|
ايه رأيك فى Youri
السلام عليكم
ارجو لكل اعضاء المنتدى التصويت انا ايه بالنسبه ليك . ؟ انا عضو محبوب . عضو عادى . عضو مكروه . بليز الرد يكون شخصى فقط ولا تنحاز لاى احد اثناء الرد سلام . |
فين الاستبيان علشان نتابع النتيجة؟
عضو غير مميز اطلاقا وانا اكره انت وانتم عارفين الاسباب |
يورى قبل ما اقول رائى اية الدافع ورا كدة يعنى لية عملت استطلاع الراى دة؟
|
انا موافق كده
اظن ده عادل 2 ليك و2 ليا وواحد فى انص . سلامى |
ارجو عدم الرد على الموضوع
يا ريت مشرف يعمل الموضوع مغلق سلام . |
ماهو احنا كنا عاملينة مغلق ولم يعجبك
حيرتنى يا شيخ والله |
اوكى الموضوع مش مغلق
بس ممكن اسأل سؤال مين العجوز ومين معتصم اللى دخلوا وصوتوا ضددى دول يا بورسعيدى انا عمرى اصلا ماشفتهم فى المنتدى. دول اللى معاك فى السيبر . ؟ يا ريت تجاوب بصراحه اوكى . |
حد قال لك انى مسؤل الامن فى المنتدى ؟؟
وياترى لو كانوا صوتوا لصالحك كنت هاتقول ايه؟؟؟ وبعدين انا الى عايز اسألك هو حضرتك كنت متخيل ان الاعضاء هاتخل تمدح فيك ؟؟ بأمارة ايه ؟؟؟ جاوب انت بصراحه وبلاش تنسب النتيجة لأسباب اخرى غير الحقيقية انت لم تعمل يوم فى المنتدى على ان تكسب حب اى عضو وهذه هى النتيجة ولعلمك احنا عملنا موضوع الاستبيان ده علشان تراجع نفسك وياريت تراجع نفسك قبل ما يفوت الاوان |
بص يا يوري اعمل الاستبيان ده لاي حد في المنتدى غيرك وشوف ايه رأي الأعضاء وانت تعرف كويس وليه الناس بتحب بعضيها ومش بتحبك لان انت اللي دفعتهم لكدة لان انت لو بتحترم الآخرين كان الآخرون سيحترموك
|
اتأخرت فى الرد وانا عندى حاجات كتير فى المنتدى لسة ماخلصتهاش
|
اوكى انا هصدق يا بورسعيدى انك متعرفش الناس دول
بس ممكن اقولك حاجه ناس لا اعرفهم ولا يعرفونى ازاى يصوتوا ضدد بالطريقه دى . ؟؟ ثانيا . انا اخد قرار اصلا انى معندش داخل المنتدى ده تانى . ليه بقى اقولك ليه . لانى اول ما استاذ زيزو نزل الموضوع انا قلت انه موضوع عادى ومفيش سبب ليه يعنى . قلت على الاقل زيزو وبروسعيدى هكونوا معايا حتى لو المنتدى كله مش معايا افجأء ان انتوا اللى ضددى مش عارف ليه انا بجد مش عارف ليه ؟؟؟؟؟ واللهى يا بورسعيدى انا لسه كاتب النهارده فى ردودى ان المواضيع لو مشتدنيش مبدخلهاش الا لو كان بورسعيدى او زيزو ردوا عليها بدخل اشوف ردهم بس وده قبل ما حكايه الاستفتاء دى خالص . بجد انا زعلان على للى انا بقوله دلوقت بس لازم اقوله لان المنتدى واضح ان اقرب الناس ليا هما اكبر اعدائى ده انت لسه من يومين يا استاذ بورسعيدى بتقول انا بحبك واحب الناس تحبك . انا كل يوم بتوصلنى اكتر من 4 رسائل مفيش واحده منهم نقد اللهم الا رساله واحده من عضوه غير مصريه وانا مرتديتش عليها بعدها بيومين بعدت تتاسف على هيا قالته . كل ده نفاق كأنكم كنتوا بتتقفوا عليا سبحان الله بجد سورى يا جماعه انا واضح انى ضايقت المنتدى كله اسف تانى وداع |
