|
ايه اللى حصل لنا ؟؟؟
http://img84.imageshack.us/img84/5465/18821610uf0.png اولا صباح الخير عليكوا كلكوا هحكى لكم قصه بسرعة كده وعايزة تعليقاتكم صحيت فى يوم من النوم وكان عندى تقريبا 10 سنين على صوت جارتنا اللى تحت قمت جريت بسرعة وكانت الساعة 9 صباحا وكان بتصوت بصوت عالى اوى والبيت كله نزل يشوفها مالها................ وكان اليوم ده ميعاد ولادتها المهم خدوها على المستشفى وولدت الحمد لله بالسلامة والست دى كانت بتحب البنات اوى وفعلا ربنا رزقها ببنوته زى القمر ربنا العادل الكريم رزقها (بهناء) بنوته زى القمر شعرها اصفر وعينيها ملونة وكل اللى كان يشوفها كان يتجنن عليها ومامتها بقى كانت بتخاف عليها من الحسد اوى لدرجة انها بتخبيها لحد كده تمام من حوالى شهر اكتشفنا ان البنت عندها تاخر عقلى يعنى بتفهم وكل حاجة لكن بمخ اقل من عمرها شويه تخيلوا الام الفاضله عملت ايه...........:rolleyes: رمت البت لجدتها وقالت لها خليها مغاكى تخدمك وانا مش عيزاها:( يااااااااه مش قادرة استوعب لغاية دلوقتى الموقف ده فى ام تقدر تعمل كده؟؟؟؟؟ ايه القلب ده ؟ يعنى لما ربنا يدينا حاجة كويسه نبقى فرحانين وطايرين ولكن لما يكون له حكمه فى حاجة معينة نقول لالالالالالالالا يا رب احنا مش عايزين ده احنا هناخد الحلو بس احنا ليه قلوبنا بقت زى الحجر كده؟ هو العيب فى مين بالظبط على فكرة انا من ساعة الموقف ده فقدت الثقة فى كل الناس قلت لما الام عملت كده يبقى الناس التانيه هتعمل ايه؟ ها ايه رايكوا فى الكلام ده حد يلحقنى احسن خلاص قربت اتجنن |
سبحان الله!!
بجد تصرف قاسي لو الأم دى كانت اعانت بنتها فى علتها دى كان ممكن تدخل الجنة بسببها بجد حاجة عجيبة و بجد حركة غيرآدمية !! |
لا مينفعش تفقدى الثقة فى كل الناس الناس مش زى بعضها بدليل ان كل الاهلى اللى اطفالهم عندهم تاخر عقلى مش رمينهم زيها بالعكس بيعتنوا بيهم وبيحبوهم جدا لان بيحسوا سبحان الله ان دى نعمة من ربنا ليها (ودى كلمة قالتهالى ام بنت متاخرة عقليا قالتلى بنتى دى نعمة ربنا رزقنى بيها وان شاء الله بيها هدخل الجنة )
بالنسبة للام اللى انتى حكيتى عنها فدا موقف غرررريب جدا منها وعمتن دا كان اختبار من ربنا ليها مفروض كانت تصبر وتحتسب الثواب عن الله |
قلوب كالحجر متعرفش الرحمه
|
حسبي الله ونعم الوكيل
نو كومنت |
دي ناس نفوسها ضعيفة مش بتقدر تستحمل الابتلاء من ربنا ربنا لما بيدي الانسان وبعدين يختبر قوة ايمانه مش بيستحمل ولو كانت صبرت علي الابتلاء كان ربنا هيديها اكتر من اللي كانت عايزاه وكانت هتفرح اكتر من فرحتها لما ولدت البنت بس احنا اللي تفكيرنا ضيق فبنتصرف بحماقة |
يا بنتى الحاجات دى بقت عادى
اقلك على حاجه و الله انا لما انتى كنتى بتقولى تعرفو اللى حصل لما اكتشفو اللى عندها انا اللى اتوقعته انها تكون رمتها على باب الجامع او حتى خلتها اى حاجه كده فلما بتقولى اديتها لجدتها قلت كويس موصلش للى فى دماغى اما حكايه ليه و الكلام ده فده للاسف بقى طبيعى جدا كله بيقول يلا نفسى انا ليه اتعب فى تعليمها و اعمل معاها خليها مع جدتها اريح و اوفر فى رعايه الله |
اقتباس:
|
اقتباس:
ازاى منفقدش الثقة فى الناس بعد الكلام ده بصراحة انا طول عمرى اعرف ان الام دى اطيب قلب فى الدنيا ولما الاقى فجاة القلب الطيب ده اتحول لحجر عايزنى اقول ايه |
