|
سؤال للاعضاء الاونلاين دلوقتي.....عاجل
سؤال للاعضاء الاونلاين دلوقتي.....
مش النهارده الجمعه برضه علي ما اعتقد.. وانتم الحمد لله مسلمين... وصلاه الجمعه شغاله دلوقتي ازاي انتم مش بتصلوا ولسه موجودين في المنتدي!!!! كلامي موجه للاعضاء الذكور لان صلاة المرأه في بيتها خير وصلاة الجمعه فرض |
طيب والله انا مستغربه زيك وقلت يمكن الكومبيوتر مفتوح وهم بيصلوا
عموما انا حبيت اشكرك على جراءتك دى وغيرتك على دينك وجزاك الله خيرا اختى الفاضله |
جزانا الله واياكم خيرا
انا فعلا قلت كده الاول بس لاقيتهم موجودين بيقروا مواضيع ياريت يردوا ويقولوا يمكن نكون ظالمينهم ولا حاجه.... |
WHO KNOWS?
MAY BE |
انا كنت على النت لموضوع ضرورى جدا
كمان انا كنت حلا هاقوم بس حبيت اوضحلك قبل ما اقوم وانا مبسوط منك جدا على الملاحظة الهايلة وغيرتك الجميلة دى اسيبك بقى علشان الحق الصلاة |
طيب تقبل الله منا ومنكم
ومنتظرين رد باقي الاعضاء اللي كانوا اونلاين لما يرجعوا من الصلاه :) |
أنا صليت الحمد لله
إنتي بتكلمي إزاي و أنا هادخل فيكي شمال شوية معلش أنا مش محتاج حد يفكرني و المثل بيقول امدح صديقك ملأ ً و لمه سراً فلو فعلاً كان قصدك تخلي اللي مش بيصلوا يقوموا يصلوا كنت بعتي رسالة خاصة بيتهيأ لي إنتي بس عايزة تهزأيهم |
تقبل الله منا ومنكم
لا يا اخي صلاح الدين انا عمري ماقصدت شئ سئ بالمره وانا عارفه ان اعضاء المنتدي كلهم ماشاء الله مايفوتهمش حاجه زي دي كل هدفي من الموضوع كان التذكير فقط مش اكتر.... |
اول حاجه ده تنبيه عظيم
ثانيا الاولاد يروحو يصلو والبنات يقومو يساعدو والدتهم فى الغداء زى ماالاولاد يروحو يصلو البنات كمان يقومو يطبخو ولا ايه |
طبعا يا اخي عبد الله
البنات كمان لازم يقروا قران الوقت ده او يعملوا شئ مفيد يزاكروا او ممكن يساعدوا والدتهم |
اولا فيه فرق توقيت بين القاهره وباقى المحافظات ممكن يأثر كتير فى الكلام ده
ده غير ان الششيخ اللى تحت بيتنا نظامه كالتالى الشيخ : انتوا عارفين قصه سيدنا اسماعيل الحاطرين : ايوه طبعا الشيخ : امال ايه اللى جابكم بدرى .. اقم الصلاه .. انا لسه داخل المنتدى دلوقت بس حبيت اوضح ان حتى ممكن الواحد يكون صلى خلاص فى القاهره مثلا ولسه واحد زيه نازل يصلى فى الاسكندريه سلام |
أيوه صح بس الدكتورة هبة تقصد التنيه
" وذكر فإن الذكرى تنفع المؤمنين" |
يا جماعة ياريت ماحدش يزعل من اللى عمللته فلاور
احنا كلنا المفروض نشكرها على اللى عملته اه .. يمكن احنا كنا عارفين ان ده وقت الصلاة وقايمين انما بردو اكيد كان فى حد ناسى او ماسمعش الاذان فهى بردو تشكر على التنبيه بصراحة وانا فعلا بحييها على الروح دى وجزاكى الله خيرا فلاور |
وانا لم ارى اي شىء يزعل
ذا احسن موضوع رايت اليوم لان منبعه قلب خائف على دين وعلى الاسلام وهي كان قصدها انها تنبه الاعضاء وذي حاجة متزعلش ذي بتفرح وانا بشكرك على هذا الموضوع جزاك الله الف خير |
