|
مقارنة :عمـــــــــــرو زكــــــى .0.0. أبو تريكة
عمرو زكى الذى احرز هدفين رائعين فى ليفربول بينما مواطنه ابو تريكة كان يلعب امام فريق البترول أتعجب من حديث البعض عن المقارنة بين محمد ابو تريكة و عمرو زكى و استحقاق اى منهما لجائزة أفضل لاعب افريقى ثم محاولة الزج بالجائزة لابوتريكة بحجة انه تعرض للظلم و حجبت عنه الجائزة من قبل..... لو سلمنا بذلك فما هو ذنب عمرو زكى و باقى المرشحين للفوز بالجائزة ...... و هل هذه الجائزة من أجل ترضية المظلومين ؟ تارة يقولون ان ابو تريكة يستحقها من أجل تاريخه البالغ السنوات الثلاث أو الاربع بينما لم يسطع نجم عمرو زكى سوى فى 2008 ... و هذا هراء بالطبع فعمرو زكى النجم الدولى و هداف الدورى المصرى و هو مازال لاعب نادى انبى البترولى ..... ثم اننى اتساءل هل هذه الجائزة هى جائزة افضل لاعب افريقى منذ 4 سنوات مثلا ام انها جائزة الافضل لعام 2008 ؟؟؟؟ اجيبونى يا جهابذة ..... يامن تزعمون عدم التعصب و فرحكم باقتراب الجائزة من المصريين ..... و انتم بمحاولتكم ترشيح ابو تريكة تبعدون الجائزة عن مصر بايديكم ان وقوفنا كاعلام مصرى خلف هداف نادى ويجان و هداف الدورى الانجليزى الاقوى على مستوى العالم هو ما سيقرب الجائزة من مصر اما وقوف البعض خلف ابو تريكة و البعض خلف زكى قد يؤدى الى ذهاب الجائزة لغيرهما .... لو حقق ابو تريكة كل الالقاب مع الاهلى و لو كان نجم نجوم الدورى المصرى ....كل ذلك ما يساوى امام جبروت البلدوزر الذى يرهق تيرى كابتن نادى تشيلسى و يسبب الرعب لفرديناند مدافع المان يونايتد الشهير عمرو زكى الذى احرز هدفين رائعين فى ليفربول بينما مواطنه ابو تريكة كان يلعب امام فريق البترول عمرو زكى الذى نشاهده أسدا حقيقيا منذ كان فى الزمالك و الذى تطور مستواه منذ بداية العام الحالى الى الان اما غيره فمحلك سر و قد منح الاتحاد الافريقى 4 لاعبين شرف الوجود فى قوائم افضل لاعب افريقى بجوار اللاعب الافضل بالفعل و هو عمرو زكى زكى الذى رفع اعلام مصر فى سماء انجلترا زكى الذى البس الانجليز الطرابيش و العقال العربى |
انا مش عاوز اتكلم!!!!!!!!!!
ابوتريكة اللى انت بتقول علية بيلعب امام البترول دة بالفعل احسن لاعب احسن من عمرو زكى بمليون مرة بص عمرو ذكى هينام كمان شوية فى الدورى الانجليزى هى كدة؟؟؟ قال ذكى قال هه |
يعنى ابو تريكه مش لعب الا ادام البترول ما هو قبلها باسبوع كان فى ابطال افريقيا ولعب فى كاس العالم وان شاء الله هيلعب تانى
|
يا سيدى هم سابوا الزمالك وبيدورا على حاجة يتكلموا عليها
|
وهو يعنى لما يجيب هدفين فى ليفربول يبقى رونالدو يعنى
|
على فكرة يعنى لو هنتكلم على اللى يستحق يعنى مايكل ايسيان او اديبايور مش عمرو زكى ولا ابوتريكة بجد يعنى احنا نتمنى يخدوها طبعا وبقول يارب طبعا وبعدين انتو خلاص مش فى غير عمرو زكى وابوتريكة اللى هيخدوها طب بكرة افكركم الاتحاد الافريقى هيختار واحد من اللى بيلعبوا برة افريقيا وابو تريكة هياخدها احسن لاعب من داخل القارة وبكرة نشوف
|
بيتاهيلى ان الموضوع من منتدى زملكاوى,ياريت لو حد يعمل مقارنه يبقى موقع محايد
|
عمرو زكي الافضل من كل الوجوه بالفعل هذا العام
متفوق حتى على الثلاثي الاخر ايسيان ودروجبا واديبايور وبناء على الانشقاق اللي هنا ده اتوقع ذهاب الجائزة لاديبايور مع ان المفروض فرصة ان عندنا لاول مرة اتنين لاعيبة في قائمة افضل 5 يعني تفوق كبير لينا بس هيضيع كالعادة والايام بيننا وان كنت اتمنى ان يخيب ظني |
