قرب قرب ـــ واقرا خبر مبارك والمرحلة الثانية من كادر المعلمين
 

(((( والله الواحد مش عارف يقول ايه في الأيام المفترجة دي ـ وأدينا كلنا منتظرين نتيجة امتحان الكادر ...
اللي انا شخصيا سمعت انهم هيبعتولنا كلنا في خطاب شخصي مكتوب فيه ( مبروك النجاح )
الكلمة دي هتتكتب للكل ـــ ولكن للي بقا ما لوش نصيب السنادي
هيكتبولوا برضه ( مبروك النجاح ....... ولكنـكم تعثرتم في اللغة العربية مثلا أو في التخصص .. وعليكم الحضور يوم ( كذا ) .

المهم علشان ما اطولش عليكم ... خدوا الخبر السخن دا ))))))))) :


تطبيق المرحلة الثانية لـ كادر المعلمين يوليو 2008
03/12/2007


أكد الرئيس محمد حسنى مبارك الأحد أنه سيتم تطبيق المرحلة الثانية من كادر المعلمين فى موعد لا يتجاوز أول يوليو 2008. ( احفظوا الموعد دا كويس ) .

وأشار الرئيس مبارك إلى أن تطبيق الكادر يقترن بإنشاء الأكاديمية المهنية للمعلم.. وطالب الرئيس مبارك وزارة التربية والتعليم والحكومة بأن تسرع بالتقدم باللائحة التنفيذية خلال الفترة القادمة تمهيدا لإقرارها والعمل بها قبل الموعد الذى حدده القانون لكى يبدأ العمل بالأكاديمية لتصبح بمثابة بيت خبرة للارتقاء الدائم بمستوى المعلم ولتقوم بوضع المعايير التى تضمن أن يكون الأداء متوافقا مع المستوى المعمول به دوليا.
جاء ذلك خلال الكلمة الت ى وجهها الرئيس مبارك الأحد للمعلمين بمناسبة عيدهم ال35 (( معلشي بس سؤال هنا .. هوه احنا كمعلمين لينا عيد ، والله أنا أول مره اسمع الكلام دا )) والتى ألقاها نيابة عن سيادته الدكتور يسرى الجمل وزير التربية والتعليم فى الاحتفال الذى نظمته الوزارة بالمسرح الكبير بدار الأوبرا.
وأوضح أن المرحلة الأولى من الكادر الخاص للمعلمين تم فيها منح بدل للمعلم وقدره 50 فى المائة من الأجر الأساسى لشاغلى وظائف التعليم المنصوص عليها فى هذا القانون, وبدأ التطبيق اعتبارا من شهر يوليو الماضى.. أما المرحلة الثانية ((( قصده مرحلة المصفى ... خلي بالكم من اللي جاي )) ::: فتتعلق بالمتطلبات الفنية لتطبيق الكادر ومنح بدل اعتماد للفئات المنصوص عليها بالقانون بنسبة تتراوح ما بين 50% إلى 150 % من الأجر الأساسى, إضافة إلى ما تم صرفه فى المرحلة الأولى, بحيث تصل الزيادة إلى حوالى 200 فى المائة عند شغل الوظائف المنصوص عليها بالكادر بعد استيفائهم متطلبات الاعتماد المقررة لها.
وقال الرئيس مبارك فى كلمته "إن المعلم هو أبرز عناصر المنظومة التعليمية التى يرتكز عليها تطوير التعليم لذلك نوليه اهتماما للارتقاء بالتنمية المهنية للمعلم وبأوضاعه الاقتصادية والاجتماعية.
وأضاف " لقد قطعنا شوطا كبيرا على هذا الطريق تمثل حتى الآن فى إنشاء الهيئة القومية لضمان جودة التعليم والاعتماد وإصدار لائحتها التنفيذية وتشكيل مجلس إدارتها, كما تمثل فى إصدار قانون الكادر الخاص للمعلمين فى شهر يونيه الماضى.
وقال إننا ماضون فى خطوات جادة على عدد من المحاور منها البعثات السنوية لبعض الجامعات العالمية من خلال الاتفاقيات والشراكات الدولية, تنمية المهارات التكنولوجية لدى المعلم وإتاحة فرص التدريب للمعلمين على مهارات اللغة الإنجليزية والحاسب الآلى للحصول على شهادة "آى سى دى ال", تبنى مشروع بناء القدرات للقيادات التعليمية على مستوى المديريات والإدارات والمدارس ليتم التدريب بالاشتراك مع الجامعات المتخصصة, وتطبيق الكادر الخاص على جميع المعلمين بحيث يعيد ترتيب أوضاعهم وظيفيا وماليا بما يعكس تقدير الدولة لهذه المهنة ولمن يمارسها ويرفع كفاءة المعلم المصرى ليلبى طموحات المجتمع والمواطنين.