وانا شايف ان مافيش حاجه غلط فى الى قالته فلاور
والى على راسة بطحة يحسس عليها هى نبهت وعملت الى عليها وان شاء الله يكون فى ميزان حسناتها ملحوظة الساعة الان 11:00 مساء يعنى مافيش صلاة جمعة الان |
ملحوظة: عمري ما لقيت الوقت اللي في المنتدى مظبوط على ساعة عندي أياً كانت
المهم أنا ما كنتش لسه دخلت شمال و الله أصل أنا لما باضايق بتطلع حاجات مش كويسة كده مش شتايم لكن أنا أستاذ تهزيأ بدرجة بروفيسور قلت أستنى لما الكل يدخل و يحكم إظاهر إن الواحد طلع غلطان لأ وإيه كمان على راسه بطحة وأنا مش ببرر حاجة بس اللي ما يعرفش معلومة كاملة ما يتكلمشي خصوصاً على الملأ لكن كانت مثلاً تتعمل إزاي رسالة خالصة من فلاور (إيه يا صلاح إنت لحقت تصلي الجمعة و ................إلخ) و أي حاجة كده و زي ما قلت فوق العلماء الأجلاء بيقولونا انصح صديقك سراً و امدحه على الملأ يلله مادام كله شايف إنه غلطان و إحنا ديمقراطية هافكر الأستاذ يوري إن سماح لسه ما متتش و سماح المرة دي (السماح ده ليه طبعاً !) و معلش لو كنت خلتكم تكتبوا كل الكلام ده أصل الكسل بقى منتشر أوي اليومين دول و الواحد بقى يكسل يرد مش مهم آسف و لو كنت مخطئاً (وأنا كذلك) فيلغفر الله لي و لكم و دمتم سالمين سلام عليكم |
هل انت ضمن الاعضاء المتواجدون حاليا؟؟؟؟
السلام عليكم ورحمة الله وبركاته
انتوا طبعا ياجماعه عارفين ان انهاردة الجمعه وطبعا فى صلاة الجمعه اللى مفيش مسلم بيفوتها حتى لو مبيصليش او مش ملتزم انا الحقيقه كنت هنا فى المنتدى قبل الصلاة عالطول وبفضل لغاية قبل الاذان وبعد كده بنزل عشان الجامع تحت بيتنا عالطول ماعلينا انا لحظت وانا بالقى نظرة على الاعضاء المتواجدون حاليا فى المنتدى :confused: لقيتهم 308 عضووو اتخضيت بجد بس قولت يمكن هيخرجوا وقت الصلاه الا ان بعد اما خلصت الصلاه طلعت عالطول ولقيتهم بردك هم هم بل وزادوا ..... انا مش عارف بجد والله ايـــه اللى احنا فيه دلوقتى ....... سنكمل باقى الكلام لاحقا بس ياريت الموضوع مايتشالش زى باقى المواضيع :stickjo4: شكرا لكل العضاء اللى دخلوا واهتموا وشكرا خاص للثنائى المرح :d |
تعرف يا استاذ صبرى ان الحركة دى بتنرفزنى جدا بالذات ليلة امتحان العربى كان الولاد الموجودين كتييييييييير جدا بس 308 اكيد اغلبهم بنات وعامة ربنا يهدى الجميع
|
فيه منهم بيبقى سايب جهازه شغال
وهوا نازل الصلاة |
زى ما commando قال
ناس كتير بتسيب الجهاز شغال وتنزل انا ساعات كتير بسيبه وبنام يعنى بكون بحمل حاجه او sCan هيطول شويه بس ماعتقدش ابداا ان ممكن حد يفضل فى المنتدى ساعة الصلاه وخصوصا صلاة الجمعه ( دى استحاله) |
اقتباس:
مع حضرتك فى الراى انا احد الناس اترك الجهاز مفتوح ولا اعمل تسجيل خروج من المنتدى وبذلك انا اكون فى الصلاة بالمسجد وموجود بالمنتدى وربنا يبارك فى الاستاذ / صبرى البرنس فى غيرتة على الصلاة وفى رد حضرتك المقنع |
