|
هل احنا بنخالف قوانين المنتدى...!!
بسم الله الرحمن الرحيم
الاول احب امسى على اعضاء المنتدى... و ندخل فى الموضوع على طول... انا كنت باشوف مواضيع المنتدى و احواله دخلت موضوع (القوانين العامة للمنتدى).... و فى كذا نقطة عايزين نناقشها مع بعض اعضاء و ادارة و مشرفين... كلامى او ردى بالاخضر اقتباس:
النقطة التانية... اقتباس:
اقتباس:
دى كانت مجرد ملاحظات و اتمنى انى ماكونش فهمت غلط... و لو كنت مش شايف القوانين صح... ممكن حد يتكرم و يشرحها و له جزيل الشكر.... و شكرا...(بلاش بقى شناكل)... |
طيب ننقل الموضوع لمكانه المناسب وبعدين نتكلم
|
الأول إسمحلى أرد عليك لأن تقريباً أنا اللى صغت القوانين دى كلامى هيكون باللون الأزرق اقتباس:
دى كانت جزئية كدة.... النقطة التانية... اقتباس:
يعنى هل معنى كدة ان لما اكتب كلمة شناكل دى فى اى رد بيبقى مخالفة للقوانين و زى ناس كتيير ما بتعمل...(مش نفس الكلمة بس حاجة زى كدة...) القانون واضح جدااااااااً والمقصود بالكلمات الخارجه هى الكلمات الخارجه عن الأداب العامه زى " الشتيمه " ياريت تكون وصلت لحضرتك اقتباس:
فلا يسمح باستخدام 1- العبارات العاطفية الغير مبرره " بحبك يافلان .. بحبك يا فلانه " الكلام ده مالى قسم الفسحة و نوعيات من دى كتييير.... وعشان كده طلبنا حذف القسم ولا حضرتك مش معانا فى المنتدى وعلى ما أعتقد غن الكلمات دى لما تتقال من بنت لبنت أو ولد لولد عادى والعكس بيتم الوقف دى كانت مجرد ملاحظات و اتمنى انى ماكونش فهمت غلط... و لو كنت مش شايف القوانين صح... ممكن حد يتكرم و يشرحها و له جزيل الشكر.... و شكرا...(بلاش بقى شناكل)... ياريت أكون قدرت أوضح لحضرتك وجهة النظر فى القوانين |
انا بجد اسف...
الظاهر انى عملت بوليكة على الفاضى.... بالنسبة للفترة بتاعة المواضيع الدينية و حدة النقاش انا حضرتها من حوالى سنتين ... و برده جزء السياسة بس اظن دلوقتى طالما اتعمل قسم... يبقى القانون يتحذف... و بالنسبة لجرس الفسحة اخر اللى اعرفه انه يغلق فى رمضان وان ناس اقترحت لغيه بس مش عارفين رد الادارة.... و انا اكيد مش عبيط برده و عارف انه من ولد لولد عادى او بنت لبنت ... و اكيد كدا عرفت قصدى... و انا اسف لو كنت عملت من الحبة قبة... و شكرا على اهتمامكم... |
ردى هيكون باللون دا على الجميع الحفاظ على الألفاظ والآداب العامة بمعنى أنه غيرمسموح باستخدام الألفاظ الغريبة او الغير الغير مهذبة ودائما نتذكر قول الله تعالى
انا لفتت نظرى بقى الحتة دى جزئية " الغريبة " يعنى حاجة متخيلش العين او شكلها غير مألوف الملاحظ انه فيه كان كام عضو بدأو يمشوا بنظام الفرانكو اراب ، وردود طويلة فاعتقد ان دا بيتعب العضو اللى هيقرا ، هل دى فيها حاجة ؟ زى ما الفيس بوك بيمنع فى التسجيل الاشكال الغريبة زى نص الحروف كابيتال ونصها التانى سمول ، وكدة يعنى ؟؟؟؟؟؟ احنا هنا بنتكلم ع الغريبة :) والسلام عليكم ورحمة الله وبركاته |
ايه الفرانكو اراب ده يا حابى....
