|
ازاى بنعمل كدة ؟
السلا عليكم انا عايزة اتناقش معاكوا فى موضوع ممكن تحسوا انة فلسفى لكن هو مش كدة خالص هو مجرد حاجة مش لقية ليها تفسير عشان مرغيش كتير انا هتكلم عن النسيان يعنى مثلا لا قدر الله عندما يتوفى احد من افراد اسرتك تحزن حزن شديد وبعد فترة تنسى كل شى وتكمل حياتك فكيف يحدث ذلك وساعات بشوف ناس كتير قوى بتتعرض لانهيارات فى حياتها وبعد فترة الاقيهم عدين اجى اسألهم يقولولى اصل الايام بتنسى طبعا ايمانا بربنا هو الى بيصبرنا على كل حاجة ماشى لكن دة صبر مش نسيان لكن النسيان بيجى ازاى وياريت اى حد فاهم يقول وجهة نظرة |
هو مش بيحصل نسيان بيحصل تسليم بقضاء الله وقدرة
|
اعتقد بيبقى تعود عالامر الواقع
يعنى الواحد بيؤمن انه مش هيقدر يغيره فلازم يتفاعل مع الحياة زى لما الواحد بيتعود على مرض مزمن و يتعايش معاه و بتكون فى مشاكل تانية كتير تشغله عن الحاجات اللى فات عليها زمن و اوقات الواحد بينسى و ده من نعم ربنا علينا فنقول الحمدلله |
من نعم الله على الأنسان هى النسيان فلو تذكرنا كل اللحظان الحزينة فى حياتنا ما استرت الحياة
و هى دى طبيعتنا ارجوا ان تتقبلوا مرورى |
اقتباس:
فعلا انتى طرحتى نقطة ان المشاكل التانية الى فى حياتة ممكن تكون سبب النسيان ودة وارد جدا |
انا برده السؤال ده هيجننى يعنى كان عندى واحده صاحبتى اختها ماتت قبل الامتحانات بشهر طبعا جالها انهيار عصبى وكده واحنا كانت صعبانه علينا اوى المهم كانت معايا فى لجنه الامتحان لقتها عادى جدا لبسه ملون وعايشه حياتها خالص انا شوفت الكلام ده قلت ازاى ده يحصل ماما قالتلى الايام كفيله انها تنسى اى شى (بس برده مش شهر) بجد انا مش فاهمه ليه بيحصل كده لانى مشفتش صاحبتى دى بس لا فى جارى كده برده امه ماتت وعمل فرحه بعديها ب3 شهور شكرا يا ميسون على التوبيك ولو عرفتى الناس دى بتعمل كده ليه قوليلى |
اقتباس:
هو دة الى انا قلتة لكن عايزة اعرف ازاى الناس بتنسى |
اقتباس:
لكن كيف يأتى النسيان |
ده كان جزء من موضوع قرأته وعجبنى جدااااً النسيان نعمة لولاها لأسرنا الماضى ولخنقنا الحاضر ولذا فإن النسيان هو العكاز الذي نتوكأ عليه لنشق طريقاً وعراً إلى الأمام. وتزداد هذه النعمة وضوحاً وكمالاً كلما عظمت المصيبة وكبرت الفاجعه فلله الحمد على نعمه النسيان |
اقتباس:
ونعم بالله بجد كلمات جميلة جدا |
اقتباس:
وميرسى على مرورك يا حبيبتى |
اقتباس:
الحياة مراحل وكل مرحلة ليها احداثها ولو فضلنا نددق على كل حاجة هتبقى صعبة قوى وفى مثل انا بحبة قوى بيقول كلة بيعدى |
فعلا من نعم ربنا التى لا تعد ولا تحصى هى نعمة النسيان
وهو مش بيبقى نسيان هو بيبقى رضا بقضاء الله وقدرة |
لولا النسيان ماسمى الانسان:d اولا فى حاجة لو حصلتلنا اى حاجة لا قدر الله بنضطر اننا نصبر ( دا غصب عننا ) لان الصبر بيوصلنا للرضا بالواقع لازم كلنا ننسا علشان نقدر نعيش لو فضلنا نفتكر حاجات حصلت لنا مع اناا بنفتكرها ( مش بنفتقدها مثلا ) بس من كتر ما صبرنا عليها حسينا اننا نسيناها بس لما نعوز نفتكرها بنفتكرها انما النسيان بيجى ازاى فنا مش هفتى لانى معرفش:d ايه اللى انا بقوله دا:d شكرا على الموضوع ودمتم فى رعاية الله |
السلام عليكم
هو اكيد ليها تفسير علمي بس انا طبعا مش عارفاه لكن كل اللي اعرفه انو حاجة كده زي الفطرة وكمان نعمة كبيرة اوي من ربنا تخيلي لو اننا ما بننساش كان زماني لسه ببكي على جدتي وما بفرحش بنجاحي ولا كنت حضرت فرح اخويا ولا كنت تواجدت معاكم هنا ف المنتدى ولا ..ولا..ولا........ اعتقد انها مش مهم بتحصل ازاي المهم نحمد ربنا انها بتحصل وخلاص والناس اللي قابلتها صدمات ف حياتها كتير اكيد عارفة ومقدرة كويس اوي قيمة النسيان شكرا |
السلام عليكم ورحمة الله
النسيان هو نعمة من الله عز وجل وموجود من ايام سيدنا آدم عليه السلام ليه بقى هو نعمة؟؟ لان لو حصل للإنسان حادث حزين ومنساهوش هيفضل طول حياته مكتئب وحزين ومين مننا مش بيحصلوا حجات حزينة؟؟ هل الدنيا بعدها بتقف؟ على كدا بقى يبقى كل الناس هتعيش في حزن دائم والحياة هتتحول لصوان عزاء كبيييييييير وكل اللي فيه منكوبين ومحدش هيعزي حد علشان كدا الانسان بينسى وزي ما ليه فوائد ليه اضرار اننا مثلا ممكن ننسى اللي ذاكرناه او ننسى حد من صحابنا مشوفناهوش من فترة لكن نفعة اكبر من ضرره دا من رأيي |
اقتباس:
لازم يحصل لاى حد وطبعا مش بننسى بالعكس الواحد بيفضل فاكر الشخص الى مات انا عن نفسى لسة فاكرة لحد دلوقتى مع العلم انها ماتت من 7 سنين بس لما حد يموت اكيد حياتنا مش هتقف عليه لازم تكمل الحياة اظن هيكون افضل لينا ولية هو فى اخرته واحنا فى دنيتنا حكمة ربنا !!!!!!!!!!!!! |
اول حاجة شكرا ع الموضوع انا كنت قبل كدة كتبت عن حاجة زي دي النسيان من النعم الكتير اوي اللي ربنا منحها للانسان لان لو الواحد قعد مرتبط بماضيه و مسيطر عليه في كل حياته مش هيعرف يكمل فالدنيا ما بتوقفش عند اي حدث محزن بس انا معاكي في حكاية ان الواحد مينساش تماما يعني ع الاقل يفتكر الانسان العزيز عليه و يذكره بالخير بس ما يرتبطش بيه ف كل حاجة يا رب تكون وجهة نظري وصلت تقبلي مروري |
| جميع الأوقات بتوقيت GMT +2. الساعة الآن 12:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.