|
عايز اعيد الثانوية العامة(حد يرد عليا بمعلومات مفيدة)
لقد حصلت على الثانوية العامة منذ عام 2003 الشعبة الادبية ثم حصلت على ليسانس اداب عام 2007
وانا الان اريد ان اعيد الثانوية العامة حتى التحق بالشعبة العلمية حتى استطيع دخول احدى الكليات العلمية فكيف يمكن ذلك ارجوكم لا تبخلو على بالرد من يستطيع مساعدتى عن طريق المنتدى او البريد الالكترونى فهل احد عندة معلومات عن ذلك ويستطيع افادتى ومساعدتى |
انا الحقيقة مش هاقدر افيدك بس كنت عايز اسألك سؤال
و انا اسف اني هتدخل في موضوع مليش اني اتدخل فيه هي البلد دي ينفع حد يضيع عمر تاني من عمره عشان خاطر التعليم يعني انت عايز تعيد الثانوية و تخش كلية علمية و هل بعد ما هتتخرج منها هاتقدر تعمل اللي انت عاوزه هنا و انا اسف مرة تانية |
لا ولا يهمك ادخل براحتك وقول اللى انت عايزة
لكن انا مش عايز اضيع عمر من عمرى عشان البلد دى لكن دة عشان نفسى دى حاجة انا عايز اعملها وليس لها علاقة بالبلد دى؟؟؟؟ وفعلا ان شاء الله هاعمل الى انا عايزة شكرا اخوكم |
ماينفعشششششش طالما حصلت عليها مرة لا يمكنك دخولها مرة أخرى حتى تعديل القانون ولن يتعدل فى المستقبل القريب
ركز فى حياتك المستقبلية و ما تهربش للخلف . لكن جرب فى الجامعة المفتوحة أو الالكترونية |
واضح ان الموضوع ده مهم عندك قوى وانا اعتقد انه ما ينفعش تعيدها مره تانيه وعموما لو عايز تتاكد اكتر ممكن تروح قسم شئون الطلبه فى اى ادارة تعليميه و تسال و لو سمحتلى ياريت تحاول تحل مشكلتك بطريقه تانيهيس فكر كويس و احنا كلنا معاك.
|
شكرا يجماعة على ردودكم
لكن فى عضوة فى المنتدى قالت انها عادت الثانوية العامة بالفعل |
:(:(:(:(:(
|
السلام عليكم اللي اعرفه انك ممكن تروح الاداره التعليميه وتقدم اولى ثانويي منازل ونصيحه مننى اتوكل على الله وابدء انت ظوفك احسن مني لاني متخرجه من الكليه2001 ونسيت المذاكره بس اللى خلاني افكر اعيدها هو اني لقيت نفسي حكمل وحيااتي كلها فى حاجه مش لاقيه نففسي فيها ولسه خايفه لانه مشوار طويل من اوللي ثانوى لوعرففت اسلام اللى كان ببييسساال عن السفارات عمل ايه ارجوك بلغنني لان مشاركاتتيي قليلهه مش قاادره ابعتله
|
ايوة يعنى انت ناوى تعيد الثانوية العامة زى ولا اية
طيب ممكن نتابع مع بعض واللى يعرف حاجة يعرفها للتانى |
انا بفكر وانا فعلا متابعه معاك وارجوك لو وصللت لحاجه تبلغني في اخ اسمه اسلام هنا قال انه بيسال عن الامتحان فى السفاررات وده يكون اسهل لانه سنهواحده نفسي يبلغنا وصل لايه
|
مبسوووط لان فى حد متابع معايا
جميل
طيب هو وصل لاية والامتحان فى السفارة هايكون ازاى ياريت اتعرف على اسلام عشان اتابع معاة شكرا |
انا مش عارفه هو كان بيرد على مجرد انسانه اللى كانت بتسال عن نفس الموضوع على المنتدى وبرضه مش عارفه هى وصلت لايه
|
انت فين هو كل الللي ببسال عالموضوع الاعاده بيختفي ليه
|
علي فكره انت عايز علوم ولا رياضه
|
انا موجود
انا عايز علمى علوم
يعنى عايز كيمياء وفيزياء واحياء وانتى عايزة اية بس المهم عايزين معلومات مفيدة من اى حد هو انتى ادارتك التعليمية اية:078111rg3: |
اقتباس:
اه والله عندك حق الواحد يطلع عينه هو واهله علشان ياخد الشهادة وبعد ما يخدها يعلئها على الحيط يا عم سيبك بلا تعليم بلا دياولو ركز انتا بس في مشروع وكسف جهدك فيه وربنا يكرمكك باذن الله تقبل مروري |
انا بقي كنت علووم ودلوقتي عايزه رياضه علشان كده بسال على الدبلومات لانها اسهل وبتدخخل نفس اللكلييات للكن مش لاقيه غير نظام الخمس سنين وسمعت عن حاجه ثلاث سنين وبتدخل كليه لكن مش قادره اوصلل لتفاصيل يعني انا بساال ففي ده وفي الثانويه ووربنا يعمل الخير
