|
يا ريت طلبة الهندسة السابقين يفيدونا
السلام عليكم
الحقيقة انا كنت عاوز أعرف رأى طلاب الهندسة فى قسم إلكترونيات واتصالات وهل مجالات العمل مفتوحة لهذا القسم؟؟؟؟؟ وشكرا :d:d:d:d:d أخوكم احمد |
بس انت نسيت تكتب قسم حاسبات ونظم
|
أنا آسف يا ماستر نيو
ده تقصير منى بس ملحوقة يا سيدى أخوك أحمد |
حاسبات ونظم بالنسبة لي هو الأفضل ، لكن مجال عمل الإتصالات أفضل بكثير من الإختيارات التي طرحتها ، أحد أصدقائي تخرج السنة الماضية من هندسة إتصالات الإسكندرية بتقدير جيد جداً ويعمل الآن بمكتبة الإسكندرية !
|
انا نفسي ادخل هندسه اتصالات بجد نفسي فيها جداااااااااااا
شكرا على الموضوع |
واللهي أنا برضوا شايف ان اتصالات قسم حلو
ولكن ماذا عن قسم الهندسة الطبية محدش بيتكلم عنه خااااااااالص ياريت لو حد عنده فكره عنه يقول يمكن يفيدنا |
والله يابو حميد كلامك مظبوط
و يمكن الهندسة الطبية محدش بيتكلم عنها لأنها قسم نادر - تقريبا كدة مش موجود غير فى هندسة عين شمس - والمعاهد الخاصة ( ولو أى حد عندة معلومة أصح ياريت يفيدنا بيها ) وعلى فكرة يا أحمد هو قسم ممتاز أنا شخصيا اعرف ناس متخرجين منه - من معهد العاشر وحاليا هما شغالين زى الفل |
اقتباس:
قسم الهندسة الطبية مش موجود غير في هندسة القاهرة و هندسة حلوان ،بس أما عن الشغل فحضرتك اول باشمهندس يقولي ان ليه شغل في مصر كل واحد في هندسة اسألوا عن مستقبل طبية يحبطني و يقولي ان شغلها نادر جدا (دا لو مكنش منعدم) في مصر ولازم تسافر بره عشان تلاقي شغل في المجال ده |
شكراااااااااااا على تصحيح المعلومة يا باشمهندس
أما بالنسبة للشغل فأنا متأكد من المعلومة دى لأن إبن عمتى مهندس أجهزة طبية وبيشتغل حاليا بمستشفى فى القاهرة |
ماتقلقوش يا جماعة من موضوع الشغل دا
مفيش حد بيتخرج من هندسة ويقعد من غير شغل واللى يقول غير كده يبقى بيضحك عليكم هو بس المشكلة فى نوعية ومكان الشغل وطبعا المرتبات لكن نصيحة منى احسن 3 اقسام للشغل مدنى وكهرباء وميكانيكا باور دول ليهم شغل فى مصر وبره مصر والاقسام التانية ليها شغل برده بس دول الاحسن يارب اكون افدتكم |
اقتباس:
كلامك مظبوط |
ياريت اى حد يعرف حاجه عن هندسه طيران القاهره وشروط دخوله
|
يا جماعه بالنسبه لقسم الاتصالات جميل بس حسب الجامعه اللى انت فيها
لو امكانيتها حلوة يبقى ادخل اتصالات لو على قدها يبقى ادخل كهربا بور احسن وبالنسبه للشغل مفيش باشمهندس بيقعد بس القصه عايزة صبر واجتهاد والشغل متشلش همه ارجو ان اكون قد أفدت اسف لانى اطلت عليكم |
ايه يا جماعة
محدش اتكلم ليه عن هندسة بترول وتعدين أنا نفسي بجد أدخلها إن شاء الله |
هندسة البترول والتعدين حسب المنطقة اللى انت فيها او اللى حتدخلها
يعني مثلاً عندي في اسيوط اقل قسم عليه اقبال عندنا هو تعدين وبترول لكن في حاجة زي بترول وتعدين السويس ده كويسة جداً |
السلام عليكم
