|
نهاية السعادة بعد يوميين (حد عندة اعتراض)
السلام عليكم ورحمة اللة وبركاتة
كلها يومين وهيبدأ العام الدراسى الجديد يعنى هنصحى من الساعة 6 والى وراة مدرسة والى عندة جامعة وطبعا هنودع الاجازة للاسف وخاصة الى زى حالاتى ثانوية عامة:mad::mad: وفى ناس بتبقى فرحانة جدا لانهم هيبقلوا زمايلهم وهيخرجوا من قعدة البيت شوية وفى ناس هتصدر عليهم احكام عرفية بمقاطعة كل وسائل الترفية اما بالنسبة للمدرسين فهما اكثر ناس زعلانة لان بدل الوقت الى هيقعدوا فية فى المدرسة مش لقين حد يشرحولة كانوا يدوا درس خصوصى احسن اما طلبة الثانوية العامة يعينى مش ملاحقين وانا هقولكم الى هما هيبقوا فية 1- ولى الامر ينصحوا انة يروح المدرسة 2- المدرس مديلة درس فى معاد المدرسة 3- واخد واجب كثير ويدوب يجى من المدرسة والدرس ينام 4- طبعا بداية السنة الجديدة بيديلة احساس ان السكينة سرقتة والسنة راحت ومش هيلحق يذاكر حاجة 5-مدرس الفصل بيدمرلة المعلومات الى يدوب حطها فى دماغة من الدرس 6- الاهالى يقعدوا يقولوا ذاكر يبنى وهو يقول مذاكر كل حاجة وهو اصلا لطالع من صدمة السنة الى فاتت لاما جايب مجموع حلو وطالع بية السما وحاجات كتيرة قوى هتتغير بعد يومين هسيبكوا انتوا تقولوها وياريت الى فى الجامعة يقول هو كمان اية الى هيتغير فى حياتة مع بداية العام الدراسة كل سنة وانتو طيبين |
صدقيني يا مروة الواحد مش عارف يعمل ايه
يعني انا مقيم ف السعودية منهج مصري تالتة ثانوي بانزل الساعة 9 و ارجع الساعة 2 ادخل المنتدي ساعتين و بعدين اذاكرلي كلمتين و انزل تاني الساعة 8 و ارجع 12 فالصراحة الواحد بيكون مبسوط اول الدراسة كدة عشان بينزل و يتفسح و يتفرج ع الدنيا بس علي شهر 3 بيكون الواحد جاب أخره و يتفرض عليه قانون الطوارئ |
اقتباس:
شكرا على الرد وربنا مع الكل ان شاء اللة |
انا بقي يا مروة بريح دماغي وما برحش كتير
ولو رحت طابوري لساعه سبعة ونص اروح انا بقي الساعه تسعه حسب ما اصحي من النوم يعني بالنسبة ليا المدارس دي تحصيل حاصل حاجه موش فارقه |
اقتباس:
فعلا مبقاش فارق لان المدارس مبقاش فيها شرح اصلا |
على قد ما انا فرحانة لاني داخلة الكلية
على قد ما انا خايفة وقلقانة ربنا يستر ويوفق الجميع .... |
اقتباس:
خليها على اللة وميرسى على المرور :) |
انتوا فين ياجماعة هو احنا بس الى هنروح المدرسة:)
|
استنوا استنوا انتوا نسيتونى ولا ايه
انا كمان رايحة المدرسة بعد يومين للاسف ياربى مابلحقش انام والله والله والله حبقى اكمل بعدين مع الدخول القادم ليا سلام وموضوع تحفة |
اقتباس:
بصى تانيه وتالته جزء كامل يعنى اللى جاب مجموع فى تانيه لاقدر الله ممكن يدمر فى تالته اللى ماجبش مجموع ربنا يوفقه بإذن الله ويجيب مجموع فى تالته وموضوع كل وسائل الترفيه دى هتتقفل دا غلط لان الطالب لو مارفهش عن نفسه عمره مايقدر يذاكر بمزاج اسألينى انا وموضوع طلبه الجامعه دا احساسى اوحش من احساسكم انتم ياللى فى تالته ثانوى لان صدقينى الثانوى دا فعلا بدايه الطريق وليس نهايته ربنا يوفقك ويوفقنا وماتخديش فى بالك من موضوع الثانوى دا الله العظيم تالنه سهله جدا وصعبه جدا انتى اللى بتحددى ماتحسسيش نفسك انك خايفه ومرعوبه عشان الخوف بيضيع الواحد |
