|
ايه اللى بيحصل لعمرو خالد ده
السلام عليكم ورحمه الله وبركاته انا بستغرب والله مش عارف اققلكم ايه واهجوم على عمرو خالد فى الفيس بوك وبيقولوا علييه انه شاذ و كلام مش هقدر اققوله بصوا انا هسيبكم مع الفيديو دة شوفوا اللى فيه وردوا عليه مع انى مقتنع مليون فى المية ان عمرو خالد داعى اسلامى مش هيقدر يتعوض اسيبكم معاه http://video.google.com/videoplay?do...60666249142163 انا دلوقتى عمال اققرى كلام بصراحة مش عارف طلعوا عمروا خالد مفيش خالص وانه ملحد و....... ملحوظة:يا جماعة اللى يسمع الفيديو ميصدقش لان ده ملفق لعمرو خالد ومحدش اصلا يقدر يكفرة والا الكلام ده احنا الحمد لله واثقين فيه جداااااااا حتى ان الكلام اللى بيقوله اللى مسجلين وبيتكلموا مش بيخلوه يوصل للاخر شكراااااااا |
حسبي الله ونعم الوكيل
عمرو خالد انسان متدين ومحترم جدا جدا ربنا يديله الصحه واللي بيقول كده سفيه ومحدش يعبره حسبي الله ونعم الوكيل |
اعوذ بالله بجد
حسبنا الله ونعم الوكيل مش هاقدر اقول غير كدااا |
بص عمرو خالد انسان كويس ومحترم بس مش عنده علم كويس
اتفرج عليه في برامجه اللي عملها في الاول قبل كده قال ان الرسول فشل وده مينفعش انى اقول الرسول فشل في محاولات لا يصلح بكل المقاييس لان الرسول صاحب رسالة النجاح بس انا عاجبني انه عارف يجذب الناس ويخليهم يسمعوه ويهديهم لربنا ودي حاجة كويسة |
عاملين نفسهم مسلمين بالكلام
سيبوا الراجل في حاله ربنا ينتقم منكم حسبنا الله و نعم الوكيل حد بيعمل اللي هو بيعمله حد بيعمل حملات زي اللي هو بيعملها وصل الموضوع انهم يكفروه لاحول و لا قوة إلا بالله |
اقتباس:
|
ليس في الاسلام اصنام ولا صكوك غفران
فكل يؤخذ منه ويرد ماعدا الكتاب والسنه اسمع التسجيل اولا قبل ان تدلي برايك بلاش كلام مرسل ز |
يا جماعة انا بجد الموضوع ده حرق دمي
انت متأكد ان دوول مسلمين ؟ دوول بيقولو عليه كافر يا نهار اسود استغفر الله العظيم |
وبعدين معمول مجموعة كاملة على الفيس بوك بتتكلم عن عمرو خالد واللى كاتبها اكيد مش مسلم هوا مسمى اسمه(mohamed attar)
وهوا اللى كاتب كل المواضيع ادعوا معايا عليه |
دول بيدموا الاسلاممم
حرام عليهم بجد طبعا الكلام دا غلططط عمرو خالد بجد داعيله اسلاميه محترمه كل ال عاوزة ان الشباب يكون كويسين وياما بجد صلح ناس وربنا فعلا ها يجازيه وربنا يوفقه يارب |
اقتباس:
احنا برده منعرفش نيته ايه |
اقتباس:
( لا تسبوا الدهر فانا الدهر ) بلاش تسب الدهر |
ربنا ينتقم منهم
هو في مسلم يسيب الي وراه و اللي قدامه عشان يشتم في مسلم زيه و مش اي حد ده عمرو خالد اللي الاف بيهتدوا على ايده |
اقتباس:
بس اصل الموضوع ده شلني |
وفيه كمان قصيدة مكتوبة فيه بس خلاص والله انا مش هقدر انزلها لانى متضايق خالص من اللى بيحصل
|
يا جماعة ده معروف و هو نفسه عارف كيده و كان بيلمح لكيده في برنامج قصص القرأن
انه اتهاجم و كيده بس بالعقل و كان بيرد رد جميل جدا ... انه صاحب رسالة علي شان كيده ميهتمش و محدش ياخد صاحب رسالة ديه علي أنه رسول او نبي لأ هو قصده ان الناس مخلوقة و المفروض كل واحد يبقي صاحب رسالة و هي نشر الدعوة ألخ و يا جماعة كل نجاح و لي اعداء و ما عسانا الا أن نقول حسبي الله و نعم الوكيل |
يانهار ابيض عمرو خالد ملحد ... نفسى اعرف مين المتخلف الغبى الأحمق اللى بيتكلم فى الشريط ده ..... مايسمعش عن حملة صناع الحياة ولا برنامج على خط الحبيب اللى حظى بنسبة مشاهدة عالية جدا لأنه كان برنامج ممتاز ولا كلامه عن قصص القرأن . ياناس حرام عليكم كفاية تشويه فى رموز الأمة ... يعنى عايزنا نمشى فى سكة تامر حسنى حرام والله .ز وبعدين الرجل فى كلامه لم يخطأ هو قال ان ابليس اعترف ان الله اللى خلقه وده مش غلط .... وكلامه ده يتاخد على حسب نيته وانا واثق ان نيته سليمة .... نفسى الحاقدين على نجاح عمرو خالد أو أنصاف الدعاة بيطلوا حقد زى اللى كان بيتكلم فى التسجيل الصوتى انه حااااااقد
|
اقتباس:
كلامك مظبووووووووووووووووووط عمرو خالد ليس لديه علم كااااااااااااااااااااااااااااااااااااااافى ومعظم كلامه فى اخطاء بس هو موش كافر هو مسلم عادى حال ان يجتهد فى الدين بس للاسف معظم علمه فى اخطاء |
طبعا اول كلامى سلامى ...اممممم
