|
نقاااااااااااااااااااااط تفتيش!!!!!!!!!
السلام عليكم و رحمة الله ازيكم يا جماعة ؟اخباركم ايه؟ يارب يكون الجميع بخير موضوعى النهاردة مالهوش علاقة ببعض بس حاجات بتدور فى دماغى فقلت اشوف رايكم ايه؟ أول نقطة تفتيش طبعا مصر او اى دولة تانية او اى حاجة عامة فيها الحلو و فيها الوحش ليه بقى لما نيجى نتكلم عن الوحش بتاعها الكل يقول ايه يا جماعة ليه شايفين نص الكوباية الفاضى بس ؟ لازم تشوفو نص الكوباية المليان:) اوك نيجى بقى نشوف نص الكوباية المليان و نقول مصر فيها حلو كذا و كذا و كذا نلاقيهم بيقولولنا انتو كده سلبيين عاملين زى النعام بيدفن راسه فى الرمل لازم تتعلمو تعترفو بمساؤئكم عشان تتصلح و عشان ...و عشان.......الخ السؤال بقى ايه المطلوب بالضبط مننا؟ تانى نقطة تفتيش لو انت مثلا جيت تتكلم فى السياسة او فى اى حاجة عامة من اللى ممنوع الكلام فيها طبعا الكل هيقولك ياابنى امشى جنب الحيط لا لا ده دلوقتى امشى جوا الحيط السؤال بقى ياترى لو مشيت جوا الحيط هتبقى جبان؟ طيب لو مش سمعت كلامهم و عملت اللى انت شايفه صح و انت بتقول رايك و اتكلمت برده فى المواضيع اللى بتزعل دى هل هتبقى طايش و مش بتعرف تحكم ع الامور كويس؟ تالت نقطة تفتيش هو احنا عايزين ايه بقى بالسبة للتعليم يعنى عايزين نفهم و لا نحفظ؟ بمعنى تانى و احنا فى الثانوية كنا بنقول اصلا ده نظام........و نظام فاشل و هما اصلا مش عايزين البلد تتقدم اوك جينا للكلية النظام برده الى حد ما مش اوى المهم ليه بقى لو جه دكتور مثلا قالنا يا جماعة افهمو المادة -طبعا المادة دى الفيزيا :078111rg3:-و ده اللى انا عايزه و فعلا الدكتور عايز يطلع جيل فاهم جيل يعمل حاجة الكل يدعى عليه بجميع الدعوات اللى ممكن تخطر ع بالكم -طبعا دعوات وحشة- و الله يا جماعة كنت بتكلم انا وواحدة صاحبتى قالتلى يا ملاك بصى من الاخر كده انا عايزة حاجة احفظها و اصبها فى دماغى و اروح الامتحان اطلعها فى الورقة و خلاص كده بقولها يابنتى طيب انتى فى الكلية لازم تفهمى كل حاجة قالتلى و لو فهمت يعنى هعمل ايه؟ المهم نفس البنت فى محاضرة الدكتور اللى عايز يفهم -او هو صراحة مش عايز يفهم اوى هو همه الاول انه يطلع جيل مش حافظ جيل ممكن يعمل حاجة- المهم قاعدين طبعا ساعتين فيزيا دماغنا خلاص هتنفجر الكل عايز ينام طبعا الجماعة اللى فى البينجات اللى ورا نايمين لاقيت البنت دى بقى بتقول يارب يارب يارب المدرج يولع ينا و بيه عشان نخلص من الفيزيا و همها بس الغريب بقى ان نفس البنت بتذم فى التعليم و الاسلوب و المناهج السؤال بقى احنا عايزين ايه؟ ****************************************** اخر حاجة بقى بعيدا عن الموضوع تماماً و مالهاش اى علاقة بالموضوع بس حاجة عايزة اقولها للكل " ياريت يا جماعة نبقى نعذر بعض فى اخطاءنا و نحط نفسنا مكان غيرنا و لما نزعل من بعض نواجه بعض مش نبيع اى حد بيحبنا أو بنحبه و خلاص مش فارقة خالص و بكرر تانى الصداقة الصداقة الصداقة حافظو عليها بكل طاقتكم و الله هنندم لو ضاعت مننا بس يمكن الوقت اللى هنندم فيه مش نعرف نعوضها" معلش بقى عملتلكم تشتيت جامد المرة دى اتمنى الاقى حد دماغه مكانها بعد التشتيت ده كله عشان يرد ع الموضوع:) |
