|
الفاتحة عالامن والامان.......
كتاب العربى: (مصر بلد الامن والامان ) كتاب التاريخ: (مصر بلد الامن والامان) كتاب الدين: (مصر بلد الامن والامان) ................ صحيح هى مصر بلد الامن والامان فيييييييييييييييين؟؟؟؟؟؟؟؟؟؟؟؟؟؟؟؟ الواحد بقى ماشى يتلفت حوليه كفاية انك تدخل المترو تطلع منفض كفاية انك تركب اتوبيس تطلع من غير محفظتك كفاية جرايم ال****** الى بتحصل فى عز الضهر كفاية الجشع الى البلد بقت فيه كفاية الحكومة بتنهب فى الشعب وتدخل ايديها بكل بجاحة تاخد فلوس مش من حقها موقف من حياتى واحب اعرضه عليكوا واحد جارنا صح الصبح لقى عربيته مسروق منها الكاست طنش ؟؟؟ تانى يوم صحى لقى العربية عجلها مش موجود لا بقى انا لازم ابلغ راح الراجل القسم وبسلامة نية ياحضرة الظابط انا عربيتى اتسرق منها العجل والكاست الظابط:عاوزنى افتح محضر طويل عريض علشان الكاست والعجل اتسرقوا سيب الناس تسترزق :eek: هى الحرامية هتسترزق على قفانا احنا ............................... طب وبعدين هنفضل كل واحد ياخد من حق التانى لحد امتى هنفضل عايشين فى خوف لحد امتى الواحد بى يخاف يمشى فى الشارع من بعد المغرب لو فتح باب الشقة يتخطف اية الحل ياناس حد يقولى الحل فين امتى هنحس اننا بجد مش خايفين امتى هنحس اننا واحنا فى الشارع كأننا فى بيتنا امتى هنحس ان الناس الى فى الشوارع دية اباهتنا واخوتنا امتى هركب مواصلة وانا مش حاطة عينى فى وسط راسى هو خلاص كدة خربت ؟؟؟؟؟؟؟؟؟ |
هو خلاص كدة خربت ؟؟؟؟؟؟؟؟؟
للاسف لسان حالى يبكى لما يحدث فى بلدنا الان ولكن اسمحوا لى اقول ان اللصوص غير مسؤولين بمفردهم عما يحدث فغلاء المعيشه والبطاله كلها اسباب ادت الى ذلك ادعو الله ان يصلح حال مصر ويوفقنا لما يحبه ويرضاه |
هو خلاص كدة خربت ؟؟؟؟؟؟؟؟؟
ايوة هيا فعلا خربت وخربانه من زمان بس احنا اللى مش واخدين او بنحاول مش ناخد بالنا الواحد يا عينى يروح يتسرق منه حاجه يروح يبلغ يقوم الضابط يقوله ايه بذمتك ليك وش تبلغ على هيفه زى دى طيب لما يتسرق منك حاجه اكبر ابقى تعالى حتى الواحد نفسه تتفتح ناقص تتغير العباره الشعب فى خدمه الشرطه طبعا فضلا عن الحاله الاقتصاديه اللى بيمر بيها الشعب المصرى. طيب انا هاحكيلك عن موقف شفته........... كنت راجعه قبل كده من الامتحان شفت والله سيده عجوز تبحث عن اى لقمه فى القمامه شفتى وصلت لدرجه ايه غيرها وغيرها ومش عايزة الشعب يبقا فى حاله هياج وخوف بس هانقول الحكومه بردو بتعمل علشان مصلحه المواطن المصرى والاصح محدودى الدخل؟؟؟؟؟؟؟؟؟ بس اسكتى انتى هاتعرفى اكتر من الحكومه . وميرسى على الموضوع يا نسوم وبدايه قويه كعادتك. |