ربنا يوفق الدعاه الاسلاميه كلهم وانا بقوووووول ان الدكتور عمرو خالد راجل محترم جدا ويعرف ربنا كويس و........وربنا يهدى الجميع ويغفر لنا ذنوبنا .. واللى يتقال يتقال احنا مش هنقدر نغير نظرية بكلامنا دا لكن احنا بناخد اراء بعض مش اكتر ولا اقل .. لكن واحد هيطلعلى ويقولى انا هعمل وهقدر اغير الكلام دا .. طيب غير وفرج الامة بجد صعب انك تغير كلام البشر .. اللى عاوز يغير فكرت نفسه بيغيرها وبمزاجه لكن انك تحاول تقنع الناس دى بتكون صعبة شوية لكن مش مستحيله وربنا يوفقكم مشكور ... شكــ وبارك الله فيك ــك بجد موضوع يستاهل.. تسلم ايدك |
اقتباس:
|
خير دليل على أنه داعية ناجح انه اهتدى على يده شباب وبنات كتيييييييييييييييييييييييييير جدا (لأن يهدى الله بك رجلا واحدا خير لك مما طلعت عليه الشمس) لى متابعة أخرى
|
السلام عليكم ورحمة الله وبركاته في البدايه انا اتناقشت في القضيه بتاعت الاستاذ / عمرو خالد دي كتير جدا عمرو خالد مُفكر ومٌصلح اجتماعي وليس داعيه إسلامي بالمعني المعروف عمرو خالد قد يفشل في ربط الأفكار لانه يختار موضوع الحلقه ولا يجهز كل الكلام بل يجمعه في ذهنه ودي معلومه قد يُستدل عليها من اللي هقوله بعد كدا وده بيؤدي لتولد بعض الأفكار اللي بيسقط فيها المنطق القرآني واللي بيصدقها ده بيكون علي غفله بما ورد في القرآن الكريم يعني مثلا في الفيديو وهو بيقول هل ابليس كفر ؟ ورد بيقول لاء مكفرش هو ربط بعض الالفاظ اللي وردت علي لسان ابليس مثل " خلقتني .. وعزتك وجلالك .. إلي اخره مما ذكر " ونسي فعلا ان ربنا سبحانه وتعالي أعلن كُفر ابليس {وَإِذْ قُلْنَا لِلْمَلاَئِكَةِ اسْجُدُواْ لآدَمَ فَسَجَدُواْ إِلاَّ إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ } نساها ياجماعه مُجرد سهو والسهو يحسب عليه لان ممكن يحصل فتن بسبب كلامه من غير ما يقصد -- وبالنسبه بقي للفيديو التالت فبتاع المونتاج بتاعهم دماغه شغاله شوية - بس علي نفسه دي لعبتنا - :d جاب الجمله بس وعلق عليها الحج مكملش بقيت الكلام ومكملش ومربطش هو كمان بفكرة منطقية بالنسبه لحرية الاعتقاد عمرو خالد قال " الإسلام سمح ان كل واحد يعبد اللي هو عايزه " اينعم سمح بحرية الاعتقاد والتسامح مع من يعتقدون غير الإسلام الرسول صلي الله عليه وسلم جنازه يهودي معديه قام واقف ولما استعجب الصحابه قالهم دي نفس بشرية من صنع الخالق ويجب احترامها في ظل ان اليهوديه بعد ظهور الإسلام التمسك بيها كفر لان لو اليهودي ده يهودي بحق كان زمانه اسلم لان كل ديانه بتسلم للديانه اللي بعديها لذلك ففيه احترام اهوه كمان حاجة "لَكُمْ دِينُكُمْ وَلِيَ دِين " ومع ذلك فمسكتش القرآن علي كدا واننا نتركهم لاء بل انه امرنا بالدعوه للخير والأمر بالمعروف والجدال بالحكمه والموعظه الحسنه وفي الآخر كمان امرنا ان لو محدش اقتنع بقي بالدعوة فنسيبه ونتمسك بديننا ونحافظ عليه -- ده بالنسبه لشوية اللي بيتكلموا في الفيديوهات ومفكرينا بهايم زي معظم اللي عندهم المصابين بأخطاء المسرح (:d) -- انما بنسبه لعمرو خالد مره تانيه ففعلا ينقصه ترتيب الأفكار وينقصه المعرفه الكليه الشامله بالقرآن الكريم عشان تقدرتربط بين كل الأفكار -- ينقصه كمان تقبل النصيحه والاعتراف بالخطأ -- حاجة مهمه اوي بقي ياجماعه معظم متبعي عمرو خالد هم في الأصل لا يفقهون شيئا ً في الدين يعني معظمهم من الطبقات الارسترقراطيه اللي اتولدت وفي بطاقتها مسلم وبس ميعرفهوش يعني ايه صلاه او صوم او اي شئ يعني واحده تعرف ازاي انها تشرب مخدرات تسهر في الملهي الليلي تجامع ده تهزر مع ده وده كلام معظمهم واحد غرقان بس غرقه غصب عنه نتيجه للي حواليه وربنا رازقه جواه بفطره سليمه عايزه الحقيقه يعني غريق بيتعلق بقشايه اوكي لو هتنقذك اتعلق بيها لكن مش تمشي متعلق بيها طول حياتك لاء اصنع لفسك قارب بقي يعني عمرو خالد سبب وجزء مش غايه وكل حاجة لذلك فأي ترتيب منطقي في نظر الناس اللي بتسمع - اكيد هيبقي منطقي لواحد مش فاهم - ده شئ -- حاجة كمان مش اي حاجة حواليها لمه وجماعه تبقي صح وتبقي الناس كويسه واللي ملمومين عليه كويس دي مش قاعده أساسيه لان الذباب بيتلم علي القذاره بردو والهايفين بيتلموا علي النصاب اللي بيلعب تلت ورقات والاغبياء اللي بيسمعوا كلام من شخص من غير ما يفكروا فيه والمنافقين اللي بيوافقوا شخص عشان مصلحه معينه يعني نظرية التجمع علي شئ كويس دي نظرية ساقطه واتمني من عمرو خالد ميستخدمهاش تاني ومحدش يستخدمها تاني شكرا واسف جدا للإطاله اتمني الإفادة واتمني اننا نلتزم الموضوعية بأي شكل من الأشكال |
