|
خلقنا للتفكير ...بس ازاي بنفكر :d
http://img84.imageshack.us/img84/5465/18821610uf0.png خلقنا من أجل التفكير عاجبي أوي الاسم دا :d البشر ممكن يكونوا مخلوقين للتفكير واحتمال برضه العقل هو الوسيلة المتاحة او الموجودة للتفكير .... معلومة جديدة :d بس فين العقل او إيه الجزء الموجود ف جسم الإنسان اللي ممكن نسميه عقل او مركز للتفكير احتمال المخ .... لو جبنا طالب اعدادي وسألناه عن المراكز الموجوده ف المخ مؤكد حتكون اجابته ان المخ بيحتوي ع الجزء الخاص بالاحساس بالجوع ..العطش .. الإبصار ..........الخ يعني مفيش جزء خاص بالتفكير اينشتاين قبل وفاته وهب عقله للدراسه عشان نعرف ايه سبب عبقريته او ذكائه لعل وعسي نعرف فين مركز الذكاء او العقل والنتيجه عدم وجود فرق بين مخ ايشتاين ومخ أي اهلاوي :d وايه شكل الفكر او الطريقه اللي بيفكر بيها الانسان هل هي موجوات كهربائية او مغناطيسية او حتي كيميائية دا سؤال :d تاني جزئية افتراضا باننا عرفنا فين العقل ...الاهم نحدد مين المسيطر العقل ام الجسد مين التابع ومين السيد يعني كمثال وجه أحد الناس سؤال لكونفوشيوس عن سر قلق قطيع م الماشية فكانته اجابته هي وجود أحد الذئاب بعد البحث رجع الشخص مره تانية لكونفوشيوس ووجه له نفس السؤال ليه القطيع قلق رغم عدم وجود ذئاب فكانت اجابته ان الراعي الغافل اشبه بذئب يعني بسبب اهماله وغفله اصبح فرد ف قطيع الذئاب اللي بيهدد القطيع . كتوضيح العقل هو الراعي ... القطيع هو الجسد ..... الذئاب هي الهموم والمشاكل ...يعني بسيطره العقل واخضاع الشهوات والرغبات لقدره العقل ممكن يكون القطيع قادر ع مواجهة ذئاب القلق او الهموم . تالت جزئية لو حددنا مين السيد العقل ام الجسد" غالبا العقل " لازم يكون فيه منهج للتفكير او منطق للوصول للمعرفه يعني ازاي نتعلم اننا نفكر م الابسط للاصعب للاكثر صعوبة . يعني ازاي نفكر ف اسرار الكون و الوهية الخالق مع عجزنا الواضح عن معرفه اسرار الخلية . رابع جزئية . ايه قدرات العقل البشري ... ايه الفرق بين العقل البشري والعقل الالكتروني ..يعني مثلا أي آله حاسبه بخمسه جنيه ممكن تحل مسأله معقده ف في فتره شبه معدومة بالمقارنه بانسان عادي ... بس المقارنه بين عقل الانسان والعقل الالكتروني مؤكد ظالمة جدا للعقل البشري . العقل البشري بيمتلك قدرات خاصه او قدرات خارقه بتحريره من محدودية الجسد ممكن نوصل للعقل المجرد من حدود الجسد . يعني مثلا شخص زي يوري جيلر كان بيمتلك القدره علي لوي المعادن بمجرد أن يمر اصابعها عليه ..والاعجب أنه يستطيع أنه يستطيع أن يفعل ذلك عبر التلفزيون فيركز عينه علي المشاهدين الذين لا يراهم . ياتري ممكن يجي يوم نقدر فيه نحل الغاز العقل البشري او نوصل لاسباب الذكاء او العبقرية وايه الفرق بين عقل انسان وآخر يالا مش مشكله خلصت خلاص :d |
جميل خالص عندك حق بس برده ايه السبب مش عارفين ربنا يجازيك خير وينعم علينا بالعقليه المفيده مش مخ والسلام ربنا يكرمك |
انا هرد ع الموضوع ده ع فكرة باذن الله
بس مش حاليا لى عودة يا دكتور بسام |
اقتباس:
متشكرين بس انا حاسه ان دماغى وجعتنى جايبنا يمين وشمال يلا مش مشكله :) |
اولا شكرا على الموضوع ثانيا ( اعتراض على اسم الموضوع ) (وما خلقت الجن والانس الا ليعبدون ) اما بخصوص الاسئلة اللى حضرتك طرحتها اكيد هيجى اليوم اللى الناس تعرف فيه حل هذه الالغاذ اقتباس:
ومش بخمسة جنيه ممكن باتنين ونص والله:d انا جه فى بالى انا الالة الحاسبة بتحسب بسرعة لانها متبرمجة على نظام واحد الا وهو الحساب وبالتالى بتجيب الناتج بسرع اما عقل الانسان فمتبرمج على مليون حاجة على الحساب على الفهم على القلق على الانفعال على رد الفعل ومتهيالى ان كل حاجة من دول ليها نسبة فى سرعتها وبنكون النسب متفاوتة من شخص لاخر علشان كدا بنفضل فترة على ما نطلع ناتج او نحسب مسألة ربنا يسهل واليوم دا يجى ونقدر نعرف حل الالغاذ دى المسالة محتاجة شوية تفكير |
اقتباس:
سبق واستاذه رانيا وضعت القول الفصل في الحكايه دي واللي كان عليها مشكلة كبيرة مع دكتور عاطف وكان الرد كالآتي " إحنا قولنا خُلقنا من اجل التفكير .. يعني أحد أسباب الخلق هو التفكير ومقولناش كما قال الله عزوجل {وما خلقت الجن والإنس إلا ليعبدون} [سورة الذاريات} ربنا سبحانه وتعالي نفي واستثني إنما إحنا ذكرنا جانب واحد من جوانب الإستثناء واللي هو التفكير ومن ثم المرحله المتقدمه منه التفكر واللي دعا إليها القرآن الكريم تقدر تقرأ الكلام ده ف المجموعه :) ----- انا جي في الرد يابسام فول آس :d |