اقتباس:
بس يارب تكونى فهمتى حاجة من كلامى الى انا اصلا مش فاهماة منة حاجة فى امان الله |
بالنسبة لمصر فتعبير نص مليان ده كتير عليها :slap1qk6:
اما عن التعليم فتقريبا يا ملاك كليتك هى اخر كلية لسه فيها رمق العلم اللى بجد ف كلياتك يا مصرانا معجبة بيها اوى :d |
السلام عليكم و رحمة الله وعليكم السلام ورحمة الله وبركاته أول نقطة تفتيش طبعا مصر او اى دولة تانية او اى حاجة عامة فيها الحلو و فيها الوحش ليه بقى لما نيجى نتكلم عن الوحش بتاعها الكل يقول ايه يا جماعة ليه شايفين نص الكوباية الفاضى بس ؟ لازم تشوفو نص الكوباية المليان:) بصى يا ملاك والله انا على طول بقول كده بس انا نفسى مابقتش شايفه الكبايه اصلا ولو اتشافت بتبقى فاضيه اوك نيجى بقى نشوف نص الكوباية المليان و نقول مصر فيها حلو كذا و كذا و كذا نلاقيهم بيقولولنا انتو كده سلبيين عاملين زى النعام بيدفن راسه فى الرمل لازم تتعلمو تعترفو بمساؤئكم عشان تتصلح و عشان ...و عشان.......الخ السؤال بقى ايه المطلوب بالضبط مننا؟ ف موضوع زى ده لو عايزين نمسك العصايه من النص يبقى هنمشى مع الموجه يفرحوا نفرح يزعلوا نزعل بس لو عايزين نعمل حاجه بجد هنبص على الكوبايه من فوق نشوف الفاضى والمليان ونحاول نصلح والاهم اننا نبدأ بنفسنا *************** تانى نقطة تفتيش لو انت مثلا جيت تتكلم فى السياسة او فى اى حاجة عامة من اللى ممنوع الكلام فيها طبعا الكل هيقولك ياابنى امشى جنب الحيط لا لا ده دلوقتى امشى جوا الحيط السؤال بقى ياترى لو مشيت جوا الحيط هتبقى جبان؟ طيب لو مش سمعت كلامهم و عملت اللى انت شايفه صح و انت بتقول رايك و اتكلمت برده فى المواضيع اللى بتزعل دى هل هتبقى طايش و مش بتعرف تحكم ع الامور كويس؟ بداية احنا متفقين على ان اللى بيقولولنا نمشى جمب الحيط بيبقى خوف علينا مش يعنى مجرد فرض سيطره وكمان هما اتعودوا على كده بيمشوا تبع الموجه مش بيحاولوا يغيروا ولو فكرنا ف الموضوع ده بواقعيه شويه هتلاقى فعلا لو حاولتى تعملى حاجه انتى نفسك مش هيبقالك وجود مش حلمك بس وعشان كده بيعتبروه طيش *********** تالت نقطة تفتيش هو احنا عايزين ايه بقى بالسبة للتعليم يعنى عايزين نفهم و لا نحفظ؟ بمعنى تانى و احنا فى الثانوية كنا بنقول اصلا ده نظام........