|
هل تقبل الذهاب الى طبيب نفسى ؟؟؟؟؟؟؟
السلام عليكم ورحمة الله وبركاته سوف ابدأ موضوعى بعدة تساؤلات هل اذا شعرت بانك تحتاج لزيارة طبيب نفسى ستذهب فورا ام ستتردد او لم تفكر مطلقا فى هذا القرار ؟؟ وهل زيارتك لطبيب نفسى مقبوله اجتماعيا ام لا ؟؟ الحقيقه انا شايفه ان الموضوع اتحسن بدرجه كبيره عن زمان بس لسه نظرة المجتمع غريبه حبتين .. انا يمكن اعتراضى على الطبيب النفسى فى نقطه ان لو الانسان قريب من ربنا أشد القرب فانه اذن ليس فى حاجه اليه اذن دور الطبيب النفسى مهم فى زمن غابت فيه التقوى وقلت العبادات حتى وان كان ظاهرها لا يعكس باطنها وجهة نظرى ان كلمه مرض نفسى تعنى ان النفس بها مرض ما وليس الجسد طب ومين فينا فى هذا الزمن حيث اقتربت الساعه وانشق القمر ليس لدى نفسه مرض الملل مرض نفسى , التشاؤم مرض نفسى , الاكتئاب مرض نفسى , الحقد مرض نفسى كل دى احاسيس اكيد مرت علينا هو المريض النفسى اصبح مريض بين عشيه وضحاها؟؟؟ طبعا لا .. اكيد مر بعدة مراحل وفى اخرها تطورت حالته الى حد مرضى اضطر ساعتها الذهاب الى الطبيب لا يوجد انسان سوى مائه بالمائه فلنفرض ان درجة العقلانيه (10) ودرجه الجنون (0) هل جميع الناس عشره على عشره بالطبع لا لانه لا يوجدانسان كامل .. اذن تتفاوت الدرجات تبعا للضغوط المحيطه بالفرد ده كان رايى يا ترى رايكوا انتوا ايه ؟؟ مع العلم انى لو شعرت انى مريضه نفسيا سوف الجأ للقران ولو لم استطع التغلب على مريض من المؤكد اننى سوف ازور طبيب نفسى لكى لا اضر نفسى.... ربنا يبعد عننا جميعا اى مرض او اذى .... http://i53.servimg.com/u/f53/12/43/96/04/4b0e2b10.gif _________________ http://i53.servimg.com/u/f53/12/43/96/04/8524_110.gif http://i53.servimg.com/u/f53/12/43/96/04/74c7ae10.gif |
انا نفسي اروح :d
عاوزة اجرب .. عندى فضول اشوف ايه ده :) |
الحمد لله
ملناش تعامل مع الاطباء النفسيين ومش عارف ليه الناس اول ما بتحس انها مخنوقة يروحو جرى على الطبيب النفسى مع ان ربنا بابه دايما مفتوح يعنى لو الواحد قراله ايات من القران ودعا ربنا انه يخفف عنه اكيد هيحس بارتياح نفسى انا مش بقلل من قيمة اطباء النفس بس مش كل مشكلة نواجها نجرى عليهم ربنا يبعدنا عنهم عن جميع الاطباء يارب شكرا على الموضوع ودمتم فى رعاية الله |
السلام عليكم
انا رايي المتواضع ان طبعا القران هو الحل لكن ساعات الانسان بيبقى مخنوق محتاج يكلم مع حد والدكتور النفسي من وجهة نظري هو الشخص اللي ممكن تكلم معاه بحرية وده بيساعد في تخفيف الضغط وكل عام وانتم الى الله اقرب وعلى طاعته ادوم |
معرفش بس ممكن
لو الواحد معرفش يتخلص من مشاكله |
اقتباس:
|
ايوه يا فجر انا معنديش مانع اروح لو ده هيساعدنى فى مرضى مثلا
مع انى حاسس ان هما لا بيقدموا ولا بيأخروا ياااااااااااه طول عمرى كان نفسى اطل دكتور نفسى من غير ما ادخل كليه الطب |
ايوه طبعا لان ده بيساعد كتير والوحيد اللي ممكن يساعدك بعد اهلك طبعا
|
اة يا فجر انا ممكن اروح لدكتور نفسى عاوزة اجرب مع انى مقتنعه بكلامك ان القراءن هوة الحل وكدة وبابا ربنا زى ما الاعضاء قالوا