مشكلة بلدنا والله نسمة هى السلبية كل واحد بيقول يالا نفسى او بيقول وانا مالى هو انا اللى هغير الدنيا حتى المسؤلين زى الضابط كدة ماهو مسؤل عن الامن .... بس للاسف بيتصرف بسلبية كبيرة اوى حتى لو حد شاف اذى لحد مش بيحاول انة يمنعة بنت بتتعاكس ...وواحد معدى ..ولا بيفكر انة يحميها من اللى بيعاكسها واحد شايف عربية بتتسرق ... يمشى ويسكت ويقول وانا مالى ...امشى فى حالى احسن الللى يسرق يعمل فيا حاجة دة يا بنتى حتى اليومين دول لو ركبتى اى مواصلة وطلع واحد كبير او سيدة كبيرة ...الشباب بيفضلوا قاعدين ونادر لما تلاقى حد واقف بس دة مينعش ان فى امن وامان بس قليلين تعرفى حتى فى اعلانات عن السياحة خير لينا وبلدنا جايبن ان السياح بدوا ينفروا من مصر علشان مش حاسيين بامن فيها الامان بقى قليل اوى زمان كان فى امان اكتر دايما ماما تقولى زمنكم غير زمننا بس علشان ترجعى الامن والامان زى الاول لازم ان المشاكل الاقتصادية تتحل ..علشان الناس متسرقش كل واحد يراعى عملة ويتقنة ... زى الظابط كدة مثلا وقبل كل لازم ان الوعى الدينى يكون عندنا ...لاننا لما يكون عندنا وعى دينى ... هنعرف ان مش من سمات دينا السرقة ولا السلبية ولا اذاء حد :d طولت شكلى كدة صح؟؟ |
الحكومه نصها حراميه والنص التانى بيحمى حراميه :d
|
احنا للاسف مع مرور الزمن بننزل في المكانة شوية سرقة الشباشب من قدام الجوامع شوية سرقة حبل الغسيل واخيرا اللي بيحصل حاليا فين الشعب المصري المعروف عنه شعب طيب حكومتنا خلتنا ندبح بعض علشان نعيش ربنا يصلح حالنا ويهدينا ويغفرلنا ويتوب علينا
|
هنحس اننا عايشين لما الناس ترجع لربنا
لما يكون الناس في تعاملاتهم صدق هيتعدل حالنا لما يكون هناك حاكم عادل وليس جائرا هيتعدل حالنا لما نجتمع على محبة الله ونفترق على طاعته بدون رياء أو نفاق هيتعدل حالنا لما نحب الاخرة اكتر من الدنيا هينعدل حالنا لما نحب الخالق أكتر من المخلوق هيتعدل حالنا لما نحب التوبة أكتر من حبنا للمعصية هيتعدل حالنا لما يكون حبنا للقبور أكتر من حبنا للقصور لما يكون حبنا لعمل الخير أكتر من حبنا للمال ساعتها هيتعدل حالنا شكرا لذلك الطرح الهائل |
اقتباس:
مفيش صدق خالص حتى مع الحبايب اللى الواحد خلاص قال دول منى وعليا و و و و مفيش نخوة مفيش صدق مفيش امان مصر جميلة واعتقد العيب فى اللى فيها اه يابلدى يا لى بقيتى زى الغابة اللى واللى وعجبـــــــــــــــــــــى |
اقتباس:
مش هلاقى كلام اكتر من كده اقوله فىرعايه الله |
اقتباس:
بصى يا نسمة كل امتى اللى انتى حاطاها دى اجابتها حاجة واحدة لما تلاقينا احنا كشعب خايفين ع بعض و بنحافظ ع بعض مش نستنى الحكومة تحمينا من بعض و عموما يا ناسووووووووم اهلا بيكى فى بلد الامن و الامان مصر |
اقتباس:
على فكرة المستوى الأمنى ده فى أى بلد تانية معناه البلد خرابه ملهاش كبير , و ده اللى بيعمله مجموعة من الناس (اللى فى تزايد ) انهم ياخدوا حقهم فورى بدراعهم يعنى و المحاكم حبالها طوييلااااااااا ان كان ليها حبال , بس تعالى فى بلد زى ليبيا ما علينا الناس فيها طيبين بردو بس الكلام اللى انت قلته بيتحقق هناك بالحرف , و لكن فى مصر يمكن يكون فيه بعض المبالغة لإن الدنيا لسه بخير بسبب الناس المحترمة اللى زى حضرتك ( و اللى فى تناقص ) بس النظام لو مشى كده اضمنلك ان هيحصل أكتر مما توقعته...... و مش هيحصل لإن لازم قشة تقسم ظهر البعير..... |
يا بنتى مصر بلد الامن والامان دى جملة كانوا بيضحكوا علينا بيها واحنا صغيرين اقتباس:
