|
البيان الاخير للقلة المندسة. . . . نستودعكم الله
حلو اوى اللى بيحصل ده بجد مش عارفة موقف الاعضاء منه ايه او موقف الادارةالعظيم:078111rg3: ايه كلامى هنا واضح اوى المقصود منه ايه _GUIDE_ يتحذف اشرافه ويتوقف اسبوع:o !! انا شفت الكلام ده امبارح مكنتش عارفة السبب بس عرفته النهاردة والاعضاء كلها عرفت كما عبقر قال علشان التوقيع بتاع اسلام اللى هو ده اقتباس:
بقى علشان توقيعه ده اتوقف اسبوع واتشال اشرافه !! يا سبحان الله اعتقد ان مش جديدة توقيعات اسلام المعروفة مكنش لا بيتوقف ولا اى حاجة والدليل ان الاعضاء كانت بتعمل توقيعات زيه لا واقوى منه كمان وبعدين عادى يعنى لما اعمل توقيع معبر عن تفكيرى او حالتى النفسية او اى حاجة مش هو توقيعى ولا توقيع الجيران ولا يمكن بكتبه فى بروفيلى بينزل فى بروفيل الادارة ؟؟ بس اللمسات الفنية الجديدة اللى نزلتها الادارة ان الوقف بقى اسبوع كمان مش 3 ايام او 48 ساعة على ذمة التحقيق لا وكمان الجديد بقى ان اشرافه اتشال والله حاجة حلوة بقى اسلام اللى شايل المنتدى بجد وهو مش هقول الوحيد علشان فى ناس كويسة بس مش زيه بس هقول 24 ساعة متواجد مفيش مرة مدخلتش فيها المنتدى الا ولاقيته موجود بلاش متواجد لحسن حد يقولى بيدخل يلعبله شوية ولا حاجة مين اللى كل شوية شغال اقتراحات فى حجرة اللى ممنوع اقتراب الاعضاء منها ؟؟ مين اللى مظبط الاقسام وخاصة قسم الكادر اللى كله عارفه كووووويس اوى مين اللى بيطور المنتدى بجد وفعلا عامله مليون مش الف حساب ؟؟ على فكرة ده مش كلامى انا ده كلام نااااس كتيير بالاجماع على ردودهم وتفكيرهم عن المنتدى واللى فيه اقتباس:
ده نسخه من كلامه اللى فى الموضوع اللى اتنقل الى رحمة الله من 15 دقيقة اقتباس:
اظاهر ان فى قوانين جديدة تم الموافقة عليها من قبل الادارة الجديدة:) ده رد عبقر: اقتباس:
صح يا اسلام المفروض متسالش انت نسيت القوانين اللى محطوطة علشان خاطر القلة المندسة بس ولا ايه؟ مش تركز اقتباس:
اقتباس:
هى دى كلمة الشكر^_^ والله انا لو منك ما ادخل تان حفاظا على كرامتى حبك للمنتدى ده عملك ايه غير انه .................. ده بدل ما يقولولك مبروك بقيت مدير الموقع لا بيقولولك مبروك على وقفك وحذف اشرافك:mellow: !! اقتباس:
احنا اللى بنقول لاسلام مترجعش لاننا ماشيين معاك يارييت الموضوع ميحتضرش او يتنقل لسلة المهملات بتاعتكوا خليوها مناقشة حسسونا شوية بعد القوانين اللى نزلت دى ان لسه الاعضاء ليها كلمة وراى ليها حق انها تناقش وتعترض يا منتدى الاحترام والسلام :078111rg3::078111rg3: باسمى وباسم * القلة المندسة * كلها اللى الادارة تعمدت انها تحذفها سلااااااااااااااااام يا منتدى الاحترام والسلام :078111rg3::078111rg3: العضو اللى هيدخل فينا هيدخل علشان ينقل مواضيعه فقط كفاية كده |
ليا الشرف اني اكون اول المهاجرين يا ترافيل
ليا عودة ورد آخر ان شاء الله بس يارب الحق قبل ما يآخد رمية جامدة لحد اخر قسم تحت خالص المواضيع المكررة والمحذوفة |
المرادى للاسف
