|
للرجاال جميل العزاء . . وللنساء طوول البقاء
بالصدفة لاقيت جرنال فى المكتبة الاثرية(مكتبتى) :d بتاريخ 1931/4/25 قريتها بسرعة وكده بس لفت نظرى مقالة للكاتب/ فكرى اباظة خصوصا انه بدا كلامه وقال: هل تصدقنى اذا قلت لك ان الواحد مناا- نحن الرجال - سيتمنى بعد قليل انه لو كان(انسة) او (سيدة) او حتى (عجوز شمطاء) من الجنس اللطيف؟. !!!! استغربت من البداية دى . . كملت شوية لقيته بيقول: لقد برزت المراة المصرية فى الميدان.. فاشتركت فى التضحيات العمومية والمظاهرات وخطبت فى المجتمعات وكتبت فى الجرائد العمومية وابدت رايها فى السياسة ونالت عطف الرئيس وتشجيعه مما قوى عزيمتها ورسخ قدمها فلها الان شخصية بارزة مستقلة وارادة حرة قوية وراى سياسى ناضج. انا اتبسطت من المكانة اللى وصلت ليها المراة من زمان كده وباعتراف كبار الكتاب فى الجرنال بالمكانة دى ومدحها بالشكل ده . . . . لكن بعد ما مشيت شوية فى المقالة لقيت انه مش مدح ده (قر):mellow: على نجاحات المراة لان نهاية المقال بتقول: اسفى على شباب اليوم امثالى !! واحسرتاه !! لم يسعدنا الحظ بالزواج فى ايام الرخاء. والويل لو اقدمنا على ذلك الان. فتستفسر الخطيبة عن شكلى_اولا_ ومبلغ رقى العصرى _ثانيا_ ونزعتى الحزبية _ثالثا_ ورايى الاجتماعى _رابعا_ فان تم الزواج وعرضت مسالة سياسية اختلفنا فيها فستنادى . . بسقوطى . . وسانادى . . بسقوطها . . وستكون لها من اولادى حزبا تراسه الزوجة وحزب يراسه الزوج. . والويل الويل حينما يتغلب الحزب الاول !! هذه مملكة الجنس اللطيف اتصورها على مقربة منا . . فهل اعد الجنس الخشن لها عدة ؟!! . . . . . . انا استغربت . . هو الجنس الخشن هيعد العدة يعمل ايه يعنى؟! فضلت اقول : يا سلام بقى لو الكاتب/ فكرى اباظة كان عايش لحد دلوقتى وعاصر قد ايه تطورت المراة ودخلت كل المجالات وشافها وهى رئيسة دولة. . ومستشارة فى النيابات الادارية وسفيرة وقائد طيارة وسياسية وضايطة شرطة واثبتت نفسها فى مجال الالكترونيات والمعمار وحتى فى النشاطات الاجتماعية والفنية. . مش عارفة . . انا حاسة او متخيلة انه كان اول من ينضم الى جمعية يا رجال العالم اتحدوا ونادى بانتشارها. . . . . . لكم ايها الشباب جميل العزاء وللجنس اللطيف طوول البقاء. . كما يقول استاذنا / فكرى اباظة . . |
بصى يا زوزو اقولك ع حاجة كون ان البنت تثبت نفسها فى مجال يناسبها دى اكيد حاجة جميلة بس كون اننا نقارن بين البنت و الولد لا بصى عشان بس نكون ناس صريحة البنت عامة او غالبا مش بتبقى اد الشغل زى الولد و ده اصلا لانها مثلا بتتعب بسرعة فى حاجات مش بتستحملها زى الولد زى بالضبط مافى شغل للبنت مش للولد فكونى عايزة اثبت نفسى مش شرط اروح اشتغل شغلانى ماليش فيها و اقول اصل مافيش فرق و البنت زى الولد و الكلام ده بس اكتر حاجة عاجبانى يا زوزو العنوان:rolleyes: |
هههههههههههههه الموضوع جميل ياترفيل بس انتى عارفه الستات فعلا حاليا وصله دول عده الحدود كمان مفيش شغلانه مشتغلهاش انا مومن بالمساوة وبان المرأة نصف المجتمع بس حاليا المرأة بقيت 3/4 المجتمع وانا متوقع ان قريب الراجل فعلا هيعمل جميات ينادى فيها بالمساؤة مع المرأة فى كل شى ربنا يهدكم :) |
اقتباس:
