|
افتكاسات
http://img84.imageshack.us/img84/5465/18821610uf0.png ازيكم يا جماعة وايه اخباراتكم:p يا رب تكونوا بخير دايما امبارح كنت زهقانة جدا قلت افتح التليفزيون لقيت برنامج شغال اسمه افتكاسات ركزوا بقى معايا واسمعوا البرنامج بيتكلم عن ايه سياده المذيعة كانت بتسال الناس فى الشارع ايه هو الصندوق الاجتماعى اسمعوا بقى الحوارات المذيعة:تعرفى ايه هو الصندوق الاجتماعى؟ الست:اه طبعا هو صنوق كبير وبيخدم الناس. المذيعة:طب شكله عامل ازاى؟ الست: هو مستطيل ولونه اخضر. المذيعة:طب تعتقدى انه بيكون متوصل باسلاك الكترونيه مثلا عشان يستقبل الشكاوى ويقدر يفيد الناس؟ الست:اكيد طبعا المذيعة: تعرفى ايه هو الصنوق الاجتماعى؟ البنت: انا اعرف انه موجود فى كل حته فى مصر. المذيعة:تعتقدى انه زى صندوق البوسطه مثلا؟ البنت: لا اكبر شويه والمكان اللى بنرمى منه الجواب اوسع شويه. وفى نهاية البرنامج المذيعة:سمعنا مع بعض كلام الناس وضحكنا عليه استنونا فى الحلقة القادمة وافتكاسات جديده. شفتوا الاعلام المحترم؟ شفتوا الاستهزاء بالناس وصل لغاية فين؟ شفتوا سيادة المذيعة وهى بتتريق وبتضحك على واحده فى مقام والدتها؟ حقيقى مش عارفة اقول ايه انتوا ايه رايكم ؟؟؟ |
ده ببين جهل الشعب المصري بالمعلومات العامة
|
انا عارفة البرنامج دة
بجد برنامج يرفع الضغط خلاص حلو كل المشاكل ومبقاش فاضل ليهم حاجة يتكلموا فيها غير الهبل دة وعلى فكرة البرنامج دة نفس فكرتة بتتقلد على قنوات كتير قوى وعلى رأى الشاعر الكبير ويبقى انت اكيد اكيد فى مصر :mad::mad::mad::mad::mad::mad::mad: |
اقتباس:
طب اوك انا معاك بس انا مش بتكلم على النقطة دى ما البلد كلها عارفة اننا عندنا جهل بالمعلومات العامة لكن لما نعمل برنامج مخصوص عشان نتريق عليهم تبقى هى دى المهزله والجهل بعينه ولا انا غلطانة؟ |
اقتباس:
ايوه هى دى حلنا كل مشاكلنا وفاضل الهبل ده عشان نتكلم فيه بجد منتهى الاستهزاء بس انا اول مرة اعرف ان فى نفس الفكرة فى اكتر من برنامج يلا ربنا يزيد ويبارك |
أنا معرفش البرنامج ده و الحمد لله بس ربنا يهديلهم نفسهم و شكرا لحضرتك علي الموضوع :):):) هو البرنامج ده اللي كان فيه حكاية عم دهب؟؟ :d:d:d:d |
لالا الصندوق ده بيبقى زى الصندوق الاسود كده بس على اكبر شويه عشان يستحمل الشكاوى والذى منه
|
اقتباس:
مرسى لمرورك |
اقتباس:
تصدق نسيوا يقولوا التعريف ده:d والله هم يضحك |
اذيك يافيفا
ياريت تقبلى مرورى للمرة التانية انا هقلكم على حلقة من النوع دة شفتها على احد القنوات الفضائية المشهوره المذيعة/ اية احساسك لما نادى الصيد بقى من عجائب الدنيا السبع الشاب/ طبعا احساس بالفخر عشان دة انجاز مصرى المذيعة/طب عرفت منين ان القرية الفرعونية هى كمان بقت من عجائب الدنيا الشاب/من الجرايد :(:(:(:(:(:(:( بقى دة اسمة كلام طب لو فى طفل صغير اتفرج وصدق الهبل دة سعتها الحل اية |
