|
انا بجد تعبانه وعوزه حد يساعدنى
السلام عليكم ورحمه الله انا يا جماعه تعبانه جدا بسبب المذاكره بجد السنه دى رخمه جدا وانا حاسه انى ضايعه فيزياء معفنه وعربى رخم ومواد كلها بارده وانا بقى فى الضياع خالص غير السنه الى فاتت تماما المواد غلسه ومش عارفه اعمل فيها ايه اعدل ماده الماده التانيه اضيع فيها وكمان الوقت ده اكتر مشكله عندى بمعنى اصح معنديش وقت اساسا بروح الصبح الزفته المدرسه مفيش ولا كلمه بستفدها معظم المدرسين مش مهتمين ومش بعرف حتى اذاكر فى المدرسه عشان الدوشه ولو زعقت فى العيال فى الفصل بيسكتوا شويه ويدوها تريقه (دحى كويس - الله ينور - ايوه يا ستى الله يسهلك ............) من الكلام المستفز المهم برجع الساعه 2.30 وبروح على الدروس بدخل البيت والعشاء بتدن باكل وانا بنام مش قادره لان الدروس بعيد وموصلات وبهدله قولولى بقى اذاكر امتى بذاكر وانا نايمه على نفسى طبعا انا عارفه مذاكره متنفعش بساغ وبرده اما بذاكر فى المدرسه بتبقى مذاكره فاشله لان مفيش تركيز قولولى بقى ايه الحل اعمل انا ايه؟؟؟؟؟:blush: انا ضايعه خااااااااااااااااااااالص |
بصي انا عن نفسي لقيت ممنوش فايده مرواح المدرسه لان مفيش حد عنده زمه وبيشرح غير قليل اوي وبيضيوعلي الوقت علي الفاضي انتي قدامك حلين اول حل انك تشتركي في صحافه مثلا وبتروحي اول الحصه بتنزلي ورقه للنظره انك حاضره بقيت اليوم بتقعدوا هناك تزاكري لانهم مش بيطلبوا حاجه غير قليل اوي وانتي لو قلتلهم مش هيقولوا لا لاني كنت بعمل كده اول الحصه بتاعت الصحافه بتدينا ورقه للمديره اننا حاضرين وبعد كده ممكن نستاذنها اننا نزاكر وبيبقا كمان هدوء تاني حل انك تخديها من خلاصتها كده ومتروحيش المدرسه غير قليل اوي انا عملت كده السنه الي فاتت ده طبعا حل فاشل بس هيوفر في الوقت اوي انا عملت كده السنه الي فاتت اينعم اتفصلت بس رحت الداره عملت اعاده قيت بعشره جنيه ورجعوني تاني شوفي برحتك كده هما حلين وحشين بس ممكن يحلوا مشكلتك
|
اقتباس:
عشان خاطرى ما تخليش الاحساس ده يسطير عليكى من دلوقتى لسه فيه وقت كتير أهم حاجة تحاولى تهدى أعصابك الاول ولازم تكونى واثقة من نفسك ومن قدراتك واتعبى اتعبى جامد وصدقينى حتلاقى نصيحة من أخ ما تشغليش حيز من دماغك من غير فايدة يعنى سيبك من كلام الناس ومن كلام أى حد وركزى فى المذكراة بس وأنا فى ثانوى كنت بنام بدرى وأصحى يعنى الساعة تلاتة كده وكانت أحلى مذكراة |
علي فكره أنا عندي زي مشكلتك بس مشكلتي أنا أخف كتير لأننا بنطلع م المدرسه الساعه 12
أظن أن الحل ( اللي أنا بخطط علشان أنفذه ) أنك تفضي يوم أو يومين م الحصص أيوه صعب حصتين يكونوا ف يوم واحد بس هاتوفر وقت للمذاكره |
