|
الانتحار الحلال
http://vb.elebda3.net/uploaded/48142_1222175725.jpg طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة، ده غير إنه كمان بيودي النار، لكن المفاجأة الذكية اللي اكتشفناها مؤخراً إن فيه انتحارات جديدة لانج نزلت السوق مؤخراً مابتوديش النار؛ لأن اللي ميت منتحر الحكومة بتسميه شهيد بالصلاة ع النبي.. هنا 6 أنواع للانتحار بيدخلوا الجنة.. الطريقة الأولى: لو عايز تنتحر وماتبقاش منتحر في نفس الوقت عليك وعلى حي الدويقة ومنشية ناصر اللي الخنازير ماشية بتلعب فيها، والناس بتهشهم ولا كأنهم قطط!! ده غير الروائح الكريهة الصعبة لدرجة إن فيه سكان هناك بيحلفوا إنهم عمرهم ما فتحوا بلكوناتهم من ييجي أكتر من 30 سنة.. كل ما عليك لو سيادتك مش لاقي شقة تسكن فيها وعايز تنتحر لهذا السبب، إنك تجيب كام صفيحة حديد على كام خشبة مسوّسة، وتبني بيهم عشة في حضن جبل المقطم، مع مراعاة أن يكون تسريب الصرف الصحي الخاص بك على أعلى الجبل، وكلها شويتين والجبل مش هيستحمل الصرف الصحي بتاعك أنت واللي معاك وهينزل على نافوخكم واحد واحد وكلكم تتكلوا على الله في ثواني، وحتى اللي هينجى منكم وهيفضل حي تحت الأنقاض محدش هيعرف ينقذه أو يوصل له وبرضه هيموت هيموت ، والذنب طبعاً هيكون على الحكومة اللي ما وفرتلناش سكن غير في المناطق العشوائية اللي في حضن الجبل اللي صخوره وحجارته مابترحمش وبتنزل على الغلابة تدفنهم بالحيا. الطريقة التانية: ركوب الأوتوبيسات اللي بتطلع على الكباري وهي متكدسة بالبشر زي الأوتوبيس اللي وقع بالركاب بتوعه من كام سنة من على كوبري في الجيزة وكل اللي فيه ماتوا، والناس الغلابة اللي كانوا ماشيين في حالهم لا بيهم ولا عليهم تحت الكوبري برضه ماتوا، وعندك كمان كوبري السيدة عائشة اللي كل سنة يقع من عليه أوتوبيس أو ملاكي أو تاكسي أو عربية جيش، وآخر مرة الأرض هبطت تحت الكوبري، وطبعاً الحكومة هتعتبرك شهيد وتصرف لأهلك مكافآت كمان. الطريقة التالتة: بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني.. الطريقة الرابعة: حج البيت لمن استطاع إليه سبيلاً.. تجهز كل تحويشة عمرك وفي الغالب مش هتكفي إنك تطلع للسعودية طيران، يبقى يا معلم مفيش غير العبارة، ناقص بس تلبس ملابس الإحرام وأنت في العبارة عشان تكون متكفن جاهز وشوية وهتغرق بيك المركب ولو ما موتش غرقان يبقى القرش هياكلك وهتبقى ميت شهيد وتبقى آبا الحاج الشهيد، وسلم لي على "ممدوح إسماعيل"! الطريقة الخامسة: أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك.. لو أنت ليك مزاج تموت بقى وخايف تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما بقول لك كده يالا بسرعة إجري إلحق القطر، وساعتها تبقى موتة ومكتوبة لك حاجة ببلاش كده.. يا إما القطر هيولع بيك والسواق هيفصل العربيات المحروقة عشان تواجه مصيرك مع نفسك زي ما حصل في قطر الصعيد من 6 سنين، يا إما هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة المياه وقعت بيك تحت القطر يا إما القطر يخرج عن القضبان ويتشقلب بيك في الهوا، يا إما عربية تريلا فراملها تسيب وتلبس في القطر زي قطر مطروح، وفي كل الأحوال سيادتك ميت ميت. الطريقة السادسة: محدش فينا ماسمعش عن طريق المحور اللي المفروض إنه بيختصر الطريق.. وماحدش فينا برضه ماسمعش عن الحوادث والكوارث اللي بتحصل عليه كل يوم.. كل ما عليك بقى لو أنت عايز تنتحر بشياكة إنك تتلكك وتروح أي مشوار بيعدي من على المحور، ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان وقبل منهم السيد رئيس الوزراء وصورتك تيجي في الجرايد ببلاش من غير ما تكلف عيلتك حق النعي في صفحة الوفيات.. وصباح الخير يا مصر.. http://www.vb.elebda3.net/images/smilies/mnql1.gifhttp://www.vb.elebda3.net/images/smilies/mnql1.gifhttp://www.vb.elebda3.net/images/smilies/mnql1.gifhttp://www.vb.elebda3.net/images/smilies/mnql1.gif بس عجبني :mellow: |
:(البقاء لله:( :pده احنا ميتين ميتين طول ما احنا في البلد دي:p |
فعلا احنا بنموت كل يوم بس بصورة اصغر شوية من الانتحار ودا بقا افظع من الانتحار |
بصراحه اكيد الانتحار دا احسن من احسن حاجه عند حكومتنا لينا واحنا عايشين
|
معاكى حق و الله يا ايمى
اى حد عايز ينتحر يجى مصر بس عارفة بردوا ارجع اقولك محدش بيموت ناقص عمر اكيد مكتوبله انه يموت فى الوقت ده و ربنا بيسبب الاسباب و لكن بردوا لازم نسعى عشان نقلل الاهمال ده تقبلى مرورى |
دا احنا على كدا ميتين بقالنا 15 سنه ......
