السلام عليكم ورحمة الله وبركاته
بعد الحمد لله والصلاة على الحبيب المجتبى
ثم اما بعد؛
حملة
(هنتغير بجد)
للشباب
&
الفتايات
http://www.0zz0.com/images/spacer.gif
http://www.egycrazy.com/vb/images/st.../wol_error.gifThis image has been resized. Click this bar to view the full image. The original image is sized 729x434 and weights 58KB.http://www5.0zz0.com/2008/07/06/11/524840147.jpg
هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد
=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...
الحلقة الاولى
(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
____________
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته


الى اللقاء فى الحلقة التانيه
مع
حملة
(هنتغير بجد)

مع تحياتى
محمد
MAHAMAD

الحلقة الثانية
(امسح كل ذنوبك)
+ايه الاخبار
=ده انت عملت امبارح فيا
حتة مقلب قعدت تحمسنى
وفى الاخر علقتنى ومشيت
+عارف وكان قصدى
=ايه!!
=طيب ليه كده؟
+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك امبارح ثق فى الله
وما تحملش هم
=ماشى..مش ندخل فى الموضوع بقى
+ماشى..يلا
3..2..1..
+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت
=ايه ..http://www.egycrazy.com/vb/images/smilies/385_4.gif
=انت بتكلمنى انا..
+طب بلاش ..
ممكن تعد ذنوبك اللى عملتها
طول الاسبوع ده
=يا عم انا ماشى ...
انت جاى تفكرنى باللى فات
+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انت؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انت مش مصدق ربك ولا ايه ؟؟!!
=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟
+انا عارف انك فرحان اوى
علشان كده اسمع الحديث القدسى
الجميل ده
(يابن ادم لواتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...
=طب ولو ذنوبى اكتر
+ممكن ما تقاطعنيش تانى
=انا اسف بس انا فرحان اوى http://www.egycrazy.com/vb/images/smilies/18.gif
+عارف بس اسمع للاخر
=ماشى انا اسف
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انت واخد بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه ..اد ايه رينا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انت ازاى بتستغفر ربنا
هل بتستغفر من فمك ولا من قلبك
=طب ازاى استغفر من قلبى
+بأنك وانت بتستغفر تكون واثق من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقول اى حاجه
+انا قلت بكرة ان شاء الرحمن
+يلا..السلام عليكم
=برده بتعلقنى..
=وعليكم السلام
الى اللقاء فى الحلقة التانيه
مع
حملة
(هنتغير بجد)

http://www.falntyna.com/img/data/media/9/duaa1.gif

فكرة رائعة بارك الله فيك

الحلقة الرابعة
(اخرج نفسك من النار)
+عامل ايه؟
=تمام ..
بصراحة انا بدأت اتغير بجد
مش عارف عندى احساس بأنى
لسه داخل الاسلام
+ابشر اوعدك بالتغير
وان شاء الله
نحقق شعارنا
وندخل الجنه سوا
=ربنا يسهل
+وخلى بالك
(ان الله لا يغيرما بقوم حتى يغيروا ما بأنفسهم)
يعنى مش انت اللى هتغير نفسك
انت هتغير ما بنفسك
والفرق كبيير
يعنى علشان تشوف حال قومنا
(امتنا )
احسن الاول تغير نفسك من جوه
=كلامك صح
=طب ممكن نبدأ
3..2..1
+السلام عليكم
=وعليكم السلام
+حلقتنا النهارده هدفها
نوريك ازاى ممكن تعتق نفسك من النار
بكل سهوله
=سهولة ايه http://www.egycrazy.com/vb/images/smilies/72_72.gif !!
=مش وسعت منك شويهhttp://www.egycrazy.com/vb/images/smilies/273_2.gif
+ليه؟؟
=انت بتتكلم ازاى تطلع نفسك
من النار
مش من حديقة الحيوان
ولامن متاهة
دى النار
+طب ممكن اتكلم و
تسمع للاخر
=اتفضل
هقولك كذا طريقة وكل
طريقة تقولى ايه رأيك فيها
=ماشى اتفضل
(الطريقة الاولى)
+صلاة اربعين يوم فى جماعة
بشرط تكون تكبيرة الاحرام
بتتقال وانت فى الصف
=بس دى صعبه شويه
لان انا بصراحة
كل فين وفين لما بصلى
الفجر فى البيت اساسا
+ما تخفش فى اكتر من حلقة
هتتعمل عن الصلوات والفجر بالذات
(الطريقة التانيه )
+لو سيادتك حافظ القران بالكامل
او بتحفظه او ناوى
بصدق تحفظه بالكامل
ابشر انت معتوق من النار
=بقولك انا بدأت اقرب من ربنا
وانت عارف انا كان حالى مع ربنا ازاى
+برده حنعمل حلقه عن القران
هتبقى جامده جدا
(الطريقة التالته)

