لطلاب التحويلات (بتاعه ال100 جنيه)..........
 

ح تروحو عادى كلياتكم ولا ح تستنو نتيجه التحويل بتاع ال100 جنيه لما تظهر؟؟
يعنى ح تروحو الكليه اللى اترشحتولها وتستقرو فيها (قصدى قبل العيد) يعنى تحضرو محاضرات وسكاشن لو ح يبقى فيه يعنى ولا ح تستنو لما الفرج يجيى وتظهر نتيجه التحويل ؟؟؟؟
ولاتقولو نحضر من اول م الامر يستقر؟

انا عن نفسى محتاره يا ريت نساعد بعض فى اخذ القرار ده.........

على فكرة فيه ناس زميايلي حولوا التحويل دة

وكلهم اتقبلوا,,,وكله راح على كليته,,,مع ان فيه منهم ما ظهرتش النتيجة

بس راح عادي,,,,وبيقولوا كل اللي عمل التحويل دة اتقبل

ربنا معاكي....ولو تقدري تستفيدي بالوقت وتحضري في كليتك احضري

علشان اللي بيجي متأخر,,,طبعا بتفرق عن زمايله

وحتتعبي لو فاتك حاجة

بالتوفيق ,,,,,,

شكرا على مرورك

ده ايه نظام التحويل ده ؟؟؟

هى نتيجه التحويل ديه مضمونه ولا ايه
انا عملته من شهر والنتيجه لسه ماطلعتش
ومش عاوزه اروح الكليه اللى ترشحت ليها
قولولى اعمل ايه

بصى انا برضه زيك كده موش روحت الكليه اللى اترشحت ليها وعامله التحويل من شهر ولسه موش ظهرت النتيجه
انا روحت الكليه اللى انا عايزه احول لها ولما روحنا هناك الامن قالولنا ادخلو احضرو عادى لحد م النتيجه لان كلها مجرد محاضرات بس ربنا يستر والموضوع ده موش يطول لبعد العيد عشان بعد كده فيه سكاشن وبيبقى عليها غياب وحضور وده ممكن يطرنى انى اسافر الكليه اللى اترشحتلها عشان موش يخدونى غياب هناك
عشان كده يارب النتيجه تظهر قبل العيد او موش تطول عن كده لانى ح احضر ف الكليه اللى عايزه احول لها لحد قبل العيد يعنى على مالنتيجه م تظهر

وعلى فكره هو انا لما روحت سالت ف اداره الجامعه قالولنا ان التحويلات كلها اتقبلت بس الاسامى لسه موش جت من مصر............وانها ممكن تظهر على يوم الاربع اللى جاى

انتى ممكن تروحى الكليه اللى انتى عايزه تحويلى ليها لحد م النتيجه تظهر بدل م تسافرى للكليه اللى اترشحتلى ليها والموضوع مجرد محاضرات وفى موش ح يبدا الجد الا بعد العيد

انتى كليه ايه..........وجامعه ايه؟

بصى انا برضه زيك كده موش روحت الكليه اللى اترشحت ليها وعامله التحويل من شهر ولسه موش ظهرت النتيجه
انا روحت الكليه اللى انا عايزه احول لها ولما روحنا هناك الامن قالولنا ادخلو احضرو عادى لحد م النتيجه تظهر لان كلها مجرد محاضرات بس ربنا يستر والموضوع ده موش يطول لبعد العيد عشان بعد العيد فيه سكاشن وبيبقى عليها غياب وحضور وده ممكن يطرنى انى اسافر الكليه اللى اترشحتلها عشان موش يخدونى غياب هناك
عشان كده يارب النتيجه تظهر قبل العيد او موش تطول عن كده لانى ح احضر ف الكليه اللى عايزه احول لها لحد قبل العيد يعنى على مالنتيجه م تظهر بدل م اضيع عليا هنا وهناك فاهمه..............

وعلى فكره انا لما روحت سالت ف اداره الجامعه قالولنا ان التحويلات كلها اتقبلت بس الاسامى لسه موش جت من مصر............وانها ممكن تظهر على يوم الاربع اللى جاى

انتى ممكن تروحى الكليه اللى انتى عايزه تحويلى ليها لحد م النتيجه تظهر بدل م تسافرى للكليه اللى اترشحتلى ليها والموضوع مجرد محاضرات وفى موش ح يبدا الجد الا بعد العيد وكمان عشان موش يفوتك كتير ...ربنا معاكى .

انتى كليه ايه..........وجامعه ايه؟:rolleyes:

انا رحت جامعتى فى اسيوط وحجزت المدينة الجامعية وحضرت يومين محاضرات ولسة راجعة انهاردة الحد وححضر فى طنطا لحد ماالنتيجة تظهر

الف شكر على الرد انا طب بيطرى وجامعه كفر الشيخ
انا عمرى ماتصلت بيهم وافادونى فى الكليه
انا جبت 95,1 وكان نفسى فى بيطرى المنصوره بس التوزيع الجغرافى

على فكره انا كنت علوم فى بطاقه الترشيح بس عملت تحويل لبيطرى ب100 جنيه

انا حضرت ف هندسه طنطا اول يوم اللى هو الاحد وعندهم الاتنين اجازه ف لو ح تروحى تبقى تروحى بكره الساعه عشره تكونى هناك عشان فى بكره محاضره فيزيقا الساعه عشره ونص وبعدها ميكانيكا ده حسب الجدول اللى خدته اول يوم

بس مش عارفه اكمل الاسبوع ده ف هندسه طنطا ولا اروح حلوان ولا استنى لحد م النتيجه تظهر وخلاص
هى احتمال تبقى الاربع ........................

العفو يا جميل على ايه بس يا رب اكون افدتك او عرفت اساعدك وربنا معانا كلنا..................

