|
كلمة تودينا........وكلمة تجيبنا
مساء الخير عليكوا ازيكم يا جماعة يا رب تكونوا بخير دايما النهارده عايزة اتكلم معاكم فى حاجة كلنا بنعانى منها وبجد اوقات كتير اوى بيكون لها اثر سىء علينا كلنا عايزة اكلمكم عن الناس اللى بيدخلوا فى حياة غيرهم ويهدوها بكلمة واحده بس منهم اقول لكوا عشان منجبش فى سيرة الناس هسميهم (فاعلى الخير ) :d:d:d وما اكثر فاعلى الخير فى حياتنا الشاب:يابابا انا نفسى ادخل كلية فنون جميله لانى بحبها الاب:وبعد محاولات خلاص يا ابنى اللى انت عايزه فاعل خير:ايه ده يا راجل............ لا لالا ازاى تدخله كليه زى دى دى مستقبلها وحش ومش هيلاقى شغل خليه يدخل كلية تجارة الاب: انا قلت كلية تجارة يعنى كلية تجارة ومفيش نقاش موقف تانى البنت: يا بابا عشان خاطرى انا شايفة ان مستقلبى مع الشخص ده مش مهم الفلوس مش مهم هيسكنى فين انا مرتاحة له يا بابا الاب: خلاص يا بنتى انا مش هقف فى طريق سعادتك اللى يريحك فاعل خير: ازاى تعمل حاجة زى دى يعنى ايه البت بتحبه هو الحب بياكل اليومين دول انت كده ضيعت مستقبلها الاب: انا شايف ان الشخص ده مش مناسب ليكى وانا قلت مفيش جواز يعنى مفيش جواز. وغيره وغيره من المواقف وللاسف انها بتكون مواقف وقرارات مصيريه انا مش بيجيب الغلط كله على الشخص اللى بيدخل ده اكيد كمان اللى بيسمع له بيكون غلطان زيه بس بجد بيكون ليهم تاثير كبير على اللى قدامهم يا رب منكونش فاعلى خير من النوع ده :d ومنسمعش لكلام حد |
عندك حق فيه ناس كدا كثير بس مش لازم يكون فيه فاعل خير ف الموضوع ممكن الاب ذات نفسه يفرض ع بنته او ابنه حياتهم وطبعا الابن او البنت لو ضعفاء الشخصية هيروحوا ف الرجلين ودا بقي بيرجع للتربية ف البيت انا شايفة ان مفروض كل واحد يكون ليه شخصية وياخذ بالراي وبرده الناس اللي بيدخلوا ف اللي مش ليهم فيه احنا مش نسمح ليهم بكدا لان دا حياتنا ومستقبلنا ميرسي ياجميل ع الموضوع |
اقتباس:
انا عارفة ان اوقات بيكون التشدد فى الاصل من الاهل لكن انا بتكلم عن الناس اللى بتدخل فى حياة غيرهم مرسى لمرورك |
الغلط على اللى بيسمع لفاعلى الخير دول
وشكرااا على الموضوع يا فيفا |
السلام عليكم ورحمة الله وبركاتة
انا عندى رأى مختلف شوية يعنى مثلا فاعلى الخيردول ممكن يتصنفوا لحاجتين 1-نيتهم طيبة وعايزين ليكى الصح لان ساعات الناس دى بتبقة باصة لاقدام اكتر منك ومجربة فى الحياة وعارفها كويس ودة مش معناة انك تسلمى بكلامهم وتقولى حاضر انتى ممكن تفكرى فى رأيك ورأيهم وتشوفى الصح لان اكبر غلط ممكن نعملة فى حياتناهو اننا نتسرع ونندفع فى قرارتنا أو اننا نقول حاضر فى قرار يخصنا من غير منفكر عشان كدة احسن حاجة ان الواحد يوازن 2- ناس نيتهم سودا ودول فوضى امرك فيهم لربنا لان هما بيبقوا كارهين نجاحك وعايزين ليكى الفشل والناس دى غالبا بتبقى عندها نقص كبير قوى وعايزاكى تبقى فشلة زيها وبردة عايزة اسجل اعجابى بالموضوع ميرسى فيفا |
ههههههههههههههههههههههههههههههههههههههه
انا بابايا سهل التاثير عليه جدا بس انا لما يكون الحاجه بتخصنى انا والله العظيم لو مليار فاعل خير اللى انا عاوزه عمله شكرا يا فيفا موضوعك جامد |
اقتباس:
ما انا قلت كده برضه مرسى لمرورك يا احمد |
انا الحمدلله والدى محدش يقدر ياثر عليه بسهولة
المهم ان يكون الانسان ليه شخصيته و تفكيره ايوة يسمع لاراء الاخرين بس بردو يحكم عقله و قلبه معا و لازم يكون فيه نقاش ده اساس المجتمع ( و بلاش نكون فاعل خير من النوع ده ) |
