|
ملتقى طلاب صيدلة القاهرة
بسم الله الرحمن الرحيم عملت الموضوع ده بدل ما يكون هناك اكتر من موضوع يتكلم عن الكلية وياريت كل واحد عنده اخبار عن الكلية او عن اى جداول نزلت فى الكلية يكتبه هنا واذا كان اى حد عنده مشكله يكتبها هنا ونحاول كلنا نساعده بإذن الله ياريت كل صيادلة القاهرة يدخلوا ويتفاعلوا مع الموضوع اه بالمناسبة فى سكاشن يوم الاحد والاثنين وانا لسة ما اشتريت الادوات .هوة عادى لما اروح وانا معيش الادوات ولا لازم اشتريها ؟ |
لا يا دكتورة لازم تروحي بالادوات http://www.thanwya.com/vb/showthread.php?t=76240 وده بالنسبة للجدول |
شكرا يا دكتور هحاول اشتريها قبل ما اروح الكلية
|
طبعاً لو فيه اى سكاشن يوم الاحد والاتنين انا مش هجيب اى ادوات وخلاص لأن لكل معمل أدوات معينه وكل دكتور بيطلبها لوحدو فياريت يا جماعة نستنى بموضوع الأدوات ده لحد أما الدكاترة تطلب عشان منجبش حاجات زيادة انا ممكن اروح بالبالطو احتياطى
|
2 مرفق
يا دكتور قسم الكيمياء التحليلية حدد الادوات المطلوبة والورقة دى متعلقة على منفذ بيع كتب الكيمياء التحليلية بمبنى شئون الطلبة
يعنى لازم نجيب الادوات معانا |
شكرا ليكي يا دكتورة
بس أعتقد صعب أن حضرتك تشتريها قبل ما تروحي الكلية |
الحمد لله ما كان عندى سكشن اليوم
|
momken 2a3raf 7aga ento gebto karnia el kolya wala eih bas 3ayza 2a3raf el maw2ee3 el rasmi beta3 el kolya eih
|
السلام عليكم
كل سنة وانتم طيبين انا حمادة الفرقة الرابعة ممكن انضم ليكوا كصديق ونفيد بعض اكتر ولا دة تطفل مني موقع الكلية www.Fopcu.Edu.Eg |
سلام عليكم ازيكم يا جماعة انا النهاردة كان عندى سكشن اناليتكال وكان جميييييييييييييييييل جدااااا عملنا 5 تجارب وحسيت بجد انى في صيدلة من النهاردة والمعيد شرحه كويس وحلو بس مش زي د/ رشا بصراحة وبس ويادكتور حمادة تطفل ايه بس داحنا نتشرف بيك يادكتور اكيد طبعا نعتبرك صاحب واخ كبير وهنسألك كتير بس مش تزهق مننا:d |
اقتباس:
:pانا بردو حضرت سكشن التحليليه وكان حلو جدا وعملنا كل التجارب بنفسنا وكان ممتع جدا:cool: |
اقتباس:
لالالالالالالالالالالا هو اى حد يحضر يقول حضرت ولا ايه:p:p:p دانا شفت اللي مش هشوفه تانى واحد كسر انبوبته بانه فضل حاططها علي النار (حسيت انه مستني الفرخة لما تبيض) وواحدة بتحط Hcl بالقزازة كلها فادلقت علي ايديها وواحد لابس النضارة والجوانتي وحاسس انه داخل عملية ولادة:d:d ناس عجيبة انا برضه حرقت انبوبة بس مش اتكسرت والتجربة طلعت تمام :d:d |
:d:d:dاحنا بقى في المعمل محصلش اي حاجه من الحوادث دي بصراحه لسه مشفتش اي حاجه من الحوادث اللي انت قولتها:cool::cool::cool: |
