السلام عليكم


انا بكتب الموضوع ده لان حصل مشاكل من المشرفين ضد الاعضاء

ومن الادراه ضد الاعضاء .

وان شاء الله الموضوع ده يخلص كل حاجه .


انا مش عايز اتكلم كتير.

انا هسيب الردود هيا اللى تتكلم

بس انا هقول اللى عندى

وا حد عنده اعتراض انا ارحب بيه

زى بالظبط ما برحب باى حد موافق على اللى انا بعمله .

انا فى الموضوع ده بطلب ان اداره المنتدى تكون بالتصويت

بالظبط زى ما المشرفين بالتصويت

والتصويت ده يشمل عبقرينو نفسه .

قبل ما اى حد ينتقدنى او يشكرنى

لما اداره المنتدى يحصل عليها تصويت ده حاجه فى صالح المنتدى طبعا .

ولا انتوا عاجبكم نظام مصر دلوقت .

انا عايز كل حاجه فى المنتدى تبقى فى ايد الاعضاء

عشان لما حد يشكو عضو اى مشرف او ادراه او حتى المدير العام.

يبقى هوه اللى غلطان لان هوه اللى اختاره .


اوكى .


انا بدعو كل واحد شايف ان كلامى صح


انه يضع البانر الخاص بينا ده

http://www.elostaz.com/freedom.JPG

فى الصوره الرمزيه بتاعته او فى التوقيع بتاعه .


وانا عن نفسى برشح بورسعيدى بقداره واستحقاق

لمنصب مدير عام المنتدى . خلافا للمدير الحالى عبقيرينو مان .

وطبعا الادراه هتشمل اكتر من عضو من اللى يستحقوها .

فيه منتدايات تانيه بتعمل النظام ان اكثر عضو مشاكات هوه يبقى الادمن . زى منتدى عرباوى الكبير طبعا .

وده نظام فيه عيب واحد

ان ممكن العضو يكون بيعمل ردود وخلاص

لكن العيب ده مش موجود فى بورسعيدى

يبقى بورسعيدى يستحق انه يبقى الادمن للمنتدى ده باستحقاق تام .

وده هيبقى عليه تصويت قبل التصويت للمشرفين فى الصيف ان شاء الله .

وبعدها هنعمل التصويت على الادراه .

والتصويت ده عشان نعرف انت عايز تعيش فى حريه وكل حاجه بالتصويت

ولا انت عايز عبقرينو هوه اللى يفضل المدير وبلاش حرق بنزين على الفاضى . ؟؟


خالص شكرى للى قرأ الموضوع

وخالص شكرى للمصمم العبقرى صديقى نيو على تصميم اللوجو

ده مأخدش منك 3 دقايق امال لو كنت فاضى كنت عملت فينا ايه . هههههه


سلام .

شكرااا علي الموضوع ده يا يوري

انا معاك طبعا

كده تبقي كل حاجه في ايد اللاعضاء


ونعمل تصويت يشمل اعضاء المنتدي

بين المدير القديم عبقرينومان

والمرشح للمنصب بورسعيدي

والتصويت يحكم مين المدير الجديد

صح يا جماعه
لازم يبقى لينا راى ونقول كلمتنا

فعلا يا جماعة موضوع يوري جامد


ولة وجة نظر ديموقراطية اوي


اذا كنا بنتكلم عن الديموقراطية في مصر وعايزنها تبقي موجودة


يبقي لازم نبدأ بنفسنا الاول

كلام سليم لازم يبقى فيه نظام ديمقراطى ومش يزعل لما يطلع ويخش بداله مدير جديد
ما دام فى صالح المنتدى

شكرا ليكم لدعمكم موقفى.


وواضح انى مليش اى مصلحه فى الموضوع ده

ده انا رشحت بورسعيدى لانه هوه اللى يستحقها على الرغم من المشكله اللى كانت بينه وبينى من 3 ايام بس .

يعنى انا لا ناقه لى ولا جمل


هوه ايه الفرق بين الناقه والجمل .؟؟

انا اوفاقك على ان يكون في اعضاء ليهم صلاحيات من صلاحيات مدير المنتدى لكن عزل عبقرينو دي انا اسف انا مش معاك فيها

معاك يا ريس

انا مش بقول عزل عبقرينو

انا بقول يبقى تصويت مش اكتير .

وبعدين عبقرينو ممكن يبقى برده من الادراه

لكن اعتقد ان بورسيعدى يستحق الادراه اكتر من اى عضو فى المنتدى

ولازم يأخد حقه

احترامى لرأيك

تقبل تحياتى .

سلام .

ثانكس منص على الرد .


يسلموووووووووووووو :)

ههه سلام .

اوكى....

