|
يا ترى ينفع الواحد يكون ليه اكتر من صديق مقرب؟؟
الموضوع باين من عنوانه ينفع يكون ليك /ليكى اكتر من انتيم يعنى معروف ان كل واحد بيكون ليه صاحب انتيم بس ينفع يكونوا مثلا اتنين و يا ترى هتحبهم قد بعض و لا هتغيروا من بعض ؟؟
|
انا كان ليا اربعة قبل الجامعة
والاربعة مقربين جدااااااااااااااااااااا وطبعا مصاحبة اكتر بس دول الاناتيم وبعد ما دخلت الجامعة بقوا 5 ولسه فى بنات بقرب منها اه طبعا ينفع ،، مش بعترف بموضوع الانتيم الواحد ده ومش بحب حد يغير من التانى كلهم عندى واحد يعنى محدش ييجى يقولى اشمعنى ومحدش يقدر يحاسبنى ع مشاعرى :) |
الواحد ممكن يكون ليه اكتر من صديق طبعا ويكونوا من اعز احباب احباب احبابى
الحمد لله ليه كام واحد صاحبى من ايام الثانوى هما اللى مهونين عليه الدنيا شوية |
أكيد طبعاً ينفع |
اه طبعا انا فعلا ليا اكتر من واحدة
مفيش اى مانع ابدااااااا و اكيد كل واحدة ليها حبها الخاص |
شوفى يا سوسو
الماكسيمم 2 لو الشله بقت اكتر من 3 هيبقوا مش اناتيم هتلاقى العلاقات ابتدات تتفسخ وكل اتنين هيبقوا مقربين لبعض اكتر انا مثلا ليا اتنين اناتيم بالعالم كله |
أنا أظن أنتيم واحد كفايه أوي
لأن أكيد الأنتيم بتقولي له سرك والسر إذا جاوز الاثنين شاع |
هوه انتيم واحد كفايه اوى لان مش معقول يبقى سرى مع كل صحابى كده يبقى انا روحت فى دهيه مش قصدى حاجه بس هيه واحده كفايه
|
هزو الواحدلاقى صديق حقيقى واحد علشان يلاقى اتنين؟؟؟!!!!!!!!1
|
اقتباس:
وكنت هقول نفس الكلام |
طبعا ينفع يكون للانسان اكتر من صديق
|
مفيش اصدقاء بتستمر غير الصداقة اللى بجد بس ديه انقرضت خلاص
ممكن يكون كذا انتيم بحكم الدراسة والدروس بس مش لفترة طويلة |
صعب جداا حتي تلاقي واحد مقرب ليك جداا
اصله مش هيكون مقرب بصداقته بس هيبقي بفكره واخلاقه وكل حاجة يعنى لو لاقيت واحد بصفاته الكويسه ومتفاهمين عقليا وحلو اوي ودا مستحيل يبقي شوف بدل الواحد ميه بقا |
اقتباس:
كفاية انا عليكى :p |
اقتباس:
المهم يا بنتى ياللى كاتبه الموضوع اللى عاوزه اقوله ان موضوع انتيم ومش عارف ايه ده بيكون نظام فاشل متحاوليش تقربى حد منك للدرجه خلى علاقتك كويسه مع كله بس عادى محدش يكون عارف عنك كل حاجه فاهمانى :) امام اكتر من واحد دى من ونا صغيره كان بابا وماما يقولولى خلى ليكى صديقه قريبه منك وتكون واحده بس اى نعم انا مش مقتنعه بوجهتين النظر بس اللى بقلهولك وعن تجربه خلى العلاقه واحده مع كل الناس |
مازلت ابحث عن صديق
حد مستعد والله بدور |