بوسى ليهـ بتطلعوا إلسآعه 2.30 إنتوا فى تالتهـ ثآنوي مش فى إبتدائــي انا بطلع إلساعه 12.30 بخمس حصص بـــس اما آول يومين فـي إلاسبوع 6 حصص وفوسحهـ ساعهـ إلآ 5 وآضح إن موشكلتكـِ فــي إلوقت و إلمواصلآت وإلدروس إلبعيـــدهـ أنـآ عن نفســي بروح من إلمدرسه بذاكـر للحصهـ وبعد ما آآروح من إلحصهـ انـــام ساعتين وأخد نوص سآعهـ نت تيجى إلساعهـ 12 أذاكر لحصهـ تانـــي وتانى يوم بس عليكـــي تراجعى إللى ذاكرتيهـ بالليل Golden Eagle عملتهــآ مرهـ وجيت فى إليوم إإللى معلييش فيهـ حصه اخدته نوم كله أنـآ عن نفســي مش بهتم للموذكراا غير بوجود حصهـ |
بصى انتى عندك حلين الحل الاول انك مترحيش المدرسه وسيبك من حوارات الغياب والكلام الفاضى ده مادام مفيش اى مدرس مهتم يبقى انتى بتروحى ليه وبتضيعى وقت!!!! والحل التانى انك تخدى درسين فى يوم واحد فى الاسبوع انتى اللى تختريه انا عارف انه هيبقى صعب عليكى بس هيفرق معاكى فى المذاكره باذن الله ....اتمنى اكون افدتك
|
بعد صلاة الفجر
احسن وقت للمذاكره و حاولي تغيبي يوم او اتنين في الاسبوع تكوني مش فيه دروس فيهم |
يجماعه انا في تاانيه مروحتش المدرسه قالولي اتفصلتي كل الي عملته رحت االاداره التعليمه في اخر السنه خالص دفعت عشره جنين وعملت اعاده قيت وديه مش معناها اني ساقطه خالص بعد مدفعت رحت المدرسه ومليت الاستماره ودخلت الامتحانات عادي خالص وتاني حل الي قلتوا فوق ده لو مش عايزه تغيبي
|
اقتباس:
ساعات كانت بتضيع الأيام دي بس لما كنت باشد حيلي كنت باتظبط فيها فعلا ً |
ربنا معاكى يابوسى
انا حاسة بيكى لان مشكلتك زى مشكلتى تماما انا بجد الفيزيا ستقتلنى بس متروحيش المدرسة كل يوم انا خايفة قوى لمجموعى يقل فى تالتة عن تانية لان ساعتها نهاية الدنيا بالنسبة ليا:( خليها على الله |
يابوسى طبيعى جدا جدا جدا
وبرضه انا متأكد ان مواد السنه اللى فاتت كانت كخه فى الاول بس بعد ما بنخلص الامتحانات بتبقى مواد زى العسل اهدى يا ماما واحده واحده انا مش هقولك انتى بداتى بدرى انا فاشل وبدات اذاكر فى شهر 3 سيبك منى بس واحده واحده وزاكرى بس كل اخر ويك اند وهدى اعصابك انتى كده هتتشتتى وهيجيلك انهيار عصبي اضربيها صرمه قديمه دلوقتى وصدقينى هتتحسن بعدين |
بصى يا بوسى انا كنت فى ثانويه عامه السنه اللى فاتت و الحمد لله دخلت جامعه دلوقت
