|
سؤال أرجو الرد عليه
بسم الله الرحمن الرحيم في مسأله جاتلنا في إمتحان الأستاذ و أنا مش متأكد من طريقتها ( حاسس إنها مكتوبه غلط ) وتر مشدود طوله متر يهتز مكونا ً ستة عقد مصدرا ً نغمه زمنها الدوري 0.025 ثانيه أحسب سرعة إهتزاز الوتر مش المفروض أن سرعة إهتزاز الوتر بتتعين من الجذر التربيعي لخارج قسمة قوة الشد علي كتلة وحدة الطول ؟ أنا بصراحه مستعجل عليها أصل إحنا هانسأل الأستاذ عليها ف الحصه الجايه ( النظام كده نسأل بعد ما ناخد الإمتحان متصحح ) بس أنا مش قادر أصبر عليها |
اسفة حلى خاطئ
|
.................................................. .......
|
الحل سهل بس محتاج شويه تفكير
هنجيب التردد من مقلوب الزمن الدوري =40hz ونجيب لطول الموجى من العلاقه =2L\n 2x1/6 =0.3333m *السرعه = الطول الموجى xالتردد =13.3333333m\s وع فكره شكرا ع المساله لاانى من ساعه امتحان الفيزياء محلتش ولا مساله فيزيا ويارب تكون صح |
اقتباس:
لمدا (الطول الموجى)= 2L/n = 2/5 =.4 m نيو(التردد)= 1/T =1/.025 =40 H.Z V=التردد*الطول الموجى =40*.4 =16 m/s :confused::confused: كده صح ولا ايه انتوا شككتونى فى حلى والله ملحوظة ياجولدن حاول تحل المسألة بالمعطيات اللى هو عاطيهالك |
اقتباس:
الخطأفى حلك يادوك انه عدد العقد = عدد القطاعات+1 ممكن لو رسمتيها مش هتتلخبطى :( |
l = 1 m
التردد = 40 n = 5 و تجيب السرعة من العلاقة v = 2 L \ N *V هتبقي ب 16 و بس اخوك في الله شريف الخضري |
اقتباس:
|
اقتباس:
وعلى فكرة الوقوع فى الخطأ مش عيب المهم نتعلم |
اتمنى المزيد من المسائل التى تعمل على مناقشة الجميع
مع تحياتى الهاوى mal_jone_99@yahoo.com |
بسم الله الرحمن الرحيم
أولا ً شكرا ً علي الحل بس الظاهر أني عبرت عن وجهة نظري غلط المشكله مش في المسأله أنا حليتها صح بس مش مقتنع بالحل عندي في المذكره مكتوب الآتي : حساب سرعة إهتزاز الوتر : السرعه تتناسب طرديا ً مع الجذر التربيعي لقوة الشد السرعه تتناسب عكسيا ً مع الجذر التربيعي لكتلة وحدة الطول يعني سرعة الإهتزاز ليها قانون خاص غير الإزاحه علي الزمن يعني لو كان عايز سرعة الإهتزاز كان المفروض أن المعطيات تكون قوة الشد و كتلة وحدة الطول مش الطول الموجي و الزمن الدوري هل فكرتي وصلت ؟ يعني إعتراضي علي المعطيات و ألف ألف شكر طبعا ً لـMona و Dr.Bma و Iam Alegend و شريف باشا الخضري و أ/ إيهاب و الهاوي |
اقتباس:
و شكرا ً ع الرد |
اقتباس:
وأنا برضه حسيت إنها المفروض تكون بقوة الشد وكتلة وحدة الأطوال بس الصراحة قلت بلاش أسأل الأستاذ عليها يحسن يحسبني بتفلسف ولا حاجة إنت أكيد بتاخد عند أستاذ يوسف محمد ... صح ؟؟ المهم ... المسألة بتاعة الإمتحان إللي بعده دي أنا حلتها ومش متأكده منها خاااااااالص لأن فيها حاجة غريبة شوية يعني إزاي عشر سرعة الصوت في الهواء؟؟ |
اقتباس:
أصل هو أخدنا ف دوكه و قال أن الشرح طويل و هانراجع الرسم البياني و بعد كده لو لقينا وقت نراجع الإمتحان طبعا ً حتي لو كان في وقت نراجع فيه الإمتحان مين كان هايقعدله ؟ دا إحنا متكدسين بغباوه علشان آخر حصه ف الإسبوع و ما بنصدق نخلع من عنده أما حكاية عشر سرعة الصوت أنا ما تعبتش نفسي و لا فكرت فيها لأن ببساطه مش ممكن يقارن بين طول و سرعه يعني الواحد يحس إنه كلام إتنين ف الشارع و فوازير مش مسائل فيزيا و طبعا ً كان لازم أخلص الإمتحان بسرعه علشان ألحق لي مكان عدل و إلا مش هافهم هيا هانت خلاص حصتي بكره و هانشوف شكرا ً ع المرور و أدينا طلعنا بلديات بس معلش سؤال سريع : أنتي بتاخدي الأحياء عند الأستاذ أحمد طه ؟ أصلك كاتبه مسأله ف موضوعك بتاع الأحياء خدناها ف الواجب |
السلام عليكم ورحمة الله
