|
(((___الصداقة والخيانة؟,هل اصدقائك وحدهم هم المسئولين؟___)))
السلام عليكم ورحمة الله وبركاته اولا ازيكم يا جماعة عاملين ايه؟ يارب تكونوا بخير دلوقتى فى موضوع مهم الواحد فكر فيه كتير لقصص كتير شفتها بعينى ادامى من ناس كتير عرفتها سواء على النت او على الحقيقة جرب كدة تعمل موضوع عن معنى الصداقة اهميتها راى الحكماء فيها؟ هاتلاقى كل الردود الصديق الوفى ماعدشى موجود الصديق الوفى ان كان موجود يبقى نادر جدا طب ماشى لما كلنا رأينا كدة؟ يبقى العيب فى مين بقى؟ يعنى انا وانت وانتى وحضرتك طالما كلنا شايفين ان احنا الاصدقاء المثاليين واصحابنا كلنا هما الى مش كدة يبقى هل العيب فيهم بس؟ طب وطالما كل واحد حاطط فى دماغه ان التانى مش وفى امال مين فينا الى وفى؟ حاجة بسيطة ممكن نيتدى فيها نتكلم فى المشكلة البعض بياخد معنى الصداقة على وجه طفولى شوية بمعنى انى وفى مع الاخ دة وانى صاحبه من زمان يبقى لازم دة يحكيلى كل حاجة عنه زى مانا بحكيله هو كمان يعمل زيى ولا انا أثق فيه وهو لا؟ وناس تانية تاخدها ان الصاحب مفروض يسيب كل حالته وشغله ويفضل يسمع لصحابه؟ طب مثال حقيقى مختلف عن الى فاتوا فى مرة سألت مين أقرب واحد للنبى صلى الله عليه وسلم ومن قبل الاسلام كمان؟ اتقالى أبو بكر الصديق اكيد سالت تانى مين أمين السر النبوى؟ اتقالى ايه هو مش سيدنا أبو بكر ماشى النبى صلى الله عليه وسلم وابو بكر الصديق أصدقاء واخوة بجد بس امين السر النبوى هو حذيفة بن اليمام حاجة تانية ليه بلاقى الاصدقاء غالبا فى العصر دة بيختلفوا كتير ويفقوا مع بعض على التافه؟ ليه لما بيحصل بينهم مشكلة او تسمع من واحد بعيد انه قال عنك كدة مش تروحله تقوله قلت كدة وليه؟ يمكن اى فعلا قال كدة بس لسبب معين خاصة انكك مش بتتعامل مع نبى انتى بتتعامل مع بشر من سهل ان يزل وبخطىء الحاجة التالتة ليه البنات بالذات الاقى كل بنت تقول البنات بيغيروا اوى منى طب طالما كل واحد شايفه ان كل البنات الغيرة عندهم عالية اوى وغير محمودة يبقى مين فيهم الى فعلا بيغير غيرة مش كويسة؟ الحاجة الرابعة البحث عن صديق ودة اهم شىء ليه لما نيجى نصاحب نختار من الوسط المحيط وخلاص حتى لو البيئة مش كويسة اهم اصحاب وقريبين منى وشايفهم على طول وخلاص؟ ليه مش بناخد بالنا اوى ان الاصحاب هم اكتر حاجة تأثر على شخصية الواحد عشان كدة لازم نختارهم بدقة وبعناية بجد الحاجة الخامسة ليه لما بيكون جواك حاجة معينة من صديقك تفضل حاططها فى قلبك وطبعا اكيد صاحبك دة بيغلط اكتر من غلط لانى زى ما قلت مش نبى وانت ولا مرة تصارحه بالعكس تفضل سايبه يغلط يغلط وانت قلبك يشيل منه أكتر وفى الاخر تاخد القرار انى ابعد عن الشخص دة نهائيا من كتر تراكم المواقف طبعا واحد على التانى الحاجة السادسة تقول هو صاحبى بقى بيمشى مع الواد دة كتير ليه؟ ليه بقى بيمشى مع دة اكتر منى؟ هو خلاص نسانى ولا ايه؟ وممكن يكون الشخص دةأقرب واحد ليه فى المحيط الدراسى فيكون التعامل معاه كتير وفى نفس الوقت بيبتدى السؤال يقل شوية بين الاصدقاء لان فيه كليات زى هندسة عندنا مثلا مش بيلاقوا وقت اصلا يذاكروا فيه:) الحاجاة السابعة ودى من أغرب الحاجات انتى يا بنى انا معجب بالبنت دى؟ وهو كمان يكون معجب بيها الله ازاى؟ مش مفروض ياخد باله مش لازم يسالنى الاول وتبتدى بينهم حاجات ممكن الاطفال يتحرجوا من انهم يعملوها عشان واحد فيهم يعرف يكلمها والكلام دة وكذلك مع البنات بس الموقف بالعكس طبعا طبعا دى بعض المواقف الرئيسية الى بين الاصحاب والى بتحصل ونرجع نقول ما فيش اصدقاء أوفياء وطبعا كل واحد فينا فيه عيب معين أى واحد فيه عيب بس هل انت هاتستحمل عيب صاحبك ولا واحدة بواحدة هاتمل من العيب دة وتصاحب غيره يطلع فيه عيب تانى تستحمله لانه فيه صفات كويسة وتسيبه لما تمل من العيب دة؟ الموضوع طويل شوية والكلام فيه كتير اوى لو حد عنده موقف معين ممكن يقوله ومش لازم ذكر اسماء لان المواقف فى الموضع دة أكيد كتير وفيه أكيد ناس لما شافت الكلام حست انه منطبق عليها والسؤال الاخير؟ مين الى وفى ومين الى بيضيع الصداقة بجد؟ فى امان الله |
والله كلامك عين العقل عليه كلامك بجد رائع بل اكثر من رائع ونايس توبيك بس انا والحمدلله لاقيت الصديق الوفى اللى بجد اقدر ائتمنة على اسرارى الحمدلله على كل شئ واتمنى من الله انى اكون برضه بالنسبه له الصديف الوفى
تقبل مرورى |
اقتباس:
مرورك على راسى يا حبيى بس انت لحقت ترد امتى:d جزاك الله خيرا فى امان الله |
رديت بعد ما انت كتبته على طول يا دكتور
|
اقتباس:
نورت التوبيك كله جزاك الله خيرا |
بصراحة الموضوع متميز بجد عارفة ان كلنا ناس وبنعلط وفينا كلنا عيوب بس دا حال كل الناس بيشوفوا نفسهم احلي حاجة وانهم الناس اللي بتوفي بجد وبضحي وكدا وممكن مش يكونوا كدا بس هو دا فيه اللي ناس كثيرة بتشوفه في نفسهابالنسبة للصداقة ممكن اتكلم ع البنات اكثر يعني انا مصاحبة واحدة وبحبها اوي ولما تمشي مع واحدة تانية ببقي باكل في نفسي وبغلي من جوه يمكن انا بحب ان امتلك صاحبتي وبحس انها كل شيء ليه في الدنيا عشان كدا مش مفروض انها تكون مع حد غيريلكن انا مش بخليها تلاحظ وفي نفس الوقت لما تيجي تكلمنا بعدها بكلمها عادي بس التملك دا ساعات بيجي مع الناس اللي انت بتحبهم اوي ومش تقدر تسبهم وحصل لي موقف تاني مع واحدة مقدرش اقول انها صديقة لانها بكل المقاييس مش تستاهل لانها كانت بتعرفني عشان مصلحة وبتكلمني مصلحة ولما خلصت المصلحة دي قلت عليه حاجات متخلفة بس بجد استغبتها اويلسبب راحت تقول لاصحاب اللي يعرفني من زمان بجد وهم دول بقي اللي دفعوا عني وعرفت انهم اصحاب بجد عشان كدا لو واحدة زعلت منها افتكر لها المواقف الحلوة وروح اصلحها لانه مهما حصل مش هقدر اسبهم هكمل تاني بس بعدين عشان الجهاز ملغبط خالص