اقتباس:
....................... هي اي نعم فكرة مكان المنطقة المفكرة في العقل ديع فين بالظبط محيرة بس عادي جداااا بالنسبة لحاجات كتيير و ده يعتبر ابداع من الخالق او دعوة للتفكر مثل الفضاء و غيره من الحاجات يعني تتخيل انه يوجد مجرة و درب الدبانة و كلام كده :d:d سبحانك ربنا خلقت و ابدعت |
السلام عليكم ورحمة الله وبركاته يالا بينا نتناقش بص يا دكتور بسام انا ليا تفكير مُختلف شوية من الجانب الإيماني والفلسفي في رأيي الشخصي .. بعتبر مركز العقل .. اللي هو العقل كما ينبغي هو القلب ومش القلب اللي هوا عضله بتضخ الدم لكن هو القلب الحقيقي اللي بيتكون من اجهزة الإحساس اجهزه الإدراك و الفهم اجهزه التخزين والاسترجاع وباقي الحاجات بقي هو ده العقل ويمكن ده تفسير مقبول شوية بالنسبالي لان العقل مفهوم يُستدل عليه أكثر مهو عضو يُعرف مكانه يعني مثلا تقدر تقولي فين العضو اللي بيحب ؟ اوعي تقولي القلب فين العضو اللي اسمه الضمير ؟ فين العضو اللي فيه الإيمان كل الحاجات دي حاجات مجرده ومفاهيم مُجرده يُستدل عليها وبعدين أولم تسمع أو تقرأ الآيه القرآنيه اللي بتقول " لَهُمْ قُلُوبٌ لاَّ يَفْقَهُونَ بِهَا " خد بالك دي سورة الأعراف شوف دي بقي لَهُمْ قُلُوبٌ يَعْقِلُونَ بِهَا دي سورة الحج إذن فكلامي مش من فراغ بردو لاء وبص دي كمان يادكتور لما سيدنا إبراهيم كان بيفكر مين إله فبيكلم ربنا سبحانه وتعالي بيقولي " أرني كيف تُحيي الموتي " فربنا سبحانه وتعالي رد وقال " أولم تؤمن " فسيدنا إبراهيم قال ايه " بلي ، ولكن ليطمئن قلبي " اخدت بالك القلب في القرآن هنا مش عضله القلب لاء هو شئ في الصدر والصدر مش معني صدرك بردو الصدر معناه جواك تجمع جواك اسمه القلب ------------------------------------------------------------------ من الجانب العلمي لم يذكر احد بشكل محدد ودقيق كيف يحدث التفكير والتحدث بلغه الإحتمالات هو الأقرب للصواب :d كيميا ----------------------------------------------------------------- اما من الجانب المنطقي بردو وتصور ليا تاني ان عمليه التفكير بتقوم أولا علي الإحساس ( الشك اللي حصل لسيدنا إبراهيم ) اللي بيؤدي للملاحظة ( ملاحظته الكواكب والأجرام ) ومن ثم بتلاحظ شئ بتجمع عنه معلومات بالمتابعه ( عرف ان الشمس بتشرق من الشرق وبعدين عرف انها بتغرب وإلي اخر الحكايه ) بيصبح عندك معرفه وجمال المخ ووحدات التخزين ايه بقي بجد إبداع الخالق سبحانه وتعالي ان كل معلومه بتتخزن لوحدها وبعد كدا بيبقي فيه هنا بقي وظيفه الذكاء ( بإختلاف انواعه ) انه يربط بين المعرفه اللي عندك فاهمني عالعموم انا عارف ان الرد مش مرتب بس انا كنت بقولك ع اللي عارفه علي قدر معرفتي الضحله المتواضعه شكرا ليك يا بسام باشا منور المجموعه -- خلاصه القول ان العقل والقلب والكلام ده كله والمفاهيم المجرده تندرج تحت تصنيف واحد قد يكون العقل وبعد افتراض كونه العقل يفترض وجوده كالروح حاجة بتسلم لحاجه محدش فاهم حاجة باين ولا انا يالا سلام :d |
بسم الله الرحمن الرحيم
اولا أود ان اشكر حضرتك كل الشكر على ها الموضوع الرائع الي استفدت منه والذي اضطرني الى ابحث وأقرا كثيرا في هذا المجال ومما قراته واعجبني العقل . العقل في اللغة : مصدر عقل يعقل ، وأصل مادته الحبس والمنع ، وسمي عقل الإنسان عقلاً لأنه يعقله أي : يحجزه عن الوقوع في الهلكة ، ولذا سمي أيضاً حجراً ، لأنه يحجره عن ارتكاب الخطأ ، وسمي كذلك : نهية ، لأنه ينهى صاحبه عن فعل ما لا يحمد . وقال بعضهم : أنه مشتق من المعقل ، وهو الملجأ ، فكأن الإنسان يلجأ إليه في أحواله . ويطلق العقل في الاصطلاح على معان منها : 1- الغريزة المدركة التي ميز الله بها الإنسان عن سائر الحيوانات ، وهذه التي يسقط بفقدها التكليف الشرعي . 2- المعارف الفطرية ، والعلوم الضرورية التي يشترك فيها جميع العقلاء ، كالعلم بأن الكل أكبر من الجزء ، وأن الحادث لا بد له من محدث ونحو ذلك من العلوم الأولية الضرورية . 3- ويطلق كذلك على : إدراك المعارف النظرية ، وما يستفاد من التجارب الحسية ، ومنه جرى إطلاق العلم على العقل ، ويسمى فاقد هذا جاهلاً وأحمقاً وهو يختلف عن المعنى الأولى من جهة أنه لا يسقط التكليف . 4- ويطلق أيضاً على العمل بمقتضى العلم ، ويدل عليه نفي الكفار للعقل عن دخولهم نار الجحيم كما قال سبحانه : ( وقالوا لو كنا نسمع أو نعقل ما كنا في أصحاب السعير ) ، ويسمى العقل بهذا الإطلاق : معرفة وبصيرة . ولي عودة مرة أخرى ان شاء الله لنتحدث بشكل وافي عن الموضوع |