:lol::lol::lol::lol::lol: و انا بقول امثال المفكر العظيم بتاعك جم منين :rolleyes: حقد طبقى :d تمييز عنصرى:d هضم لحقوق المراه :d ثوره الفلاحين :d يا بنتى حكايه الشغل عامه دى فى المركز التانى ماشى احقق نفسى و كل حاجه بس بعد ما اتاكد انى عملت اللى عليا فى الحاجه الاصليه اللى المفروض اعملها بس هو ده ملخص الحكايه على العموم ابقى سلميلى على عمو نظمى ده :d:d فى رعايه الله |
يا جماعه واضح إن المرأة خدت حقها وزيادة شويتين
بس انا عجبنى رأيك يا أرق ملاك ويعتبر ده رأيي بردوه شكر الله سعيكم يا ترافل ومنجليكوش فى حاجه وحشة . . |
شكرا على الموضوع المتميز
يا اختي يوجد امل في وجود رجال فالرسول الكريم(ص)قال الخير في امتي الي يوم الدين. اذا اردت امثله فانظر الي فلسطين والعراق |
هههههههه حلو الحذب دا يا ترافيل ( يا نساء العالم اتحدو ) نقول ايه بس ربنا على القوى:d اقتباس:
واضح جدا والله حتى فى محطات البنزين وسباكين وسواقين و.... ,,,,,و,,,,, فى كل حاجة معدوش مخلين لنا حاجة نشتغلها ربنا ينتقم منهم:d حتى فى اى مكان ( مطلوب انثات للعمل ) مفيش مكان كتب ( مطلوب رجال للعمل ) وعادى جدا اقتباس:
ودمتم فى رعاية الله التطور الطبيعى للمراة زى التطور الطبيعى للحاجة الساقعة اللى يعيش ياما يشوف دمتم سالمين |
موضوع جمييييييل:d
وفعلا زى ما ارق ملاك قالت البنت انها تثبت نفسها وتححق ذاتها ده حاجه جميله ومحدش يقدر يمنع البنت من الشغل ويقعدها فى البيت بصى البنات انواع فى بنت تقولك اخد شهاده الثانويه واقعد فى البيت وواحد تقولك اخد بكالوريوس واقعد فى البيت ما هى اخرتها هتجوز وهقعد فى البيت بس يبقى معايا شهاده كويسه وبنت واللى انا منهم:d كل ما تحقق حاجه حتى لو منجحتش فيها اوى تحاول يبقى عندها هدف اسمى وتحاول تثبت نفسها وتحقق هدفها وتشتغل بس مهما كان فى اولويات انا شكلى طلعت بره الموضوع شويه;) على العموم شكرا ع الموضوع الجميل ده واكتر حاجه عجبانى العنوان:d |
أنا واحد من الناس اللى مؤمنين جداااا بإن عمل المرأه غير مقبول تماماً وإن عمل المرأه بيكون داخل الأسره تربى أولادها تاخد بالها من جوزها وهكذا هتقولى طب ليه بنتعلم من الأول بتتعلموا عشان تربو أولادكم صح " الأم مدرسه إذا أعددتها أعددت شعب طيب الأعراق " ومؤمن أيضاً بإن من الأسباب الرئيسيه للى إحنا فيه دلوقتى هو عمل المرأه عارفين ليه لأن بمنتهى الصراحه معظم النساء دلوقتى مبيعملوش بجهدهم بل بيعملو بجسدهم وأعتزر عن الصراحه واللى مش مصدق كلامى يفتح الجرنال فى أى يوم ويشوف صفحه الوظائف هيلاقى مواصفات البنت المطلوبه جميله حسنه المظهر المرأه فاكره إنها حطمت القيود وطلعت بره عصر الجاهليه اللى كانت عايشه فيه وإنها بقت فى المقدمه بعملها لكن المشكله إنها خلعت ثوب العفه والطهاره وخرجت للميادين كى يباع عرضها على الملأ غير آبيه بتعاليم الدين دا رسولنا الكريم قال إن صلاه المرأه فى البيت أفضل من صلاتها فى المسجد طب ده ليه ياترى حد ممكن يرد عليا شايفين العباده فى البيت أفضل من المسجد العباده اللى بنعبد فيها ربنا لو عملتها فى البيت أفضل لها طب ليه ردو عليا ؟! و فى الآخر تقولو مساواه بجد المرأه صعبانه عليا :( |
موضوع جميل جدااااااااا يا ترافل اكتر موضوع قريته النهارده وعجبنى .. بس معلش هعلق ع الرد الاخير بعد اذن حضرتك اقتباس:
وانا صعبانه عليا بردو ان محدش فاهم اهميه ده بالنسبه ليها .. لا عمل المراه حاجه علمانيه ولا غيره .. عمل المراه طبيعى فى ظل الظروف الراهنه دى ... اسفه ع الاطاله |
اقتباس:
بصى هقولك حاجة دلوقت مبقاش فى فرق بين البنت والولد بدليل ان البنت بقت تشتغل وظائف الرجالة هاتيلى شغلانة هى مشتغلتهاش !!!! اتحداكى ان طلع في اللى لسه عامل قيود الاهل انهم لازالوا بيرفضوا الشغل الصعب علشان ده مينفعش للبنت اقتباس:
ايه رايك ؟؟ |
اقتباس:
توجيييه بس وشكرا مره تانيه ع الموضوع عارفه انى حشريه وبرد كتير :) بس انا قلت فوق انه عاجبنى ^_^ |
اقتباس:
اهو مثال حى للكاتب احم بص عندك حق فعلا الستات فعلا مفيش حاجة ممسكوهاش او بمعنى مسبناش حاجة للرجالة:d بس عادى سنة الحياة:mellow: |
اقتباس:
فى رعاية الله وامنه :) |
اقتباس:
سو يا عبيطة:d ده موضوعك انا كنت هقوم دلوقت بس لمحت جملتك دى وشلتينى ده موضوعك عيشى معايا فيه (انتى مش شايفة عاملين ثورة بيطالبوا بحقوق الرجل ازاى):d |
انا الاول حقول رايي بجد فى الموضوع ما دام وصل لثوره الرجال دى المهم اولا خلونا متفقين ان شغل المراه ده حق من حقوقها و محدش بقدر يحرمها منه بس ليه شروط كتييييييييره الاول فيهم انه يكون حاجه تانيه فى حياتها بعد البيت يعنى مش تسيب بيتها عشان تشتغل تانى حاجه و اللى متقلش اهميه عن الاولانيه ان الشغل يكون فى مكان محترم و ان هى تراعى لنفسها سواء فى اللبس بتاعها او لو كان فى الموضوع اختلاط فى مكان الشغل تالت حاجه بقى كمصدر مالى للاحتياج يعنى اللى معندهاش حد يصرف عليها او برده اللى بتساعد جوزها فى الفلوس و الشريحه دى بتمثل تقريبا غالبيه الموظفات فى المصالح الحكوميه دى الظروف اللى بيسمح بيها الست للشغل و اعتقد ان الموضوع بيتكلم فى نطاق الستات اللى من الفئات دى فمينفعش نطلع بره عن الحدود دى و نقول مينفعش شغل اساسا عشان اسباب هى اساسا عكس الحاجات الاساسيه اللى بنتكلم عليها عن شغل المراه ماشى لحد هنا نمسك بقى حته الغزو الستاتى اللى بيتكلموا عليه انا صراحه شايفه ان 60 % من اللى بيشتغلوا تقريبا بيندرجوا تحت خانه الحاجه للفلوس و النوعيه دى حتلاقى ان اكترها بيتركز فى المصالح الحكوميه اللى الحمد لله الستات بيروحوا مش بيعملوا حاجه او فى الحاجات الخاصه فى الشغلانات الصغيره يعنى ممرضه خياطه كده من نوعيه الشغل دى نمسك بقى فى ال 40 % التانيين حتلاقى انهم بقى اللى بيمثلوا الحقد الموجه للستات عشان دول اللى اتعملوا خلصوا كلياتهم غالبا و نزلوا عشان يحققوا ذاتهم مش عشان الفلوس كهدف اساسى و ان كان اكيد هدف الفلوس موجود و نقول تانى هما دول اللى حيبقى فيهم الدكتورات و المهندسات و كده باقى الحاجات المهم بقى ان 30 % منهم المجتمع نفسه ميقدرش يستغنى عنهم عشان فعلا بيعملوا دور فعال اللى بقى عايزه اوصله ان 10 % بس هى اللى بتتركز فيهم كل الحاجات اللى الكل بيشتكى منها يعنى ال 10 % دول هما اللى كل الناس شايفاهم و بتضرب بيهم المثل ان كده مينفعش و الكلام ده و ده طبعا بيدل على انه كلام و خلاص احم احم هو ده بس رايي نمسك بقى فى الراى التانى اقتباس:
احم بلاش نبدا الدعاوى عشان محدش حيعرف يغلبنا :d اقتباس:
ما هى صعبانه على الكل مش عليك بس بجد اقتباس:
انا اعتبرته خلاص و ركنت فيه :d يلا بقى يكش تطردينى :rolleyes: فى رعايه الله |
ركزى فى ردى شويه يا asdat هتلاقينى قلت ان لو الواحده عندها اطفال تعد تربيهم اولى لغايه مرحله وبعد كده تكمل .. بس :d
|
اقتباس:
اقتباس:
|
اقتباس:
يارييت حضرتك تقرى الموضوع مرة تانية |
اقتباس:
المهم اللى انا عاوزه اقوله ان بردو احنا متعلمناش عشان ولادنا احنا اتعلمنا عشان نفسنا وعشان مجتمع مجتمع محتاج لاى نبغه سواء بنت او ولد لما تيجى واحده تلاقى مشكله لحاجه فى المجتمع ده مش هيجوا يقولو دى بنت مش هنفز كلامها كلها بيشتغل للصالح العام المعروف ان عقل المرأه جمالها مش لبسها ولا مكياجها والست اللى نازله عشان تعرض نفسها دى قله او ناس مخها تعبان وبردو الراجل اللى نازل عشان يعاكس السكيرتيره ده راجل مخه تعبان فمنتكلمش ع الست ع انها مجرمه اجرمت بنزولها لشغل وان الراجل برىء وفى قول لعلى رضى الله عنه بيقول يهتف العلم بالعمل فان اجابه والا ارتحل يعنى علمنا ده لعملنا وفى بعض الحكماء بيقولو ان او اديب مش عارف المهم ان العمل ترس يقى سهام البلاء والجد سيف يقطع اعناق الشقاء لا خير فى قول الا مع العمل والعمل عباده معرفش اقول اكتر من كده ايه اعتقد كده كفايه |
اقتباس:
فى امان الله صعبت عليا يا محمود والله ياللا دمتم فى رعاية الله:d |
اقتباس:
بالعكس كلامك جمييل فعلا اللى مخلينا (مملكة الجنس اللطيف) تتقدم اصرارها وعزيمتها على انها تعمل حاجة تكون حاجة. . تكون نفسها . . ذاتها خاصا كما بعد ما ظهرت المشاكل وتحكم واستبداد الرجل (غالم غدارة):mellow: انا مش بيعجبنى فعلا انواع بنات بتفكر تفكير سلبى تكتفى بشهادة والسلام ولما بتكمل تعليم حتى بيبقى غصب عنها وبعدين بقى (يا رجال العالم اتحدوا) احسن:d اقتباس:
!! طويب |
اقتباس:
امممممممم لا مش معاك فى ولا كلمة قلتها غير ان المراة ليها دور فى تربية الاطفال والاعتناء ببيتها اقتباس:
ارجع للتاريخ شوف كام امراة ناجحة كان ابناءها ازاى؟ اقتباس:
متعممش كلامك خصصه والا هدى شعراوى صفية زغلول جيهان السادات والعالم دى كلها ينطبق عليها كلامك:rolleyes: . . . . اولا لو بصينا للوظايف زى ما انت بتقول اللى بيدوروا على حسنة المظهر دول طالبين سكرتيرات بائعيين كده انما بص فى باقى الوظايف هتلاقى الدكاترة او المحاسبين او اى وظيفة مش هتلاقى الشرط ده ومعتقدش ان فى سبب انت قلته يخلى المراة مجالها ونشاطها واضح اوى كده فى المجتمع وحكاية انها بتشتغل بجسدها دى مش صح يارييت تبقى تحذفها علشان مش كل البشر زى بعضها انت عارف معنى الجملة دى ايه كويس . . . . اعتقد ان المراة ظهرت واشتغلت بسبب كفاح واصرار انا مش هقول شعارات ولا كلام فى مجلات او جرايد اقرب مثال ارجع لورا . . زمن دكتاتورية الرجل واستبداده هتلاقى ان اول واحد نادى بتحرير المراة كان بسبب الدكتاتورية والجهل كان رجل وبعديه ظهر ناس كتيير بدات تطالب ب\فعلا بحقها ومساواتها مش ذنبنا بقى ان احنا فعلا جوانا اصرار وهدف وطمووح يخليكوا تقولوا كده ولا علشان الشغل مش طالبكوا:d راجع كلامك كويس وشوف حال المراة والل خلاها تشتغل فى كل المجالات اللى ليها واللى مش ليها |
| جميع الأوقات بتوقيت GMT +2. الساعة الآن 10:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.