بيحصلكم انتوا كمان
 

يا جماعة انا كنت لسة بعمل توبيك علشان ارفع فية مسالة معرفتهاش وونا في اخر التوبيك كدة عرفت الحل ازاي معرفش وبعدين دي موش اول مرة تحصل معايا انا ساعات كتير مكنتش بعرف مسئلة معينة وبعد كدة اعمل اي شي يعني اخرج او اعمل اي شي غير اني احل المسئلة دي القيني بعد كدة بفكر في المسئلة دي بحلها وبعد كدة احلها علي طول معرفش هو ده هبل ولا اية وفية حد فيكم بيحصلة اللي بيحصلي ده يعني ساعات تحس ان عقلك هنج كدة مرة وحدة وبعدين يرستر ويفكر تاني ده بيحصل بجد معايا بيحصلكم انتوا كمان

ايوة انا فعلا ساعات بتحصلي بس مش في الفيزيا بس
بس هي مش حاجة غريبة لان لما بتخرج من المود بتاع الكآبة في المذاكرة مخك بيبقي فريش و بتفكر احسن
اعتقد كدة يعني .. ولا احنا مش طبيعين

هه والله شكلنا فعلا موش طبيعين ههههههه شكرا علي ردك يا صاحبي

انا برضو بتحصل معايا ساعات اسئل المدرس على اسئلة

اول ما اديهاله باعرف اجابتها من غير ما يقولها

يمكن بيبقى المخ مهنج ساعات او عايز يرتاح شوية

بتحصل للكل

بيتهيألي ممكن تكون حالة اعياء ذهني من كتر التفكير

ممكطن ساعتها بتكون بقالك كتير بتذاكر فمخك هيس وتعب فتحس انك بتذاكر حاجات اول مرة تشوفه اساسا بتحصل كتير

السلام عليكم ورحمه الله وبركاته
انا بتحصل معايا كتيير علي سبيل المثال انا بتعلم برنامج اتوكاد وفيه اوامر كتير وطرق رسم ممكن يكون المطلوب شئ بسيط ومحتاج تركيز بس انا عاوز اتعلمه دلوقتي بتلخبط كتيير واول ما اسيب الجهاز واروح اصلي او اعمل شاي دماغي بلاقيها شغاله في حل الشئ وبلاقي اكتر من طريقة للحل
والحمد لله دي نعمه:078111rg3:
وممكن تسال فيها مدرس علم النفس بيتهيلي ممكن يفيدك كتيير

أنا بقي ساعات تحصل معايا و يطلع الحل تافه و باكتشفه و انا بقول السؤال للأستاذ
إحرااااااااااااج

بصو ا لواحد لازم ياخد كل حاجه ببساطه من غير تعقيد ولا اي حاجه لازم نريح اعصابنا شويا عشان نعرف نركز شويا

طيب انتي كان عندك غلطتبن انا كان عندي بالعبيط هههه انا اساسا مبرجعش التست بتاع الانجلش دا بالذات بس انا جيب 19.5 ودي الحاجة الوحيدة هي والرياضيات اللي اقدر اقول اني متظلمتش فيها شكرا علي رد

تمام تمام انا بردة ساعات بيحصل معايا نفس الكلام دا بالظبط شكرا علي ردك وفعلا المخ بيهنج ههههههههههه

اوك يا سيدي مالك داخل تزعق لية فينا كدا:abdoog8::abdoog8:
احنا بنتناقش موش اكتر ههههههههه شكرا علي ردك

اول مرة في حياتي اشوف المصطلح دا اعياء ذهني بجد شكرا علي المصطلح دا وهيا كلمه معبرة بجد شكرا علي ردك

حلوة هيس دي وفعلا ساعات الحكاية دي بتحصلي بس دا في المراجعة بس هههههه:stickjo4::stickjo4::stickjo4::stickjo4:

ههههههههه فعلا بتحصل بس دي بتحصلي علي طول في الرياضيات يعني اكون واقف في مسالة كدا وموش عارف اتحرك فيها خالص ولما اجي اقول السوال للمستر الي هو ابويا اعرف الحل هههههههه بس طبعا بخدلي كلمتني علشان كدا هههه:abdoog8:

اولا انا معرفش البرنامج دا بس انا اعرف في الفوتوشوب البرنامج دا حكاية لوحدة يعني المفروض يبقي في قسم في كلية الهندسنة اسمة قسم فوتوشوب هههه شكرا علي ردك
ثانيا انا اختي بتدرس علم نفس فاسئل برة ليه ههههههههههه :)

يا سلام عليكي يا نورا ايه الحكمة اللي نزلت عليكي فجاة دي انتي بتدرسي علم نفس ولا اية ههههههههههه
متزعلشي انا بهزر شكرا علي ردك

يبقى موقف محرج اوى .... معرفش احل المسئلة فى البيت واول ما اعرضها للأستاذ

تتأتى فى بالى فكرة اطبقها ويخرج الناتج الصحيح

معلش ما هى الفيزياء كدة ... اسمها (غول الثانوية)

حلوة غول الثانوية دي يا صاحبي بس انا علي فكرة اكتر مادة بحبها هي الفيزياء يليها الرياضيات بتحس انها بتخليني افكر يعني موش يبقي زي زي ...... تيت علي رااي احمد حلمي ههههههههه