اقتباس:
بصى ياضوء عمرو خالد غلط كتير منها انه قال على الرسول فاشل والرسول عمره ماكان فاشل شوفى الرسول عمل ليا ايه وعييييييييييييييب اوووووووووووى لما نقول على نبينا فاشل وكمان لما قال على سيدنا موسى "البنت عجبها الولد" هل يصح ان نقول على نبى من انبياء الله ولد عمرو خالد لى غلطات كتيرررررررررر نجى لنقطه النا اللى ملفوفه حواليه دول معظم او كلهم لم يقره فى علم الحديث او علم الفقه عشان هما لو قره هيعرفه ان عمرو خالد فى كلامه كتير من الاخطاء ومن الاخر انا مهما قولت انتى مش هتقتنعى بكلامى وانتى مهمه عملتى انا مش هقتنع بكلامك وانا مش هتكلم فى الموضوع دا تانى عشان كل واحد مقنع بفكرته ودمتم فى رعايه الله وحفظه |
اقتباس:
معلش يااحمد انا اعرف انى فى حديث ضعيف بيتكلم على جناره يهودى مرت على الرسول عليه الصلاه والسلام هبكى الرسول هاستعجب الصحابه من بكاء الرسول على واحد يهودى انا مش فاكره الحديت بالظبط بس فاكره معناه فيما معناه ان الرسول بكى من موت انسان كان الرسول قادر على ان يدخله الاسلام بس للاسف مات وهو كافر |
إخوانى لا نجامل احد على حساب الدين الرجل قصاص ذو اسلوب جذاب ولكن هو ليس بعالم فأخطاؤه كثيره وليس بداعية لأنه لا يلتزم بمظهر النبى عليه الصلاة والسلام الذى قال خالفوا اليهود والنصارى وكلنا نسال هو أحق منا ان يلتزم باللحية التى امرنا النبى صلى الله عليه وسلم بإعفائها وأجمع الفقهاء على حرمة حلقها فما اللذى يمنعه ؟ الله يهديه ويهدينا إالى الصراط المستقيم
|
رقم الحديث
475 المرجع غاية المرام نوع الحديث صـحـيـح نص الحديث مرت جنازة على رسول الله ( ص ) فقام لها واقفا فقيل له : يا رسول الله إنها جنازة يهودي فقال أليست نفسا صحيح أخرجه البخاري وكذا مسلم والنسائي ( فائدة ) هذا الحديث منسوخ بأحاديث صحيحة صريحة في النسخ ذكرت بعضها في كتابي أحكام الجنائز وبدعها :) |
التحذير من عمرو خالد
التحذير من عمرو خالد الحمد لله رب العالمين و الصلاة و السلام على سيدنا محمد الأمين و على إخوانه الأنبياء و المرسلين و ءال بيته الطيبين و أصحابه الطاهرين و أزواجه الطاهرات أمهات المؤمنين و على من سار على هداهم بإحسان إلى يوم الدين و بعد: يقول الله تبارك و تعالى في القرءان الكريم:{ فَأَمَّا الزَّبَدُ فَيَذْهَبُ جُفَاء وَأَمَّا مَا يَنفَعُ النَّاسَ فَيَمْكُثُ فِي الأَرْضِ (17) } [ سورة الرعد]. إن المرء ليتألم بحسرة بالغة على ما يرى اليوم من أناس تصدوا و تصدروا لتعليم الناس و لإقامة المحاضرات و الندوات و هم أساساً ما حصَّلوا العلم الشرعي لإصلاح أنفسهم فمن باب أولى أن يصلحوا أنفسهم ليستطيعوا أن يصلحوا غيرهم و قد صدق الإمام الرفاعي الكبير لما قال:" استقم بنفسك يستقيم بك غيرك كيف يستقيم الظل و العود أعوج". من هنا فقد ظهر شخص أُطلق عليه اسم ( الداعية عمرو خالد) و هذا الرجل حاول أن يكون ظاهرة فريدة أو أن من يطبلون و يزمرون له حاولوا و يحاولون ذلك حيث يُسَوِّق له البعض بأنه شخصية ( مودرن) حليق يلبس ثياب مدنية غربية و كرافات و إلى ما هنالك. نقول نحن لسنا نبحث في الشكل و لسنا ضد أن يقوم شخص حليق بهذه المواصفات بتعليم الناس و لكن نحن ضد المضمون الذي جاء به في كثير من المسائل التي لم يُسبق إليها رغم إنتشار المروجين للضلال ءاناء الليل و اطراف النهار و في كل لحظة. لذلك قمنا بالرد عليه علماً أنَّ ما تناولناه في الرد إنما هو نموذج من أغاليطه و ضلالاته لا يساوي عشر معشار ما هو موجود في أشرطته حيث اعتمدنا على بعض ما جاء في نحو سبعة أو ثمانية أشرطة بالإضافة لكتابه المسمى " عبادات المؤمن " ( دار المعرفة- بيروت، الطبعة الثانية 2002 ر/ 1423 هـ) و الآخر المسمى " أخلاق المؤمن " ( دار المعرفة- بيروت، الطبعة الأولى 2002 ر/ 1423 هـ). لذلك فلا يتوهمنَّ متوهم أننا اطلعنا على كل ما قال أو كتب لكن إن لم يأخذ ما كتبناه بعين الإعتبار و يتراجع فإننا سنواصل الرد في أجزاء أخرى إن شاء الله عملاً بفرضية الأمر بالمعروف و النهي عن المنكر. و قد ابتدع عمرّو بدعة قبيحة خطيرة ما سُبق إليها فيما نعلم ألا و هي أنه يجمع حوله الشباب و يسألهم رأيهم ببعض القضايا الدينية ليفعلوا كما يفعل و يفتوا بغير علم هرباً من الإحراج يجعلهم يتجرءون على دين الله ليفتح باب الإلحاد على مصراعيه يحللون و يحرمون على هواهم ثم