اخر اخبار كادر المعلمين
 

بما انى عضوة جديدة معرفتش اكتب فى ركن كادر المعلمين لذلك قررت ان اكتب فى ركن المعلم المصرى .اليكم الاخبار
1_اليوم تصحيح امتحانات تكدير المدرسين ( جريدة اخبار اليوم )

2_نائب يعترض على اختبارات المدرسين (جريدة اخبار اليوم )

3_كيف يجيب المدرس على سؤال تلميذة بخصوص امتحانات الكادر (روزاليوسف )
محدش يتعب نفسه و يقرا الاخبار انا قراتها وكله كلام فى كلام و لاعزاء لمدرسين مصر

ولكم مني كل الحححححححححححححححححححححححححححححححححححب.

والله احنا تعبين نفسنا على الفاضى كادر اية دة خطة من الدولة لشغل الرآى العام بقضية وبس وكله على الله

الواحد عامل زى الى فى الصحراء وبنجرى وراء سراب

وكمان خير دليل على كلامى إيه لازمت أن الدراسة تبقى يوم 20/9 /2008
ومتتأجلشي الى اخر الشهر علشان ظروف الناس الصعبة
الناس ياولداه هتلاقيها منين ولا منين من مصاريف شهر رمضان المضنية ولا
من تجهيزات المدارس ولا من مصاريف الأعياد ولا من الإنفاق اليومى على الاسرة
لكى الله يامصر ولنا الله يا جميع المصريين
ورزقى ورزقكم على الله :rolleyes: :p :o

والله ياأحبائى لابد لنا فى هذه المرحله التى توصلنا لها وبعد دخولنا لجان الامتهان ممتهانين ان نسير وراء الحكمه القائله خليك ورا ال......... لحد باب الدار

شكرا ع الاخبار الجديدة

وربنا يقدم اللى فيه الخير

يا معلمي مصر من كان رزقه علي الله فلا يحزن

ياريت نبطل حاجه اسمها كادر ونشوف شغلنا احسن بس ياريت يبعدوا عنا

كادر أيه دانا مش كادر حتى أفكر فى يوم النتيجة بتاعته وربنا يستر ، تخيل منظرك فى البيت أو الفصل أو أمام الزملاء الناجحين وأنت ساقط شكلك وحشششش خالص ،
لكن اللى عرفته إن الأغلبية سوف تنجح ..... استنى متحلمش بالفلوس اسمع ديه : حيبعتوا لكل واحد مننا شهادة ومكتوب فيها مبروك لقد اجتزت الكادر فى مجالين ، ولمدرس آخر لقد إجتزت الكادر فى مجال واحد ، والقلة القليلة فقط هى التى ستنجح والباقى عليه الإعادة فى العام القادم .

لكن أوعى وبحذرك من الفخ ده لآنك لو عدت ولا قدر الله لم تجتز الاختبار مرة ثانية إذن سيتم تحويلك من مدرس إلى وظيفة إدارية على نفس درجتك وتحرم من التدريس لأنك ساقط مرتين وذلك كما ورد باللائحة التنفيذية للكادر واللى مش عايزين يعلنوها على الملأ امتصاصا لغضب الشارع العارم


وفى الختام سلام

هل من حق المدرس ان يعرف ويطلع على ورقة الأجابة ويعرف الأجابات الصحيحة ولا الأجابات سر

تحويلك الى عمل ادارى على نفس الدرجة احسن مليون مرة على الاقل
مفيش :
طابور
اشراف
ريادة
امتحان شهر
اعمال شهرية
مراقبة
تصحيح امتحانات
دفاتر تحضير
ولو انت مدرس اول ضيف كمان حاجات كتيرة
شوفو حضراتكم كل وزارة التعليم بتابع فرد واحد هو المدرس حد بشعر ان فيه زائر بيجى المدرسة عشان تحقيق المصلحة وارشاد المعلم او الطالب كل بيشتغل وشعاره انا عبد المامور