هعلق ع جزئيه اتكلم عليها احمد رضا وهى ان الانسان بيفكر بقلبه انا اول مدخلت المنتدى ده كنت عملت موضوع عن حكايه القلب دى لانه فعلا حقيقه ان الواحد بيفكر بقلبه الموضوع وهو حقيقى ان فى بنت اتزرعلها قلب من شخص او ولد عنده 17 او 18 سنه قالت انها بعد كده بدات تتصرف تصرفات غير طبيعتها وتحب اكل مش كانت بتحبه تمام ولما اتكلمت مع اهل الشاب ده لقت فعلا ان تصرفات هى بقت بتعملها تشبهه كتيرر اما بئا الجزء اللى قراته بيقول ان الموضوع ده فعلا سبب حاجه او مفهوم اسمه ذاكره الخليه الموضوع بدا يوضح بالنسبه ليا الى حد ما لما قرأت عنها بيقلك ان كل خليه ليها ذاكره فيها معلومات شخصيه وتواريخ وليها فكر خاص بيها عشان كده لما الواحد بيتزرعله عضو من شخص تانى لتتنقله بعض الحجات المخزنه دى واللى شفته بردو ان القلب فى مجموعه من الخلايا العصبيه الناقلات الكميائيه والبروتينات ومالى ذلك بس لقوا ان فى خلايه مستقله عن خلايا المخ للتذكر ولاحساس وفى كام مثال بتاكد ده هقولهم وشكلى خرجت عن الموضوع معلش يا بسام اقتباس:
انا وخداه الامثله كوبى :) المهم كل ده بيوصلنا ان ربنا حكمته وسعت كل شىء يعنى لايه الكريمه اللى بتقول افلا يتدبرون القران ام على قلوب اقفالها يعنى لو الواحد يتفكر فى كل كلمه هيعرف ان مهما وصلنا من العلم فهو نقطه فى بحر |
اقتباس:
اها فعلا :d بصراحه الموضوع دا عباره عن تلخيص لكتاب المهم ان احنا نقدر نحدد الاجبابات ع اسئلة عن التفكير زي ازاي بنفكر او ليه بنفكر او ايه الطريقة المثلي للتفكير فيه اسئلة كتيره لو الانسان قدر يجاوب عليها ممكن يغير من مستقبله :D مش مشكله شكرا ع المرور |
اقتباس:
استحاله يكون التفكير محله القب العادي او يكون المذكور ف القرآن برضه القلب بصفته الجسديه كمضخه للدم و كمتحكم ف ضغط الدم و وبقيه وظائفه الغذائية والهرمونية والاخراجية ...الخ اقتباس:
احتمال يكون معني القلب ف القرآن غير المعني اللفظي المعروف بس لو قدرنا نحدد مثلا التفكير عباره عن ايه وايه اللي بيميز انسان عن تاني وليه الناس بتختلف ف العقلية او الذكاء وهل الموضوع ليه علاقه بجينات وراثية او البيئه المحيطه حيكون سهل اوي بشكل علمي تحديد مصلطح خاص بالعقل اقتباس:
اقتباس:
اقتباس:
اها فعلا بس مؤكد ان العقل موجود ومؤكد انه شئ حسي او عضو ف جسم الانسان والدليل تجربه عالم سويسري اسمه البرت هوفمان كان بيجري تجارب ع مواد كيمياوية ادت لانتجاج او مركب هلوسه بيتمكن من اثاره العقل وتهييج الذكريات وبما ان العقل ممكن اثاره او تهييجه باستخدام مركب ما اذا فيه فعلا وجود للعقل وممكن زي ما انتا قلت احتمال يكون العقل عباره عن اعاده ترتيب ذكريات وتجارب الانسن ف سياق الموقف المعروض بصراحه مش عراف اتكلم كويس دلوقت عشان مستعجل بس اوعدك اني حعلق بشكل افضل المره الجايه وحعلق ع بقية الردود جزاكم الله خيرا :D |
اقتباس:
و انا كمان خلصت بقى كتبت كتييييييييييير :( يلا موش اشكال :rolleyes: فى رعايه الله |
اقتباس:
بس حقول ايه بعد أحمد بس :D احنا ممكن نجيب الموضوع برضه بطريقه تانية يعني فعلا الانس والجن مخلوقين عشان العباده بس ايه هي العباده المطلوبه منهم هل العباده مجرده الصلاه والصوم وذكرا الله :D التأمل عباده العمل برضه عباده العلم عباده تعمير الكون عباده حتي المعصية كانت ف الاصل عباده المعصية جات نتيجه تصور خاطئي للعباده او تفكير خاطئ بيها يعني التفكير بيكون اسهل الطرق للوصول للعباده الصحيحه لله سبحانه وتعالي ابو الدرداء احد صحابه الرسول صلي الله عليه وسلم قال قال فيما معناه ـامل ساعه خير من عباده سنة اقتباس:
مش مشكله بس فيه فعلا حالات لاشخاص تانيين وصلوا لمقدره عالية جدا ف تخطي الحدود البشرية او استخدام الطاقة الذهنية للعقل والامثله كتير زي رهبان التبت او نوستراداموس او تجربه لعالم اسمه د للي اقتباس:
فعلا العقل معرفة وبصيره بس هل فعلا الانسان لازم يقف عند حدوده الجسدية هل يقف عند الجزمه زي ما ف اسطوره ما بتتحدث عن فنان اغريقي كان بيحب ينصت للاقوال اللي بيقولها الناس ف لوحه وف مره سمع جزمجي بيقول مقاس الجزمه اللي ف اللوحه اكبر فقام الفنان بتعديلها تاني مره قال الجزمجي شعر الشخصية مش كويس كان رد الفنان لا ترتفع عن الحذاء واعرف حدودك هل فعلا عقلا الانسان اشبه بالجزمه او الجزمجي مجرد ادراك ومعرفه بالمعطيات اقتباس:
وجهله برضه غير محدود وحيرته برضه غير محدوده بس المهم ايه المنطق الاسنب للتفكير غالبا بيكون التفكير من الابسط للمعقد من اسهل الامور للاكثر صعوبه بس برضه مهما وصل الانسان من علم حيظل الانسان جاهل وحيظل العلم جنين اقتباس:
المهم حاليا اغلب اللي ردوا كان ع النقطه الاولي الخاصه بتحديد مفهوم العقل او التفكير برضه فيه نقطه مهمة اوي نقطه مين المفروض يكون المسيطر العقل ام الجسد غالبية البشر بيكون العقل بيمشي حسب شهوات او لذات الجسد يعني لو شفنا تعاليم البوذية بنلاقيها بتنص ع اربع حقائق اساسية اولها ان الحياه في اعماقها تعيسة ثانيها ان سبب تعاسه الحياه انانية الانسان وشهواته ثالتها يمكن التغلب ع الانانية و الشهوانية بالوصول لحاله النرفانا اي انعدام كل شئ ف اعماقه يعني ساعتها حيكون الجسد هو التابع مش السيد رابعها الوصول لطريق الحقائق الثمانية فكره صحيحة ...كلمة صحيحة ... تأمل صحيح ... فعل صحيح ..نظره صحيحة بصراحه مش فاكر الباقي :D يالا شكرا ع المرور الجميل |
اقتباس:
ليس لاحد فينا الحكم بالفتوى بالموضوع وانا لما اتكلمت قبل كدة معاكم فى الموضوع دة كان الكلام بالادلة على الجملة نفسها وليا عودة حضراتكم فى امان الله |
اقتباس:
لان النية بتختلف من واحد لتانى فى القول انما بيكون فيه حكم عام على الجملة من حيث المعنى المراد بشكل شائع منها برضه انا كما كنت عايز اتكلم ع الجمله دي اقتباس:
بص يا اخ بسام دلوقتى ربنا قال وما خلقت الانس والجن الا ليعبدون معنى كدة ان الغاية الوحيدة من الخلق هى العبادة فقط ولا غير طب والعبادة دى بتيجى ازاى العبادة بتنقسم لاشياء كتير جدا اول شىء النية فى العلم ودة قبل العلم ذات نفسه والى الصحابه قالت عليه ان النية فى كثير من الاحيان تكون خير من الف عمل وبردة الى قالوا احد علماء المغرب فى كتابه المدخل الكتاب دة اسمه المدخل لان عنوانه فى المدخل يعنى عنوان تقريبا صفحة والى كان بدايته (المدخل بالنيات الى الاعمال الصالحات) ولكا بدأ يتكلم فى الفرق بينا وبين اى صحابى حتى وان فعلنا كل الى كانو بيعملوه بالملى هو النية تانى حاجة بتأتى بعد كدة العمل وعلى فكرة النية بتكون وادرة عن تفكير _بأخلاص_ مشس بيتحقق مع اى حد ودى الى الامام وضحه فى الفرق بينا وبين الصحابه عموما عشان الكلام مش يكون كتير احنا لما بنتلكم عن الجلمة بنتكلم من حيث مشروعيتها وليس انى اصدر فتوى بحق الكلمة الجملة بتقول خلقنا من اجل التفكير وانا عارف اننا مش قولنا ما خلقنا الا من اجل ان نفكر ولا قولنا لم نخلق الا لنفكر بس لما تيجى تشوف الجملة من حيث معناها الجملة خاطئة لان الجلمة ليس لها الا سؤال واحد لماذا خلقنا؟ تكون الاجابة من اجل التفكير انا كلمت احمد على الموضوع دة وقالى ان ربنا قصر على العبداة بأسلوب استثناء ما والا وهو اقوى اساليب الاستثناء وان احمد جاب زى استثناء خفيف للمعنى ولله المثل الاعلى طبعا انما لما نجيب كلمة الخلق مش ينفع نقول حاجة جنبها غير الى ربنا ذكرها مثلا كثير من قصص التوارة والانجيل الى نزلوا على موسى عليه السلام وعيسى عليه السلام قصص توحى بكثير من العباد كانت فعلا كل الى بيعملوه انهم متفرغين للصلاة والذكر وفقط وفعلا ليهم منازل عالية فى الجنة مثلا الى هايفكر فى الصلاة ومعانيها هايفرق كتير عن ال بيصلى وهو مش فاهم حاجة عشان كدة ممكن نجيب اى جملة تانية نتكلم فيها بضرورة التفكير فى الحياة وليس المعنى اننا خلقنا من اجل التفكير وان شاء الله متواجد ومعلشى ان كان كلامى مش مرتب ومتلخبط فى امان الله |