انا هاقوللك تعملى ايه عشان تتخلصى من الشعور اللى انا نفسى كنت بحس بيه ده اولا انسى حاجه اسمها مذاكره فى المدرسه لان ده مستحيل انا فى 3 ثانوى ماروحتش فى السنه كلها غير اسبوع و كمان متقطع و لما كنت بروح كنت بنط من سور المدرسه و مش بكمل اليوم الخلاصه اول حاجه متروحيش المدرسه لانها مش هاتنفعك ببصله خاااااااااااااااااااااااااااااااااااااااالص تانى حاجه تحاولى تخلى مواعيد الدروس بالنهار و تذاكرى بالليل تالت حاجه متخليش يومك كله مذاكره لا انا بقوللك ده غلط و بيعمل كبت و احباط بالعكس خدى الثانويه كأنها سنه عاديه او سنه نقل و نفضى للحياه زى ما انا كنت بعمل و الحمد لله نتيجه اللى انا بقوله ده جبت فى السنتين فى ثانوى 90% و دخلت جامعه محترمه و حكومه كمان (جامعه القاهره) و صدقينى مفيش حاجه فى الدنيا تستاهل |
بجد يا جماعه مش عارفه اشكركم ازاى ولا اقولكم ايه انا اما كنت بكتب التوبيك ده كنت مخنوقه جدا واما قرأت ردودكم ارتحت شويه متشكره جدا جدا عطر الجنه ،ALANDALEEP ،GoldenEagle prince man ،stoneKane ،دكتور مصطفى ، وايه على ، وبوسى ومروه ( بجد يا مروه وحشتينى اوى ) وعلى فكره انا وريت التوبيك لماما واخواتى عشان مش يخلونى اروح الزفته المدرسه لانهم كانوا خايفين من موضوع الغياب ....كان لما بيجيلى انظار اكنى عملت جنايه بس انا قولتلهم انى مش لوحدى اللى بغيب وربنا بقى يقدم الى فيه الخير |
ليه الاحباط ده يابوسى اهدى يا حبيبتى الحكاية مش مستهلة انك تعملى فى نفسك كدة
انا عن نفسى بروح المدرسة يومين فى الاسبوع بس يعنى غيبى من المدرسة لو مش بتستفيدى زييى وفى حل كمان ياريت تعمليه لانى عملاه ومستريحة جدا حاولى تقسمى دروسك على ايام الاسبوع بحيث انك يكون عندك يومين اجازة انا عن نفسى عملت سبت وتلات اجازة من كل الدروس وبقعد فيهم وبكون مستريحة وبزاكر كل اللى فاتنى طول الاسبوع وبالتوفيق ان شاء الله فى رعاية الله |
طيب انا مكنتش بروح مدرسه اصلا
لانها تضيع وقت وملهاش اى فايده انا فاكر انى روحت اول يوم بس عشان اعرف النظام ايه وكدا وبعدها مرحتش تانى وانتظمت فى الدروس والمزاكرة وبس |
بصراحة انا مش متفقة مع كتير من الاعضاء
ماشى المدرسة بتضيع وقت كتير بس بتفيييييد اوووووووووووى لما تركزى فى الحصة وهاتحسى بده فى الامتحان فى حاجات هاتفتكريها من مدرسين المدرسة انا كانت المدرسة بالنسبة ليا مذاكرة ازاى؟ يعنى مثلا اخد الدرس وبعدين تانى يوم فى المدرسة الدرس يتشرح تانى واقوم اجاوب انشط المعلومة فبالتالى بتثبت ربنا معاك ان شاء الله وتدخلى الكلية اللى نفسك فيها |
اقتباس:
العفو ولو عندك اى مشاكل تانيه فضفضى وان شاء الله نلاقى الحل مع بعض |
والله يا بوسي كنت ناويه الناهرده ادخل اكتب نفس مشكلتك دي
