|
موت الملياردير الشهير دهب.............اشتغاله
بسم الله الرحمن الرحيم النهارده فى تمام الساعه الحاديه عشر قبل منزل الدرس بشويه قلت اقلب شويه فى التى فى :d حلوه التى فى اصلى ثقافتى انجليش :p وقعت كده فى قناه او تى فى المهم لقيت مزيعه شبابيه من بنات اليومين دول كده ماسكه الميك وبتسال الشباب المصرى الواعد ايه رايك فى موت عم دهب :d رجل الاعمال الشهير خليكو معايا فى ردود الشباب وفى الاخر وصل للموضوع اللى عاوزه افاتحكو فيه اول واحد :::: عم دهب هو فى زى عم دهب بجد راجل فاد مصر بصحيح . المزيعه ::: طيب فكرك ايه اللى هيحصل هل مشاريعه هتستمر بعد وفاته وياريت تقولى ايه اهم اعماله؟؟!! طبعا الشاب الميكى ميكى من العيال اللى بتروح وتيجى بيتكلم بكل ثقه ولك انت تتخيل الصراحه يا انسه موضوع الورث وهتلاقى الخلاف الجامد عليه يعنى مشاريع الراجل مش هتستمر بالاضافه ان اعرف ان مشاريعه فى عالم الدهب كانت كويسه جداا المزيعه وبكل ثقه بردو:::: انت عارف ابنه بطوط ممكن يرتقى بالصناعه المصريه ويعيد امجاد ابوه الواد وبكل تناحه::: طبعااااااااا بطوط من وهو صغير من زمان فعلا مشاريعه بتدل ع شخصيته ال عارف مين بطوط:d والاخ شغال كلام كانه اخوهم الصغير وعارف هو بيتكلم عن مين كويس المزيعه طبعااا سابته وبحثت عن شاب جديد المزيعه :::: اهلا بيك النهارده..بعد وفاه البيزنيس مان الكبير عم دهب تحب تقول ايه الواد واقف ولا فاهم حاجه :confused: :eek: قالتله حضرتك عارف عم دهب؟؟؟؟ قالها اااااااااه عم دهب طب متقولى كده ده من احسن رجال الاعمال اللى فى مصر مشاريع واستثمرات بالهبل المزيعه :::: طيب وفكرك ليه الناس مش بتفتكر الناس الكويسه دى الا بعد متموت الاخ::: والله معرف هى البلد دى كده مش بتفتكر غير الميتين انتى عارفه عبد الحليم عبد الناصر الناس دى محدش عرفها الا بعد مماتت انا قاعده طبعا هتشل بعد مجتبى المراره مين دول اللى مكنوش معروفين الا مماتو:rolleyes: المزيعه :: طب وايه رايك فى بطوط هل هيقدر يكمل امجاد والده عم دهب الشاب:: اااااااااه طبعا هذا الجحش من ذاك الحمار اااه اقصد هذا الشبل من ذاك الاسد المزيعه طبعا قالت لاززم هلاقى الشاب المعجزه اللى هبعرف انا بتكلم فى ايه^_^ هوب عترت فى واد مهندم الملبس عريض المنكبين واد كده من شباب المستقبل ;) وقفته وبكل رقه ::: حضرتك ايه رايك فى حادثه المروعه الشنيعه بتاعت وفاه عم دهب الواد بلم حبه :mellow::eek::mellow:كده وبعدين استرد وعيه:) وقالها::: تعرفى انا عم دهب ده لولاه مكنتش كده بجد راجل اخلاق ودين وكل حاجه المذيعه وخلاص جالها احباط ::: طب وابنه بطوط قالها وهو بيقاطع مستنكر اووى:: هو ليه ابن اسمه بطوط قالته :: وبدات تنتعش كده:) انت ايه رايك؟؟؟ وطبعا من جواها يااه يارب يعرف انا نظرتى فى الناس عمرها منزلت الارض ابداااااا يااه لو الواد ده يجى يتقدم لبابى ومامى:rolleyes: قاالها :::اه افتركته ده واد فاشل كان معاايا فى الدراسه وبتاع بنات يعنى هيبوظ اللى ابوه عمله بعد مالمزيعه اتشلت وانا بردو اتشليت:mad: قالت لكل واحد طبعا ع حدى مينفعش المصايب دى تتلم ع بعض تحبوا تغنوا ايه للبرنامج اول واحد وبابشع صوته ممكن تسمعه :::غنى اغنيه الفنان القدير محمد سعد بتاعت فيلم ..