|
please يا جماعه enter الموضوع ده
السلام عليكم ورحمة الله وبركاته
كل سنه والاعضاء الي هما اصدقائي بخير. النهارده انا جايبلكم موضوع مسيطر علي عقلي شويه ومش لاقيله اجابه. ليه الشباب عامة و الاخص بالذكر البنات لانهم الاكثر استخداما للمصطلحات الانجليزيه اثناء كلامهم . ليه واحنا بنتكلم لازم نروح حاطين كلمتين انجليزي في نص كلامنا (طبعا كلمتين بس يعني الانسان ده مش مودرن خالص صح) :d هنستفاد ايه ايه لما نتكلم كده ولا دي مسالة تعود عند البعض وممكن البعض الاخر بعتقد انها نوع من انواع الفشخره علي الناس .؟؟؟؟؟؟؟ّّّ!!!!!!! ده الامر وصل للشخصيات السياسيه وعالم الفن دول بقوا برضوا بتكلموا بالانجليزي اثناء الحوار في البرنامج هل اللغه العربيه معدتش بتستحمل انها يضاف عليها كلمات جدبده عشان كده احنا مش عاوزين نتكلم بيها . ده بالعكس اللغه العربيه هي اكثر اللغات شمولا للكلمات لانها لغه عطائه لا تتوقف عن مواكبة العصر . و كمان احنا مبنتكلمش باللغه العربيه الفسح علشان تبقي صعبه ( عمت مساءا يا ابا جزيا) (احضر لي مشروبا) بالعكس ده احنا بنتكلم باللغه العاميه يعني اسهل واخف شويه انتوا موافقين ولا معترضين علي كلامي؟؟؟؟؟؟؟ |
تقول ايه بقا يا محمد ثقافة زايدة شوية انا سمعت مرة واحد بيقول انا جاهل بعرف انجليزى:d كانت فى مسرحية عادى ياعم محمد مسالة تعود فقط لا غير |
لا هى الحكايه دى مش بتبقى فشخره عند ناس كتير يعنى فى ناس متعودين على كده ومش بيبقى قصدهم فشخره ولا حاجه واعتقد انها حكايه متضايقش ولا ايه بس فى قله بيبقوا فعلا عاوزين يتفشخروا ودول بيبان قوى من طريقه كلامهم انهم مش على طبيعتهم شكرااااااا على الموضوع |
(عمت مساء يا ابا جزيا)(احضر لى مشروبا)ايه الجمل دى شكلها قديم اوى بس كلامك صح............شكرا على الموضوع |
لا اصلنا فى حضانة كنا بناخد الانجليزى والفرنساوى مادة اساسيه :d
فعشان كدا تلاقى اللغه ايه ميه ميه :d |
عمتا يا محمد
الحاجات دى لما بتحصل فى بعض الاوقات بتدل على عدم الثقة فى النفس بيحس بانه علمه قليل بيشوف ناس بتتكلم عدة لعات وهو يدوبك مش بيعرف يتكلم عربى فبيحاول يطعم كلامه بكلمتين انجيلش ياللا اى حاجة المهم نتكلم وخلاص |
هى بتختلف من شخص للتانى بس فيه حاجات بقينا مش لاقيين لها بديل بالعربى
زى مثلا نسطب البرنامج اعمل له شير ابقى ادينى ميسد كول الحاجات دى لو فكرت وكلفت خاطر سعادتك و نطقتها عربى سليم هتلاقى اللى بيئولك يعنى ايه :d كلامك جميل بس علشان دة كله يتغير فصعب قوى |
بجد حاجة منتشر فعلا يامحمد مش بنات بس اولاد واطفال وكبار كل فئات الشعب كل واحد فينا بيتكلم كدا فين ناس بتبقي قاصدة الحكاية وفيه ناس متاثرة بالمجتمع الاعلام اللي بقي _هادف اوي _تريقة طبعا:d هو دا اللي اثر فينا خلينا نشوف ان اللغات الاجنية احلي مع ان اللغة العربية هي الاصلية المدرسة برده:rolleyes::rolleyes: ليه دافع لما تلاقي الاستاذ مادة بتتعلمنا بالعربي وهو يتكلم فيها بعض الكلمات الانجليزية انت هتتاثر تلقائي ولو حولت تتكلم بالعربية الفصحة يتريقوا عليك ويتهمولك انك بتتفلسف بس احنا لازم اللي نعلم ونغير من نفسنا وبعدين اللغة اللي احنا بنتكلم بيها افلحكشية:d:d ليعني مينفعش نستعملها اصلا بجد لازم نتوقف عنها بقي ونبقي عرب بجد شكرا ع الموضوع :d |