يوري انت فهمت غلط
أنا رديت عليك يايوري في الموضوع اللي قلت أن نك بتدخل علشان أنا والأستاذ بورسعيدي بنرد فيه ده شيء كويس مش وحش عارف يا يوري لو كلامك ده موجه لي مكنتش عمري هزعل وانت عارف كويس لان انت قبل كدة جراحتني بكلامك في موضوع ليك عن السلام تقريبا في حي على الفلاح وقلت أنا مطلبتش من حد نصايح لكن كان رد فعلي هو ما علمه لي ديني الحنيف هو التسامح والعفو عند المقدرة ولو كنت زدت لتحملن ولكن مالا اتحمله يا يوري أن تخطأ في حق أستاذ فاضل قدوة بمعنى الكلمة الاستاذ بورسعيدي متزوج وعننده اولاد وعمره 38 سنة يعني في ناس هنا في المنتدى هو في منزلة أب لهم أوبلاش أب أخ أكبر لهم لزاما علينا هنا أن نحترم من هو في تلك المكانة وإلا كنا كلنا غير محترمين راجع ردودك جيدا يا يوري ليس على الأستاذ بورسعيدي فقط ولكن على كل مواضيع المنتدى وانت تعلم جيدا ماذا تصنع |
مين قال اننا عايزينك تمشى ؟؟؟؟؟
ومين قال اننا بنكرهك فى الرساله لى قولت لك انى بحبك وعايز الناس تحبك ماكزبتش عليك بس انت لم تفهم قصدى بقول لك انا بحبك .......... وعايز ؟؟............ النااااااااااااااس ......... تحبك يعنى لازم انت تخلى الناس تحبك ولما عملنا الاستبيان ده لم نتفق عليك بالعكس احنا حبينا انك تشوف انت بتدايق الناس اد ايه ؟ هو ده المقصود من الاستبيان ولما طلبت ان انته الى تعمل الاستبيان طبعا وافقنا مع العلك انك شككت فى نزاهة زيزو وانه لعب فى النتيجة طيب انت الان عملت الاستبيان فى العام ولا انا ولا زيزو مشرف هناك ؟؟ ازيك بقاااااا هى دى الحقيقة الى انا عايزط تعرفها وبلاش اعتراض فى دى كمان ومنتظر ردك من غير كلمه وداع او رحيل مفهوم ؟؟؟ |
احنا مش عايزين نخسرك لكن عايزينك تغير طريقتك اللي هتوصل لحد الكره
|
انا مالقتش عضو مميز واحبه فا صوت على احبه بس
وياريت تزور الموضوع ده http://www.thanwya.com/forums/index.php?sh...=0&#entry110814 |
يورى فعلا هما بيحبوك علشان كدة عايزينك متكونش محل انتقادات من حد
وزى ما قال مستر بورسعيدى منتظرين منك رسالة بدون كلمة وداع يا جماعة احنا كلنا هنا اخوات |
التصويت لسه ما اخدش وقته والنتيجه الحاليه لا تذكر وبعدين يا يوري انت خايف من ايه انت رجعت بشكل جديد وعملة كويس واكيد في اعضاء كتير بيحبوك وانا واحد منهم لان لو حد من الي صوت ضدك كان شاف قسم عصر السرعة قبل ما ترجع وبعد مارجعت كان عرف قد ايه انت عضو مهم في المنتدى ده
|
سورى انا هقول كلمه واحده قبل ما امشى عشان محدش يفهمنى غلط