يناولون عبارات الإستحسان و ربما التصفيق. و المحير أن الرجل قدم نفسه أكثر من مرة بأنه ليس بعالم و ليس أهلاً للفتوى و مع ذلك تراه يفتي و يحلّل و يحرّم من غير دليل فاستمع إلى بعض ما قال: هو يحرم البصاق في الشارع لأن الملائكة تتأذى بزعمه. و يقول: من ذكر الله مرة لا ينتفع مثل أن يقول أستغفر الله مرة واحدة. و ينسب إلى الله القعود و السهر و التلذذ و الوقوف و الإتصال. و قال: الرسول يغضب من الذي لا يقوم الليل. و قال: إن الأتقياء يحسدون العصاة على معاصيهم يوم القيامة. و يقول: اليهود ليسوا خصوماً لنا في الدين و زعم أن عمر بن عبد العزيز أعطاهم من الزكاة. و كثيراً ما يحرف الأحاديث بحيث يتغير المعنى. و يقول كلاماً لا ينم عن احترام الأنبياء داود و موسى و أيوب. و مع مراجعة الكتاب يتبين للقارئ حقيقة ما نقول بطريقة موثقة و دقيقة. هذا مع العلم أننا لسنا أول من تصدى له بل سبقنا إلى ذلك عدد من مشايخ الأزهر و من غيرهم ردوا عليه في الكتب و الجرائد و عمدت مشيخة الأزهر إلى منعه من التدريس في مصر و حذرت منه صريحاً كما نشرت ذلك الجرائد المصرية و غيرها. و إنه لمن المؤسف حقاً أن نجده تحول إلى حالة محورية استقطابية و ذلك لأن كثيراً من الناس لا يعرفون من الشرع شيئاً فيظنون أن ما يقوله هو الشرع و لذلك تراهم مشدودين و مشدوهين و قد شخصت أبصارهم إليه ما بين باكٍ و متأثر نظراً لإسلوبه العاطفي فهم في ذلك كآكل السم في الدسم. و يبقى عتبنا الكبير و لومنا الشديد على الذين يُسَوِّقون له و يعلمون علم اليقين ما هي بضاعته و ما ذلك إلا من أجل الإستقطاب الحزبي أو لتلميع صورة اصابها الخواء. و من أراد أن يدرك حقيقة ما نقول فليراجع هذا الكتاب بإنصاف فإننا و الله ما قصدنا إلا نصحه ليرتدع و نصح الناس لئلا يقعوا في مثل ما وقع فيه " عمرو خالد ". ] و قد وثَّقنا هذا الكتاب بدقة من حيث المصادر و استقاء المعلومات و لم نعتمد على القيل و القال بل نقلنا نصوصه بحرفيتها بما فيها من الأخطاء في النحو و اللغة. هذا و قد استوقفنا عدة ملاحظات محيرة: أولاً: لا ندري لماذا لا يقدم نفسه للجمهور باسمه الحقيقي بل يقدم نفسه باسم مستعار و هو قال ذلك على القناة المسماة " إقرأ " في رمضان الماضي 1422 . ثانياً: زيادة على ذلك قدَّم نفسه لمراسل ( الرأي العام ) فقال اسمي الكامل عمرو محمود حلمي خالد و أما في كتابه المسمى ( عبادات المؤمن ) فقدم نفسه باسم عمرو محمد حلمي خالد. ثالثاً: هو كثير اللحن باللغة العربية بطريقة ملفتة للنظر و لا نعني اللغة العامية بل نعني عندما يحرص على الكلام بالعربية حيث إنه لا يوجد عنده ضبط نحوي أو لغوي للنصوص. رابعاً: في كتابيه المسميين " عبادات المؤمن " و " أخلاق المؤمن " التزم تخريج الأحاديث و أهمل الكثير منها مع أن التخريج فيه أخطاء و أوهام حَدّث عنها و لا حرج. فكيف يُسكت عن الرد عليه كثير ممن اطلع على الكتابين لا ندري و الله أعلم. خامساً: في مقابلة أجرتها معه مجلة " سيدتي " لمّا سألته أين تعلم؟ رد بأنه تعلم في الخارج بينما في ترجمته على الغلاف الأخير في كتابه المسمى " عبادات المؤمن " يذكر أن دراسته كانت في مصر و في المقابلة قال في الخارج فما المخارج ما بين مصر و الخارج؟؟؟ سادساً: من المعلوم أن من ارتجل الكلام تكثر أخطاؤه عادة أكثر من الذي يكتب في التأليف لأن المؤلف يتأنى و يحقق و يستشير و يوثق من أجل أن يتلافى الهفوات و لكننا من خلال الإطلاع على الكتاب المسمى " عبادات المؤمن " و الكتاب المسمى " أخلاق المؤمن " نقول إن هذا الرجل إما أنه ألف و لم يراجع الكتاب و لو لمرة واحدة أو أنه لو راجع ألف مرة فلن يقف على شىء لأنه ما عنده ضوابط شرعية و لغوية و ... أو أنه يستخف بالقراء فيظن أن كلامه سينزل على قلوبهم منزلة التنزيل فلا يراجع أو يتعقب. أخيراً: نصيحتنا لكل مسلم يتوخى الحقيقة أن لا يتسرع في تسليم قلبه و عواطفه لأي كان فعليه أن يتعقل و أن لا يأخذ الشرع إلا من الثقات الذين يوثق بعلمهم و دينهم و أمانتهم فقد ثبت عن الإمام المجتهد محمد ابن سيرين أنه قال:" إن هذا العلم دين فانظروا عمن تأخذون دينكم " رواه مسلم في مقدمة صحيحه. و قد قسَّم سيدنا علي بن أبي طالب رضي الله عنه الناس إلى ثلاثة أقسام: " عالم رباني، و متعلم على سبيل نجاة، و همج رعاع أتباع كل ناعق " فإن لم يسعك أن تكون عالماً ربانياً فانجُ بنفسك بالعلم قبل أن يفجأك الموت و لا تكن كالهمج الرعاع الذين يتبعون كل ناعق يهرف بما لا يعرف. و لا تظنن أخي القارئ أن هذا الكتاب هو غيبة محرمة أو أنه يضعف وحدة المسلمين على ما جرت به بعض الألسنة بل هذا الكلام من باب التحذير الواجب حيث السكوت عليه يعرضنا لسخط الله و غضبه و إنما الذي يضعف الوحدة بين المسلمين السكوت عن مثل هذه الإختراقات التي تضرب بنيان وحدتنا من الأساس، فقد روى البيهقي أن الني صلى الله عليه و سلم قال:" حتى متى ترٍعُون عن ذكر الفاجر اذكروه بما فيه ليحذره الناس " (1) لذا فإن سكت غيرنا فإننا لن نسكت بإذن الله و حسبنا الله و نعم الوكيل. |