(((( ويجعله عااااااااااااامر ـ
وربنا يخليه لينا يااااااااااااااارب ، ويطول في عمره كمان وكمان ............
على فكره ما حدش يفهمني غلط .. أنا بتكلم على الكادر الخاص ))))

كله كلام احنا منصدقش حاجه بعد كده الا لما نمسك الفلوس فى ايدينا و نروح بيها كمان

كلام جميل يا استاذ محمد بس لما نيجى للتطبيق حاجة تانية خالص خالص
اللهم انقذنا من هؤلاء المسئولين واخرجنا من بينهم سالمين

عدى يوليو واغسطس وسبتمبر ورمضات وتوت ومافيش حاجه بانت ايه الحكاية بالضبط

( توت ) دا شهر ؟؟؟ والا قصدك ( توت توت واهوه كادر يفوت ولا حد يموت )

شكرا لمرورك الجميل يا باشا

(((((((( هوه دا الكلام المفيد ــــــــ بارك الله فيك ))))))))

أخي الحبيب ـ كن متفائلا .... ولا تقل هذا الكلام

ففي بلد الطناش ـــــــــ لا تتوقع إلا طنـــــــــــــــــــــــــــــــــــــــــــــاش في طناش

هانحصلكوا في شهر 2 ان شاء الله ، اما نشوف اللي بيحصل ده

كل عام والامة الاسلامية فى صلاح

فين الخبر السخن دااا

دا خبر بتاريخ شهر 12 - 2007

على العموم شكرا ليك

بصراحة احنا عاملين زى الجماعه اللى بتزعق وبتقول اى كلام وخلاص

بس ده يرجع الى اننا ملناش كبير ولا حد يدافع عن حقوقنا
وكمان الجنية اللى بنحاول ناخده يعملولنا عليه فضيحة بجلاجل
وفيه ناس تانيه كتير بتاخد بالالوف واكتر من حقها ولا حد يسمع عنها حاجه

حسبنا الله ونعم الوكيل فى كل شىء

يا أخ سعيد
(( أنا أقصد سخونية الخبر في أنه قدييييييييييييييييييم ــ مش في انه جديد ــ
ومعنى انه قديم ولحد دلوقتي مفيش جديد ـــ يبقى الحدق يفهم بقا
ومش عايز افسر اكتر من كده ــ ويجعله عامر

مهو العيب م حضرتكم
لو تعاونتم جميعا على انكم تاخدو حقكم هتاخدوة
لكن الكل بيخاف
فلازم المسؤلين تهملكم

انا مليش دعوة ياعم -الحيطة لها ودان

ربنا يخليلنا الكادر، ويخليه لامه، وينجحله المقاصد

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههه

جامدة جامده

كل عام وانت بخير بمناسبة عيد الفطر

كل كادر قصدى كل عام و انتم بخير

يا عم محمد والله إحنا فهمينك صح ايووووه عليك يا جدع

لعلمك بقى اللي يفهم صح اليومين دول بيروح في داهية ـ انت حر بقا
وانا حذرتك وقد ازعر من اعزر

لا اله الا الله اصبح من كدر المعلم اسف قدر المعلم مترفقش كتييييييييييييييييير كله محصل بعضه في دوله العلم زي مصر ان يترك المهنه للوزير يا الله لودخل الوزير حصه دراسيه بل يوم دراسي كامل انا نتاكد ان حيجيلو الضغط العالي فما بالك اللي بيعقد اكثر من عشرين سنه شد حيلك يا معلم يا مصري

موت يا حمار

استاذنا الفاضل// كل عام وانتم بخير

والف حمد على السلامه

وبجد المنتدى كانت ناقصاه حاجات كتيره من غيرك

ومش مهم الكادر المهم وجود المعلم فى حاله جيده وكده كده الناس عايشه

لله ما أبقى ... ولله ما أخذ

احتسب الكادر عند الله .....

ويجعله عـامـر ...

العامله عندنا فى المدرسه بتسلم النتيجه اخر السنه للتلاميذ وبنتاخد الى فيه النصيب حلاوه النجاح
انا لما سمعت ان النتيجه هتظهر على النت
خفت العامله برده تطلع النتيجه من النت وتوزعها على المدرسين
بعد ما تاخد من كل مدرس جنيه حلاوه النجاح
ويبقى معاها كشف تمضيهم عليه بالملاحق
وتبقى .................

حسبى الله ونعم الوكيل

كل عام وأنت بخير يا أستاذ محمد ، !!!!!!!!!!!!!!!!!!!!!!!!
صلاح القاضى

<p>يا عم لا تتكلم عن اى شئ يخص الكادر الا لما تمسك فلوس فى ايدك على الاقل لمدة ثلاثة شهور لتاكيد خليهم 4</p>

الصبر مفتاح الكادر
ااصبروا
بكره هننجح وهنقبض وهندفع مقدمات الفيله وشاليه جمصه
خلاص قربنا
قربنا خالص
انا لله وان اليه راجعون

لقد بدا الان تطبيق الانصبةالجديدة وبدا تغير الجداول على الانصبة الجديدة

يااااااااااااااااااااااااااااااااه لسه فاكر
د احنا نسينا الكادر

لا ولابد ان يمر عليها اكثر من شهر حتى لا تخصم منا
وشكرا للاستاذ محمد صاحب الموضوع

كل سنة وانتم طيبين

دا احنا بقينا فى شهر 10 2008 ويا حسرة ما شفناش حاجة خالص ويجعلة عامر

الحقيقة العملية محتاجة وقفة مننا هوه احنا اقل من عمال الغزل

هنك لافتة يجب ان توضع على باب مسؤول الكادر تقوووول :

المنتظرووووووون يمنعون

ممكن يكونو نسيو الميعاد المتفق علية ومحتاجين حد يفكرهم بية لاننا فى شهر 10