لن اقول غير حسبى الله ونعم الوكيل الناس دى صعبان عليها المدرس يمشى رافع راسه لسبب بسيط الا وهو انه لو حال المدرس انصلح يبقى حال التعليم انصلح وبالتالى حال البلد كله هينصلح وطبعا اللى بالى بالك مش عايزين حال البلد ينصلح علشان هما اول المستفيدين من حالة الفوضى واللامبالاه اللى الناس عيشين فيها وايه يعنى المدرس يجوع ولا حتى يشحت المهم هما جيوبهم عمرانه كراسيهم دفيانه وخلالالالالالالالالالالاص ...... وربنا يجعله عامر.

نفس السؤال نتيجه امتحان كادر المعلم هتظهر امتى

كادر لله يا محسنين
 

اسمع بيت شعر على المعلم بيقول ايه
ما لميت بمقام هان لو فوق عرش
بمعنا ان الميت لا يهنئا بمقامه حتى لو وضع فوق عرش مملكه
اي ان المدرس المسكين مات بانقياده لهذه المهازل فماذا يفعل بكادر
الوزير وليس له اى اراده فى ان ياخذ برايه فى تقرير مصيره

لنا الله وحده سبكوا من الكادر اخذ مجال اكثر من حقة

النجاح ان شاء الله

النتيجة
 

لو ربنا ياخد الوزير اللي فضحنا على الفاضي وغلى الأسعار على زعم الكادر قولوا آمين

كادر ايه اللى انت جاي تقول عليه

انت عارف قبله معني الكادر ايه لما تتكلم عليه

انت مابينك وبين الكادر دنيا ما تطولها ولا حتي بخيالك

اما نفس الكادر عندى حاجة تانية .... حاجة تانية

حاجة اغلي من الفلوس ومن الجواهر ......... مع الاعتذار لأم كلثوم

اخر كلام النتيجة غدا وعلى الاكاديمية يوم الاحد وده كلام السيد الوزير فى القناة الفضائية من لحظات

والله ده كلام فارغ واستهتار

يعنى ايه كل الفترة دي علشان كادر مدرسبن امال لو كان نتيجة طلبة كانوا عملوا ايه

المعلم في مصرمسكين عندما قرر السيد الرئيس محمد حسني مبارك جعل قضية التعليم قضيةأمن قومي وحيث أن المعلم هو مفتاح القضيه وجوهرها وبدونه تفشل القضيه ومن هنا’’’’’’’
بدأت الحكومه ومن أمامها مجلس الشعب إصدار التشريعات التي في ظاهرها الرحمه ومن داخلها
العذاب فكان أولها اعتماد الكاد( جميل ) وثانيها
إمتحانه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومن هنا نسأل هل الكادر هو السبب في عقد
الإمتحان أم ماذا فإن كان هو السبب فأقول يا
ريته ما كان بلغة الصعيد

والله احنا تعبين نفسنا على الفاضى كادر اية دة خطة من الدولة لشغل الرآى العام بقضية وبس وكله على الله

اهم شئ فى الميزانيه لو تسمح يبقى فيه نجاح

شكراوووووووووووووووووووووووووووو

كادر مكدرشى

ظهرت نتيجتى معلم دراسات اجتماعية وأنا معلم رياضيات
ماذا افعل لتغيير هذا الوضع وتصحيح الخطا
كادر الاختبار (181) وليس(123) أنا بدرس رياضيات وليس دراسات
هى إه الحكاية الرجاء الحل ضرورى وشكرا:romarioxp6:

أنا أديت الامتحان فى مادة الرياضيات وجاءت النتيجة دراسات
امتحنت بكود 181 وجاءت النتيجة بكود 123
فماذا أفعل يا ناس وانا مدرس رياضيات أصبحت فى يوم وليلة مدرس دراسات
وعمرى ما درستها ولا هى التخصص .
الرجاء الافادة فى الحل وشكرا