|
دكاترة طب بيطرى بنها
السلام عليكم و رحمة الله و بركاتة
بعد السلام بتحية الاسلام نرجو مشاركة طلبة طب بيطرى بنهالتبادل المعلومات وكيفية الدراسة:) والسلام عليكم و رحمة الله و بركاتة |
ببنا يوفقكم يا رب ويا جماعه اللى يحتاج اى معلومات عن طب بيطرى السادات انا موجوووووووووود |
أهلا بيكي يا زهراء
بس أنا طب بيطري المنصورة |
السلام عليكم و رحمة الله و بركاتة
بعد السلام اود ان ارسل باقة شكر لكل من شارك ويا جماعة مش هتفرق فى اى جامعة تكون(ى)المهم تكون فى طب بيطرى لاننا نريد دعم الاستفادة و تبادل المعلومات بين الدكاترة البيطريين والسلام عليكم و رحمة الله و بركاتة |
السلام عليكم
|
انا بيطرى بس كفر الشيخ لو حد بيطرى كفر الشيخ يقولى
واكيد ان شاء الله كلنا نستفيد من بعض |
السلام عليكم و رحمة الله و بركاتة:)
مشكورين اخوانى و اخواتى على المشاركة ونرجو ان ننهض بالطب البيطرى وذلك بانشاء مواضيع عدة فى هذا المنتدى والسلام عليكم و رحمة الله و بركاتة:) |
السلام عليكم و رحمة الله و بركاتة:)
اية يا جماعة انتوا فين؟ عالعموم كان فى كام سؤال كدة وياريت حد يجوبلى عليهم 1\ اية هية مواد الفرقة الاولى بالطب البيطرى 2\ نظام المحاضرات والسكاشن 3\كيفية المذاكرة والتقديرات الشائعة فى كل مادة 4\اية هية فرص عمل الطبيب البيطرى واية نظام الدبلومات ولكل من يجيب على هذة الاسئلة يكون لة جزيل الشكر والثواب ان شاء الله والسلام عليكم و رحمة الله و بركاتة:) |
اقتباس:
هتلقيه في الصفحات اللي ورا هتستفيدي منه ان شاء الله |
اقتباس:
شكرا ليكى يا دكتورة على الرد وانا فعلا قرأت موضوعك الرائع بصراحة ونتوقع المزيد منكى ان شاء الله والسلام عليكم و رحمة الله و بركاتة |
انا يا دكتوره معاكى فى طب بيطرى بنها فى سنه اولى السنه دى ان شاء الله
|
جميل ان تبتسم ودموعك على وشك الانهيار
انا في بيطري كفرالشيخ
ممكن حد يقولي هوا الكلية حلوة؟؟ اصل انا خايفة جدا وياريت لو حد يقدر يجيبلي الجدول |
انا كمان بيطرى كفر الشيخ والنهارده اول يوم ليه فى الكليه ومعايا الجدول
والكليه كويسه الحمد لله |
وجدول بكره الخميس محاضره كيمياء عامه من11:9 وفيزياء تقريبا محاضره من12:11 وفيه سكشن 2 فيزياء من2:12
ومحاضره حقوق انسان من 4:2 وياريت نتعرف ان شاء الله |
دووووووووووودي بليييييييييييز انا عايزة اقابلك انا بجد تايهة اوي رحت انهاردة وكنت خايفة جدا انت من كفر الشيخ اصلا ياريت تردي عليه بسرعة لو كدا عشان اشوفك
|
انا مش من كفر الشيخ بس ممكن اعرفك اماكن
|
قوليلى ممكن نتقابل ازاى وانتى منين
|
انا اصلا من المنصورة ومش عارفة حاجة خالص في كفر الشيخ عموما انا هروح الكلية يوم السبت بس مش عارفة ممكن نتقابل ازاي
|
وانت منين يادودي؟؟
|
انا من طنطا
|
السلام عليكم ورحمة الله وبركاتة انا في طب بيطري بنها واحب ااقول اني الدراسة فيها رخمة جدا ياجماعة والدكاترة معقدين جدا بس ربنا بيسترها معانا علشان احنا بنتعب جامد في الكلية ولو حد دب اي استفسار عن الكلية انا موجود ويارت يرد عاليا دة ايميلي وشكرا
|
واحب ااقول ليكي ياظهراء ربنا معاكي ويارت تخدي بالك كويس من الكلية لأني الكلية صعبة فعلا بس مع المجهود ان شاء الله ربناهايسترها وخودي بالك كويس من الفسيولوجي د\م العذب والبيوكيميستري علشان دي من الاقسام ارخمة في اولي
|
