|
ضروري لطلبة كلية الحقوق
أنا جاتلي فكرة يا جماعه
أي حد في فرق أعلي في كلية الحقوق يدخل ويسيب نصيحه للي لسه داخل مستجد وبالمرة نتعرف علي بعض وعلي فكرة انا حقوق بنها ياريت نلاقي ناس في بنها |
الرد على الاسئلة
انت لازم تتعب فى حقوق عشان هى صعبة وان شاء الله ربنا يكرمك
|
اهلا بيك يا باشا بص حقوق عاوزة واحد بيحبها الىل بيكرها مش هيفلح فيها حب ما تعمل حتى تعمل ما تحب
وانا لغغية دلوقتى باعمل من غير ماحب |
حب ما تعمل حتى تحب ما تعمل
امشى بالمقولة دى فى كلية حقوق علشان تبقى ماشى فيها كويس |
متشكر أوي يا جماعه علي الردود
لو حد يعرف أي حد في حقوق بنها يلاغيني عشان انا معرفشي أي حاجة هناااك ولسه مروحتش الكلية لغاية دلوقتي |
بس يا جميل لا يضيع الله اجر من احسن عملا فالحقوق دى بصراحه عايز جد موش هقوللك زاكر طول اليوم والحورات دى انا هقوللك كفايه ساعتين او ثلاث ساعات فى اليوم ده كفايه قوى بس تبقى مذاكره بجد وان شاء الله ربنا يسهلهلنا وذاكر واعمل اللى عليك وان شاء الله ربنا هيحقق للك امانيك واحلامك واهدافك واسعى يا عبد وانا اسعى معاك |
با جماعة المذاكرة بتكون قبل الامتحان بشهر وهتجيب تقدير، اهم حاجة الفهم قبل الحفظ لان فية اسئلة عملية بتحتاج انك تكون فاهم االمادة زى مادة المنظمات الدولية فيها اسئلة عملية يعنى تحتاج للفهم يعنى ااسئلتها بتحتاج انك تجيب من عدة جزئيات من المنهج
|
شكرا ياجماعه على النصائح دى وان شاء الله هحاول اعمل به علشان ربنا يكرمنى
|
بص يا مان
اولا انا حقوق بنها ثانيا لازم تفهم ثم تفهم ثم تفهم ثم تحفظ ما يجب حفظة وان شاء اله تجيب التقدير الى بتتمناة وربنا يحميك من الباشا جميل حسين وكمان لازم تعرف ان التوفيق من عند ربنا يعنى تعمل الى عليك والباقى سيبة على ربنا |
:slap1qk6:
اقتباس:
:078111rg3: |
:av4056bb7jp3:هاى يا جماعه انا فى حقوق بنها ومش طيقهاخالص ومش عارفه اذاكر حاجه بذات منظومات دوليه لجميل حسين وخايفه اوى لحسن اشيل مواد او اعيد
|
:av4056bb7jp3:انا فى حقوق بنها وكنت مش طيقاها فى الاول لكن لما عرفت اصدقاء كتير حبيتها بس الدراسه فيها صعبه ومش عارفه اذاكر كلمه بذات المنظمات الدوليه لجميل حسين:bosyht9:
|
بصي يا قمر الموضوع مش صعب والله إنتي شدي حيلك أوي في المذاكرة
وربنا معاكي إن شاء الله وبالنسبة للمنظمات هي سلهة بأمر الله بس إنتي إحضري ولو حتى ما كنتيش بتفهمي من الدكتور صدقيني هتلقطي كلمتين أو تلاتة تفهميهم منه ممكن يفرقوا معاكي وإمسكي الكتاب وإقريه تلات أربع مرات ومرة قبل الإمتحان وكمان لو فيه ملزمة ذاكري منها جامد أوي وإن شاء الله تعدي يعني بس إنتي إعملي اللي عليكي ومايهمكيش بعد كده من أي حاجة |
اقتباس:
انتى لسة مشفتيش حاجة لما يدرسلك لغة هتعرفى يعنى اية جميل حسين وجبروت جميل حسين جميل حسين دة ادى دفعتى كلها واهنا فى سنة اولى 6 من عشرين فى اللغة وانا ولا فخر كنت من القلة القليلة جدا جدا جدا جدا الى يتعدو على اصابع الايد الواحدة الى نجحو فيها منغير رفع ودة لسبب واحد ان الباشا كان عامل كتاب من 600 بالانجليزى وفى الاخر معجبهوش وجاب الامتحان كلة من برة لاكن بردو لا يئس مع الحياة رغم الى عملة دة انا الحمد لله قدرت اعوض بردة فى اولى وفى تانية وحافظت على الجيد جدا بتاعتى رغم غلاسة ورخامة وغطرسة الاستاذ الدكتور جميل حسين gamal saber |
انا كمان في حقوق بنها وجميل خنقني وطالب مننا بحث عن قبول عضويت اسرائيل في حق الامم المتحده
وعايزه حد يساعدني |
عمر مكانت كلية الحقوق مشكله قد ما الدكتره هم الى بيبقو اكبر مشكله انت بتشتكو من حقوق بنها امال لو كنتو اسكندريه ولا عين شمس كنت عملتو ايه انت المهم عدى من سنه اولى وبعدين ربنا يفرجها
|