مش متذكره اسمه بس عامه هو فيلم هابط اكيد .......كلمات من الاغنيه ..كله كله كوم وزعلك انت كوم والشاب التانى::: انا مصرى وابويا مصري بسماره ولونه مصرى وكل مصرى الله عليه :d بعد مقالها خمس مرات وتقريبا مش واخد باله ان هو بيقول نفس الجمله:d واكيد انتوا شايفين الوطنيه مقطعه بعضها والشاب الاخير ::: قال حته اغنيه عمرى مسمعتها قبل كده فى عمرى وطبعا بيقلها بمزاج جدااا وهو بيسبل للمزيعه;) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ اااه زمانكو زهقتوا منى ومن رغي بس مش مشكله الناس لبعضها;) الموضوع اللى هنتكم النهارده فيه يا شباب هل هيفضل حال شبابنا كده؟؟؟ همنا الوحيد 1-المنظره 2-البنات 3-الاغانى والافلام الهابطه 4-البنات الملهوفه ع الجواز ده مش وحيد خالص الشاب تلاقيه مش عارف حاجه فى اى حاجه بيقول اى كلام والسلام عشان ميظهرش جاهل قدام الناس ميعرفش ان بمنظره ده مش بقى جاهل بس ده بقى...:rolleyes: وفالحين اوى فى التسبيل للبنات وسماع الاغانى وكل الكلام الفاضى ده وسؤال الحلقه ايه رايك فى وفاه عم دهب ورايك ايه فى ابنه بطوط؟؟؟ للاسترشاد ..........مجله ميكى كل يوم خميس وتبقى تسلملى ع مينى جايزه الحلقه 50000 الف جنيه;) للاتصال اتصل برقمنا المجانى 010000000000 سعر الشحن ثابت 50 جنيه نصلك اينما كنت ــــــــــــــــــــــــــــــــــــــــــــــــــ ــــــــــــــــــــــــ الموضوع اكيد باين انه للركن العام يعنى ومش منقول كمان الموضوع ده معمول للتيم الاول فى الدورى الثقافى بعتذر للشباب اللى معانا فى التيم ده بس انا لقيت كله نزل موضوع واحنا حتى لسه مخترناش الاسم قلت احط موضوع صغير عبال مقائد التنظيم ييجى كلامى لفرقتى دلوقتى :p انا عارفه انه مش هيكسبنا 4 جنيه حتى بس اهى تصبيره كده عبال منعرف نلم الشمل^_^ |
هاهاهاهااهاها
انا علي كده بقي هجيب مجلة ميكي و سلميلي علي شبابنا العظيم |
اقتباس:
ويوصل سلامك ليهم باذن الله شكرا ع مرورك الطيب :d |
اولا مين اللي قال ان الشباب حاليا تافه او اهتماماته سطحية :d فيه نماذج كويسه زي ما فيه نماذج سطحية زي ما فيه ناس بتغني لمحمد سعد فيه واحد رغاي قعد يتكلم معايا ساعتين ف نظرية الانفجار الكبير ولما خلص قلب ع نظرية التطور وملحمه جلجامش :d الذين يتكلمون لا يعلمون, والذين يعلمون لا يتكلمون هي مشكله ادعاء المعرفة لو ممكن نسميها كدا بصراحه مش مقصوره بس ع جيل الشباب انت لو قابلت أي شخص ف الشارع وسألته مثلا عن دور تشرشل ف تطوير مهنة الطب لحكالك ع العملية اللي عملها الله يرحمه لبنت خاله صاحبة وانها بفضله حاليا بتقدر تتكلم وتمشي وكمان تنط الحبل :d ولو سألت واحد تاني عن مسرحية كانديدا لقعد يشكر فيه ع اساس انه دوا كويس اوي للصداع المشكله فعلا ان احنا فاكرين ان الجهل مرض علاجه الوحيد الادعاء والمكشله ان احنا فاكرين ان جهل الانسان بموضوع ما يتعتبر مهانه ف حق كبرياء الانسان دا ابقراط ابو الطب قال الشئ الوحيد الذي أعرفه هو انني لا اعرف أي شئ المشكله