دلوقتى بقى ال مضايقنى ان الحرامية بقوا بجيحين اوى بيسرقوا بالنهار مهى بقت سايبة انتى عارفة لو يقيموا الحد زى ما اسلامنا بيؤمر زى ما بنشوف فى السعودية كده يعنى نسبة االجارام تقل بس دلوقتى للاسف ال داخل السجن بيبقى داخل يتفسح فسحة وطالع |
اقتباس:
بجد بقى حالنا يصعب عالكلب الميت :( |
اقتباس:
هو انا اول مرة اجى هنا ماعلينا ندخل فى الموضوع والله نهال دية بتقول كلام زى الفل:d |
ازيك يا نسمة وكل سنة وانتى طيبة
تعرفى ان انا اكتر واحدة فى مصر اتسرقت محفظتها بمعدل حوالى 4 مرات فى السنة واكبر احصائية سجلتها كانوا مرتين فى الشهر انا فعلا بمشى فى الشارع وانا خايفة بقيت احس انى فى غربة او كأنى ماشية وسط اعدائى فين ايام زمان لما كانت الناس لبعضيها كنا مع بعض فى الحزن قبل الفرح كنا بنحافظ على بعض وبنصون بعض دلوقتى حاجة تانية الناس اتغيرت والخطر كتر من كل حتة ومبقاش فى حد نفسة يعمل حاجة للبلد دى بقينا نحقد على بعض والحكومة الجميلة الى انا بحسدها على برودها لان برغم كل هذة المهازل فى البلد تتظاهر اننا كنا بلد الامن والامان |
اقتباس:
كلامك كله تمام فعلا كل واحد بيقولى نفسى وبس ومحدش عاوز يساعد حد والكل بيسكت عن مصيبة الغير هقولك موقف المستر بتاعى حكهولى راح يشترى فرخاية لقى واحدة ست يعنى على قد حالها كانت بتشترى الفرخة والراجل البياع استغل جهل الست دية وانها مش بتفهم فىا لحسابات وراح قايلها ان افرخة ب39 مع ان الفرخة ب22 جنية بس طبعا المستر مسكتش وحاسب الراجل قدام الست وجابلها فلوسها وحقها هو دة الى المفروض نعمله لازم نبقى فى وعى شوية لازم الواحد لما يشوف غلط يصلحه ميسكتش واهى الدنيا بتعلم |
اقتباس:
اها صح حاميها حراميها :mellow: |
اقتباس:
الحكومة الحكومة الحكومة وبعدين اخرتها ايةالحكومة دية :mad: |
اقتباس:
شكرا ليك انت يازيزو ولردك بجد منكم نستفيد :) |
اقتباس:
طبعا البلد ذات نفسها جميلة بس الى فيها .................:mellow: |
ازيك يا نسوم حمد الله على السلامه
بصى يا ستى احنا فى بلد المبدا الاول فيها نفسى ثم نفسى ثم دماغى ومش مهم الناس التنين انا شوفت مواقف كتيررر البلد دى الفقير بيداس عليه مالوش مكان فيها والله مش موضوع بينفض هو بيخاف لان البلد دى مالهاش قانون انا عن نفسى بن خالى ماشى بعربيته راحت عربيه خبطاه واتكسر فيها وعشان اللى كان سايق بن حد معروف اوى فى البلد راح بن خالى صلح عربيته والقضيه اتقلبت عليه هو ودفع غرامه من الاخر البلد دى الكبير فيها لا تحكمه قوانين هى خربت من شويه للعلم شكرا ليكى لطرحك موضوع مهم بجد وعموما دى حاجه مش غريبه على نسوم حمدالله على السلامه مرة تانيه يا قمر معلش طولت عليكى |
اقتباس:
طبعا دة كلام زيزو مش اى حد |
اولا : حمدا لله على سلامتك يا نسوم
والله انا مش قادرة اوصفلك اول مارديتى فى موضوع ارق ملاك انا كنت فرحانة اد ايه يارب كده عمرك ماتسبينا تانى ابدااااااا احنا بنتكلم فى حاجات طبيعية الان اصبحت موجودة فى كل مكان انا برده حصل معايا موقف زى دول وانا فى تانية ثانوى والناس حتى ماكلفتش تقف تقلى انتى منهارة ليه ؟ لان دى بقت حاجات طبيعية وحاجات متوقعة فى ظل ظروف بلدنا الحبيبة مصر ربنا يصلح احوالنا ويهدينا الى سواء السبيل |