اقتباس:
اقتباس:
|
اقتباس:
انا اصلا صلحتها قبل ما شوف ردك :p ع العموم لقد سقط مني سهوا ياسيدي:d:d |
والله هو تغيير مش اكتر :(
بس والله مش فشخرة ابدااااااااااا :| :| |
اقتباس:
واحدة واحدة كله بالتدريج:) |
وبعدين يا محمد لو اعتراضك ع اللغة
انت ليه اسمك بالانجليزي ليه مكتبتوش عربي بقي |
والاقامة كمان
kuwait & Egypt اسمها الكويت و مصر :rolleyes: |
اقتباس:
فعلا عندك حقك احنا متاثر اوي اللي حولنا انا فيه حاجات اصلا احنا بنستعملها ومكنتش اعرف انها انجليزي اللي بعد ما درستها بالانجليزي فعلا كل شيء بيجي بالتدريج شكرا ع تعديلك:d:d |
اقتباس:
سؤال جامد :d جاوب ياحودا:d ههههههه |
هههههههههههههه
هرد عليك ناو انا شيفاها عادى هى بس مسالة تعود ده مستر العربى بتاعى بيقول كلام انجلش وسط الكلام بس هزار طبعا و مستر الانجلش و هو بيشرح يعربلنا الجملة هو الموضوع عادى زى المصلطحات اللى طالعة و ملهاش اى علاقة باى لغة |
اقتباس:
ههههههههههههه ايه الهجوم دا :d لا هو قصده ان لازم لما نتكلم نتكلم انجليزي خالص او عربي خالص مش كله يبقي هيصه ف بعضه:d:d ع فكرة اسمه محمد ولا بعده هو اللي محمود :d والله اعلم:d |
اقتباس:
لاء المصيبة الكبيرة هى الفرانكو حاجة تجيب العمى |
اقتباس:
اقتباس:
|
عدلتها يا تسابيح
ده مش هجوم ولا حاجة انا منكرش انى غلط ونفسي ابطل اتكلم بالانجلش كده بس اهو كلنا فى مركب واحدة :( |
يمكن عشان اللغة الانجليزية اشيك
والتاس بتدور على الاختلاف وبعدين احنا بقالنا 13 ستة بندرس انجليزى فى المدرسة نسيب المجهود دة كلة اكيد لالزم ناخد اى كلمتين |
بسم الله الرحمن الرحيم ده عشان الواحد بيفتكر انه لما يتكلم انجليزي في النص الناس هتقول عليه واد مثقف بقى و بيفهم .. :d بس ساعات بيبقى كلام الناس ده تعود مش فزلكه ولا حاجه .. اصلاً معظم اللي بيحاول يتفزلك تلاقيه بينطق غلط اصلاً ! اللغه العربيه هي الأصل .. و المفروض إنها لغتنا الرسميه و احنا لو فضلنا نتكلم بلغتهم دي .. يبقى اللغه العربيه بتاعتنا دي راح تختفي .. احنا اللي نزلنا من مكانة لغتنا .. بإننا خلينا اللي يتعامل معانا احنا اللي نتعلم لغته مش احنا اللي نتعلمها بجد ربنا يشفي .. احنا اللي ضيعنا لغتنا بإيدينا .. لإننا تلاقي في نص كلامنا .. كلام عربي انجليزي هتقولي ازاي يعني هقولك زي (نستب البرنامج .. نسيف الفايل .. , إلخ) و لو قولت لحد انا (عايز احفظ الملف) هيقع م الضحك و لو قولت لحد مش معايا رصيد في الموبايل هيقع م الضحك برضو و يقولك (ياااااااي .. انت صعيدي !! , ده اسمه الكريديت) :d ربنا يهدي شكراً للموضوع |
هو الموضوع ده أسبابه بتختلف من شخص لاخر