يا جماعه هناك فرق عند المقارنه بين عمرو زكى وابو تريكه
اولا / كلاهما يمتلق الاخلاق العاليه والرفيعه وده شرف لأى مصرى يكون عنده نجمين كدا ثانيا / عمرو زكى رأس حربه صريح وهداف ولا يمكن لأى اثنين عقلاء يختلفوا على ذلك بدليل ما رأيناه فى غانا 2008 وما نراه حصريا فى انجلترا فهذا اكبر دليل على مدى قوة عمرو فى التهديف ثالثا / ابوتريكه لعب وسط مهاجم صانع العاب ولكن لديه موهبة الاختراق والتهديف والمراوغه وهذا قطعا معظمه لا يتوفر فى عمرو وقد يكون عمرو لديه كل ذلك الا اننا لا نرى منه ذلك لأنه لا يلع فى هذا المركز فى النهاية اعتقد ان هناك فرق بين زكى وتريكه ومش شرط ان ده زملكاوى وده اهلاوى ولكن الاتحاد هيشوف طبعا نسبة التهديف والمهارات واللياقه والادب وحجات كتير اكيد بيقيموا عليها اللاعب ويا رب اكون وضحت الرؤية المهم انها تكون فى النهاية مصرية ميه فى المية يا رب |
وبعيد عن كل ما قلته فأنا أرشح زكى ويكفى انه الوحيد الذى جعل علم مصر يرفع فى سماء انجلترا ولو لمره واحده
مع عجز ميدو وشوقى وغالى من فعل ذلك من قبله وكل شخص له رأية وختلاف الرأى لا يفسد فى الود قضية |
والله يا جماعة حتة اهلاوي وزمالكاوي دي هتبوظ الدنيا
انا اتمنى فوز عمرو زكي وده حق مشروع ولو محصلش يبقى ابو تريكة عادي المشكلة كلها ان لو فاز ابو تريكة مثلا جماهير الاهلي هتطلع تقول وتعيد وعملنا وسوينا وكنا هنبي وادينا بنينا مترو الانفاق والزمالك كده مع اخف شوية ان عمرو زكي حاليا مش لاعب فيه وان كان محترف عن طريقه هي دي الفكرة كلها |
يارب محدش يزعل .................................................. ....... زمهلاوى
|
ابوتريكه حببنا وزكى ابننا واكيد نرشح ابننا
|
والله هى المقارنة صعبة خصوصا و ان الاتنين يستهلوها جدا و محدش يقول عن ابو تريكة انوا مش يستحقها لالالالالا أنه يحسب لتريكة مشاركته الفعالة والأيجابية مع المنتخب المصرى فى التتويج بأمم إفريقيا 2008 فى غانا وأهدافه فيها كما تحسب له مشاركته الناجحة فى وصول الأهلى إلى نهائى رابطة الابطال (ملحوظة : مشاركات أبو تريكة فى رابطة الأبطال تأثرت كثيرا هذا العام بسبب إصابته التى حرمته من لعب أربع مباريات من أصل 6 فى دور الثمانية للبطولة)
كما أن زكى قد ساهم كذلك فى تتويج مصر بكأس إفريقيا 2008 و اهدافه الحاسمة فيها حتى جاءت مشاركاته الأكثر من رائعة فى الدورى الإنجليزى (ملحوظة : مشاركة زكى الانجليزية لم تتعد أكثر من 8 مباريات فى فترة شهرين فقط أى أنه لم يلعب طوال العام فى إنجلترا و إنما معظم عام 2008 قضاه بين جدران الزمالك ... متعثرا أحيانا و موقوفا أحيانا أخرى !!) هذه هى الحقائق المجردة من أى رأى شخصى .. فلابد و أن ننحى جانبا فكرة أن أبو تريكة لديه فرصة الفوز بأحسن لاعب إفريقى محلى ...و لهذا نترك الفرصة لزكى !!! هذا خطأ كبير .. فلعل تريكة يستحق الجائزتين !!! أو لعل عمرو لا يستحق اى منهما !! اقول (لعل) !!! حتى لا أفاجأ بجحافل الهجوم الزمالكاوى دفاعا عن عمرو الذى لم يلعب فى الزمالك سوى موسما واحدا لم يحقق فيه النادى الأبيض سوى كاس مصر سالكا طريقا نتذكره جميعا !! ولا يجب كذلك أن ننسى أن من يملكون حق التصويت هم 53 مدربا افريقيا وطنيا ... أغلبهم إن لم يكن كلهم لا يعرفون عمرو زكى .. و حتى و إن كانوا يعرفون أبو تريكة فإنهم يفخرون أكثر بما يقدمه أبناء بشرتهم السمراء المحترفون فى الخارج من أداء راقى و على رأسهم الثلاثى المحترف فى أرسنال و تشيلسى مش هقول اكتر من كدة و مش اكتر من الكلام دة و الافضل هو اللى هيكسب بس منقولش ان عمرو يستحقها و ان تريكة ميستحقاش و دة يستحقها و دة لا لان كلوا يستاهلها بجد و الراى الاخير للمدربين |
