هل الغيت مرة صديقا ؟
 

هل ألغيت صديق من حياتك ؟!






هل ألغيت يوما صديق من لائحه اصدقائك ؟



ليس من السهل ان تجد نفسك امام هذا القرار


وليس من السهل ان تختم صداقتك مع شخص بالفراق من صداقه سنين


وان تفرض عليه الرحيل ........ وترحل بدورك



* * * *


هناك من يتخذ هذا القرار دون تمهل او تفكير فى لحظه غضب عارمه


قد ينسون او يتناسون المساحات التى يحتلها هذا الشخص فى وسط قلوبهم


* * * *


تمهل ، فقد لا تتقبل الحياه بدونهم


ولا تستسيغ الدنيا ببعادهم


وربما بفعلتك ترتكب خطا كبير بحق قلبك وخطأ اكبر بحق من تحب


فلا يبقى لديك إلا الندم تتجرع منه كلما شعرت بالحنين


( هذا ان كان الشخص يستحق الصداقه )


فلا تتعجل الأمر مع أصدقائك فهم دوما معك ولك





مرة أعيد السؤال:confused:


هل ألغيت يوما صديق من لائحه اصدقائك ؟ :giljotiiniug3:


وإذا ألغيته ألا ترى بانك استعجلت في القرار ؟


وياترى ألم يؤثر عليك كلتا الحالتين ؟


أنتظر ردودكم ومشاركتم

مع خالص تحياتي

اولا جزاك الله كل خير على طرحك لسؤال مهم ثانيا انا لغيت من قائمه اصدقائى اثنين للاسف كنت فاكرهم اصدقائى لكن لما يكون الانسان مش بيتقى الله فى الناس لازم الغيه ومن غير ما افكر ومن غير ما اندم على ضياعه

الكثير منا يعتقد ان اناس كثيرين اصدقائه لكن لأسف يخيب ظنه
شكرا لك thelive:abdoog8:

حصلت قبل كده و كان بعد تفكير طول و بعد ما اديتها فرص كتيره
بس خلاص هي اللي اختارت كده

اكيد اثر و انا حاليا متضايقة جدا
بس هى مسالة وقت
كل حاجة بتخف مع الوقت

انا رديت عالموضوع ده لانى محتاجة اتكلم فى الوضوع ده

موضوع جميل جدا

بصراحة وبامانه لغيت فعلا من القائمة معظمهم لانى كنت فاكراهم اصدقاء بجد وخاصة واحدة منهم كانت اعز اصدقائى بس للاسف زى ما قال الاخtheliveلما تلاقى واحد مش بيتقى الله فيك يبقى لازم تلغيه من القائمة

وده اللى حصل فعلا ولغيتها

شكرا على الموضوع

اعتقد ان مافيش حد ملغاش اصدقاء من قائمته
لان البشر مختلفين,ممكن الواحد يبقى فاكر ان الشخص ده صديق ومش يطلع كده بعدين
كنت بتمنى ان كل انسان يقدر الشخص اللى معاه لو كان يستاهل فعلا التقدير.
انا لغيت اصدقاء من قائمتى لانى اكتشفت انهم مختلفين عنى خالص وساعات بحس ان التفاهم بنا مستحيييييييل
فقررت ابعد احسن,حتى ولو كنت هبقى وحيده.
لكن الحمدلله عندى اصحاب كويسين ومتفاهمين مع بعض وكل واحد بيتقى الله فى التانى.
بجد موضوعك جميل اوى وشكرا ليك على تقديمه لنا بهذه الطريقه الرائعه.

اعوذ بالله


على فكره يا ترافيل
تبقى ناس وناس

بس انتى ابقى نقى

الكثير والكثير الغوا اصدقائهم
وحذفوهم من حياتهم
طيب هل ينفع ان لو اتعدل الشخص ترجعلوا تانى ولا لأ
سؤال بيحير شوية

قالوا عن الاصدقاء انهم نوعان
شخص يطعنك بدعوى الصداقة وشخص
يبتسم بدعوى المجاملة
فأيهما تحب وتختار
هذا هو الاختيار

ولا ده ولا ده
فى اصدقاء كويسين وبيقولولك على اى حاجه غلط فى شخصيتك فى لبسك كده يعنى
يعنى فى ناس مش مجاملين ولا حاجه
وبجد يتقو الله فيك
انا الحمدلله اصحابى بيقدرونى جدااااااااا وانا طبعا بقدرهم

ماذا تفعل لو كنت مكان صديقك وواحببت قريبته

اه الغيت صداقتي مع صديقه لي
كنت في يوم من الايام باعتقد انها صديقه العمر
وزعلانه كتير بس الدنيا لا تتوقف ولذلك بدانا بالتقرب مره ثانيه ولكن نسبيا
وده لاني واجهتها

