|
ممكن نتعرف يا مشرفين
طبعا انا اعتذر ان مش كنت اعرف معظم المشرفين اللى معانا فى المنتدى ممكن يكون غلط منى بس جة الوقت اللى نتعرف فيه على بعض بقى مش صح ولا ايه يا جماعة
وانا هبدأ بنفسى خالد عبدالعال الشرقية فاقوس كلية التجارة جامعة الزقازيق الفرقة الاولى انتظام ديه كل المعلومات عنى كل واحد يقول المعلومات عنه ولو عاوز يقول اسمة يقول عادى المهم نعرف بعض مش نبقى كده معلش طولت عليكم |
اقتباس:
اللى هى ان المشرفين ولله الحمد محدش يعرف فيهم التانى او الغالبية العظمة متعرفش بعض وده طبعا بيكون سبب لا انعدام التنسيق بين المشرفين التخبط فى القرارت الحل هو عمل اجتماعات دورية للسادة المشرفين وتكون الاجتماعات دى كل اسبوع ولا يتم التخلف عنها من قبل اى احد الا للضرورة القصوى عمتا انا المرشد 22 سنة الدقهلية |
محمود وفائي الدقهلية المنصورة توريل الجديدة 16 سنة و8 شهور طالب بكلية الهندسة الفرقة الإعدادية أكيدإنتظام و عندي كمان إمتحان يوم السبت :):):) مشرف قسم الشاب المسلم |
شكرا على مرورك يا اسلام وشكرا على مرورك يا محمود وربنا معاك فى الامتحان
وانا معاك يا اسلام فى اللى انت بتقولة |
الاسم مصطفى بيقولولى يا صدام
من المنوفية |
عصام على
القليوبية عاوز اى تفاصيل تانى مستعد يوجد ملحوظة يجب كتابة القسم لكل مشرف علشان نعرف مشرف قسم ايه وده هيسهل التعارف للاعضاء كمان |
شكرا على تفاعلكميا جماعة وشكرا على مرورك يا مصطفى وشكرا على مرورك يا استاذ عصام
|
احمد حسين
17 سنة وخمس شهور و10 ايام اعدادي صيدلة الاسكندرية |
شكرا على مرورك يا احمد
|
الاسم :مينا ماهر المهنه : مدرس لغه انجليزيه محل الاقامه : المنصوره مشرف قسم كليه الآداب |
الاسم : رانيا حسن
المهنة : مدرسه مواد فلسفيه الاقامه : المنصورة مشرف أقسام الفسلفه وعلم النفس و إجتماعيات طالب |
الاسم / احمد شوقي السن / 18 سنه و10 شهور الاقامة / محلة زياد ... المهنة / طالب في كلية التربية .. جامعة المنصورة مشرف قسم الركن الادبي |
كان المفروض يتعمل من بدرى اوى الموضوع ده يلا كل تأخيره وفيها خيره :) ******* انا اسمى جيهاد دمياطيه قاهريه 18 سنه تانيه تجاره عين شمس انتظام مشرفة التنميه البشريه وفلاسفه تحت التمرين :) |
الإسم / محمد هاشم محمد السادات السن / 19 سنـــــــــــــــــــــــــــــه الكليه / تجاره إنتساب جامعه طنطا |
الاسم : محمد الشربينى السن : 17 سنة وشهر العنوان : دكرنس / المنصورة المهنة : طالب فاشل بكلية اداب / قسم تاريخ الفرقة الاولى وبناء على ملحوظة الاستاذ عصام كل واحد يقول هوة مشرف قسم اية مشرف ادارى ممكن اكمل لو تحبو هههههههههههههههههههههههههههههه شكرا على التعارف الجميل |