مش ف الجهل المشكله ف الهروب م المشكله والمشكله برضه ان اي انسان بيعتبر رأيه مهما كان بينم عن جهل او غباء جزء من شخصيته بيعتبر رأيه بيعبر عن كرامته واي مساس بيه بيعتبر مساس بكرامته وممكن تكون المشكله ف الفراغ او الاحباط الفراغ بيولد الملل والملل بيولد الرغبة ف الظهور فاكر اعلان بايخ كان بيجي ع القناه التانية زمان عن شخصية الفلاح البسيط أبو العريف كان بيقع ف مشاكل كتير بسبب برضه حب الظهور بمنظر العالم ببواطن الامور يالا مش مشكله شكرا ع الموضوع |
اقتباس:
الشكر ليك ع مرورك يا فرانكشتين وانت اتكلمت فى جزء مهم بجد كل واحد رابط فكره انه ميكنش عارف حاجه بكرامته وان كده هان نفسه لمجرد انه مش عارف حاجه بدايه العلم ان تكتشف جهلك وبدايه الجهل ان تكتشف علمك فعلا الجمله دى مهمه الواحد مفروض يحطها قدامه والواحد بردو مفروض يعرف حاجه عن كل حاجه مش يكرس كل جهوده معرفه كل حاجه عن حاجه واحده بس لازم يثقف نفسه مش مجرد المنظره لنفسه .. وااللى ميعرفش حاجه ده مش عيبه وميحسش ان ده جه ع كرامته لا بالعكس يحاول يدور ع اللى ناقصه |
يانهار أسود مش عارفين عم دهب رجل الأعمال دا كان فاتح شركة مقاولات بس فلس فانتحر لكن أنا واثق أن أبنه بطوط مع حبيبه ميكى هيعدوا الأمجاد تانى ههههههههههههههههههههههههههههههههههه ................ يانهار أبيض على تفاهة الشعب المصرى امال لو سألتهم عن البطل العظيم سمير هيعملوا ايه......... طبعا دا بطل مجلة تانية هههههه
|
اقتباس:
اصلى زهقت من المواضيع المعقده بالحسبات والارقام الشعب المصري مش تافه الشعل\ب المصرى مش عارف يبقى كويس ازاى اه انا عارفه سمير بس اعتقد انهم هيقولو عليه عضو مجلس شعب بس هو فين الغلط من مين ايه اللى خلىى الجهل يتفشي كده فى المجتمع |
انتى اللى غلطانة شغلتى التى فى ليه؟؟؟؟؟؟؟؟
كنتى انزلى الدرس وخلاص علشان دمك ما يتحرقش هههههههههههههههه اتقبلى مرورى |
اقتباس:
منور يا جميل وهى دايما بتكون غلطتى مره البلكون ومره التى فىى ^_^ |
شكرااا على الموضوع يا بنوتة
|
ِكرا عالموضوع بجد انا رجعت لورا لايام الطفوله
|
اقتباس:
انتهزها فرصه بقى واحب اوضح حاجه انا مش عاروزه الشعب المصري يكون مثقف اووى ولا عارف كل حاجه يكفينا ان الواحد يكون جوه الدايره مع الناس اللى فى الدنيا دى منكنش رجعيين متخلفين قليل من العلم مع العمل به انفع من كثير من العلم مع قلة العمل به " .. ده كلام افلاطون :d فياريت يكون اهتمامنا باللى بنعمله ونبطل كلام احنا بقينا حاجه غريبه زى مالشباب بيقولو اليومين دول لســان عمرنا مهنكون ايد ابدا ايد بتشتغل ايد عاوزه تكسب وتتعب عمرنا مهنكون عقل بيفهم او بيفكر وافتكر جمله قريتها لتوماس هكسلى بيقلك الهدف النهائى من الحياه هو الفعل وليس العلم فالعلم بلا عمل لا يساوى شيئا نحن نتعلم لكى نعمل اعتقد خرجنا من نطاق هيافه الشباب او الشريحه اللى منتشره اليومين دول لموضوع تانى اتمنى مناقشه :rolleyes: |
اقتباس:
منور يا دوك |
يا جماعة بد ما نتو عمالين تنكتوكدة على الفاضى والملايان وتجيبوا فى سيرة الميتين والصاحيين ما تروح تشوفو حاجة نافعة اعملوها احسن