بعيدا ً ان مسار الموضوع هيتغير فالإسلام وإن دعا إلي شئ دعا للفهم الملازم للدعوة او النهي ولو تلاحظ ان فيه آيات كتير في اخرها لعلكم تفقهون لعلكم تعلمون لعلكم تعقلون وقبليها غالبا هتلاقي نهي او أمر ولو إننا مبنفهمش صح لكنا فهمنا وما خلقت الجن والإنس إلا ليعبدون اننا نقعد نتعبد ونتقرب فقط بالعباده ونُهمل كل شئ لذلك فالغايه الاولي قد شرعها الله سبحانه وتعالي واستدلالك غير مسند بعض الشئ يا سعيد انك بتقول لماذا خلقنا ؟ الاجابه من أجل التفكير ؟!! كلف نفسك واسأل اللي جاي طيب مهو ممكن تتابع معايا هنا لماذا خلقنا ؟ ---------- من أجل العباده ------------- وكيف تأتي العباده ؟ بفهم الأمر الإلهي ومعرفته معرفة شامله وكيف سنعرفه ؟ بإعمال العقل الذي دعا إليه الله عزوجل وما وظيفه العقل وماذا سيفعل ؟ الإدراك والفهم وما هو الإدراك والفهم في ماهيته وما يحمله ؟ ------------------------ التفكير ------------------------ وماذا يتأتي بعد التفكير وما المرحله التابعه بعد التركيز ف هذي العمليه ؟ التفكر الذي دعانا إليه رب العباد وما هو التفكر ؟ التمعن في آيات الله عزوجل وخلقه ولماذا نتمعن ؟ كي نعرف مدي قدرة الله عزوجل ونعرف نعمه علينا وماذا يفيدنا ان نعرف ؟ -------- من أجل العبادة .. كي نعبد الله حق عبادته --------- إذن فالمنظومه بادئه من أول العباده ومنتهيه بالعباده والتفكير وسيلة ف العباده مش اكتر ده الفهم والجمله لازم تتفسر كدا زي ما الآيه بردو لما اتفسرت اتفسرت العباده فقط ؟ لاء اتفسر بعد كدا كل شئ يعتبر عباده العباده الشامله مش العباده الجزئيه اللي تُفهم من الوهله الاولي كما ان العبوديه في اللغه هي التمهيد والإعداد يُقال " عُبَدت الطريق " أي تم تمهيدها وإعدادها لقطع المسافات عليها كل أنواع الطاعات اللي بتمهد الإنسان للعباده الشامله والوصول للحق .. أطلق الله عليها عباده والتفكر أمر والتفكير طاعه تُبلغنا الأمر فمفروض نفهم معني الجمله مش النيه كمان لاء معني الجمله انما اي حد هيتكلم عن الشكل فللأسف مش هقدر اسمعله :) اتمني نأجل المناقشه ف موضوع تاني ويتم مناقشه موضوع بسام |
اقتباس:
اقتباس:
وانت عارف انى مش بتكلم لما مجرد ان حاجة تطلع منى اقتباس:
اللهم انى بلغت اللهم فأشهد وان شاء الرحمن اناقش الموضوع الاصلى |
منتظرين مناقشتك ف الموضوع الأصلي يادكتور وعلي فكرة الجمله كانت تفسير لعمليه التفكير إنما اللفظ في مجمله دعوة عشان بس كلامي يتفهم صح وخصوصا الجمله اللي حطيت تحتها خط انت :) |
مشكله الموضوع دا ان فيه حاجات كتير بكون عاجر ع التعليق عليها لجهلي :d
المهم حعلق ع اللي بفهم فيه اقتباس:
حنلاقي الكمبيوتر بتكون فيه ذاكرتين الرام " الذاكره المؤقتة " ..الهارد ديسك الذاكره الدائمة وطبعا بتكون فيه معلومات ع شكل اوامر او ع اشكال معينة هيا اللي بتخلي الكمبيوتر ما يمسي بالعقل الالكتورني لو جينا ف الانسان فالمخ برضه نفس الوضع فيه short term memory ودي بتخزن عن طريق changing the sensitivity of synaptic transmission bet. neurons تغيير ف حساسية النقل عن طريق التشابك العصبي بين الخلايا " اسف ع الترجمه الرديئة" :D ودي موجوده تقريبا ف ال medial temporal lobe وفيه long term memory ودي عباره عن تغيير ف تركيب التشابك العصبي بين اخللايا العصبيه اقتباس:
انا تقريبا قولته بطريقه تانية ف رد بعد كدا ب اقتباس:
يعني حاليا معظم الناس بيمشوا ورا نزواتهم او رغباتهم ااكتر من التفكير المنطقي اقتباس:
يعني مثلا ف فتره كان الصاروخ والغواصه واكلام دا عباره عن جزء ف روايه خيالية لجول فيرن العلم بيتقدم جدا بس انا كان قصدي اسلوب التفكير دايما البشر بيشغلوا نفسهم بمواضيع بتكون اكبر من العقل البشري ف فتره ما صحيح دا ليه فوايده بينمي التحدي والتفكير بس اسلوب التفكير لو اتسم بالتدر من الابسط للاصعب حيكون احسن :d حكمل بعدين ان شاء الله :D |
اقتباس:
الحمد لله انا فاهم المعنى كويس يا احمد نيحى بقى للموضع الاساسى ازاى بنفكر؟ دلوقتى انا عن نفسى ليا اربع اجابات وخامسة فى وسطهم كدة الاولى الجهاز العصبى الرئيسى (المخ) او ما يسمى ب(الدماغ) دلوقتى معروف ان التفكير مش مجرد اننا نحسب بس بردة فيه ذاكرة وفيه استجابه وتكيف الجسم وكدة بس الملاحظ ان اولا المخ زى ما ردسناه فى الاحياء وخاصة النصفان الكرويان مليئان بالشقوق والاخاديد بينهما طيات وتلافيف انا والحمد لله مش كنت بسيب كلمة غير لما اعرف قصده ايه سالت فيها المدرسين والدكاترة الى على اتصال بيهم اول مدرس قالى افتح كدة كتاب الدليل وشوف رسمة كدة لتجربة من العلماء وانت تعرف ليها شقوق وخاديد لاقيت مجموعة من العلماء عاملين رسم بيانى يوضح العلاقة بين الذكاء لاكتر من فرد واكتر من ائن حى وعدد الشقوق والاخاديد دى لقوا ان حصلنا على علاقة طردية بين عدد الاخاديد وذكاء الانسان وكذلك مستوى ذكاء الحيوانات ودة الى انت كنت بتسأل عنه الفرق بين مخ انشتاين والاهلاوية:d ان مخ انشتاين بالفعل سمعت عن مساحته انه كبيرة جدا واحد يقولى ازاى يعنى دماغه كبيره:confused: لا كلما زادت عدد الشقوق والاخاديد زادت مساحة سطح المخ والى بيزيد من خلالها عملية التفكير بالاضافة لووجود مراكز الذاكرة فى الفصوص الامامية من النصفان الكرويان دة كلامى بأيجاز عن المخ :::::::::::::::::::::::::::::::::::::::: الهرمونات عرفنا من خلال دراستنا بردة ان من وظائف الهرمونات (سلوك انسان ونموه العاطفى والتفكيرى) ودى الى بيختلف من شخص لاخر والى اكيد اى حد بيلاحظ انه فعلا بيختلف والهرمونات دى المواد الكيميائية الى بتنبه الجسم ولكن بتأثر ابطأ من الجهاز العصبى لما بنيجى نقارن بينهم :::::::::::::::::::::::::::::::::::::: اهم حاجة القلب دلوقتى قبل ما نتكلم عنه فى الدين نقول اولا العلم وصل ازاى اول عملية للدكتور مجدى يعقوب والى عملت بلبلة شوية فى بعض الجرايد طبعا لنقل القلب واحد اتنقله قلب شخص اخر بدأ يقول كلام غير مفهوم ومع البحث لاقينا ان الشخص دة بيتكلم بأحداث القلب التانى سبحان الله طب الدين قال ايه النبى صلى الله عليه وسلم وضع السيادة للقلب حينما قال الا ان فى الجسد لمضغة اذا صلحت صلح الجسد كله واذا فسدت فسد الجسد كله الا وهى القلب طب ما زى ما قولتنا يا بسام مش لازم يعنى العضلة يبقى نقول ليه النبى صلى الله عليه وسلم قال كلمة (مضغة) ونفس الكلمة جائت فى اية سابقة (فخلقنا العلقة مضغة) الى كانت بتتكلم عن مراحل الخليقة طب حديث اخر (ان القلوب بين اصبعى من اصابع الرحمن يقلبها كيف يشاء) طب دعاء اخر (اللهم يا مقلب القلوب ثبت قلبى على دينك) طب حاجة تانية (عندما اطلع الله على القلوب فوجد خير القلوب هو قلب محمد بن عبد الله عليه الصلاة والسلام فأختاره خاتم المرسلين) ومن بعده قلوب الصحابة فأختارهم لصحبة النبى المختار نيى بقى نتكلم علمى كمان طب والعضلة دى فيها ايه بتفكر؟ يعنى بمقطع للقلب مافيش فيه غير عقدة عصبية كهربية تسمى العقدة الجيب اذينية امال مين الى بيعمل كدة ؟؟؟ نيجى للشفرة الوراثية للتوضيح بعض الشىء جميع الخلايا فى جسم الانسان بها نواة بداخلها سيتوسول بداخلها جينات بداخلها الحمض النووى DNA يتكون من كوتونات الكوتون الواحد يتكون من ثلاث شفرات تتجمع مع بعضها لاظهار صفة معينة لذلك خلايا المخ ليها وظيفة غير وظيفة القلب غير المعدة بالرغم من تشابه جميع مكونات الخلية من نواة وسيتوبلازم وجهاز جولجى.......الخ ولكن الفرق الوحيد هو فى الشفرات الوراثية يعنى مثلا اول لما الجنين يوصل فى بنت امه الى 8 او 16 خلية تبتدى كل خلية تاخد شكل لواحدها و تتمايز فكان التبرير الوحيد طبعا بعد قدرة الخالق عز وجل هو ان الله جعل المادة الوراثية هى المسئولة عن ذلك التمايز :::::::::::::::::::::::::::::::::::::: نيجى بقى لاهم حاجة وهى الروح عرفنا من الاديان السماوية جميعها ان فيه حاجة اسمها روح خبيثة وكذلك روح طيبة وامنه طب ايه هى الروح راحوا اليهود واحنا عارفينهم انهم دايما من اذكى الناس عاوزين يعرفوا هل النبى بيقول كلام من عنده ولا من الخالق راحوله سألوه عن الروح لان ماحدش سال عنها من قبل فسكت النبى ووعدهم بالرد ولكن بعد نزول جبريل عليه السلام فكانت الاجابة (ويسألونك عن الروح قل الروح من أمر ربى وما أوتيتم من العلم الا قليلا) طب ايه هو مشوار الروح وليه جسد الميت بيكون فيه جميع الاعضاء بس مش شغال وايه هو الى قاله الطب عن الروح هاقول الكلام دة بمشيئة الرمن بس الفجر أذن مش ينفع اقعد اقول كلام فى الدين واسيب الصلاة:d لما اجى هاكمل بعون الرحمن فى امان الله |