|
بجد موضوعك جميل اوى
وانا فعلا بستغرب ان كل واحد مننا بيقول الصديق الوفى بقى نادر دلوقتى والصديق الكويس مش بقى موجود وكده ولقيت ان اغلب اعضاء المنتدى واغلب البشر عامة بيقولو نفس الكلام يبقى اكيد فى حاجه غلط بس احنا مش قادرين نفهمها. فى حاجات كثير غريبه انا مش قادره اجد لها معنى ساعات الواحد تكون شداه شخصيه معينه ولما يعرفها ممكن تطلع تافهه وفيها عيوب كثير ودائما مش متفق معاه فى الراى فواحد زى ده مثلا ايه اللى هيخلينى اكمل معاه الصداقه دى لكن اللى بستغربله ليه فى ناس كثير بنحاول نسعدهم باى طريقه وهم عمرهم مافكرو حتى فينا!!! مش كل اللى بنتمناه بنحصل عليه انا اصلا شكلى بتمنى صديقه اشبه بالملاك علشان كده عمرى ماهلاقيها بس بجد موضوعك جميل جدا مرسى كثير ليك |
بجد موضوع رائع وجميل جدا
انا لقيت صدقتين ليا والحمد لله ويارب نفضل كدا على طول فعلا لما يكون عندك صديق بتمتلك الدنيا بحالها لانك بتحس انك مش لوحدك بتلاقى الى بيكون معاك وبيقف جمبك واحلى حاجه انك انت وصديقك متكونوش فى نفس التفكير يعنى لازم تكونوا مختلفين شويه لان دا هيساعدك انك تحس بمعنى الصداقه هينصحك لما تكون محتاجله وهيكون التفكير مختلف فهتنجح الصداقه دى دا من وجهة نظرى شكرا على الموضوع الجميل دا |
بسم الله الرحمن الرحيم بجد موضوع جامد جداً بحييك عليه اما بالنسبه لي فانا ماعتقدش اني ممكن الاقي اي صديقه كل مره بقول اني لقيتها و بتطلع مش هي و على فكره انا برضو ساعات بكون مش منسباها او كده بتلاقي مني تصرفات غبيه نوعاً ما .. يمكن عشان انا فيا عيب غبي اوي و هو اني بظن في الناس غلط ساعات و يمكن كلامي زي الدبش حبتين .. يعني .. بس ماعتقدش اني هلاقي صديقه بجد .. يلا اصلا بصراحه بحس ساعات انهم بيضروا اكتر ما بيفيدوا .. و خصوصاً اني طبعي كتوم شويه فممكن تتخنق مني و تقول مش بتثق فيا لإنه حصل معايا قبل كده طبعا محدش فاهم حاجه بس مش مهم انا اصلاً معرفش شو هاي ياللي كتبته شكراً اوي عالموضوع |
اقتباس:
فى رعايه الله |
اقتباس:
انا عايزة اقول حاجة "كل واحد بيقول الصديق مبقاش وفى "يعنى مثلاانا عايزة اقول "لو فيه واحدة بنت مثلا اسمها حنين (ده مثال ) والتانية اسمها امل (برضه مثال انا بجيب اسماء من دماغى ) لو حنين قالت على امل انه مش وفية وبرضه اكيد امل هتقول على حنين مش وفية يبقى ازاى نقول على الشخص ده مش وفى وهة برضه بيقول انه مش وفى (ديه حاجة عايزة افهمها معلش ) يعنى انا قصدى لو كل الناس دلوقتى مش وفية يبقى انتا من ضمن الناس ولا ايه ؟؟؟ وبعدين نقطة ان الواحد يجيد اختيار الصديق انا مش فاهمة ازاى الواحد بيصاحب مين مش حد معاه فى المدرسة واكيد اللى بيبقى قاعد جمبى صح يبقى ازاى انا هعرفها من اول مرة ؟؟؟؟؟(وديه الحاجة التناية اللى عايزة افهمها) وتقبل مرورى |
اقتباس:
احتمال اكمل كلام عشان الكلام كتير فعلا زى ماحضرتك ذكرت بس الموضوع مفيد جزاكم الله خيرا |
اقتباس:
جزاكى الله خيرا اقتباس:
كلامك جميل اقتباس:
دة احساس بيكون داخل كل واحد فينا بس الاهم مش يبان ادام صديقك والاهم بردة انه مش يأثر على علاقيتك بصديقتك او بمعنى اصح مش تشيلى من جواكى ليها عشان بتمشى مع واحدة أكتر منك اقتباس:
نقطة مهمة جدا على فكرة الى انتى ذكرتيها والى تحتها خط لما نيى نفكر فى حد نفتكر الاول هو وقف جنبى امتى مش افتكر هو امتى بعد عنى الاول لما اجى احكم على واحد افتكر هو ساعدنى اد ايه ومش تكون اول حاجة افتكرها انه جاب سيرتى قبل كدة اما موضوع اصدقاء المصلحة دول موجودين انا عن نفسى لما بشوف كدة فى حد بروح أقوله فى وشه انت بتتعامل كذا كذا ويا اما استمر معاه يا اما تبقى معاملتى معاه محدودة جدا شكرا على ردك ومستنى الباقى |
اقتباس:
جزاك الله خيرا اقتباس:
دة فعلا الى بتكلم عنه اقتباس:
أكيد اقتباس:
وهى دى المشكلة الاساسية اننا عاوزين انبياء مش بشر اقتباس:
العفو فى امان الله |
اقتباس:
جزاكى الله خيرا اقتباس:
الحمد لله اسأل الله العظيم رب العرش العظيم ان يزيد من علاقتكم الطيبة اقتباس:
رايك جميل جزاكى الله خيرا فى امان الله |
اقتباس:
جزاكى الله خيرا اقتباس:
اقتباس:
العفو بس معلشى يا بوسى لازم تعدلى من طريقتك وتعاملك مع الناس لان فعلا طريقة كلامك جامدة شوية وموضوع الكتمان دى حاجة ترجعلك مش اى حد بيعرف يحكى وجزاكى الله خيرا فى امان الله |
بص يا سعيد
انا بصراحه قبل ما اتكلم انا عاوز اقولك ان اصحابى معندهومش نفس اهتماماتى او مش كلها فيه منهم بيحب حاجات انا مش بحبها مش كل حاجه بقولهالهم عن نفسى ومع ذلك انا حاسس انى مصاحب احسن ناس فى الدنيا واننا هنفضل صحاب لحد ما ادفنهم بايدى الجزء بقى اللى بيخلينا نخسر بعض احنا بنعديه يعنى لو انا زعلان من احمدمثلا علشان عملحاجه مش بشيلهاله فى قلبى بقولهاله فى وشى ونخلص الموضوع فى ساعتها فيه نقطه بقى نفسى فعلا اقف معاك فيها ان كل البنات شايفه ان كل البنات بيغيروا منهم مش عارف ليه |
يا ريت يا دكتور توضحلى النقطتين اللى انا كتبتهم فى الاول .