حسام دراج المحلة الكبرى 38 سنة متزوج ويعول 3 اولاد :abdoog8: هههههههههه لو عايزين معلومات تانى انا مستعد كلية التجارة 1992 يعنى خللت من زمان قوى |
الأسم/ اسلام نصر شعله (((سيبك من شعله دي ..كفايه اسلام نصر:)))) الأقامه/ ايس كريم في ديسمبر...ايس كريم في جليــــــــم - الأسكندريه مشرف/ قسم كليه العلوم السن/ 21 سنه الكليه/ الفرقه الثالثه - علوم القاهره - كيمياء ميكروبيولوجي أسم الأب/ نصر أسم الأم/ (((( بصي بقي انت لحد هنا واقف .... كفايه عليك كدا:stickjo4:))))). |
الاسم : محمد ناصر
السن : 17 سنه مشرف سوبر ركن الاقسام المميزه والجديده الاقامه : مصر - ايطاليا (حاليا) |
اقتباس:
والله هو ده اللي أنا عايز أقوله يعني مثلا حتي لو نتجمع كلنا علي غرفة صوتية و ناقش كل حاجة بتحصل في المنتدي و نتخلص من كلمة أسباب إدارية :wacko::wacko::wacko::wacko: |
الاسم آية الله
الاقامة الجيزة اولى اداب لغة عربية جامعة القاهرة 17 سنة مشرفة قسم حى على الفلاح |
الاسم :عمرو طارق
امحافظه: الاسكندريه محل الاقامه الحالى: المنصوره( شويه هنا و شويه هناك ) السن :17 كليه اداب قسم اللغه الانجليزيه جامعه المنصوره |
كويس ان الموضوع ده اتعمل لانى معرفش بجدارة نص المشرفين خاصة ان كل شوية طقم الاشراف فى تغيير مستمر:) . . . . انا زينب 17 سنة من القاهرة اولى علوم حلوان قسم فيزياء |
محمد عبدالله
17 سنه وشهرين محل الاقامة : الهرم اولى حقوق قاهرة الرقم القومى ابعتهولك عالخاص :d |
شكرا على مروركم يا جماعة وانا مستنى الرقم القومى ع الخاص يا محمد عبدالله هههههههههههههههههههههههههههههههههههه
شكرا كمان مرة |
موضوع جميل لان انا فعلا معرفش معظم المشرفين اللى هنا ...... انا آيه 17 سنه الا كام شهر كده من اكتوبر فى اولى تجارة مشرفه ركن اجتماعيات عاييزين حاجه تانى ( كفايه عليكوا كده):078111rg3: وشكرا ليك ع الموضوع |
شكرا على مرورك وتفاعلك يا ايه
|
محمود طه
المنصورة قنا حاليا اعدادى هندسة وشكلنا هنفل فى اعدادى |
اهلا بيك يا محمود طه ومنور التوبيك
|
شكرا علي موضوعك الجميل اخي العزيز
وشبابنا الواعد مخلي منتدي البوابه شباب متجدد علي طول بفضل عملهم المخلص وابداعهم الذي لا يتوقف اخوكم وليد حسن عسكر من المنصوره/حي توريل مدرس لغه فرنسيه في مدرسه المنصوره التجريبيه للغات |
اهلا بحضرتك يا مسيو وليد وشكرا على تفاعل حضرتك
|
اهلا بكل المشرفين
معاكم ايمن خميس محمد احمد ابراهيم حسن على اليمانى:d تانيه صيدلة عين شمس 19 سنه و 22 يوم بالتمام و الكمال |
اهلا بمرورك يا ايمن وده كله اسم هههههههههههههههههههههههههههههههههههههههه انت داخل الموضوه بحماس
|
اسمي الحركي : vampire1188 وماتسألنيش ليه هوا 1188 ..