مفيش اى حاجه ممكن تغير القرار ده حتى اسلام نفسه لو بقى مدير معتقدش انه هيرجع تانى للموقع لان المرادى الاهانه اقوى ونا معاكو باذن الله |
نسيت اقول ان ده اخر قرار ليا بالنسبالى
حتى لو كلكو قررتو ترجعو تانى الموقع:) |
بيسموهم ايه يا ترافيل
؟؟ النازحين صح ؟؟ المهاجرين بيرجعوا تاني لما يقدروا بس والله هتوحشني بجد الديكتاتورية الي هنا دي وقلة الاحترام الواحد برده بطبيعة المواطن المصري مش بيعرف يعيش من غير البهارات دي لازم كدا يعيش الحاجات دي كل يوم يا اما مش هيبقى مزاجه تمام تحيا مصر تحيا بوابة الثانوية الي ابوابها مفتوحة باستمرار ... هه مش عارفة اقول ايه بجد الكلام خلص وكتره مش ليه لازمة كل شوية بقول الكلمتين دول لانهم بيمثلوا الواقع اصل بجد احنا بنتكلم والكيبورد كتر الكتابة عليها مش كويس الحروف قربت تتمسح يعني وبنأذن في ملطا والواحد ايده بتنمل من كتر الكتابة وفي الاخر يدخل يلاقي تم عقد اجتماع تم الاتفاق على الاتي ممنوع عمل كذا ممنوع انك تقول كذا لا يمكن للاداري عمل كذا واخر حاجة هنوصل ليها اياكم تتنفسوا قدام المنتدى دا لما تفتحوه والي هيتنفس يا ويله ويا سواد ليله بس هو دا الي بنآخده يارب اكون وصلت وجهة نظري المتواضعة |
اللهم انى لا اسالك رد القضاء ولكنى اسالك اللطف فيه هو دا جزاء اللى يعمل خير للمنتدى الوقف ياريت يا اشرف تقدر الاعضاء ومش اى حد يتشال منه الاشراف ومش اى حد يتوقف دا اسلام اللى ياما تعب علشان يحاول يصلح منتداك اللى مش هيتصلح هو دا تقديره انه يتحذف من الاشراف طب مفيش حتى كلمة شكر على مجهوداته وكانه لم يعمل شىء على فكرة يا اشرف اسلام عمل للمنتدى اكتر منتا عملتله اسلام من يوم ما مسك الاشراف الادارى كان مظبط المنتدى ومحدش كان بيعترض عليه اما انت كل الناس بتعترض عليك لو خيرت الناس بينك وبينه هيختاروك وهيتفقو على رفعك من الاشراف الادارى لانك ما تستحقهوش مش عارف يا جدعان ايه الى بيحصل القوانين اللى منزلينها دى بتمشى علينا فقط وليس لنا حق الاعتراض وكاننا جماد لايرى لا يسمع لا يتكلم حرام عليك يا اشرف ( هل جزاء الاحسان الا الاحسان ) عملت موضوع بخصوص القلة المنكسة والمحموعات الاجتماعية روحت حاذفه لانك معرفتش ترد _دا اقل تعبير _ انما توقف ادارى افضل منك فى الادارة هنقول ايه بس شر البلية ما يضحك :::::::::::::::::::::::::: بعد كلامى ليك مستعد للوقف بس الساكت عن الحق شيطان اخرس وحنامش شياطين قلنا قبل كدا يا نعيش عيشة فل يا هنمشى احنا الكل وها قد حان وقت الذهاب افرح بمنتداك سايبنهالك مخضرة لقد اسمعت لو ناديت حيا ولكن لا حياة لمن تنادى دمت زى مانت يا اشرف مفيش قرار صح اخدته وفى الاخر ليس لنا حق الاعتراض ولو جينا نسال ايه السبب تقولولنا بلاش قلة ادب طب ليه كل دا علشان بيحاول يصلح منتداك وبيطلع عيوبك اللى بقت كتيرة وفعلا كل من عليها فان ويبق وجه ربك ذو الجلال والاكرام الامضاء قليل مندس |
اقتباس:
والله معاكى حق فى كل كلمة زودى عليه لا حياة لمن تنادى وخاصة (ودنك منين يا جحا):049gc0: |
اقتباس:
لقد اسمعت لو ناديت حيا ولكن لا حياة لمن تنادى خلاص يا هند كبر الجى وروقى الدى معدتش حاجة تستاهل اننا نحرق دمنا علشانها وبقولهالك يا اشرف على الملاء العيب فيك زى ما يورى قال |
تاني يوم من وقف اسلام كان معايا علي الميل وقولتله انت اتوقفت ليه مكنش عارف
بس اعدنا نفكر نفكر قولتله يمكن عشان توقيعك كان حرق عبقر شويه ؟ قالي ممكن قالي تصدق انا اتشالت من الاشراف كمان المهم اني مكنتش زعلان لسبب واحد فقط اني هقعد اتفرج علي المنتدي هيبقي عامل ازاي منغير اسلام وعلي شكله الحلو وهو بيرجع للعصر البدائي تاني من بعد ما كان اسلام شايله اجدع حاجه في المنتدي دا انه زي القطط بياكل وينكر ووالله العظيم انه حتي ميستاهلش الاكل |
لا حول و لا قوة إلا بالله بقي عشان التوقيع يتوقف ده إسلام كان حاتت أصعب من كده و بعدين هو قال رأيه بصراحه و حريه بس يا شباب ده ميمنعش إن إحنا لو عايزين المنتدي أحلي نعمل كا اللي نقدر عليه مش إن إحنا نسيبه و نمشي ما أنا هسيبو و أمشي و إنت تسيبوا و تمشي طز فينا في أعضاء جدد هيجوا و ممكن ساعتها تكون الأحوال إتغيرت طب ليه إحنا منحاولش نغير بأدينا أنا عارف إن دي أحلام طول ما الأمر مش في إيدينا بس صدقوني يا شباب الرحيل مش حل مش بالعقل و المنطق إنك عشان تواجه صعب أو تحل مشكله تديها ظهرك و تقول سلام و ربنا أنا عارف إن كلامي مش عاجب المنتدي كله بس بجد إحنا ممكن نعمل حاجه بس صبرا يا شباب و أكييد أنا معاكو لغاية لما نشوف حل و ياريت ميكنش الهجره عشان أنا مش هقدر أعد بعد ما كل عيلتي تمشي و ربنا يعينكوا يا رب |
اقتباس:
لسة هنحاول نغير بايدينا امال احنا كنا بنعمل ايه دحنا دمنا اتحرق والبركة فى عبقر كل دا وبتقول لينا اقعدو الرحيل مش حل فى مثل هذه المواقف الرحيل افضل حل بل واسلم حل عيب علينا لو قعدنا فى منتدى مديره مبيقدرش اعضاؤه بكره يعرف احنا عملنا ايه بكره يعرف ان القلة المندسة وامثالها كانو عايزين يعملو ايه لقد اتهان اسلام زعيمنا وها نحن ندافع عنه ورحيلنا هو محامى الدفاع اتفضل يا اسلام فنحن وراؤك |
اقتباس:
خسارة الواحد يفضل فيه دقيقة وحده او يضيع ثانية وحده فيه وهنعرف نجمع بعض بس فى مكان تانى نحس فيه اننا اعضاء بجد نقدر نتكلم ونحس ان مجهودنا مبيضعش علشان ناس ناكره للمجهود |
اقتباس:
دي الحاجه اللي ناس كتير مش فاهمها ان احنا كاعضاء مش هنفرق مع عبقر بحاجه هو المهم عندوا ان الاعضاء تسجل وخلاص يعني تفكير انه يوصل بالمنتدي لمستوي عالي وخلاص مش مهم عندوا اعضاء شغاله ولا مش شغاله وبعدين انتوا بتتكلموا في اسلام ومستغربين اوي من اللي عمله معاه طب ماهو عمل اكتر من كدا مع اللي قبله وكانوا شايلين المنتدي بكل ما تحمله من معني يعني اشرف ملوش عزيز او غالي |
اقتباس:
بتجيب من الاخر خابف لا الدفاتر القديمة تتفتح اكيد عبقر هيبقا فى موقف حرج ( مع انه كدا اساسا ) ياللا كان الله بالسر عليم ربنا امر بالستر |
مش قلت رأيي مش هيعجب حد: طب بالله عليكم ما تيجو نسأل نفسنا هنستفيد إيه من رحيلنا غير إن إحنا هنفترق عن بعض؟؟؟ حاجه هتحصل حاجه هتتغير؟؟؟؟ و أنا و الله مش ضدكم |