يعني مثلا ناس بتستخدمها بحكم الدراسه وأحيانا بيبقى بسبب ضعف الهويه والأنتماء للغه العربيه وسبب تالت ان في ناس بتعتقد ان الرقي يكمن في استخدام اللغه الأجنبيه لكن أنا من أنصار استخدام اللغه العربيه وتعزيزها و مفيش مشكله لو استخدمنا لغه أجنبيه بس بشكل غير مبالغ فيه شكرا على الموضوع |
اقتباس:
وشكرا علي مرورك واهتمامك بالموضوع |
اقتباس:
شكرا ووجهت نظرك تحترم ونورتي الموضوع بجد |
اقتباس:
شكرا ليك علي ردك واهتمامك الجميل بالموضوع |
اقتباس:
انا هقولك لو تلاحظي هتلاقي ان ميعاد كتابة اي موضوع او اي رد وتاريخه بالانجليزي صح وبرضه الانتساب بلانجليزي وعدد المشاركات بالانجليزي فانا مرضتش اخل بالشكل العام للركن الي في الحاجات دي فهمتي اقصد ايه؟ |
اقتباس:
ما هى كلمة الانتساب بالعربي وكلمة رقم العضوية بالعربي ورقم العضوية عريي الاقمة بالعربي وعدد المشاركات عربي والعدد بقي ذات نفسه عربي سايب ده كله ورايح تمسك فى ميعاد كتابة الموضوع تاريخ الانتساب :rolleyes: |
اقتباس:
وثانيا انا لكتب بيانات شخصيه مش بكلم عمال علفاضي انجليزي ولا انتي رايك ايه :d باين انك شايله من الموضوع ده;) لو مدايئك ممكن احذفه ;) هههههههه مستني ردك الي هتنقدي في كلامي الي قولته اوك :rolleyes: |
اقتباس:
متحذفوش خليه بس غير اسمك والاقامة :rolleyes: |
اقتباس:
طالما انك مش موافقه علي كده يبقي بتتكلمي انجليزي في حوارك عادي بس عن طريق التعود صح طالما عن طريق التعود انتي ليه اصلا عودتي نفسك علي كده؟:rolleyes: |
ماشي حلوة الاسئلة دى جدا
حوار مع مُدانة :d بص يا استاذ محمد والله انا جت عليا فترة كنت ع طول بدخل من موبايل بس والكتابة بالانجلش من عليه اسهل بس ده كل الحوار اى اسئلة تانى ؟؟ |
اقتباس:
انا مش قاصدي اني قدايئك يا برائه انا كنت بس بناقش موضوع :rolleyes: والله اسعدني ردودك واتعلمت من ردودك حاجه دلوقتي مش هعرف اقولها :rolleyes::rolleyes: |
اقتباس:
كمل كمل يمكن الناس تستفيد وتتعلم من اخطائي :rolleyes: اى اسئلة تانية ؟؟؟ |
اقتباس:
وبعدين هى جت ع اللغه يعنى ما احنا بقينا نقلد الغرب فى كل حاجه ... :cool: ميرسي ليك ع الموضوع .... :) |
والله هى مش تكبر خالص( بس على حسب الشخص)
فى ناس كثير بتحب اللغه الانجليزيه علشان كده بنتكلم بيها ده تعود,بس لكل مقام مقال..يعنى مش ينفع اكون قاعده مع ناس على قدهم واعد اتكلم انجليزى اللى بيحب يتكلم زى خلاص اوك نتكلم واللى مش بيحب خلاص. اوعى تنسى ان اغلب الاعمال دلوقتى بقت عوزه لغه انجليزيه وده بقى شئ اساسى وشويه كمان هيبقو عاوزين لغه فرنسيه فى العمل. موضوعك بجد جميل اوى مرسى ليك يعنى بجد ربنا يستر. |
اقتباس:
طب انت بتقول مسئلة تعود صح طيب هما ليه اتعودوا عليها يبقي هما عاوزين كده صح ولا لاْ ء ولا ممكن عشان شافوا الممثل فلان او اممثله فلانه بتعمل كده يبقي يبقوا بيعملوا كده كد تقليد اعمي ؟؟؟؟؟؟؟؟؟؟؟؟؟ |
اقتباس:
هههههههههههه بسم الله ماشاء الله في تعاون بين المدرسين شكرا لوجهة نظرك انا كنت هحذف كلمة ناو بس مرضتش ههههههههههههه نورتي الموضوع بجد |