بالعكس يا شباب انا معايا واحد محول من بنها من سنه تانية وبيشكر فيها جدا و بيقول انها أحسن من المنصورة
|
فشااااااااااااااااااااااااااار
|
هو مش فشار
بص يا دكتور لانك ف مكان واحد مشفتش غيره فحكمك علي الباقي بالنسبة للي انت فيه مبيبقاش صح لكن واحد شاف هنا وشاف هنا بتفرق برده |
وانا ايه يا دكتور يخلينى اكدب الراجل وانا ما شوفتش غير مكان واحد
طبعا انا شوفت الاتنين انا قعدت فى بنها اول اسبوعين فى الدراسه وبصراحه ما طيقتش اكمل فيها كمان خمس دقايق ورحت محول المنصوره وادينى بحضر فى المنصوره دلوقتى |
مش عارفة انتم زعلانين ليه بس كده
فعلا بنها صعبة شويتين..........مفيش كلية سهلة طبعا البيو بيتنسى فى كل الكليات لكن الفسيولوجى فى تانية حاجة عجيبة بتتكرر اما فى تالتة مادتين اخرهم مقبول ومادة اخرها جيد واكيد فى اى كلية فى مواد معينة بتتميز بحاجة خاصة على مدار السنين ومش هعيد وازيد: ان الله لا يضيع اجر من احسن عملا.......اعقلها وتوكل بتهيالى جملتين سهلين يريحوا الضمير |
اقتباس:
إزيك يا زهراء أنا أحمد العدروسي تانية طب بيطري المنصورة بس أنا أقدر أفيدك لأني كنت في بنها في سنة أولى وحولت للمنصورة السنة دي بصي يا دكتورة بالنسبة لمواد الفرقة الأولى في الترم الأول والتاني .. دي المواد الأساسية يوجد Anatomy تشريح .... Bio Chemstry الكيمياء الحيوية ... Phesiology علم وظائف الأعضاء Histology علم الأنسجة والخلايا بالاضافة لمادة لغة في الترم الأول تتغير في الترم التاني ويحل بدلا منها مادتي الحاسب والاحصاء بالاضافة لمواد كلية العلوم ترم أول ..... كيمياء وفيزياء ترم ثاني ... أحياء ( نبات ) و ( حيوان ) بالنسبة للمحاضرات فهي مهمة جدا جدا جدا ولازم تحضري عشان تفهمي ولازم تركزي كويس أما بالنسبة للسكاشن فدي أهم حاجة طبعا وربنا كارمكم بدكاتره عسل الدكتور أحمد في التشريح الدكتورة شيماء في البايو كمستري الدكتورة عبير في الفسيولوجي الدكتورة منى في الهستولوجي أنا كنت محظوظ بيهم على فكرة الدكتور أحمد والدكتورة شيماء مفيش غيرهم في القسم بيدي السكاشن أما الدكتورة عبير والدكتورة منى .. في غيرهم زي الدكتور عبدالحكيم والدكتور محمود بس يارب اللي كانوا عليا هما اللي يجوا عليكي ... قولي آمين وهتكسبي بالنسبة للتقديرات فهي ممتازة ودفعتي كانت أحسن دفعة في حكاية التقديرات متحمليش هم وزاكي انت بس بكل اخلاص وإن شاء الله إمتياز بالنسبة لموضوع التخصص والدبلومات ... لسه بدري " وفي السماء رزقكم وما توعدون " صدق الله العظيم أي حاجة تعوزيها روحي على طول للمجموعة دي اسألي عنهم ولما توصليلهم .. قوليلهم إنك من طرفي ومش هيكسفوكي أبدا اسماعيل مجدي أو أحمد فرج أو السعيد الجزار أو حسين أو إسراء أو سارة هما كلهم شلة واحدة ... الصبيان عارفني أكتر طبعا أصل أنا مكنتش فاضي أكلم بنات .... أصلي بنكسف أي خدمات تانية أنا تحت أمرك ....... تحياتي |
اقتباس:
أكيد تقصدني أنا بس انت مين يا برنس |
اقتباس:
أوعى تكون اسماعيل مجدي حبيييييييييييييييييييييييييييييييب قلبي |
اقتباس:
لا مقصدكش انت انا اقصد انه مش ف تانية دلوقتي لا هو محول من بنها بعد سنة أولي يعني جه المنصورة ف تانية وعموما تشرفنا يا برنس |
اقتباس:
الشرف ليا أنا ... أنا بأحترم الأقدمية في الكلية والمهنة ههههههههه:078111rg3: |
| جميع الأوقات بتوقيت GMT +2. الساعة الآن 05:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.