اقتباس:
ودايما منورة مواضيعى على فكرة التوقيع بتاعك حلو اوى:d:d |
اقتباس:
ههههههههه ايوة كده خلى عندك شخصيه (انا بهدى النفوس):d مرسى لمرورك منور |
اقتباس:
ما انا قلت بلاش النوع ده:d:d منورة يا قمر |
اقتباس:
دا انتى كده فاعله خير:p |
الموضوع مهم وفعلاً واقعى وبيحصل كتير بس متنسيش إن هدف فاعل الخير فى الأول والأساس هو خدمه اللى بيقدمله النصيحه المشكله بتبقى فى مستقبل النصيحه هو اللى مش بيقدر يدافع عن الشىء اللى عاوزه كويس وبالتالى بيخسره لما بيسمع كلام مترتب يعنى يقول أنا هدخل حقوق مش تجاره فاعل الخير يقولك تجاره مستقبلها أفضل هتلاقى شغل بعد ما تتخرج هتقدر تسافر بيها بره مجالتها كتير شغلها مطلوب وكده لو إنت فعلاً داخل كليه الحقوق عن إقتناع وفاهم إنت داخلها ليه هتقدر ترد عليه وفى النهايه هيقولك خلاص بدام إنت شايف نفسك هنه إنت حر دا مستقبلك لكن المشكله فعلاً إنك من الأول مش واثق فى قرارك |
اقتباس:
لا والله يا محمد مش فى كل الاحوال بيكون هدف اخونا ده:d مصلحة اللى قدامه وصدقنى كتير اوى بيكون الواحد واثق فى قراره ومن كتر الالحاح بيفقد الثقة فى نفسه بيحصل صدقنى وبعدين ما كل يخليه فى حاله ايه اللى هيحصل يعنى حاجة تخنق :d |
اقتباس:
العفو يافيفا بس بجد مواضيعك بتشدنى اوى ************************************ اة بالنسبة للتوقيع قلت اضربها دراما شوية |
اقتباس:
هههههههههههههه ليه بس ما الدنيا حلوة والدراسه بكرة :d:d |
موضوع زى العسل عاجبنى جداااا .. هقلك بجد الموقفين اللى طرحتيهم ينفعش يكون فيهم اجبار نهائي يعنى الجواز او التعليم واختيار وظيفه المستقبل حاجه تخص الفرد مع استشاره الاهل بس الواحد هو اللى هيمشي اللى حاسس انه صح لان ده مستقبله او مستقبلها الاهل ممكن يوجهوا اما انهم يقولو كذا اه وكذا لا يبقى مش هينفع ولازم الواحد يكون عنده اراده فى مواجه فاعلى الخير دول لان طول مانت مقتنع بحاجه وحاسس انه صح مهما جم فاعلو الخير دول مش هيخلوك تغير رايك لانك مقتنع وطل مانت مقتنع هتقدر تقنع بس فى بعض الحالات مش بنعرف يعنى الاهل بتصمم وكده فبتكون صدمه بس بردو لو الواحد ع حق يتمسك بيه وميهجرش اهله لا يحاول يفهمهم اما الناس اصحاب النفوس الدنيئه واللى بيتحشروا فى النص دول ربنا يتولاهم بجد لانها حاجه رخمه مكل واحد يخيليه فى حاله احم احم شكلى حودت ع شارع تانى خلاص بئا يا فيفا انتى حفظتى طريقتى فى الرد بس بجد موضوع كميل |
ميرسى على الموضوع فيفا
هو موضوع ناس كتير بتعانى منه بس الحمد لله بابا فاعلى الخير مش بيأثروا فيه يعنى اللى انا مقتنعه بيه او اللى يقدر يقنعنى بيه ان لم يقنعنى بيحاول ينفذ اللى انا عاوزاه بس بطريقته |
اقتباس:
ههههههههه شارع تانى لا انا خلاص اتعودت على كده عثل يا ياسمين والله:d لا والله بجد انا بحب ردودك اوى ربنا يخليكى ليا |
اقتباس:
طب الحمد لله ربنا يخليه لك يا رب بجد بحترم الناس اللى مش بتسمع لحد منورة |
مشكووووووووووور علي الموضوع
|
الله يخليكو كلكو
|
الموضوع ده بقي مليان بين اولياء الامور
يعني انا نفسي في علمي علوم و كل اصحاب بابا بيقولوله دخله علمي رياضة ربنا يخليهم بس الحمدلله دخلت علمي علوم!!! شكرا ع الموضوع |
اه والله فاعل الخير دا موجود فى كل حته