اقتباس:
وهنستفيد ايه لو قعدنا فى منتدى مديره مش بيقدر اعضاؤه ولو حتى بكلمة شكر سبخانه وتعالى قادر على كل شىء المنتديات مالية الدنيا وزى ما اتجمعنا فى ده اكيد هنعرف نتجمع فى غيره مع فارق التقدير طبعا دمتم فى رعاية الله ....................... حاسس ان الموضوع هيتحذف بعد دقيقتين |
مع نفسكو بقا
عليا سكشن رسم هندسى ياللا استودعكم الله ::::::::::::::::::: عارف انى هارجع الاقى الموضوع محذوف والبقية تاتى دمنتم فى رعاية الله |
اقتباس:
و أنا كمان والله عندي سكشن رسم هندسي و ميكانيكا يلا سلام و إلي المصير المحتوم الحذف و لو أن هو لو فضل اللي في الدماغ هيتعمل أستودعكم الله |
للاسف حاجات كتير بتحصل هنا غريبه
أستاذ بدوى الدجوى ليه اتشال من الاشراف واستاذ محمود القالع لماذا ؟؟؟؟ ارجو الاجابه ....... مبقتش احس بالانتماء للمنتدى زى زمان لولا ارتباطى بالغرف والطلاب كنت اكيد سيبته من زمان عموما كلنا كمدرسين نعمل لوجه الله ومش منتظرين لا تقدير ولا شكر الله المستعان فى امان الله |
لو عايزين نتجمع من تاني
منتدي الاستاذ موجود للي يحب اننا نتجمع تاني يعني |
السلام عليكم ورحمة الله وبركاته
هههههههههههههههههههها ادى حال الدنيا بلاش يا جماعه نتكلم كتير ده اشرف وطبعا كلنا عارفينه الكلام المفروض يوجه لاسلام واحب اوجه لكم كلكم كل الى قال انه حيمشى ولله عيب عليكم انا متاكد ان اسلام مش حيسيب المنتدى حقيقى انا متاكد مليون الميه اسلام بقاله فى المنتدى ما يقارب من تلات سنين اهوة وهو عارف اشرف ودماغه المفروض اننا نقف معاه ونهديه ونقوله انه مينفعش انه يسيب المنتدى لو اسلام باصص على الاشراف يبقى احسنله انه يسيب المنتدى انما كلنا متاكدين اننا سواء كنا مشرفين او اعضاء بنخدم هدفنا او ممكن اتكلم عنى هدفى انى اوصل رسلتى ودينى لكل الناس ولكل الشباب واسلام اكيد هدفه حاجه تانيه اكيد هى الارتقاء بمنتدى مديره زى الحزب الوطنى ماشى بمبدء واحد وهو اقترح واعترض كيفما تشاء ونحن نفعل ما نريد يا اخوتى يا ريت نتراجع عن قرار انكم تسيبو المنتدى انتم عارفين دماغك اشرف وعارفين الى فيها فا بجد ملهاش لزمه باه اننا نسيب المنتدى علشان غيرنا مش علشنا لازم نستنى |
اقتباس:
انت بتهدى النفوس ولا ايه ؟؟؟ |
اقتباس:
|
اقتباس:
لانك عارف انا بحبك اد ايه وانت ليه مستغرب هو بعد الى بيحصل ده تقدر تستغرب من حاجه يا سيدى نحن السابقون وانتم الاحقون بس الغريب ان الاستاذ عصام دخل ولا حتى عبرنا برد حقيقى يا استاذ عصام واعذرنى انى بقولك استاذ بدل او بعد ما كنت بقولك يا بابا لانك نزلت عندى فى حاجات كتير اوى ايه موقفك من الى بيحصل ده انت مش فى ايدك ترجعه برضه ولا ايه |
سؤال للاشرف وياريت تكون اجابتك عليه بصراحه
انت المفروض انك وقفت اسلام عشان توقيعه المخالف صح ؟ طيب تمام اوي ليه بقي توقيه متشالش ولسه موجود لحد دلوقتي اهو للي عايز يشوفه _GUIDE_ ياريت نعرف السبب الحقيقي ورا وقف اسلام |
رسالة اسلام لاشرف