انا انهاردة بصراحة لما روحت المدرسة فكرت كتير فى الموضوع ده وقررت انى اسال زملائى "لانى معنديش اصحاب غيركم " فى الفصل عن نسبة الاصدقاء الاوفياء دلوقتى وقلتلهم ممكن تقدروا تتطلعوا من وسط 100 شخص كم شخص فقالولى : 3 قالوا 0% وده مش صحيح 2 قالوا 1% وده برضه مش صحيح 1 قالت 2% نفس الكلام مش صحيح 1 قالت 3% برضه لا 4 قالوا 5% واعتقد ان ده هو الصح 3 قالوا 10% 1قالت 12% 2 قالوا 15% 3 قالوا 25% 1 قالت 30 % 3 قالوا 40% وده غلط وواحدة قالت 75% وده غلط غلط غلط غلط دول اللى انا سالتهم انتوا بقى تختاروا كام فى الماية تقبل مرورى يا د/ سعيد |
بجد موضوع جميل وللاسف مش هالحق ارد لان الوقت ضيق جدا لكن هاقول حاجات صغيرة لما اتنين اصحاب يزعلوا من بعض لاى سبب كان كل حد بيفتكر الحاجات الكويسة اللى عملها والحاجات الوحشة اللى صاحبه عملها لو نعمل العكس وكل حد فينا يحط نفسه مكان التانى هايتضايق من نفسه اصلا عشان زعل صاحبه --- حاجة تانية مش معنى ان فلانة صاحبتى انها لازم تدينى تقرير مفصل عن كل حاجة ف حياتها المفروض الاصحاب يحترموا خصوصيات بعض ومايعتبروش ده عدم ثقة لان فيه ناس كتومة بطبعها ومش بتحب تتكلم وفيه ناس بترتاح لما تتكلم وتفضفض --- ومش لازم ان الصداقة تبقى بين اتنين قريبين من بعض انا ليا اصحاب ف محافظات تانية اصلا وباحترمهم وباثق فيهم جدا والانسان ممكن يبقى ليه اكتر من صديق مقرب ممكن تكون دى بتسبب الغيرة اوقات زى ماتكلمت ف الموضوع لكن لازم نحترم ده برضو --- شكرا يا دوكتور بجد على الموضوع وان شاء الله ممكن اكمل وقت تانى فى رعاية الله |
اقتباس:
معاكى فى رأيك دة اقتباس:
بالعكس انتى الى اخدتيها من منظور تانى:078111rg3: اقتباس:
انا الى بقوله مجربه وفعلا دة الى كان بيحصل ماهو لما الواحد بيختار صديق مش بيكون اى واحد بردة اقتباس:
أوك اقتباس:
انا عن نفسى اصحابى غالبا مش بيكونوا من نفس المحيط كل الى فى محيط بيئتى بعاملهم من بعيد لبعيد عشان اسلوبهم:) اقتباس:
اذن انتى من النوع الى بيخزن:d اقتباس:
أكيد بس مش أقول عليه صديق من الاول وانا عارف عيبه دة وعارف انى مش هاقدر استحمله:) اقتباس:
دة رأى وفيه ناس من كتر ما بتشوف من الى ادامهم بتكرهم فعلا شكرا يا اسدات على مشاركتك القيمة فى امان الله |
اقتباس:
دة فعلا بيحصل مع ناس كتير بس الى انت الى بتختار من ألاول يا درش:) اقتباس:
وموضوع مش كل حاجة انا عن نفسى فيه حاجة مش قولتها غير لواحد بس وكانت على النت:) اقتباس:
جميل جدا اقتباس:
ما تنساش تسلملى على أحمد كتير وقوله السعيد بيقولك هايشوفك هايشوفك لان موضوعك مش هايسيبه:) اقتباس:
والله مش عاوز افتح فى الموضوع دة حفاظا على اسرار ناس كتير بس انا عن نفسى بشوف فعلا غيرة غريبة بين كتير من البنات ربنا يحفظنا:) وبشوف غيرة بين الصبيان بس غالبا بتكون فى الدراسة:) شكرا يا درش فى امان الله |
