سى السيد فارد عضلاته...وامينة بتحلف بحياته

لو حد بس يكح معاه..ببلغة قديمة يجرى وراهوتكون نهايته ومماته

وامينة خايبة وتعمل ايه..قصاد جبروت سعادة البيه عليها هى وبناته

اصحابه خلوه بقى فاسد..وكل ليلة ع البار قاعد عمال بيصرف فلوساته

ويعط دايما بره البيت..ويصيع كمان مع زيط ومعيط ويرجع بارم شنباته

وعامل نفسه ال ايه برىء... وهو بره حويط وجرىء ولا حد عارف نزواته

وبره صايع اهو وضايع..بيهلس برضو ويتمايع قدام حريمه وستاته

اه من سى السيد اه منه...مش محترم هيبته وسنه ومستقوى القلب على مراته

رجالة دى والا حثالة ...سلوكياتهم بطالة الواحد منهم يتقمع تخر منه بركاته

لو كان جوزك كده من همك.. اديه بالجزمة ولا يهمك متخلشى عليكى حركاته

ايوه ماهو راجل ولا همه..لو كان لقى حد يلمه ما كانتش حلت بركاته


وعجبىىىىىىى..

ميرسى اوى ليك يا فوكس مش عارفة اقوللك ايه على كلامك ده

بجد عاجزة عن شكرك لكن والله انا بحاول اكتب لكم اكتر فى الشعر ومواضيع ع المنتدى كمان

بدات اتب لكم فكاهيات يارب تعجبك انت والجميع.

هههههههههههههههههههههههههههههه
والله معاكى حق يبقى الواحد دول عاملى عنتر برة البيت وجوه البيت
سى السيد ههههههههههههه يا شيخة
تسلمى يا نغم

حلوة اوي يا نغم شكرا بجد موضوع تحفة

هههههههه
شكرا ليكى يا نغم على الكلام ده

كويس والله
هو ده العدل

هنا سى السيد
وهناك شعبان

هههههههههه

والله حلوة

راااااااااااااااااااائعة

بجد بجد حلوة قوى

واسلوبك لذيذ وممتع

شكرا نغم على هالموضوع

ميرسى مهورة وانت يا بورسعيدى شفت باه عشان تعرف انى بعبر عن اتجاهات مختلفة بدون تحيز

وميرسى يا زيزو

لاتعليق

(لا تعليق).... ليه يا حمادة

يهمنى التعليق حتى لو كان الموضوع مش عاجبك ده من حقك لان كل انسان وليه وجهة نظر

طبعا مع احتفاظنا بالقاعدة الثابتة ان الاختلاف فى الراى لا يفسد للود قضية

واشكرك على اى حال

ههههههههههههههههههههههههههههههههههههههههههه

الموضوع تحفة يا نغم بس انا اعتقد لو كان سى السيد متجوزك انتى

مكنش فكر ابدا يضايقك ده مكنشى ساب البيت اساسا

شكرا جدا يا سكره
تسلمي...يا نغم

اشكرك جدا يا اسماء على كلامك الجميل

اما انت يا اخ خالد يا ريت تعليقاتك تكون اظرف من كده

شكرا

العفو يا حمادة

والى الامام دائما

ايه يا نغم هانم ده انتي بتقلبي الستات علينا .لووووووول


لا بجد جميل يا نغم

سي السيد وامينه دول اتلغوا من زمان يا بنتي :)

خلاص مابقاش فيه الكلام ده

بس موضوع كويس

برافوا الى الامام اانتى عارفة كويس انى متاكد من موهبتك ويريت تعرفينى اخبارك اول باول

هو فعلا سى السيد وامينة اتلغوا بس يبقى مثال الرجل الهلاس قائما حتى اليوم

وربنا يا نيو انا مبقلبش الستات عليكو ولا حاجة


وانت يا ليون هتسمع عنى كل خير ان شاء الله


وميرسى للمرور والمتابعة

والله يااحلام يعجبني في الموضوع ان الست عارفة بردة الفرق بينها وبين الراجل
ومع ذلك بيحقدوا عليه
ومش راضيين باللي خدوه من حقوق
مع العلم انهم بيتمنوا يبقوا زي امينة
مش كدة يا امينة

اولا عصر امين وسيد انتهى وكلمتك يا نغم ان الرجل الهلاس لسه موجود فنقول بردة ان الست الهلاسة موجودة بردو
بس كموضوع جميل :)