أتكلمت فى حاجه زى كده قبل كده .. الصراحه هى المشكله مش فى الاعلام ولا فى البرنامج اللى اتكلمت عليه قبل كده كان بيبن جهل الشباب ..باى حاجه ..انا مش مع التريقه ع واحده فى سن والدتها .. بس مش شايفه مانع من وجود برنامج ساخر بيبين اللى البلد وصلتله من جهل وفقر وحجات كتير .. بالرغم ان كتير مش هيوافق ع كلامى بس دى وجه نظرى
هكمل كلام لما الرجع من الدرس سلام مؤقتا |
اقتباس:
ولو هو اصلا صدق فده تقصير من الاعلام اللى لازم يوضح فى الاخر الكلام الحقيقى ويبين جهل الناس ال القريه الفرعونيه ال بكره يقلك مركز شباب شبرا اللى فى الجيزه ;) المشكله بردو مش فى الاعلام المشكله فى الشاب اللى ماشي المشكله فى المجتمع اللى افكاره كلها غلط ابسط حاجه انه مش عارف اى معلومه وبالنسبه لموضوع العجايب احلى مافى الموضوع ان الاعلام اللى بتهاجموه هو اللى اتكلم عنه 7-7-2007 يوم ماهاجموا مصر لعدم اشتراكها وتكبرها ع الدخول فى المسابقه بس الشباب ده اللى المفروض يكون من عجايب الدنيا فعلا وبردو هكمل لما اجى :( |
اقتباس:
اوك انا معاكى ده بس لما يكون فعلا الهدف الحقيقى اننا نبين اللى وصلت له بلدنا من جهل وتخلف لكن لما يكون الهدف منه انى اضحك المشاهدين واضحك معاهم واعمل برنامج ناجح واتشهر يبقى غلط فى غلط ولا ايه؟ وبعدين بدل ما نعمل برامج نتريق عليهم طب ما نعمل برنامج واحد بس يديهم معلومات عامة ايه المشكله يعنى؟ مستياكى لما ترجعى وتردى |
اقتباس:
مثلا دى نقطة مجتش فى بالى خالص وبجد نقطة مهمة اوى |
ههههههههههههه
لا و الله تقدمنا خطوة في طريق الهبل بدأنا بعم دهب ووصلنا للصندوق الاجتماعي ربنا يستر تقبلي مروري |
اقتباس:
لا ولسه تقريبا البرنامج يومى تصدق بفكر اعمل كل يوم حلقة زيها:d اشمعنى هى يعنى |
اقتباس:
واللة فكرة حلوة شغلانة مضمونة وبتكسب وسهلة خالص:mad: |
البرنامج الى على القناة الفضائية اسمة اشتغالات ولو حد عايز يشوفة انا ممكن اقول اسم القناة والمعاد
انا الحمد للة مش بتفرج بس كل اصحابى بيشوفوا وانا مبنصحش حد انة يشوفة |
هنقول ايه الناس بقت عقولها فاضية وبتحب تتفرج ع الحاجات دى عشان تضحك وهى مش فاهمة بتضحك على ايه
طيب فى برنامج بيجى اسمه دقيقة مفيدة او حاجة زى كده بتقدمه م1يعة اسمها مفيدة شيحة المهم ان فى سؤال فى البرنامج ده بيقول البليون قدامه كام صفر واضحكو بقى ع الاختيارات 8 -9-10 وأى حد داخل مسابقة زى دى المفروض يبقى عارف ان البليون قدامه 12 صفر اقولكو على حاجة كمان فى برنامج زى ده شوفته والمذيعة بتسأل كتاب متن الاربعين نووية سمى بهذا الاسم لانه يحتوى اربعين حديث نبوى -اربعين حديث قدسى المهم المتسابق جاوب وقال اربعين حديث نبوى راحت قالتله غلط مش بقولكو ناس عقولها فاضية |
المفروض ان الاعلام فى اى مكان يكون وسيله لزياده وتنميه الوعى للشعب مش وسيله للسخريه منه وكمان الشعب المصرى كتير منه جاهل بامور مهمه لازم يكون فى ثقافه عامله لكل الناس ده مجرد رأى
|
أنا مع بنوته أهلاوية فى رأيها
مفيش مانع من أن يكون فى برنامج ساخر يوضح مدى ما وصل إليه الشعب من جهل عام بس فعلا ياريت فى النهاية يوضحوا المعلومة الصح علشان تكون الفايدة كملت أما موضوع البرامج اللى بتقول معلومات عامه دى برامج فاشلة ميه فى الميه لأن الشعب نفسه اللى بيجاوب الإجابات دى عمره ما فكر يقعد قدام برنامج بيقدم ملعومات عامه . . |