انتا قولتها قبل كده ياعبقر المنتدى مبيقفش على عضو بس نسيت حاجة مهمة فى عضو مؤثر وفى عضو ملوش تأثير بس برضه فى ناس كتير اتنست وكانت اهم من المرشد مليون مرة انتا عارف حاجة استاذ التاريخ كان قايل مرة جملة لسه فكرها لغاية الان بعد 6 سنين اى شىء لما بيوصل لقمة النجاح بيبتدى ينحدر للاسقل المنتدى وصل لقمة النجاح السنة دى لكنه ابتدى للاسف ينحدر من جديد ربنا يعينك وتقدر تنقذ ما يمكن انقذه وصدقنى الاستاذ عصام هو المنتدى كله ويوم ما الاستاذ عصام يقرر يمشى قول على المنتدى يارحمن يارحيم فكر فى الكلام ده كويس وحاول تجيب مشرفين سوبر وحاجة اخيرة منتداك معظم الاعضاء الجدد كلهم دخلين للتعارف واظن كان واضح اوى كمية الاميلات والموبيلات اللى جوه المواضيع ولو طقم المشرفين الموجديين حاليا زهق ومشى منتدى هيبئا زيه زى اى منتدى شات لو طقم الاعضاء والمشرفين الحاليين مشيوا منتدك هينهار قريب وزى ما بقولك اوعدك كمان سنة ان شاء الله بالظبط هدخل اشوف شكل المنتدى ووصل لفين واتمني ان يخيب ظنى سلام |
اقتباس:
|
طب هوا ليه اتوقف اسلام ؟
ياريت الى يعرف يقولنا هوا لو اتوقف بسبب التوقيع بتاعه تبقى بصراحه دى ادارة فاشله جدا |
هوا اسلام رجع تانى اهو بس اتشال منه الاشراف
|
الديكتاتورية هنا هى أساس التعامل
و قرارات المدير المنفردة هو اللى هتخرب المنتدى ده اللى اصبح بيتنا كلنا الحل انه توضع بنود صلاحيات و نظام اكتر ديمقراطية و جماعية و يكون زى قانون كلنا نمشى عليا زى البلد بالظبط يتحط للمنتدى دستور تتحد فيه اختصاصات كل واحد و حدوده و تعاد صياغتها ده لو عاوزين المنتدى ده يبقى كويس اما لو عاوزين نلف و ندور فى حلقة مغلقة يبقى خلينا زى ما احنا و خلى الاستاذ أشرف يلعب دور مبارك فى المنتدى |
استغفر الله العظيممنكل ذنب عظيم
استهدوا بالله يا جماعهدى ساعه غضب فيه حاجه اسمها نقاااااااااااااااااش عبقر رئيس جمهوريه المنتدى والمشرفين هما الوزراء حرام عليكم هتوقعوا الدوله و الشعب هيطفش نهدى كده ونصلى على النبى ومن غير تجريح نحط مطالب للراجل انما الاسلوب اللى بتتكلموا بيه ده مش هيودى ولاهيجيب حق حد هتتوقفوا على الفاضى |
اقتباس:
دولة ايه ولا وزراء ايه معلش عايز اقولك حاجه مفيش حد من المشرفين ارائه بتتسمع اصلا :) زى مقال بندق احنا عندنا مبارك فى المنتدى :d |
اقتباس:
انا بتكلم جد و الله العملية مش مستحملة مبارك تالت كفاية الاتنين اللى عندنا ( مبارك الاب و مبارك الابن ) هيبقى مبارك ثانوية كمان ياريت الاستاذ أشرف بكل تواضع و كل ذوق و احترام يتخلى عن سياسة القرارات المنفردة و يكون فيه حاجة اسمها إدارة بجد يتاخد رأيها و الاعضاء من حقهم فى وقف مشرف انهم يقولوا رأيهم أنا شايف كدة وقف عضو من قبل مشرف دى اختصاصات المشرفين انما وقف مشرف المفروض الامر يطرح للنقاش العام و يتاخد رأى الاعضاء عشان ده مشرف مش بتاع طرشى تقول لمين و مين يسمع |
اقتباس:
ممكن تتكلم مع غيره هو يعنى مفيش ادارى غيره انما مش نقلب كده مره واحده من غير مانستعمل كل الطرق |
اقتباس:
ومتهيالى برضه فيه كذا ادارى مش واحد بس بس صورين مش اكتر :d |