و نظام فاشل و هما اصلا مش عايزين البلد تتقدم اوك جينا للكلية النظام برده الى حد ما مش اوى المهم ليه بقى لو جه دكتور مثلا قالنا يا جماعة افهمو المادة -طبعا المادة دى الفيزيا :078111rg3:-و ده اللى انا عايزه و فعلا الدكتور عايز يطلع جيل فاهم جيل يعمل حاجة الكل يدعى عليه بجميع الدعوات اللى ممكن تخطر ع بالكم -طبعا دعوات وحشة- و الله يا جماعة كنت بتكلم انا وواحدة صاحبتى قالتلى يا ملاك بصى من الاخر كده انا عايزة حاجة احفظها و اصبها فى دماغى و اروح الامتحان اطلعها فى الورقة و خلاص كده بقولها يابنتى طيب انتى فى الكلية لازم تفهمى كل حاجة قالتلى و لو فهمت يعنى هعمل ايه؟ المهم نفس البنت فى محاضرة الدكتور اللى عايز يفهم -او هو صراحة مش عايز يفهم اوى هو همه الاول انه يطلع جيل مش حافظ جيل ممكن يعمل حاجة- المهم قاعدين طبعا ساعتين فيزيا دماغنا خلاص هتنفجر الكل عايز ينام طبعا الجماعة اللى فى البينجات اللى ورا نايمين لاقيت البنت دى بقى بتقول يارب يارب يارب المدرج يولع ينا و بيه عشان نخلص من الفيزيا و همها بس الغريب بقى ان نفس البنت بتذم فى التعليم و الاسلوب و المناهج السؤال بقى احنا عايزين ايه؟ بالنسبه للطلبه فى اللى عايز يفهم وفى اللى عايز يحفظ بس بنت زى اللى بتحكى عليها مش عايزه تفهم حاجه ايه اللى يدخلها كلية علوم من الاساس بصى الحكايه دى يمكن بيتحكم فيها حاجات تانيه وهى امانى الاهل واكيد البنت دى يا اما ف البيت عايزين كده يا اما داخله الكليه عشان الاسم بس انا عن نفسى لما بدرس حاجه بحاول استفاد بيها بكل المقاييس واكبر دليل على كده ان المواد اللى بحس انها هتفيدنى بحتفظ بيه ****************************************** اخر حاجة بقى بعيدا عن الموضوع تماماً و مالهاش اى علاقة بالموضوع بس حاجة عايزة اقولها للكل " ياريت يا جماعة نبقى نعذر بعض فى اخطاءنا و نحط نفسنا مكان غيرنا و لما نزعل من بعض نواجه بعض مش نبيع اى حد بيحبنا أو بنحبه و خلاص مش فارقة خالص و بكرر تانى الصداقة الصداقة الصداقة حافظو عليها بكل طاقتكم و الله هنندم لو ضاعت مننا بس يمكن الوقت اللى هنندم فيه مش نعرف نعوضها" تسلمى حبيبتى على النصايح الغاليه وبجد الموضوع رااااااااااااااائع :) كان نفسى اعمل حاجه زى كده بس بمواضيع مختلفه وبصراحه انتى كبرتيها ف دماغى |
انا حاسس انى داخل لجنة تفتيش احم ماعلينا:) ::::::::::::::: مشكلتنا اننا تفكيرنا متناقض هنقول مثلا مصر فيها نص الكوباية فاضى والنص التانى متعكر واحنااللى معكرينه بالسلبية بردو ياريت دايما نركز على النص الفاى ونحاول نملاه ودا بايجابيتنا يعنى الحل فى ادينا بس احنا مش شايفينه ::::::::::::::::::::::::::::::::: نقطة التعليم بقا بتختلف من شخص لاخر فى ناس بتحبالحفظزى عنيها ولو حاجة فيها فهم وكدا يكرهو الدنيا والعكس يردو صحسح انما بقا منعملشزى ناس مبيعجبهاش العجب لو فهم نتضايق ولو حفظ بردو نتضايق يعنى لازم يبقا فى جزء للفهم والاخر للحفظ وبردو الحل فى ادينا ::::::::::::::::::::::::: وبالنسبة للصدسقة فى مطرب مجهول قال بطلت اصاحب حد ملقيتش صاحب جد وهو دا الواقع او معظم الواقع يعنى تقريبا الصداقة بدأت تنقرض ودى حلها فى ادسنا نبطل نبقا انانيين ونحب بع او بمعنى اخر ناخر المصالح ورا بند الصداقة :::::::::::::::::: شكرا على الموضوع ودمتم فى رعاية الله |