(الطريقة الرابعة)
+تصلى قبل وبعد صلاة الظهر
4ركعات
=تصدق دى اسهلهم لحد لما
ربنا يسهلها
+و يا ريت تبدا بالتدريج
وان شاء الله تلحق نفسك من النار
وخلى بالك الحلق الجايه من اهم الحلقات
=طب عن ايه؟؟
+هتعرف بكرة..
+يلا
+السلام عليكم
=وعليكم السلام
...............
الى اللقاء فى
الحلقة الخامسة
من
حمله
(هنتغير بجد)

مع تحياتى
MAHAMAD

+عامل ايه ؟
=ياعم اسكت بقى
انت ايه اللى اخرك عليا
ده انا كان فاضلى كام خطوه واذوق الاسلام بجد
+طب بالراحه ياسيدى
انا آسف
=عملت ايه بيها
هتقربنى من جديد
+لا ولكن افتح قلبك
ده انا مجهز كام حلقه
قبل رمضان
علشان ندخل رمضان ونطلع ويكون غير فينا بجد
علشان نبقى داخلين رمضان
واحنا مستعدين بجد
=بس برضه زعلان منك
+طب ولو رجعت تانى احسن من الاول
=أ..احسن من الاول
ب..ب.بجد
=انت بتتكلم بجد
+طبعا
افتح قلبك
وسيبها على ربنا
=نعم بالله
+قول الاول انت عملت
ايه فى الفترة اللى فاتت
=يا عم متفكرنيش
انت سبتنى بقيت شغال
يوم طاعه وفرحه
ويوم معاصى
+طب اسألك سؤال
=اتفضل
+انت عاوز تتدخل الجنه
=....!!
=طبعا
+لا بجد عاوز الجنه ؟
=طبعا
+طب تقدر تقول لنفسك ازاى تبدأ
فى طريق الجنه
=الطريق صعب جدا
ولكن حلو اوى
+طب ولو قلت لك ان الطريق سهل جدا
=يا عم اتكلم بواقعيه
هو ايه اللى سهل
طريق الجنه ..!
سهل..
ازاى
http://www.egycrazy.com/vb/images/smilies/273_2.gif
+اسمع..
=طيب ازاى
+اصبر..
=ماشى ازاى بقى
+يابنى اسكت شويه عاوز اتكلم بقى
الناس عاوزه تسمع http://www.egycrazy.com/vb/images/smilies/22_3.gif
=...http://www.egycrazy.com/vb/images/smilies/50_51.gif
+ايوه كدهhttp://www.egycrazy.com/vb/images/smilies/243_3.gif
+اسمع بقى
تعرف يعنى ايه تبقى مسلم
=....؟http://www.egycrazy.com/vb/images/smilies/348.gif
+اقولك
ان انت علشان
تبقى مسلم
لو معاك فلوس تبنى اسلامك
على 5 عواميد
ولو زى حالاتنا
تبنى اسلامك
على4عواميد
=يعنى ايه ؟
+بنى الاسلام على خمس
ولو معاك فلوس هتحج
ولو معكش غير مفروض عليك الحج
=آه..فهمت
=يانهار ابيض ...!
ده احنا نسينا اهم حاجه
+ايه ..؟؟
=ده احنا لسه ما بدأناش الحلقه
+يا صلاه النبى
يلا مونتاج
3..2..1..
+السلام عليكم
=وعليكم السلام
+عامل ايه مع ربك
=لحمد لله
=ماشى على سطر وسطر
ورمضان داخل
وباقى كام يوم ولسه ما استعدتش
والفترة قليله
يومين بس
يعنى مفيش امل
خالص
+طب هو رمضان خلص
= لسه ما جاش
اساسا
+طيب انت قلت
يا راجل انه لسه ماجاش
يعنى فرصتك
وما تقولش هستعد وهتوب فى رمضان
وارجع بجد فى رمضان
لانك ماتضمنش تكمل قرائة
الموضوع ده اساسا
ممكن فى اى لحظه
تموت
والمصيبه تبقى توفيت ولم تتب
شكلك هيبقى وحش اوى
وانت ليك رب وهو الله
الكريم
الجواد
التواب
+طب ممكن اسبتك بسؤال
=اتفضل
لو واحد مسيحى قالك
عملت ايه لدينك
وانت مسلم
=.....!
+سؤال من الاخر
=عندك حق
طب ولو ربك سألك
وقالك
اخترتك للاسلام
عملت ايه ؟
=...!
+طب انت لسه فى الدنيا
اعمل حاجه
=ياعم ارجع الاول
لربنا وبعدين اعمل
+طب ما تعمل الاتنين مع بعض
=ازاى
+يعنى اكتب اذكار وعلقها فى مسجد
فى رمضان
انت وصحابك اشترى كيلو تمر
بدل الكنافه ووزع على العربيات
لحظه الافطار
وخد ثواب كبيييير
وحاجات كتيير
=طيب من الاخر
ارجع لربنا ازاى فى اليومين دول
+دافى الحلقه الجايه
بس ندردش مع بعض اول حاجه
+ماتتوبش مرة واحده
=يا عم ماتجننيش
يعنى ايه ؟
+يعنى لو بتعمل معصيه ما
مثلا بتعلى صوتك على والدتك
او والدك
ماتبطلش زعيق وتاخد الحياه جد
ولكن خلهم اصحابك
هزر واضحك معاهم
وخليك ذكى فى الطاعه
وخلى بالك
ان طول ما انت ماشى صح
هتلاقى مطبات
كتيره
=ازاى
+يعنى هتلاقى تريقه
والشيطان يجى لك
كام مرة
يعنى مش هيسيبك فى حالك
والواجب العملى
انك تجيب ورقة وقلم
وتكتب ايه الايجابيات فى شخصيتك
=والسلبيات
+لا الايجابيات
(وياريت كله يكتبها فى مشاركه )
وماتقولش ده غرور
بالعكس خالص اكتب عن نفسك
علشان اعرف انا هعمل ايه بعد كده
=طيب سؤال وبلاش ضرب
+اتفضل
=ايه هدف حلقه النهارده
+هدفها نستعيد لغه الحوار تانى و
اهم حاجه نستعد للحلقات الجايه
لانها مهمه جدا جدا
=تصدق انا كده فهمت
+احمد ربك
=الحمد لله
الحلقه الجايه امتى ..ماتتأخرش
+لا ماتخافش ان اعطانا
الله العمر كمان كام ساعه
=انت عارف لو اتأخرت زى المرة اللى فاتت
http://www.egycrazy.com/vb/images/smilies/22_3.gifhttp://www.egycrazy.com/vb/images/smilies/22_3.gif:22 _3:
+انا اقدر http://www.egycrazy.com/vb/images/smilies/000200BF.gif
+السلام عليكم
=وعليكم السلام