اولا انا لسه على قرارى انى مش عتزر لبورسعيدى على خطأ انا مأرتكبتوش . اسف بورسعيدى انا فهمتك غلط واسف كمان لكل اللى رد على الموضوع ده بعد ردى الاخير لانى معندش اقدر اقرأ اكتر من كده بجد . واسف فتاه الاسلام على تجاهل رسالتك الخاصه انا حظفت كل راسئلى الخاصه اسف انا حتى مقرتهاش طلب بقى صغير قبل ما امشى سورى لاى عضو كان منتظر منى حاجه انا عارف انى وعدكم كتير . بس ان شاء الله طارق هيوصلكم كل حاجه انا وعدكم بيها . بلاش حد يقولى ارجع يا يورى عشان استاذى بورسعيدى ميفهمش الموضوع غلط ويفتكر انى كنت اقصد الاسائه ليه وبعدها عمل اتمثليه ده اللى بيكرهنى يرد ضددى لو ميردش اما لو فيه حد هنا بيحبنى غير صديقى نيو فيا ريت ميردش عشان انا مش عايز ازغل اكتر من كده على تركى للمنتدى . احترامى . وداعا . |
انت مصمم تفهم غلط على طول الخط يا يورى
يورى هو يورى مافيش فايده ابدا ابدا على فكرة انا لم اطلب اعتزار ابدا ومش منتظر اعتزار انا منتظرك انته تراجع نفسك |
بصوا يا جماعة علاج الموضوع دة حاجة واحدة ان حد من الطرفين يكون قلبة ابيض
وينسى الامر ويبدا صفحة جدية لان طبعا احنا ميرضناش ان حد يزعل ويترك المنتدى ويااااااااااااااااااااااااااا يورى مستر بورسعيدى ميقصدش انة يجرجك لا هو يقصد انة ينبهك وبعدين لو هما مش بيحبوك ما كنوش ردوا لانهم لو بيكرهوك كانوا طنشوا صح ويا يورى ويا مستر بورسعيدى دة ربنا اسمة الغفور الرحيم واحنا البنى ادمين مش هنسامح يالا بقى حصل خير |
نحن لم نتطرد احد يا يوري لانا ليست لدينا الصلاحيات لذلك
ولكن كما قلت لك وكما قلت لك فتاة الإسلام وكما سيقول لك الغالبية حسن من ردودك يا يوري أما بقاءك من عدمه فكما يحلو لك وأنت تعلم جيدا كما تحدثت اليك كثيرا وعندما طلبت أن ترف رأيي فيك في أحد الموضوعات فلته وبكل صراحة أم عدم قراءتك لردودنا فهذه حرية شخصية لك واما ما كتبته بتوقيعك فهذا افتراء علينا أما ما وعدت به أعضاء المنتدى فإمكانك تكلمته بنفسك ونحن لا نتحايل عليك أن قد أخطكأت في حق الأستاذ بورسعيدي وليدخل كل الأعضاء على الرابط التالي اضغط هنا واحكمو هل يليق ذلك الأسلوب اقرأ ما كتبت يا يوري وراجع نفسك ولا تحاول ان تظهر شيء غير الحقيقة أمام الأعضاء |
لا تضع رابط انت تاخده اقتباس كدهو
اقتباس:
|
|
انا نيواللى رجعنى للموضوع
عشان قالى ان الناس بتتكلم على انك عايز تعمل عداوه ضد بورسعيدى لا طبعا انا طبعا قصدش كده ابدا بدليل ان انا مذكرتش اسم اى عضو منهم . واستاذى زيزو اللى انت عملته دى يفرق ايه عن الطرد " لا يوجد ما هوه اسؤ من الموت سوى انتظاره " اللى انتوا عملتوه ده اسوء من الطرد . ده انا حتى اطرت واتهانت . كلمه بورسعيدى لما يقولى كلمه كويس دى صفحه حلوه مش زى عندكم فى البلد . سورى يا بورسعيدى . هيا ايه اللى يتقال عليها بلد اسكندريه ولا بورسعيد . ؟؟ . سلام |
انت اللى اتهانت سورى بقى يا يورى انت هنت مستر بورسعيدى ومحدش هيرضى بانك تهين حد اكبر منك ومننا فى السن
انت دلوقتى بردك دة ماشى على المثل الشعبى اللى بيقول جيت تكحلها عمتها |
وبعدين انت مين اساسا عشان تنتقد واحد زي الاستاذ بورسعيدي؟؟؟؟؟؟
