|
أنا و ... حياتي .. دراما حياتية في حلقات
نفسي احكي يوم حكايتي م البداية للنهاية بس مين يسمع ويرحم لما اكمله الحكاية هحكي كل اللي قاسيته اللي لاقيته من هوايا هحكي يلا هخلي دمع الشوق غنايا ********** في البداية كنت ماشي واسمي ليا بيت وضل كنت منسي زي واحد راح في سكة تاه وضل قلبي كان صابر وساكت فجأة مني لقيته مل رومانسي يا صحبي وقضية معدش ليها اي حل ********** قالوا انك ليك شريكة في الحياة لازم تعيش قالوا حلمك له جناح بس ما له اي ريش قالوا قسمة والنصيب شعرك تبيعه بكام مفيش واتقطع الورق المشاعر كل شعرك ميسويش ********* ومشيت حزين معايا قصاقيصي اللي شاهده مشيت طريق التلج بزحف كل حته في جسمي باردة حتى نار قلبي اللي كانت بركانين لقيتها خامدة كل شيء في طريقي ميت والشجر اوراقه جامدة ******** سمعت صوت التفت لمصدره الوش البراءة رفعت عيني اتسمرت واتجمعت كل الجراءة اسمك ؟ حياة ... وانت ..؟ أحمد وابتدت بنا الصداقة بين اديها اختراع اسمه السعادة باسمها طلعت براءة *********** بس يا خسارة السعادة مش بتكمل والسبب باختصار متجوزة لفتني علامات العجب متجوزة؟!!!! وعندها بنتين.. بس مش باين عليها بلاش هبل بلاش جلب طيب خلاص دا نصيبي عايش محاوطني التعب *************** للحكاية في بقيه بس اسيبها لوقت تاني هرتاح شوية م الكلام هرتاح شوية من زماني الحق سحوري اصلي فجري أروح انام تصحى الاماني وبإذن ربي تجيلكو بكرة حكايتي وحكاية حياتي |
كلمات معبره وفعلا بتعبر عن قصه يمكن حدوثها لك كل التوفيق
|
شكراص رنا على مرورك وتعليقك الرائع
|
تابع .. أنا و .. حياتي
اديني جيت وجه معايا كلام كتير كان جوه قلبي زي سر في حضن بير اصلي اللي جاي من الكلام جدا خطير محتاج قلوبكم تسمعه محتاج ضمير ******** في يوم (حياة) شافت قصاصات الورق كشكولي كان لكن في يوم مني اتحرق بادين شريكتي في الحياة حلمي اتمزق قالت (حياة) مين اللي قطع دا الكلام؟.. صوتي اتسرق ******* قلتلها دا لعب العيال في البيت جَناه قالتلي طبعاً دا لو كبار يبقوا جُناه حطت قصاقيصي قصادها قالتلي ياه دا كلام كبير دا مختصر فن الحياة ******* غابت (حياة) عن العمل ييجي يومين وحشتني آه .. من غير كسوف .. وحشت سمايا النجمتين طب فين راح اسأل عنها واقول يا ناس واقول يا مين يا مين يروح يقولها إني خلاص م المشتاقين ******* عدوا اليومين سنتين وطلعت يا محلى نورها الشمس رجعت للسما بلسمة بالليل قمرها طب اجري ليها ؟ احضنها؟ طب اعمل ايه؟ ولا حاجة طبعاً كفاية أنظرها كفاية ضحكة سنها كفاية خيرها ******** |
انا وعدت حضرتك انى هقرا القصيدة بجد كلامها جميل اووى واحساسها عالى واختيارك للالفاظ مناسب وفعلا القصيدة بتاعة بكى حبيبى فيها حاجات من قصيدة حضرتك بس انت المفروض كنت تكتب وصف لنفسك فى السنين اللى كانت مختفيه فيهم
مثلا كنت بتعمل ايه كنت بتكلم السما بتدور عليها فى المكان اللى اتقابلتوا فيه او اللى مشيتوا فيه كنت حاسس بايه غير انها وحشاك لان دا امر طبيعى ويجى دورها بوضوح فى الرفض طريقة كلامها كل دا حضرتك ممكن تستغله فى التعبير عن اللى جواك وجوة قصيدتك تقبل مرورى وان شاء الله فى تالق دائم |