يعنى انا مثلا كنت محدد شرطه او حقوق ففعال الخير دا قالى ياعم حقوق احسن ومستقبل وبعد مدخلت حقوق برغبتى نفس فاعل الخير قالى ايه دا انت ازاى تخش اوطى كليه يا سبحان الله بس كل واحد مستقبله جوا قلبه والى عايز يوصله هيوصله وميسمعش كلام حد وشكرا يا فيفيان على طرحك للموضوع |
موضوعك مهم وفعلا بيحصل يا فيفا للاسف دا بيحصل بس مش دايما يعنى الاب مثلا بيباه خايف على مصلحة الابن او الابنه لما بيسمع لحد باه بيباه استشارة مثلا واكيد لو فى خير لحد منهم هيكون ليه وهيعملهوله ولو الموضوع كان كويس واترفض دا بيباه سوء فهم وغلط انهم ملهمشى قرار او كلمة على بيتهم
مجهود وموضوع جميل من عضوة اجمل ربنا يوفقك ودايما فى تالق |
الحمدلله عيلتنا مفيهاش فاعلي خير ولا نعرف فاعلي خير ابدا في حياتنا وحتي لو نعرف سواء والدي او والدتي عارفين هما بيعملوا ايه وعارفين احنا كمان بعمل ايه يعني مثلا لو انا قولت لوالدي انا عايز ادخل كذا قولي اد المسئولية ؟ ادخلها مش ادها فكر تاني وانا بقترح كذا وانا افكر في اقتراحه وافكر في قراري والأصح مهما كان باختاره وفي الاول وفي الآخر ياجماعه حتي لو القرار غلط فده الخير الأمثل لازم يكون عندنا إيمان بكدا شكرا لموضوعك يافيفا -- اللهم اجعلنا من متخذي القرارات السليمة |
شكرا على الموضوع الجميل ده
بس أنا الحمد لله احنا في بيتنا مفيش حد بيفرض رأيه على حد حتى لو بابا بابا الحمد لله بيناقشنا في الحاجات اللي تخصنا وهو عادة بياخد من الناس الكلام اللي بيقتنع بيه يعني ناس عاقله وبيعرض رأيه دايما يا إما أوافق عليه يا إما لأ |
والله يا فيفا الواحد بيتخنق من الموضوع
الواحد يا عينى يكون مقرر مستقبله وخلاص يجوا الاهل يقولوا احنا معاك يا ابنى وربنا يوفقك وفجاة تلاقى القرار بين يوم وليله اتبدل والتحكم بقا يظهر بس ده فى الغالب بيبقا نابع ان فاعلى الخير دول مش بيحبوا الخير ليك مش عايزينك تبقا حاجه احسن فبيخترعوا اى حجه عشان تغير قرارك وميرسى لطرحك للموضوع ده يا فيفا لانها بجد مشكله خطيرة اوى وربنا ما يجعلنا من فاعلى الخير دول |
اقتباس:
ههههههه ربنا يخليهم طبعا:d بس الحمد لله انك دخلت حاجة انت حاببها مرسى لمرورك |
اقتباس:
ياه معقول فى ناس بالبشاعة دى ؟ نفسى اعرف بيستفادوا ايه بس اكيد ربنا مرتب لك حاجة كويسه برضه مرسى لمرورك يا محمد |
اقتباس:
ربنا يخليكى يا امل مرسى يا حبيبتى |
اقتباس:
اه عشان كده يا احمد انا دلوقتى بس عرفت ايه سر شخصيتك الجبارة دى بجد كويس اوى ان يكون عندك قدرة على اتخاذ قراراتك لوحدك والاحسن من كده انك تتحمل نتيجة ده وبجد هو ده اللى المفروض نعمله مرسى لمرورك يا احمد منور |
اقتباس:
تمام يا قمر مرسى لمرورك |
اقتباس:
حقيقى حاجة صعبة اوى ربنا يهديهم بس انتى شكلك بتعانى من الموضوع ده اوى :d |
الحقيقة ان في ناس كتير بتتأثر بهؤلاء الذي يظنون انهم يعملون خيرا لكنهم في الوافقع يؤثرون بالسلب على حياة انسان والوقوف بطريقة ليرى حياه بائسة يائسة نتيجة الانصغاء الى هؤلاء
شكرا لكِ على ذلك الطرح الهائل |
عندك حق يا فيفا كلمة تودينا وكلمة بتجيبنا بنروح مع اللى بيروح ةبنيجى مع اللى بيجى محدش فينا بيثبت على راى كله مستنى حد يدله ومش فى الامور اللى انت بتقولى عليها بس حتى ما بين الدول وبعضها وكما قال الشيخ الشعراوى ( اللى اكله من فاسه رايه يبقا من راسه ) مشكلتنا اننا دايما مذبذبين بين هذا وذاك الى ان ياتى ما يسمو بفاعلى الخير كما تقولين فيرشدونا الى طريق الصواب او الخطا ونحن من خلفهم ثائرون دون ادنى تفكير وهلى راى المثل اختلاف الراى لا يفسد للود ملوخية:d دمتم فى رعاية الله |