بس الطبيب النفسى نتيجة للضغوط اللى احنا عايشين فيها وانا عامة معنديش اى مانع انى اروح واللى عنده اى موقع للاطباء النفسيين ياريت يسيبه على قسم موقع اعجبنى وميرسي عالموضوع |
اقبل انى اروح لطبيب نفسى عادى
شكرا على الموضوع |
بداية انا امنية حياتي اكون دكتورة نفسية والفترة اللي فاتت كانت امنية حياتي اني اراجع دكتور نفسي لكن بابا كان رافض تماما
ذهابي لدكتور نفسي لا يعني ابدا اني عندي ذرة جنون انا مقتنعة بالدكتور النفسي اكتر من اي دكتور عادي تاني موضوع الجنون ده كان زمان انما دلوقتي الصورة اتحسنت كتيييييييييييييييير عن الاول الدكتور النفسي وبقى الدكتور النفسي ليه مكانته زي باقي الاطباء والناس بتروحله عادي جدا شكرا |
:d:d:dطبعا هروح اصل انا هبقى دكتورة اسنان............................................. .....
نفسية:d:d:d |
why not
انا شخصياا نفسى اروح لدكتور نفسى نفسى اجرب الاحساس دا حاجه حلوه خالص انى ابقى قاعده ادام دكتور نفسى ومستنيه كده اعرف انا مريضه ولا لاء احساس رائع ثانكس ياقمر على التوبيك |
الاول ميرسى يا جميل على الموضوع
طبعا حلو اوى انك تستعينى بربنا اولا بس انا نفسى اروح لدكتور نفسى |
اولا شكرا على الموضوع
بس اللى بيروح دكتور نفسى مش شرط بيبقى مجرد واحد مخنوق و متضايق حبتين من موضوع هو عارفه لكن بيكون ليه تصرفات و سلوكيات غير مبررة مقصدش طبعا الجنون لكن مثلا بيتعصب من حاجات مالاش لازمة و مش عارف ليه او مش عارف يتعامل مع الناس و انطوائى او عنده تردد و خوف و قلق و ارق و يكون كل ده بشكل زايد عن الحد و مش عارف له سبب فساعتها اكيد الدكتور النفسى بيقدر يساعده انه يعرف سبب اللى هو فيه فيتعالج اما عن نفسى اكيد لما هحتاجه هاروح |
شكرا لمروركم
منى وريم و توتي |
اعوذ بالله
ربنا يكفينا شرهم انا بحمد ربنا انى كويس بالنسبه للحكايه دى والحمد لله مش محتاجومش عاوز احتاج |
اولا : اتمني ان تتقبلي مروري
ثانيا :اريد ان اضيف اضافة انا كنت باتفرج عالتليفزيون برضه وفي برنامج ؟؟ لقيته برضه عارض نفس الحكاية وكان عامل تقرير نزل احد المذيعين الي الشارع المصري ليتداولون هذه المناقشة وكان نفسه هو السؤال ؟؟ هل لو شعرت بمرض نفسي ستذهب للطبيب النفسي وكان فيه عدة آراء زي اللي شايفاها هنا ؟؟ .... بجد موضوعك رائع وشكرا علي الموضوع بالنسبة ليا انا من رايك اللي قريب من ربنا علي طول عمره مايصاب بمرض نفسي ؟؟ تقبلي مروري ؟؟ ..... "" |
اكيد طبعا اى حد شايف انه مريض نفسى لازم انو يعرض نفسى على طبيب نفسى
وانا لو شايف انى محتاج لدكتور نفسى اكيد هروح لكن انا شايف ان حكاية الدكتور النفسى دى ملهاش لزمة لانها لا بتقدم ولا بتاخر طبيبك النفسى هو نفسك لانك لوحدك وبالارادة تقدر تتغلب على اى مرض نفسى انما بقى لو معندكش ارادة وعزيمة وتحدى عمرك ما هتتعالج لوحدك ولا حتى ب 100 دكتور نفسى وشكرااا على الموضوع |
والله انا شايف ان كل طلبة الثانويه العامه عاوزين اطباء نفسيين ..