ده كانت بتبقي اجمل ايام حياتى :d
يا حبيبتى الدنيا دى سعى وسنة الحياة انك تتعبى :) |
اقتباس:
ومستنية باقى كلامك وميرسى على ردك الجميل |
اقتباس:
وانا الحمد للة مش من النوع الكسول خالص انا بس كان قصدى ان طلبة الثانوية وقتهم بيدمر خالص وميرسى جدا على مرورك الجميل |
اقتباس:
ميرسى قوى على الكلام الجامد دة ومتشكرة اوى على الرد |
الموضوع جامد اوى
بس انا عايزة اروح المدرسة لانى زهقت من الاجازة واكيد فى ناس كتير هيعرضونى |
اقتباس:
مرورك الاجمل بالنسبة لجز ء الزهق فكلنا فعلا زهقنا وعايزين نخرج ونشوف اصحابنا لكن لو انتظمنا مش هنلاقى وقت نذاكر فيه |
شكرا لذوق حضرتك
|
هما بس اول يومين وكده تدخلوا فيه المدارس والكليات برده وبعدين تقولوا ياريت الاجازه تيجى ايه ده انا زهقت من المذاكره وزهقت من الدروس وزهقت كمان من المدرسين وتقولوا فى سركم امتى ايام الاجازه دى ترجع دى كل الحكايه اما التغيير بالنسبه ليا اننا هغير جوا المدارس وهخش على جو الكليات جو نظيف فأنا مشتاق انى اجرب الجو ده |
انا مضايقة ان الدراسة هتبدا وخصوصا فى رمضان لان الدروس صعبة جدا فى رمضان و هتبقى بعد المدرسة وفى نفس الوقت ربنا معانا كلنا
|
بجد موضوع جميل
وفعلا الواحد مخنوق ان الدراسة هتبدا تانى والسنة دى عندى غير كل سنة من السنين اللى فاتت لانى لسه داخل كلية جديدة ومعرفش النظام ومحاضراتى كل يوم بتبدا الساعة 8 يعنى لازم اصحى من النوم على 6 حاجة تخنق :( بس هى الدنيا كده مفيش راحة غير فى القبر :) |
والله الواحد مش فرقة معاه كتير لانى بصحى يروح الدروس من الساعة 6 عشان نوفر وقت اما بالنسبة للمدرسة فاحنا هنزورها فى الاجازات يعنى واحنا اتفقنا نروح المدرسة لو هنروحا يعنى بعد العيد ان شاء الله
|
اقتباس:
ايه ياعم احمد اليأس ده اللى انتا فيه صلى ع النبى كده خليك متفائل وكبر دماغط احنا موش فى ثانويه عامه احنا فى جامعه |
اقتباس:
بس لازم حتة دراما كده علشان الناس اللى بتشوفنا :d |
اقتباس:
ههههههههههههههه ماشى يا جميل |
هلا والف هلا بالدراسة والكلية اينعم الواحد فرحان انه داخل الكلية بس الواحد حاسس بكم المشاكل إلى سيواجهها فى الكلية
وخاصا الانجليزية بالنسبة لحلاتى كلية صيدلة والحمد لله ربنا رحمنا من حرقة اعصاب الثانوية ويرحمكم بإذن الله ويخرجكم منها بمجموع كويس |
واللة انا شايف ان حاليا لايوجد اى واحد من الاهل بيضرب ابنة اوبنتة علشان تروح المدرسة .الكل سايب ولادة براحتة لكن فى ناس بتقول الكلام دة علشان تضايق ناس .بس المفروض الكل يروح المدرسة فمن سلك طريقا يلتمس بة علما سهل اللة لة طريقا الى الجنة
|
انا مش عاوزة اروح المدرسة خالص ويارب يكون الغياب سهل السنادى
انا تالتة ثانوى علمى علوم هاطلع من البيت الساعة 8 اروح المدرسة هاطلع من المدرسة الساعة 2 علشان ابدا دروس هتخلص الدروس الساعة 6 هابدا مذاكرة 7 الى 11 وبعدين هنام علشان اصحى الساعة 7 واكرر نفس الكلام طبعا يوم الجمعة والسبت بتبقى فرصتى انى اذاكر كويس لان ال5 ساعات او ال6 بتاعة المدرسة بذاكرها ربنا يعدى السنادى على خير |
اقتباس:
|
اقتباس:
ربنا يسهلها حكاية الغياب دى ده انا كنت بروح المدرسة لغاية شهر 4 أو تقريبا شهر 5 مش فاكرة كويس و مديرة المدرسة شديدة جدا اااااااااااااااااااااااااااااااااااااااااااااااااا ااااااااااا ويا سلام انا كنت فى الفصل وعددنا 17 بنت بس كنا فى راحة وساعات نكون 10 |
لو لو لو بقى طلبتوا راى يعنى انا شايفة ان الثانوية العامة مش رخمة كده ومش مذاكرة طول اليوم ان ساعات كنت بقعد اليوم كله على التليفزيون والكمبيوتر واذاكر بس ساعتين لانى بجد ساعات كنت بحس انى مخنوقة جدا مش من المذاكرة والله لا من القلق عارفة لما كل ما تقبلى حد ويعرف انك ثانوية عامة يواسيكى وكل واحد يقول ده صعبه بس هى فعلا مش صعبة لو خلصتى مذكرة الدرس يوم بيومه والمدرسين فى المدرسة والله كانوا بيبذلوا مجهود كويس جدا مع العلم طبعا ان فى قلة بيستهبلوا على اساس انك بتاخدى المادة ده فى درس بس الاغلبية كويسة وعلى فكرة انا كنت منتظمة فى المدرسة لانى بجد كنت بستفيد منها لان مدرس المدرسة والله كان بيقولنا حاجات زيادة ومفيدة والحصة اللى مش بستفيد منها كنت انا واصحابى بنزوغ منها
متفهمنيش غلط كنا بنذاكر والله بره الفصل على السلم ونصيحة بامانة والله متخفيش من الثانوية ومتسمعيش لاى حد يقولك انا مش بذاكر لانه بيضحك عليكى ولا لاى حد يخوفك منها ولو لقيتى فى شرح فى مدرستك روحيها لانك هتستفيدى وشكراااااااااااااااااااا موضوع جميل اختك نهى اعدادى هندسة |
ايه ياجماعة!!!
دا بدال منقول بداية العمل والاجتهاد والجد والمثابرة(يبقي قابلني) بعد يومين !!!!!!!!! |
اقتباس:
يارب يبقى فى شرح فى المدرسة وان شاء اللة هحاول انتظم وذاكرى جامد قوى فى هندسة |
اقتباس:
يا رب إن لم تجدى شرح ذاكرى بالمكتبة انا واصحابى كنا بنعمل كده |
اقتباس:
يا رب يبقى فى شرح إن لم تجدى شرح ذاكرى بالمكتبة انا واصحابى كنا بنعمل كده تذكرى ( إن تفيد الشك و لو امتناع لامتناع و إذا تفيد التوكيد) شوية عربى بدل ما انساه تقبلى مرورى |
اقتباس:
لالالا احنا اخرنا شهر 2 بعده مش بنروح تانى واحنا المديرة هتتغير السنادى ربنا يستر |
اقتباس:
|
اقتباس:
|
واللة يا اخ احمد بلما او يا اخت احنا بنتكلم عن ان المدرسة بتضيع الوقت واكيد مادام انتى محموق قوى كدة روح انتى وبعد ما السنة تتم تعالى واحكى لينا عن تجربتك الفريدة وصدقنى هتدخل موسوعة زنس
|
اقتباس:
خلاص يا جماعة احنا بنتناقش وكل واحد لية حق الموافقة والاعتراض |
اقتباس:
|
اقتباس:
ثانيا لاحظ ان انا كاتب _يبقي قابلني _ يعني ده عمره ماهيحصل ما أنا كنت في ثانوية عامة وعارف الامور ماشية ازاي اما الان فأنا طالع اعدادي هندسة يعني هذاكر هذاكر عشان الاقي قسم عليه القيمة ومحدش يقلق الثانوية العامة هذا العام هتكون في منتهي التفاهة والسهولة بعد الضجة الكبيرة اللي عملناها في امتحانات الثانوية اللي فاتت ،وهتشوف بس انت ذاكر واعمل اللي عليك وسيب الباقي علي ربنا |
احنا عايزين نرجع دور المدرسة تانى
عايزين نجبر المدرس فى الفصل انة يشرح بذمة مش يمكن لما نعمل كدة نريح اهالينا من الدروس والفلوس انا جايبة فى تانية 97% ومكنتش بروح المدرسة خالص ولو كنت بروح مكنتش جبت ربع المجموع دة لكن السنادى انا لازم اخد حقى واروح المدرسة تعالوا نجرب ونحاول نعمل كدة ونشوف ياترى هننجح فى الفكرة دى ولا لأ |
