|
حكايتي مع الوسطه والمحسوبيه
الوسطه والمحسوبيه تقريبا بقت القوانين اللي بتحكم حياتنا في كل حته وسطه في الجامعه وسطه في الشغل وسطه في المدرسه وسطه حاجه بقت تخنق؟ هحكي لكم علي موقف حصلي في الجامعه انا بحب اوي يكون ليه نشاط روحت الجامعه من اول يوم سئلت علي اتحاد الطلاب قولت اعمل حاجه بحبها وسمعت ان الطلاب اللي بيقوا في الاتحاد بيبقي ليهم شويه امتيازات قولت اضر ب عصفورين بحجر المهم قولت انا هدخل الاتحاد وارشح نفسي ايه المشكله روحت للاستاذ للمسئول عن الاتحاد خد اسمي وقال ليه نعمل انتخابات طبعا ولا حصل انتخابات ولا زفت والوسطه اشتغلت طبعا عشان معنا وحده بنت واحد واصل طبعا بقت هي امينه الاتحاد وصحبتها الامينه المساعده انا بقه عشان الدكتوره معجبه بشكلي (بس) خليتني امينه لجنه (كتر خيرهاااااااااااااا) المهم معجبنيش الحال طبعا كنت فكره ان هيبقي في انتخابات حتي ولو هيزوا فيها بس طبعا مكنش فيه كتمت في نفسي النهرده الدكتور اعلنت عن دوره جوده واتقان المهم قالت هنختار 25 للدوره اختارت كام بنت عرفاهم وقالت بنات الاتحاد لا عشان يسبوا فرصه لزميلهم قولت ومالوا اصحابي برده لازم يشتركوا في حاجه زيي ومتكلمتش الاقي بقه امينه الاتحاد والامينه المساعده وكام بنت من اصحابهم في الاتحاد دخلولوا الدوره ليه ؟؟؟؟ ما كل حاجه بمزاج الدكتوره بقه كل بالوسطه الدكتوره تقول كلام وترجع تعمل عكسه كل ده عشان ده عشان ديه باباه فلان وديه والده علان حرااااااااااااااااااااااااااام كل حاجه بالوسطه قولت مش هسكت روحت ادور علي حد اشكي له قومت راحه اداره الكليه في شويه ادرايات محترمات هناك روحت قولت لهم عيزه اقدم شكوي قولوا ليه خير حكتلهم اللي حصل قول ليه لازم تتعودي علي كده كله بالوسطه مش بس في الكليه ده بعد ما تتخرجي وفي كل مجالات الحياه قولت حرام والساكت عن الحق شيطان اخرص مملكتش نفسي وبكيت استذنت منهم ومشيت وبس من سعتها وانا مخنوقه ومش لاقيه حل اسكت علي كده ولا اعمل ايه حد يقولي حل |
يا بنتى الحاجات دى عمرك ما حتلاقيلها حل عشان دى دخلت فى ثقافه الشعب و انتى مش حتغيرى الشعب كله موضوع الواسطه بقى خلاص بطلوا يعترفوا انه غلط اساسا عشان تقولى انك تشتكى الدكتوره ده كويس انها معرفتش عشان لو عرفت حتعرفى التعسف بالاضافه للمحسوبيه مبادئ الانسان دلوقتى شغاله تتجزئ و فى النهايه اخر اليوم يرجعوا على اساس انهم الحمل البرئ و يتكلموا عن فلان اللى بياخد رشوه و علان بتاع الواسطه يعنى انا بقولك ان العمليه مش مشكله دكتوره و حتقدرى تخلصيها بالشكوى او انها ليها حل اساسا مفيش غير اننا نرجع للى المصطفى سالبهولنا عشان منعانيش من المشاكل دى يلا فى رعايه الله |
هى الوسطة فى مصر مش هنقول ظاهرة بس تقدرى تقولى شىء لابد منه امر واقع الوزير بالوسطة والمديبر بالوسطة والغفير بالوسطة وفعلا الناس اللى قالت ان بعد الشغل هتلاقى الوسطة والكلام ده معاهم حق لان البلد دى بلد كده عادل الامام كان بيقول فى مسرحية قديمة بلد بتاعة شهادات الكلام ده كان زمان فعلا كانت الشهادة اهم شىء ورجع تانى فى التجربة الدنماركية لما قاله والد العريس الشهير فى الفيلم :D الحمد للهابنى اتخرج وشوفناله وسطة واشتغل وشفناله وسطة واخد شقة وشفناله وسطة وهيتجوز :D كله ماشى كده رتبى حياتك على كده :stickjo4: وعلى رأى المثل اللى ليه ضهر ميضربش على بطنه |
اى حد دلوقتى عايز عايز رشوة علشان يمشلك اى حاجة انت عايزة
|
جميل الموضوع ده الواسطة مفهومها العلمى تعنى الكوسة والكوسة من الخضروات والخضروات مفيدة للجسم وبكدا الكوسة مهمة وبالتالى الواسطة مهمة حلوالاستنتاج دا والله:d عادى جدا يا مروج الواسطة فى كل مكان فى الكلية فى الشغل فى الشارع حتى عند بتاع الفول هتلاقى الواسطة بردو شغالة وعادى جدا والدنيا لذيذة هنقول ايه بس هيا دى بلدنا مصر هى كوسة كل عصر:d بالواسطة تبقا مدير ومن غيرها تبقا خقير ولا حد يسمعلك علينا الصبر والسلوان دمتم فى رعاية الله |
اقتباس:
اقتباس:
اقتباس:
اقتباس:
كلامكم ريحني شويه بس في نار جويا مش راضيه تهدي ربنا يرزقني الصبر ده اللي بأدينا |