السلام عليكم
اول الحلقات فى رمضان
_______________
+عامل ايه
=الحمد لله
عامل ايه فى رمضان
=الحمد لله
+انت عارف يا محمد
انى مخنوق جدا
مخنوق اوى
مش قادر
مفيش فايده منى
اذا كان رمضان ويادوب
اشتغلت فى اول يومين
والباقى بقى يوم يروح منى الفجر
ويوم تروح التراويح
ويوم تروح عليا صلاه وممكن
مااصليهاش
اساسا
كل ده وانا فى رمضان
اكبر فرصه للتغير
افضل فرصه
علشان
نتغير بجد
....
....
بجد مش عارف اقول ايه
الشياطين متسلسله
وابواب النار مقفوله
والصلاه بسبعين
وبرضه مافيش فايده
انا زى ما انا
+خلاص خلصت
=انت بتتريق
=انا غلطان انى كلمتك
+اولا انت اللى مموتك انا لسه
متعرفش معنى الدين وما ذقتش طعمه
وطعم رمضان
=ازاى
+اقولك ازاى
=قول ياعم
+هتكلم عن حاجه حاجه
اولا
الصلاه
عارف صلاه الجماعه بتقف
عليك بكام صلاه
=يعنى ايه
+يعنى انت بتصلى كام مرة فى رمضان
=اكيد 5فى اليوم
+ده انت غلبان
=آه صح افتكرتالصلاه بسبعين
+برضه غلبان اوى
ممكن تجيب اله حاسبه
=ماشى
+لا قوم بجد
=؟؟؟
+قوم بس
=ماشى جبت
+احسب معايا الصلاه بتقف
عليك بكام لما تصليها
+احسب
1صلاه ×70 اجرها
فى رمضان ×24ثواب صلاه الجماعه
×2ركعتين السنه
(النافله بفريضه )
هنقول 2بس سنه
تساوى كام
=...؟؟؟؟
=نعم !!!
=ايه !!
=كام !
=الصلاه هتقف ب3360صلاه
http://www.egycrazy.com/vb/images/smilies/157_2.gif
=......
=والله مش عارف اقول ايه
=يعنى انا لما اصلى المغرب بالسنه
مثلا
يتكتب ليا وكأنى صليت
3360مره
+ ده على اساس انك هتصلى المغرب فى يومك كله
=قصدك ايه ؟
+فى 4صلوات باقيين
=تصدق من الفرحه نسيت
+احسب معايا بسرعه
من الاول
5 صلوات ×70اجرها فى رمضان
×24 اجر الجماعه
×(صلاه السنه )
(2فجر +8ظهر +2مغرب +2عشاء
+1 وتر ) تساوى كام
=......
=محمد
+نعم
=هاتلى دكتور
+اسند نفسك انت شفت حاجه
=نعم
امال انا شفت ايه
انا شفت انى فى اليوم
هيتكتب لى انى صليت
126000صلاه
بس
وقال ايه زهقان
اطربنى يا عم
+ لا الحلقه الجايه بقى
=لا قول دلوقتى
+الحلقه الجايه هتكون قريبه
+بس طبق دول الاول
وحافظ على كل الصلاوات فى المسجد
+وعلى فكرة اختنا
صلاتك فى البيت بمثابه صلاه الجماعه
يعنى الاجر لكله
=بس ما تتأخرش فى الحلقه الجايه
+ماشى
+السلام عليكم
=وعليكم السلام