الجمله دى عاديه صح لما عضو يقولى الكلمه دى عادى صح . ولما يقولى فين مواضيعك وانا عدد مواضيعى اكتر من بورسعيدى على ما اعتقد . . انا كل كلامى عن دد مشاركاتك كان هزار انت مش متقبله انا اسف معندش هعمل كده تانى . اقدر اوعدك بكده وعد قاطع . يا اخي دا انا بانسى اساسا انك في المنتدى . ؟ الجمله برضه دى عاديه مش كده . ؟ ادخل يا عضو يا محترم على افضل عشر اعضاء اليوم وانت تعرف . Xx_Youri_xX - 100 بورسعيدى 61 msamido 52 وده اخر رد ليا فى المنتدى . |
انا مش هاتكلم تانى فى الحاجات دى لان ثبتت التجربة اننا لن نصل الى حل ولا يمكن ان نجتمع فى نقطة انت مصمم يييييييوووووووووووووووه والا بلاش سلام |
إذا كنت تتحدث عن المواضيع ففلأستاذ بورسعيدي 80 موضوع بالمنتدى
ده غير ردوده اللي هي اساسا مواضيع وأنت يا يوري عدد موضيعك 60 موضوع فقط |
اقتباس:
|
استاذ عمرو احنا ماعندناش نقاوة تشترى كله على بعضة يا بلاش
يعنى حضرتك اقتبست الجزء الى عجبك وحطيته هنا تقدر تقولى الباقى راح فين ؟؟؟ وياترى مافيش رد قابلك ليورى ولم تستنكرة؟ واذا كنت استنكرتة فلماذا لا تأتبى به الى هنا ؟؟ سلامى وتحياتى واحترامى الشديد جدا جدا جدا جدا لك |
يا جماعة انا هقول لكم تحليل المشكلة ومش هنحاز لحد
يورى انتو شايفين انه غلطان لكن هو بيقول انة كان على سيبل الهزار قال كدة لمستر بورسعيدى ومع احترامى لكم جميعا مش من حق حد يرد ويسئ الى يورى بخصوص الموضوع دة الا مستر بورسعيدى هو اللى يقول ومن حقة يرد علية وطبعا اللى عايز يقول ليورى انة ازاى يعمل كدة او يعاتبة مفيش مشكلة لكن يعاتبة باسلوب لا يسئ اية لاننا لما نسئ للعضو علشان عضو كدة هنكون كرهية بينهم مع احترامى لكم اما يورى فانت مشكلتك انك فعلا بترد وفى نيتك انك تهزر لكن واضح ان اسلوب الكلام عندك فية خلل بدليل ردك على مستر زيزو ومستر بورسعيدى فى بعض المواضيع رد لا تعليق علية الصراحة وانا امتنى انكم متزعلوش منى ومتزعلوش من بعض |
وكمان يا عمر مش عاجبك الإقتباس اللي فوق اللي جابه الاستاذ بورسعيدي هل تقبل أن يحدثك أحد بتلك الطريقة
|
وانا لن اتحدث ثانية وساكتفي بهذا
ولكن لي كلمة أخيرة ليوري نحن لم نكره أحدا ولا نود أن نشهر بأحد أو نطرد أحد ولكن يجلب أن يكون بيننا احترام متبادل |
انا لن اتكلم تانى على الى حصل بس لى تعليق صغير على الكلة دى
ادخل يا عضو يا محترم على افضل عشر اعضاء اليوم وانت تعرف . Xx_Youri_xX - 100 بورسعيدى 61 msamido 52 وده اخر رد ليا فى المنتدى . ده طبعا كلامك يا يورى اولا العضو مش بعدد موضوعاته ولا بعدد مشاركاته ولو كان هو ده المقياس فأنا والحمد لله اكسب ثانيا ولو سلمنا جدلاً ان حضرتك صاحب العدد الاكبر من الموضوعات او الردود فهذا شيئ لا يعيبنى رغم انى اكبر منك عدد سواء موضوعات او ردود ( ولم التفت لهذا اطلاقا) ومش عارف انت حكمت ان ارقامك اكبر من ارقامى على اى ساس ولكن دعنا ننظر لها من ناحية اخرى ياترى انت هاجمت فى ردودك كام عضو وقمت بالهجوم فى كام موضوع اعتقد ان تلك الارقام هى التى تذكر وحتى هذه للأسف مش فى صالحك ابدا تعرف اصعب حاجه بتقابلنى هى ايه ؟؟؟ هى انى اقعد اقنع فيك وانت فى النهايه هاتقولى انا مش مقتنع واثناء محاولاتى لاقناعك نفسى ايضا تحدثنى بكلمه ( مافيش فايده) سلام |