أول حاجة صعب إنك تلاقي صديق مقرب يعني مفيش وجود لكلمة أنتيم ممكن يكون مجرد إرتباط بشخص معين بتعد معاه بس لدرجة إنك تبقي إنت و هو واحد صدقني بلاش عشان لما بتنخدع بتحس إنك بتموت ممكن من موقف واحد يحصل Drop بينكم و تخسروا بعض ساعتها هتندم علي الثقة الزايدة أنا طبعا كنت طول عمري بقول عكس كده بس فعلا سهل إنك تنخدع أو مش تنخدع بالضبط ممكن نقول تتوهم ______________________-- أرجع للسؤال بالنسبة أكتر من أنتيم كل مرحلة و كل طور من اليوم ليه حاجات خاصة زي مثلا أنا ليا أصحاب مقربين جدا في الجامعة بس العلاقة بتنتهي بقية اليوم لغاية اليوم التاني و العكس بره الجامعة ليا أصحاب مقربين مش بتكلم معاهم إلا بعد الكلية يعني في كل مكان بيختلف الصديق و كل شخصية بتختلف عن التانية في الطباع و التصرفات يعني الواحد عايش في عالمين ملهمش أي علاقة ببعض و نصيحة: بلاش الثقة الزايدة في التعامل إسأل مجرب :(:( |
لا مينفعش اكتر من انتيم
مش هتستمر الصداقه اصلا وبجد انا جربتها قبل كده يا هتخسرى الأتنين يا هتخسرى نفسك |
اقتباس:
|
انا اعتقد انه بيكون صاحب واحد بس
اه احنا 3 بناتمع بعض من 5 سنين ومفيش حد دخل جديد علينا بس هي واحده منهم اللي قريبه مني وباقولها علي كل اسراري كل واحد بيثق في شخص ويحب يتكلم معاه مش اعتقد ينفع اكتر من واحد |
اه طبعا ينفع انا لية اتنين انتيم
والتنين اسمهم علا والحمد لله اجمل صداقة ياااااااااااااااا رب نفضل كدة انا بحبهم جدااااااااااااااااااا |
انا بالنسبالي مش ينفع
لأن صاحبتي الأنتيم بقولها ع كل حاجة وانا مش ببقى مرتاحة ابدا لما يبقى سري مع اكتر من شخص واحد وغير كده الأصدقاء الحقيقيين أصلا نادرين جدا فــ منين بقى انا هالاقي اكتر من واحدة (دة اذا لقيتها أصلا) تكون أمينة وكويسة ومش مع أول خناقة تطلع تسيحلي قدام الناس |
مفيش حاجه اسمها صديق مقرب......وصديق غير مقرب
مفيش حاجه اسمها صداقة مفيش حاجه اسمها صحبه واصحاب مفيش حاجه اسمها سرى مع صديقى ولا صاحبى مفيش حاجه اسمها نفضفض مع بعض انا واصحابى مفيش حاجه اسمها صديق حقيقى او غير حقيقى مفيش اى حاجه فى اى حاجه وشكرااا ....................للاستفسار اتصل على 09389090480200 |
اقتباس:
مفيش منه0900 يا احمد:d |
اقتباس:
|
اقتباس:
مممممممممممممممم ماشى بس بردو كلمة (( بت )) دى وحشة اووووى وانا بكرهها :mad::mad::stickjo4::stickjo4::040vk0: |
أكيد طبعاً ممكن
ليه لأ؟؟ أصل مش محدد لكل انسان توأم روح واحد أو صديق واحد و ما اعتقدش في صديق مقرب و صديق مش مقرب علشان لفظ الصداقة أصلاً لا يطلق إلا على علاقة سامية جداً بين الأشخاص.. |
هو بتهيالى الماكسيمم 2
ومش لازم متفقين فى كل حاجه احنا الشلة بتاعتنا 3 هيلاقى فينا العقلة اللى تحكيلها مشاكلك تقولك الحل ع طول وهتلاقى الشطره اللى بتجيب درجات عالية وهتلاقى الجميلة اللى بتهتم اوى بنفسهاوتقولك نصايح فى الموضة |
| جميع الأوقات بتوقيت GMT +2. الساعة الآن 01:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.