عندك حق و الله بس نعمل ايه الغرب استولى على كل حاجة حتى ثقافتنا
|
بجد يا محمد الموضوع بتاعك فعلاً بيثير نقطه منتشره جداااً بينا دلوقتى وهى إختلاط اللغه الإنجليزيه باللغه العربيه وبقينا زى ما يكون بنحلى كلمنا بيها بقت الحلو بتاع اللغه العربيه لازم كده فى وسط كل جمله كلمه إنجليزى بس ده بيرجع لأسباب كتير أولها إن اللغه الإنجليزيه تقريباً بقت اللغه الأولى المطلوبه لأى وظيفه أى شغلانه بقت بتشطرت إن يكون معاك لغه حتى لو هتشتغل صبى جزار ليه الله وأعلم :mad: |
ههههههههههههههههههههه
لا يا محمود كلامك مظبوط هى فعلا نوع من الفشخره بس بصراحه فيه كلامات بشوفها فى الافلام بتعلق فى دماغى جامد جدا وبتدى انطباع للى انا عاوزه احسن من العربى |
ممكن نقول ان امريكا بقت هى السايده العالم و طبعا لازم لغتها كمان تبقى هى السايده واحنا نبحاول بقى بقصد او بغير قصد نواكب التقدم الى اصلا مش فى بلدنا بدال منحيى اللغه بتعتنا الى بقت منهاره جدا جوه بلدنا وبرها وبرده العيب على الحكومه الى مهتمه باللغات الاجنبيه على حساب دينا بقوا يعتبرو الدين ماده سقوط ونجاح والمواد الاجنيبه تضاف للمجموع |
لا فعلا بدات الحكاية تنتشر بس عادى اصل بيكونوا فرحنين شوية انهم عرفين كام كلمة انجليزى فبيحبوا يقولوها اما بالنسبة للممثلين انتشرت اوى الحكاية ده والمهم ان الممثل منهم يكون معاه الابتدائية وقاعد عمال يتكلم انجليزى وبصراحة بحس اللى بيتكلم انجليزى عاوز يعملوا جو وسط الناس وتلاقيه مش فاهم هو بيقول ايه
|
انا معكى يا الرحمة حلوة
بس الصراحة انا ساعات بحب اكلم كام كلمة انجليزى مع انى عارفة نفسى مش متقنة فيها بس انا بحب الانجليزى اوى وبحس انه شيك |
يا جماعة احنا لازم نعتز بلغتنا ونعود نفسنا على الصح مش نقول احنا اتعودنا وخلاص:(
لازم نحافظ على ثقافتنا دى لغتنا ولغة القران يعنى لغة الأجانب هى اللى بقت شياكة لا حول ولا قوة الا بالله |
الناس نسيو اصلاهم يا محمد خلص العربى او الغة العامية راحت عليها الناس لما بنسالهم لية بتكلمو انجليزى فى وسط الكلام قالو فى ممكن كلام بالعامية منعرفش نعبر عنة ممكن كلمة واحدة انجليزى تحل المشكلة لكن دى مش فشخرة انتا لية كاتب اسمك مش بالعربى
|
اقتباس:
فعلا يقولك انت بتتفلسف ما تتكلم عادي ههههه شكرا ليكي بجد علي مرورك واهتمامك |
اقتباس:
ايوه يا مروه وده مبرر عشان نستخدمها انا مبتكلمش علي كده انا بتكلم الي بيقوا قصدهم نهم لازم يتكلموا بلانجليزي. طيب يعني الكلمتين دول هما الي هيفكرونا بالانجليزي علي طول :unsure: |
اقتباس:
(ياااااااي .. انت صعيدي !! , ده اسمه الكريديت) :d هههههه حلوه منك بس تقريبا هما مينفعش يتكاموا بلغتنا دي بقت سياسة دول وللعلم اخر الاحصائيات بتقول ان انجه الكثير من الغرب لتعلم اللغه العربيه وشكرا لمرورك واهتمامك بجد ونورتي الموضوع |
| جميع الأوقات بتوقيت GMT +2. الساعة الآن 01:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.