جميله جداااااااااا ومواضيعك كلها تحفه ومعبره
دمت مبدعا يافنان |
اقتباس:
شكراً على مرورك الرائع عاوز اقولك حاجة انا بكتب القصيدة دي وانا قاعد على النت مباشرة من قلبي للمنتدى اكيد في حاجات هنساها بس أكيد في حاجات كتير هتعوض اي حاجة نسيتها ويارب تعجبكم كلكم |
اقتباس:
|
جميل جدا ياحمد رائع فعلا وياجماعه مش لازم يذكر كل تفصيل لان مش كل تفصيل معاه وزن يأثر فيكم زي ما هو مأثر فيكم كدا ومش كل تفصيل فيه كلمه يقدر يكمل الكلام يعني باختصار فيه حاجات احمد هيضطر يسيبها لوجهه نظركم وتخيلكم مش لازم كل شئ مكتوب بس تقدر تستدل عليه من خلال الكلام يعني مثلا في دماغك بتتكون حاجة بما انه بيحبها يبقي اكيد هتوحشه هيا الحياه ماشيه كدا في الكتابه بس بجد يااحمد جميل جدا حاول بس تراجعهم تاني كتير عشان فيه حاجات سقطت منك كتير تسلم ايدك ياحبيبي وليا تعليق عام في لآخر عن المضمون والاخطاء اللي وقعت فيها والاعذار اللي ممكن تلتمسلك وكل شئ ف المضمون بعيدا عن الجانب الأدبي :) |
انا مقصدش يا استاذ احمد انه يذكر كل التفاصيل اصل هوة قالى اقراى القصيدة دى بالقصيدة بتاعى بكى حبيبى اللى انا كتباها على الركن الادبى وقالى ان دى نفس افكار القصيدة دى فاللى انا كتبته الاختلافات اللى ببين الاتنين وطبعا انا مع حضرتك ان مش اى حاجة بتتكتب
|
أد ايه انا فرحان من السجال الأدبي اللي حاصل في صفحتي المتواضعة ويارب اكون دايماً السبب في مثل هذه النقاشات الأدبية التي نفتقر لها ويارب تكون (أنا وإيماني) اللي بتردد كتير في إني اكملها ليها أثر في إثراء هذه الصفحة بأدباء أمثالكم بارك الله فيكم جميعاً
أما بالنسبة لأوجه الشبه اللي بين (أنا وإيماني) وبين (بكى حبيبي) هتعرفيه في الآخر يا زهرة البنفسج .. يا رب تعجبكم ويارب اقدر بجد اكملها لأنها قصة حياتيه تكررت مشاهدها كثيراً فيارب اقدر اسجلها وبعد كده ننقحها سوا بإذن الله عشان تطلع في أحسن صورة وتكون سجل لأي حد يستفيد منه |
تابع أنا و .. حياتي
رجعت (حياة) بعد اليومين كان غيابها عني حكمة جمعت قصاصاتي الحزينة في كشكولين ونورت في القلب عتمة يعني اليومين اللي غابتهم كانت بتوصل كل كلمة كل بيت اتهد بادين الشريكة تاني اتبنى بادين (حياة) أصل اللقا قسمة ********** قالتلي اوعى ييجوا تاني في ايد ما تفهم هما ايه جوه العيون شعرك يكون ما بين قلوب تحس بيه اوعاك تسيب قلب الورق للشخبطة واللخبطة تندس فيه دا كلام وعشته كلمة كلمة قلبي والله مش ناسيه ******** يااااااااااه ع الكلام دا انا كنت فاكر اني موضه خلاص وعدت كنت فاكر اني من نوعي فريد بيت أثر وابوابه صدت كده وببساطة تيجي بالراحة بنعومة زي طير جناحاته مدت أحس ان التوأمة مش بالرحم ولا بالقرابة التوأمة بين المشاعر التوأمة لما تقول الآه تلقى العيون ردت ************ حبيت أقوم بدري أنزل أجري مع اني دايماً مش مبالي لاقيتها برضه بتيجي بدري يعني حالها زي حالي أشوفها أفرح .. أيه الحكاية .. يمكن يكون زوغان عيون .. طالع لخالي؟ اشمعنى هي .. ما في كتير .. يشمعنى هي اللي بشوفها بحس إني.... معرفش مالي ************ كان في اتفاق بيني وبينها غير صريح بالعين وبس إني الغرام بينا حرام بس السؤال حرام غرامنا بيه نحس؟ لو فيه زرار للقلب يهوى بضغطه ينسى ؟!!!!!!!!! دا الحب قالوا كهربا قالوا سحر عليه ومس يا مين يفسر ليا كنهه .. يا مين لقلبي رق حس *********** مليون بحبك ألف ميت مليون غرام في القلب ليكي مجنون هواكي بس خايف ياخدوا بالهم من عنيا من عنيكي ويلموني إني حاسس بس حاسس إني شاعر ويلموكي حبي ليكي حب مليان استحالة أيوه عارف مهما عشق الكون ماليني مهما حب الدنيا فيكي *********** الحب بنا يوم ما اتولد كان يتيم بين البشر ملوش أمل اتولد واقف وفارد شد ضهره ما يهزه ريح زي الجبل اتعلم العند في طفولته كان برئ لكن جمل يقتر نظرة شوق حنان ترويه سعادته تكتمل *********** استنوا تاني جي تاني والله هاجي أنا وحياتي يشاء إلهي بكرة بعده بس الملم حبه من صفحة زماني رمضان كريم يا أحلى صحبة وهل بدرالعيد أماني يا رب واقبل كل اللي صلى واللي صام .. يا رب واحفظ عيني ولساني.... |
تابع أنا و .. حياتي
فضلت أحب بيني وبيني ما حد يعرف ايه اللي بيا كان الطوفان محبوس ولكن كان له علامة ما بين عنيا كنت اضحك من قلبي أضحك لما اكون وياها ثانية وهي برضه كانت بتضحك زي وردة روتها مية ********* جرت الساعات أيام كتيرة وعقدها في الشغل قرب أيام قليلة خلاص وتبعد تقعد في بيتها والفرحة تهرب يعني خلاص مش هشوفها شهرين تلاتة ؟ طب فين هلاقي لحزني همي لدمعي مهرب خلاص خلاص يا (حياة) طب اعمل ايه .. لو يوم عطشت وعزت اشرب؟ ********* خدت القرار يمكن يكون قرار عبيط جداً وهايف قلتها ينفع اكلمك .. يعني مرة .. مرتين ... ؟ ساعتها كان القلب خايف بصتلي بصة .. دش ساقع .. على راسي نازل .. قالتلي انت فاكرني ايه ؟ الزم حدودك .. ولا انت ايه شايف؟ ولا كلمة طبعاً غير ذهول وسكوت رهيب سكن الشفايف *********** وخدت بعضي كعادتي دايماً للبحر اداري كسفتي ياما جتلك يا بحري ارمي عليك حمولي شكوتي غصب عني طلبت منها .. غصب عني ..انت عارف هي بالنسبة لي ايه؟ دنيتي اعمل ايه متنيل رومانسي .. بحتاج .. إحساس .. عيون .. والاحتياج دا بلوتي *********** والغريبة تاني يوم رحت عادي وشوفتها قلتلها آسف قالتلي انسى كل حاجة قلتها ولا كأني سمعتها وبساطة اتصافينا .. وخلاص معدش غير النهاردة .. وبكرة .. بكرة هبعد آآآآه عنها ********** وبسرعة بكرة بنفسه شرف سيفه جاي يقسم لقانا لمت كراريسها وحاجتها وابتدى الملعون فراق يعكس خطانا ومعدتش لينا غير بس نظرة بشوق ورانا مع السلامة .. مع الف راحة وضحكة صافية .. مع ألف دمعة .. مع ألف حلم هنصحى منه نلقى بعده الآه معانا *********** إلى اللقاء مع حلقة قادمة من أنا وحياتي |
تابع .. أنا و .. حياتي
