|
اية رايك فى ان بنت تكلم ولد
اية رايك ان بنت فى الثانوية تكلم ولد قدها مش لازم يكلموا فى الحب والحاجات دى ممكن يفضفضوا لبعض لان احيانا الولد او البنت مش بيلاقو حد زيهم يفضفاضولة ويشيلوا هموم بعض فياريت الكل يرد علية
|
هههههههههههههههههه
طيب نعرف بس الاول راى الدين قبل ما نسال عن راى الناس |
طب اية راى الدين
|
متهيألي ان الكلام في موضوعات عادية ( مش الحب و غيره )
و يكون باحترام مش مشكلة لان الولد و البنت اخوات اعتقد ان ده عادي شكرا ع الموضوع |
حراااااااااااااااااااااااااااام
|
تصدق والله ما اعرف
انا كمان عاوز اعرف زيك يا شريف انا كمان مستنى حد يدخل يقول راى الدين |
يا جماعه يا ريت بعد إنكم مش عايزيييييييييين فتى
محدش يدخل يفتى ويقول عادى مفيش مشكلة ولا حد يدخل يفتى ويقول حرام من قال لا أعلم فقد أفتى بلاش العاده بتاعة الشعب المصرى دى بيفتى فى كل حاجه بالنسبة لى أنا لا أعلم . . |
انتو بتتكلمو جد ولا بتهرجو؟؟؟
السؤال غريب اصلا هتكلمو على اساس ايه يعنى واى طفل عارف انه حرام حراااااااااااااااااااااام |
بوصوا يا جماعة
رأي الدين انها حرام حوارات الحب و الكلام ده قال تعالى: { لا تواعدوهن سرا إلا أن تقولوا قولا معروفا} ماشي ده رأي الدين > حكاية المصاحبة هو اصلا الرسول نهاني عن مصافحة المرأ’ة الاجنبية عن معقل بن يسار رضي الله عنه يرفعه إلى الرسول صلى الله عليه وسلم : " لأن يطعن في رأس أحدكم بمِخْيَط من حديد خير له من أن يمس امرأة أجنبية " . رواه الطبراني والبيهقي ماشي بس المشكلة ان ده زمان كان سهل علشان المجتمعات كان بدائية شوية ... و صعب تقابل الرجل مع المرأة’ و الله اعلم لكن دلوقتي مع الجامعات المشتركة و المدارس المشتركة و الفساد المتفشي دلوقتي ده صعب جدا لان الواحد غصب عنوا بيكلم بنات ..... يعني انا حدود العلاقة مع البنات بعملهم كلهم زي اخواتي و ببعد عن حوارات الحب و الكلام ده ....... و ربنا يهدينا |
انا من رأيي على حسب الحاجه اللي بيتكلوا فيها ... في ناس بجد بتبقى نيتها سليمه ... بس اللي حواليهم نيتهم سوده ...
بس اعتقد ان رأي الدين اكيد فيه يسر مش متعصب يعني ... لان اصلا دينا دين يسر ... وبعدين لو بنت وولد مثلا بيتكلموا في منتدى زي بتاعنا ده مش ده برضه منتدى تعليمي يبقى اكيد 90% ع الاقل من اللي فيه محترمين وهيتكلموا في حاجه مفيده ...ولا ايه ؟؟..... والله اعلم .. ودي مجرد وجهة نظر ... |
نصيحه اخويه بلاش تتكلموا فى الموضوع دا انا كنت عامل موضوع زى دا اسمه khaloood المجاهد فى سبيل الله شوف الملف بتاعى وشوف الموضوع يمكن يفيدك |
من وجه نظري عااادي ..