بسم الله الرحمن الرحيم
حملة (يلا بينا نكون فى ذمة الله)
ودى من حمله هنتغير بجد
ولكن جزء خاص جدا
ازاى؟؟؟؟
لما نصلى الفجر !!
ايه رأيك..
شعارنا:
(صلاة الفجر فى قلبى)
هدفنا:
ممنوع اى مسلم ينام على صلاة الفجر
سياستنا:
هتصحى كام علشان يصلى
ـــــــــــــــ ـــــــ
ـــــــــــ
ـ
صفات المشترك:
1)مسلم بيحب ربه..انت بتحب ربك؟؟
2)الايكون من المنافقين..؟؟
3)يعلم ان الصلوات المفروضة 5
4)عاوز يشرب من الحوض
وعاوزيشوف رسول الله

ـــــــــــــــ ـــ
ايه رأيك...؟
انت لسه بتفكر ؟؟؟
عاوز تنام؟؟؟
ربك لاينام!!
مش مكسوف..
مشلول مات فى صلاة الفجر
لو قلت لك يلا نلعب كرة.؟؟
هتيجى..صح؟
طب يلا نصلى الفجر.؟؟
هتيجى....
ليه
هتفكر برده
الاجابة:
الشارع مظلم
+والقبر اظلم
بخاف..
+خوفك من ربك وانت بتتسأل
على الفجر ..
عاوز انااام..
+ولو مت هتعمل ايه؟؟
مافيش حد بيصحينى..
+ولو كرة..
بصلى لما بصحى
+"ويل للمصلين الذين هم
على صلاتهم ساهون"
*
*
اسأل انابقى
هو اللى بيصلى الفجر
احسن منك فى ايه؟؟
+.....؟؟؟؟
ربك راضى عنك؟
+....؟؟؟
انت راضى عن نفسك؟
+...؟؟؟
ماعندكش ذنوب؟
+...؟
مستغنى عنها؟
+...؟
ـــــــــــــــ ــ
هتفضل منافق ؟؟
تعبان.!!!
عاوز تنام؟؟
______
عاوز تحج ...
عاوز رسولك يبشرك بالجنة..
عاوز تغسل ذنوبك..
عاوزوشك ينور..
عاوز....
كل اللى انت عاوزة هتلقيه؟؟
صلى الفجر وادعى..
_________
لسه مش مقتنع طب
انتظروا العدد القادم من

حملة (يلا بينا نكون فى ذمة الله)

الحلقة الثانية
من
حملة (يلا بينا نكون فى ذمة الله)
ايه رأيك ..؟
لسه مش اوى.!!
برده ..
طيب ايه رأيك فى الجملة دى
("ربك ميز الانسان بالعقل
وميزك بالاسلام فماذا فعلت")
+ حلوة بس مش فاكر..
طيب بلاش السؤال ده
كام مرة صليت الفجر ..؟
+ايه.. مش فاكر..؟؟
طيب نقفل الصفحة دى
ونفتح صفحة جديدة
=========
====
=
يلا ننسى اللى فات ونبدأ من جديد
ايه رأيك نعد كام مرة
صلينا فيها الفجر فى المسجد...!
+ياعم بقولك مابصليش الفجر اساسا
الا لما بصحى
وممكن ماصليهوش اساسا...
ماليش دعوة باللى فات
ونبدأ من جديد
+ماشى..
انت بتصحى امتى؟
+يعنى ممكن 7
+ممكن9
+ممكن 10
+ممكن1 ...
وممكن ماتصحاش خالص
صح ولا ايه...؟!!
+عندك حق ..
+طب اعمل ايه..
قبل ما اقولك تعمل ايه
خلى بالك
حط نفسك فى الموقف ده
"جالك تليفون ترن ترن بترد
+الو..
# وعليكم السلام ورحمة الله وبركاته
+مين معايا..
#ملك الموت...
+ بطل هزار واتكلم عدل..
# انا ما بهزرش ..
# النهادة هجى اقبض روحك..
+...؟؟؟؟
#باليل...
+مين معايا..مين معايا..
#...
(المكالمة انتهت)
انت قفلت السماعة ومش قادر تقف
وبصيت علشان تشوف رقم الطالب
لقيت....
مفيش رقم ولكن مكتوب
"ملك الموت"
دى اول مرة الاقى
اسم مكتوب على الشاشة
==============
بالله عليك هتعمل ايه..؟؟؟؟؟؟
+....!!
معلهش خلينى اقولك بعض
من اللى هيحصل مع معظمنا
1)مش هقول لحد علشان ميزعلوش اكتر
خليهم يعرفو مرة واحدة
2)مفيش اكل ولا شرب
و"لا نوم"
هتقعد طول الليل صلاة وبس
وتدعى
يارب
لاتجعل ملك الموت يقبض روحى
قبل ما أصلى الفجر فى جماعة
=========
===
=
صح كلامى ولا ايه..؟
+طبعا صح
يعنى لازم تتزنق علشان تصلى
من شوية كنت بتدعى انك تعيش
علشان تصلى
الفجر فى جماعة
ودلوقتى ..؟
لسه ماتغيرتش..برده
+ياعم انت خوفتنى بجد انا عايز اصلى..
+اعمل ايه..؟؟؟
ماشى يا سيدى..
خلى بالك من الاتى:
1)نام بدرى وبطل سهر
2)اتوضى قبل ما تنام على الاقل
علشان لومت تبقى ميت متوضى
وبكده تبقى ميت شهيد
3)قلل معاصيك؟؟
========
===
=

