|
ياريت محدش يكدبنى لانى شفت بعنية
السلام عليكم ورحمه الله وبركاتة
هو يمكن عنوان الموضوع يكون غريب لان الى انا هتكلم فية حاجة غريبة قوى قبل ماقول اى حاجة انا هحكى موقفين موقف منهم شفتة بعنية والتانى اتحكالى من واحدة جارتى الموقف الاول انا كنت رايحة على الدرس ومتعودة دايما انى بشترى فطار قبل ماروح الدرس دخلت المطعم وكان زحمة جدا فضلت واقفة ومستنية وبصيت جنبى لقيت واحدة ست بتقلع كل الدهب الى فى ايديها وبتدية لواحدة وقفة جنبها انا استغربت من الى حصل بس قلت عادى يمكن تكون عارفاها المهم اشتريت فطار ومشيت على الدرس وانا راجعة من الدرس عديت من قدام المطعم لقيت الست الى ادت دهبها للست الى كانت واقفة جنبها قعدة بتسوط وبتعيط وبتقول دهبى اتسرق رحت جنبها وقولتيلها ان انتى اديتى الدهب بتاعك لواحدة كانت واقفة جنبك قالتى انها مش فاكرة انها عملت حاجة زى كدة وانها بعد اما اشترت الفطار وروحت البيت ملقيتش الدهب .:(استغربت جدا وقولت بينى وبين نفسى يمكن الست دى عندها زهايمر اوى اى حاجة لحد محصلت حاجة تانية غريبة جدا الموقف التانى فى واحدة جارتنا بتبيع ملابس قالت انها كانت قاعدة فى المحل بتاعها ودخلت عليها زبونة وجارتنا قعدت تفرجها على هدوم كتير والزبونة خدت منها كل البضاعة الى عندها من غير ماتتدفع ولا مليم واحد وجارتنا بنفسها موصلاها لحد باب المحل لكن بعد مدة حوالى ساعتين ادركت الى حصل وان كل بضاعتها اتسرقت قدام عينها لكن مش فاكرة ازاى دة حصل وسئلت جارتنا يمكن تكون خدرتك بأى حاجة قليتلى مفيش حاجة من دى حصلت انا مش فاهمة حاجة يمكن يكون تنويم مغناطيسى زى الى بشوفة فى الافلام ولا اية مش عارفة ياريت حد فاهم حاجة يقول لانى مش فاهم حاجة واصل |
الله اعلم بصرحة اشياء لا تصدق ولو حصلت فعلا يبقى عند ناس مرضى غير طبيعيون مما ادى الى حدوث تلك المواقف
فالانسان السوي لا تصدر عنها تصرفات مثل تلك التصرفات اشكرك لذلك الموضوع العجيب |
ههههههههههههه
يمكن يكون مجرد سهو يا مروة مش عارف و الله فعلا بس أعتقد إن مش حصلي زي كدة قبل كدة شكررررررررررا |
بصي انا مصدقك لاني كنت سمعت عن حاجه زي كدا حصلت بردو
هو غالبا تنويم مغناطيسي وربنا يستر علينا |
اقتباس:
بس انا مش كان قصدى ان الناس الى حصل ليها كدة هما الى مش طبيعيين انا كان قصدى ان الناس الى بتسرق هما الى بيعملوا حاجة غريبة بتخلى الناس تعمل كدة شكرا لحضرتك على المرور |
اقتباس:
ازاى هيبقى سهو بجد الموقف كان غريب جدا ومش عارفة هل دة بقى نوع جد يد من انواع السرقة ولا اية |
اقتباس:
بس انا معتقدش ابدا انة ممكن يكون تنويم مغناطيسى لان التنويم المغناطيس عمرة ما يدخل بلدنا هو انا فكرت التفكير دة بس رجعت وقولت ازاى هتعمل ليها تنويم مغناطيسى قدام الناس والمطعم ساعتها كان زحمة بدرجة لا توصف |