الله يمسيه بالخير الملك حمص كان فى فترة من الفترات بقى يغلق المنتدى أثناء صلاة الجمعة و كان بيعمل رسائل تذكير للصلاة بس طبعاً الحكاية دى ماكملتش لإن فى بنات كتير مش بيصلوا الجمعة و الأهم من كده فى إخوة مسيحين فى الموقع لكن بصراحة أنا من جوايا بضايق من وجود شباب فى المنتدى أثناء الصلاة يمكن هما مش بيسجلوا الخروج بس فعلاً ناس كتير منكم مابتصدق ترجع علشان تكمل يومها على المنتدى و ده بيستفزنى جداً تلاقى الواحد من دول بيقوم من على الجهاز بالعافية و يمكن بعد الآذان كمان و يبقى نفسه يكون على الجهاز أول ما يخلص الصلاة ربنا يهدى الجميع اقتباس:
ثلاثى يا أخ :bosyht9: الشكر لله |
اقتباس:
فاكر مره حصلت بس فتحه بعد صلاه التراويح :d هو غالبا زي الاساتذه الافاضل ما قالوا ناس كتير بتسيب جهازها مفتوح |
اقتباس:
بالعقل كده يا بسام .. أصلاً تسجيل الخروج بيتم بعد حوالى 10 دقايق من وقوف نشاط العضوية فى المنتدى فاتحين مسجد جمب الجهاز مثلاً؟؟!! أكيد دا إستهتار من ناس بصلاة الجمعة .. للدرجة دى بيحبوا المنتدى .. على إيه ؟!!!:d |
زي ما الاعضاء جاوبولك ع السؤال ان فيه ناس بتبقي سايباه مفتوح اقتباس:
شكرا لموضوعك :slap1qk6: |
باقى الموضوع
شكراياجماعه بجد على الردود المقنعه ديه ;)
بس نفترض ان الواحد مننا هيسيب الجهاز وهينزل طيب هيسيبوا على منتدى الثانويه ليه .مش عارف ناس غريبه اوى الواحد اما بيسيب الجهاز وهو نازل بتبقى حاجه بتنزل مثلا كده لكن مش حبا فى الموقع هيسيبوا شغال عليه ... وايضا ردا على اقتباس:
تحيه خاصه للثلاثى السوووووووووبر .... هرجع تانى ;) ......... |
و عليكم السلام و رحمه الله انا مش عارفه ايه السبب اللى ممكن يخلى الواحد يستنى فى المنتدى لحد الصلاه و كمان احتمال انه يفوتها بس عامه انا ليا كذا ملحوظه على الموضوع اولا : انا كنت هنا وقت الصلاه و بعدها و مش كانوا 308 و لا حاجه و كان فعلا اغلبهم بنات الا كام ولد كده بس ثانيا : الموضوع مكرر و اتحط قبل كده سؤال للاعضاء الاونلاين دلوقتي.....عاجل و انا فاكراه عشان كنت حطيته فى الارشيف بس حسيب ده لاختلاف الناس و اختلاف الاراء بس موضوعك منقول باين :) ثالثا : اقتباس:
اقتباس:
العفو الشكر لله الحمد لله ان فيه ناس بتقدر اهى على فكره اشم ريحه تريقه تانى و مش حيحصل كويس :d فى رعايه الله |
السلام عليكم ورحمة الله وبركاته
اقتباس:
انا بكتب حاجه لحظتها فى المنتدى فى رعاية الله ............................ |
اهم اهم
وان شاء الله اوعدكم الجمعه الجايه هصورلكم عدد الاعضاء قبل الصلاة
وبعد الصلاه ان شاء الرحمن .. بس كده هيبقى موضوع تحدى ومش هينفع بس ياجماعه اعذرونى ... راجع تانى :o |
جزاك الله الجنة
بجد نظرتك للموضوع دا جميله جدا بالذات ان صلاة الجمعة المفروض متتسابش خالص قال تعالى :"يا أيها الذين امنوا إذا نودي للصلاة من يوم الجمعة فاسعوا إلى ذكر الله وذروا البيع ذلكم خير لكم إن كنتم تعلمون" يعني ربنا امرنا نسيب الشغل ...فما بالك باه وسائل الترفيه و كمان و اللهي انا كذا مرة بكون ماشية في الشارع و بلاقي رجاله قاعدين على القهوة و ماشيين في الشارع عااادي ولا كان الاذان بياذن اصلا ... |