المشاركة الأصلية كتبت بواسطة آية من الله (المشاركة 1106418) بجد بجد مفيش كلمة تقدر توصف مدى اعجابى بالموضوع ده بجد جميل جدااااا وايجابى جدا وفعلا كنا مفتقدينه الفترة اللى فاتت اوى ياريت حضرتك تستمر على طول وماتنقطعش فيه تانى ربنا يجعله فى ميزان حسناتكم يوم العرض عليه

ربنا يبارك فيكى
وبيكى
ولكى
واشكرك جدا جدا على
حسن ظنك
ومجاملتك لهذا الموضوع
البدائى
المتواضع
الى ابعد الحدود
وادعو الله ان
يجعلنا سبب فى
ايقاظ انفسنا
وامتنا

المشاركة الأصلية كتبت بواسطة هنا الفقي (المشاركة 1107614) والله يامحمد انا ف البداية خالص قلت لا ماتنفعش الحملة دي هي جميلة اوك بس الشاب اللي انضحك عليه مش هايرضى يشارك ف حملة زي دي بسهولة كدة صعبة بس لما صبرت شوية وكملت اقدر اقولك انها رااااااااااااااااااااااائعة بل اكثر من رائعة جدا جدا ماشاء الله عليك ربنا يجزيك كل الخير ان شاء الله متابعة معاك

+السلام عليكم
=وعليكم السلام
يلا ابدأ
مونتاج:
3
2
1
اكشن
+هنبدأ على طول
=ماشى
+هنمشى خطوة خطوة
=ماشى
+اول خطوة نحاول
نبعد عن المعاصى
=ازاى
+ حط فى دماغك
ان لو صيامك
مبيبعدكش عن المعاصى
=ازاى
+تخيل ان الرسول من النهارده
ماشى معاك فى كل مكان
وانت ماشى فى الشارع
وانت قاعد فى البيت وانت نايم
فى كل مكان وخلى شعارك
(الله معى
؛الله ناظرى
؛الله مطلع على )
وتخيل ملك الموت وهو جاى لك وانت بتعصى
اكيد اكيد هتبعد عن المعاصى
وما تقولش لو بطلت معاصى
شخصيتى هتتغير
لان من ترك شئ لله عوضه الله خير منه
عارف يعنى ايه ؟
=مش عارف
+يعنى لو كان شخصيتك هتتغير
لله
هتتغير للاحسن
وربنا هيحبك
وان الله سيجعل الملائكه والناس
يحبوك جدا
وما ادراك ما
حب الله
ثم
حب الملائكه
ثم
حب الناس
يلا بينا نتغير ونطبق
ونحس برمضان
والسلام عليكم
=ايوه كده نتغير على طوول وبجد
وعليكم السلام

