|
اه والله ممكن تموت....انت مش مصدق؟
اهلا يا جماعه كل سنه وانتوا طيبين بس المره دى بقى للمدارس والجامعه مش لرمضان انا مش عارف كده جيت فى فتره وخفت من الموت جدا وكنت بقول لنفسى ان ممكن وانا رايح بنها او راجع منها اعمل حادثه واموت بكل بساطه ايه ده ببساطه كده ابقى اتمحيت؟ مت:eek: ولقيت نفسى بتكلمنى وبتوسوسلى وبترد عليا اه ممكن تموت ايه يا عم لالالا انت بتهرج اه والله ممكن تموت عادى يعنى طيب اعمل ايه انا مش عاوز اموت دلوقتى ممكن اركب طياره وانا رايح ومش هعمل حادثه هههههههههههههههه يا سلام لا ياد وانت المليارات مقطعه بعضها اوى وبعدين يا سيدىماشى وماله اركب طياره عمرك ما شوفت طياره انفجرت فى الهوا قبل كده لاى سبب تافه اه تصدق:( طيب اعمل ايه يعنى اروح على عجله يا راجل وهتوصل على امتى ماسى عجله عجله وافرض يا حلو وانت بالعجله كده اتكعبلت فى حاجه ووقعت على الاسفلت وعربيه راحت شايلاك يعنى اروح مشى يعنى ولا اعمل ايه طيب برضه وانت ماشى فى السكه ممكن عربيه تخبطك ومن غير عربيات خالص ممكن وانت قاعد كده تلاقى روحك طلعت من غير اى حاجه يعنى اعمل ايه؟ يعنى لوهتشيل هم حادثه العربيه احسنلك تشيل هم انك ممكن تموت دلوقتى اصلا من غير اى سبب ما انت كده كده هتموت;) |
ودلوقتى الشباب الصغير كمان بيموت بدرى وبدون سبب يعنى مكتوبلهم لحد كده
والله الموت مش بعيد عننا ابداااا لكن تقول لمين :) |
اقتباس:
|
جميل اوى الموضوععععع
تسلم ايدك بجد وبجد ياح\جماعه الواحد مش عارف امتى هايقابل وجه ربنا الكريم |
اقتباس:
بس اهم حاجه ما ناقبلهوش على فجاه |
اقتباس:
عشان كدا بندعي ان ربنا يحسن خاتمتنا:) |
اكيد عندك حق
وبجد ربنا يحسن خاتمتناا وبجد ياجماعه الدنيا دى دار مؤقته ربنا يهدينا بجدددد اميييين |
اقتباس:
انا بصراحه خايف اموت على فجأه وكمان ما بفكرش كتير فى الحكايهدى الا من كام يوم كده |
اقتباس:
صح دا المفروض انه يحصل يارب احسن خاتمتنا وامتنا على شهاده ان لا اله الا الله ميرسى يابيوب على الموضوع كالعاده موضوع جامد |
ماهو ده اكيد يابيوب ان الواحد يفكر في الموت بس مين اللي بيقكر
كله عايز يعيش ولو مليون سنة الناس بقت بتحب الحياة اوى بس المهم ان يكون الواحد مستعد للموت ويارب ازرقنا حسن الخاتمة |
الواحد ممكن يموت في اي لحظه
بس المشكله هيمووت ازاي.. هيموت وهو بيعمل ايه؟؟ يارب احسن خاتمتنا بصراحة المووت في الزمن دا اهون بكتييير من الللي الواحد بيشوفه من ظلم واستبداد في الكليه وفي كل مكان بس اهم حاجة الواحد يكون مستعد دايما المووت عمره ماكان شر للمسلم بالعكس دا خير لينا:) وعلي فكرة انا لحظت حاجة غرييييييييبه جداااااااااا ان الناس الكويسين هما اللي بيموتو والناس الوحشه اللي الواحد يبقي نفسه يرتاح منها مبتمتش:huh: ميرسي جدا علي موضوعك |