احنا عندنا فى الحقوق جامعة حلوان الدكاترة زى العسل بينصحونا وبيشجعونا على قد مايقدرو انا بصراحة حبيت حامعة حلوان من قلبى
|
اقتباس:
|
انا محمود فى حقوق بنها
|
انا ساره حقوق بنها
|
ياجماعة على بتقولوه حقوق بنى سويف جنة هو فى حد حقوق بنى سويف
|
شكراااااااااااااااااااااااااااا
|
اقتباس:
انا صاحب الموضوع علي فكرة بس نسيت الباس بتاع الاشتراك بتاعي فعملت اشتراك جديد وانا يكون ليا الشرف اني أتعرف علي الجروب بتاعكم وانا آسف جدا علي التآخير في الرد |
اقتباس:
منورة ياسارة وشكرا علي ردك أنا آسف اني اتأخرت في الرد انا اسمي محمد التركي حقوق بنها |
انا اسمي محمد فى رابعه حقوق بنها
بص انت لازم تحبها اوى اوى لان بجد لو طلعت محامى سوري مش هيبقي ليك مستقبل وعند اقل مثال واحد زيي اهو انا كنت داخل مش حاببها وبشييل كل سنه مواد وماكنتش اعرف ان الكليه دى لو زاكرت فيها حلو وجبت تقدير هتبقي برنس فى البلد دى كفايه انها بتخليك وكيل نيابه وانا بجد حبيت الكليه دى بس خلاص بعد فوات الاوان وانا فى رابعه حبتها وانا شوفت وكلاء نيابه كتييير ولو تعرفو بيتعاملو ازاى فى البلد دى والله كل البلد هتدخل حقوق وتبقي وكلاء نيابه |
انا اسلام من حقوق بنها الجامعه الي يدخلها وينجح فيها يبقي مخلص لاكن لو ركنت جنب الحيطه زي العربيه الخربانه مش هتجيب مبلول حتي لازل الي ماذكرش زيي كده من اول الترم يزاكر في اخر شهر ولسه اودمكم وقت وربنا معاكم ومعانا
|
نصيحتى ليك ولاى حد لسه داخل الكلية جديد انه يركز مع الدكاترة والشرح ويحضر بانتظام ويقعد فى اول المدرج
ويبعد عن اللعب لان الكلية دى من احسن الكليات بس عايزة اهتمام ومذاكرة |
انا فى حقوق بنها وعندنا امتحان منظمات وماده رخمه اووى والكتاب يجيب احباط وانا زهقت واتخنقت من الماده دى
|
اقتباس:
هانت خلاص هما يومين ونخلص من المنظمات ربنا يستر من اونكل جميل ويكون جميل معانا في الامتحان:( |
بص يامان كلية حقوق عايزه واد مخلّصّ وواعي وفاهم الحياة ماشية ازاي .
هى بتعتمد على نص فهم وكمية حفظ رهيبة(الحفظ ثم الحفظ ثم الحفظ)حتى لو عناصر ,بالطريقة دى هتجيب جيد جدا اما لو حضرت اخر شهر فى المحاضرات يبقى امتياز طبعا مع الحفظظظظظظظظظ. على فكرة انا معايا بكالريوس تجارة القاهرة وبدرس فى سنة تالتة حقوق وتقديري جيد سنتين .( القاهرة) وكان لية اصدقاء من دفعتي ودخلو بنها تجارة وحقوق وتجارة خارجية وكلهم شكروا فى بنها وكلياتها شد حيلك وربنا يوفقك |
اتمنى تكونو اوفر حظا منى متتصدموش الصدمة بتاعة النهاردة
ابقو طمنونى |
انا في حقوق بنها الفرقه الاولي ايه رأيكم في امتحان امكنظمات كان جميييييييييييييييييييييل جدا محدش كان متوقع انه كان هيبقي سهل كده الحمد الله عقبال الشريعه يارب
|
هاى انا بسمة فى ثالثة حقوق بنها بجد دكتور جميل مخاتوليش كلام اقوله عليه بس فاضل كلمة واحدة حسبى الله ونعم الوكيل نفسى يكون عندى اصحاب اكتر من كلية الحقوق جامعة بنها:av4056bb7jp3::078111rg3:
|
ارض الله
ربنا معانا كلنا ادعولى عندى مادة تخلفات يوم الاربع لغة بتاعت جميل ربنا يسهلنا فيها
|
اقتباس:
ان شاء الله ربنا هيسهل منورة المنتدي يا بسمه |
مشكور علي المجهووووووووووووووووود
|
ايه يا جماعه انا فى 3 حقوق القاهره واللحمد لله العمليه ماشيه تمام معانا
بصراحه اللى يقول انى حقوق عايزه حفظ يبقى غلطان حقوق فهم وبسس افهم هتعرف تجاوب لانى الدكتور مش عايز الكلام اللى فى الكتاب هو عايز الكلام اللى انته فاهموا وبس وانا اللحمد لله ماشى بالطريقه دى فى التلات سنين واللحمد لله بطلع بتقدير |
انا اسمى احمد صالح كليه الحقوق جامعه اسيوط فرقه اولى
|
| جميع الأوقات بتوقيت GMT +2. الساعة الآن 06:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.