على فكره أنا سألت الأستاذ يوسف ف المسأله دي وحسسني إني مبفهمش حاجة وقالي تحلي المسأله بالمعطيات إللي عندك والمسأله بتاعة عشر سرعة الصوت دي مفهمتهاش منه خالص الصراحة أنا مش مقتنعة أصلا وفي حاجة تاني كمان رقم 3 ف الإختياري تكون سعة الإهتزازة = صفر في: ( التداخل الهدمي - العقدة - الأولى والثانية - لا توجد إجابة ) أنا عملتها العقدة على أساس إن التداخل الهدمي ممكن يكون بأكتر من صفر لو موجه موجبة سعتها 6 وموجة سالبة سعتها 2 يبقى التداخل الهدمي نتيجته موجه سعتها 4 يبقى المفروض الإجابة تكون العقدة بس صح ؟؟ طب ليه بقى الأولى والثانية ؟؟ حاجة تفرس وتنقط لو كنت فاهم المسألة بتاعة عشر سرعة الصوت دي قولها عشان أنا مش فاهماها خالص مع إني حليتها صح بس بالحظ بالنسبة لموضوع الأحياء أنا فعلا كنت باخد عند أستاذ أحمد طه بس بصراحة لسه سايباه وروحت عند واحد بييجي البيت أصل أنا بحب الأحياء أكتر مادة ومكنتش باخد راحتي ف الأسئلة معاه لأني بسأل كتييييييييييييير جدا وطبعا وقت الحصة ميسمحش والعدد برضه ميسمحش وأنا بحب أفهم كل حاجة بعمق شديييد خاصة الأحياء إللي بييجي البيت ده بنطلع عنيه ف الأسئلة إحنا 5 بس ونفهم كل حاجة جاية منين ورايحة فين بعمق أكتر من أحمد طه وعلى فكره كمان هو بيشرح وبعدين إحنا إللي نقول كل حاجة التعريفات والعليلات مش نحفظها الأول لأ نفهم |
معلش أنا آسفة في حاجة كمان
أستاذ يوسف كل ما أسئلة على حاجة من ملخص أو هو ميكونش قالها يقولي سيبك منها ومتشتتيش زمايلك حتى واحنا بنسأله في الشرح بتاع كتاب المدرسة قالنا سيبكم منه وف البداية سألته أجيب ملخص إيه قالي بس إتفالحي على المذكرة والواجب وسيبك من الملخصات !!!!!!!!!! وبصراحه أنا قولت هغلس وبرضه هسأله بس للأسف دلوقتي حصتنا قبل المغرب ع طول وآخر حصة ف الإسبوع فمفيش مجال غير لأسئلة الإمتحان والواجب بالعافية أنا زهقت |
اقتباس:
و ربنا يوفق الجميع |
اقتباس:
|
بسم الله الرحمن الرحيم
اولا انا بصراحه لسه مادخلتش فى الفصل الثانى الى هو الصوت علشان كده انا مش عارفه احلها بالقوانين دى بس لو رجعنا للباب الاول وحليناها باقوانين بتاعته الحل المعطيات المسافه d =1m الزمن الدورى T=0,025s وان الوتر عمل 6 عقود بالرسم نلاحظ ان 6عقود =3موجات اى ان عدد الموجات n=3 waves الاجابه بماان لمدا الطول الموجى =d/n اذن الطول الموجى =1\3m وبما ان التردد يساوى مقلوب الزمن الدورى اذن التردد =1\0.025 =40 hz وبما ان السرعه = التردد ×الطول الموجى اذن السرعه =40 × 3\1 = 13.33333333333 m\s وانا الحل بتاعى متفق مع حل iam legend |
اسفه ع الحل الخطأ مش بقولك محلتش ولا مسأله فيزياء من ياعه الامتحانات يعني من شهر 6
اصلي حسبت n=6 بس الفكره صح ولا ايه؟n |
الاجابة
L=1m
N=5 لان عدد البطون (القطاعات ) =عدد العقد +1 T= ,025 V=.............. الحل v=لمدا فى نيو v=2L/N فى نيو اذن v= 4*2/5 v=8/5 =1,6 m/s |
اقتباس:
معلش ولا يهمك و فكرتك صح:d |
اقتباس:
يعنى عندك التردد(نيو) هيبقى 40 مش 4 وعدد القطاعات هتبقى 6 مش 5 |
اقتباس:
|
اسمحولي اوضح لكم الاجابة
سرعة الموجات (عموما) تساوي التردد x الطول الموجي ولكن بالرغم من ذلك فإن سرعة الموجات في نفس الوسط لا تعتمد على التردد ولا على الطول الموجي لأنها ثابتة يعني لو زاد التردد يقل الطول الموجي ولكن اللي بيتحكم في السرعة في وسط ما هي عوامل تانية خالص غير التردد والطول الموجي العوامل دجي لازم تعتمد على نوع الوسط نفسه مثال سرعة الصوت في الهواء تعتمد على كثافة الهواء سرعة الموجات في الوتر تعتمد على قوة الشد وكتلة وحدة الأطوال وهكذا ولكن القانون بتاع السرعة هو قانون عام يمكن استخدامه في جميع الأحوال أرجو أكون وضحت المطلوب مني يا أستاذ جولدن ايجل |
انا عاوزة اعرف الحل الصح هوة اية 16ولا1.333
|
اية ةوة الحل بلضبط16ولا1.33333
|
اقتباس:
.................................. |
ايه يا عم انتا بتاخد عند ميرفت الجمل ولا مين يا عم على العموم انا اساعدك لو اتعسرت في اي حاجة
|
اقتباس:
دا كان زماااااااااااااااان خالص أصل المدرس بتاعي كان مفهمني أن سرعة إهتزاز الوتر مالهاش غير قانون واحد اللي هو بتاع قوة الشد و بعدين أنا باتعقد من أي إسم فيه جمل:d فا مش باخد عند ميرفت الجمل ولا سمعت عنها حتي |
| جميع الأوقات بتوقيت GMT +2. الساعة الآن 09:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.