اقتباس:
ياريت صاحب الموقع يصدر قرار باغلاق المنتدى وقت الصلاة لكى يكون عبرة لبقية المواقع الاسلامية لعل الله يهدى به اناس كثيرون |
اقتباس:
شكرررررررررا على مرورك استاذى + شكرا ياyomna نورتى التوبيك |
اقتباس:
على كده حضرتك مش هتروح تصلى ؟؟ ولا هتصلى بسرعة البرق و ترجع تشوف المنتدى؟!! فى مثل بيقول اللى ياكل على درسه ينفع نفسه .. حضرتك ماتبقاش زى غيرك .. خليك الأفضل و سيب انت المنتدى وقت الصلاة و ربنا يهدى الجميع |
على فكرة حرد بحاجة بسيطة جداً
على مستوى الاقاليم حتكلم بس على المربع السكني اللى انا ساكن فيه مرة نزلت من بيتي المسجد اللى في نفس الشارع كان خلص والناس طالعة الشارع اللى بعده بحودتين كان في الدعاء ودخلت وبدأت معاهم الصلاة كاملة كمان شارع في مسجد تاني انا خلصت الصلاة وده لسه بيقيم يعني ممكن اروح اصليها تاني لو مش واثق في صلاتي :) وده هو نفس ترتيبهم كده كل مرة ده في اقرب 3 مساجد جنب بيتي وممكن اصلي الصلاة 3 مرات متتالية اكيد بقى بداية الخطبة حتفرق من محافظة للتانية لو نص دقيقة بس حيكون عندك 13 دقيقة فرق وبتقولو تسجيل الخروج 10 دقايق يبقى كده 23 دقيقة وفي خطبة بتخلص في 25 دقيقة بالصلاة يبقى الموضوع مش محتاج علامات استفهام ولا حاجة |
اقتباس:
لا طبعا يااخت اســــــــــــــيل فى برنامج او برامج بتصور شاشة الكومبيوتر بمجرد تحديد الوقت capture image لا طبعا انا مش قصدى انى هسيب الصلاه واقعد هنا ليه يعنى ؟؟ عشان ايه وانا الحمد لله بسيــــــب المنتدى ساعة الصلاه . شكرا لمروركم الكريم |
اقتباس:
هنفترض ان الخطب من مكان لاخر بتختلف مثلا 5 دقايق طيب هو الواحد مننا هيبقى قاعد اودام الكمبيوتر وهيطفى وهينزل يصلى عالطول من غير اما يعمل اى حاجه وبعدين انا لحظت الحكايه دى كل جمعه وكمان ولا معظهم بنات ولا حاجه والله كان فى شباب ورجاله كتير اوى جزاكـــــــــــــــــــــــــــــ الله خيرا على المشاركه :) |
اقتباس:
اقتباس:
لا ع فكرة انا مقتنعة بكلام بانزر لسبب مش كلنا ساكنين ف القاهرة ولا اكتوبر ولا اسيوط ولا المنصورة ولا اى مكان مشترك بينا كلنا بالتالى ف فروق ف التوقيت بين كل محافظة ومحافظة ومنطقة ومنطقة يعنى الصلاة ممكن عندى تخلص قبل عندك .. عند حد تانى تخلص قبل عندى قبل عندك وهكذا بالتالى سهل انه يدخل النت او المنتدى تحديدا وكون ان لما الصلاة تخلص والشخص يدخل المنتدى دى حرية شخصية .. ترجعله هو ازاى يقسم وقته وازاى يضيعه ;) ملحوظة اقتباس:
اقتباس:
بالتالى هيتم دمج الموضوعين |
انا جهازى 24 ساعه مفتوح سواء البى سى او الاب وبالرغم من كده ممقعدش فى المنتدى اكتر من ربع ساعه ولو كان الفراغ مقطع بعضه نص ساعه و اعتقد ان اغلب الاعضاء كده متلقش يا استاذنا امتنا وشبابها لسه بخير:) فى رعاية الله |