حد راح سال فالجامعه النهارده عن النتيجه بتاعه التحويل ؟؟؟؟؟؟؟؟؟؟
عندنا ف طنطا قالو روحو ادفعو بكره ال100 جنيه يارب سهل يا مسهل وتكمل للاخر على خير ويكون كده انه التحويلات قبلت وفاضل الاسامى تيجى
اللى ف جامعات تانيه لو سمحتم يرد علينا هما كمان كده ولا احنا بي وممكن لو روحنا مش نلاقى حاجه ؟

وعلى فكره دفع الفلوس عندنا موش بيتم الا لو التحويلات قبلت عشان فيه ناس ف جامعات تانيه دفعت وهى بتقدم الطلب زى نتاس هنا ف المنتدى من جامه اسكندريه قالو انهم دفعو بدرى
لكن احنا لما قدمناه قالولنا الدفع يوم النتيجه م تظهر ......................................

هو احنا فعلا لازم ندفع 1050 جنية رسوم تحويل؟

واحنا برضة اللي نروح نجيب الملفات بتاعتنا؟

انا موش سمعت خاااااااااااااااااااااالص عن موضوع الالف وشويه اللى كل واحد بيقول عليهم دول على الاقل عندنا هنا محدش جاب السيره دى خالص اللى اعرفه اننا عندنا ف الجامعه قالولنا التحويلات كلها اتقبلت وانه بكره اللى هو الاربع تعالو ادفعو ال100جنيه .....بس
وموش عارفه بقه لو روحنا ندفعهم بكره نبقى احنا كده خلاص اتحولنا وفاضل بس الاسامى هى اللى تيجى الكليات ولا ح يقعدوا يقولولنا كمان يومين زى كل مره ............؟؟
انا اتمنى انهم بكره يخدوا ال100 جنيه ونخلص عشان نرتاح اما بقه حكايه انه الورق يجيى دى فبراحتهم بقه المهم اننا حولنا وانا متهيالى انه الورق لو هما اللى ح يجيبوه ح يكون بعد العيد على م تنزل الاسامى ف الكشوفات او ف الكليات ................مش مهم كل ده ف راى انه اهم حاجه اننا اتقبلنا واتحولنا وخلاص الباقى بقه حسب تساهيل ربنا ............

انا كنت في هندسة المنيا ولما قدمت في التحويلات قالوا لازم في البداية ندفع ال100 جنيه وخدنا بيهم ايصال
وبعد كده النتائج ظهرت عندنا في هندسة الاسكندرية ولقيت اسمي ولما رحت اقدم في شئون الطلبة قالولي انهم عايزين مني 1050 جنيه رسوم تحويل
وصورتين
وكمان عايزني اسافر المنيا تاني واسحب ملفي من هناك
واجي اقدمه هنا وادفع المصاريف

هى النتيجه ظهرت عندكم يوم ايه ؟؟؟؟؟؟؟
يعنى الاسامى نزلت الكليه امته؟؟
احنا مش عندنا حاجه من دى خالص انتو يمكن عندكم انجاز عننا هنا قالو التحويلات قبلت كلها بس..... لكن لا فيه فلوس اندفعت ولا اسامى نزلت الكليات ولا اى حاجه من دى ..........

احنا في الاسكندرية الاسامي نزلت عندنا النهاردة

يعنى انتم كده خلاص محولين واتقبلتو ف اسكندريه ناقص بس انكم تسحبو الورق وتقدموه......... بس انتم بتحضروا ف الكس عادى ف الكليه اللى اتحولتوا ليها خلاص يعنى ف هندسه اسكندريه مش المنيا؟

يا جماعه انتو اكيد عندكم خبره فى التحويلات انا فى واحد صاحبى جايله حقوق منوفيه وملحقش اخر التحويلات وعايز يحول الوقتى ينفع ولا مينفعش لخدمه اجتماعيه منصوره حد يفيدنى بالله عليكم

هو تقريبا موش ينفع لان النتايج اللى ظهرت ف بعض الكليات دى كانت الاول ف مصر دلوقتى مستنينها تنزل ف بقيت الكليات

يلا الحمد لله على كل حال

انا النهاردة روحت سالت في ادارة الجامعة قالولنا

لسا مش عملنا فيها حاجة

وسألوا امبارح في مكتب التسيق

قالولهم لسا

هو التحويل دا مضمون يا جماعة ولا ايه ؟؟

حد يطمني :(

على فكرة انا دفعت ال 100 جنيه اول ما روحت عشان اقدم للتحويل

بس خايفة انهم يرفضوني


مش عارفة بجد

خصوصا ان في ناس هنا بتقول اسامينا نزلت

يعني ممكن نكون احنا اترفضنا ومش بيقولوا لينا ولا ايه ؟؟

ولا هما ماسكين جامعة جامعة

يعني اسكندرية وبعدين مثلا القاهرة

وهكذا ؟؟

اعرف برده واحدة عاوزة تحول من طب المنيا لطب اسيوط ولحد دلوقتي مش قالولهم حاجة :(

يا جماعة متقلقوش لان تقريبا كل اللي قدموا تحويلات اتقبلو

طيب ليه بيقولوا لينا مش عارفين حاجة لسا ؟؟


بجد الواحد اعصابه تعبت اوي

بعدين في ناس عرفوا النتيجة .. الحمد لله


ليه بقى في ناس بيقولوا ليهم مش عارفين ؟؟

انا مش فاهمة حاجة في البلد دي

حسبي الله ونعم الوكيل

طيب سؤال حد اترفض او اسمه منزلش يعنى تحويله موش نفع ولا كل اللى كان عايز يحول لهندسه اسكندريه جه؟؟؟وتحويله اتقبل؟؟؟؟؟