انا هرد..لكن مش هصوت....التصويتات ناقصها حبة اختيارات كمان...

لكن بالنسبة للموضوع..الاختيار صعب ..صعب بجد....

اعتبرونى فى موقف محايد لحد ما افكر كويس..

لكن المبدأ حلو....خصوصا لو كانت ((فترة الرءاسة)) كبيرة...سنة مثلا او 2..((كبيرة بالنسبة لى))

هههى


تعرف المنتدى شكله متغيرش من امتى

من 4 2004


ده حاجه كويسه .

ايه الخيارات اللى انت عايزها . ؟؟

انا معاك يا يوري فى كلامك لازم يكون المشرف العام بالتصويت
وانا برشح بورسعيد يا جماعه

انا طبعا معاك يايورى بيه
لكن افرض احنا اتفقنا على مدير معين مين اللى هيعينه
دا حتى مدير المنتدى الاساسى (Admin) مابيدخلش المنتدى الا مره فى السنه
وانا معاك ان الاستاذ بورسعيدى يستحق المنصب ده بجداره

اوكى....انا معاكو..

لكن

لمما نعمل تصويت ....مين اللى هيبقا له الحق فى ترشيح نفسه؟؟؟

اوكى .


مين العضو للى ممكن يفتكر نفسه يستحق انه يكون مدير المنتدى . !!

بورسعيدى . بس الوحيد اللى يستحق .

سورى مش اقصد اقلل من باقى الاعضاء .

انا اقصد انه الاكثر نشاط تقريبا مفيش موضوع بورسعيدى مدخلش عليه .

فهوه يستحقها .

احنا عايزين ايه من مدير منتدى غير انه يدخل باستمرار ويرد ويكون الااعضاء بيحبوا .

ده غير انه كمان ممكن يشتغل كويس جدا فى حكايه التصميم فى المنتدى .

ده غير الحمايه اللى هيوفرها للمنتدى ضد الاختراق

عشان انا اكتشفت ان اى عضو يدخل المنتدى بيهدد باختراقه . لو عايزين امثله انا اعرف 4 كلمونى على الميل بيكلمونى فى اختراق المنتدى

حتى لو كنتوا لاحظتم ردودى على بعض الاعضاء هتلاقنونى بتكلم عن انى بأحمى المنتدى من اى حد يفكر انه يخترقه


لان الحمايه اللى للمنتدى ضعيفه فعلا .

سلام .

احنا عايزين ايه من مدير منتدى غير انه يدخل باستمرار ويرد ويكون الااعضاء بيحبوا

تمام كدة يا باشا...

وبقيت الرد اقنعنى تماما..

اوكى..

بانتظار بقية الاعضاء

يا احمد الموضوع لحد دلوقت هيبقي
انتخابات علي مدير المنتدي

وهيكون بين بورسعيدي المرشح الجديد من قبل الاعضاء

وبين عبقرينو المدير الموجود فعلا

وكل الاعضاء تصوت

واللي يكسب من الاتنين في الانتخابات

ساعتها نعمل تحت رعاية الكسبان

انتخابات علي اشراف الاقسام وادارة المنتدي

وساعتها بس هيبقي المنتدي بادارة الاعضاء وبمزاجهم

ويختاروا الاحق والاحسن بالنسبة ليهم

هو ده السيناريو اللي ان شاء الله نتمني تنفيذه من اجل تنشيط المنتدي

واصلاحه

برافو يا نيو على السيناريو ده .


اما احمد شكرا يا مان على الرد الجميل .

منتظر باقى الاعضاء .

سلام .