اقتباس:
بالراحة على الناس شوية يا دكتور سيب الناس تجرب دول اول مرة يقفوا في معمل:lol::lol: على اساس ان مدارسنا مكنش فيها معامل |
اقتباس:
أهلا بيك يا دكتور معانا |
اقتباس:
أنا سمعت ان فى واحدة أغمى عليها فى السكشن ربنا يستر معايا السكاشن بتاعتى هتبدأ من يوم الثلاثاء والاربعاء |
السلام عليكم
كل سنة وانتم طيبين شكرا للدكاترة اللي ردت وانا تحت امركوا كلكوا وهكون سعيد لو قدرت افيدكوا بجد وانا في انتظار استفساراتكوا |
ايه ياجماعة الموضوع نام ليه كده محدش بيذاكر ولا ايه :romarioxp6: |
لا يـا دكتور فى مذاكرة بس مش قدام الكمبيوتر
يعنى الواحد بينســى حاجة اسمها كمبيوتر لما بيذاكر وكمان يومين بالنسبة لى مش هفتحوا عشان المذاكرة الجد هتبدأ بإذن الله |
الجدول الجديد صيدله القاهره
:(:(بليييييييييييز يا صيدله القاهره محدش معاه الجدول الجديد ينزله ضروووووووري لانه لسه منزلش على موقع الكليه رد ضروري:(:( |
الجدول الجديد
1 مرفق
ده الجدول الجديد متغيرش فيه الا السكاشن بس انا متوقع ان يحصل تغيير تانى لأن الأسماء كل شوية بتتغير وانا فى الكشف القديم كنت جروب ب وفى الجديد بقيت أ :confused::confused:وضاع منى سكشن وحاجة تمااااااااااااام. الواحد بدأ يتخنق من نظام الكليه ده فى المدرسة مافيش الكلام ده وموقع الكليه ماشاء الله مابيحصلش عليه اى تغيير الا كل شهر :redface::redface::redface:
|
سلام عليكم بقولكو يا جماعة انا جبت الخمس ادوية بتوع الاورينتاشن وجبت منهم حاجت كتير زيادة كمان عن الخمسة اللي هي عاوزاهم بس مش عارف اكتبه ازاى في الزفت الشيت ومفيش حد اعرفه عارف هيعمل ايه وانا محضرتش المحاضرة بتاعتها فياريت تردو بسرعة قبل بكره وردو في اى وقت لانى قاعد مش بنام وبس |
تكتب فى ظهر الشيت تقسمه على الخمس ادويه
اكتب اسم الدواء ثم الجرعه والتركيز وباقى الاشياء انا عارفه ان الشيت صغير بس صغر خطك وان شاء الله حيكفى انا الورقه كفت معايا |
يا جماعة هوة احنا هنذاكر كل إلى خدناه فى محاضرة orientation ولا فى جزئيات فهم بس ؟
وياريت إلى اشترى ورق محاضرات يقول انا مش عارفة فى ورق كتير محاضرات ودروس بيتباعه فى المكاتب ومش عارفة ايه احسن ورق لكل المواد ماعدا طبعا الــ orientation يــــــا ريت حد يساعدنى |
جدول التحليلية الجديد الفرقة الاولى صيدلة القاهرة
ده جدول التحليليه الجديد(يا رب مايتغيرش تانى)
http://e:/DSC00057.JPG ولو فى اى تغيير ان شاء الله حقولكم |
1 مرفق
معلش ده الجدول عشان مظهرش فى الاول
|
صبرنا يارب علي الناس دي
انا بجد اتبهدلت من كتر التغييرات دي شكرا ليكي يادكتورة |
momkeen 2a3raf men da5al clinical fi kolya
|
Thanks Dr.