الحلقه التاسعه
+السلام عليكم
=وعليكم السلام
+عامل ايه
=الحمد لله احسن
وبطلت كام معصيه
نهائى
والباقى بدأت اقلل منه
بس مش هقدر ابطل
+طيب هو ربنا يقدر
يخليك تبطل ؟
=طبعا
+عارف ازاى
=لوربنا عاوز يهدينى
+لا
ربنا يعملك كل اللى انت عاوزه
فقط بالدعاء
=اى حاجه اى حاجه
+طبعا هو لو ربنا اجاب دعائك
هيقل شئ من ملكه
=لا
+طيب يبقى هيجيبك باللى
انت عاوزه ولكن بشروط الدعاء
=ايه هى ؟
+اولها تعرف انت بتتدعى مين ؟
=طبعا الله
+طيب يبقى تيقن ان ربنا هيجيبك
وتأكد من اجابته لك
لانه وعدك بالاجابه
+واقعد اترجى ربك
وعيط وما تتكسفش
ده ربك
وانت محتاج قربه
وحبه
ونعمه
+وادعيه فى اوقات الاجابه
=زى ايه
+بعد الاذان
واثناء السجود
ويوم الجمعه واوقات كتير
بس انت ادعى
واستنى الاجابه
واطلب اللى انت عاوزه مهما كان
حتى لو عاوز تخرج لو عاوز تشترى هدوم
=انت بتهزر
+انت عارف ان احد الصحابه
بيقول انا كنت بسأل الله كل شئ
حتى الملح
وبعدين ربنا يمتلك خزائن الارض والسماء
=طيب لعلمك ربنا ممكن ما يستجابش منى
لان انا اعصيه
+طيب اسمع
ده معنى حديث قدسى
ان موسى سأل الله كيف يجيب الدعاء
للعبد الصالح والعاصى
قال الله
العبد الصالح عندما يدعو اقول له لبيك عبدى
بينما العاصى اذا دعانى اقول له
لبيك عبدى
لبيك عبدى
لبيك عبدى
فتعجب موسى
قال له الله
اذا دعانى الصالح اعتمد على عمله ورحمتى
ولكن العاصى
فقط يعتمد على رحمتى فقط
علشان كده روح لربنا واعتمد على رحمته
وبس
وادعيه بأى طريقه بالعاميه
وادعى لكل الناس ان ربنا يهديهم
وبرضه ماتنسانيش من دعائك وربنا يهدينا
وسلام
=ربنا يكرمك ويغيرك ويغير بيك
+آمين
=السلام عليكم
+وعليكم السلام

المشاركة الأصلية كتبت بواسطة آية من الله (المشاركة 1132152) بس كان عندى اقتراح يااخ محمد وعاوزة اخد رائ الجمييع فيه ايه رائيكم نبقى جماعة ويبقى شعارنا هانتغير بجد ونعمل توقيع موحد بينا؟ علشان يبقى فى نوع من النشاط والجديية اكتر مستنية راى حضرتكم وجزاكم الله خيرا

اقتراح اكتر من رائع
وانا موافق
وجزاكى الرحمن الجنه على هذه الفكرة
وفى توقيعين


http://www10.0zz0.com/2009/03/02/10/908799976.jpg


او

بسم الله ما شاء الله

موضوع اكثر من رائع

وحملة جميلة جدا

وحلقات اجمل واجمل والله العظيم

ان شاء الله متابع معاكم من دلوقتى

وهشارك معاكم بفضل الله على قد ما اقدر

ربنا يوفق الجميع يارب

فى رعاية الله

المشاركة الأصلية كتبت بواسطة هنا الفقي (المشاركة 1134642) السلام عليكم طبعا سبق وابديت رايي واعجابي الشديد بالحملة دي او اسلوب الدعوة ده بمعنى اصح يعني وجميل جدا انها تكون حملة وخصوصا ان اسمها حماسي ويشجع وعلى التغيير لوحده كده من غير حاجة لكن لاني اشتركت ف حملات كتير قبل كده كنت بتحمس وادخل وحملة واسمي يتسجل وبعدها الاقي ان مافيش نشاط للحملة دي فلو نحدد نشاط معين او واجبات وخطوات عملية ونذكر بعض بيها اول باول ونشجع بعض عليها عشان ماحدش يكسل كون افضل طبعا بكتير اما بالنسبة للتوقيع فده هايتوقف على اتفاقنا على وجود نشاط للحملة او لا

السلام عليكم
بصراحة مش قريت الموضوع خالص
بس هقراها ان شاء الله:)
هو عموما شكله جميل اوى
و ادى بسجل متابعة اهوه