يورى

والله انت فاجأتنى بالموضوع ده

والله انا عمرى ما حلمت ان اكون مدير

ولكن انا الان وشعورى بحبكم جعلنى فوق السحاب

وكل ما يهمنى هو حب الناس لى واحترامى لآدمية الغير

انا النهارده اسعد يوم عندى والله مش لترشيحك او لترشيحكم

لاء

لان هذا الترشيح نابع عن حب

ووالله انى احبكم جميعا جدا

ومش معنى كلامى انى موافق ان ارشح نفسى امام العبقرى

لكن انا كسبت شيئ اهم واجمل واغلى من الادارة

كسبت حبكم وثقتكم

وهذا اهم واغلى من إدارة منتدى

والله يا يورى اول ما قرأت الموضوع طرت من الفرحة

مش علشان انا مرشح ان اكون مدير المنتدى

اكيد مليون % مش كده

بس لانى حسيت انى انسان محبوب فى المنتدى

وانا مش عارف اقول لك ايه والله

شكرا جدا ليك يا يورى على هذه المشاعر

وشكرا لكل الاعضاء الكرام الحبايب الى صوتوا لصالحى

ده اقل واجب بعد اللى عملت انت وزيزو من يومين

ههههههههههه

والله يا بورسعيدي
ومعلش في الكلمة

لو انت مش شايف حب الاعضاء ليك تبقي اعمي اسف تاني

ومع الاعتذار لكل الاعضاء انت اكثر شخصية محبوبة في المنتدي فعلا مش بجاملك

ونتمني يا بورسعيدي
انك تكسب وتبقي مدير المنتدي
لاننا بجد مش هنلاقي احسن منك

برافو نيو على الكلام اللى مش كله جميل ده


ههههههههههههههه


اما عن حكايه انك مش معنى كده انك موافق على ترشيح نفسك امام العبقرى


فالموضوع ده مش بمزاجك ده طلب قومى .

هههههههههه

بجد انا منتظر ردك .

سلام .

واللة يا استاذ بوسعيدي انا معرفكش


بس انا مؤيد جدا لفكرة التصويت





واكيد طالما كل الاعضاء بتحبك كدة يبقي انت تستاهل

انا مش عارف والله ايه اللي بيحصل

لكن انا ليا وجهة نظر غريبة

احنا اذا كان الموقع بتاعنا فعلا ف احنا مع احترامي ضيوف عند عبقؤينوا

ومهما يحصل ما بنفعش نثور ع الراجل ونعمل انقلاب

ومكنش المفروض يجي منك انت بالذات يا يوري لسة المشكلة خلصانة من يوم ولا اتنين

اصبر شوية .. واذا كان على تعديل المنتدى ف هو شكله مش وحش وممكن نكلم العبقري وهو يغير

لكن موضوع التصويت مش كويس بالمرة

ياريت نفكر احسن من كده ، ولور سعيدي راجل محترم وان شاء الله ياخد وضعه وممكن نطلب ان هو يشارك ف الادارة باسلوب احسن م التصويت
شكرا

واللة انا اعتقد ان التصويت مش انقلاب ولا حاجة

هو مجرد طرح لوجهة نظر


ومش اي وجهة نظر



دي يمكن احسن فكرة بناْة اتطرحت في المنتدي



وبعدين فعلا لازم للأعضاء يكونلهم الرأي والاختيار

باسيو

ضيوف عند العبقرى ازاى .

هوه مش صاحب المنتدى


شوفى اى منتدى تانى

مدير المنتدى بيتغير كل فتره . يا مهره انا مش فاهم انتى عايزه ايه بالظبط .


اما عن المشاكل انا مش شايف اى حاجه غلط فى الكلام اللى انا قلته

انا بس عايز ديمقراطيه زى اللى موجوده فى اى مكان محترم فى الدنيا

الناس هيا اللى بتختار مين اللى يحكمها .

والاعضاء تختار مين اللى يبقى المدير بتاعها .

ولا انا كلامى فيه غلط .

منتظر ردك

يا استاذ باسووو احنا مش بنعمل ثورة او انقلاب
الموضوع وما فيه
ان احنا عايزين نحسن المنتدي ونكبره

وده مش هيحصل الا اذا كان مدير المنتدي دايما موجود معانا وشايف المنتدي بكل جوانبه

وده متوفر جدا في بورسعيدي ومش موجود في عبقرينو

وده لان عبقرينو بيجي المنتدي زيارات خاطفة

ومابيشفش كل حاجه

او ما بيشوفش اي حاجه

ووده مش هجوم عليه احنا بس عايزين الاحسن لينا وللمنتدي

وشكرا علي رايك يا باسوو

لا تعليق

انا معاك فى كلامك يا يورى وبرشح
بور سعيدى

وكده احنا فهمنا رأيك . !!

قمر قمر يا ريت توضح وجه نظرك عشان نفهمك اوكى

واما تقنعنا او نقنعك .


سلام .

يورى اعتقد مش كتير منم الاعضاء يعرفوا عبقرينومان
ومنقدرش نحكم عليه من مجرد موقف مع نيو
فى موضوع توقيع نيو نيو عنده حق والاعتراض
على طلب تغير التوقيع ولكن لسه عبقرينو مان مردش وقال اسباب
طلبه
لذلك منقدرش نحكم عليه من
غير ما نسمع اسباب طلبه فى تغير التوقيع