عمالين تتريقوا على الشباب التاف والفاضى وانتو نفس النظام وزى ما بيقول افلاطون بهقليل من العلم مع العمل به انفع من كثير من العلم مع قلة العمل |
الشباب مش تافه اوى
بس الى حد ما ثانكس على التوبيك |
هو بخلاف إننا كنت هتشل وأنا بقرأ الموضوع وجالى حاله من الرعاش كل ما أتخيل المنظر ده لو حقيقى فعلاً بس أحب أهنيكى على الموضوع لأنه بجد موضوع بيعبر عن حاله الشباب فعلاً شباب وبكل صراحه عايش فى البطيخ مش عارف حاجه عن أى حاجه لا عارف تاريخه ولا عارف البلد اللى عايش فيها دا حتى دينه مسلم بس فى البطاقه لكن لا أخلاق مسلم ولا تصرفات مسلم شباب عايش كده وخلاص عايش من غير هدف بيعوم على مع الموجه تيار اسلامى ماشى معارضه ومالو تبع الحكومه ميضرش المهم إنه يبان فى الكدر وهدفه الأول والأخير بنت حلوه عربيه شيك بيت كويس طب والنبى هيحقق ده إزاى وهو أصلاً فاشل ملوش أى هدف الحياه ليها قواعد وأسس عشان نعشها صح لازم ندرس قواعدها وللأسف فى الآخر بنقول العيب فى الدنيا مع إن المفروض الدنيا هى اللى تعيب فينا |
اقتباس:
مش لازم لما اطرح فكره اجيب ارقام واعداد واقرف الناس ممكن اقولها بشكل كوميدى بسيط وموضوع الحاجه النافعه قاعدتى ع المنتدى بتنفعنى واللى متعرفوش ان احنا بنعمل حاجه هتفيدك مش بتكلم ع الموضوع ده بتكلم ع حاجه تانيه اوكيه لو انت شايف ان احنا شباب تافه وفاضى ايه اللى خلاك ترد هنا وتشترك مع مجموعه من التافهين :d للاسف مكرهتش فى حياتى انى اكلم حد مش فاهم هو بينقل ايه :d منور يا بات مان اقتباس:
احلى مناقشه فى احلى منتدى :lol: |
اقتباس:
منور التوبيك يا محمد :d فكرتينى بردود زمان :d |
يا بنتى الشباب اساسا اليومين دول ماسلك السجارة عملك شعره سبايكى ولا همه اى حاجة مش حاسس باهله بيصرف وبس بصراحة منظرهم :confused::confused::confused: فين ايام الرسول كله من الغرب:mad: |
اقتباس:
اه والله يا جنون معدش فى ربايه نادر لما تلاقى حد محترم ولا حد فاهم شكرا لمرورك يا قمر |
هو بينى و بينك انا بعيدا عن المرارة و السكر اللى جولى من الموضوع
بس فعلا الموضوع هادف و خطير الشباب خلاص بقى شئ صعب طب انتى جبتى نماذج إلى حد ما مش وحشة اوى واحد بيسبل لبنت و واحد متخلف عقليا و واحد بيتابع الاغانى و الافلام ده فيه الأنيل اللى بيخدر و بيضرب كميا و اللى بيسرق و اللى و اللى و اللى الشباب دلوقتى " الضايع منهم طبعا " بقى مقسوم فريقين فريق كل همه البنات و الموبايل و الاصحاب و سباق العربيات و احدث الفيديوكليبات و الفريق التانى كل همه فرش الحشيش و السجارتين اللى بيعدلو الطاسة و شريط الترامادول و فى اخر البرنامج احب أقدم خالص لعزاء لأسرة عم دهب " على الله ينوبنا من الحب جانب " و احب اسمع اغنية " ما تصحوش المواجع " لعبد الباسط حمودة و سلملى على الشباب |
اقتباس:
مش ملاحظه ان انتى مزداها شويه اقتباس:
مفيش ربايه يااااااااااااااااااااااه سبحان الله استغفر الله العلى العظيم الله يرحمك يارجوله |
اقتباس:
اقتباس:
فعلا ع راى اسيل الرجوله تتراجع للخلف:d منور |
اقتباس:
|
الاول احب اسأل سؤال لولبى مالهوش علاقة بالموضوع.....