اقتباس:
من اداره الموقع هماولا لا اسمهم بالاحمر دول ولا معكوكين بويا |
انتو لسه هنا؟؟
محدش يقول نحاول انا عندى تفاؤل فى كل حاجه ما عدا الموقع ده خلاص بجد مش عارف اقول ايه تانى كل اللى ممكن اقوله قلته هوا انا قلت لاسلام مكنش يرجع تانى من الاول بس اطمن يا اشرف انا متأكد ان اسلام مش راجع تانى حتى لو عينته مدير و بقولها مره تانيه لو اسلام اداريه مش ادارى مكنش حصل معاه كده و اقسمت على كده كمان و نصيحه منى ليك بلاش الاسلوب ده بدل ما تتقلب عليك و على فكره فى ناس كتير عارفه هنا انى لو كنت عايز ابقى فى منصب كنت هعرف بس مرضيتش عشان مش ابقى تبع نظامك لانه نظام فاشل المهم انى قررت انى مرجعش تانى للموقع و اللى يعرفنى كويس هيعرف انى مش برجع فى كلمتى بس منتظر بس قرارات باقى الناس و نظبط و كده بس لو كل الناس رجعت عن كلامها انا مش هرجع |
يا خونا اللى عنده كلمهكويسه اوحل يقول عليه
الموقع بيقع والاعضاء اللى عاوزين يمشوا مش اى اعضاء المصيبه انهممش اى اعضاء دول اعضاء قدوه ومشرفين بلاش نخرب على نفسنا المنتدى ده بتاعنا ومش هنستريح الا فى بيتنا |
يا خساره
يا الف خساره والله |
ههههههههههه كل يوم اعجابى باشرف بيزيد تحياتى مستر اشرف بجد بتوصل الواحد لدرجه كميله بس زى مقلت اتعاملو ببرود يا جماعه اشرف عيرد بعد كام رد .. (( متابع الردود وفى انتظار البقيه)) :) مش مشكله خلينا فى اللى ترافل بتقوله بس شكلك يا بت ناويه ع اللون الاسود هيبقى كميل :) الاول يا اشرف بدأانا بمين يوجى صيدلانيه محمد البرى مين تانى فكرونى بس وصلنا لمين فى الاخر اللى مش هنعرف ننساه حاليا وهو الاستاذ اسلام المرشد الضحيه الجديده ..انتوا عارفين هو اشرف والله بحب تفكيره بجد اول حاجه احذف ياابنى المجموعات وذلك حتى لا يتحول المنتدى لاحذاب وجماعات متكلمناش لانى والله كنت عارفه ان ورا الموضوع ده مصيبه بس خلى بالك الناس اللى فى القله يا اشرف بالرغم ان مدتها كانت صغيره بس احنا فهمنا بعض اوى بجد من رايي انهم احسن ناس فى المنتدى بنوته مسلمه المرشد طه وعادل مساميدو بسام اسدات ترافل ايمن شيرين ضى والباقى كله ناس بجد محترمه اهو بيان نزل من غير الجروب خالص ولا حتى كنا نعرف انا جالى الخبر كده وجيت اتفرج بس قلت اقلك حاجه والله مهينفع انا اول مسمعت خبر رفع اشرافه قلت ده استهبال مردتش اعمل موضوع لا انا ولا ولاء لنفس السبب ان محدش عارف ايه اللى حصل ايه اللى عمله انا قعدت اضحك لما عرفت انه هو كمان مش عارف بقلك يا اسلام انت ع رايك اتبرع بعضويتك للهلال الاحمر ولا مستشفى السرطان57357 عجبانى التعليقات اوى وكويس انكو اتفقتوا ع الاستاذ اهو هنقابل حبيبك يا اشرف :blush: بس انا هفضل ادخل هنا بردو :) اصلى بعتز بالمكان ده ومش هنقلك المنتدى ينهار ويسقط وحاسب الطوب والكلام ده خلاص بئا تلاقيك زهقت :) ولو سمحت يا جماحه مبارك ايه وبتاع ايه بلاش سياسه لو سمحت هو حاليا مانتو شفتو مبارك فك سجن ابراهيم عيسي مع حريه الصحافه يعنى اما استاذ اشرف :) بس اسأل