احنا بقى بنطلع كل يوم 2.5 ويوم الاحد بنطله 3.5 شوفتي حاسه اني بجد هموت منهم لا وايه انا بقى خلصت اعادتين القيد والانيل مدرستنا دخلت فدور التطوير يعني لينا غياب حصص منفصل تماما عن غياب المدرسه يعني حتى لو ضربت مرضي او اي هجس لازم غياب الحصص اتصرف فيه لاني لو ما حضرتش 85 ف الميه من حصص السنه هأتحرم من دخول الامتحان ف الماده دي والانقح والانقح ان الحيوانه مديرتنا منها لله عايزاني بالعافيه ف كل الانشطه وف الاخر بتاخد شغلي لبنات المدرسات واذا ما عملتش كده بتستقصدني ومس الصحافه والاخصائيه ال2 عشان كنت معاهم ف 1 ف مسابقات وقطعت من 2 بقوا ال2 هيموتوا واشترك معاهم ولما اعتذرت بالزوق قومولي خناقه مع اساتذه المدرسه والفصل والغياب وحتى مدرسين الدروس قولولي بقى انا اعمل ايه؟ بجد انا منهاره جدا |
اقتباس:
ياربى ايه القهر ده معلش يا Dr.memo حاجه تخلى الواحد يزهق ويطلع من هدومه احنا المفروض مدرستنا تطلع الساعه 3 الا ربع بس حفاظا على مستقبلنا ومذكرتنا جم على نفسهم وبيطلعونا 2 أو 2.30 يعنى على حسب شوفتى الكرم انا مرعوبه جدا والوقت معتش مكفى والفيزياء دى هتجبلى شلل انا شكلى من هجيب مجموع يدخلنى حتى معهد بالشكل ده |
اقتباس:
شكرا على كلامك يا حبيبتى وربنا يقدم الى فيه الخير باذن الله بس انا مقدرش مروحش المدرسه عندنا فى المدرسه مشددين جامد اوى والله انا باخد كل يوم درسين ماعدا يومين باخد درس واحد (اصلى غبيه باخد درسين فيزياء) وكنت بقول يوم الجمعه ده فاضى خالص لكن بقى كل مدرس عاوز يجبنا يوم الجمعه نمتحن على مادته يعنى يوم الجمعه ده بيبقى عندى بتاع اربع دروس:( |
اقتباس:
شكرا يا قمر على مرورك بس انا شايفه عكسك تماما بصى انا هقولك على نظام المدرسه احنا مدرستنا شد ونظام وبتاع بس ده شكل خارجى بس يعنى لبس البنات كويس الحضور التاخير الكلام ده كله بس عشان مدرس يشرح مفيش يعنى الاستاذ من دول يدخل الحصه يكتب الدرس ويقولنا للكتبه (الى هما احنا)اكتبوا عبال ماجى وادى وش الضيف مفيش عندنا بيشتغل الا مدرسين الاحياء بجد بيشرحوا بضمير فهمتينى ليه بقى ان المدرسه دى اذى للواحد يعنى عكس مدرسه الاعداى خااااااااااالص |
اقتباس:
شكرا على مرورك يا بختك مهو الشباب دول اللى وكلنها ولعه انا ولاد خالى بيروحوا المدرسه 8 بيطلعوا 9 قبل الفسحه من على السور ومفيش مدرس بيقدر يقولهم تلت التلاته كام لكن المدرسين بيتشطروا علينا على راى المثل مقدرش على الحمار اتشطر على البردعه |
حبايبى والله 0000انتم حبايبى00000
طول عمرى بحب المدرسه000ايييييييييييه ايااااااام ومشوارى التعليمى حااااااااافل بمعنى الكلمه هقول ايه والا ايه كلمه وبرددها كتيييييييييير السنه دى ربنا على المفترى 000 وابن الحرام زى ما يكونوا بيتفننوا ازاى يزحلقونا من المدرسه على العموم ياشباب هنشوف دماغ مين انشف؟؟؟ انا والا المدير000000000000000000000 اما جبتله النقطه واجريه ورايا فى الحوش مابقاش انا انتصار هههههههههههههههههههههههه |
يااااااااه بتفكروني بايام المدرسة ..