اوكى يااحمد
بس انا اقصد حديث تانى فيمامعناه اللى انا قولته انا سمعته من شيوخ كتير وقالوا عليه ضعيف انا لو قدرت اجيه هجيبه |
تمام ده صحيح يا دمعه حزن
يعني في وجوده لا داعي للضعيف :) شكرا لمناقشتك |
انا مقلتش انه مبيغلطش بس الناس كفروه ده فى حد ذاته غلط انه بيتقال على واحد مسلم كده وبعدين كلنا بنغلط
بس الاهم بان اللى يسمع الغلط ميخدش بيه |
بصراحة ان الاستاذ عمرو خالد قدوتى فى الحياه وانا بلومك يارونالدنهو انك جايب الفديوهات ده طب بدافع عنه ازاى وبصراحة شفتها كتير وعمرى مافتحتهاولا هفتحا لا ده مش الجزاء اللى نقبله بيه انسان بيتمنى يخدم بلده ويقودها للتطور وبيشجع الشباب ويحمسهم بطريقة وديه مفيهاش ترهيب وطريقته سلسة من غير تعقيد يفهمها شباب العصر ده شباب الانترنت غير كتير من الشيوخ يكرهوا الواحد فى حياته وييحسسه انه داخل جهنم كده كده وان مفيش فايده مش معقول بعد كل اللى عمله نشوه صورته وانا بدعى الله ان ربنا يحميه ويكتر من امثاله وينور طريقه زى مانور طريقنا
|
اقتباس:
بس انا دخلت وقريت كلام غريب جدا عنه وعن الحاد وكفر وكلام مينفعش خالص وبعدين لقيت فيديوهات قلت انزلها هنا اشوف الاراء حواليها بس دى الحكايه بس الكلام ده ميعتبرش موجه منى انا ده كلام الناس اللى كتبت عنه |
انا والله مش قصدى انى اغلطك انت بس كنت بلومك على نشرها لان فى ناس بتتاثر باكلام ده وكده بدل منحاول نوجه الشباب لدينهم بنعمل كده تشتيت ليهم وبلبله وكمان فقد الثقة مش فى كلام عمرو خالد بس لا فى كل الداعيه واحنا بجد محتاجين فى زمنا ده لناس تاخد بايد الشباب وتهديهم للطريق الصح بعد المهازل اللى بتحصل كل يوم لشبابنا
|
اقتباس:
اسف لانى حطيت الموضوع لو عايزه اطلب حذفه قوليلى |
بصوا يا جماعة بداية كدة استاذ عمرو خالد شخصية محترمة
هو ممكن فعلا ينقصه شوية انه يتمسك ببعض الحاجات في الدين زي الشيوخ التانيين بس هو مش بيعمل كدة دلوقتي ليه بقى ؟ لان فيه ناس كتير دلوقتي تايهين لما يخنقها عليهم وهما لسة في بداية طريق التوبة ممكن مش يكملوا لكن هو بيبدأ معاهم بالتيسير الاول في بعض الامور وبعدين الناس دي فعلا ربنا بيهديهم في كل حاجة وبيبقوا ملتزمين جدا وفيه نماذج كتير ثانيا حتى لو كان عمرو خالد وحش زي ما هما بيقولوا (مع اني ما اعتقدش ده) بس نفترض _ بس يكفيه انه له شعبية كبيرة عند الناس وبيقدر يعمل اللي غيره ما بيعملهوش فيبقى ليه بقى الاخوة اللي عاملين نفسهم مسلمين وخايفين على الاسلام دول بدل ما يشتموه وينقدوه ليه مش ينصحوه ويعلموه ويستفيدوا من شعبيته دي عند الناس ؟ ثالثا بقى ودى اهم نقطة الرسول صلى الله عليه وسلم بيقول (انصر اخاك ظالما ومظلوما) يعني مهما كان هو غلطان هم لو كويسين بجد وبيحبوا الاسلام مش من حقهم يقولوا عنه كدة يعني من الاخر يا جماعة استاذ عمرو خالد شخصية مش هتتعوض ولو كان فيه عيوب فاحنا بشر وطبعا اتذكر قول الله تعالى (ان الله يدافع عن الذين امنوا) |
اقتباس:
|
انا مش عارفه اقول ايه بصراحه
بس اللى اعرفه انه راجل كويس ومحترم ومتدين ممكن يكون غلط لكن مواجهته مش ممكن تكون بالشكل ده وفعلا لو هو انسان مش كويس مكنتش الناس تحب تسمعله وتلتفت اليه الانظار بالكم ده من المسلمين حسبى الله ونعم الوكيل مش هقدر اقول اكتر من كده شكرا على الموضوع وجزاك الله خيرا |
اقتباس:
اقتباس:
شكرااااااااااا على الرد |
اقتباس:
أذن فلماذا يحلل الاغانى حضرتك طالما هو ليس مفتى؟ اقتباس:
كلامك جميل يا احمد انا عندى كلام كتير جدا فى الموضع دة بس مش عاوز اقوله لانى عارف ان الردود عليه هاتكون بدون ادنى علم فى الدين وهاتكون من العاطفة وحسب ولكن ما احب ان اقوله ببساطة ان عمرو خالد اصبح يخطىء بشكل غريب جدا فى الدعوة ودة لقلة علمه فى الدين منها من قبل كلمة (ربنا عاوز)!!!!!!!! ومنها من قبل (النبى صلى الله عليه وسلم فشل فى 26 تجربة ومنها من قبل اربعة مكروه تساوى واحد حرام!!!!!!!!! ومنها الكثير والكثير انا ممكن اسمعه بس عارف انه بيقول احاديث ضعيفة كتير جدا وكذلك احاديث موضوعة وعلى العموم ليس منا من هو أكبر من رسول الله اذا تأول احد على الدين نرده مهما كان حوله من تجمع وردا على المشاركة الى فى الاقتباس الاول ان حضرتك احنا فى زمن قلة العلماء ولازم تعرف ان كمان لسة هايجى علماء ليس لديهم ادنى علم فى الدين وستكون طوائف الدين حولهم فالعبرة ليست بالعدد ومن يتبعه فى امان الله |
عمر خالد شخص محترم والكل بيحب يشوف برامجة
والناس الى بيعملوا وبيقولوا علية كدة هم اعداء النجاح وحسبى الله ونعم الوكيل |
اقتباس:
أفضل شئ ياجماعه الإلتزام بالموضوعيه ده دين مش كوبايه كلام في الخمسين وكلام يعدل المخ يااما نتعلم دين كويس كما ينبغي ونفهم صح يااما ربنا ياخدنا عشان منبقاش بنحارب الإسلام منا فينا انا بعارض عمرو خالد ف حاجات وبوافقه في حاجات تانيه واظن انا دافعت عنه في الرد المطول اللي حبيبي دكتور سعيد اقتبسه شكرا لتأيدك يادكتور :) |
ارد عليك هو المفروض عدم الرد
اخى استقم انت واترك المعوج حتى يستقيم عندما يراك مستقيما هذا الرجل الذى تتكلم عنه له مواقف جليله وصنع من الشباب وحده ورجعهم عن الادمان ووحد طريقه وان اخطا فمن منا لا يخطئ انظر له ولبعض مشايخنا دوره ودورهم اخى عد للحق واتقى الله ولا تعفرق الامه ولكل انسان ناجح من يحسد الهم لا تجعلنا من الحاسدين الشامتين |
من منا لا يخطىء
فعلا عمرو خالد شخصية محترمة جدا بس مشكلته انه بيغلط كتير مرة يقول على سيدنا موسى استغفر الله العظيم ( واد ) ومرة اربعةمكروه يساوى واحد حرام( واخدها من قوانين الكورة القديمة اربعة كورنر بهدف ) ومرة يشجع على سماع الاعانى فى حلقة من حلقاته مع العلم انه عارف ان الاغانى حرام طب لو قولتو دى اناشيد دينية طيب شوفتو الموسيقى ( كان ناقص يجيب راقصة وتطلع ترقص كمان ) انا عندى اسطوانة كاملة بعنوان ( فضائح عمرو خالد ) انا مش بعترض على عمرو خالد انا بعترض على بعض تصرفاته يقول ما لا يعلم لا يصلح ان يكون مفتى ولكنه يفتى بغير علم اقتباس:
|
اقتباس:
العفو يا حبيبى أقولكم حاجة بصراحة شديدة انا مثلا من أشد المعارضين لعمرو خالد فى مرة من المرات فى رمضان فتحت لاقيته قولت عادى اسمعله شوية والله قال كام كلمة كدة بكيت عليهم جامد رغم ان ممكن حد يقولى انهم كلمات عادية يا جماعة انتوا فاكرين ان محمد حسان وابو اسحاق ومحمود المصرى و............الخ حفظهم الله جميعا مش بيخطئوا فى الفتاوى او بيخطئوا احيانا فى الحكم؟ اكيد طبعا بيخطئوا والا تبقى العصمة ورثت بعد موت النبى والعصمة دفنت مع دفن النبى صلى الله عليه وسلم عموما فيه حاجة اسمها ادعوا الى سبيل ربك بالحكمة والموعظة الحسنة مش لما واحد يغلط أكفره والا هانكون زى القصة الى فى بنى اسرائيل واحد عاصى وواحد متدين جدا المتدين قال لاخوه اتظن انك تدخل الجنة بهذة الحالة والله لن يغفر الله لك وعند وقوفهم بين يدى المولى قال الله للذى كان على التدين بأى شىء تأولت على انى لا أغفر له قد ادخلته الجنة وغفرت له ولك النار (الكلام مش نصى) يعنى بدل ما نقول عمرو خالد كافر ضال مضل لا نقول عمرو خالد سبب فى اهتداء الكثير من الشباب .................................................. ................... وهاقول دلوقتى الكلام الى انا كنت عاوز اقوله دلوقتى عمرو خالد قال ان النبى فشل فى 26 تجربة انا عن نفسى ما اقدرشى اثبت غير ما اثبته القران لما اجى اتكلم عن الى قاله الاستاذ أقول مثلا ان غزوة أحد هزم فيها المسلمون بمعصية أمر رسول الله فى غزوة حنين أعجب المسلوم بكثرة عددهم وعدتهم ولكن الله يسر الامور للمسلمين بس اللفظة تفرق كلمة فشل مش تتقال على شخص النبى لانه ما ينطق عن الهوى ان هو الى وحى يوحى علمه شديد القوى مثلا كلمة عاوز مش ينفع تتقال على الله سبحانه وتعالى يعنى لا يجوز اننا نقول ربنا (عاوز) انما ممكن الواحد بيقولها وهو مش قصده يصف ابدا الله بالعوز لان دى بقت لغتنا ومش بنفرق شوية فى كلامنا ويمكن كمان الى بيقول كلمة عاوز زى الى بيقول (يريد) لانه اصلا مش متعود انه ينطق الكلام باللغة مثلا انتوا حتى تلاحظوا ان ممكن كلامى كله يبقى عامى واول لما اجى اتكلم