نفسك يا اشرف احنا ايه اللى بيدخلنا هنا هم سببين عن نفسي يعنى اول حاجه لما بضايق بدخل اضحك ع اللى بيحصل ثانيا بدخل عشان الناس اللى فيه اللى بيتوقفوا واللى هيمشوا وبردو فى شويه عباقره فى المنتدى بمعنى الكلمه بدخل اقرا مواضيعهم معتقدش ان فى حاجه ادخلها تانى يعنى لما الناس دى تمشي الناس هتيجى تعمل ايه انت عارف احنا هنمشى مثلا عارفه مش هيفرق معاك بس هيجى وراانا ناس تانيه وهيبقى فيهم ناس كويسه سنه او اقل هيمشوا وهكذا دواليك دواليك يعنى مش تقلق اعظم خطا ان ترى نفسك دائما ع صواب دى قالها واحد ابن ناس اسمه هانز حاول تصلح من نفسك او توقف نفسك يا اشرف قبل متيجى توقف حد كويس لان زى مطه قال اسلام وقبليه كتير احسن منك انا فاكره ان وقف النهائى للبرى كان بسبب انه قال ايه العك ده انا كل مفتكر انى قعدت افكر فى الكلمه دى شويه انا فكرتها كلمه وحشه بجد قلت انا اللى مش فهماها قعدت اعمل ابحاث هل هى كلمه وحشه اوى كده طلع معناها اللى كل اللى الناس عرفاه واحب اقولها تانى ايه العك ده !!! |
والله يا جماعه الكوميديا بجد في الحورات دي
ان اشرف يدخل يتفرج ويخرج سكمن بكمن |
اقتباس:
و شتمه كمان لا معلش عنده حق فعلا عك و تهريج كمان نفسى اشوف موقف اشرف برئ فيه |
:lol::lol::lol::lol::lol: و الله بجد رايقين احلى حاجه ان الواحد كان الاول بيفكر ان صعب انه يمشى بس شويه بشويه الحمد لله مع الحاجات العجيبه دى بقت كل حاجه سهله يعنى بقى المنتدى نفسه هو اللى بيمنعنا اننا نديله اكبر من حجمه و خلاص على كده خلصت الحكايه اصل بدون كتر كلام و بحسبه حتى عقلانيه جدا المرشد = مشرف ادارى = 3 سنين تقريبا = موقوف اسبوع و حذف اشراف اى عضو على قد حاله او حاله مش على قده = قولوا سنه ( او 4 شهور زى حلاتى ) = موقوف نهائى و مرمى من البلكونه يعنى العمليه خلاص بجد خلصت المرادى المره اللى فاتت قلنا خلاص و الحال حتتعدل بس دلوقتى ايه الفايده حتى لو الحال اتعدل و رجعنا بعد اقل من شهر نتكلم تانى فى نفس الموضوع يلا اتكلمت كتير بس جايز يكون ده اخر رد ليا فى المنتدى عامه:romarioxp6: فى رعايه الله |
اقتباس:
برئ :blush::blush: يا عم ايمن اشرف دايما برئ قصاد نفسه :slap1qk6: حدد معني البرائه عشان هي امر نسبي بالنسبه لاشرف :078111rg3: |
مهو ده اللى انا كنت بقول عليه يا ولاء
المره اللى فاتت و محدش سمع كلامى قعدت اقولكو كلكو عارفين العيب فين و مادام مش هيتغير يبقى نسيبه اللى اعرفه الغلط لو مش هتغيره تبعد عنه عشان ميضركش بس كويس ان الدنيا وضحت ادامكو اقتباس:
و الله انت عسل يا دوله هههههههههههههههههههه تصدق احلى حاجه راحة البال ربنا يريح باله يارب |
اقتباس:
عنده من راحة البال دي كتير وغالبا مش هتنتهي :romarioxp6: والله يا عم ايمن لو راحة البال هتيجي للواحد زي بتاعت اشرف دي يبقي انا مش عايزها احسنلي انا هقوم انام بقي وابقي اشوف الموضوع دا بكره ( في المشمش طبعا لانه هيكون في الحذوفات ):av4056bb7jp3: |
بقولكوا ايه ماتريحوا دماغكوا وتنفضوا بدل اللي بيحصل دا كله ..