السلام عليكم ورحمة الله وبركاته
الاخت من هنا ولا من هناك اختى الوسطه دى خلاص كويس ان انتى جربتيها فى حاجه بسيطه زى دى اتحاد وغيره انما انتى مشفتيش مجهودك بيتسرق قدامك تفضلى طول السنه تعملى فى ابحاث وتذكرى و تجتهدى وواحد تانى تلقيه الباشا ولله الدكتور اتحول للتحقيق علشان لقاه عامل ورقه مكتوب عليها اسمه بس وسقطه فى البحث ومرضاش يديله الدرجه النهائيه ولان الباشا ابن رئيس القسم اخد عشرين من عشرين وطلع الاول علينا علما انه واقسم بالله لا لايستاهل انه ينجح حتى بمادتين اختى اسكتى زعلانه على ايه لا اله الا الله انا اسف على انفعالى |
اقتباس:
علي فكره اخي في الله موضوع الاتحاد مش في دماغي انا بتكلم عن المبدا نفسه ما لما نسكت علي حاجات هايفه زي كده هتتطور ومش هنعرف نتكلم في الجد ولا نعمل حاجه زي اللي حصلك |
:)لما تلاقي وسطه رشوة سرقه .... يبقا انت اكيد في مصر :) تحياتي :av4056bb7jp3: |
طيب تعرفوا ليه الواسطة بيقولوا عليها كوسة ؟
لأن الكوسة من الخضروات اللي انهاردة تكون زهرة بعد يومين تلاقيها بقت ثمرة جاهزة للقطف يعني بتوصل بسرعة علشان كده اللي ليه واسطة بيوصل اسرع من اي حد ولله الأمر من قبل ومن بعد |
فكرتينى بايام الكلية
انا فاكر ان رئيس الاتحاد الاسبق بتاع الكلية بتاعتى دفع فلوس كتير فى تخليص اوراق خاصة بى واستخدم علاقته علشان انضم ليهم فى الاتحاد الجديد وتسهيل اجراءات الانضمام يعنى هم اللى كانوا بيجروا ورايا المهم بعد المصاريف والوقت اللى راح منهم علشان يقنعونى انضم ليهم والتاكسيات اللى كانوا بيدفعوا حسابها كبرت دماغى من الموضوع بتاع الاتحاد لما عرفت ان اخر رحلة عملوها كان فى بند مالى بيقول انهم صرفو 80 جنية ملح ايام ما كان كيس الملح كيلو بعشرة قروش يعنى 80 جنية يعملوا كام كيلوا ملح ( 8000) كيلو ملح يعنى طن ملح علشان اكل الرحلة وغيروا كاوتش الاوتوبيس 3 مرات وركبوا كاوتش جديد فكرونى ب نجيب الريحانى حلاق علشان الخروف .........دكتور علشان صحة الخروف .......جردل وحبل للخروف .........وحط بعدها الرقم اللى انت عايزه ولسة حتشوفى الاكتر من كدة الرحلات الخاصة بالجامعة ب 15 جنية لمدة اسبوع وطبعا اللى بيطلعها محاسيب الاتحاد وكله من فلوس الطالب الغلبان |
بجد فيه مثل معبر جدااااً عن الموقف ده " نهر النيل لو بقى صلصه مش هيكفى الكوسه اللى فى مصر " " والبلد بتاعتنا دى لو إتزرعه قمح هيطلع فى سنين لو لو كوسه هتخرج وإحنا واقفين " بجد اللى بيحصل فى البلدى كتير على شعبها يلا ربنا يستر بالمناسبه فيه كمان قانون على فكره مضايقنى " الأولويه لأبناء العاملين " يعنى الضابط هيطلع ولاده ضباط حتى لو مشلولين واللى شغال فى شركه ولاده ليه أولويه يعنى لو متقدم لوظيفه محاسب واد دبلوم تجاره وواحد كليه تجاره ووالد اللى معاه دبلوم شغال فى الشركه بيخدوه وخلى بتاع التجاره يبل الشهاده ويشرب ميتها وحاجات كتير جداااااً بس أرجع وأقول " يمهل ولا يهمل " |
اقتباس:
اقتباس:
سلمت وفوضت امري لله جزاك الله كل خير علي مروك العطر اقتباس:
اقتباس:
حسبنا الله ونعم الوكيل مروك اسعدني سيدي الفاضل اقتباس:
اللهم يارب انا وجهنا وفوضنا امرنا اليك ففرج عنا وارحمنا جزاك الله كل خير علي مروك العطر |
طبعا محدش يقدر ينكر ان مصر بلد الوسة لالالالالا دى مصنع كوسة بحالة وممكن تكون بتصدر للخارج كمان بس احمدى ربنا انها جات على اتحاد طلبة وكدة لانك لو شفتى مستقبلك كلة واقف على الكوسة دى وانتى مش قادرة تعملى حاجة ولا اى حاجة وملكيش اى ذنب غير انك ملكيش ضهر وملكيش فى الكوسة كنتى بجد هتتقهرى ولو كان على انتشار الوسطة والمحسوبية فدى بقت خلاص عادة من عادتنا واقاليدنا و بكرة يسموها جمهورية الكوسة العربية ويرسمو بدل النسر كوساية احمدى ربنا وربنا ما يوريكيش الظلم بجد وتقبلو مرورى وشكرا
|
حاو اوي العنوان ده كفابة شكرااااااااااااااااااااااااااااااااااا
|
اقتباس:
الحمد لله علي كل شئ وجزاك الله خيرا علي مروك العطر اقتباس:
جزاكم الله كل خير |
| جميع الأوقات بتوقيت GMT +2. الساعة الآن 04:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.