اللمهم اانا رايي انك تروح الاداره وتقول عاايز اقدم اولى ثانوى منازل ومتتجبش سيره ثانويه عامه وان شاء الله حتمشى وكل اللى يسالك قوله انا عايز اولى ثانوي وده مش ممنوع ربنا يوفقنا جميعا |
هو سهل ان الولحد لو معاة ثانوية عامة ممكن يدخل دبلوم
بيتهيالى كدة فعلا انا بفكر اروح الادارة واقدم من غير ما اقوللهم انى واخد الثانوية وزى ماتيجى بس تعرفى اخر ميعاد لتقديم المنازل امتى |
حضرتك ممكن تعيد الثانوية عادي
بس لازم تاخد سنة اولى ثانوي وتانية وتالته وهي اجرأتها سهله زي الاجرآت اللي بياخدوها اللي خلصو دبلوم انت ممكن تسأل في شئون الطلبة في اي مكان وهما يقوللوك تعمل ايه |
السلام عليكم /مفيش حاجه اسمها لسه بتفكر يلا توكل على الله وانزل يوم الاحد علطول عالاداره ولو لاقدر الله عقدوها روح اداره تانيه المهم تصلي استتخاره قبل اى شي وتستعين بالله ويا رب يوفقنا ويوفقك للخير لاننا مهما كان مانعرفش الخير فين
منتظره تقولى انك انن شاء الله رحت وتقولي عملت ايه |
انت متاكد
انت متاكد يا no-way اصل انا رحت الادارة فى المرج وسالت لمن المسئول هناك قاللى ماينفغش
وقبلية موظفة قالت لى المفروض ان اسمك هايبقى متسجل انك حصلت على الثانوية العامة مرة وبالتالى مش هاينفع يتسجل تانى المهم هو تقديم المنازل هايخلص امتى |
السلام عليكم/ ايه الاخبار من فضلك قولى وصللت لغايه فين
انا عرفت واحد عادها بالطريقه دي بس ده سنه 2000 0 |
انا يا جماعه دلوقتى فى اولى تجاره و كنت علمى رياضه و لما كنت فى تانيه ثانوى كان معايا فى درس الكمياء و احد عنده 23 سنه و لكن هو كان خريج دبوم صناعى هو كان شاطر و بالرغم من كده عرفت انه جاب 83% فى تانيه ثانوى و بعديها من تالته ثانوى مشفتوش
يا جماعه اى نعم فى حديث نبوى شريف بيقول اطلبوا العلم من المهد للحد صدق رسول الله لكن يا جماعه انتم داخلين فى تحدى كبير قوى ربنا معاكم و بالاخص ان علمى رياضه دى هم ازلى و انا مريت بمعاناه فوق الوصف فى تالته ثانوى فى الامتحانات لان امل هندسه ضاع منى و لكن بنصحكم و ارجوكم تقبلوا النصيحه من اخ اصغر منك انكم تعيدوا التفكير فى حاجه زى دى ممكن تروحوا كليه فى الجامعه المفتوحه مثلا انما انكم تدخوا هم الثانويه العامه دى و علمى كمان بنصحكم بلاش احسن |
يا جماعه دا لما جتلى تجاره حمدت ربنا انى بعدت عن العلمى و ازاه اصل بلدنا دى بلد متخلفه و مش عايزه يطلع علماء علشان يقدموها
|
السلام عليكم هل يأست ولا اخدت خطوه
لوسمحت قولى وصلت لايه لان عندى ظروف تخلي انى اروح الاداره واسال صعب جداا ارجوك بلغني وصلت لايه |
ارجو معرفة معلومات مفيدة انا الاخر
وارجو من المشرفين الاهتمام لانى بجد بفكر انى اعيد الثانوية تانى |
انا مش مشرفه بس ممكن افهم ليه عايز تعيد
|
بصو يجماعة انا السنة دة مقدرتش اكمل فى الموضوع
بسبب الشغل لاكن ان شاء الله انا حاططت الموضوع فى دماغى ونامى اكملة ان شاء الله حتى ولو السنة الجاية وممكن اللى عايز نتابع مع بعض |
اقتباس:
انا خريج تربية انجليزى 2008 وكنت علمى رياضة ونفسى ادخل كلية علمية وادخل علمى علوم ارجو انك تتابع وتقولى هل ينفع ولالا لان معظم الناس قالت انه ماينفعش ياريت تقولى الاخبار الاكيدة ولك كل الشكر وان شاء الله هتابع معاك والى فيه الخير يقدمه ربنا |
السلام عليكم ورحمة الله وبركاته