+السلام عليكم
=وعليكم السلام
+عامل ايه
=الحمد لله احسن
وبطلت كام معصيه
نهائى
والباقى بدأت اقلل منه
بس مش هقدر ابطل
+طيب هو ربنا يقدر
يخليك تبطل ؟
=طبعا
+عارف ازاى
=لوربنا عاوز يهدينى
+لا
ربنا يعملك كل اللى انت عاوزه
فقط بالدعاء
=اى حاجه اى حاجه
+طبعا هو لو ربنا اجاب دعائك
هيقل شئ من ملكه
=لا
+طيب يبقى هيجيبك باللى
انت عاوزه ولكن بشروط الدعاء
=ايه هى ؟
+اولها تعرف انت بتتدعى مين ؟
=طبعا الله
+طيب يبقى تيقن ان ربنا هيجيبك
وتأكد من اجابته لك
لانه وعدك بالاجابه
+واقعد اترجى ربك
وعيط وما تتكسفش
ده ربك
وانت محتاج قربه
وحبه
ونعمه
+وادعيه فى اوقات الاجابه
=زى ايه
+بعد الاذان
واثناء السجود
ويوم الجمعه واوقات كتير
بس انت ادعى
واستنى الاجابه
واطلب اللى انت عاوزه مهما كان
حتى لو عاوز تخرج لو عاوز تشترى هدوم
=انت بتهزر
+انت عارف ان احد الصحابه
بيقول انا كنت بسأل الله كل شئ
حتى الملح
وبعدين ربنا يمتلك خزائن الارض والسماء
=طيب لعلمك ربنا ممكن ما يستجابش منى
لان انا اعصيه
+طيب اسمع
ده معنى حديث قدسى
ان موسى سأل الله كيف يجيب الدعاء
للعبد الصالح والعاصى
قال الله
العبد الصالح عندما يدعو اقول له لبيك عبدى
بينما العاصى اذا دعانى اقول له
لبيك عبدى
لبيك عبدى
لبيك عبدى
فتعجب موسى
قال له الله
اذا دعانى الصالح اعتمد على عمله ورحمتى
ولكن العاصى
فقط يعتمد على رحمتى فقط
علشان كده روح لربنا واعتمد على رحمته
وبس
وادعيه بأى طريقه بالعاميه
وادعى لكل الناس ان ربنا يهديهم
وبرضه ماتنسانيش من دعائك وربنا يهدينا
وسلام
=ربنا يكرمك ويغيرك ويغير بيك
+آمين
=السلام عليكم
+وعليكم السلام

(أمى)
13
+السلام عليكم
=وعليكم السلام
+ايه اخبارك ؟
=كله تمام ..بس مخنوق شويه
+ليه ياعم كده
=مفيش امى زعلانه منى شويه
+..
=بس هى اللى غلطانه
+..
=علشان انا معملتش اى حاجه
ومرة واحد لقيتها..
+استنى بقى ممكن اتكلم
انت كل شويه تقاطعنى
=اتفضل
+بالله عليك انت عارف انت زعلان من مين ؟
=من امى
+شكرا على الاضافه
هو انا بقولك من خالتك
انا بقولك انت عارف مين هى الام ؟
=طبعا
+مين ؟
=هى اللى تعبت واللى ربت واللى ..
+لا فكك من الكلام بتاع زمان ده
وخلينا نتكلم بجد
+عارف الام دى يعنى ايه ؟
=يعنى ايه ؟
+قبل ما اقول لك معناها
حاول تشيل الكلمه دى من حياتك
وبجد جرب وتخيل وقولى
="مغمض عينيه"
لو شيلت الكمله دى
....
مفيش حد يفهمنى بجد
من غير ما اتكلم
مفيش حد يهتم بيا بجد
مفيش حد لو زعلان يحللى
مشاكلى من
غير ما اتكلم
مفيش حد اتناقش معاه بحريه
مفيش ...
+مفيش دى هتقولها حوالى 2مليون مره
وخلى بالك معنى كلمه مفيش
انه مش موجود
+وتخيل بعد كل مفيش
لو اصبح ليك حياه
=فعلا حياتى مش هتبقى موجوده
لان هى سبب وجودى فى الدنيا
+انا مش قصدى ولكن انت موجود دلوقتى
لكن الكلمه دى مش موجوده
حياتك هتبقى عامله ازاى
هيبقى كل كلامك زعيق
لان مفيش حد فاهمك
هتبقى مش منظم
وحياتك هتبقى فوضى
لانك ماتعرفش شئ عن النظام
وحاجات كتييير جدا
هتتغير للاسوأ
والاكبر من ده
مفيش دعوتها
الجميله
اللى تريحك وتفرحك
وكأنك مالك للدنيا
وبرضه ماتعرفش هل ربنا راضى عنك ولا
لاءه لان رضى ربك من رضاها
=يااااااه ..ده انا امى حاجه كبيره اوى
+لا كل اللى اتكلمنا عنه
ده عن كلمه
أم
فما بالك بمعنى كلمه أم
=......!!!
+معنى كلمه أم
الحنان
العطف
الفهم من اول نظره ليك
العنايه بيك
الدعوه ليك
الحضن اللى بيساوى
الدنيا باللى فيها
"يقطع الحوار بكاء صاحبنا "
+انت بتعيط
والله انت تعبان
انتى امك لسه قدامك
روح وبوس ايديها
واوعى تقول الكبرياء
لان مهما تكبر وتتكبر مش على
امك وابوك
روح والحق
دعوتين يغيروك بجد
"صاحبنا يجرى دون اذن "
"طبعا علشان يلحق عوتين
من الحاجه الوالده
وانت فين من امك
وابوك
روح لهم
ولو مات واحد منهم
ادعيله انت
وهتلقى حياتك تتغير
يلا ده من غيرهم
انسى حاجه اسمها تغير
او حياه من غيرهم "
+ يلا ..السلام عليكم