|
ana ma3rafsh
|
:078111rg3:شكرا ليك جدا يادكتور |
شرح نظري العملي للorganic
:d:dسمعتوا ياجماعه عن ان بعد كده من الاسبوع الجاي باذن وغالبا يوم الخميس هيبقوا يشرحوا نظري العملي في مدرج رجب فهمي عشان لما ندخل المعمل منعملش حاجه الا العملي :d:d
|
محاضره الorganic ضروووري
:stickjo4::stickjo4::stickjo4:لو سمحتوا يا جماعه حد حضر الorganic مع دكتور محمد كمال ودكتور لمياء اصل انا في الاول كنت group b وبعدين بقيت a ولما كنت باحضر مع د|محمد كمال كنت بفهم منه جدا ولما حضرت مع د|لمياء حسيت ان انااتلخبطت جدا محدش يعرف يا جماعه ايه الحل:angry2::angry2::angry2: |
أنا سألت د/ محمد وقال ان شرح العملى هيكون يوم الاربعاء بعد محاضرة الmath
|
أيوة فعلا ده اللي هو
pre lab شكرا ليكي يا دكتورة علي التنويه |
بصي يا دكتورة
ممكن ما تحضريش مع دكتورة لمياء و تحضري مع دكتور محمد كمال لما مش يكون في نفس وقت السكشن |
اقتباس:
ده رأيى ايضا |
يـــــــــا دكاترة ياريت تبقى تساؤلاتنا وأخبار الكلية والمحاضرات فى موضوع واحد عشان يبقى فى تنظيم
|
يــــا رب ما يتغير الجدول تانى
الكلية دى مش منظمة خالص لحد دلوقتى مش عارفة ادفع المصاريف والخزنة الزحمة كتير حوليها حتى قبل ما تتفتح |
اقتباس:
و بالنسبه للورق اغلب الورق اللى فى المكتبات ورق السنين اللى فاتت و على العموم اغلب المناهج مبتتغيرش بس نصيحة من اخوكم اللى فى رابعه حاولوا فى الفترة دى تقضوها فهم من المحاضرات سواء اللى فى برنت او فى زيروكس على حسب انت حترتاح فى ايه يعنى حاولوا تفهموا المواد بتتكلم عن ايه و الكلمات الصعبه تترجموها و كده و اسبوع كده كمان تكون الدروس بتاعة السنادى بدأت فيكون الورق بتاع السنادى نزل انا سمعت ان فى الاناليتيكال فيه مجموعه حيديها د/عمرو بدوى و ده دوكتور ممتاز جدا و بالنسبه للرياضه فيه ورق نزل فى برنت ملوش حل شارح بالعربى و فيه امثله كتيير و حتفهموا منه ان شاء الله و ربنا يوفقكم ان شاء الله |
شكرا ليكم ياجماعه بس ده ميعملش مشكله بعد كده في امتحان الشفوي لو هي امتحنتني انها مش تكون شافتني كتير ولا ايه رد ضروري |
العفو ده واجب علينا |
اقتباس:
و بعدين مش كل اللى فى جروب أ حيدخل لدوك/لمياء بس عادة الدكاترة بيحفظوا شكل الطلبه اللى بيروحوا ليهم المكتب بتاعهم و يسألوهم |
السلام عليكم
ازيكوا ياجماعة واخبار الدراسة معاكوا اية وانا عندي رأي بالنسبة لمصادر المذاكرة لازم تذاكر من مصدر واحد بس والا مش هتعرف تذاكر اصلا وبالنسبة للمصادر اما محاضرات او دروس المحاضرات جميلة جدا في مكتبة الدرة وفيها كل الزيادات اللي الدكتور بيقولها واللي بيحب ورق الدروس انا شايف ان مفيش فرق بين الورق الجديد والقديم في البتني في ورق احمد فتحي وعبد العاطي والافضل عبد العاطي والافضل منة المحاضرات وفي التحليلية والفيزيا ورق حسام حسن مفيش احسن من كدة والعضوية ورق بيتر لو بينزل وصحيح عملتوا اية في الانتخابات شفتوا بلدنا ازيك يا خالد انا معاك في نفس السكشن واكيد انت خالد عصام |
يــا جماعــة فـــى حد هيروح رحلة دريم لاند ؟
|
انا مش رايحه
|
اولاً الرحلة لدريم بارك مش دريم لاند ثانياً الرحلة مش جامدة اوى يعنى انا عن نفسى مش هروح
|
ماشى يا دكتور
انت ليه متعصب أوى كده دى حتى الجامعة ياما حتعلم مش كده بردوا |
أنا مش متعصب
على فكرة انا مش متعصب خالص:angry2::angry2::angry2: ده مجرد تصليح بس وفعلاً انا بتفق معاكى ان الجامعة ياما بتعلم "ان دريم بارك غير دريم لاند":):):):)
|
ازيكوا يا دكاترة يارب تكونوا بخير . ياريت لو فيه حد حضر ال sheet بتاع ال organic فى معامل الاسبوع اللى فات يحطهولنا عشان انا مش عارف هيجى ازاى وياريت يقول درجتوا على فكرو الsheet بيتغير من معمل لأخر فياريت لو فيه كذا شيت تحطوه
|
| جميع الأوقات بتوقيت GMT +2. الساعة الآن 06:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.