السلام عليكم

انا صراحة مش عارفه انا عاملة الموضوع ده ليه

بس يمكن من فرحتى المفرطة لانى هسيب اولى ثانوى

وداخله على مسؤليه وهم اكبر

ومرضيتش امشي غير لما اودعها

الى اللقاء

كده يا رحمة تخضينى

ربنا يسمحك

عموما مش مهم الخضة

المهم انك لسه معانا

ودايما معانا

يا الذ رحمة فى دنيا منتدانا

وان شاء الله ثانية وثالثة ثانوى هتكون سهله

وبعدين هى رحمة يهمها

مبروك مقدما

فعلا مش عارفه ليه معظم الناس بتكره اولى ثانوى كدا........

يلا مبروك على انها خلصت وان انتى استريحتى منها يا رحمه .....هى نتيجتك طلعت.....؟!؟!؟!؟!؟

حرام انا اتخضيت

من اسم الموضوع المهم انا نفس الحكاية هاسيب اعداى وهادخل ثانوى ادعولى


رحمة اولا وانا ثانيا

لية يا رحمة بتقولى وداع

ربنا يوفق فى 2ث

ليييييه كده تخضينى حرااام عليكى
يلا مش ما انا زيك
ربناااااااا يوفقنا ان شاء الله

يا جماااعه انا والله ما كنت قاصده اخضكم

انا بس فرحانه علشان سبت اول سنة شهدت على فشلى ((مش اوى يعنى ))

مع ان نتيجتى لسه مطلعتش بس باذن الله هتبقي معقولة

عموما شكراا ليكو كلكم

وربنا يوفقنااا كلنا

برده الفشل فى اولى ثانوى منتشر ....مع ان انا كان عندى اعلى مجموع على ما اظن 96%....واللى بعده 92%


ده انا سمعت ان احنا عندنا فى مدرستنا السنادى 5 ملاحق فى الدين ( العيال اصلا بتكسل تكتب ...يعنى مش معقول مش عرفين معانى الكلمات وصح وغلط واختار اللى هى موجوده فى اى امتحان دين وبتكون معلومات عامه)

تخيلى بقى كام ملحق فى الفزياء والكمياء والرياضه.............

مبرويك للثاونيه العامه رحمه .

لول .


ده انتى هتشوفى ايام

حد يفرح انه داخل على 2 ثانوى . ده انتى طيبه قوى .

مبروك مقدما على الكليه اللى انتى عايزه تدخليها .

سلام .

ياعم ما انا اولى ثانوية بس اكره حاجة واحدة فى حياتى قبل ما اخشاها 2 ثانوية و3 ثانوي

عندنا بقى ( فيزيا - كيميا - احياء - رياضة1 - رياضة 2 )

ده يرضى مين ادعولى بقى داخل تانية اهه

وربنا يوفقفك يا رحمة يارب

مع ا لعلم انا ازهرى

يا بسمله هى موصلتش لملاحق (( طبعا انا اشك فى الفيزياء )) اما الدين فاكيد درجته كويسه .

اما يورى فالله يبشرك بالخير واكيد طبعا انا طيبة ...

اما طارق فربنا يوفقك ويوفقنا وبعدين هو انت هتاخد الخمس موااد السهلين دول كلهم ..عموما ربنا معاك

انت بتتريئى ولا بتكلمى بجد دول خمس مواد سهلين ده انا بكره اليوم اللى هخش فيه 3 ثانوى من دلوقتى

تصورى يا رحمة انا كنت موضوع زى دا من فرحتى



المهم النتيجة طلعت و الحمد لله و نتيجتى طلعت نفس مجموع طارق المئوى بس هو اكتر بواحد من عشرة فى المية

ههههههههههههههههههههههه

متخفش يا طارق مش هفتن عليك ابدا

بس تتصوروا ان واحدة زميلتى اتصلت بيا عشان راحت جابت النتيجة بنفسها مش متدلعة زييييي كدا
بتقول ان احنا الناجحين 40 بنت بس من 210 بنت ؟؟ و الباقى ملاحق

انا مش عارفة ايه ده بالضبط

فشل عالمى

الله ده انتى كان ناقص صيحيلى بقى هههههههههههههههههه

ومتخفش وبتاع ههههههههه

لا ما هو انا مش هقول ع المجموع


انا قلت زيه بس


متخفش

ربنا يوفقكم جميعا :)

يسمع من بقك ربنااا

انا اتعقدت قبل ما اخش اولى ثانوي
لالا انا كرهت شهر سبتمبر و وزير التعليم
هي بجد يعني اولى ثانوي صعبه كده لدرجة ان محدش بينجح فيها اوي؟؟
ربنا يستر بقى
ربنا معاكِ يا رحمه و يوفقك في تانيه ثانوي ان شاء الله

لا هى بصراحه مش صعبه بس رزله

اقولك عاوزة تنجزى فيها ؟؟

تابعى من الاول كل المواد لانك لوسيبتيهم فى الاخر مش هتلحقى تجمعى 11 ماده

وبعدين خلى بالك من الكيمياء والفيزياء لو هتدخلى علمى

وعلى فكرة

اولى ثانوى هايفه جداااااا

ومتقلقيش من اللى يقولولك 17 ماده

هم 11 فى المجموع وسهلين

ربنا يوفقك يا جارة القمر

بجد الواحد كان ليه حق يخاف ده في التيرم الاول ماكنش فيه غير 3 بس اللي جايبين الدرجة النهائية في الفلسفة و الحمد لله انا كنت واحدة منهم
مع ان مدرستنا فيها اكتر من 300 بنت
على فكرة انا جبت الدرجة النهائية في التيرم التاني مع اني مكنتش بفتح للفلسفة كتاب