14
"ازاى ابقى صح "
+السلام عليكم
= وعليكم السلام
+ايه اخبارك
= مخنوق جدا
+ليه يا جميل
= مش عارف
+ فعلا سبب مقنع
=انا بتكلم بجد مش بهزر
+طيب متقول انت مخنوق من ايه
= والله ما عارف حاسس ان انا غلط
حاسس انى زى مابيقولم مسلم بطاقه
+طب انت عارف ازاى تبقى مسلم بجد
تبقى مسلم صح
ازاى تعيش حياتك وتبقى كوول
وانت محافظ على دينك
=...!!
=ازاى ... وهو ينفع ؟؟
+طبعا ينفع
بكل بساطه
لازم تعرف ان علشان تبقى مسلم صح
لازم تعرف
3حاجات
رقم واحد _عباده الله
رقم اتنين_الدين المعامله
رقم تلاته _انت عايش ليه
=..http://www.egycrazy.com/vb/images/smilies/385_4.gif..؟؟
انا مش فاهم حاجه !!
+ماشى وبالراحه ناخد واحده واحده
=ماشى
+اول حاجه عباده الله
ودى مش معناها صلاه وصوم وزكاه وحج
وكده يبقى زى الفل
=امال ايه ؟؟
+لا طبعا الحاجات اللى قلناها
دى اساسى وجنبها
انك تأمر بالمعروف وتشجع عليه
وتنهى عن المنكر
وتحاول تكره الناس فيه
والدعوه الى الله
ودى مش معناها انك تطلع على التلفزيون
وتتكلم فى الدين وبس
ولكن انت ممكن تدعو الى الله من غير ماتحس
=ازاى؟؟
+انت ممكن تكون ماشى انت وصاحبك
وصاحبك عمال يشتم
ويسب ويلعن
فى اى حاجه
وانت تقول له بكل بساطه
امسك لسانك شويه
او تعمل على وشك تعبير انك متضايق
مش فرحان
وهنبقى نعمل حلقات عن فن واساليب
الدعوه الى الله
وطبعا فى فى العباده حاجات كتيير بس
علشان وقت الحلقه
وتانى حاجه الدين المعامله
يعنى تعامل الناس كلها
كويس
ماتحاولش تتنرفز عليهم حتى
لو هما غلطانين فقط ممكن
تخليهم يدعولك ويحبوك اوى
بدل ما يكرهوك
=ازاى ؟
فقط ابتسم فى وجههم
وقل لهم لو هما اللى غلطانين
(ولا يهمك )
ولو انت اللى غلطان
قول
(اسف )
مش عيب ولا كتير على الجنه
وهتكسب فى الدنيا حب الناس
ودعوتين زى الفل
وماتحولش تفجع حد
علشان هتاخد ذنوب من لا شئ
وماتضحكش على حد لو حصله
موقف محرج
وحاول تمسك نفسك
لانه بيكون فى قمه غيظه
واحرجه
كل لما تقابل حد قول كلمتين
(السلام عليكم )
بيهم اخدت 20
حسنه
من غير حاجه
وماتحولش تخوف الحيوانات وارحمهم
=....http://www.egycrazy.com/vb/images/smilies/385_4.gif... ..
+ماتستغربش هو ده ديننا
وحاجات كتيير برضه وعلى رأسها
بر الوالدين
وبرضه ان عشنا هنبقى نعمل
فيها حلقات كتيير
+وتالت حاجه انت عايش ليه ؟
لازم تعرف ان ليك دور فى الدنيا
لازم تسعى اليه
لو بتدرس لو بتشتغل لو ..لو..
لازم تثبت نفسك وتضرب مثل
صح للمسلمين
وياترى لما تموت الناس هتقول فى حقك
ايه
اما مش هيقولوا حاجه
لانهم مايعرفوكش
ولا هيقولوا
والله ارتحنا منه ده كان وكان
ولا هيقولو ربنا يبارك فيه ويرحمه
ده كان كويس معانا قوى
ولازم تثبت نفسك
فى اى مكان
زى ما قال احد الصحابه
كن فى كل مكان
وافعل كل شئ
ولا تعجز عن ابهار الناس
وهبقى ان شاء الرحمن نعمل حلقات فى ده
=بصراحه انا حبيت الموضوع اوى وعاوز
اعرف تانى
+ربنا يسهل
بس وقت حلقتنا انتهى
=ماشى مستنيك
+ماشى ..يلا
السلام عليكم
=وعليكم السلام