اقتباس:
لا لا فهمته اكيد بس بصى نصيحة بجد حاولى تفهمى كل حاجة بتاخديها عشان تستمتعى باللى بتدرسيه نورتى الموضوع يا مروة اقتباس:
طيب و ايه رايك يا براءة فى موضوع السياسة ده؟ نورتى الموضوع ياقمر |
اقتباس:
طيب الحمد لله انه كبر فى دماغك ياقلبى نورتى الموضوع يا جيجوووووو اقتباس:
هيا المشكلة فى اللى يلاقى صديق و يضيعه:( شكرااااااااااااااا ع ردك يا محمود نورت الموضوع |
اقتباس:
موضوع جميل يا ملاك شكرا جزيلا يا روحى بتنورى المنتدى لما بتطلى كده علينا |
أولا : اود ان أسجل إعجابى الشديد بالموضع وبخاصة العنوان "نقاط تفتيش"
ثانيا: الموضوع والفكر ينم عن أديبة أو صحفية قادمة فى الطريق ثالثا: موضوعك عبر عن واقع حقيقى يحياه الناس ، ولكن أقولها لك بصراحة ، الناجح فى الحياة هو الذى يعرف ما يريده جديدا ، فيحدد هدفه ولا يتخبط بين تيارات مختلفة ، ولا يبع عقله لأحد ،وليعلم أن له عقل كما أن لهم عقول يفكر ون بها ، فلا يسهل خداعه بألفاظ براقة جوفاء فى الحقيقة ليس المقصود منها إلا خداع السذج والحيارى رابعا: جميل ان نلتمس العذر لبعض البعض " التمس لأخيك العذر " خامسا : اما الصداقة الحقيقة فلابد أن نحرص عليها ولا نفرط فيها " فالصديق مرآة لصديقه " ولكن الصديق الحق |
اممممممم اولا موضوعك جميل اووووووووى يا روح قلبى كعادتك طبعا
ثانيا بقا فعلا والله يا بنتى الواحد مصاب بالتشتت خالص مش عارف هو عايز ايه وبصراحه بقا فى مصر فساد كتير ولما حد يفتكر حاجه كويسه نعتبره شاذ يا سبحان الله والمشكله بقا يا بنتى ان الكوبايه اساسا مش موجود هنجيبها منين بقا؟؟؟؟؟ تانى حاتجه بقا موضوع السياسه طبعا انا من جامعه القاهرة يعنى ام المظاهرات كلها واول نصيحه ليا اتقالتلى ابعدى عن السياسه احنا مش قدها ليه مش قدها لما انا اقول وانا مالى والتانى يقول وانا مالى امال مال مين؟ وربنا دى بقا حاجه غريبه جدا. اما بقا بالنسبه للتعليم فانا مش بحب اتكلم عنه لاننا اتكلمنا كتير ولا حاجه بتتعمل وبصراحه بتجيلى حموضه لما بتكلم على حاجات كتيره وفى الاخر ولا حاجه بتتنفذ وربنا البلد دى بقت غريبه جداااااااا اما بقا لموضوع الصداقه فبقا الكل بيصاحبك علشان مصلحته مش بقت فيه الصداقه الحقيقيه بس ده مش بيمنع ان فيه فعلا اصحاب بجد وانا معاكى يا ملاك ان احنا المفروض نواجه بعض مش نضحى بصداقه كده كانها كانت علاقه بينا وعدت على حالها والمفروض ان احنا كنا اصحاب المفروض والله يا بنتى الواحد خلاص اتخنق بس ما علينا ولا شتتينا ولا حاجه يا قمر ميرسى على التوبيك مره تانيه |