ارنة ظالمة :عمـــــــــــرو زكــــــى .0.0. أبو تريكة
وفى حاجة كمان ابوتريكه اتعرض عليه من اندية اخرى كثيرة ولكنه رفض وانه قال انا مش هلاعب الا لاهلى ولا ابو تريكة كان لعب كان زمانه احسن لعب مصرى وافريقى فى الدورى الانجليزى وكمان بيحسه الموضوع ده من سجل تاريخ الاعب فى ابوتريكة يعتبر هو طبعا لتوفيق من عند ربنا الاول وهو الى جاب لمصر كاس افريقيا فى 2008 ده اخرانجاز وانشاء الله هيجب الاهلى كاس
اما عمور فهو نجم يستحق كل التقدير ولكنه فى احسن حالة مع نادى ويجان واهى كمان ممكن تيجى الابوتريكة داخل القارة وخارج القارة لعمرو زكى لان ايسان ودوجبيا مبلعبوش بسبب كثرةالاصابة ولم يحقق اى احد منهامع ناديه او منتخبه اى شى ام عمرو فحقق مع منتخب كاس افريقيا 2008 ونحن نتمن انا الجائزة الاحد منهما المهم يكون مصر واسف على الطول فى الرد وشكراا حبيب حازم على الموضوع:078111rg3: |
يا جمااااااااااااااااعة
تريكة ده من النجوم المحبوبيييييييييييين لقلبي أكتر واحد في النادي الأهلي بحبه لأنه لاعب على خلق ومهاراته عالية جداااااااااااااااااااااااااا يا جماعة أنا عايزكم تفهموا وجهة نظري أنا مش بقلل من أبو تريكة في شييييء لأن أبو تريكة لاعيب كبيييييييييييييييير وبموووووووووت فيه أنا شخصيا ً مع إني زملكاوي الموضوع مش كدة خالص يا جماعة الموضوع بخصوص جاتئزة أحسن لاعب في أفريقيا في عام 2008 يقدر حد يقولي الجايزة دي مافيش لاعب مصري حصل عليها قبل كدة ليييييييييييييه ؟؟؟؟؟؟؟؟؟؟؟؟؟ الإتحاد كان حاطط شرط من ضمن الشروط المتوفرة في أحسن لاعب أفريقي وهو أنه يشترط في اللاعب ده أنه بيلعب في دوري قوي وده توضيح لكلامي لما قلت ليفربول وبترول أسيوط أقصد بليفربول يعني الدوري الإنجليزي ( وهو أقوى دوري في العالم بدون منازع ) وأقصد ببترول أسيوط يعني الدوري المصري ( أعتقد أنه لا يقارن بأقل دوري بدوريات أوربا ) وألا كلامي غلط دي حقيقة كلنا يا مصريين بنعترف بيها منقدرش ننكرها وده كان سبب من ضمن الأسباب إللي رشحت دروجبا كذا مرة ونييجي لنقطة تانية وكلامي بعيد عن أبو تريكة إللي بيقلل من عمرو زكي وبيقول ده لسة رايح الدوري الإنجليزي عمرو في بطولة الأمم إللي فاتت كانت أهدافه مؤثرة جدا ً مع المنتخب و عمرو لما احترف مع ويجان وهو فريق مش قوي للدرجة في الدوري الإنجليزي ومع ذلك يتصدر عمرو قائمة الهدافين في أقوى دوري في العالم بفارق هدفين عن نجوم نحلم بأسمائهم ديفوييييييييييه نجم توريس ، وتوريس نجم ليفربول وده وهو بيلعب مع فريق مش قوي للدرجة أو كفائته الهجومية لا تتساوى مع تشيلسي مثلا أو ليفربول أو المان بس خط دفاع الفرق الإنجليزية جميعها تعمل ألف حساب للاعب المصري ها المصررررررررررررررري وإللي بيقول ده لسة في أول الدوري معتقدش إن القدير ( رافــيــيــل بــنـــيـــتــز ) رؤيته ضعيفة أو هيدفع على الأقل 10 مليون استرليني في واحد مش هيجيبله أهداف المسابقة هتعلن نتيجيته نهاية الشهر الحالي ومن النهاردة لحد أخر الشهر لسة التصويتات شغالة يعني لو في نهاية الشهر ده عمرو لسة هداف الدوري تحسب له مبيقولوش ده لسة في البداية يا جماعة أنا