وقال الذين لا يعلمون لولا يكلمنا الله أو تأتينا آية كذلك قال الذين من قبلهم مثل قولهم تشابهت قلوبهم قد بينا الآيات لقوم يوقنون ابتديت بالاية لان خير الكلام كلام الله والاية ببردة بتوضح ان الاقوال تشابهت نتيجة تشابه القلوب نيجى بقى لموضوع الروح مرة تانية دلوقتى لما الميت بيكون ادامك هل كل اعضائه موجودة ايوة طب ايه الى حصل اعضاء وقفت طب وقفت ليه لان عمره انتهى طب هى اصلا فضلت شغالة لغاية امتى (لغاية لما الروح خرجت) وزى ما قلت ان فيه روح خبيثة وروح طيبة طب المشوار الطبى مع الروح! اول حاجة حبوا يقيسوا وزن الروح وضعوا ميت خلاص يعنى على وشك الموت واسوا وزنه بميزان دقيق ولما مات وزنوه لاقوا فيه فرق بضع مللى جرامات بس الموضوع شككهم لان اصلا فى كل شهيق بيتبقى حوالى 10% فى الرئة من هواء الشهيق وبيكون طبعا له كام دور كدة فطبعا يئسوا من موضوع انه يقيسوا وزنها خاصة انك مثلا لو فى مكان مغلق من جميع النواحى لو مكتوبله الموت هايموت وبردة روحه يا هاتطلع فى مشوارها الى اغلبنا عارفه مثلا الجسد موجود بس الروح بتكون مع ملك الموت فى المشاور بتاعها لغاية الميزان ودة الى متفق عليه فى الاديان ان كل انسان سيحاسب بعد موته طب ما الجسم موجود تحت المخ والقلب والجهاز الهرمونى والشفرات الوراثية عشان كدة انا برجع جزء من التفكير للروح وخاصة عند التفريق بين انواع الارواح وكمان حنا ما شاء الله مش نعرف عنها اى حاجة يعنى هيئتها شكلها حجمها اى حاجة مافيش خالص وكمان الله عز وجل بين فى الاية انها من امره وان علمنا مهما كان هايكون محدود جدا :::::::::::::::::::::::::::::::::::::::::::::::::: ::::: وعلى فكرة بردة لما نيجى نتكلم عن القلب له ايات كثيرة جدا واحاديث كثيرة مثل اية التى تتحدث عن ام موسى واخته كلثم ان ام موسى دخلت قصر فرعون بنفسها وبأرادتهم كما وعدها الله ان يرد موسى اليها المهم الام من الصعب انها بعد ما كانت سايباه فى النهر مش تعلن انها امه او يبان عليه عشان كدة القران الكريم وضح فى الاية (وأصبح فؤاد أم موسى فارغا إن كادت لتبدي به لولا أن ربطنا على قلبها لتكون من المؤمنين ) وَنَطْبَعُ عَلَى قُلُوبِهِمْ فَهُمْ لَا يَسْمَعُونَ) [الأعراف: 100]. قلوبنا في اكنة مما تدعونا اليه وفي ءاذاننا وقر ومن بيننا وبينك حجاب ) ... ((ذالك بأنهم أمنوا ثم كفروا فطبع على قلوبهم فهم لايفقهون )) ( لولا نزل عليه القراَن جملة واحدة كذلك لنثبت به فؤادك ) :::::::::::::::::::::::::::::::::::::::::::::::::: ::::::::::::::::::::::::::::::::::::: ولما جبت اعمل بحث شوية فى الموضوع دة لاقيت فى حاجة كدة اكتشفها العلماء فى المخ فكان دة نهاية الكلام كما ينظر العلماء إلى الطبقة الخارجية من المخ على أنها المسؤولة عن مستوى تفكير الإنسان والاتصال والتواصل سواء بين الإنسان والآخرين أو بين أجهزة الجسم عبر المراكز المنتشرة في المخ. :::::::::::::::::::::::::::::::::::::::::::::::::: ::::: معلشى يا جماعة الكلام ملخبط لانى بنام قليل اليومين دول بس ان شاء الله لسة هاجيب شوية ابحاث كدة فى الموضع بس الى ملاحظة ان الموع كان مثبت ليه اتشال تثبيته؟ هو معنى ان النقاش وقف شوية ان الموضوع مش فى غاية الاهمية؟ ولا تقريبا كل فترة نعمل موضوع نحط فيه قوانين جديدة ونلغى مكانها تثبيت واحد! |
:::::::::::::::::::::::::::::::::::::::::::::::::: ::::::::::::::::::::::::::::::::::::: موضوع جميل لاقيته فى احد المنتديات بسم الله الرحمن الرحيم قبل اربع سنوات طرح سؤال للنقاش في القاعة بين احد الطلاب والدكتور كان السؤال هو اين يفكر الإنسان? هل مركز التفكير هو المخ ام القلب؟ كان رأي الطالب ان مكان التفكير هو القلب وإستدل بقوله تعالى {أَفَلَمْ يَسِيرُوا فِي الأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لا تَعْمَى الأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ} وكان رأي الدكتور ان مركز التفكير هو المخ وأن هذا شي اثبته العلم الحديث وانتهى البحث منه لم اشارك ذلك اليوم بهذا النقاش لأني لا ألم بالموضوع وليس من عادتي أن أتكلم بما لا افقه ولكني خرجت وقد اثار الموضوع فضولي أول ما طرأ في بالي بعد خروجي ذلك اليوم هو أن أقراء تفسير الأية الكريمة لعلي أجد مايشفي تعطشي لهذه المعلومة وبعد بحث في عدة تفاسير وجدت تفسيراً أنقله من تفسير القرطبي حيث يقول فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا أَضَافَ الْعَقْل إِلَى الْقَلْب لِأَنَّهُ مَحَلّه كَمَا أَنَّ السَّمْع مَحَلّه الْأُذُن . وَقَدْ قِيلَ : إِنَّ الْعَقْل مَحَلّه الدِّمَاغ ; وَرُوِيَ عَنْ أَبِي حَنِيفَة ; وَمَا أَرَاهَا عَنْهُ صَحِيحَة حاولت أن اتوسع فلم أجد طرحاً أخر تكلم