|
موضوع زى العثل يا ايمى عجبانى الفكره والتجميعه وطريقه عرض الفكره .. كميل كميل
اما بالنوسبه للى جواه والمصايب اللى اتطرحت فربنا ينجينا من البلد والحكومه والدنيا دى وتكون الجنه لينا بس بعد مكل واحد يصلح حاجه طول عمرى ببقى عاوزه افهم ازاى مش عارفين نعمل حاجه واحنا 80 مليون او اكتر يارب نبطل سلبيه بدعيها واحنا فى الايام الجميله دى وتكون موتتنا مش مجرد نموت من المشاكل دى لا هنموت واحا بنحاول نحلها وهنكون بكد ضمنا الجنه باذن الله |
شكرا على الموضوع
وانا اكتر حاجه عجبانى فيه طريقه عرضه |
مش من النهاردة
دا احنا ميتين من سنين فاتت شكراً يا بنت الاسلام وهكذا يثبت حالنا |
بجد موضوع جااامد جدا وصح خمسمية المية واسلوبك تحفة ويسلام على كل الطرق دي للانتحااار بجد جامده مرسي عا الموضوع
|
رينا يسترها معاكى يابنتى دنيا وآخره لو عاوز تموت لو عاوز تموت موت موت موت إيه يانتى التشاؤم ده دا أنا كنت هتشل وأنا بقرأ وحاسس إنى مع آخر كلمه هلاقى سيف طالع شايل رقبتى ويوقلى ولا أقولك بدل كل ده موت هنه بجد هم يضحك وهم يبكى |
موضوعك بجد جميل اوى وطريقة عرضه فعلا جميله
لكنه مليان كوارث ومصائب انا كنت حاسه انى هموت وانا بشوف الموضوع ويارب بلادنا تتغير وتتقدم للامام, وده شبه مستحيل دلوقتى بس يارب تتغير والله كل واحد نفسه يغير من بلده لكن كل واحد حاسس انه لوحده علشان كده مش بيحصل حاجه وكل واحد يقول خلينى ماشى جمب الحيط.....سلمات يا حيط. والله التغيير لازم يكون بدايته من الشعب لانه اصبح سلبى اوى الحاجه بتغلى ونقول حسبنا الله ونعم الوكيل...طيب وبعدين!!!!!!! ولا حاجه. بتمنى ان البلد دى تتغير قريب. ويارب مكنش طولت عليكم |
ههههههههههههههههههههه
الحمد لله انا هموت شهيده اصلى فى الدراسه هركب قطر الصعيد كل شهر يعنى لو ممتش الشهر دا هموت الشهر اللى وراه وهكذا ابقى اقره عليا الفاتحه كويس الواحد هيموت بدل العشيه دى |
هههههههههههه
ما هو ده حالنا في مصر شهداء عند الحكومة فقط |
يااااه يعني الواحد بيموت وهو مش واخد باله
هههههههههه |
موضوع تحفه الواحد كان محتااااار بس كده خلاص وصلت الفكره
|
طب و بعدين ده احنا هنخلص كده :eek:
|
اقتباس:
انت كده هتخوفينا عليك لا خدى بالك من نفسك احنا عوزينك معانا فى المنتدى |
اقتباس:
لا اله الا الله:d اقتباس:
شكرا على الرد:) اقتباس:
نورتي الموضوع:rolleyes: |
اقتباس:
اقتباس:
اقتباس:
شكرا ياقمر على ردك نورتي الموضوع:rolleyes: |
بجد موضوع حلو اوى اوى اوى يعنى الواحد يروح يمين ميت شمال برده ميت عشتى يا مصر |
اقتباس:
بس الموضوع مش بتاعي:d اقتباس:
نورت الموضوع:rolleyes: اقتباس:
بس المشكله انه مش اسلوبي:mellow: |
موضوع رائع
هبقي اختار حاجة منهم ان شاء الله |
الله أنا مش مصدق ان ده بيحصل للدرجه دي
|
اقتباس:
هههههههههههه بعد ده كله لسة عايش وبترد في الموضوع:lol: بس برده هو ده اللي بيحصل:mad: شكرا على الرد;) اقتباس:
نورتي الموضوع;) |
اقتباس:
بعد الشر ربنا يستر عليكي ياارب;) اقتباس:
ههههههههههههههههه شكرا على ردك الجميل نورتي الموضوع اقتباس:
شكرا على ردك الجميل نورت الموضوع:rolleyes: اقتباس:
اقتباس:
انا حاسة اننا بنتضاعف يوميا:d |
اقتباس:
شكرا ياقمر على ردك نورتي الموضوع;) اقتباس:
شكا على الرد نورت الموضوع |
انا لله وانا اليه راجعون
لا حول ولا قوه الا بالله ابقو افتكرونا عشان السفر والكليات |
موضوع جميل جدا
والواحد فعلا بيموت كل يوم لو بيعمل الحاجات دي يوميا وتقبلوا مروري |
| جميع الأوقات بتوقيت GMT +2. الساعة الآن 08:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.