بوابة الثانوية العامة المصرية - بالصور رأس غارب وكارثة كل عام

كارثة فيضان رأس غارب . البحر الاحمر . 27اكتوبر 2016

مبدأيا كده اللهم اجرنا في مصيبتنا ... ويبعد عنكم وعن الجميع ال بنشوفه وعايشينه .. والله العظيم تلاته لا يوصف ابدا .. ومش هاعرف ارد حاليا الموبايلات فصلت واخر شحن في اللاب وفرته للبوست ده محاوله لتوصيل الصوره.

_ اقسم بالله اقسم بالله اقسم بالله كارثه وحدتنا واظهرت خير مافينا ولا عزاء لدوله ال بالنسبه ليا شخصيه لا عتاب الان ..
__ للتخيل ..

_دي صور لبعض الاماكن ال امكن تصويرها بعد توقف السيل.. سيبوكم من اي كلام وتصاريح رسميه .. الاصابات والمفقودين والوفيات الله غالب ويرحمنا برحمته ..

_ اكتر من نصف البلد ال مستواه اقل من الجبل مناطق كامله خط واحد بدأت ( الكمين .. عمارات الكمين . المدينه الصناعيه .. العبور . ال128 .. السوق القديم .. المعاشات .. مركز الشباب ) بيوت وعربيات واكل معايش وبشر كله اتساوى بالمياه ووصل البحر من الجانب العكسي ...خسائر ماديه بالملاين . والخسائر البشريه ربنا يسلم ..

_ محاولات الانقاذ وتصريف المياه مستمره للان والله يعين شباب ورجالة البلد ال في الشوارع من امبارح بالليل ومستمرين .. كل اهالى البلد كبار وصغيرين ورجاله وستات .. والكهرباء من امبارح قطعت . الشبكات والانترنت ضعف ...

___ الخوف حاليا من تبعيات الكارثه ... من مناطق منكوبه يكون لسه فيها ناس .. مناطق كامله معزوله بسكانها وجاري محاولات فتح طرق ليهم.. السيل جاب معاه زواحف الصحراء بأنواعها وربنا يستر .. البلد فيها نقص امدادات اعاشه واغاثه وطبيه واهالينا واخواتنا من مدن المحافظه وقنا بدأوا التحرك بدعم ..وده الطبيعي والمنتظر من اهالينا واصحابنا ..

_ اللهم ارحم كل من مات شهيد . واشفي كل مصاب . واجمعنا بكل مفقود على خير . ولا نسألك يارب رد القضاء ولكن نسألك اللطف فيه .. ربنا ما يوري حد

منقول

https://scontent-cai1-1.xx.fbcdn.net...71&oe=58A38F8A