اقتباس:
|
اذن الحمد لله
فهيا بقى رددوا معاى كى نكسب حسنات ويتقبلها الله منا يوم القيامة يوم لا ينفع فية مال ولاا جاه ربنا ءاتنا فى الدنيا حسنة وفى الاخرة حسنة وقنا عذاب النار ربنا ءاتنا من لدنك رحمة وهيئ لنا من امرنا رشدا ربنا افتح بيننا وبين قومنا بالحق وانت خير الفاتحين ربنا افرغ علينا صبرا وتوفنا مسلمين ربنا لا تجعلنا فتنة للقوم الظالمين ونجنا برحمتك من القوم الكافرين |
يا عمرو خلاص الموضوع انتهى وحصل خير مفيش داعى نفتحة تانى وهنفتح صفحة جديدة
|
وهل جزاء الاحسان إلا الإحسان ؟؟
حضرتك متخيل انه لما يقول كده انا هارد عليه ازاى ؟ ردى كما يأتى امامك :( وفى نفس الموضوع الى انت جيبت منه الاقتباس ولاحظ فارق الوقت بين مشاركتى وبين مشاركتك 10 دقائق وده لانى كنت عارف ان حضرتك هاتقتبس الرد ده بالذات بس كان المفروض تقتبس ردى انا كمان بس مش مهم اقتبسة انا اقتباس:
|
الله يفتح عليكى يا اختى الفاضلة
ربنا ءاتنا فى الدنيا حسنة وفى الاخرة حسنة وقنا عذاب النار ربنا ءاتنا من لدنك رحمة وهيئ لنا من امرنا رشدا ربنا افتح بيننا وبين قومنا بالحق وانت خير الفاتحين ربنا افرغ علينا صبرا وتوفنا مسلمين ربنا لا تجعلنا فتنة للقوم الظالمين ونجنا برحمتك من القوم الكافرين السلام عليكم |
ربنا ءاتنا فى الدنيا حسنة وفى الاخرة حسنة وقنا عذاب النار
ربنا ءاتنا من لدنك رحمة وهيئ لنا من امرنا رشدا ربنا افتح بيننا وبين قومنا بالحق وانت خير الفاتحين ربنا افرغ علينا صبرا وتوفنا مسلمين ربنا لا تجعلنا فتنة للقوم الظالمين ونجنا برحمتك من القوم الكافرين شكرا فتاة الإسلام لا تعليق مرة أخرى وعفا الله عما سلف يا يوري |
ربنا ءاتنا فى الدنيا حسنة وفى الاخرة حسنة وقنا عذاب النار ربنا ءاتنا من لدنك رحمة وهيئ لنا من امرنا رشدا ربنا افتح بيننا وبين قومنا بالحق وانت خير الفاتحين ربنا افرغ علينا صبرا وتوفنا مسلمين ربنا لا تجعلنا فتنة للقوم الظالمين ونجنا برحمتك من القوم الكافرين شكرا فتاة الإسلام استاذي الفاضل ردك كان سليم ومشاعرك واضحة حاضرتك بترد بالمثل بس من ابتغى العلى كان اقرب الى الصفح وجزاكي الله خير فتاة الاسلام وارجو ان يكون الموضوع انتهى بجد وارجو ان يوري مايسبش المنتدى وان استاذي بورسعيدي ما يكنش زعلان مني وله من يوري |
نيابة عن الأستاذ بورسعيدي يا يوري احنا احنا مش زعلانين هو بس خرج لانه عنده شغل
وشكرا لعمرو ولفتاة الإسلام وزي ما قلتلك يا يوري احنا هنا كلنا اخوات وأنت أخ لينا |
ويا ريت متكنش انت زعلان مننا اخي الفاضل
|
بسم الله الرحمن الرحيم