والموضوع عادي والله لو بجد |
ههههههههه جميل الموضوع ده و اهو الواحد بدل ما يعمل جديد ينشط فى المواضيع القديمه شوفى بقى اولا مفهوم الطب النفسى للاسف منحصر فى حالتين عند الناس لمجرد الضيق و الخنقه لا الجنون و طبعا ده فيه غلط كبير اوى :d فى الكتير من الامراض النفسيه المستعصيه اللى بتحتاج جلسات و جلسات من العلاج يعنى زى البارانويا ( عقده الشك ) الشيزوفرينيا ( الفصام ) الفوبيا (الخوف المرضى ) و ممكن ندخل بقى على الذهان و الصرع و الخرف و الخزعبلات و التوهان يعنى الموضوع مش مقصور على حاجه واحده و لا هى كلها واحد بيفضفض لواحد تانى الموضوع اكبر من كده فعلا و كمان بيستخدموا فيه كتير العلاج بالادويه مع انها مش بتبقى مستحبه كتير :romarioxp6: عامه بقى رايكوا ايه ؟؟ :d فى رعايه الله |
موضوع جميل جزاكي الله خير
انا شايفة انه مش عيب خالص ان حد يروح يتعالك عند دكاتره نفسانيين (و بالذات ان تقريبا مصر كلها بقت محتاجة كده):blush: و فعلا رد اوركيديا ما شاء الله جميل و موضح حاجات مهمة مش معنى اني رايحة لدكتور نفسي اني عندي اكتئاب او مجنون ... ربنا يعفينا و يبعد عننا الاذى |
ايه المانع اني اروح عند دكتور نفسي......
يا جماعة ده الم النفس اقوى الالام.....والمرض النفسي مرض زي اي مرض والدكتور النفسي زي اي دكتور ..عادي يعني.. و احب اضيف حاجة بس ان اللي قالوا ان اللي قريب من ربنا مش هيحتاج يروح لدكتور نفسي.... سوري يا جماعة انا معنديش اعتراض بس فيه امراض بجد وحالات جامدة ده علم مش مجرد ان انا زهقانة وبس او عندي مشكلة فاروح لدكتور.... لا فيه حالات فعلا محتاجة دكتور نفسي بجد....يعنى مرضى نفسيين.... |
وايه المانع اني اروح عند دكتور نفسي....مش عيب ولا حرام....