هو مين عم دهب... انا مش مصدق يعنى عايزة تقعينىان ده برنامج بجد على قناة او تى فى.... و الشباب قاول كدة ... معلش اصل فهمى على قدى... اللى انا فاهمه و يا رب اطلع غبى.... انه المزيعة سالت عن عم دهب اللى هو يبقى عم بطوط مش ابوه(متابع انا)... و جد التلت بطاطيط دول... و الشباب زى القطر بيجابوا بكل ثقة... و هما مش عارفين انهم بيتكلموا على شخصية كرتونية اصلا... معلش حد يشرحلى تانى... بجد انا متغاظ.. بلا شناكل بلا زفت.... |
اقتباس:
شكرا لمروك اللى نور الموضوع يا بندق وليا رد تانى لما ارجع من بره |
اقتباس:
الربايه هقلك دخلت ازاى لما اتكلمنا ع الشباب المايص اللى مش هامه غير البنات كان ليها دعوه بالربايه :d عرفت ليه وقلنا قبل كده اننا بنتكلم ع شريحه من الشعب وعددهم اكتر من المحترمين :d |
اقتباس:
هههههههههههههه بلا شناكل بلا زفت افتكر كده وضحت:d لو قريت الموضوع تانى هتفهم صح ومتجيش ع اعصابك صحتك بالدنيا |
اقتباس:
وانتى كمان بتقولى معدشى فيه ربايه والله فيه كلمه تمنع التعميم لو مدرستهاش ابقى اقوللهاللك سلامى اقتباس:
مقدرشى اقول غير استغفر الله العلى العظيم لا تعليق يليق بهذا الموضوع منوره |
الله يرحمه عم دهب كان راجل طيب أوي بس أنا ليا سؤال
أيه اللي جاب القلعة جنب البحر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟ أسف علي الازعاج وشكرا علي التوبيك |
اقتباس:
ههههههههههههههه قلعه جنب البحر ..هو انا عامله موضوع عن محافظه الاسكندريه والله اان مضحكتش فى حياتى اد النهارده وربنا ييهدى الجميع |
اللى نقدر نوصله فى اخر الموضوع ده واللى اتاكدلى من الردود ان فعلا فى شباب هايف مش فاهم حاجه زى مفى شباب مثقف وفاهم وع راى اسلام المرشد لازم يكون فى اتنين او تلاته مش فاهمين اى حاجه .... بس عاوزين نعرف ان ثقافه الواحد مش ليها علاقه بكرامته يعنى لو حد مكنش عارف حاجه مش شرط يحس انه قليل يحاول يطور نفسه ويعرف فى مقوله لكونفشيوس : لا يمكن للمرء ان يحصل ع المعرفه الابعد ان يتعلم كيف يفكر فمش المعلومات هى كل حاجه طريقه التفكير ولاسلوب الجمله دى لكل حد مفهمش انا بتكلم عن ايه معرفش مين اللى قالها لكل كلمة أذن، ولعل أذنك ليست لكلماتي، فلا تتهمني بالغموض فهى عمليه عقليات بس وشكرا :) |
تنويه كده فى الاخر الموضوع مش تبع الجروب :d هيبقوا ينزلوا المواضيع ع يوم السبت
|
[quote=بنوته اهلاويه;747253]
لطم .....:) الربايه هقلك دخلت ازاى لما اتكلمنا ع الشباب المايص اللى مش هامه غير البنات كان ليها دعوه بالربايه :d عرفت ليه وقلنا قبل كده اننا بنتكلم ع شريحه من الشعب وعددهم اكتر من المحترمين :d على فكرة مش الشباب المايص بس هو اللى ثقافته فى الحضيض ممكن يكون واحد راجل جدا لكن ثقافته على قده يعنى كل واحد على حسب اطلاعه وبعدين مابحبش حد يضحك على كلامى هههههههه |