فضلت الملم في الحجج عشان تكون بينا مكالمة طب اعمل ايه اصل الحياة من غيرها قاسية باردة ضلمة باختصار إصرار غريب كان اللي كان كلمتها كام ألف كلمة حكيتلها عن حياتي .. عن شريكتي عن آهاتي .. وهي تسمع كل كلمة ************ وشركتي زي عادتها طبعاً الأجازة في بيت امها وعيشة العازب دي عشتي مليش في نومتي غير مخدة بضمها والفرصة سانحة عشان نفضفض في الكلام أنا وحياة حكيت وفاكر إني متعذب لوحدي لقيت (حياة) عذاب بيجري في دمها *********** قالتلي عن زوج زي ضل خيال ملوش غير بس صوت وحكتلي عن شبه راجل الغيرة عنده خدها الوبا وصابها الموت قبل الجواز كانت حبيسة أب شكاك جلاد ما يرحم ضعفها المكبوت اتقدم ال.. راجل لها وافقت عشان يخطفها ع الحصان ويفوت ********** اتمخطري يا حلوة بشقة دي جوازة سهلة وملقوطة محلاكي هنا جنب عريسك ... مبروك عليكي الزغرودة تدخل (حياتي) باب أودة تبات عروسة منقوطة تاخد يا عالم فيه مقلب .. في الحيطة راسها مخبوطة ************* عاشت معاه سنين من غير أنين من غير ما تشكي لكنه زود في القساوة في البعد عنها وهي أبداً مش بتبكي تلبس وتقلع .. تخدم وتنقع .. تنام قفاها يأمر عيش ويوم ما يحصل حاجة يعني ..بينها وبينه تكون وسيلة تريح السلطان زمانه يقوم يسبها كأنه بارم ديله بعرق تركي ************ ياااااااااه يا (حياة) دي بلوتي جنبك ما تسوا أي بلوة اللي شاف ضحكة عيونك قال دي عشتك جد حلوة ومين بيعرف إن الدموع ساعات نداريها بغنوة ومين يصدق إن العروسه يوم فرحها اتبدل الشربات بقهوة ************ |
بصراحة مش هكمل إلا لو رديتو على القصيدة لأني أعتقد إنها قصة تستحق المتابعة
|
وانا ميش قادرة ارد لانى ميش قادرة اتكلم او افكر حتى
بجد جمييله جدا وانا كنت عايزة ارد فى الاخر عشان كدة ... ليا عودة برد يكاد يناسب روعه كلامك بس كمل ارجوك |
أكيد هكمل يا كاريمان أكيد شكراً لمرورك ورغبتك في معرفة بقية أحداث تلك القصة التي باتت تتكرر كثيراً فقررت ان اصوغها شعراً ليستمتع ويتألم ويحزن ويفرح ويتعلم قلب الفنان
|
حلقة جديدة
حاولت أكون جداً مثالي حاولت ألصم حياتها يعني شابة صبرت في بيتها عمرت مثل وعمر المثل ما يغني قلتلها بيتك انتي سعادته حاولي تاني حاولي تبني سمعت كلامي بدأت تحاول كل الوسايل زواق وحنة .. ومعدش بنا ولا حتى رنة سافرت معاه رحلة يومين وانا موافق بضحك وقلبي يا ناس واجعني ************** نسيت همومي بدون مبالغة ضحيت هنايا عشان ما تفرح وكفاية اني برأي مني هتلاقي ليها في الدنيا مطرح وتعيش سعيدة .. والبذرة خير وأكيد بخير يا ناس هتطرح هدمت حلمي عشان تعود الحياة لبيت .. مثلت دوري .. الدنيا مسرح ************** سافرت معاه ورجعت تاني للبحر يا أحمد تجيب رقمها تضغط عليه .. اوعى ياراجل اعقل واجمد اديها فرصة تعمل نصيحتك كمل مسيرتك كن ليها مسند صَبَّر يا سي احمد على البعد قلبك يمكن في يوم يهدى ويبرد *************** كفاية كده النهاردة ... تعبت |
أي واحد يدخل يقرا هذه الحلقات أرجو أن يقرأها من بدايتها لغاية النقطة اللي توقفت عندها عشان يبقى في تواصل للأحداث وعلى فكرة انا بفكر اعملها مسلسل درامي .. فعايز آراءكم تساعدني ..