أولاً فى متصفحات بيبقى ممكن تفتح صفح مع بعضها فى taps ايه المانع أنى أفتح الصفحة الرئيسية و بعدين أسيب الجهاز
أختى تيجى تفتح taps تانيين و تشوف اللى عايزاه و تيجى بعدها أختى التانية و التالتة .............. !!! عمرها ما حصلت مع حد؟ عن نفسى ممكن أسيب متصفح الأوبيرا و عليه الصفحة و طبعًا الناس فاكرنى فاتح ال 24 ساعة مع أنى مش موجود أصلاً طبعًا ممكن يبقى فيه اختلافى زمانى بسبب اختلاف المكان بل ممكن يبقى فيه اختلاف زمانى و فى نفس المكان يعنى فروق التوقيت فى مصر شوفى قد ايه عشان ابسطها حاولت أحسبها حسبة تقريبية العصر مثلاً فى رفع النهارده بيأذن كام أقول 4:28 مساءً طيب و فى طنطا 4:40 مساءً و فى مطروح 4:50 مساءً يعنى الفرق أكتر من تلت ساعة و يمكن أكتر من 25 دقيقة كمان لأن على ما أظن مطروح محافظة ممتدة بالعرض و يمكن واسعة ، حضرتك بجد بجد شوفت جوامع بتخلص فى أقل من تلت ساعة صلاة الجمعة !!! ده غير أن الخطبة ممكن فى جوامع من نفس المكان بتختلف فى المدة و ممكن وصل لساعة (يا ريت الكلام ده من زمان) و طبعًا فيه ناس بيتها جنب الجامع فممكن يروحوا للجامع فى أقل من دقيقة ده غير فى حالة عدم نشاط العضو بيتهيألى الموقع بيخليه فاتح ربع ساعة بعدها (محسبتهاش) و يمكن أقل مقدر شعور حضراتكم و الغيرة على شبابنا المسلم و لكن لا تقلقوا الأمة لسة فيها خير (إلى حد ما) و جزاك الله خيرًا على الموضوع ده |
رد
السلام عليكم ورحمة الله وبركاته إنك لاتهدي من أحببت ولكن الله يهدي من يشاء بداية جزاكم الله خيرا على الموضوع سواء كان مكرر أوجديد فالشكر للإثنين ثانيا هوا الموضوع محتاج شويه عزيمه من الإخوه اللي مش بيصلوا سواء جمعه أوغيرها بصوا ياجماعه مفيش حاجه إسمها الجمعه بس هيا كوسا؟؟؟؟؟؟؟؟؟!!!!!!!! زي اللي يقول إطفي الأغاني وقت الأذان هوا وقت الأذان ربنا بيترقبنا وغير كدا سايبنا ربنا مطلع علينا فكل وقت مش بس وقت الجمعه ياااااااااااااااااااااجماعه الإسلام بيضيع واحنا قال إيه زعلانين بعد كده واحنا من ضيعه اه في حاجه تانيه موضوع قفل المنتدى وقت الصلاه مش حل أبدا أنا عن نفسي بحب الواحد لما يعمل حاجه تتعمل تربيه مش عنف عارفين إيه الحل ان اللي مش بيصلي وبيقعد عالنت يحترم ربنا لاغير ويقوم من نفسه رضيت أو مرضيتش انت لازم تقوم ولو حد مش عايز يصلي ميصليش ربنا مش هيزعل منه بس بشروط لما تجوع متاكلش من رزق ربنا ولما تعطش ماتشربش من الميه اللي ف أرضه ونام على أرض غير أرض تانيه غير اللي خلقها ومتستضلش تحت سماه من الأخر متخودش حاجه من ربنا واعمل اللي انت عاوزه لوتقدر بطل صلاه بطل كل حاجه وكمان على فكره ممكن فعلا يبقى حد سايب السايت مفتوح وينزل يصلي وممكن حد من إخواته يقعد بداله إحنا مش عايزين نشك ف حد بعينه ممكن في يبقى عذر ويارب إهدي الجميع انا عارفه اني طولت بس كنت حابه أقول الكلمتين دول |
| جميع الأوقات بتوقيت GMT +2. الساعة الآن 12:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.