مش مسألة متحيز لعمرو على حساب تريكة طب يا جماعة تريكة ما أخدهاش ليه لما كان بيلعب مع منتخب رونالدو عشان مكانش بيلعب في دوري قوي وعمرو رفع علم مصر في الأجواء الإنجليزية وكمان أول لاعب عربي مش مصري بس يتصدر قائمة هدافي أوربا وكمان يا بودي أعتقد أنه لو حتى الهدفين مش حلوين اللي جابهم في ليفربول رغم إن الهدف الثاني في استفتاءات الكرة الإنجليزية أخد أحسن هدف حتى الآن رافيييل مصمم على شراء عمرو زكي وكمان 75% من جماهير تشيلسي طلبت عمرو زكي في الانتقالات الشتوية يعني مش لاعب قليل ده قصدي يا جماعة أنا مش بقلل من تريكة بس فرصة عمرو زكي أكبر بكتير عشان يكسب ووجود تريكة معاه قلل من فرصته لأن الأصوات العربية هتنقسم ما بين عمرو وتريكة وده اسمه في التصويت تكسير أصوات فهمتوا النية عمرو الرابع وتريكة الخامس هما حطوا أبو تريكة مع عمرو في الترشيح عشان زي ما قلتلكم يكسروا أصوات العرب لكن تخيلوا إنه لاعب واحد مصري بس كانت مجموع أصوات الاتنين كانت هتبقى لواحد بس وده كان هيرفع من قدره في المنافسة أنا يا جماعة ما بقللش لحد بس كلامي كله إن فرصة عمرو أكبر لأنه يفرق عن تريكة إنه بيلعب في أقوى دوريات العالم يا جماعة إحنا بنفرح لما يطلع لاعب يرفع اسم مصر في أجواء أوربا تخيلوا بقى إللي خلا أعلام مصر ترفرف في أجواء إنجلترا ها أعلام مصر مش الزمالك لأنه بيمثل مصر ممكن لو تريكة احترف من زمان كان بقى أحسن من كدة بكتييييييييييييير وكان رفع اسم مصر فوق بس منه لله إللي كان السبب ووقف أمام احترافه مانويل جوزيه إللي هدد بعد أول بطولة عالم ذهب إليها الأهلي إنه لو تريكة مشى هو كمان هيسيب الأهلي لكن لو احترف تريكة من زمان كان زمانه متألق في سماء أوربا ده إللي بتكلم فيييييييييييييييييييييه لكن بالشكل إللي حصل في الترشيحات ده وألا عمرو وألا أبو تريكة هياخد الجايزة لأن الأصوات اتكسرت ياريت بقى تكون وضحت وجهة نظري ومع كامل احترامي لجميع الردود والآراء ويارب تكون فكرتي وصلت وفي انتظار التعقيب |
بجد تفاعلكم اكتر من ممتاز بجد انا مش لاقى كلام اقولة بعد اللى انتم قولتوة بجد تسلموا وربنا يحميكم ويحصركم لان هدفكم مصر وياريت نفضل كده ع طول بس احب اوضح حاجة برضه هو الاتحاد الافريقى اتصل بيكم وقالكم ان جائزة احسن لاعب افريقيى لعام 2008 هيكون صاحبها مصرى
يا جماعة فى نقطة لابد اننا نتبة ليه برضه وهى فى اديبايور ودروجبا وايسيان وحتى لو كانوا مصابين برضه دول لاعيبة على مستوى جامد جدا جدا تقبلوا مرورى |
هوا أنت بتقارن بين أبو تريكه و زكي من أي منطلق ؟؟؟؟؟؟؟؟؟؟؟؟؟؟؟؟
أظن أنك لو عايز مقارنه صح كنت قارنت بين إتنين ف نفس المركز لكن مقارنه بين راس حربه و صانع ألعاب ؟؟؟؟؟؟؟؟؟؟ و حكاية أنه رفع رأس مصر ده لا شك فيه ( أنا بصراحه ما شفتش أي ماتش ليه لأن ماعنديش art بس سمعتهم بيقولوا ) بس أبو تريكه إتعرض عليه الإحتراف قبل كده و ياريت ما تقولش أنك بتحب أبو تريكه لأنك كده بتكون متناقض مع نفسك لأن لهجة السخريه و الإستهزاء واضحه قوي ف كلامك |
الموضوع هيحصل فيه مشاكل وصراعات ياريت يتقفل او الاعضاء يهدوأ شويه
|
وأين كان عمرو ذكي عندما كان أبو تريكة يلعب في اليابان .. وأين كان ذكي عندما كان الاهلي يفوز على الزمالك رايح جاي :abdoog8:
|
انا مش هرد لان بصراحة انا اتهنت
|
الموضوع تم اغلاقة وحذف المشاركات السيئة والردود ايضا
|
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.