|
جميل جدا ياابو حميد علي فكرة
بالرغم من سقوط بردو الوزن والقافيه معاك شوية بس انا متابع القصه لغايه النهايه ان شاء الله ألا قولي انت كام سنه ياابوحميد ؟ |
أستاذي العزيز أنا من مواليد يوم الثالث من مارس عام 1974 يعني عندي حوالي 34 سنة ، على فكرة يا أستاذ أحمد أنا مش بكتب القصيدة على ورقها وبعدين بكتبها على المنتدى .. وعلى فكرة كمان أنا بفكر معاكم بصوت عالي .. يعني صفحة المنتدى بالنسبة لي هي مكتبي وشخبطتي ومسودتي .. وبإذن الله بعد ما أكملها لآخرها هجمعها بشكل جميل وأنقحها بس أنا عاوز دلوقتي الأحداث متهربش مني .. وعلى فكرة يا أستاذ أحمد المشكلة إن معنديش وقت أكتب فيه إلا الوقت اللي بتواجد فيه على النت .. وربنا يبارك فيك يا رب على متابعتك وملاحظاتك التي أضعها في عين الاعتبار
|
الله عليك بجد كلمات تحفه
|
الله عليك انت وعلى مرورك الرائع شكرا ليك
|
ايه يا استاذ احمد مفيش جديد ولا ايه وحشتنا كلماتك
|
فيه بس بالذات الصفحة دي مقدرش اكتب فيها كلمة إلا لما أكون رايق جداً ومركز اوي .. ادعيلي اروق وأركز حبيب قلبي
|
اقتباس:
|
قصة أكثر من رائعة .. بس نفسي أكملها .. يلا بقى يا أستاذ أحمد كملنا القصة كلنا مشتاقين
|
[quote=ahmed_negm;814879]حاولت أكون جداً مثالي حاولت ألصم حياتها يعني ***************شابة صبرت في بيتها عمرت مثل وعمر المثل ما يغني قلتلها بيتك انتي سعادته حاولي تاني حاولي تبني سمعت كلامي بدأت تحاول كل الوسايل زواق وحنة .. ومعدش بنا ولا حتى رنة سافرت معاه رحلة يومين وانا موافق بضحك وقلبي يا ناس واجعني ************** نسيت همومي بدون مبالغة ضحيت هنايا عشان ما تفرح وكفاية اني برأي مني هتلاقي ليها في الدنيا مطرح وتعيش سعيدة .. والبذرة خير وأكيد بخير يا ناس هتطرح هدمت حلمي عشان تعود الحياة لبيت .. مثلت دوري .. الدنيا مسرح ************** سافرت معاه ورجعت تاني للبحر يا أحمد تجيب رقمها تضغط عليه .. اوعى ياراجل اعقل واجمد اديها فرصة تعمل نصيحتك كمل مسيرتك كن ليها مسند صَبَّر يا سي احمد على البعد قلبك يمكن في يوم يهدى ويبرد كفاية كده النهاردة ... تعبت[/quot حلقة جديدة من (أنا وحياتي) حبيت أجيب الحلقة اللي فاتت عشان أفكركم بالأحداث .. وفضلت قاعد ع البحر سارح وجتلي رنة رنتلي ليه ؟ وعاوزة ايه ؟ ارد ولا ..طب اعمل ايه رديت وصوت زي البلابل خلالي قلبي المحروم دا غنى عامل ايه ؟ انتي اللي عاملة قوليلي ايه؟ زهقانة يا أحمد يا حبيبتي .. طبعاً في سري .. عاوزة أرجع .. تعالي تاني .. ف سمايا قمري مش حاسة بيه قاسي عليا وانا اللي فاكرة لما هسافر معاه يومين هيبقوا جنة ********* وزي عادتي كتمت حبي قلتلها صبرك عشان بناتك عيش وارضي وهو قدرك طيب راح اصبر مش دا رأيك ؟ متخافيش راح ييجي يوم تفرح سماكي يلالاي قمرك ******* مع السلامة .. هتوحشيني .. بيني وبيني مع السلامة .. هتيجي امتى ؟ بيني وبيني آه لو تحسي هتيجي حالا .. بيني وبيني أيوه بحبك .. كل دمعة شوق بحبك .. بحب أقول إني بحبك .. مليون بحبك .. بيني وبيني *************** المكالمة دي يا جماعة .. كانت مدتها دقيقتين .. وكان أصعب دور يمثله أحمد في الدقيقتين دول .. تخيلوا تمثيل على التليفون لمدة دقيقتين والمطلوب منه ينصح (حياة) انها تستحمل حياتها .. المطلوب منه نبرة صوت أخ .. صديق .. مطلوب منه يصد أي إحساس منها باحتياجها ليه .. مطلوب منه يبقى عملاق الأصدقاء وقزم المحبين .. تخيلوا الدقيقتين دول مروا على أبو حميد ازاي .. عاوز آخد رأيكم في حاجة .. أكمل القصة نثر ؟ ولا شعر ؟ أنا عاوز أكملها نثر .. عشان يبقى فيه استفاضة أكتر إيه رأيكم بجد؟ |
ya 7bebe sh3r or nsr mnk ykon gmeeeeeeel
|
كلمات رائعة شكرا لك على كتابتها وعرضها لنا
انت مبدع حقا |
اقتباس:
|
اقتباس:
|
حلقة جديدة من الدراما الحياتية .. أنا وإيماني
بعيد مكانك عن مكاني لكن حبنا متغيروش بعد الأماكن يللي سافرتي وسيبتي دمعة الحيران تنزل على الورد ألقى لون الشجر دبلان خدتي القمر وياكي شايفه هناك في سماكي دايب في بحر هواكي يا بحر قول للقمر يوصفلها حالي دا المر ويا السهر في بعدها حالي والشهد طعمه جميل لكن في بعد الجميل والله ما يحلالي
- الله يسلمك ازيك انت؟ - الحمد لله في نعمة .. ايه نفسيتك عاملة ايه بعد الرحلة ؟ - نفسيتي؟ سيبك انت من نفسيتي .. - ليه يا بنتي برضك مفيش فايدة ؟ - فايدة ايه يا (أحمد) دا سابني مع شوية عواجيز وقعد مع أصحابه ، دايماً بيعاملني على اني كم مهمل ، ولا بيحس بيا ولا باحتياجاتي ولا بطباعي ، دايماً بيحسسني إني صغيرة وإن رأيي سفيه ملوش لازمة .. - يعني ما حاولتيش تقربيله انتي؟ يعني تتأقلمي انتي معاه. - (أحمد) أنا بجد يائسة من حياتي دي أنا أصلاً إن عاجلا او آجلا مش هكمل صدقني انا بكرهه.. - يااااااااااه هي وصلت للكراهية ؟
العيون دول فكروني باللي كان لما كان إحساسي دافي من زمان لما كان وتر الربابة يملى القلوب حب وصبابة يجمع الناس الغلابة في المكان قول يا شاعر صحي في النايم مشاعر احمل مشاعل تبدل البرد اللي عشش في الضلوع ربوع احمل مباخر تبخر المحسود على حلمه الصغير حلمه يسكن بيت صغير يطل من شباك صغير يرفع ستاير قول يا شاعر ايوه عارف ان مش مسموح تبوح ابكي من غير دموع اصرخ بس اوعى صرختك يسمعها حد اكتم همومك بين هدومك اضحك يا شاعر مهما تبكي الروح بس مش مسموح تبوح عطشان بيرويك السراب غرقان ومتعلق بقشة تمسكها تلقى القشة هشة عارف يا شاعر العيون اللي خدوك وف بحورهم دوبوك هيسبوك في النار باختصار مفيش دليل يرجع الزمن الجميل باختصار انك يا شاعر يمكن صحيح بتحب يمكن في يوم تتحب بس حبك يا 100 خسارة مستحيل فاهم يا شاعر م س ت ح ي ل وإلى حلقة قادمة قريبة بإذن الله من الدراما الحياتية (أنا وحياتي) |
ya sede 3le; ya 3am almoshref
|
شكراً يا غالى على مرورك ومتابعتك مقولتليش ايه رأيك في تضافر النثر مع الشعر
|
حلقة جديدة من حلقات أنا و .. حياتي
.. في نفس اللحظات التي كان صاحبنا فيها يغرق في هُيامه الصامت .. كانت زوجته شريكة حياته أم أبنائه الذين هم نوره في الحياة .. كانت في بيت أمها (حماة صاحبنا) ، تلك الأم التي لم تربطها بـ (صاحبنا) أي صلة مودة أو حنان منذ أول يوم تقدم فيه لخطبة ابنتها .. في يوم ذهب لـ (حماه) واتفق معه على موعد قراءة الفاتحة .