عن رب العرش العظيم فى اى شىء تلاقوا الكلام اتحول وبقى لغوى شوية عشان مش اقع فى اخطاء زى دى .................................................. ............................... عمرو خالد ممكن مثلا قال الاغانى حلال العلماء بيعارضوه فيها ماشى بس بردة لا انكر ان ابن حزم وهو من اكبر علماء المسلمين اختلف مع العلماء فى موضوع الاغانى وسهى فى تضعيف الحديث الذى ورد فى البخارى ولكن عندما نرى ابن تيمية وابن القيم يردون بتصحيح الحديث وهو موجود فى الصحيح لم يكفروا احدا ولم يتهموا احد بالضلال .................................................. ................................ حاجة قولتها وهاقولها تانى وتالت هل يوجد فى التاريخ من هو اعظم ذنبا فرعون الذى وصفه الله تعالى لام موسى بأنه (عدو لى) اى لله الواحد القهار الم يقل فرعون عن نفسه (انا ربكم الاعلى_ فأخذه الله نكال الاخرة والاولى) الم نسمع اية ان فرعون يوم القيامة سيدخل أشد العذاب هو واله ومع ذلك يقول الله تعالى (فقولا له قولا لينا) لينا يا جماعة ودة مين دة فرعون الى قال( ما علمت لكم من اله غيرى) .................................................. ............................. مثلا لاقيت واحد على الايميل يقولى انت مين انت عشان تتكلم عن الشيخ الفلانى ماشى معاه انى مش حاجة ولكن لازم نعرف ان ماحدش فينا ولو لمرة واحدة فى عمره يقدر يثبت ان الشيخ دة من أهل الجنة والراجل العاصى الى بيشرب مش عارف ايه من أهل النار لان فيه مجاهدين وعلماء سيكونون اول من تسعر بهم النار يوم القيامة ودة لانهم مش راعوا حق الله فى علمهم ولا جهادهم ولا القران الكريم عشان كدة انا من حقى ان مش اخد مثلا بفتوى اسبال الازار لان الامام النووى مش عالم صغير عشان ابتعد عن رأيه __________________________________________________ ______ واخيرا أقول عمرو خالد داعية نجح بشكل كبير فى أشياء كثيرة ولكن! لا نستطيع ان حكم عليه بأنه كافر او انه من اهل النار لان مافيش حاجة اسمها كافر فى الجنة والله هو ألاعلم بمنزلته طب دلوقتى واحد هايقولى طب انا اعمل ايه العلماء بقوا كتير جدا والاراء مختلفة وللاسف كثير من العلماء يردون على بعضهم ردودا غريبة مثل تكفير ابن عثيمين لرئيس هيئة علماء المسلمين( الدكتور قرضاوى) هاقولك النبى صلى الله عليه وسلم علم من الله ذلك فهو لا ينطق عن الهوى فقال النبى صلى الله عليه وسلم_لاصحابه_ ونخلى بالنا ان الكلام للصحابه رضى الله عنهم فما بالكم بعصرنا ( وعظنا رسول الله صلى الله عليه [وآله] وسلّم يوماً بعد صلاة الغداة موعظة بليغة، ذرفت منها العيون، ووجلت منها القلوب. فقال رجل: إن هذه موعظة مودّعٍ، فماذا تعهد إلينا يا رسول الله ؟ قال: أوصيكم بتقوى الله، والسمع والطاعة وإن عبد حبشي، فإنه من يعش منكم يرى اختلافاً كثيراً، وإياكم ومحدثات الأمور فإنها ضلالة، فمن أدرك ذلك منكم فعليكم بسنتي وسنة الخلفاء الراشدين المهديّين، عضّوا عليها بالنواجذ.) وياريت نخلى بالنا من الحديث الجميل الجاى دة الى فعلا بيفسر جميع عصورالمسلمين كان الناس يسألون رسول الله صلى الله عليه وسلم عن الخير ، وكنت أسأله عن الشر ، مخافة أن يدركني ، فقلت : يا رسول الله ، إنا كنا في جاهلية وشر ، فجاءنا الله بهذا الخير ، فهل بعد هذا الخير من شر ؟ قال : ( نعم ) . قلت : وهل بعد ذلك الشر من خير ؟ قال : ( نعم ، وفيه دخن ) . قلت : وما دخنه ؟ قال : ( قوم يهدون بغير هديي ، تعرف منهم وتنكر ) . قلت : فهل بعد ذلك الخير من شر ؟ قال : ( نعم ، دعاة على أبواب جهنم ، من أجابهم إليها قذفوه فيها ) . قلت : يا رسول الله صفهم لنا ، قال : ( هم من جلدتنا ، ويتكلمون بألسنتنا ) . قلت : فما تأمرني إن أدركني ذلك ؟ قال : ( تلزم جماعة المسلمين وإمامهم ) . قلت : فإن لم يكن لهم جماعة ولا إمام ؟ قال : ( فاعتزل تلك الفرق كلها ، ولو أن تعض بأصل شجرة ، حتى يدركك الموت وأنت على ذلك ) . الراوي: حذيفة بن اليمان_امين السر النبوى رضى الله عنه_ - خلاصة الدرجة: صحيح - المحدث: البخاري يعنى الى انتوا شايفينه مخالف للقران والسنة من كلام عمرو خالد ارفضوه انما قال موعظة معينة اثرت فيك ممكن عادى تسمع لهذة الموعظة هذا وما كان من توفيق فمن الله وحده وما كان من سهو فمنى ومن الشيطان وكل يؤخذ منه ويرد الا صاحب هذا القبر صلى الله عليه وسلم فى امان الله |