كانت احلي ايام والله .. الواحد كان ماسك اتحاد الطلبة .. والغياب بتاع المدرسة كلها في ايده .. ومسابقات وفسح وحركات جامدة وكنا بنسيب الحصص والفصول ونقضيها في الحوش تحت .. وساعات كتيرة ماكنتش بخش المدرسة اصلا وكنا بنروح الساعة 12 ونص كل يوم .. والله كانت ايام لذيذة .. وادي اخرتي اهي .. تجارة القاهرة !! اول سنة عدت زي غمضة العين .. احضر محاضرات واقضيها في الجامعة شوية معا صحابي واروح وتاني سنة .. اهي بتعدي اهي .. وهاتبقي زيها زي اللي قبلها ! |
طبعا لو قولتلك اتجوزى واقعدى فى البيت هتقولى ده بيهظر اوك نشد سطر ونتكلم بموضوعية _____________________________________________ مش هقولك غير حطى قدام عنيكى حلمك اللى نفسك تكونيه عايزه تكونى دكتورة مهندسة مدرسة زى ما تحبى بئا خالى الهدف ده قدامك ديما هيديكى دافع انك تزكرى وتجتهدى شدى حيلك انتى بس بصى يابوسى والدى ديما كان بيقولى جملة وحده لما بقول زهقت قرفت مش هزاكر كفاية برحتك اللى بينفع بينفع نفسه وانا برضه بقولك لو هتنفعى نفسك مش هتزكرى غير ليكى ومش هتنجحى غير ليكى |
نصيحتى ليكى انتى لسه فى بدايه السنه
تفائلى ( تفائلوا بالخير تجدوه ) انا مؤيده لراى الاخت عطر الجنه بخصوص اشتراكك فى جماعه الصحافه اعتقد ان ده حل مناسب ربنا يوفقك فى امان الله |
اقتباس:
طب الحمد لله في زمه عندهم وضمير عالي جم على نفسيهم ربع ساعه عقبالنا والله انا كمان زيك يا بوسي حاسه اني هضيع ف الفيزياء والرياضه اللي عندي دي خصوصا اني كنت هقسم السنه ورجعت ف القرار ده ويادوبي اللي بادأه درس الرياضه من اسبوعين وكل اسبوع بناخد 4 حصص تخيلي بقى وانا بجد حاسه اني هولع ربنا ع الظالم والمفتري |
اقتباس:
ههههههههههههههههههه شكلك شقيه يا انتصار ربنا يحلى ايامك كمان وكمان |
اقتباس:
لالالالالالا ان شاء الله اللى جى هيبقى احلى من الى فات شكرا لمروركvampire |
اقتباس:
تعرف كلام والدك نفس كلام بابا بس الفرق بقى ان الكلام بتاع بابا ده بيكون كلام اول السنه وبيتغير للنقيض اخر السنه ويوم النتيجه:slap1qk6: شكرا لمرورك اسلام وجزاك الله خير |
اقتباس:
( تفائلوا بالخير تجدوه ) الحديث ده جميل اوى اوى اوى شكرا ليكى ولنصيحتك نداء الجنه |
اقتباس:
يا رب يا ميمو بس المشكله بقى مين المفترى ده اكيد مش المدرسين هما مش ليهم دعوه ولا المدير مهو بينفذ تعليمات يبقى اكيد الحمار الكبير بتاعهم قصدى الجمل بتاعهم اللى ربنا يخده ربنا يقويكى يا رب وتبقى عشره على عشره فى الرياضه |
بصى يابسبوسة اولا ياحببتى متبقيش كدة كل ما هتعقدى نفسك كل ما هتسود اكتر هو عربى تالتة رزل حبتين بس صدقينى مع الوقت هتبقى رزلة زية :d وانتى طبعا عارفة الرزل يحب الرزل :friendsxs3: والله يابنتى هتحبيه هو الادب الى عامل تربنه صح؟؟ هتلاقى الادب دة فى اخر السنة بقى مية والله اسألى مجرب زكرته فى اخر شهر:028ja7: حاولى بس تخزنى كل الى بيتقال فى دماغك واخر الاسبوع تزاكري كويس اوى وادى كل مادة حقها يعنى الفيزيا والاحياء او الرياضة اديها وقت اكبر مالعربى ومتركزيش مع العربى دة يابنتى دة بتزاكر فالوقت الضايع بس زى ما قولتلك ركزى فى كلام المستر ساعة الدرس ربنا يوفقك ياقمر |
انا الحمد الله ما عتديش المشلكة دى
انا حتى عندى الوقت كتبير جدا لنى فى الجيش بس انا انا نفى ارجع ايام المدرسة والدروس بس قرارت اخدها منازل |
| جميع الأوقات بتوقيت GMT +2. الساعة الآن 03:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.