-الخميس الجاي يا بني ان شاء الله هنستناكو - بجد يا عمي شكراً ليك أنا .. أنا فرحان جداً لم يكن (صاحبنا) فرحاً لأنه سيتزوج (سمية) زوجته فقط ولكنه كان (فرحاً) أنه سيرتاح من عناء الرحلة ، فتاة يحبها منذ سبع سنوات .. يتحمل مسئوليته كاملة تجاهها .. فهو يريد أن يستقر .. حاجة بني الإنسان الأساسية .. الاستقرار .. - سمية بابا وافق خلاص هنجيلكو يوم الخميس إن شاء الله - لا يا أحمد ماما مش موافقة بتقول على جثتي إن تمت الجوازة دي - يااااااااه ليه كده ؟ - مش عارفة هي مش بتحبني أفرح .. حست إني عوزاك .. بتعاندني وخلاص - لا أنا مش هسكت أنا اخدت كلمة من راجل وجاي يوم الخميس واللي يحصل يحصل .. بالفعل تحدى (صاحبنا) حماته المصونة .. وذهب يوم الخميس في ترقب لما سيحدث .. وتمت قراءة الفاتحة بخير .. وبعدها الخطوبة .. وبعدها بعامين عقد قرانه وزفت إليه رفيقة دربه لمدة تسع سبع سنوات كاملة .. بدأ حياته الزوجية التي كان قد أخذ الوعود فيها من شريكته أنها ستصنع له جنته في الأرض ,, أنه سيكون معها أسعد رجل في العالم .. أنها ستقدر مشاعره ورومانسيته .. وأنها ستحتويه إن غضب .. وستشاركه إن حزن .. وستسعده إن أراد السعادة .. وأنها ستكون له (جارية) ليكون لها (عبداً) .. وبدأ العام الأول في الزواج يمر بطيئاً وئيداً .. بدأت (البطيخة) المغلقة تظهر أمام عينيه ، من تلك المرأة التي تزوجتها ؟ أهذا عيب في أنا ؟ أم أنها كانت طوال سبع سنوات كاملة تتجمل .. تتصنع أنها تفهمني من مجرد النظرة .. تتصنع أنها تستطيع التعامل معي في كل حالاتي .. من تلك المرأة ؟ ليس عيباً في صاحبنا أنه رومانسي وأن مادية الحياة التي يعيشها لا يأبه بها بل إنه يتعامل مع كل مفردات حياته تعاملاً فريداً من نوعه ينعم بالتسامح والمروءة والرجولة وتحمل المسئولية .. هكذا ربته أمه الغالية منذ صغره .. هكذا نشأ صاحبنا في أحضان أمه على الرومانسية البحتة .. وشريكته في الحياة تعرف ذلك جيداً .. كان رومانسياً يعامل زوجته معاملة تتمناها الأخريات من النساء أما هي فكانت .. - (سمية) شوفي كتبتلك ايه ؟ - تاني ؟ قول .. يلا عشان ورايا طبيخ .. - لا خلاص خليها وقت تاني .. - لا قول قول بدل ما تدور على حد تاني تقولهاله .. هستحمل واسمع .. بس يا وله عشان أبوك هيشعر .. وقال صاحبنا القصيدة .. قالها وهو يحاول أن يرد إليها بعض ما كانت عليه أيام (زمان) قال صاحبنا .. في حضن الليل وقمري حبيب ونجمه دليل وقلبي غريب عنيا تغني لعيونك دا انا سهران بطول ليلك ولو دارت بحور بيا وتاهت عني مراسيا سنيني تكون مراكبيه تبحر بيا وتجيلك في حضن الليل بنستنى ينام البحر وهمومه أقابلك نسمة في المرسى تصحي القلب من نومه وبحر بيحكي 100 قصة وليل بيحكي لنجومه وأنا والليل مع المية نغني الشعر في عيونك في حضن الليل ولو موج البحور عالي وصوته ينوح سنيني تكونلك القارب وصوتي الريح ونبني بحبنا بيتنا عليه مصابيح وابحر بيكي والدنيا تبحر بيا في عيونك في حضن الليل قالها صاحبنا لتلك المرأة التي لم تلتفت إليه وهو يقول.. وبعدما انتهى قالت .. - سكت ليه هي خلصت ؟ - آه خلاص - آه حلوة جميلة .. فواتير التليفونات نزلت ابقى روح ادفعها . - طيب هروح .. بكرة .. إن .. شاء .. الله. وتلك الحياة التي آلمته كثيراً كان يجب أن يحدث فيها مفاجآت وانقلابات .. فشخصية صاحبنا لا تحتمل التقييد والحبس .. فكانت أولى المفاجآت .. أن التقى في يوم من الأيام وفي العام الثاني لزواجه المشيد .. التقى بفتاة تصغره بـ عشرة أعوام ,, وبعدها .... إلى لقاء قريب |