الغلط على اللى بيسمع لفاعلى الخير دول
وشكرااا على الموضوع |
zizo2_22
الحقيقة ان في ناس كتير بتتأثر بهؤلاء الذي يظنون انهم يعملون خيرا لكنهم في الوافقع يؤثرون بالسلب على حياة انسان والوقوف بطريقة ليرى حياه بائسة يائسة نتيجة الانصغاء الى هؤلاء شكرا لكِ على ذلك الطرح الهائل فعلا بياثروا على حياتهم بشكل سلبى اوى وللاسف فى اللى بيسمع لهم مرسى اوى لمرور حضرتك ده شرف كبير ليا |
Mahmoud_taha
عندك حق يا فيفا كلمة تودينا وكلمة بتجيبنا بنروح مع اللى بيروح ةبنيجى مع اللى بيجى محدش فينا بيثبت على راى كله مستنى حد يدله ومش فى الامور اللى انت بتقولى عليها بس حتى ما بين الدول وبعضها وكما قال الشيخ الشعراوى ( اللى اكله من فاسه رايه يبقا من راسه ) مشكلتنا اننا دايما مذبذبين بين هذا وذاك الى ان ياتى ما يسمو بفاعلى الخير كما تقولين فيرشدونا الى طريق الصواب او الخطا ونحن من خلفهم ثائرون دون ادنى تفكير وهلى راى المثل اختلاف الراى لا يفسد للود ملوخية دمتم فى رعاية الله المشكله انى مش عارفة ايه لسبب فى التذبذب ده ضعف شخصيه؟ عدم خبرة؟ حقيقى مش عارفة بعدين ايه المثل العجيب ده:d اسمه قضيه ههههههه منور يا محمود |
النمرالمقنع
الغلط على اللى بيسمع لفاعلى الخير دول وشكرااا على الموضوع الشكر لله مرسى لمرورك |
اقتباس:
|
عاوزة اقول حاجة بسرعة كلية فنون جميلة ليها مستقبل كويس على فكرة وانى ادخلها واعمل حاجة فيها بدل مدخل اى كلية وافشل فيها
|
اقتباس:
اقتباس:
الحمد لله يا قمر وربنا معاكى ان شاء الله فى الكليه على فكرة عاجبنى اسمك اوى :) |
موضوع جامد جدا
بصى يافيفا الناس اللى كده بجد عندهم فراغ جامد وفضى اجمد يعنى الناس دى فاضية ومش وراها حاجة غير تخبط ف ده وف ده متعرفيش انت الناس حصل ليهم ايه والنيات بقت وحشة قوى والمعاملة اسوء والعيب برضه ف اللى يسمع للناس دى الموضوع كبير ومهم وعايز كلام اكتر بس مش هقول شكرا ع الموضوع دلوقتى علشان ف كلام كتير جدا عايز احكية ف الموضوع ده |
اقتباس:
ايه ده احمد بحاله هنا؟ ازيك يا ابنى فينك كل دى غيبه؟ عامة حمد الله على السلامة ومش هعلق بقى غير لما تخلص كل اللى عايز تقوله |
معاهم معاهم عليهم عليهم
ايه رايك في العنوان ده الانسان الي بيمتلك هذه الشخصيه بتكون شخصيته هوائيه لا يستطيع اخذ قراره بنفسه ولا يستطيع ان يكون قائد مجموعه وساعات الشخصيه دي بتحس بالنبوبذ عن المجتمع وفي ناس تانيه معاهم في الحلوه وعليهم في المره هههه دول بيقوا ناس تانيه ربنا يبعدناعنهم شكرا ليكي يا فيفا علي موضوعك الجميل ده |
اقتباس:
كنت عايز احكى تانى بس ف جهل الناس دول وممكن برضه واحد مش بيحب الخير لحد او مثلا زى المثال الأول اللى ذكرتية ممكن يكون حقد او مش بيحب الخير لحد وكده يعنى الموضوع كبير كبير |
اقتباس:
الشكر لله مرسى لمرورك |
اقتباس:
ههههههه فكرتنى باشرف عبد الباقى بيقول الجمله دى كتير اوى نورت التوبيك |
الانسان الكويس اللي فعلا بياخد راي الناس بس علشان يعرف وجهات نظر وبعد كدا ممكن يجمع كل الاراء دي ويشوف اصلحهم ايه ربنا يجعلنا من الكويين شككرا ع موضوعك فيفا اللي منتشر فعلا في مجتمعنا تقبلي مروري
|
| جميع الأوقات بتوقيت GMT +2. الساعة الآن 01:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.