واحب اقول حاجة بس مع احترامي ان الراي اللي بيقول ان اللي قريب من ربنا مش هيحتاج دكتور نفسي...احب اضيف حاجة بس ان المرض النفسي ده زيه زي اي مرض لا واشد الامراض الما...يعنى فيه مرضى وحالات مرضية جامدة... مش مجرد اني زهقانة وعندي مشكلة فاروح لدكتور نفسي.... لا بيبقى الموضوع اكبر من كده بكتير.... ميرسي ليكي يا فجر على الموضوع لانه مهم ومش عارفة ليه في مصر مش بيقدروا قيمة الدكاترة النفسين... ده في مصر بس طبعا... |
على فكره انا ممكن اروح لدكتور نفسى عاااااااااااااااااااادى جدا
انا شايفاها تجربه جديده ولذيذه مع احترامى لكل طلب الطب فى المنتدى انا مش بستلطف الدكاتره خالص ماعدا الدكتور النفسى والله مش مجنون ولا اللى بيروحله مجنون هوا الواحد لازم يعد يكبت فى نفسه لحد ما ينفجر لازم يبقى فى تغيير ويقول اللى جواه لاى حد يقدر يثق فيه بس كده بس بجد الموضوع ما شاء الله جامد ميرسى يا فجر |
طبعاً
أروح شكراً لموضوعك الجميل |
مفيش اى مشكلة انى اروح لدكتور نفسى
|
انا عن نفسى عادى ممكن انى لو حسيت نفسى تعبانة او مخنوقة اروح لدكتور نفسى
هو الواحد المفروض انه يلجا لربنا الاول ولكن برضه الانسان بيحتاج واحد يحكيله بمعنى اصح واحد ينصحه و يفهمه وده اكيد هيبقى ف الدكتور النفسى انا عن نفسى مش عندى مانع |
والله أنا شايفه الدكتور النفسى دكتور زى أى دكتور وله أهميته المحترمة طبعا وناس كتييييييييييير محتاجه له
|
مساء الخير
انا مش شايفه اى مشكله فى انى اروح لدكتور نفسى لو احتجت لدا
عادى جدا واى انسان متحضر فاهم ان فيه فرق بين المرض النفسى والمرض العقلى لكن المشكله بقى لو كان الدكتور دا عايز مساعده :d:bosyht9::bosyht9::bosyht9: |
والله أنا نفسى أروح لطبيب نفسى
مش لأنى مش لاقيه حد أتكلم معاه... بالعكس الأصدقاء كتير والحمد لله بس إحساسك وإنتا قاعد قدامه ,ده إحساس تانى خالص إنسان واعى ممكن تستريح لو اتكلمت معاه على فكرة أنا فى يوم نمت وأنا متضايقه من موضوع كده حلمت إنى كنت عند طبيب نفسى وقعدت طول الحلم أحكيله أنا متضايقه من إيه...بس يا خسارة والدتى صحيتنى قبل ما أسمع رده |
حلوة دي
هههههههههههههه
عارفين انا بضحك ليه على التناقض بتاعكو في الاول قولتو الموضوع بقى عادي خلاص المرض النفسي مش جنون وكل الناس تقريبا مرضى سواء بالحقد لو الاكتئاب وبعدين قلتو دي تجربة لذيذة هههه حلوة مع احترامي للجميع تجربة اية ده مرض والمرض عايز دكتور يعني المرض ده زي اي مرض والقران زي مايشفى امراض الكلى والسكر وغيرها من الامراض العضوية بردو يشفى المرض النفسي لكن الناس فهما غلط ان لما الواحد يقرا قران يبقى كده عمل اللى عليى وربنا يشفيه لا طبعا امال الدكتور ده فايدته ايه |
والله انا نفسى اروووووووووووووووح
عادى حاعتبروا صديق واحكيله كل حاجة |
شكرا لردودكم يا جماعه نورتوا التوبيك وربنا يعافينا من اي مرض نفسي |
انا اقبل اروح لدكتور نفسى عادى يعنى وده مش معناه ان عندى مرض نفسى فظيع او جنون بس اللى الناس مش فاهمه ان المرض النفسى ده اى حاجه تاذى نفسيتك واحنا فى مصر يعنى ده الطبيعى وفى البلاد الاوروبيه مش المجانين اللى بيروحوا لدكاتره نفسين وبيسموه الصديق المؤجر مش العفريت بصراحه انا قرات اراء غريبه بس اختلاف الراى لايفسد للود قضيه وربنا خلق الداء وخلق الدواء