و انا كنت فاهم القانون غلط... عادى بتحصل فى احسن العائلات... |
الفرانكو اراب = اللغة اللى بيكتبوا بيها كلام عربى بحروف انجلش
زى المنظر دا مثلا =menawareen el montada ya gama3a= لا انا بستفسر هل كلمة " غريبة " تشمل المنظر دا من الكتابة ولا لاء |
اقتباس:
انا معاكى فى الجزئية دى خصوصا انى ساعات ببقى تعبانة اصلا ومش ناقصة اللغة دى تكمل عليا عقبال ما اترجمعا يا يكتبوا عربى يا انجلش (اللى احنا اتعلمناه) انما اللغة الغريبة دى بلاش فى ناس هتقول الكيبورد بتاعها مفيهوش عربى يبقى خلاص يكتبوا انجلش (اللى اتعلمناه) ياريييت تطلع اللغة دى من ضمن (الغريبة) |
لا بصى انا اللغة دى ممكن اتقبلها فى استثناءات
رسايل موبايل حد داخل مسنجر من موبايل حد قعد مرة من كمبيوتر مفهوش عربى - بس ع المسنجر لكن منتدى لا ثم لا ثم لا غير ان الاعضاء اللى لاحظت بيعملوا كدة لقيت لهم مشاركات ياما بالعربى يعنى مش عملوها عشان عذر ولا حاجة ،، يمكن فى الحالة دى ممكن نعذرهم لو الجهاز خرف مرة ولا حاجة بس مشاركة تبقى فى المعقول مش طويلة ومعقدة ومكلكعة لكن انها يتكب بيها ع سبيل تغيير الجو او انهم بيحبوا اعتقد مينفعش فى منتدى نهائى يعنى ناس كتير متواصلة مع بعضها ومينفعش اكتر فى منتدى تعليمى وجهة نظر مش اكتر ،، بس كويس ان فيه حد بيحاول يفهم القوانين صح :) |
شكرا على التوضيح - أنا معنديش أى تعليق.
|
اقتباس:
يارييت الفرانكوا ده بجد يتحط ضمن القوانين لانه حاجة متعبة مش على اللى بيكتبها لا على اللى بيترجمها(ربنا يديله طوله العمر):d |
اقتباس:
أنا مش معا حضرتك عشان في ناس مبتعرفش تكتب إلا بالطريقه دي و أنا كنت واحد من الناس دي و فعلا أنا لما الكيبورد بيبوظ مبعرفش أكتب إلا باللهجه دي (و مش كل مره هشحت كيبورد) :p:p:p:p و في أنظمه زي linux مبعرفش أستب اللغه العربيه. و بعدين لو كده طب ما تيجي نبص للعكس كلمه زي: أوك نو بروبليم نيفر مايند _________ الكلام ده مش المفروض يكون عجيب بردوا!!!!!! و معظم الأعضاء متعودين علي الطريقه دي بردوا _______ و تقبلوا مروري و أنا أسف و ياريت محدش يزعل مني :d:d:d:d |
أنا مش فاهم حاجة خالص من كلامكوا ..... القوانين ثابتة في جميع المنتديات ومحدش بيعمل بيها ..
|
الالتزام حلو بردو ولا ايه
|
اقتباس:
ماشي ماشي مااااااااشي يا ترافل :d:d انا عن نفسي الـ franco بالنسبالي اسهل مليون مرة لأن كل شغلي على الحاسوب ( قالوهالنا كدة في المدرسة :d ) بيبقى بالانجلش و العربي مش بكتب بيه الا هنا عالمنتدى .. وانا لما بكتب بالـ franco بيكون كلام هزار ولازم يتكب بسرعة انما الكلام الجد كله بكتبه بالعربي .. وبس ... |
اعتقد انه موضوع مهم وموضوع الفرانكو اراب دا بيبقى رخم فى الترجمه اوى اوى
|
اقتباس:
نشوف اذا فعلا فى ناس بتعانى من مشكلة فى الكتابة بالعربى.... يبقى كدة ساعتها نعرف نحط لها قوانين....تحد من انتشارها...من غير ما تمنعه... اقتباس:
اقتباس:
فلازم ناخد بالنا من حتة زى دى.... اقتباس:
لو مابعرفش اكتب غير كدة يبقى ربنا يعوض علينا فى اللغة العربية... لكن لما ابقى مضطر دى حاجة تانية خالص... و فعلا لازم نبص للفرانكو انجلش..زى الفرانكو اراب... ايه وضعنا من كلمات زى اللى حضرتك كتبتها... و طبعا محدش يقدر يزعل ...لانه نقاش هادف و بكل احترام... اقتباس:
اقتباس:
اقتباس:
و لازم حضرتك تبقى عارف كل الطرق للكتابة حتى من باب العلم... طب ما انا باعرف اكتب فرانكو بس مش باكتبه الا فى الياهو و ما الى ذالك لانى باقابل مشكلة النقل ما بين الانجلش و العربى... و بعد ما عرفت ازاى اعالجها..مش باكتب بيها خالص.. و شوف هزار او جد الافضل اننا نكتب عربى...و نحاول ننهض باللغة و لوننا بنكتب عامى بس احسن من فرانكوا...و لا ايه..... و فى الاخر دى وجهة نظر ممكن حد يخالفنى فيها و ممكن يأيد... اقتباس:
----------------------------------- شكرا على مروركم كلكم....و اهتماكم بالمنتدى ...و بس ... شكرا..^_^ |
اقتباس:
اقتباس:
اقتباس:
برضوا انا ضد الفرانكوا محدش يقنعنى انا نظرى ضعف بسبب الفرانكوا ده هتدونى عينيكوا يعنى اقرا بيها الفرانكوا ده؟ |
هو ممكن زى ما قلتى...