اسمحولى اشترك معكم فى الحوار ... اولا انا عمرو ... الفرقه الاولى هندسه مدنيه ... هندسة شبرا .... جامعه بنها انا بس عايز اضيف ان كل اقسام الهندسه مرتبطه ببعضها ومفيش قسم يقدر يشتغل لوحده كلهم معتمدين على بعض وكمان بالنسبه للشغل زى مافى ردود قالت ان مفيش مهندس بيعد من غير شغل هو ممكن يتعب فى الاول لكن كيد ان شاء الله هيشتغل فى مجاله .... وكمان انا بسمع ناس تقول القسم ده احسن من القسم ده والكلام ده مش مظبوط بالمره لان زى ماقولت ان كل الاقسام مرتبطه ببعضها بس كل واحد المفروض يشوف نفسه هو حابب ايه بالظبط وحابب يبقى ايه ... وانا الحمد لله كنت مقرر انى ادخل هندسه مدنيه قبل حتى ما ادخل هندسه وبالتوفيق ليكو كلكوا ياشباب تقبلو مرورى |
انا فى كلية هندسة وبصراحة هو قسم ممتاز لكن الفكرة فى حاجة ان خريج حاسبات ومعلومات بيبقى زىه تقريبا وكمان لو واحد خدله كام كورس برمجة على كام كورس فى مجالات الكمبيوتر هيبقى قريب منه
لكن برضه مهما كان هو ليه وضعه |
احسن حاجة هندسة الطيران والفضاء , البترول والتعدين , الاتصالات وكهرباء وميكانيكا باور
وبالتوفيق للجميع |
السلام عليكم
بصوا يا شباب الشغل ده بتاع ربنا مش بتاعنا فا متحددش انت هتدخل قسم ايه عشان خاطر الشغل انا مثلا في هندسه عين شمس (2 كهرباء) و المفروض احدد القسم اللي عايز ادخله (كهرباء قوي - حاسبات و نظم - إتصالات و إلكترونيات) هناك فكر يسمي فكر القطيع (بمعني اشوف الناس كلها داخها ايه و ادخله) معظم الناس بتكون عاوزه إتصالات و معظم الناس مبتجبش مجموع إتصالات لييييه؟؟؟ عشان الدفعه كلها بتكتب إتصالات رغبه اولي و القسم ده بياخد 120 طالب بس و الدفعه 600 فا بتكون النتيجه احباط انا بقول انك لازم تختار القسم اللي انته عايزه علي اساس ايه اللي انتا بتحبه اكرر بتحبه بتحبه لييييه؟؟ عشان تتميز فيه انت الان و مع احترامي غير مهيأ عقليا للإختيار مع احترامي الشديد لهندسه القاهره و حلوان و غيرها هندسه عين شمس هي الوحيده التي تجعل التخصص من الفرقه الثانيه لأنك و انت في إعدادي غير قادر علي تحديد ما تحبه من تخصص لأنك مشفتش مواد الأقسام اصلا لما تكبر شويه بتشوف الدنيا من منطلق اوسع يهيئيك للإختيار انا عن نفسي كنت عاوز إتصالات و انا في إعدادي بس دلوقتي الحمد لله حسيت نفسي حابب جدا قسم الحاسبات و النظم ملحوظه:كان في مصر منذ شهر مدير عام شركه ميكروسوفت العلميه و صرح بإن مجال الحاسب الالي و تكنولوجيا المعلومات هي المجال الوحيد الذي لم يتأثر بالأزمه الماليه العالميه في حد سمع عن شركه في هذا المجال النت إفلاسها علي عكس مجال الإتصالات الذي تأثر كثيرا و في مصر بالتحديد حيث أعلنت شركات الإتصالات إلغاء تعيين مهندسيين جدد و الإستغناء عن بعض المهندسيين الحاليين و الختام سلام |
| جميع الأوقات بتوقيت GMT +2. الساعة الآن 11:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.