|
ليه بنقول ؟!
السلام عليكم و رحمة الله و بركاته انا عايزكم يا جماعة تفكروا معايا في بعض الكلام ال احنا بنقوله و غيرنا بس في مصر فقط طبعااا :d:d و عايز اعرف ليه و جت منين فساعدوني أني الاقي الاجابة ;);) - ليه بنقول علي اي وسطة اوي اي حاجة هي كوسة ؟! و بنقول لو النيل صلصة مش هيكفي الكوسة ال في مصر ؟! ليه بقي الكوسة ؟! ؟! اشمعنة ؟! ؟! - ليه لما واحد بيعمل عبيط او بيحاول ينفض بنقولوا انت هتعمل عبدو ؟! ليه بقة عبدو برده ؟! ؟! - ليه لما واحد بيذاكر بيقولوا عليه دحيح ؟! دحيح ديه جبناها من ايه ؟! و هي في اللغة العربية و لا اختراع ؟! ؟! -ليه بنقول لما واحد يبقي كده لابس سلسة و مسقط البنطلون و عامل شعره بنقول عليه شب روش ؟! ؟! يعني ايه روش و ليه برده اخترناها ؟! ؟! -ليه ساعات بنقول علي الفلوس الالمونيا ؟! ؟! او الجنيه جندي ؟! انا دول الفاكرهم دلوقتي فكروا كده و ساعدوني الاقي الاجابة :d:d او ممكن يبقي ملهاش اجابة و هي حاجات انتشرت و اتعودنا عليها ^_^ |
هههههههههه والله عندك حق بس انا مش لاقية اى اجابة شكلنا فعلا حاجات اتعودنا عليها بس
|
بيس يا مان الحاجات دي خلاص ثبتت عندنا في القاموس ومش هتغير لأننا وببساطة اتعودنا عليها وهي الحياة ايه غير اننا نتعود على فعل او حاجة معينة
|
طبعا ده مش غريب علينا كشعب مصري
احنا طورنا اللغة ههه يا جماعة لكل بلد مصطلحات وظروف واصول للغة عرفت من قديم الزمن ثم تطورت مع التطور العلمي والتكنولوجي ده رايي ووجهة نظر شخصية وليست للتعميم |
هههههههههههههه
عندك حق والله الشعب المصرى شعب الاختراعات للاسف اتعودنا على كلام كتير ومعظمه غلط |
يعني متفقين انها ملهاش اصل و احنا اتعودنا عليها :d :d :d
'طب كويس :) |
اقتباس:
بس انا عندى سؤال انت مبتقولش الكلام ده مشفتش القاموس الروش :p |
اقتباس:
انا بسأل بس جت منين ؟! ؟! و مشفتش القاموس الروش :d :d |
انا مش شابفة ان فى مانع اننا نطلق اسماء جدبدة
طالما الكلمة فى حدود الادب وغير خارجة عن النص ولو قعدنا ندقق فى كلامنا مش هنخلص كل واحد يعبر بالطريقة الى تريحة |
انا عندى فكرة احنا نعمل قاموس يضم كل المصطلحات دى احسن بعدين عيالنا لما يكبروا يلاقوا الثروة دى ضاعت نعمل احنا ايه بقى وقتها؟ هههههههههههههه هو انت شفت حاجة على فكرة فى كلام كتييييييييييير اوى من النوع ده طب ليه لما نشوف حد لابس كويس يقولوا عليه لابس الحته اللى على الحبل (0الكلمة دى بتضحكنى اوى) على اساس ايه مش فاهمة وغيره وغيره والسؤال يطرح نفسه يا رؤوف جبنا الكلام ده منين ؟؟ |
اقتباس:
ال قصدي زي ما فيفا فهمتني و قالت جبنا الكلام ده منين ؟؟ ده بقي ال انا عايز اعرفه يعني ايه اصله مش أني معترض علي الكلام و عندك حق يا فيفا فكرة القاموس ديه تنفع :d :d حفاظا علي التراث ال ملوش أصل :d :d :d |
الصراحة مش عارف ليه في ولا وحدة
بس مش بقول عبده بقول فريد ههههههههههههههههه |
ماشي يا شريف يا فريد :d :d :d
جديدة ديه :d :d :d |
دى طبعا بترجع لتطور اللغات
ودول يعنى مش حاجة دا فى مصطلحات تجن الجن وتعفرت العفريت معدش حاجة اسمها لغة كله بيتكلم فى اى حاجة باى طريقة وعادى جدا عموما لازم نرضى بالواقع هى دى القواميس واللا بلاش شكرا على الموضوع ودمتم فى رعاية الله |
والله انا نفسى اعرف هو جه منين علشان مش فهماه
حد يا جماعه يشوف لنا مدرس فى اللغه علشان يفهمهالنا |
لكل مكان إسلوبه وطباعه الخاصه وكل مكان له لكمات شاذه بس يمكن إحنا عندنا أكتر شويه لأن إحنا شعب بالفطره بيحب الفكاهه بس سؤال بسيط هى الأسئله دى الهدف منها إيه ؟ |
فعلا مش ليها اى اصل فى المعاجم والا فى قواعد اللغة
لكن كفايه اوى اننا فاهمين المقصود منها يعنى لما اقول فلان دحيح انت هاتفهم على طول انه بيذاكر كويس اذا اللفظ مش موجود لكنه مفهوم وده المهم وعلى فكرة انت لو عيشت فى اى دوله تانيه اكيد هتلاقى بعض المصطلحات دى دى حتى موجوده بين المحافظات يعنى لكل محافظة مصطلحات مختلفة عن المحافظة المجاورة شكرا لك |
اقتباس:
اهو سؤال تاني بس ممكن علشان نسهل الكلام شوية : شكراا لك اقتباس:
ايوة عندك حق يا استاذ بورسعيدي هو ده فعلا شكراا لك |
اقتباس:
اقتباس:
ما هو فعلا فيه قاموس للمصطلحات دى اتعمل كتبه ( ياسر حماية ) واللى عايز يقراه يكتب ف جوجل ( قاموس روش طحن ) هايلاقيه موجود ف مواقع كتير مرتب بالابجدية ومليان كلام غريب جداا :rolleyes: |
اقتباس:
شكراااالك |
| جميع الأوقات بتوقيت GMT +2. الساعة الآن 09:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.