اسمي الحقيقي : هاغيظك ومش هاقولك ..:slap1qk6: اسمي اللي مش حقيقي : لسه قايل والله vampire1188 وبرده ماتسألنيش ليه 1188 الكلية : تجارة جامعة القاهرة ( وأفخر ) :redface: السن : مش فاكر بس انا عايش بقيلي كتير .. :romarioxp6: الفرقة : التانية ودا طبعا بعد ماطلع روحي في اولي :mad: (جايب جيد انا السنة اللي فاتت على فكرة) :) العنوان : تعالالي الجامعة ونروح معا بعض .. وانتا مروح هاتعرف انا ساكن فين !! اه وقبل مانسي .. انا مشرف كليات التجارة .. يعني الشعب كله :stickjo4: |
الاسم : رامى صبرى حامد عطية
السن : 19 سنة الاقامة : محافظة المنوفية تانية تجارة جامعة المنوفية فى حاجة تانى ياحضرة الظابط |
موضوع مميز جدا والله الاسم :- محمود حسن عبدالعال . السن :- ســـنــــ 17 ـة . الإقامة :- مصر - المنيا . مشرف قسم شروحات الحاسب |
اقتباس:
نسيت أقول إنى فى الصف الثالث الثانوى العام بالتوفيق للجميع |
شكرا على مروركم
|
شريف محمد 29 سنة معلم لغة انجليزية القاهرة مشرف قسم الكادر لمعلمي التربية والتعليم والازهر خريج تربية عين شمس انجليزي 2001 خالص حبي للجميع |
شكرا على مرور حصرتك يا مستر شريف
|
على المصرى مدرس رياضيات 36 سنة مشرف قسم الشاب المسلم |
انا اسمى هيثم واصحابى وجيرانى بيدلعونى وبيقولولى ياهيثوم يعنى انا بأحب هيثوم طبعا وانتوا بقى اختارولكوا اسم اما هيثم او هيثوم
الاقامة ...سوهاج صعيد مصر يعنى جو الصعايدة بقى المهنة..مشرف قسم الشاب المسلم الكلية...قسم اللغة الفرنسية بكلية الاداب جامعة سوهاج وانا موافق جدا على فكرة اسلام بس هيا اتنفذت ولا لسة |
ايمان كل اللى اعرفه عن نفسيتى انى من الجيزه داخله على 12 سنه وفى اولى اعدادى مشرفة قسم المطبخ يعنى بأكل المنتدى دا كله :p |
بلال القاضي 17 سنة و 9 شهور اعدادي هندسة ( اسكندرية و للأسف ) الاقامة : الاسكندرية و للأسف مش عايز الرقم القومي :d اه صح كنت هنسى انا مشرف قسم كلية الهندسة |
الاسم : هدير 21 سنه خريجة كلية الاداب / قسم الجفرافيا / شعبه المساحه الاسكندريه مشرفة قسم المعلومات العامه |
الاسم / أحمد حافظ
مدرس لغة عربية الإقامة / بنها ( عزبة الموت ) ميت العطاااااااار مشرف قسم القرآن الكريم |
الاسم / هند
طالبة بكلية الحاسبات و نظم المعلومات :) الفرقة الاولى .. ويارب ابقى الفرقة التانية عشان الواحد حاسس انه هيطول في الكلية شوية امممممم ايه كمان اه عندي 17 سنة و 7 شهور و 13 يوم هههههههه مش عارفة بقى الدقايق والثواني اد ايه صراحة مش فاكرة حاجة تانية عني غير كدا :) |
أخوكم/ محسن غريب مدرس رياضيات من المنصورة مشرف قسم الأذكياء |
شكرا على مروركم يا جماعة وتفاعلكم مع الموضوع واسف ان الررد عليكم جه بعد فترة سورى جدا ليكم كلكم بس انا كنت بمتحن كلكم زودتوا نور الموضوع اكتر واكتر ونتمنى المزيد والمزيد
|
ممدوح مصطفى الانصارى مدرس اول رياضيات
مدرسة ادفينا ث بنات/بحيرة مشرف قسمى الرابطة ومشاكل وقضايا المعلم |
منور الموضوع يا مستر ممدوح
بس كل ده احنا عارفينه عاوزين نعرف المستخبي ........؟ |
| جميع الأوقات بتوقيت GMT +2. الساعة الآن 06:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.