اقتباس:
ربنا يرحمنا برحمته |
اقتباس:
والله عندك حق هتعلقى هتقولى ايه:( |
ماشاء الله عليكي يا فيفا انتقاءك لمضمون الموضوع رائع فعلا بقي عندنا مشاكل جامده جدا اننا في الحلو بنحمد ربنا واللي مش حلو - في نظرنا - مش بنحمد عليه ربنا بالرغم من ان كل شئ بيحصل من عند الخالق خير مفروض دايما نفضل نقول الحمدلله ده حتي في القرآن الكريم الخالق بيقول " عسي أن تكرهوا شيئا وهو خير لكم " صدق ربي العظيم شكرا ليكي يا فيفا علي موضوعك وشرف لينا انضمام حد زيك للمجموعة |
اقتباس:
اكيد طبعا لو كانت صبرت كان ربنا هيعوضها لان ربنا عادل بس يلا هنقول ايه |
بجد الام دى قاسيه اوى وربنا يجازيها على اللى عملته فى بنتها
وفعلا زى ما نبيل قال ده كان ابتلاء من ربنا وهيا للاسف لم تستطع الصمود فلذلك اقدمت على الفعل ده بس انتى بردو مش ينفع تفقدى الثقه فى الناس اكيد زى ما فيه ناس زى الام دى فيه امهات كتير مستعدين يضحوا بكل حاجه من اجل ابنائهم وربنا يارب يهدينا ويهدى كل المسلمين |
اقتباس:
ياه يعنى انا مش مكبره الموضوع ولا حاجة انتى توقعتى حاجة اصعب من اللى انا قلتها حقيقى انا مش قادرة اتكلم فى الموضوع ده ولا عارفة اعلق على الردود اعذرونى |
اسغفر الله العظيم .... ايه ده؟ بس دى يا فيفا من الحارت الشاذة يعنى ما ينفعش تاخديها قاعدة عامة وتتعقدى من الناس وتفقدى الثقة فيهم ....ربنا يتولى البنت ويحنن قلب امها عليها
|
اقتباس:
هو كلام حضرتك بالظبط اللى انا قلته فى الحلو نحمد ربنا واللى مش حلو من وجة نظرنا نقول لا احنا مش عايزينه و بجد انا اللى شرفنى انى انضم للمجموعة وشرفنى اكتر مرور حضرتك |
اقتباس:
اكيد طبعا فى امهات تانيه مستعدين يضحوا بكل حاجة عشان ابنائهم وفى امثله كتير وشايفة ان مامتى الحمد لله اكبر مثل ليا بس برضه الموقف ده كسرنى اوى بجد |
اقتباس:
لا يا منى مش حاله شاذة ولا حاجة انا كنت بسمع حاجت كتير زى دى بس مش كنت بصدق لغاية لما شفت بنفسى فى حالات كتير من الموضوع ده |
لا حول ولا قوة الا بالله
ايه القلوب ديه ........... مفيش رحمة ؟! مفيش حنان ؟! شكرا لموضوعك |
يعنى اساسا اسم البنت على غير مسمى ازاى هاتعيش فى هناء بعد اللى حصلها ده كفاية انها فقدت اعز حد فى حياتها لسبب مالهاش ولا لامها ولا لاى حد دخل فيه ولكنه حكمة من الله تعالى واكيد هو ده الخير ليها فعلا كل واحد بيتمنى الحاجة اللى مش معاه وبيتناسى اللى فى ايده ربنا يهدى الجميع ويصلح الاحوال |
لاحول ولا قوة الا بالله
ربنا يهديها شكرا ع الموضوع يا فيفا |
لا اله الا الله
للدرجة دى دى بنتها يا ناس ده انا لو نمت شوية زيادة ماما تقول ده فى حاجة مزعلانى و تدخل تشوفنى لا على فكرة الست دى من لامهات الجاهلات ماتفقديش الثقة فى عائلتك لان الامهات انواع و انتى و الحمد لله اكيد ربنا رزقك بماما متفاهمه و طيبة زى مافى امهات بيضربوا ولادهم فى امهات متفاهمين على فكرة الست دى شكلها كده مش حتورد على جنه معلش يا فيفا الناس بقت وحشة اوى انا والله موش عارفة اقول ايه اصل الموقف مؤثر اوى |
المفروض تحط نفسها مكان الطفلة دى وتشوف هتعمل ايه لو ربنا كان خلقها هى كده بس مافيش عقل ويمكن دى حكمة ربنا انه يحعلها فى معية الرحمن بدل البنات بتاعة اليومين دووول هنقول لا اله الا الله سبحانك انى كنت من الظالمين ..