انا الحمد لله داخل الكلية وكمان مشتاق ليها جااااااااااااااااااااااااامد جدااااااا
انما الثانوية هية تعتبر افضل مرحلة فى حياتى باستثناء المذاكرة هيه اللى كانت متعبة وكمان الواحد كان بيمل لان الايام كانت بتعيد بعضها اللى نبات فيه نصبح فيه وطول اليوم دروس وقرف ربنا يقويكم |
انا جيت عشان اكمل
شوفوا بقى انا مابلحقش انام زى ماقولت فبعمل ايه ارتاح فى المدرسة خالص و برده بنام فى البيت بس بسيط اما بالنسبة لانتهاء الاجازة فانا حاسة ان الوقت جرى بسرعة اوى و مش حاسة انى خدت راحة وحاسة انى فاكرة السنة اللى فاتت كلها طبعا الثانوية العامة حبيبتى لازم اذاكر عشان اجيب مجموع و يارب تنسيق السنة دى يجى كويس الحمد لله على كل شئ بس مانكرش ان فى ايام ببقى مبسوطة فيها فى وسط الدراسة واعولى بقى ربنا يسهلها فى عملية الغياب موضوع هايل و شكرا |
اقتباس:
ومش عارفة اقول اية بعد الى انتى قولتية وعايزة اعرف رأيك فى حكاية اننا نرجع نعتمد على المدرسة تانى فى المذاكرة |
والله انا لسه فاكر الموضوع ده دلوقتى وما جالى نوم بسببه .. اه يا ريتنى ارجع الثانوية العامة تانى
على الاقل الواحد كان بقى خلاص Professional و عارف كل اللى فيها و عارف هيعمل ايه .. انما المشكلة انى لسه اول سنة فى كلية زفت هندسة السنة دى وخايف جدا زائد كمان انى مش باطيق الكلية و الحمد لله فكل ده وباختصار شديد خلى معنوياتى زى الهباب وحاسس انى لا هافهم حاجة ولا هاعرف اذاكر حاجة ولا هاجيب تقدير و هاترمى فى اى قسم تعبان او ادخل مدنى زى تلات اربع الدفعة وبعدين كمان الاجازة بعد الثانوية العامة بتبقى جحيم:d و الواحد قاعد تلات اشهر ينتقم فحاسس انى صعب جدا ارجع التزم تانى شوفى بقى لما الواحد ييجى فى دماغه كل ده لما يفكر فى الكلية .. بالذمة مش الثانوية العامة رحمة |
اقتباس:
|
لا والله احنا المدارس عندنا حلوا اوي ..
وانا بحب المدرسة اكتر من الاجاااااازة .. الاجااااااااازة طفش ..:) وعلى فكرا انا كمان ثانويه عااامة ..:( مشكوووووورة ع الموضوع .. تحياااااااااااااااااااااااااااتي .. اخـــــ a7la dody ـــتك .. |
بصوا بقى ياجماعه
الطالب هو اللى بيخلى المدرس يشرح او مايشرحش يعنى لو مدرس ربنا رزقه بفصل زى الفصل السنه اللى فاتت انسوا انه هيشرح مستر لو سمحت النهارده عندنا مذاكره كتير ومش عاوزين نسمع حاجه مستر لو سمحت هو لازم احصا النهارده الفصل كله حول علم نفس داكان فصل المشاغبين لا بجد ياجماعه المدرسه دى بتفيد كتير جدا بس لو احنا عرفنا نستفيد انا شخصيا لو كنت طلبت اى طلب من اى مدرس حتى لو مش مدرس فصلى ماكنش يقولى لا ابدا بالعكس كانوا يجيوا يسألونى عاوزه اى حاجه شوفتوا بقى بس انتو اقعدوا نافقوا فيهم شويه (بهزر ) بلاش نفاق مشوها بكش يعنى خليك محترم وهادى وبتسمع الكلام وانت طبعا غير كده خالص روح اسأله شويه اسئله يعنى حسسه انك مهتم تسمع منه وهو هيدى كل اللى عنده |
بصو انا كل اللى مضايقنى فى الدراية دى
ان الكمبيوتر هينتهى ربنا يخليلى ماما بقى حكم القوى بس ايزى يعنى بروح اقعد على الكمبيوتر فى المدرسة:d |
| جميع الأوقات بتوقيت GMT +2. الساعة الآن 04:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.