انا كنت من محبى عمرو خالد زمان بس مرة قريت كتاب بعنوان ( اتق الله ياعمرو ) من يومها وانا قلبى قفل من ناحيته ومش هايفتح تانى ابدااا لقيت فى الكتاب غلطات فادحة يعنى فى حاجات تتفوت انما اللى هو بيعمله ده ما ينفعش فيه اى تفويت ربنا يهدينا ويهديه |
السلام عليكم و رحمة الله و بركاته
دلوقتي يا جماعة الاستاذ عمرو خالد بشر و كل بشر يخطيء بس برده مننساش انه عمل حملات زي حملة حماية و صناع الحياة و غيره بجد ما شاء الله و هو يا جماعة في برنامج قصص القرأن ابتعد عن الفتوي تماما لو حد متابعه هتلاقيه بيقرأ من القرءان و محضر الحلقة و خلاص يعني لو كان أخطأ فبدأ يصلح اخطائه و مش عايزين نقول حاجة علي حد احنا ندعي ان ربنا يوفقوا للطريق الصحيح علشان كلنا نستفاد |
رد مكرر : با أمة الإسام في كل الدنا ***** العيب منا أم من الأيام |
عمرو خالد انسان بكل المقاييس ،بالنسبة لصوتة اولا انا قريب جدا سمعت صوت واحد بيقلد صوتة بالظبط بتريقة جامدة جدا يعني واضح ان الفيديو فيه لعب جامد ،بالنسبة ليه بالعكس دة انسان حاصل على شهادات عليا
واليلي اكتر انه قدر يوصل الناس لمعرفة جذورهم واصولهم وحياتهم وحتى رسولهم .ثانيا انا شوفت شيوخ بيشتموة علني على التلفزيون لو هو ده خلق الانسان السليم فاعتقد انهم المفروض يصلحوا نفسهم قبل ما يتكلموا عن شخص بالسوء دة وهما بيتقوا الله ،دي متتسماش غير غيرة . ميرسي ع الموضوع |
والله يا جماعه انا مش بدخل المنتدي من زمان بس الموضوع ده لفت نظري
بس قلت ارد و اقلكم وجهة نظري اولا انا بدايق لما بلاقي ناس كبار في السن (مش شباب يعني) بيتفرجوا علي عمرو خالد هتقولي ليه هقولك لانه لايملك من العلم من شئ محدش يزعل مني اولا دلوقتي عمرو خالد انا شفتله حلقه بتاعة سيدنا موسي عليه السلام كان بيكلم علي سيدنا موسي كأنه واحد صاحبه وانا كنت مستغرب كان بيقول موسي وبس ولا سيدنا ولا عليه السلام وفي نص الكلام كده لقيته بيقول (موسي كان قاعد يكلم في قومه زي ما انا بعمل معاكم كده) طيب حضرتك بتشبه مين بمين مش مهم سيبك من كل ده نقول مثلا الحكايه بتاعه تجربة سيدنا محمد فيها فضل والعياذ بالله هوه مين هوه عشان عشان يقول علي افضل خلق الله فشل بصفته ايه طيب انا ممكن ارد علي حاجه زي ديه بآيه من القرآن {َالنَّجْمِ إِذَا هَوَى{1} مَا ضَلَّ صَاحِبُكُمْ وَمَا غَوَى{2} وَمَا يَنطِقُ عَنِ الْهَوَى{3} إِنْ هُوَ إِلَّا وَحْيٌ يُوحَى{4} عَلَّمَهُ شَدِيدُ الْقُوَى{5}} بلاش حوار الفشل والكلام الفارغ ده انا ممكن اقولك ليه الشباب اللي معندوش ثقافه دينيه بيحبه ليه يعني عندك واحد زي احمد الفيشاوي كان بيطلع معاه وبيقول ان ده مثال الشاب المسلم مش هعلق وعندك مثلا واحد زي تامر حسني كان بيغنيلوا الاغاني بتاعة البرامج بتاعته ممكن يكون كان فاكر ان تامر ده منشد ولا حاجه سيبك انته من كل الكلام ده اعتبرني مقلتش حاجه وان كلامي ده غلط ممكن اسأل سؤال ايه سر حب الغرب ليه وكرههم لباقي المشايخ علي رأسهم القرضاوي ايه سر علاقاته مع واحد زي وزير الخارجيه بتاع انجلترا وحاطط صورته معاه وفرحان بيها انا ممكن ارد بحاجه من القرآن برده {وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ }البقرة120 مش عارف ممكن يكون تفسيري غلط للايه بس لو حد عنده اعتراض علي الايه يقول بس علي فكره اغلب جمهور عمر خالد من البنات وديه حاجه غريبه وكمان مناظر البنات الي بيجبهم معاه في البرنامج غريبه مش محجبين وكده انا لو قعدت اكلم علي الاخطاء بتاعة عمرو خالد اللي مينفعش حد يغلط فيها مش هخلص انا مش مستقصده لاكن بيغلط في حاجات من الصعب الخطأ فيها مش معني كده ان كل كلامه غلط انا ساعات بسمعله في قصص القرآن بس بيعد يزيد ويعدي ويكلم كتير زياده عن اللزوم ويبعد عن الموضوع الاساسي في ناس كتير مش عاجبها كلامي لانها مش مثقفه او لانها بتحب عمرو خالد من غير ما تفكر هوه بيقول ايه انا بس بنصح الشباب اللي بيسمعوه وانا شاب زيكم علي فكره برده انهم يفكروا في الكلام اللي بيتقال ويقروا قرآن مش قرايه كده بس لاكن تحاولوا تفهموا القرآن مش تقري قرآن عشان تخلص الجزء ولا الجزئينبتوع كل يوم كأن حد بيجري وراك |
اكيد ناس قذرين منافقين
انا اصلا تقريبا مش باسمع حد غير عمرو خالد وهو نعم الداعية فعلا |
| جميع الأوقات بتوقيت GMT +2. الساعة الآن 07:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.