|
ده مش تصرف ام طبيعية خالص
شكرا على الموضوع |
:(لا حول ولا قوة الا بالله:(
للدرجاتى الام دى وصلت دى معندهاش اى رحمه دى بنتها حرام عليها ولو راعتها كويس ممكن تكون سبب فى دخولها الجنه بس نقول ايه بقى^_^ .................... |
بصى للجانب المشرق يا فيفا كويس انها مبعتهاش ولا قتلتها .. فى امثله اسوا ميت مره ومش معنى كده انها ست طبيعيه دى اكيد مختله الست دى كل تفكيرها الانتقام من الواقع فى مقوله لشكسبير بتقول ليس من الشجاعه ان تتنتقم بل ان تتحمل وتصبر وبردو عارفين ان الجزع عند المصيبه مصيبه اخرى ... وهو ده الست دى واجهت خوها بمصيبه واللى هى خوها وتصرفها اللى بينم عن جهل بين وبردو مقوله تانيه لشكسبير قسوه الايام تجعلنا خائفين من غير ان ندرى تماما مايخيفنا اذ ان الذى يخيفنا مجرد اوهام وهى خافت من حاجه قد تكون خير ليها وعسى ان تكرهوا شيئا وهو خير لكم صدق الله العظيم وبالنسبه للام دى بجد مينفعش معاها الا الجمله دى أننا نعلّم الآخرين دروساً في سفك الدماء.. فإذا ما حفظوا الدرس قاموا بالتجربة علينا لسه قرياها النهارده وكل مافيها ان اللى هى عملته فى بنتها هيتردلها وهتندم |
ياحول الله يارب إيه يابنتى ده يعنى أفضل 3 أيام النت فاصل ولما يرجع أول موضوع أقرأه بعد الخناقات والذى منه الموضوع ده اللى فعلاً بينزل جداااً من قدر الأمومه هو فعلاً الموضوع ده حقيقى ؟! بجد أفضل تكون الإجابه لاء مش حقيقى :( ياااااااااااااااااااااااااااااااااااااااااااااااار ب رحمتك ياااااااااااااااااااااااااااااااااااااااااااارب |
على فكره يا فيفا انتى اهتمامك بذوى الاحتياجات الخاصه عاد ملحوظ جدا
يا رب ربنا يقدرك وتساعديهم بحاجه عموما انا دلوقتى عرفت البنت دى طلعت كدليه دى وراثه هى مامتها مش طبيعيه اصلا علشان الحركه اللى عملتها دى |
اقتباس:
اكيد دى مش طبيعيه اقتباس:
ربنا يهدينا اقتباس:
انا اللى مش عارفة اعلق على اى رد خالص بجد اعذرونى اقتباس:
مرسى يا سارة للمشاركة اقتباس:
ربنا يسمع منك يا سارة اقتباس:
للاسف مفيش لا رحمة ولا حنان |
اقتباس:
مهما ترد لها مش ممكن هيكون بقسوة اللى هى عملته |
اقتباس:
للاسف يا محمد حقيقى بقولك ساكنة تحتنا تصدق ان انا مش قادرة ابص فى وشها وحتى مش قادرة ارمى عليها السلام نفسى امشى من البيت ده بجد |
اقتباس:
لا يا مصطفى البنت عندها تاخر عقلى لكن امها عندها تخلف تفرق |
اقتباس:
ساكنه تحتكم يعنى حقيقى يعنى مصادر مؤكده يلا على الدنيا السلام دنيا ملهاش أمان :( |
اقتباس:
لربنا حكمه فى كل حاجه ومحدش عارف ايه اللى هيحصل |
اقتباس:
ونعم بالله وكلنا مؤمنين بقضاء الله وقدره ومحدش يقدر يقول حاجه بس الموضوع بيتكلم هل فعلاً .................................. بجد مش لاقى كلمه توصف مدى السوء اللى وصلناله |