أنا قرأت موضوع الثانوية واعاده الثانوية العامة وهو ما هو ابحث عنه منذ فترة طويله أنا طالبة أزهرية في كلية الدراسات الاسلامية قسم اصول الدين ولكن بفضل الله واشكره علي كل شئ انا كان نفسي في كلية عملية ولذلك انا عايزة اعرف هل ينفع اني اعيد ثانوية عامة مع العلم اني حاصلة علي ثانوية أزهرية ولكم مني جزيل الشكر أنتظر الافاده دمتم في حفظ الله |
سلام عليكم الجماعة اللي عاوزين يعرفوا انا وصلت لايه
انا اسلام اعادة الثانوي العام في مصر مستحيل ممكن انك تعيدها في ليبيا او السودان مدة الدراسة 3 شهور فقط اتوجه للسفارة الليبية او السودانية واسال على الثانوي الليبي السوداني على فكرة اقل مجموع فيها يدخلك اعلى كلية |
ازيكم ياجماعة انا معاكم وانا كمان نفسى اعيد الثانوية العامة مع العلم انى معايا ماجستير ياريت تقولولى عملتوا ايه علشان اكون معاكم وياريت نكون كلنا مع بعض نشجع بعض ونقدر نتواصل حتى عبر الايميل
وبرده عاوزة اقدم علمى علوم |
يارب حد يرد عليا عايز اعرف لو قدمنا منازل هنتعرف اذاى لانهم قالولى ماينفعش
وثانيا الثانوية السودانية او اللليبية الدراسة هتكون فين وايه شروطها |
السلام عليكم يا جماعة لو سمحتم انا عايز رد قاطع وفاصل.انا عايز اعيد الثانوية العامة .انا حاليا بدفعة تانية طب بس الكلية ما بحبهاش وبصراحة الطب عايز حفظ وانا مابعرفش احفظ:( دا فوق انى ما بحبش الاحياء وداخلها بناء على رغبة والدتى .وهى لما شافت انى متضايق من الكلية قالتلى حول الكلية اللى انت عاوزها :d:dوانا الصراحة عايز هندسة لذلك لازم اعيد الثانوية من جديد وادخل علمى رياضة ولما سالت قالولى لازم يكون الفرق بين الثانوية القديمة والجديدة على الاقل سنتين الكلام دا صحيح؟ :huh:وشكرا
|
hamadaa.ezzo***********
على فكرة يا جماعة انا سمعت عن اذا طالب تقدم لامتحان الثانوية للمرة الثانية اى كان قد حصل عليها من قبل و تم اكتشاف ذلك فسوف يلغى امتحانه . هل هذا صحيح؟
|
ايه أخبار اعادة الثانوية العامة يا جماعة؟ هل وجد اى منكم حل لهذه المشكلة؟ أرجوا الافادة جزاكم الله خيرا
|
لية بس ممكن يكون السنة دي احسن من حظك السنة الجاية
|
اقتباس:
|
اريت ياجماعة لما تسالوا على موضوع الاعادة نتاكد من حاجة مهمة فى ناس بتقول ان دخول كليات الطب و الصيدلة والهندسة محددة بسن معين
احنا كده ممكن نعمل المستحيل علشان نعيد وفى الاخر علشان كبرنا ندخل تجارة او اداب ياريت حد يرد عليا فى الموضوع ده |
السلام عليكم
السلام عليكم
صحيح الكلام ده ؟ الطب والهندسة بسن معين ؟؟؟؟؟؟؟ :av4056bb7jp3: ههههههههه أتأكدوا يا ردالة قبل ما ناخد الخطوة دى ده اميلى على الياهو startover.asap على فكرة أنا سألت فى مدرسة وقالولى تعالى قدم ورقك عادى . |
اقتباس:
|
اقتباس:
|
ياجماعة فى ناس بتقول الاعادة تنفع طالما لنا اكتر من 5 سنين مخلصين ثانوية عامة اتاكدوا وسيبكم من كلام الادارات اللى بيعقدنا
وياريت لو فى حد هيعيد من اسكندرية يبلغنى على الاقل نشجع بعض |
اقتباس:
|
لو فعلا ماينفعش والكمبيوتر بيبين يبقى هيبان طبعا اننا حصلنا عليها من قبل
بس لازم نتاكد علشان فى ناس سالت فى الوزارة وقالولهم ينفع كل جهة بتقول كلام مختلف |
اقتباس:
|
حاولى تسألى فى الكنترول و تقولى لى عملتى ايه؟
|
انا مش عارفة فين الكنترول الرئيسى بس هاسال وارد عليك
|
يا جماعة لو سمحتم انا مهتمة جدا بالموضوع وفيه نظام جديد للثانوية العامة ياريت نسأل عليه واللي يعرف يبلغنا لو سمحتو
|
يا جماعه انا مهتم بالموضوع ده
ياريت لو نعرف او حد يدلنا انا بجد نفسى جدا واتمنى وياريت لو ينفع هيتغير مسار حياتى رجاء ثم رجاء اللى وصل لشئ يقولنا |
| جميع الأوقات بتوقيت GMT +2. الساعة الآن 06:41 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.