يا جماعة ساعات لماالمذيعة بتسئل الناس بيقولوا لها
ان مفيش حاجة من الى بتقول علية دى حصلت المذيعة بتقعد تقنعهم بأىطريقة وطبعا (الناس) فاكرة ان هى بتقول كدة عشان هما غلطوا ومش عايزين يبقى شكلهم وحش وتقوم الناس قايلة الكلام الغلط بعد اما كانوا عارفين الصح |
انا من رأى:ـــ
على فكرة برنامج افتكاسات حلوة لانة هيعلم الناس لو حاجة مش عارفين اية هى يقولوا منعرفش ... وياريت نبطل فزلكة واحنا مش عارفين حاجة ( المصريين دايما عاملين فيها ابو العريف) من قال لا اعلم فقد افتى |
اقتباس:
فعلا كلام سليم |
اقتباس:
سمعت يا مساميدو طبعا وده فعلا بيحصل وده ياكد رايى فى وجهة نظرك ووجهة نظر بنوته اقتباس:
وهقول الرد بتاعى تانى ده بس لما يكون فعلا الهدف الحقيقى اننا نبين اللى وصلت له بلدنا من جهل وتخلف لكن لما يكون الهدف منه انى اضحك المشاهدين واضحك معاهم واعمل برنامج ناجح واتشهر يبقى غلط فى غلط ولا ايه؟ وكلام مروة يؤيد رايى |
كفايةكدة لحسن البرنامج يرفع عليكو
قضية:d:p |
الحقيقه انا متفرجتش ع البرنامج ده
بس اتفرجت ع برنامج زيه اسمه اشتغالات والحقيقه انا شايفه ان النوع ده من البرامج بيستخف بعقول الناس ومالوش اى لزمه المفروض ان الاعلام الهادف اللى بيقدم حاجه تفيد الناس مش تستخف بعقولهم بس للا سف احنا عقول الناس عندنا هينه جدا وقليل قوى اللى بيحترمها شكرا ليكى ع الموضوع يا ((((((((فيفا)))))))))) واتمنى ان تتقبلى مرورى,,,,,,,,,, |
طب ده حاجة هينة بالنسبة لبرنامج اشتغالات البيجي علي o tv علي الفطار ده بيستهزأ جدا بالناس طب اسمعوا ديه
المذيعة :طبعا حضرتك سمعت عن هروب ابو الهول المواطن : اه طبعا المذيعة : طب متعرفش ايه هو سبب الهروب ؟! المواطن : مفيش شغل و الحياة غالية اكيد هج من البلد المذيعة : طب فيه سؤال هنا :: ازاي مشي لحد المطار و محدش شافه المواطن : اكيد كان متخفي او راكب عربية هيئة دبلوماسية او ممكن لابس طقية لخفة شوفتوا الاستهزأ و ايه في غير كيده كتيييييير اعلام له هدف صحيح "::S |
اقتباس:
لكن لو اسلوب التطبيق غلط يبقى ده حاجه تانيه طبعا المذيعه بستهبل وطبعا لو الغرض منه منظرة وضحك ع الفاضى يبقى مفيش اختلاف بينا لكن لو زى ما قلت ده مفروض يكون برنامج هدفه يبين للناس مدى ما وصلوا إليه من جهل ونعلم الناس تبطل فتى شوية |
اقتباس:
|
اقتباس:
كله بقى واخد الموضوع عادى وبيرد ولا كانها بتقول كلام ما يصدقوش اى حد عاقل ف الدنيا ده ف اللى رد عليها وقالها اكيد راح ف تاكس واللى قالها اخد المترو واللى قالها اكيد حد ساعده ع الهرب بالذمه ده كلام ناس عاقلين اتمنى ان تتقبلى مرورى للمره التانيه |
انا مشفتش البرامج دى ومش عاوزة اشوفها انتو منتظرين ايه من الاعلام دى اصلا ناس فاضيه وبتستهبل اوى
|
اها هو فعلا برنامج متخلف والمزيعه اللى اسمها صفيه دى بتستزرف ..وكمان صاحب فكره البرنامج دمه اتقل من الجيلاتين ...