الموت علينا حق بس هقول ايه غير ويارب ازرقنا حسن الخاتمة |
متشكرين على جرعة الكأبة دى:lol: بس فعلا والله الحقيقة الوحيدة فى الدنيا هى الموت
|
كويس انك تفكر ف الموت
بس المهم يكون تفكير ايجابى يخليك تصلح من نفسك وتكون شخص افضل من كدة عشان تستعد لمقابلة ربنا لكن سؤال انت ليه مش عايز تموت دلوقتى اقتباس:
بس معظمهم خايفين من الموت |
اقتباس:
انا نفسى بجد قبل ما اموت بقى اشوفلك موضوع واحد فى المنتدى ده |
اقتباس:
انا ليا واحد زميلى فى المدرسه بقى بيشتكيلى ويقولى انا خايف اموت وبعيط بالليل على الموضوع ده وعاد بيخاف من اى حاجه يعنى مش كل 3 دقايق نفكر فى الموت بقى انا شكلى كده بلبخ |
اقتباس:
بس على فكره موضوع ان الناس الحلوين هما اللى بيموتوا الاول ده مش حاجه لازمه يعنى ده بالعكس الرسول بيقول خيركم من طال عمره وحسن عمله |
اقتباس:
شكرا على مرورك والله بتوحشنى |
اقتباس:
كأبه هى حقيقه فعلا حقيقه كئيبه شكرا على مرورك |
اقتباس:
مش عارف يمكن علشان مش مدى لربنا حقه كويس |
طبعا احنا مؤمنين بالله وبالقضاء والقدر بس علطول بيبقا عندنا رهبه من الموت اما خايفين نسيب ناس بنحبهم فى الدنيا او علاقتنا بربنا مش قويه اوى انا افتكر من فتره كنت زهقانه من كل حاجه وكل لما حد يقولى كلمه تضايقنى اقوله هى الازمه فى لتر جاس يقولى اشمعنا اقول هولع فى نفسى وارتاح وكنت بقولها عادى خالص يعنى البت ايه شجاعه وقال ده مش كفر ولا حاجه ( دى خيابه) ;) بعديها بفتره كنت ماشيه فى الشارع وخلاص العربيه كانت هتضربنى بس الحمد لله والناس بقى اتلمت وانا ساعتها اعصابى باظت كان بينى وبين الموت لحظه ساعتها بس حسيت اد ايه بخاف من الموت اوى وبخاف انى اموت فجاه اللهم من أحييته منا فأحيه على الإسلام ، ومن توفيته منا فتوفه على الإيمان |
اقتباس:
انا مش عاوز اقولك احسن علشان ما تقوليش عليا رخم لكن هو الواحد ما بعرفش قيمه حياته الا لما بيحصله حاجهزى دى شكرا يا بوسى على مشاركتك منورانى |
اول حاجه احب اشكر حضرتك على هذه التذكره وادعى للجميع بحسن الخاتمه
ثانيا بئى احب اوضح ان لو الانسان بيراعى ربنا فى كل شى مش هياف من الموت بل هيتمنى انه يقابل ربنا بس موضوع صعوبه الموت دى بتكمن فى الفرقه وانك مش هتشوف اللى بتحبهم تانى وعلى فكره الموت عمره مبيفرق مابين كبير اوصغير حلو او وحش لان هى دى النهايه لينا كلنا وعلى الجانب الاخر طبعا ان فيه ناس بتخاف من الموت لانها مش قريبه من ربنا فى رعايه الله |
الموضوع حلوووو جداا و عالعموم كلنا هنموت فى الاخر و ربنا يحسن خاتمتنا كلنا
|
اكيد طبعا كلنا هنموت كل واحد فينا يتوقع الموت ف اي لحظة بس لازم نكون جاهزين عشان نقابل ربنا بالاعمال الصالحين يعني لازم نعمل حاجات كويسة عشان نقدر بجد نكون حابين نروح لربنا ومش خايفين وبعدين الموت دا مش حاجة وحشة كفاية انك هتروح اللي خلقك هو ارحم مليون مرة من اي بشر هنروح لعالم مش فيه كذب ولا خداع يارب يرحمنا ونموت بالاعمال الصالحة |