اقتباس:
الاجمل مرورك يا قلبى ربنا يخليكى يا حبيبتى ده نورك :) اقتباس:
ربنا يكرمك يا ايمان بجد ردك جميل اوى نورتى الموضوع اقتباس:
و الله يا بنتى المشكلة اننا بنشيل من بعض و مش بنقول و حتى لما نتكرم و نحط نفسنا مكان بعض نقول لا و الف لا انا لو مكانه عمرى مااعمل كده انما هو لو مكانه ممكن يعمل اكتر من كده انا بجد شفت كتير اوى بيضحو بالناس اللى بيحبوهم فى ثانية و لا يهمهم و بعدين بقى ييجو ينمو و المشكلة انهم حتى لما يندمو مش بيتصرفو:( نورتى الموضوع يا قمرى |
مش عارف اقول اية؟ بس هيا دى الحكومة المصرية حسبنا الله ونعم الوكيل |
اقتباس:
لا يا لورد صعب اوى اننا نجيب كل حاجة مش راضيين عنها و نقول اصل الحكومة هيا السبب ع فكرة احنا سبب رئيسى فى كل حاجة مش تمام احنا عايشينها نورت الموضوع |
اقتباس:
|
شكرااااا على الموضوع
|
اقتباس:
شكرااااااااااا لمرورك نورت الموضوع اقتباس:
شكراااااااااا ع مرورك نورت الموضوع |
انتى عارفة لو كل الشباب بيفكروا زيك كدة ..... كان هيبقا لينا لازمة فى الزمن دة
|
اقتباس:
ربنا يكرمك بس ليه مش قلت رايك؟ نورت الموضوع |
السلام عليكم و رحمة الله وعليكم السلام ورحمة الله وبركاته اقتباس:
اقتباس:
نيجي لاول نقطه تفتيش وعايز اسألك سؤال عشان انتي محسساني اني مش عايش في البلد هو لسه فيه كوبايه من الأساس عشان تبقي مليانه أو فاضية ؟ انا اللي وصلني ان الكوبايه اتكسرت من زمان :d وانتي عارفه اللي اتكسر مبيتصلحش دلوقتي لذلك فهنفضل محتاسين لغاية ما يجيبوا كوبايه جديدة ( جيل جديد ) ونبدأ بقي نشوف ياتري هتقبل اللي هنحطه فيها والميه النضيفه ولا هتطرد الميه النضيفه ( زي معظم الجيل دلوقتي ) اقتباس:
اقتباس:
تاني نقطه تفتيش قوليلي يا أرق ملاك هل بعد كلامك حاجة هتتغير ؟ هل انتي أول واحده تتكلمي ؟ هل وهل وهل دي الاسئلة لكن اسئلتك هجاوب عليها في الآخر اقتباس:
اقتباس:
تالت نقطه تفتيش احنا عايزين نحقق أحلامنا من غير ما نعمل مجهود او نخطط او نعمل اي حاجة عايزينها تتحقق اتوماتيك ده اللي احنا عايزينه ****************************************** اخر نقطه تفتيش بالنسبالي ده حال الناس يا أرق ملاك تعرفي عيون الناس دي عامله زي ايه ؟ زي مرايات الملاهي واحد يشوفك رخمه - واحد يشوفك صح - واحد يشوفك غلط - واحد يشوفك دمك خفيف- واحد يشوفك دمك تقيل دي عيون الناس في النهايه انتي اعملي الصح اللي ميغضبش ربك واهلك وفيما بعد زوجك وكل حياتك هتبقي صح × صح وبعدين بصي للواقع بواقعيه كلمه لو بطلنا نحلم نموت دي مبقتش بحبها علي فكرة لازم نبص للواقع كما هو عشان نقدر نتعامل معاه بالشكل المطلوب وده المنهج اللي ادي لتطور أروبا في عصور التخلف والانحدار ومع بداية العلوم التجربيه والنظر إلي ما هو واقع وليس ما هو مفروض لذلك استفت ِ قلبك في كل حاجة وفطرتك السليمه ان شاء الله هتدلك ما بين الصح والغلط واللي انتي عيزاه واللي انتي مش عيزاه ربنا معاكي اتمني الإفادة :) |