ربنا يستر يا زوزو
انتى بتقلقينى كدة

جزاكي الله خيرا على الموضوع
انا تقدروا تقولوا اني شطبت واحدة من لستة اصحابي وليس اصدقائي لان كلمة اصدقاء دي مش بتتقال لأي حد
كنت معتقده انها صديقة مخلصة لكن الله اعلم ايه اللي حصل بس لقيت نفسي ببعد عنها ومش عايزة احكيلها اي حاجة
لانها استغلت فترة كنت متلخبطة فيها شوية وكانت في حجات مشوشة كتير حواليا وكانت هي بس اللي جنبي في الفترة دي
فكنت بحكيلها على كل حاجة
بعد ما فوقت ورجعت زي الاول حسيت انها بتحاول تستغل النقطة دي واننا ائتمنتها على كلامي وانها بتلبخ كدا وبتحاول تستفزني
ومش بتراعي شعوري ودايما تفكرني بالفترة دي
حتى لو مش قصدها بس برضه تراعي شعوري
تفتكروا انا غلطانة؟؟

انا كل سنة لازم اشطبلي حوالي 2 او 3 على الاقل

وبقيت واخد على كدا .. فامابقتش فارقة !!

لا مالغتيش ومش ناوى .. انا عن نفسى كتيير واخدنى كصديق .. بس انا اصدقائى يتعدو على اصابع اليد الواحدة وباعافية

بص حضرتك .. انا عندى مبدأ كويس اووى وبحبه

لو حصل طبعا ان اى واحد صاحبى عمل حاجة مش ولابد فى حقى .. اكيد هاشليل منه .. وممكن اسامحه .. بس لو زود .. هوه اللى هيخسر

انا عن نفسى مبخسرش حاجة ..

اولا انا ولد
ثانيا لا مش غلطانة بس اوعى تتكرر تانى

من هو صديقى الحقيقى
سؤال من الصعب الاجابة عليه فى هذا الزمان؟
نعم ام لا

مشكور على الموضوع
هو فعلا موضوع مهم اوى
حكاية التسرع فى خسارة الأصدقاء
وناس كتير اوى بتعانى من كده
انها بتخسر اصحابها بسرعه جدا
والنتيجه بتبقى الوحده
انا خسرت قبل كده اصحاب كتير
بس السبب انهم مكنوش اصحاب بجد
وفى الحاله دى مش ينفع انى ازعل عليهم
لكن اصحابى اللى بجد
استحاله اخسرهم
او اقدر اعيش من غيرهم
وجزاك الله خيرا على الموضوع
ومعلش طولت شويه

معلش انا اعتذر لحضرتك
مأخدتش بالي
أعتذر مرة تانية للخطأ غير المقصود

اولا اشكر حضرتك على التوبيك الجميل المميز ده


اما عن نفسى فأنا الغيت اتنين من اعز اصدقائى من حياتى نهائيا

وكمان مش ندمانه

لان مش انا اللى هخسر هما اللى خسرانين وخساره كبيره كمان

بس انا لما اخدت القرار ده فكرت كتير وكتير ودرست الموضوع من كل نواحيه ولقيت ان لازم ارحل ومن غير ندم

لان الندم يكون على حد يستاهل

لغيت حد
من اصدقائى ؟؟؟؟ ما اعتقدش انا ممكن اكون اتخاصمت زعقت مع صحابى لكن لغيت حد دى لا لانى لو لغيتة وقدرت استغنى عنة دة يبقى مش صديقى اصلا من البداية وشكرا على الموضوع الجميل دة

كتتتتتتتتتتتتتتتتتتتتتتير

الاصدقاء الحقيقييين اليوم كالعملة النادرة

طولى براحتك يسعدنى كثيرا من يتناقشون
وشكرا على مرورك

هذا احد الاتجاهات
ولكنى لا احبه فأنا عندى اى شخص الغيه اكون قد خسرته
حتى ولو ضرنى فباتأكيد قضينا اوقات طيبة تستحق الذكرى

أشكر كم جميعا على المناقشة
قالوا ان الصداقة كالمطر
يروى ارش جرداء خالية
فماذا لو تحول المطر الى عاصفة مدمرة؟

جزاك الله كل خير

الغيت صديق

لا محصلتش عشان كلمة صديق متقالش غير علي اكتر ناس بتحبهم وبتحب تتكلم معاهم ازاي هسيبهم

والحمد لله لغاية دلوقتي ملغتش حد


شكرا علي موضوعك بجد

ونورت القسم

اصدقائى مليش غير صديقه واحده بفخر انها صديقتى وهتفضل طول عمرها هى الوحيده اللى صديقتى
انا اعرف بنات كتير غيرها لكن عمر ماواحده فيهم بقت صدسقتى ودى حاجه مابتزعلنيش لانى طالما عندى صديقه واحده اثق فيها وتثق فيا فدا بس كفايه عليا ومش محتاجه غيرها

الكل قال رأيه
ولكن ماذا لو فكرت مرة ان تكون مكان الصديق
فكر وجاوب