اول حااجة موضوعك مؤثر جدا صراااحة .. ايه الام دي يا ناس .. بجد خسااارة فيها انها تكون ام .. يعني كان نفسها في بنت وربنا رزئها ببنت زي القمر .. كدا ترد الشكـــــر .. وملهااش اب .. :confused: .. وهيا عامله ايه دلوقتي .. اخــــــ a7la dody ـــتك .. |
اقتباس:
للاسف ملهاش اب باباها توفى من فترة والبنت معرفش عنها حاجة من ساعة ما مشيت |
لا حول ولا قوة الا بالله
فى ناس بكل اسف نفوسهم وايمانهم ضعيف مجردين من شعور الرضاء بالقضاء والقدر وما كتبة الله بس مش كلهم والله يا فيفا بالمناسبة انا عندى خالتو قعدت فترة كبيرة ربنا مرزقهاش بأولاد واول لما ربنا رزقها جابت بنت وكانت نفس حالة بنت جارتك بس خالتو والحمد لله بتاعملها احسن معاملة ودايما بتقول "الحمد لله دى سبب دخولى الجنة لو احسنت معاملتها وتربيتها " اهو واحدة زى خالتو لو ايمانها ضعيف كان زمانها عاملت البنت وحش "رغم ان الحمد لله مفيش عندها حالات وراثية ولا حاجة " بس دى حكمة ربنا سبحانة وتعالى وكمان علشان رضاها وصبرها ربنا رزقها بنت تانية زى القمر يعنى الانسان لو يحمد ربنا فى السراء والضراء فى كل الاحوال ربنا هيرزقة بخير اكتر ربنا يهدينا جميعا :) |
اقتباس:
|
ومين اللي قال لك انها ام
الام تضحية الام كل حاجة كويسة مستحيل دي تكون ام حتي لو هي ف شهادة الميلاد كدا لما تكون بنتها كدا ومش تقف جمبها يبقي مش تستحق انها تكو ن ام ربنا يعفينا بس ليه انت فقتي الثقة ف الناس دا انت لما تشوفي كدا تحمدي ربنا ع النعمة اللي هو مديهالك هي امك بجد هي الام كدا اللي بضحي مش عشان ربنا اختبرها تفتري بقي ربنا مع البنت |
اقتباس:
والله خالتك دى ثوابها عند ربنا كبير اوى لانها استحملت الاختبار ومش كده وبس استحملته بحب وفرحة كمان ربنا يقويها يارب ويعينها على المسئوليه الكبيرة دى |
اقتباس:
انت بتهزر ؟ طب والله عندى استعداد اخدها بس مامتها توافق وربنا يحاسبنى على الكلام ده لو بكدب |
اقتباس:
طبعا بحمد ربنا على كده بس بجد الموقف صعب اوى |
حسبي الله ونعم الوكيل
دي أم قاسية أوي معقول في حد كده في الدنيا |
اقتباس:
الام اللى تعمل كده فى بنتها ملهاش الا كلمة واحدة الام دى تبقى مجنونة وعايزة علاج نفسى بجد ومتنفعش اصلا تكون ام وشكرااا على الموضوع |
ممكن تكون حركه مؤقته نتيجه الصدمه بس ممكن بعد كده تحس انها غلطانه ..وتقرب من ربنا اكتر وتدعوه يغفر لها ..وبعدين كل حاجه
وليها علاجها ... |
اقتباس:
للاسف فى ناس كده |
اقتباس:
ربنا يسامحها هقول ايه بس |
اقتباس:
يا ريت والله انا اتمنى بس انا معتقدش ولو ده حصل هبقى اقولك |
| جميع الأوقات بتوقيت GMT +2. الساعة الآن 04:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.