في هذا الموضوع يمكنني الإعتماد عليه ومن عجائب الصدف أن أُقيم ذات يوم معرض للكتاب فوقعت على كتاب أعجبني عنوانه إسمه الفيزياء ووجود الخالق من تأليف الأستاذ الدكتور جعفر شيخ ادريس رئيس الجامعة الأمريكية في واشنطن الكتاب بحق أعجوبة ويرد على الملحدين وقد تطرق الدكتور في كتابه لنفس الموضوع الذي كنت أبحث عنه ويالفرحتي بعد أن تقطعت بي السبل وجدت بصيص من أمل يفتح لي المجال مرة أخرى لأعاود البحث في الموضوع حيث يقول الدكتور في تعليقه بالهامش على العقل والقلب " ليس في لغة العرب واستعمالات القرأن الكريم هذا التقابل الشائع بين القلب والعقل,بل مايسمى في الإصطلاح الشائع عقلاً هو الذي يسمى في القرأن الكريم ولغة العرب قلباً. وأما العقل فإنما هو-في لغة العرب والإستعمال القرأني-فعل القلب. فالقلب هو المحل, والعقل هو مايحدث في ذلك المحل , لذلك لم تأتي كلمة(العقل) في القرأن الكريم إلا فعلاً , ولت تأت اسماً قط . حتى حين تستعمل في غير القرأن الكريم فإنما المقصود به المصدر , فتقول عقل عقلاً كما تقول قرأ قراءة . وقد يقال العقل ويراد به القلب من باب تسمية الشيء بمحله , وقد يكون العكس أيضاً . وإذن فبالقلب يفكر الإنسان وبه يتأمل ويستنتج , وبه يحب ويكره . وغني عن القول أن المقصود بالقلب هنا ليس مجرد ذلك العضو الحسي وغني عن القول أن المقصود بالقلب هنا ليس مجرد ذلك العضو الحسي , وإنما المقصود به أساساً الروح التي بها تكون كل أنواع الوعي البشري . وأما الجسم قلباً أسميناه أو دماغاً فليس مصدراً ولا محلاً للوعي , ولكن له به تعلقاً لتعقله هو بالروح " إلى هنا انتهى كلام الدكتور الذي قام بنقله من فتاوى الشيخ ابن تيمية رحمه الله الجدير بذكره أن الشيخ العلامة ابن عثيمين رحمه الله له رأي يوافق هذا القول تماماً وهو أن التفكير يكون بالروح التي تسري في الجسد كاملاً ومركزها القلب وأن المخ له ارتباط بالتفكير من خلال الروح وانا اميل لرأى الشيخ ابن عثيمين وبحاول الى حد كبير اربطه بالعالم الى قبله لان الشيخ ابن عثيمين كلامه غالبا بيكون زى ما بنقول احنا كدة بالعامية (جامد شوية) بس انا شايف اننا ممكن نربط بينهم الى حد كبير :::::::::::::::::::::::::::::::::::::::::::::::::: ::::: |
هى الناس راحت فين الى كانت فى الموضوع؟
فين الاخ بسام؟ |
اها
اسف يا دكتور ع التأخير وع عدم القدره ع رد مجمل لكلامك عشان فعلا مستعجل اوي النهارده المهم اول نقطه حضرتك اتكلمت فيها كانت موضوع الاخاديد والشقوق وعلاقتها بالذكاء يعني بمعني تاني عدد الخلايا العصبيه ف المخ كان تقريبا فيه تجربه لعالم اسمه مايكل ماكدنييل بتقول الاشخاص الاكثر ذكاء بيتعلموا ف وقت اقل باخطاء اقل وانتاجية أعلي ودا اللي ممكن يتشماشي مع البحث اللي اجراه العلماء ع مخ اينشتاين كلما زاد الذكاء زادت عدد الخلايا العصبيه المهم ايه الميكانزم او الطريقة اللي بتم بيها عملية التفكير ايه الاعضاء اللي ف الجسم بصفه عامه او الاجزاء اللي ف المخ بتأثر ع عملية التفكير . دي اول نقطه تاني نقطه الهرمونات معظم تأثيرات الهرمونات بتكون ع عمليات لا ارادية او لا تفكيريه زي الهضم او اتركيز بعض المواد ..الخ يعني زي الادرينالين او النوادرينالين بتقوم بنفس وظيفه الجهاز السمبثاوي او البارا سمبثاوي " تقريبا بيسموهم كدا " :d المشكله اني مسافر كمان ساعه فمش حقدر اكمل :d |
اقتباس:
|
موضوع جميييييييييييييييييييييييييييييييييييييييييييييييي ييييييييييييييييييييييل
|
رائع جزاك الله خيرا
|
انا وبس
انا اعارض ما تقولون تماما لان هذا الكلام هو والفلسفة واحد والفلسفة لا اقتنع بها ابدا واقولك ازاي تفكر اذا انت لا تعرف كيف تفكر يا دكتر ربنا خلق للانسان العقل وميزه عن باقي المخلوقات ونحن هنا في شمال سيناء نعرف نفكر اما انتم فاذا لا تعرفوا تفكرو فالله اعلي واعلم ونحن لم نخلق لنفكر مثل اينشتاين لان لوان اينشتاين كان يعرف كيف يفكر لاهتدي الي الاسلام والله اعلم
|
البشر ممكن يكونوا مخلوقين للتفكير
................ والله يعجز قلمي عن الكتابة رجاء اخي ان تتاكد من مصادر مواضيعك قبل كتابتها ( وما خلقت الانس والجن الا ليعبدون) |
شكرا و جزاك الله خير
|
بارك الله فيكم
|
| جميع الأوقات بتوقيت GMT +2. الساعة الآن 01:03 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.