..لو كنت اعرف ارسال البرنامج ده ازاى كنت بعتلهم قولتلهم كده |
انا رايي انه من قال لا اعلم فقد افتى
واللى جاوب دههو اللى هزق نفسه وعاوز يعمل ناصح اناشخصيا ما اتعرفش ايه هو الصندوق الاجتماعى ولو المذيعه سالتنى هسالها ايه هو عرفينى انتى |
طب يعنى هما بيستهبلوا الناس كدا !!!!!! بدل ما يعرفوهم الحقيقة ويزيدوا من وعى الشعب!!!!! طب والناس دى بقا لما البرنامج يتذاع يا عينى يبقا شكلهم ايه ادام اسرتهم واصحابهم يالا ولسة والله ياما هنشوف
|
الاول بعتذر انى برد ع الردود فى موضوعك بس تقريبا مش اول مره انطلك فى موضوع يا فيفان:d بجد متزعليش لو فى حاجه ابعتيلى وانا همسحه اقتباس:
بصي يا ستى ..انتى بتقولى ان السبب هو التريقه تمام انا معاكى البرنامج معمول عشان التريقه والضحك والهلس ده بس هيترريقوا ع مين؟؟ لو فى حد فاهم او مش متكابر فى كلامه يعنى من الاخر نبطل الكد ب اللى الواحد فيه فيها ايه لما يقول بكل ادب الصراحه حضرتك مش عارف انتى بتقولى ايه ايه المشكله لو الناس ردت كده مكنتش المزيعه دى كانت موجوده ومكنتش لقت حد تتريق عليه ولا ايه ؟؟ اقتباس:
المشكله ان دى هى المشكله يا فيفا الجهل...اى حاجه ممكن تتحل بعد مالواحد يكون ع قدر من الثقافه مقصدش المعلومات... الثقافه فى الحوار الثقافه فى الرد الثقافه فى كل حاجه الثقافه عمرها مكانت معلومات وبس ثقافه الحوار الراى والراى الاخر كل ده مفتقد هى دى المشكله الجهل بكل حاجه اتفه الاشياء انا مش مع فكره البرنامج بشكل عام .. بس اللى خلانى اتعرف بشباب مجتمعى برنامج تافه زى ده شفت اللى فاهم واللى مش فاهم .. شفت المثقف واللى عارف اداب الحوار والجاهل اللى مش عارف اى حاجه اقتباس:
ههههههههههههههه لا يا sai تقريبا برنامج تانى عم دهب يا فيفا كان موضوع عاملاه مش برنامج ..مش مشكله اقتباس:
طيب هى المساله دلوقتى انك معترضه ع فكره او هدف البرنامج طب ليه اخدتيها كده انا لما شفته اللى جه فى دماغى اللى البرنامج وصلهولى يعنى مش انى اتفرج للتريقه بس لا انا حتى موضوعى كان اسأله ع اللى هيحصل وامتى هنتخلص من الجهل ده الاسلوب الساخر والضحك بيوصل المعلومه افضل ميه مره لعلمك انا فى المنتدى ده مش بقرا غير ردود لناس معينه من امثال المرشد ومساميدو وفرانكشتاين وخالد الجن بتاع زمان اسلوب بالرغم من انه ساخر الا انه هو اللى بيوصلى المعلومه اسلوب جذاب هتفهمى فى الاخر وهتحفظى لما تاخدى مقلب وتكتشفى مدى جهلك بالنسبه للبرامج بتاعت المعلومات العامه اقطع دراعى لو كان حد بيبصلها حتى الاسلوب فى العرض هو اهم حاجه قد يكون الاسلوب فى البرنامجين مخزى بس لمين مش العيب فى المزيعه ولا فى غيرها العيب فى اللى ردوا العيب فيا وفيكى وفى الناس اللى مش فاهمه اقتباس:
اقتباس:
بالظبط يوصلك المعلومه فى شكل فكاهى ساخر بدل ميكون الكلام عباره عن مجموعه من الارقام والحسابات اللى العقل البشري او العقل المصرى بيرفض تقبلها لانه حاسس انه فى غنى عنها حاسس انه مش محتاج لحاجه غير الاكل والشرب والبيت اللى يتلم فيه فكره تقبله لاى ثقافه تكاد تكون معدومه ناس عاوزه تضحك وده حقهم البلد دى شافت ايام سوده والناس خلاص جابت اخرها يبقى احنا نستغل الطريقه دى وندخلهم منها ونفهمهم ونوضحلهم اقتباس:
اقتباس:
ده بقى استهبال رسمي انا ضد ده المشكله دلوقتى بقت حاجه تانيه لان هنا بان مدى سطحيه البرنامج ومش اى واحده تقدم حاجه زى كده لازم تكون ع وعى ودارسه فنون الحوار ع الاقل مش تقنعه بالغلط لا بالعكس تحاوره وتحاول توصل منه لاكتر المعلومات الممكنه اقتباس:
اقتباس:
بالظبط دلوقتى احنا كلامنا ع الفكره ---ازاى نستغل حاجه زى كده فى خدمه الشعب الغلبان ده--- نفسها اما لو الطريقه اللى تمت بيها طريقه مبنيه ع جهل فدى بقى مشكله البرنامج ومشكله الدوله امال ايه لازم الرقابه |
اقتباس:
ههههههه ومالو خليهم يرفعوا اقتباس:
فعلا وده رايى مرسى لمرورك |
اقتباس:
هههههههه بصراحة بجد حاجة تكسف |
اقتباس:
فعلا ناس فاضيه مفيش اى مواضيع نتكلم فيها غير الهبل ده اقتباس:
مرسى يا بسمله لمرورك |
ازيك يا فيفا ؟ موضوع جميل ورائع فعلا الاعلام بقى حاجه صعبه اوى انتى عارفه انا لو سمعت برنامج زى دا ممكن اموت من الضحك اموت من الضحك على الخيابه اللى هما فيها والسذاجه بتاعتهم مش هضحك على الموقف اللى اتعمل انتى عارفه اكتر حاجه بتضحكنى ايه دلوقتى فى بعض القنوات اللى هى بتعمل فوازير والكلام دا ويفضلو يقولوا يالا اتصل عشان تكسب 0900 وغيره من الحوارات الفاشله دى لا وايه اسمعى بقى الفزوره بيقولوا اسم ولد لو شيلنا الحرف التالت يبقى حاجه بنطلق عليها سفينه الصحراء طيب بالله عليكى مش المفروض اضحك اى حد معاه فلوس يعمله قناه ويجيب بنتين حلوين كدا يبيعوا جسمهم ويقولوا اتصل ب 0900 مش عايز ارغى كتير فى الحوار دا عشان النرفذه بس اه سورى كنت هنسى انا شفت رد تقريبا بيقول ان الاعلام بيوصف اللى وصل اليه الشعب المصرى طبعا انا مش مع الكلام دا اطلاقا لان دى فئه تافهه قله قليله لا نعكسها على البقيه جزاكى الله خير على الموضوع الجميل دا يا فيفا تقبلى مرورى |
اقتباس:
بس هى كمان غلطانة يا مصطفى مش الناس بس اقتباس:
بجد حاجة تحزن مرسى يا منى لمرورك |
اعلام هايف والله ومذيعه مفيش اهيف منها
قال ايه طبعا سمعنا كلام الست وضحكنا عليه لا حول ولا قوة الا بالله شكرا على طرحك للموضوع يا فيفا حاجه تانيه بقى انا لقيت اسم خالد ماشى فوق قولت اخيرا خالد جه وعبرنا ويلكم باك يا خالد ويارب تكون بخير وحشتنا والله |
اقتباس:
تمام كده اتفقنا |
اقتباس:
ازيك يا خالد حمد الله على السلامه تمام يا خالد انا معاك وجزاك مثله يا خالد ونورت التوبيك |
اقتباس:
ربنا يخليك يا مان والله انت واحشنى والناس كلها واحشنى بجد كان غصبن عنى يا مان |
اقتباس:
مرسى يا كوماندو وبضم صوتى ليك ويلكم باك يا خالد |
اقتباس:
كده احنا مش مختلفين اوى ومتزعقيش تانى يا بت انتى:d |
معلش انا رديت كتير فى الموضوع
بس بجد البرامج دى منرفذانى اوى . انا مش ضد اننا نعمل برامج مقالب وساخرة بس مش نعمل للناس برنامج يطير المعلومات الفاضلة فى دماغهم انا عايزة اعرف ازاى التلفزيون المصرى يوافق على عرض برنامج زى دة |
اقتباس:
اقتباس:
انا اللى موضحتش فى الاول وولله مكنت بزعق انا كنت جبت اخرى من المنتدى ومن الاهلى ومن كله وطلع ردى العجيب اللى فوق يلا اشوفك ع خير بقى |
والله فعلا انا بقيت الاقى موضوعات برامج بتقوم فكرتها على انها تستغل المعلومات المحدوده اللى عند الشعب المصرى وتضحك عليهم
وكمان احنا شعب يحب يتفلسف اوى:p ويحب يفتى فى كل حاجه ربنا يهديينا ويهديهم يارب ميرسى يا قمر على طرحك للموضوع ده:d |
| جميع الأوقات بتوقيت GMT +2. الساعة الآن 12:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.