اقتباس:
فعلا كلامك مظبوط جداااااااااااااا لو الواحد عامل اللى عليه هيبقى بيتمنى انو يموت علشان يقابل ربنا |
اقتباس:
يارب يحسن ختامنا |
اقتباس:
انتى بتتكلمى زى مايكون الدنيا خدرت بيكى كده ليه كلنا لها يعنى مفيهاش حاجه |
اكيد الموت قريب مننا جدا
ده الطفل بيموت فى اى لحظة و كمان الموت الفجأة زاد اوى الفترة دى المهم لازم نستعد لليوم ده ( اعمل لدنياك كانك تعيش ابدا و عمل لاخرتك كانك تموت غدا ) شكرا عالموضوع |
اقتباس:
فع كان فيه كام لعيب كوره كده راحوا على الطيارى ربنا يرحمنا يا رب ما اموت على فجأه كده |
يا ابنى انت خايف ليه عادى جدااااااااا هى دى الدنيا وكلنا مصيرنا هيكون كده وبعدين والله احسن حاجة ان الواحد يموت صغير انا طول عمرى بدعى ربنا يستجيب لطلبى ده كل ما هتقعد كل ما هتتعب اللى حواليك وبعدين هى الدنيا فيها ايه حلو نتمسك بيه ؟ |
اقتباس:
انت داخله تحبطينا يا فيفا انا مش عاوز اموت دلوقتى و بعدين انتى نفسك قوى كده ليه يا ستى انتى مش حابه حياتك انا مبسوط من حياتى |
والله الموضوع ده على بالى بقالى كتير وعماله ادعى انى اما اموت اموت وانا بصلى
بس مفيش حد مش بيخاف من الموت............شكرا على الموضوع وتقبل مرورى |
اقتباس:
على فكره انا كل ما اشوف توقيعك بصلى على النبى |
اقتباس:
|
"كل نفس ذائقة الموت"
|
اقتباس:
انت بتتوقف كتير ليه يا عم |
انا كمان مكنشى فى دماغى حكاية الموت دى وكنت فاكرة اننا صغيرين ولسه بدرى علينا لكن فى يوم صحيت عرفت ان واحدة زميلتى ماتت طيب مهى ماتت اهه وهى فى نفس سنى وخفت افارق اللى بحبهم وخفت انى اققابل ربنا لانى خايفة انى مكنشى وفيت كل اللى عليا ومتقولوش انى ضعيفة الايمان او حاجة من دى كل الناس بتخاف من النقطة دى حتى الصحابة
موضوع متميز وربنا يوفقك |
فكرت فى الموضوع ده واحسن حاجة الواحد يكون واضع نية كويسة قبل ما يعمل اى حاجة
|
اقتباس:
(أينما تكونوا يدرككم الموت ولو كنتم في بروج مشيدة ) صدق اللع العظيم اكيد طبعا انت فهمت كل انسان مكتوبله هيموت امتى و ازاى ومهما تعمل مش هتاخدك غير نصيبك واللى ومكتوبلك |
ثانكس دكتور مصطفى على الموضوع
بصراحه انا كتب اكتر من رد على الموضوع بس قبب مااعتمد الرد امسحه تانى مش عارفه اقول ايه بجد اصل بفكر فى الموت كتير اوى بس مش رعب او خوف بس يعنى عتاب للنفس وبرده ممزوج بشويه خوف هم مش شويه هم كتير بص معدتش عارفه اقول حاجه بس كلنا هنموت واكيد زى مابنفكر فى الموت نفكر فى رحمة ربنا وانها وسعت كل شىء |
اقتباس:
على فكره الفيلمبتاع اوقات فراغ ده بيخلينى اتعظ من الموت مش عارف ازاى;) |