اي نعم اسلام اتشال من الاشراف .. وفي ظل الظروف الحالية شئ وارد الحدوث .. وهايرجع تاني وسيناريو اللي حصل معا الاسطورة هايتكرر .. وهاتشوفوا وهاتصوموا هاتصوموا وهاتفطروا على بصلة .. ومش هاتاخدوا من دا كله غير حرقة الدم انتوا عارفين لو صبرتوا يومين بس .. كنتوا هاتتلاقوا دا كله رجع .. بس اللي نفسي افهمة حاجة واحده بس فين الاداريين التانيين .. فين استاذ عصام من دا كله ؟؟؟؟؟؟؟؟؟؟؟؟؟!! عارفين لو كل واحد فضل في حالة ونفض للدنيا .. كانت الدنيا مشيت صح .. لكن ازاي ؟ .. لازم واحد يطلع يخنق في ناس عشان ناس تانية تتخنق منه .. وتلك هى الحياة !!! |
اقتباس:
مش عرافه اللى وصلنى من كلامك صح كده بس انا ححاول افهم كلامك صح:) اللى بس عايزه اقوله ان الدنيا مكنتش حتمشى صح و لا حاجه و الاسطوره موضوعه اولا مختلف خالص ثانيا احنا برده سعتها و قفنا جنبه ولو نفضنا زى ما بتقول و قولنا عادى يعنى حيبقى اساسا عملنا القله ليه من البدايه ما دام ده اتوقف عادى حيرجع اللى هناك اتوقف فيها ايه سيعود اعتقد ان ده التعريف العلمى للسلبيه فى المراجع يلا ما علينا بس حاول تفهم ان العمليه فى احنا نمشى بس العمليه فى سياسه منتدى بايظه مش حتتعدل :romarioxp6: فى رعايه الله |
اقتباس:
عارفه الحكومة في مصر ماشية معا الشعب بنظام ايه ؟. . اللي مش عاجبه يسف التراب (عشان البحر والنيل مصادر طبيعية للبلد!!) .. نفس النظام برده ماشي في المنتدي هنا .. وحكاية ان طريقتي سلبية .. لأ هيا مش سلبية ولا حاجة .. بس زي ماقولتلكوا هاتصوموا تصوموا وتفطروا على بصلة .. دا ان لاقيتوها !! واذا كان موقف الاسطورة كان مختلف قبل كدا .. يبقي نفس موقف اسلام حاليا هايبقي زي موقف hkk-happy اللي هيا lastella حالياً .. برده كان توقيعها مافيهوش اي حاجة .. وقام حاذف اشرافها وغير اسمها كمان .. ليه ؟ .. الله اعلم !! اعملي كوبي بيست بقي للسؤال بتاع ليه دا .. وحطي نفس اجابته كوبي بيست برده اللي هيا الله ومستر اشرف اعلم !! |
اقتباس:
لا حذف اشراف هبه كان بناء على طلبها بلاش نخلط الامور عشان محدش يمسك علينا غلطه ده كان طلب هبه اصلا لكن هوا اصر انه مش يتحذف الاشراف عشان هبه بنت لازم يصبر عليها للاخر بس فى الاخر استاذ عصام او اشرف برده معرفش المهم انهم استجابو لطلبها عشان الموضوع كان بدأ يكبر انت لو خدت موضوع هبه كدليل ممكن الدليل اللى تاخده مشرف زى اسلام معملش حاجه و اشرافه اتحذف بشئ من الاهانه لانه مشرف و مشرفه زى هبه و غيرها طلبت حذف اشرافها و كان مرفوض و فى الحاح شديد من الاداره بالرفض لانها مشرفه و لم يستجاب لطلبها الا لما الموضوع ابتدى يكبر |
| جميع الأوقات بتوقيت GMT +2. الساعة الآن 01:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.