اقتباس:
بحد طريقه جميله اوى فى الكتابه بس بصراحه انا بحب الشغر اكتر |
شوف يا غالي انا بإذن الله مفيش حلقة من الحلقات مش هيبقى فيها شعر بس النثر بيساعدني أكثر على سرد الحدث وعدم التقيد بالوزن والقافية .. وعلى فكرة إن شاء الله هتكون قصة جميل وكتير هيتعملوا ويستفيدوا منها ... نورتني زي ما انت منورني دايماً
|
فوق الممتاز اخي الشاعر مشاعرك واحاسيسك بتعبر عنها بإسلوب بسيط جدا لو كل الناس تعمل زيك كدا مكانش امعظم الشباب غلطوا والله لان الخبرة هنا ببلاش بالنسبه للشاب الخبرة انت اللي دفعت تمنها مستني بقيت خبراتك يا استاذنا واسلوبك ماشاء الله رائع رائع بكل المقاييس وان كان نثر او شعر او مجرد صور حتي فإن شاء الله هتعجبنا |
أ/ أحمد رضا شكراً جزيلاً لك وعلى مرورك ومتابعتك الدائمة لكل ما أقدمه في المنتدى .. ورجاء مني أريد أن أراك دائماً في موضوعاتي أخي الكريم ..
|
جميلة جدا لكن ياترى إيه النهاية
|
شكرا وجزاك الله كل خير
|
اقتباس:
كاظمةجميلة جدا لكن ياترى إيه النهاية لا لسه ع النهاية بدري مش بقولك دي دراما حياتية .. لسه شوية بلاش استعجال . |
جميل جدا انك تجمع في قصة بين الشعر والنثر بس عايزة أقولك ان رغم حبي الشديد لرباعيات صلاح جاهين إلا اني بحب الشعر بالفصحي حاول تكتب بالفصحى أكيد هايكون أجمل لإني نفسي نوظف اللغة العربية الفصحى في حياتنا ونعيدها لمجدها
|
رأيك جدير بالاحترام أنا بالفعل ليا أعمال بالفصحى وأنا الآن بصدد تقديم قصيدة جديدة بإذن الله تعالى أٌقوم بتنقيحها بعنوان (جارية عمياء) ولكن بالنسبة لدراما ( أنا وحياتي) أحببت أن أكسر الحاجز قليلاً لأن النثر كتبته بالفصحى أما الحوار والشعر فجعلته بالعامية حتى تتماشى مع كل الأذواق فالنثر يحبب من لا يحب الفصحى فيها .. والعامية تجذب انتباهه .. وهكذا
شكراً على ذلك المرور الرائع المثمر |
ممكن اقول راى بصراحة
بجد الكلام جميل جدا ومعبر بالتاكيد بس مقراتش كتير اصل بدخل المنتدى فى حاجات معينة بس عجبتنى اوى الالفاظ وطريقة السرد:لان حضرتك بتكتبها زى ما جت على بالك وبتكون بجد مؤثرة يعنى بتعبر عن الشعور نفسه لكن فى حاجات تكاد تكون الوزن والقافية محتاجين يتظبتوا بس |
سمراء .. أرجوك .. تابعي الموضوع لنهايته .. وأنا متقبل منك نقدك البناء وياريت تقتبسي أي مشاركة فيها كسر وتلوني مكان الكسر وسوف أقوم بتعديله إن شاء الله .. بس يا ريت تقريها م البداية للنهاية
|
بجد جميله جدااااااااااااااااا
هو انا كنت فين وحضرتك نزلتهلناا ؟؟؟ بجد جميله جدااااا وثرد القصه لنا نثريا جميله جداااااا والاشعار اللى بتبقى فيها بتبقى جميله بجد ربنا يكرمك وتصبح من شعراء مصر المرموقين لانك فعلا منهم لكن للاسف لم تشهر لكل الناس بجد كتاباتك كلها جميله جدااااااااا وبجد بتمتعنى |
اقتباس:
|
انا منتظره البقيه ياريت تنزلنا الباقى فى اسرع وقت ممكن
|
| جميع الأوقات بتوقيت GMT +2. الساعة الآن 09:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.