فعلا انا شفت حاجة زى ده النهاردة بس الاسئله معلش كانت غبية اوى وبما اننا شعب بنحب المنظرة طبعا كل اللى سالتهم جوبوا عليها على الرغم انهم مش فاهمين اى حاجة فى اى حاجة والبرنامج ده غبى بصراحة واسمه اشتغالات مش صح ولا ايه
|
اقتباس:
وحياه ربنا مكنت بتكلم ع البرنامج كبرنامج ...... ماعلينا شكرا لمرورك :d نورتى بس سؤال الاساله مش غبيه الاساله وسيله تبينلك الغباء بتاع الشباب:d المصري التافه |
مكنتي تقولي كده من الاول هو ايه اللي تقوليه معلش اصلي مش مركز
تقبلي مروري |
موضوع جميل جدا
وفعلا هو بيبن طريقه تفكير بعض شباب جيلنا وبجد احلى جمله عجبتني في الموضوع ده اقتباس:
شكرا على الموضوع الجميل والحمد لله انه مش تبع المسابقة:d^_^ |
هما دول شباب مصر يا بنتى
بس بجد الواحد على قد ما شاف الوحشين شاف ناس يتقالوا بالدهب هما مش كتير بس بجد لو الشباب كلهم زيهم هيتقلب حال البلد من حال لحال تانى وربنا يكتر من امثالهم ويكرمهم ويعزهم بس ليا تعليق صغير ان ياريت نتكلم مع بعض باحترامنا ملوش لازمه حد يغلط ف التانى |
اقتباس:
|
اقتباس:
أنا نفسي إحنا كمان نلم شملنا بس واحد مبيخشش و التاني مبيكلمش الإتنين التانين team work ما فيش بعد كده :d:d:d و أسف لو طولت |
اقتباس:
اقتباس:
هههههههههه منا قلت كده بردو منوره يا جميل :d |
اقتباس:
فعلا فى ناس دماغهم كويسه جدااا بس قله :d:d عامه ربنا يهدى ومتقلقيش مش هخرج عن الموضوع تانى :d اصلى خلاص |
والله منور يا sai نجدتنى من اللى شيفاه المهم :احب انوه فى الاول ان sai ولد عشان محدش يقول بتكلم ع الولاد والبنات انا كلامى ع الشباب عامه والشباب مش ولاد بس للمعلومات العامه كلمه شاب بتوصف مرحله زمنيه فى عمر الانسان واللى بتكون عند الولد والبنت تانى حاجه انا كلامى مكنش ع الولاد بس انا اتكلمت ع المزيعه بس ذنبى ايه ان هى مجبتش بنات فى البرنامج وولعلم فى بنات تافه جدااا نيجى بقى لردك اقتباس:
يبقى اصلا نقص التوعيه هو السبب كل واحد مستنى لما يكبر عشان يبدا يهتم بدينه ..ميعرفش انه فى اى لحظه .. اقتباس:
فعلا بنات اليومين دول بقوا حاجه صعبه ...وبردو عشان محدش يفهم غلط اتكدي الحجاب مش كل حاجه بس هو بدايه كويسه اقتباس:
هو ده فعلا اللى قلته فى الاول كله مفكر ان ضامن عمره اقتباس:
وياريت الكل يطول بنفس الطريقه :d معلومه صغننه :يا جماعه انا لما هتكلم فى موضوع مش عوزاه يكون مقتصر ع كلمتين والسلام وبعدين واضح اووى ان الموضوع بيتكلم عن الثقافه بس للى دخلو اعترضوا الثقافه انواع ثقافه دينيه وغيرها كتير بس احنا فى مصر افتقدنا نوعين ده لو مكنش اكتر :dثقافه دينيه والثقافه العامه بشكر كل اللى رد سواء فهم او مفهمش:) |
معك حق لقد اصبح الشباب في حاله يرثي لها
|
اقتباس:
والله بقى كله شباب كبار كله انا بكتشف حجات ليها العجب بقالى كام يوم :) يعنى مش الشباب بس ;) كله عشان ميكنش حد احسن من حد |
| جميع الأوقات بتوقيت GMT +2. الساعة الآن 09:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.