يورى اوجة كلامى ليس ليورى الغضبان ولكن ليورى الانسان اولا حاول ان تهدأ وفكر فى نفسك واسالها .. يا نفسى هل تحبى يورى...؟؟ صحيح انت فيك صفات كتيرة جميله مثل حب الخير للاخرين وحب مساعدتك بكل ما تعرف من علوم الكمبيوتر ولقد ساعدتنى انا شخصيا واحب اقولك نحن فى هذا المنتدى كى نكون اخوات واصدقاء نتبادل المعرفة والثقافة وليس لاحد فضل على الاخر فقد تكون انت افضل منى بمراحل فى مجال ما ولكن مشكلتك لا تعرف كيف تتعامل مع الاخرين وانصحك بقراءة كتاب للكاتب ديل كارينجى وعنوانه كيف تؤثر على الاخرين وتكتسب صداقات جديدة ثم اقرأ كتاب الامام الغزالى جدد حياتك واتمنى لك التوفيق |
أنا أخترت عضو أحبه
دا رأى ومش حغير بس والله معرفش ليه |
اقتباس:
بص علي بورسعيدي كده الاول كام مشاركة 6000 تقريا يعني 80 موضوع من 6000 ويوري 60 موضوع من 1000 اعتقد ان في فرق شاسع واضح للجميع |
يوري
رغم انه فارسنى وكنت والله ناوية اتخانق معاه و اكتب له نقد لااذع جدا قبل ما اعرف الموضوع ده الا انه على ما اعتقد شخصيه طيبة جدااا واعتقد انه كمان بيحب يهزر بس هزاره بيقلب معاه شويه لان هزاره متعدى بس اسلوبه فى الكلام رائع واعتقد ان الباقي قابل للتعديل هو مش وحش اوى بس برده _بارد اوي_ وبتهيالى ده مش عيب جامد وبعدين ده برده الوحيد اللى رد على مواضيعى التلاته اللى انا عاملاهم لحد دلوقتى هو اى نعم انتقد اتنين منهم بس تقبلت الامر منه وكمان قلتله ان نقده اسعدنى مع ان لو كان واقف قصادى كنت خنقته >> احنا بنتكلم بصراحه وعلى فكرة هو عنيد بس انا برده مصممه على انه طيب جدا جدا المنتدى اخد طبعه مننا فيه العاقل والمازح والناقد واى انسحاب من الاعضاء المهمين كـ يورى ممكن يعمل خلل يا ريت بس تسيب النظرية اللى انت متبعها وهى _ دس العسل فى السم _ واستخدم اسلوبك العبقري في الجدال و تحوله لردود كويسه اخدعنا يا اخى مرة وامدح فينا .. وعموما اعتقد ان الكل متفق فى كونهم لا يبغون تركك المنتدي بل القضية مختلفة تماماا حاول فهمنا .... عندئذ ستستريح كليااا اترككم فى رعاية الله رحمة ....................، |
اقتباس:
شكرا استاذ بورسعيدي علي القياس بمكيال العدل |
اقتباس:
اعتقد ان اى حد صوت ضد يورى عملها فى ساعة غضب...يا ريت نراجع نفسنا... يورى ممكن تتضايق منه.....ممكن تختلف معاه ...لكن تكرهه؟؟ ميتهيأليش...يا استاذ بورسعيدى....حد يقدر يكره ابنه... كلمة اخيرة : "طرد اى عضو من المنتدى يعتبر مصيبة".........فقط راجع الكلام اللى قاله يورى يا استاذ بورسعيدى ..هتلاقيه كان قاصده انه يهزر.. وبيتقل معاك انت بالذات فى الهزار لانه حاسس انك قريب منه جدا وهتفهمه.... |
بسم الله
انا عن نفسي جيت اصوت لقيته كاتبلي تم التصويت مسبقا فالله اعلم التصويت ده كان ايه .... لكن دى غلطه لا يؤخذ بها وكلامك احمد برده صح محدش يعرف يكره يورى |
| جميع الأوقات بتوقيت GMT +2. الساعة الآن 11:41 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.