من التاجيل. |
| جميع الأوقات بتوقيت GMT +2. الساعة الآن 05:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.