وهوانتوا ليه حاطين صوره رمزيه زى بعض ...علشان موافقين على كلام يورى

طيب ما تكتفوا بالتصويت

التصويت بالطريقه دي متنفعش

اعتقد ان احنا مش حاطين اي صورة وخلاص



احنا حاطين صورة تدل ان احنا موافقين علي الرأي دة


واعتقد ان الصورة ليها صلة اوي بالموضوع

امال يبقي ازاي

يا قمر مين قالك ان الموضوع ده ليه اي علاقة بموضوع تاني

الموضوع ده مستقل


انت ما تعرفش عبقرينو
بس تعرف بورسعيدي

سالت نفسك ليه

لان بورسعيدي معان كل يوم وعلي طول

بس عبقرينو لاء

بورسعيدي عارف كل مواضيع المنتدي

عبقرينو لاء

بورسعيدي لو احتاجته في حاجه هتلاقيه

عبقرينو لاء

بورسعيدي لو اشتاكتله هيبقي عارف بتتكلم علي ايه

عبقرينو لاء


عرفت ليه بورسعيدي افضل

كفايه كلمتك انت يا مان


كتير من الاعضاء ميعروفوش عبقرينو

طيب ازاى هوه اللى يبقى مدير المنتدى


المدير واحد منعروفش ولا بيدخل .

لاء طبعا .


سلام .

لا جامدة يانيو

اعتقد ان انت كدة وضحت الصورة اوي

عرفت ليه بنرشح بورسعيدى

لان بورسعيدى ينفع

عبقر لاء .


بسيطه قوى .


منتظر ردك .

شكرا يا شباب على هذا الشرف الكبير
والثقة الغالية
ولكن انا لا احب ان يحصل انشقاق او انقسام فى بيتنا الحبيب
وليعلم الجميع اننى لم ارشح نفسى حتى فى انتخابات المشرفين السابقة
والذين حضروا الانتخابات السابقة شاهدين على هذا الكلام
احبابى انا لا اخزلكم ابدا فى طلبكم ولكن انا لا اريد ان يحدث انشقاق فى المنتدى بسبب الإدارة ومين يستحق ومين لا يستحق
انا افضل ان نتعاهد جميعا على الحب والاحترام والعمل للمصلحة العامة
ويكون شعارنا جميعا العلم والفائده من الجميع للجميع
اما موضوع مين المدير ومين يستحق فكلنا واحد والافضل هو من يراعى مشاعر الاخرين
وان نكون جميعا على مستوى المسئولية وان نتميز جميعا بالشكل الحضارى ( هو ده الحلم الكبير)
ولتكن المسابقة فى المنتدى هى على ( من الافضل ) حتى نحتار فى الاختيار لاننا جميعا ممتازين فيصعب الاختيار
وهو ده المطلوب

شعور جميل عظيم يا باشا ولو معاليك شايف ان موضوع زي ده ممكن يعمل انشقاق زي ما معاليك قولت من شويه بلاش منه بس لازم حد معاه الصلاحيات الي مع عبقر يخش المنتدى باستمرار وتعالى نخلي ده منغير ما عبقر يمشي يعني يبقى فيه اتني ادمن في المنتدى
بورسعيدي باشا بحب الاعضاء
وعبقر باشا بأجرة الدومين نيم
وسلامنا للجميع وانا معاكم في الحركة القوميه لكفاية في الثانويه

احنا مش موافقين على كلام يورى احنا مؤيدين لكلام يورى تفرق
لاننا لو قلنا موافقين على كلام يورى نبقى احنا مش بنفكرر فى الكلام موافقين وخلاص ( وعلى كل كلام يورى )
انما احنا ممكن نؤيد كلام وكلام لأ

وياريت يا جماعه موضوع ( افضل عشرة مشتركين اليوم)
اللى يحطه مدير الموقع عشاااااااان يبقى على الاقل معنا يوم فى الموقع ويرتبهم على حسب نشاطهم بجد مش على الاكثر ردودا ولا ايه رايكم فى وجهة نظرى

يستحقهــــــــــــــــــــــا بجدارة :)

أوافقك يا يــــــــــــــــــــــــــورى على رايك.
:rolleyes: :rolleyes:

شكرا لكل اللى وافق .

بس احب اقول حاجه


ان عبقر مش صاحب الدومين يا مان .


اوكى


سلام .

يا جماعة مش معقول 15 واحد بس اللي صوتوا المنتدي في اعضاء اكتر بكتير
ياريت الكل يشارك ده مستقبل المنتدي

يا جماعه فعلا
لازم كلنا نشارك

انا ررأي ان الاستاذ بورسعيدي الاحق وبدلا من ان الدومين موش تبع الاستاذ اشرف بس صحيح يا يوري مين صاحب الدومين يعني الموقع تبع مين؟؟؟؟؟؟؟؟؟؟

بس حكاية الصورة اللي في البانر دي بلاش انا كفايا عليا المشاركة وشكرا

يا محمد يا بري
انا حسب علمي ويوري هو اللي قالي كده

ان دومين الموقع اسمه admin

مش عبقرينو
ولو كان عبقرينو هو الدومين عمرنا ما كنا نفكر في موضوع زي ده
كان هيبقي الموقع بتاعه وهو حر