فى موقف مشابهة حصل لواحد صاحبى ان واحد وقف يسالة على مكان ويرغى معاة بس صاحبى مشكش فية علشان كان كبير (مش اوى يعنى)وبعد ما صاحبى مشى ملقاش الموبايل فى جيبة ولقى مكانة علبة سجاير مع انة مبيشربش سجاير اصلا
|
فعلا حاجة غريبة قوى
قبل كدة الناس كانت بتتسرق من وراها دلوقتى بقت بتتسرق كدة عينى عينك |
السلام عليكم
ازاى يعنى ايه ده لا بجد كل وسائل الحديثه لادوات التعجب هو السرقه وصلت فى بلدنا لمستوى عظيكم اه بس استحاله توصل لكده يعنى واحده تخلع دهبها باردتها وفى نص الناس يعنى مش بالاجبار ولا حاجه ونقول ان دى سرقه |
اقتباس:
سبحان الله ربنا يسترها معانا يا رب معقولة الموضوع بقى منتشر قوى كدة |
اقتباس:
|
اقتباس:
وعليكم السلام ورحمة الله وبركاتة بس فعلا هو دة الى حصل ولو كان موقف واحد كونت قلت يمكن الست بتاعت المطعم بتكدب لكن الموقف بتاع جارتنا هو الى اكدلى ان اكيد فية حاجة غريبة |
طيب مهيا ممكن تكون بتنكر انها ادت دهبها عشان تبلغ فى البت الى ادتها دهبها وتقول انها سرقتنى
يمكن الله اعلم ! |
اقتباس:
شى وارد بس معتقدش انها عملت كدة وهى اصلا انا قولتيلها انتى تعرفيها قلتلى انها عمرها مشفتها قبل كدة |
معتقدتش انه تنويم مغناطيسي
في حد يعني هينوم حد مغناطيسي في مطعم حاجه غريبه شويه ممكن تكون الست دي ادت الست التانيه الدهب وهي عارفاها وبعد كده نسيت ان ادتهالها عادي بتحصل بيكون ارهاق للعقل بتحصلي ساعات المواقف دي بكون مانمتش بقالي يومين وتعبان اوي |
اقتباس:
لا مش معقولة الست بعد ساعة تلحق تنسى على العموم وجهة نظر |
على فكرة ممكن بجد يكون تنويم مغناطيسي انا شفت حاجات كتير خلتني بقيت اصدق المستحيل
وممكن كمان يكونو متفقين مع بعض على اساس يعنى تصعب على الناس او يكونو قاصدين يتهموها في حد معين والله اعلم بئى بنواياهم |
اقتباس:
والله اعلم برضه |
اقتباس:
طيب ماشى بس جارتنا عمرها ما هتعمل كدة |
اقتباس:
|
سبحان الله فعلا حاجة غريبة
|
واسعة اوي دي بس دي ظاهرة معروفة علي فكرة زيها زي اللي بيمشي وهو نايم دي زي دي
|
اقتباس:
|
بصى ممكن اى حاجة تحصل فى الزمن ده ممكن بيستخدموا مخدر بيتوه بس مش بيفقد الوعى لحد ميتوهةا الزبون ويخدوا اللى عوزينه بعد كده يهربوا وده شكله شغل عصابات بس اهم حاجة انك تخدى بالك من نفسك من اللى بيحصل ده
|
ومن توكل على الله فهو حسبه
الحمد لله الذى عافانا مما ابتلى به غيرنا |
طيب هى هتستفاد ايه؟
انا برضه مش فاهم ده ليه يعنى |
موقفين أغرب من بعض أنا بيحصلى زهايمر فى حاجات .. يعنى مالقيش موبايلى واقول دا ضاع ولا اتسرق وبعد شوية افتكر انى سبته مع فلانة واروح اجيبه .. لكن الموقفين دول ...!!! الله أعلم |
اقتباس:
هو احتمال وارد بس انا مشفتهاش بتديها مخدر وانا واقفة فى المطعم |
اقتباس:
انت قصدك على مين لوقصدك على الى سرقت يبقى هتستفاد انها خدت الدهب والهدوم |
اقتباس:
بس الى حصل دة غريب بجد ازاى الواحد بقى يتسرق قدام عينية |
الله أعلم بس أنتا سمعت حاجات زى كده كتير أوى:slap1qk6:
احنا بقينا عايشين فى دنيا غريبة !:( ربنا يحفظنا هو المنجى:) مشكورة على الموضوع |
اقتباس:
|
اقتباس:
انا اللى مستغر منه الست اللى قلعت الدهب ليه بتقول انه اتسرق اكيد فيه سر انتى احرجتيها بصراحه وفشلتى المخطط ده:049gc0: بس كان ايه هو المخطط هى طلبت حاجه مقالتش عاوزه مساعده ولا حاجه |
اقتباس:
وربنا يبعد عننا ولاد الحرام يارب |
اقتباس:
رجعت تدور علية فى المطعم لحد مانا قولتيلها الكلام دة |
يعنى ماطلبتش فلوس من حد
ده اللى هيجننى اكتر يمكن عاوزه ترمى البلوه دى على صاحب المطعم استغفر الله العظيم ان بعض الظن اثم |
توقعوا اي شئ
انتو عايشين مع الحكومة الذكية |
مش تكذيب طبعا ولا حاجه بس اكيد فى الموضوع سر لا يعلمه الا الله
|
اقتباس:
|
اقتباس:
وهى واضحة قوى انها عملية نصب من ناس محترفة |
اقتباس:
مفيش حاجة من كدة خالص ولو فى حاجة كانت هتقول لما سألتها |
موضوع غريب فعلا
بس ممكن تكون دى حالة من حالات انفصام الشخصية زى ما قريت فى بعض الكتب ربنا يستر والله |
اقتباس:
لا لا مش ممكن تكون انفصام شخصية ابدا وبعدين الموقفين حصلوا بعد مدة صغيرة قوى من بعض |
اقتباس:
اغلب الناس فاكراه حاجة مستحيلة جدا ولازم بقى الساعة البندول والغراب اللى عنده امساك والكلام ده ...ابدا والله..! يعنى مش عايز اقولكم .. بس كل واحد فينا احيانا بينوم نفسه مغناطيسيا ..! فاكر وانت وواقف قدام المرايا .. وبعد شوية كده بتبص فى الساعة لاقيت انك واقف بقالك مدة .. ! هوه كده .. التنويم المغناطيسيى.. ولو عايزين تعرفو اكتر.. شوفو الموضوع ده .. http://thanwya.com/vb/showthread.php?t=71353 وده الجزء المفصل عن التنويم المغناطيسي http://thanwya.com/vb/showpost.php?p=752384&postcount=2 وانصحكم تنزلوالفيديو بتاع د/ مصطفى محمود بتاع التنويم المغناطيسيى فى حاجات .. هتخليكم تغيروا فكركم .. ومعلش عالمداخلة الطويلة دى .. ومعلش انى خرجت شوية عن الموضوع .. بس يمكن ده حاجة تفيدنا .. ويارب احفطنا جميعا |
اقتباس:
|
تنويم مغناطسى ممكن يكون هو صح
تحيا يا مصر |
بجد أنا مش قادر أصدق بس فعلاً زى ما الأستاذ بورسعيدى قال " هناك سر لا يعلمه إلا الله " |
الله اعلم بجد موضوعك غريب اوى
وانا مش عارفه ارد اقول ايه عموما مرسى على الموضوع |
انا مش سمعت عن حاجه زى دى قبل كده
بس ممكن يحصل بس لو فعلا ده حقيقى تبقى حاجه غريبه اوى ياللا ربنا يستر وميرسى يا مرمروه على الموضوع |
| جميع الأوقات بتوقيت GMT +2. الساعة الآن 01:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.