هو ايه اللى بيحصل ده والله حرام عليهم ,,
 

هل توافق على وضع مادتى الكمبيوتر و الفرنساوى فى المجموع

لا توافق على وضع المادتين فى المجموع


السلام عليكم ورحمة الله وبركاته ,,,

انا عايزة اعرف هو ايه اللى بيحصل فى سنة اولى غيروا المنهج وحطوا الفرنساوى والكمبيوتر فى المجموع ده

واصلا كان الرسم فى المجموع وخلوا العربى من 80 درجة والدراسات من 40 .

وتالتة اعدادى خلوا الكمبيوتر فى المجموع وبقى المجموع الكلى من 300 بعد لما كان من 280

قولوا لى رايكوا فى الموضوع ده

والله هو حكايه الكمبيوتر دى كويسه وبعدين هو الفرنساوى مش كان موجود فى المجموع من الاساس ولا ايه انا بتكلم عن اولى ثانوى وبعدين الرسم ده اساسا ماده زبالة المفروض انها تتشال من المجموع لان دى موهبه ومش موجوده عند كل الناس

هو فعلا عندك الكمبيوتر ارحم من الرسم بس ميبقاش الاتنين يعنى

اكيد لازم يحطوا الكمبيوتر ماده اساسيه
مش روح العصر
وكمان لازم الدين يتحط ماده اساسيه
سواء اسلامى او مسيحى كل واحد وديانته

اصل انتوا مش حاسين باللى فى الاعدادية علشان انتوا كبار انما احنا لما تفرق معانا درجو زلا نصف على مدرسة كويسة يبقى ده اسمه ايه ؟؟؟

انت ازهر صح ؟

عموما هو اكيد مفيد للطالب بس انتي مش عايزة مواد كتير علشان عايزة تجيبي درجات

معش شدي حيلك وان شاء الله هتجيبي مجموه كويس قوي

لا انا مش ازهر انا مدرسة عادية بس لما الواحد ينقص منه درجتين ولا تلاته بسبب الكمبيوتر تبقى حاجة تجنن وبعدين مفيش حد بيذاكر كمبيوتر .
يعنى هو انا مش عايزة امدح نفسى بس انا كويسة يعنى وكل الطلبة عمرى ما شوفت حد بيذاكر كمبيوتر :bosyht9:
هنعمل ايه بس

ربنا يعين اولياء الامورهايعطوا درس عربى ولا انجليزى ولا فرنساوى ولا كمبيوتر الناس قربت تبيع حيطان البيتوياريت الولاد بيحسوا دول عاملين ودن من طين وودن من عجين الله يسامحهم

انا والله باخد دروس فى كل المواد وكمان هاخد رسم يعنى المفروض اخد كمبيوتر كمان ولا ايه
حسبى الله ونعم الوكيل

انتي متأكده ان الكمبيوتر بأه ماده اساسية في تالته اعدادي
اصل انا اخويا في تالته اعدادي ميعرفش اي حاجة غير انه بيروح المدرسة:d

اه دخلت فى المجموع وانا برضه مش بروح الا يوم او يومين فى الاسبوع بس بقت فى المجموع

اولا تحية طيبة الي كاتب هذه المشاركة والي جميع من شارك فيها
ثانيا : موضوع اضافة مادة الحاسب الالي هذا قرار للاسف تاخر كثيرا ومن وجهة نظري ان يكون مادة اساسية من الصف الاول الابتدائي بل ويتساوي المجموع فيها مثل الرياضيات واللغة العربية وذلك لسبب بسيط انها الان روح العصر ولابد ان يكون جميع طلاب مصر كذلك
السبب الاهم ارجو ممن يكونوا ضد هذه الفكرة ان يقارنوا مقارنة بسيطة بين اتقان واجادة واستخدام الحاسب بين المصريين وبين اي دولة اخري وبالذات اعدي اعدائنا [ اسرائيل ] سنجد اننا تراجعنا كثيرا ولا يوجد وجه للمقارنة بيننا وبينهم
لكم جميعا مني ارق التحية

انا معاك في إنه إضافة الكمبيوتر تأخر كثيراً عندنا

انا عني كانت اكتر حاجة بتغيظني إنه انا الوحيد في الفصل اللى عايز يستفيد من الكمبيوتر
وطبعاً كله بيهرج في الحصة ده عشان ده مادة مش اساسية
وبعدين كله يجيي قبل الامتحان للكام طالب اللى فاهمين كمبيوتر ويخلوهم يشرحولهم
طب كان من اول السنة


لكن ما نبالغش في الموضوع ونقول من اولى ابتدائي
لانهم يادوب بياخدوا عربي وانجليزي ورياضة وصعب نخلي طفل يشتغل عالكمبيوتر



وطبعاً كامتحان ححل الحاسب اسهل بكتير من الرسم
على الاقل مش حنسى الالوان زي كل مرة

وجهة نظر ...

مثلما التلميذ يتعلم اساسيات اللغة العربية و الانجليزية والرياضيات وفي بعض المدار الخاصة يتعلم اساسيات اللغة الفرنسية لماذ لا نعود الاطفال من البداية علي الارتباط بالحاسب الالي هل نحن اطفالنا اقل نبوغا وذكاء من الدول الاخري ؟؟!!! قرات في احدي الدراسات الاكاديمية ان الطفل المصري لديه اعلي نسبة ذكاء علي مستوي العالم لماذا لا نستغل ذلك . ام ان زمن مصر الولادة للعلماء قد انتهي

ماشى مهو احنا بنتعلم كمبيوتر بس ليه يبقى فى المجموع انا لسة معرفش لحد دلوقتى هو بيتكلم عن ايه ؟؟؟؟؟

علشان انا اصلا مش بروح المدرسة الا ايام قليلة !
بس هضطر اروح معهد او اخد مزكرة ازاكر منها

الدول الأخرى توفر لكل طالب في المدرسة جهاز كمبيوتر خاص به
والطالب بيكون معاه على الاقل لاب في بيته


لكن هنا بيحطوا كل عشر طلاب على جهاز واللى مفهمش مش مشكلة
في ناس لحد دلوقتي وصلت طلبة جامعية لاتملك حاسوب شخصي في المنزل

فين الوسائل اللى تخلينا نخلي الحاسب مادة اساسية باعتبارنا دولة متقدمة جداً


معروف ايوه إنه المصري هو الشخصية الاذكى في العالم لكن الكمبيوتر محتاج امكانيات ومهارة مش ذكاء

الذكاء في البرامج والاختراقات والتصميمات والمواضيع ده

السلام عليكم ...
بالنسبة للحاسب الآلي ..انضاف على المجموع ...وكمان حاجات كبيرة على سننا .. يعني في ثالثة اعدادي خلاص آخر سنة ونخلص اعدادية وندخل الثانوية بمجموع حلو كده..يجي ينضاف الحاسب الآلي ..يعني في اولى اعدادي كان بيتشرح اي حاجه عشان مش بينضاف ..وفي ثانية اعدادي كذلك ..يجي ينضاف على ثالثة اعدادي ..والله النص درجة بتفرق بين الأوائل ..
وكمان الواحد بدأ ياخد درس في الحاسب آلي ..الكتاب والله كبير اوووووووي وصعب اول مرة يتشرح بالتفصيل بالطريقة دي ..
وكمان الرسم ..فعلا موهبة وبيختلف الرسم عن التاني ..وكمان الكتب عندنا مش نزلت نعمل احنا ايــــــــه سألت والله كذا مدرسة على الكتب مش نزلت عندنا ..عشان الرسم له أسئلة ..