|
انا ناوية ان شاء الله انها تكون مهنتى المستقبلية
ومش اى حد بيروح لدكتور نفسي يبقي مجنون ممكن يكون مخنوق او مكتئب او حصله حاجة غير مجرى حياته مش قادر يرجع حياته الطبيبعية تانى بيبقي محتاج حد ياخد بايده او محتاج اهتمام او محتاج حد يسمعله *كتير اوى من الناس عايزين حد يسمع ويهتم* او حد عايز الصح ومليون بيمنعوه وعايز حد يأيده على الصح يعنى لو مشكلة مثلا ممكن يبقي قدامه الحل وهو مش شايفها احنا الحمد لله مسلمين يعنى ربنا اول حاجة عندنا وممكن يكون حل مشكلته فى الاسلام*الاكتئاب مثلا* ممكن يكون مش يعرف وحد يقوله يرتاح لو على كلام حضرتك اللى بيروح لدكتور عشان مجنون يبقي كتير اوى اوى مجانين!!! ربن يوفق حضرتك ومش تحتاجى ليه ابدا مرسيي كتير لحضرتك على التوبيك جزاكى الله الجنة |
انا متفقة مع راي ( طبعي كدا )
|
أقبل
لأنى ببساطة رحت أكتر من مرة لأكتر من دكتور ..... ربنا م يرجع الايام دى تانى .... |
الطبيب النفسى زية زى أى طبيب
|
امي ذهبت الي المستشفي يوم 23/3/2011 م انا احبها كثير اكثر من الحياة مين الي هيصحيني ويبوسني ويفطرني قبل مروح المستشفي حد يرد عليا ومين الي هيذكلي ومين هحكيلوا علي همومي هيبقي العيال كلهم ريحين المدرسة وشيفين امهم وانا الوحيدة الي ما شفتش امي امي الحبيبة يا نور عيني هتوحشيني
|
واروح ليه لدكتور نفسى ومامتى جنبى
|
انا شايفة الموضوع عادى ..
الطبيب النفسى زى اى طبيب تانى .. واحيانا الالم النفسى اصعب من اى الم .. شكراااااااااااااااااااااا على الموضوع .... |
والله العظيم انا فى تالتة ثانوى وهموت واروح لدكتور نفسى لانى اللى بيحصل فينا دة كتير جدا
انا همووووووووووووووووووووووووووووووووت تعبت جدا بجد ربنا يرحمنا من اللى احنا فية واكيد طبعا مش هتردد انى اروح لو لقيت فرصة اصلا الموضوع دة مفيهوش مشكلة اصلا مين فينا مش عايز طبيب نفسى بعد اللى بيحصل دة موضوع شيق تقبلوا مرورى [IMG]http://up9.up-images.com/up//uploads...3f365ec55d.gif..[/IMG] |
يآريت آروح
بس لو هو بيحفظ آلسر آنآ مش بثق في حد آليومين دول خآلص وحآسة آني هنفجر لو مش فضفت كل آلي جوآيا تقبل مروري يــــــــــــــــآرآ عطية |
اقتباس:
ليه كدا يا يارا ؟ انتي لسه في تانية اعدادي وهتنفجري ؟ :bosyht9: امال لما تبقي في تانية جامعة , هتقولي ايه ؟ ;) |
اقتباس:
آنآ آنسآنة كتومة جدآآآآآآآآآ وكتر آلكتم بيتعبني بس ببين آني مفيش حآجة مش عآرفة دي حآجة حلوة ولا وحشة ؟؟؟؟؟ |
جزاك الله خير
ليه لا لو انا فعلا محتاجه لدكتور نفسى وكل الناس اللى حواليه اشتكوا منى ايه المانع انى اروح عشان اتخلص من مشاكلى |
ياما نفسي اخوض التجربه دي....
انا بحترم الدكاتره النفسيين جدا جدا ... |
مش عارف و الله ..
بس ان شاء الله يعنى منحتاجش نروح .. بس انا بحب أعالج نفسي بنفسي فى الموضوع ده .. |
مش شايفه فيها مشكله ساعات بنكون محتاجين حد نتكلم معاه يعنى نخرج اللى جوانا من اول طفولتنا بما فيها من حلو ووحش لغاية دلوقتى بس من غيرعلاج نفسى واكيد بعد كده هنحس براحة نفسية وبطاقة هائلة يعنى اعتقد ان كل انسان فى حاجة لطبيب نفسى بس علشان يفضفض عن اللى جواه هبقى افكر فى الموضوع ده;) |
| جميع الأوقات بتوقيت GMT +2. الساعة الآن 06:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.