اقتباس:
وفى لحظه تافهه نبقى روحنا فى داهيه |
اقتباس:
انت على طول كده بتحب تجيب نمن الخر على فكره محدش فى المنتدى واخد باله منك من يوم ما غيرت الصوره انا بقولك اهوه |
اه والله الموت بيبقى قريب اوى م الواحد
انا صحبتى ماتت من 5 سنين يعنى كنا ف 1 ثانوى ساعتها يعنى لسه صغيرة اوى وبرده وحدة انا اعرفها ماتت وهى ف 1 اعدادى نصيبهم لحد كدا |
اقتباس:
طيب الحمد لله انك قدرتى تعبرى فى الاخر يا شفق انك بتفكرى فى الموت والله كويس انتى احسن منى بكتير ومش حاجه وحشه انك تخافى من الموت على فكره ده شرف |
ميرسى على الموضوع يا بيوب بجد الحلو فيه اننا كلنا بنفكر فى الموضوع ده باستمرار
انا من الناس اللى ساعات كنت بعد اقول انى لسة صغيرة على الموت بس كنت بستغفر ربنا لان ده غلط ....دلوقتى الشباب بيموتوا كتير اوى فى اى وقت وفى كل مكان ولسة احنا برضو مش قادرين ناخد عظة زى ما يكون مخنا مش قادر يستوعب الموضوع ده ولا ايه مش عارفة ....لما اكون فى العربية او فى سفر ونعدى من ادام المقابر ولا حاجة قلبى بيتقبض بالذات لو كنا باليل بقول ياااااااه هو ممكن ابقى كدا لوحدى وانام فى المكان البعيد والضلمة دى من غير اهلى ولا اصحابى بجد شىء صعب اوى لو كانت اعمالنا الكويسة فى الدنيا قليلة.......اللهم ارزقنا حسن الخاتمة |
الرسول صلى الله عليه وسلم قال اعمل لدنياك كانك تعيش ابدا واعمل لاخرتك كانك تموت غدا
وياجماعة الموت لو فكرنا فيه بجد مش هتعيشى لحظة ماشى نفكر فيه عشان نتعظ بس مش للدرجة اللى توصلنا للخوف الشديد والرعب الجامد ده لانى اوقات كتيرة فكرت فيه كنت بترعب والله جامد طب مانا اعمل على قد ماقدر من صلاة وعبادة واتوكل على الله واعيش حياتى الطبيعية عشان اقدر اكمل |
الله ينور يا مان بجد انا كل ما الاقى نفسى مقصر مع ربنا افتكر الموت واحاول اخاف من العقاب والنار لدرجه انى بقيت بحضر الدفنه على ميتين كتير واشوفهم وهما بيدفنوا عشان اتعظ وفعلا ممكن وقتها ابكى وارجع واصالح ربنا بس انت عارف شوشو بقى وعمايله السوده:mad: مش سايبنى فى حالى بص يا خالد ع البت دى هات فى سيره عم كحكوح بالمناسبه عم كحكوح دا الراجل صاحب البلايستيشن:p والحال بيرجع تانى كما هو عليه وهكذا الا ان يهدينى ربى جزاك الله خيرا ع الموضوع يا مان |
اقتباس:
ههههههههههههه ههههههههههههههههه منه لله شوشو صحيح ده ضيع اجيال ياعم الحاج بس قولى ياخلود .. الماتش بكام عند عم كحكوح ؟ ;) -------------------------------- الف شكر لصاحب الموضوع دى كانت مداخله بسيطة بس قصدى منها هزار مش اكتر وربنا يهدينا جميعا الى ما فيه الخير والصواب شكرا ليك على طرحك المميز تحياتى |
| جميع الأوقات بتوقيت GMT +2. الساعة الآن 05:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.