انه يكتب انجليزى...بدل الفرانكوا.... طب نفترض انه مش قوى فى الانجلش.... يعمل ايه.... بس ااعضاء اللى بعملوا زى ما بتقولى و فى الاخر ياخدوا الجنسية و يكتوبوا حلو... يا اما المشكلة اتحلت,.. ياما هما من بتوع 300 رد و انا مش هاقدر اخش المنتىد عشان...... برده عايزين حل وسط... |
اقتباس:
احنا ناخد كلة فرانكوا وكلمة عربى:d معرفش بقى بس انا بريح نفسى بصراحة لما بلاقى فرانكو مش ببص خالص فيه |
انا شايف لحد دلوقتى بالنسبة لحكاية الفرانكوا...
انسب الحل... انه يا يكتب عربى ياما يكتب انجلش... و اللى عنده حل تانى يقول.... و اللى عنده مشكلة تانية برده عايز يتكلم فيها يتفضل ... شناااكل.. |
اقتباس:
حضرتك في ناس حلوه في الإنجبش بس بردو مش لدرجة إنها تتكلم كل الكلام بيها ومش هتعرف تعبر عن اللي عايزه تقولوا و حاجه كمان أنا مثلا عايز أكتب شناااكل أكتبها إزاي ;););) و كلام من ده و علي فكره ده أول موقع عربي أشترك فيه في حياتي كل التعاملات بتاعتي مش هنا بس كنا بنستخدم shortcuts مش كل الناس هتفهما و هنرجع للصفر تاني من حيث المبدأ و مفيش زعل ولا حاجه :d:d:d |
اقتباس:
بس دلوقتى ايه الحل.... فيه ناس بتقول لا الفرانكو وحش... طب و الل مش هايعرف يكتب عربى... ميخشش منتديات بقى... و فيه بيقول حلو... طب بس فيه ناس بتعانى منه و انا منهم...و برده من اللى بيكتبوا فرانكوا عادى... طب برده اللى هايكتب انجلش زى ما بتقول مش ملم بالانجليزى لدرجة انه يكتب زى مانا باكتب عربى كدة... على ما اظن الحل هايكون.... يبقى الوضع على ما هو عليه و على المتضرر اللجوء لشراء كيبورد... shanakl....;) |
اقتباس:
w momken n2ol aw sha7toh men 7ad aw travel tegeblena wa7ed و في أمان الله :d:d:d:d:d |
ترافل لو شافت ردك.....
بس تيجى هيا بس.... و عادى برده.... momken nsha7th men 7ad aw sabt.... shanakl |
اقتباس:
mhea in sha2 allah mesh htfham 7aga men el kalam dah m3a enha 3amletha fea abl keda w fhmeto w kanet llty soda :d:d:d:d emshy m3ak el etnen aw talata aw araba3a :p:p:p:p |
يعنى انت مش هاتبطل برده...
طب انا بقى هابقى اشرح لها.... و بعدين كدة الموضوع قلب هزار... و مش عايزين نزعل الادارة منا... لاننا فى بلد ديموقراطى... |
انا مش هقرا ردودكم
لان دخل فعلا فيها الفرانكو وانا عينى مش ناقصة :) و ع فكرة معظم واغلب اللى بيكتبوا فرانكو هنا بايدهم يكتبوا عربى لانى امبارح شفت كتير نص المشاركة مثلا عربى والنص التانى فرانكو ومحدش يقول لى معندوش عربى اومال كتب بقية المشاركة عربى ازاى :)؟ ولو مشكلة كيبورد بس الكيبورد مقدور تغييرها لكن بتفرق لو مشكلة كمبيوتر اعتقد يعنى المشكلة مش هتفضل كتير يعنى وخير الكلام ما قل ودل يبقى ميطولش فى المشاركة ويقول المفيد دا عشان مشاركته تتقرى اصلا ويوضح كدة فى الاخر او بلون تانى انه غصب عنه بيكتب كدة وع فكرة محدش دافع عن الفرانكو غير بعض من اللى بيكتبوه:) انا عاوزة اشوف رأى ناس تانية بتتكتب عربى اصلا ماشى احنا ممكن نمشيها فى كلمة ولا اتنين ولا سطر فى المشاركة لكن المشاركة كلها ؟ ساعتها بدور ع اى عذر فى المشاركة ان الشخص دا عنده مشكلة مثلا فى الجهاز واضطر يكتب كدة لكام مرة بس لكن مش بلاقى والاقى النظام دا بيتكرر والاقيه بيكتب عربى واُفاجأ كانت بنت امبارح مشاركة واحدة ليها نصها عربى ونصها فرانكو طب ايه لزومه؟ يبقى سورى يعنى طالما حد مش مقدرنا وهيوجع لى عينى مش لازم اقرا رده ومش هيفرق معايا يمكن اسلوبى هيتاخد بعصبية للناس اللى بتكتب فرانكو بس هما مش عارفين بيعملوا ايه فى الناس :) |
| جميع الأوقات بتوقيت GMT +2. الساعة الآن 08:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.