الاول ياراحب يانسوم نورتى المنتدى تانى :d
اقتباس:
اها من الاخر هى خربت .. خلاص game over ايام الحلوه بتاعت كل واحد مامن للتانى ايام مكان فى رجاله فى الشارع لو حد قرب لبنت كان بياخد علقه تمام ايام وايام كلها خلصت وانتهت .. يلا مش مشكله بس مفيش امل ولا حتى سعاد :d |
اقتباس:
اهلا ياستى بس بجد الحال مال عالاخر |
اقتباس:
بص حضرتك كل البنات الى ردت فالموضوع عمالة تقولى ياقمر ونسوم وحركات البنات دية ازاى بقت بقيت ولد فى ردك :rolleyes: ماعلينا مبقتش فارقة انت كلامك مظبوط انا رسالتى الى عاوزة اوصللها واوضحها هى اننا على الاقل نغير من نفسنا احنا لمما حد فينا يشوف حاجة غلط يصلحها لما يشوف حد فمصيبة يقف جنبه مش يقول انا مالى كل واحد فينا لازم يبدأ بنفسه ولما انا عغير من اخلاقى وانت تغير ودة يغير ودية تغير البلد هيتصلح حالها اكتر من كدة بجد ((ان الله لا يغير مابقوم حتى يغيروا مابانفسهم)) |
اقتباس:
سجن اية ياحنان السجن دلوقتى بقى نعمة بفكر اقضى الاجازات فالسجن واحد نايم قايم شار واكل هييييصة وبعدين لو زى مابتقولوا طبقنا الشرع يبقى مصر كلها هتشمى بايد واحدة من الوزير للغفير |
اقتباس:
ازيك يامروة نورتى ياجميل الموضوع وانتى طيبة بصى يامروة انتى قولتيها اقتباس:
لكن دلوقتى بيتبلوا علينا ويقولوا ان البلد زى الفل بس للاسف فعلا هما الى وكلنها ويقولوا الشعب نمرود زى القطط ياكل وينكر والله مش عارفة اقول اية بس |
اقتباس:
ميرسى يامنة ياجميلة شكرا ياجميل ربنا يخليكى وبجد اانا كل رد فالموضوع دة بيحصرنى اكتر بحس انى مكتفة مش عارفة اعمل حاجة ربنا يسهل يارب نفسى اشوف مصر حالها اتعدل قبل مااموت:( |
اقتباس:
ربنا يخليكى ياقمر :) ربنا يحفظك يارب |
اقتباس:
بس اية الكلام الكبير دة :d وانتى بتقول ايام ماكان فى ....... حسيت انك جاية من القرن الماضى:lol: بس والله عندك حق ومش عارفة ارد عليكى اقولك اية |
اقتباس:
شكرا على طرحك للموضع... :039uw8: |
اقتباس:
و شكرا تانى لطرحك للموضوع |
الله
جرى ايه يا ملك هو احنا يعنى فراخ الحرامى لو خايف منك عمره ما هيسرقك احنا اللى بايدينا نقضى على الحاجات دى لو كل حرامى ولا مغتصب حط فى دماغه ان الناس هتقفله هيلم نفسه يعنى احنا اللى بنجيب المان لنفسنا |
اقتباس:
اقتباس:
العفو وشكرا لمرورك |
اقتباس:
طيب هنعملها ازاى دية ازاى هنقدر نخالى الناس تقفله ماهو دة صلب المشكلة ان الناس مبقتش تقف جنب حد |
حاميها حراميها .... قال ايه من ورانا مداريها
قدام الشعب نظيف .... ومن ورانا مقضيها لما حال البلد بتصلح حتلاقي كل حاجه متظبطه الحراميه لو عايشين مرتاحين هيسرقوا؟!! مش هيسرقوا لانهم هيبقوا راضين وومعاهم الي يسترهم انما لما يكون مش معاهم الي يجبلهم اكل وكسوه والمصاريف هيعملوا ايه م اكيد هيطروا للسرقه يعني هما مش هيسرقوا من باب التسليه والترفيه اكيد لا موافقه علي كلامي ولا يا يا ملكة |
| جميع الأوقات بتوقيت GMT +2. الساعة الآن 12:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.