جزاكم الله خيرا على مشاركاتكم جميعا وان شاء الله هارجع تانى اكمل كلامى معاكم وبجد مشاركاتكم فوق الممتازة وافضل من الموضوع وجزاكم الله خيرا مرة ثانية فى امان الله |
اقتباس:
مع ملاحظة ان مش كل المواقف اللي ذكرتها بتنطبق عليا انا بالذات عايز موقف نختم بيه بقى مرة كنت باكلم واحدة صاحبتي عشان نعمل قعدة تصافي وباقولها اهو نشوف ايه ف طبعنا وحش نحاول نغيره عشان نستمر صحاب وباقولها اكيد فيه ناس كتير من اللي هما مستمرين سوا صحاب سنين طويلة اكيد غيرو ف طباعهم عشان يستمرة بسم الله ما شاء الله كل المدة دي ردت رد طويل عريض اللي فاكراه منه انه شوفي مامتى ومامتك اهم مين باقي معاهم من صحابهم ف الكلية او ثانوي لدلوقتي .. مفيش ولكم ان تفهمو المغزى شكرا للموضوع ولانك اتكيت على جرح بس الحمد لله تقريبا لقيت ف الكلية الصحبة اللي تعمر معايا في حفظ الله |
انا ولله الحمد لما اصاحب لازم اصاحب بجد
ولما احب حد احبه بجد مش زى اللى بيحصل الايام دى الواحد يقول لواحد انته صاحبى ولا اكنه صاحبه افعاله متدلش على كده لازم الواحد يبقى ليه مصداقية اكتر من كده ولازم يكون فيه ثقه اكتر بين الطرفين حتى الطرف الاول لو غلط الطرف التانى ينبهه للغلط ده مش يفصل من غير ما الطرف التانى يتفهم الغلط شكرااااا على الموضوع المميز يا دكتور سعيد |
اقتباس:
|
مشكوووووووور على الموضوع الجميل ده
وده طبعا مش جديد على حضرتك موضوع ان الصداقه بقت نادره اليومين دول دى مجرد كلمه كل واحد بيقولها علشان يبرر موقفه لما بيفشل فى تكوين صداقه مع ان الفشل ده ممكن يكون له سبب تانى خالص غير انه صديقه ده مش كويس.... او معتش صديق مخلص ....... الخ ممكن يكون العيب منه هوه او ممكن يكونوا مش قدروا يفهموا بعض وده يكون السبب فى ان الصداقه دى فشلت لكن الصداقه الحقيقيه موجوده فى كل وقت والأصدقاء اللى بجد كتييييير اوى موضوع الغيره بين البنات دى منتشره اوى بحس ان فيه بنات بتصاحبوا مع بعض عشان يغيروا من بعض بس والغيره كمان عند الولاد وبتكون ظاهره اوى وهما صغيرين وكمان وهما فى سن المراهقه لكن فى سن الكليه بتقل شويه وتسلم على الموضوع التحفه ده وفعلا عندما تمتلك صديقا وفيا كأنك تمتلك الدنيا وما فيها ربنا يخليلى اصحابى يارب ومش اتحرم منهم ابدا |
بس امين السر النبوى هو حذيفة بن اليمام
معلش بس هو اسمه حذيفة بن اليمان لى عودة فى وقت لاحق كانت معكم ريتاج2016 سابقا |
اقتباس:
جزاكى الله خيرا على تعديل الاسم اقتباس:
|
اقتباس:
انك تفكرى فى الحاجاة الى تهمك بشكل عملى ومرورك ينور الموضوع انا بقى فى رايى 2 فى امان الله اقتباس:
فعلا والله كلامك صحيح اقتباس:
اقتباس:
اقتباس:
العفو ان شاء الله الموضوع موجود فى أى وقت وجزاكى الله خيرا فى امان الله |
اقتباس:
جزاكى الله خيرا دة بس من ذوقك اقتباس:
فعلا ودة ألاغلبية فى رأيى انا اقتباس:
بردة احتمال ممكن يحصل اقتباس:
لا مش كتير اوى يعنى:) اقتباس:
الحتة دى لسة هاتكلم عنها بالتفصيل هنا فى الموضوع ان شاء الله علميا وعمليا اقتباس:
جزاكى الله خيرا اقتباس:
ويجمعك بهذا الحب فى ظله يوم لا ظل الا ظله فى امان الله |
اقتباس:
بيحط الغلط على التانى عارفه ليه؟ لان ماحدش فيهم بيصارح التانى بالشكل المطلوب وبالشكل الى مفروض يكون المسلم عليه زى ما اتنين يختلفوا فى وجهات النظر لو مش اتكلموا مع بعض عمرهم ما هايصححوا الفكرة الغلط الى عند واحد فيهم:) اقتباس:
الموضوع اننا بنربط الوفاء بحاجات تانية خالص وبقت اى حاجة تحصل بين الاصدقاء بنحطها تحت المسمى دة منها الاشياء الى انا ذكرتها فى اول الموضوع اقتباس:
انا عن نفسى بعرف ناس كتير اوى ما يجيش اسبوع بس فى الكلية لاقيت واحد بيقولى انت يابنى مصاحب نص الدفعة ولا ايه؟ قولتله عادى لازم الواحد يتعرف على أكبر عدد ممكن ومش لازم الى يكونوا قاعدين معايا ولا حاجة انا اقرب واحد ليا عمره ما اكان معايا فى فصل أكتر بيئة الواحد يعرف يتعرف على الناس صح المسجد وممكن بقى من حاجات كتير لو الفكرة مش وضحت عادى ممكن أتكلم تانى فى امان الله |
اقتباس:
نادر ماشى بس نقول مش موجود تبقى مبالغة غير مقبولة:) اقتباس:
قصدى لما كل الناس شايفه ان اصدقائها غير وفيين؟ يبقى اذن العيب على مين لو انتى فى مشكلة مع صاحبتك انتى هاتقولى مش وفية وهى هاتقول نفس الكلمة يبقى العيب على مين؟ اقتباس:
حتى لو كان قريب منى فيه فرق بين الى عقلى يختاره والى قلبى يختاره ولازم نفكر كويس فى النقطة دى بس مش معنى انها مش بتحكيلك انها مش بتثق فيكى وانا مش قولت كدة خالص:) اقتباس:
من شخصية لتانية اقرب واحد ليا مشغول اوى الايام دى بس عادى بحكى لواحد تانى بثق فيه بردة ومن الناس الى بردة قلبى اختارها:) اقتباس:
اقتباس:
هو غالبا البنت اللي تقول كدة اقتباس:
اقتباس:
اقتباس:
والمطلوب اننا نوصل للمقابلة دى بكامل جهدنا:) اقتباس:
تبادل الاتهاامات اقتباس:
مش فاهمة برضه اقتباس:
كويس اقتباس:
أكيد لكل واحد منا موقف او مافيش خالص على حسب الشخصية:) اقتباس:
فاهم قصدك اقتباس:
واسف ان ذكرت بحاجة مش كويسة بس ادينا بنحاول نصلح شوية من نفسنا اقتباس:
منور والله اقتباس:
لازم يكون فيه صراحة بس فيه فرق بين طريقة وطريقة واسلوب واسلوب:) اقتباس:
بس الحمد لله تغلبت عليها اقتباس:
اقتباس:
بل ومطلوبة:) اقتباس:
العفو فى امان الله |
اقتباس:
فى امان الله |
اقتباس:
مش من طرف واحد انما الجملة الاخيرة فعلا صحيحة من نواتج تعاملات كتير اقتباس:
معاكى فى كلامك اقتباس:
ماشى بس فيه ناس زيى مثلا بتكون كتومة حتى صاحبى قالها ليا قالى انا مش بعرف منك كتير رغم انى بقولك كل حاجة اقتباس:
طب والناس مثلا الى أعرفهم ورنا سهلهم ودخلوا هندسة دول اصلا يداوبك بيلاقوا وقت يشوفوا فيه الى اخدوه ليه احملهم فوق طاقتهم؟ اقتباس:
دول بقى مش أصدقاء دول نوعية لا تصلح للصداقة أصلا اقتباس:
كويس اقتباس:
بس لو كانوا مش كويسين بختار من بعيد وانا عن نفسى بعمل كدة اقتباس:
الى انتى بتتكلم عليه مش اسمها صداقى خالص اقتباس:
ربنا يستر:) اسف على تأخرى فى الرد ومستنى بقيت ردك فى أمان الله |
الموضوع بجد رائع و فعلا حاجه بتضايقنا كلنا ان الواحد يحس بخلافات مع صاحبه
هو اناصحبتى من 5 سنين و لكن السنه دى خناقاتنا بتزيد قوى لدرجه لا تطاق احيانا بحس انها انانيه و مبتهتمش غير لنفسها يعنى انا علاطول اسمع مشاكلها و اديها حلول ولو متضايقه بهديها واقف جنبها انما لو انا عندى مشكله و محتاجه اتكلم معاها الاقيها تقولى مش فاضيه او مش هينفع احكيلها دلوقتى فبسكت.و بعدين احكى لاختى او بنت خالتى الاقيها تقولى انا ليه مش بتكلم معاها هى!!!!قولتلها ان انا كل ماجى اتكلم تبقى مش فاضيه و لو اتكلمت معاها الاقيها و خده مشاكلى ببرود و هزار و كانى بحكيلها نكته مش مشكله!!!الموضوع ده زهقت من تكراره و بقيت اشيل جوايا كتير و بقيت اردلها اللى بتعمله.....يعنى لو عندها مشكله اكلمها بهزار و برود زى مكانت بتعمل معايا!!!!.......انا كده غلطت؟؟؟ |
اقتباس:
موضوع جميل ياسعيد وبيحصل فعلا لواحد وانا قولت موقف اهوه عاوزة حد بقى يقولى اعمل معاها اية ومعلش عشان غيرت لون الموضوع كدة احلى :romarioxp6: |
السلام عليكم ورحمة الله وبركاته انا وعدتك اني هرد ياسعيد وزي ما انت عارف " وعد الحر نسكافيه " بص ياسعيد كل واحد فينا سواء كويس من جواه او وحش عايز الشريك او الرفيق او الحبيب او الصديق او الزميل مفيهوش عيوب يعني عايزه متفصل عليه الصايع لما بيجي يتجوز بيدور علي واحده مؤدبه كل واحد فينا لما بيجي يدور بيحب الحاجة اللي معاه تبقي أحسن حاجة ده غير مشكلة الحياة ان معظمنا فاكر انه الوحيد اللي شايف الحياة من منظور صح وفاكر انه الوحيد اللي شايف كل حاجة صح لذلك فالعيب دايما مش بيكون مننا لاننا منقدرش مهما واجهنا نفسنا نشوف كل عيوبنا تعرف ليه عشان اتعودنا علي نفسنا هديك مثال اعذرني شوية فيه لكل إنسان منا رائحه جسد مميزة ميقدرش هو يدركها لانه اتعود عليها اهو بردو في العيوب كدا لذلك فالعيب دايما مننا احنا حتي لو مش فينا العيب فهو فينا اننا اختارنا غلط شكرا ع الموضوع ياباشا |
موضوع جيد،، شكرا لك
|
اهم حاجة عندى ف صاحبتى انها تعينى ع الصح
او لو مش هتعينى يبقي اضعف الايمان متاخدش بايدى للغلط بس كده ده عندى رقم واحد تندرج بقي تحتها حاجات كتير بس ده المهم عندى |
جزاكم الله خيرا على مروركم
واسف على تأخيرى بس انا مش هاعرف أرد دلوقتى فى امان الله |
اقتباس:
بص ياباشا يوووووووووووووه سورى يادكتور الناس طبايعها بتختلف من واحد لواحد ياما تصاحب حده طبعه زى طبعك وغلب ده بيسببلك ملل تحس نك ماشى مع نفسك او تصاحب حد طبعه مش زيك بس يكون مرن يعنى مستعد لتحمل اى تصرف منك او انك نفسك تكون مرن وتغير شخصيتك على حسب الانسان اللى انت مصاحبه بس فى رعاية الله |
اقتباس:
معاكى فيه فى امان الله |
| جميع الأوقات بتوقيت GMT +2. الساعة الآن 01:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.