اقتباس:
طيب ع فكرة انا مش بقدر استغنى عن كلمة لو بطلنا نحلم نموت او مش الكلمة فى حد ذاتها انا اه اشوف الحاجات الوحشة بس مش اخلى الصورة كلها وحشة صعب برده نورت الموضوع يا أحمد |
ياااااااااااااه يا ارق ملاك
قلبتى علينا المواجع طب كل الاسئلة دى واكتر منها بتحيرنى اوى انا دايما بسال نفسى احنا لما بننتقد حاجة بننتقدها ليه اصلا وساعات بنكون احنا نفسنا بنعملها ومش بس كده ساعات بننتقد عشان اللى قدامنا ده مش عاجبنا وخلاص حتى لو الحاجة اللى عملها صح ودى اكتر حاجة بتغيظنى فينا وعشان تريحى دماغك خالص امشى حسب مانتى شايفه صح عشان طالما انتى عرفتى توزنى الامور بالشكل ده وتتطلعى المتناقضات دى كلها يبقى اكيد نسبة الصح فى تفكيرك اكتر من الغلط فحاولى تمشى برايك انتى وخلاص وبعدين لما تلاقى اجابة للاسئلة دى ابقى قوليلى بقى ههههههههههههههههه |
اقتباس:
المشكلة يا مشتاقة انى فعلا ساعات مش عارفة مين فينا صح زى موضوع الكلام فى الحاجات اللى بتزعل ده ساعات اقول كده صح و ارجع اقول ده طيش و بعدين اقول هما صح و ارجع اقول ده جبن الحالة دى بقى لما بيضغطو عليا اوى انتى عارفة و الله يابنتى اول حاجة قبل ماادخل الكلية اتقالتلى صاحبة اختى قعدت تقولى ملاك اوعى السياسة امشى جنب الحيط لا جواها و الله بجد انا فى حاجات فى حياتنا مش عارفة احنا كشباب غلط و لا الجيل اللى اكبر مننا هو اللى غلط نورتى الموضوع يا مشتااااااااااااااااقة |
اقتباس:
موضوع الكلام فى السياسة ده مش هيجيب همه اصلا لان مفيش ولا كلمة ليها لزمة لان مفيش حاجة هتتغير بكلمتك ولا بكلمة اى حد فبلاش الكلام ع الفاضى احسن وانا برضه اول مادخلت الكلية كلهم قالولى ملكيش دعوة بالكلام ده وحتى ماتقوليش رايك فى اى حاجة تخص الموضوع ده وبصراحه كده اريح بكتير بدل وجع الدماغ ع الفاضى وبعدين ده نورك انتى انتى اللى منوره القسم كله ياعسل |
اقتباس:
وفى كلام كتير انتى نسيتى تقولية بس انا اللى اقدر اقوله انى زهقت من كل حاجة حتى من البلد دى انا صابر عليها لحد ما يمسكها حد عدل فى الدورة الانتخابية الجاية ان شاء الله وان شاء الله استغل المنتدى بتاعى فى حكاية الدورة الانتخابية دى ......... احسن استغلال ان شاء الله لكن بقى انا هتكلم ومحدش هيسمعنى يبقى الكلام خسارة وتضيع وقت غير حرقة الدم والضغط واحتمال انشل من غير فايدة انتى نسيتى اسراء عبدالفتاح اللى قالت هنعمل اضراب على الفيس بوك يوم 4 ابريل الكل نسيها يمكن انا فاكرها علشان انا بحب اسم اسراء وبفتكر على طول الاسم دة هى فين دلوقتى ؟ ؟ معتقلة وشوفى الكابتن دة كدة اعتقل هو كمان ومحدش عارف اراضية فين ربنا معاه واى حد هيفتح بقة بكلمة هيعتقل وبلاش نضحك على بعض ونقول فى ديمقوراطية الاخوان المسلمين شوهوا صورتهم بطريقة فظيعة مع انهم اجدع ناس فى البلد مش بيخافوا من حد وبيقولوا رايهم من غير غش ولا نفاق وعايزين مصر تمشى على المنهج الاسلامى مش القانون الفرنسى انا كنت واخد عنهم فكرة وحشة فى الاول على الاخوان من كتر ما بشوفة فى الافلام والمسلسلات عنهم منهم لله بقى عارفة انا عرفت حاجة عن المظاهرات بيقولك بقى اية لما فى حد بيعمل مظاهرة والناس تتلم فى الشارع وكدة تيجى الصحافة تسئلهم عن مطالبهم علشان يوصولة للمسولين اية اللى يحصل بقى تيجى عربيتين ميكروباص عادين خالص فيها رجالة وشباب تبع الحكومة يدخلوا فى المظاهرة ويضربوا بعض علشان الصحافة تقول دا هما بيضربوا بعض دا ناس فاضية وبتاع ويسبوهم ويموشوا مع كام صورة تدل على جميهة المتظاهرين وبلاوى بتحصل تانية شوفتى الساسية بتاعتنا عندنا ذكاء كويس بس مش بنستخدمة الا فى ........... والعيب مش فى حسنى ولا حتى نظيف دا نظيف دا طيب العيب فى الكلاب الى تحتيهم اللى واكلين البلد والشعب يا عينى ساكت هيعمل اية كان فى حكاية سمعتها من جدى بيقول كان فى حاكم عندة 3 اولاد قال للكبير خد الشوال دة وروح هات فار من الجبل وتعالا الواد الكبير راح وجاب الفار وحطة فى الشوال وروح جة يطلع الشوال لاقى الفار خرم الشوال وهرب ونفس الحكاية مع التانى والتالت بقى راح جاب الفار فى الشوال وجة ابوة سالة انت جبيتة ازاى قالة كل ما الفار يجى يحاول يهرب اقوم ارج الشوال جامد واخلى الفار يدوخ فيهمد وكل لما يجى يفوق ادوخة وكدة لحد ما وصلت ____________________ ودى السياسة اللى مشاين بيها كل ما نيجى نفوق ندوخ مرة اسعار غالية والثانوية العامة وبطالة وغيرة وغيرة مصر بتتقدم بس واحدة واحدة تقدم بطئ جدا تقدرى تقولى حلها ايه انتى دلوقتى بتتكلمى بكل ديمقواطية طيب اسراء كانت بتتكلم بكل ديموقراطية هى كمان انتى بقى الدور جاى عليكى ومين هيسئل عنك هتتنسى زى ما اسراء اتنست اسف انى خرجت عن الموضوع بس انا خلاص فاضلى سنة صغيرة واطق |
اقتباس:
ماشى يا ملاك قولى قولى ولا يهمك:d اقتباس:
المطلوب نوع من التوازن يا قمر نشوف الأمور بواقعية لو هى كويسة خير وبركة:) ولو مش كويسة مش لازم بقى نقعد نجمل فيها:stickjo4: التفاؤل والواقعيةاخوات يا ملاك لايفرق بينهم الا.......:confused::confused: وعلى فكرة مش لازم كل كباية يبقى نصها مليان و نصها فاضى:078111rg3: اقتباس:
بصى يا ملاك دلوقتى لو أنا بجد عاوز أخدم البلد دى وهخدمها بالعلم مثلا:) وعارف ان السياسة ممكن تودينى ورا الشمس:slap1qk6: ساعهتا هبقى لا طولت بلح الشام ولا عنب اليمن:( ولا خدمت لا بالعلم ولا بالسياسة أنا أركز فى الجانب اللى هفيد بية بلدى ولو حد هيخدم بلدى فى مجال السياسة يبقى أوكى يتكلم براحتة ويفتكر ان الحق دايما أعداءة كتيييير ومفيش تقدم من غير تضحية يعنى يا ملاك العملية نسبية مش مطلقة:):) وبتختلف من واحد للتانى كل واحد عارف هدفة وعارف الطرق بتاعتة لو كلامى فى السياسة هيحقق هدفى أوكى لو مش هيحقق يبقى بلاش:) اقتباس:
ملاك بصى يا قمر......مش ينفع واحد عاش حياتى كلها بنظام معين ونطالبة انة يقلب النظام دة بين يوم وليلة احنا من يوم ماقولنا يا تعليم واحنا عاملين زى الرسيفر اللى بيستقبل المعلومات:d ازاى فجأة كدة وبقدرة قادر عاوزانا نغير من حاجات شربناها من صغرنا حتى النخاع:( حبيبتى والله العظيم أحنا تلات تربع دفعتنا بتروح للدكتور عشان تقولة ترجملى الكلمة دى:romarioxp6: السطر دة حضرتك مش قولتة:stickjo4: طب يا بنى ما تحاول؟؟؟؟ افتح القاموس وترجم!!!!!!!!!:confused::slap1qk6: لأ احنا اتعودنا ع اننا ناخد العلم بالمعلقة:(:( وفى الجامعة بيطالبونا بالمنهج البحثى والنقدى والكلام الكبير دة صح النوم يا سادة:d بقالكوا 17 سنة بتربونا اننا نفكر دايما جوة الصندوق منهاجكوا العقيمة قتلت فينا الإبداع والتميز والإبتكار وفجأة عاوزينا نغير من نفسنا 180 درجة:( حرااااااااام بجد بس كل واحد بقى يا حبى يحاول انة يعلم نفسة ازااااى يتعلم صح يعنى ياخد خطوة:) فأن شتعل شمعة خير من أن تلعن الظلام ولازم نلحق الأجيال اللى طالعة ونربيها صح....ولا اية يا قلبى؟؟؟!!! واحنا بقى,,,,,,,لنا الله:d اقتباس:
أوعدك يا ملاك لو لاقيتها بمعناها الحقيقى عمرى ما هفرط فيها بس آلاقيها:d *************************** شكرا يا قمر ع التوبيك خلصتى امتحاناتك بقى وفضتيلنا اة صحيح,,,,,,,أنا عارفة انى نورت الموضوع:romarioxp6::d |
هى المشكله إننا إحنا المشكله إحنا اللى فينا الشىء ونقيضه بنعمل حاجه ونرجع تانى ننقدها واللى النهارده معاه بكره ضده والسبب الأول والرئيسى إننا بنمشى ورى كلام الناس زيى التايهين رغم إن الناس دول بردو ماشين ورى كلام ناس تانيه تايهين زيهم يعنى فى النهايه كل ماشى مش فاهم حاجه يبقى الحل واحد ملوش تانى ثق فى قرارك وإمشى من دماغك وطول ما إنت حاسس إنك صح فأنت صح بس فى نفس الوقت ده مينعش إنك مش هتقدر تعيش لوحدك منفرد برأيك لازم أكيد هتحتاج الآخرين لكن كل اللى أنا عاوز أقوله إمشى بدماغك مش دماغ غيرك خليك رئيس جمهوريه نفسك |
أولا ميرسي عالموضوع بس أحب اعلق علي موضوع الفهم و الحفظ دا لان انا عندي نفس المشكلة تقريبا
بصي يا سيتي انا مينفعش أقعد 11 سنة او اكتر احفظ احفظ و اجي فجاة كدا الاقي مطلوب مني افهم!!!. زي مثلا لما يكون واحد في شخصيته عيب معين و من هو صغير و هو متعود عليه و جه فجأه حس ان دا غلط و حاول يغيره ،تفتكري هيقدر؟؟؟!!! يعني من الاخر هي المنظومه غلط من الاول |
| جميع الأوقات بتوقيت GMT +2. الساعة الآن 06:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.