اهم حااجة ميكنش الكلام في قلة ادب .. ومادام في احترام يبقى ايش المشكله ..؟!! |
هما يومين وهيحبوا بعض :d
|
اقتباس:
لا مش شرط انا اعرف واحدة صاحبتي من 5 سنين لحد الان زي الاخوات ... هي بس بتبقي بالنية :) |
اقتباس:
بص مقدمة الموضوع اقتباس:
اكيد هتقلب لحب ، |
اقتباس:
و لا قلبت بحب و لا اي حوار علشان انا زي م قلت لاني بعامل كل البنات انهم اخواتي .... المهم في الحوار ده كلوا النية :) |
اقتباس:
يا اما هى اكبر منك يا اما هى بتحب صاحبك :d اصل انا مبشوفش اللى انت بتقول عليه دلوقتى خالص ...:) |
اقتباس:
اول حاجة غلط هي من نفس سني تاني حاجة هي كانت بتحب صاحبي من 5 سنين و بعدين هو سافر المدة ديه كلها (( ومحبناش بعض برده زي الاخوات :) )) و هو ليسة راجع و رجعوا لبعض ::d:d:d بس ال هو حتي لو مبتحبش واحد صاحبي لو انا عرفت واحدة و حاطط مبدأ انها زي اختي خلاص خلص الكلام ;) |
اقتباس:
انت شخص مختلف يمكن لكن 99% من الحالات بتقلب حب ومش بمزاجك .. عموما ربنا يحفظك ويحفظكم جمييييعا |
بردوه بنفتى وبنقول أنا رأيي مش عارف ايه وأنا رأيي مش عارف ايه
أنا عجبنى الراجل اللى جه قال حرام وقال رسول الله كذا وكذا وجاب رواة الحديث ده الكلام المظبوط إحنا مش بنتكلم فى حاجه فيها اجتهادات وأراء احنا بنتكلم فى حاجه فيها حد من حدود الدين ياريت مش ندور على مبررات لنفسنا علشان حاجه احنا بنعملها ومش عايزين بنقى بنعمل حاجه غلط |
طالما في احيرام يبقي مفيش مشكله
طيب انا ليا واحد صاحبي من سنتين واصحاب زي الاخوات وبيخاف عليا جدا وانا بخاف عليه اوي كل واحد ونيته شكرا |
اقتباس:
انا عارف يا باشا ان كل التعليق ده علي... بس مش مهم انا هوضحلك انا كنت ممكن اقول الحديث و الاية و اسكت بس كده انا عملت فيها اني مبعملش كيده بس انا اعترفت و قلت ان لما بعرف بنات بيبقوا زي اخواتي انا مش قصدي اني ابرر لا انا حبيت اوضح بس علشان مبقاش بكدب عليكوا و علي نفسي و شكرا لك ;) |
دى بقت موضه بقى
الله يحفظكوا :) |
اقتباس:
انا بس بعلق على كل الناس اللى بتفتى ومش بوجه كلامى لحد بعينه وزى ما قلت إن ده حد من حدود الدين مفيش فيه اجتهاد بس اقولك على حاجه انا اكتر حاجه بكرهها فى شعبنا انه شعب بيحب الفتوى أوى وكل حد بعلم وبدون علم بيفتى ولو لاحظت أول رد ليا فى الموضوع قبل ردود ناس كتيير قولت ياريت بلاش نفتى شكرا ليك |
:oالدين المعامله:o |
اقتباس:
طالما الكلام فى حدود الادب والاحترام |
انا من وجهه نظرى مفيهاش حاجه غلط يعنى انا وصحبتى وعندنا زميلنا صحاب احنى الثلاثه احنى جيران اصلا فى نفس العماره واحنى اصحاب لاننا من كنا مع بعض فى ابتدائى وكان هو جنبنا فى المدرسه فى الاعدادى وفى الثانوى كنا مع بعض فى الدروس وكل حاجه يعنى احنى الثلاثه اصحاب من صغرناولحد النهرده احنى اصحاب واهلينا عارفين كل حاجه وانا من وجهه نظرى لو صداقه محترمه مفيهاش اى حاجه وربنا شاهد عليكو وبس وشكرا للموضوع ...
|
| جميع الأوقات بتوقيت GMT +2. الساعة الآن 03:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.